Swyddi Cymraeg

Gwahoddir ceisiadau am y swydd lawn-amser, barhaol uchod yng Ngholeg y Celfyddydau, Dyniaethau a Busnes. Bydd y dyletswyddau'n cynnwys darparu cefnogaeth cynorthwyydd personol i Ddeon y Coleg yn ogystal â chefnogaeth weinyddol gyffredinol ar gyfer gweithgareddau ledled y coleg.

Dylai ymgeiswyr feddu ar addysg hyd at 2 AS neu 1 Lefel A neu NVQ Lefel III (neu gyffelyb) a phrofiad o weithio mewn swydd weinyddol, ym maes addysg yn ddelfrydol. Mae sgiliau cyfathrebu a rhyngbersonol da yn hanfodol.

Mae gallu cyfathrebu yn Gymraeg yn hanfodol i'r swydd hon.

Disgwylir i’r ymgeisydd llwyddiannus ddechrau yn y swydd cyn gynted â phosib.

Byddwch yn gweithio ar y campws ym Mangor. Trwy ein fframwaith Gweithio Deinamig, bydd dewis hefyd i dreulio peth amser yn gweithio o bell (er yn aros yn y Deyrnas Unedig) i gynnal cydbwysedd bywyd a gwaith. Trafodir hynny ymhellach gyda’r ymgeiswyr yn y cyfweliad.

Ystyrir ceisiadau hefyd i wneud y swydd yn rhan-amser neu rannu’r swydd.

Derbynnir ceisiadau ar-lein yn unig, trwy ein gwefan recriwtio, jobs.bangor.ac.uk. Ond os cewch drafferth defnyddio’r wefan oherwydd anabledd, mae ffurflenni cais papur ar gael trwy ffonio 01248 383865.

**Dyddiad cau ar gyfer ceisiadau: **20 Mawrth 2023.

Wedi Ymrwymo i Gyfle Cyfartal