Swyddi Cymraeg

Byddwch yn gyfrifol am gyflawni ymchwil i gefnogi mentrau ac ymgyrchoedd Blaengynllun Gwaith CCW. Byddwch yn arwain y swyddogaeth Ymchwil ac yn nodi a datblygu atebion ymchwil, gan sicrhau darpariaeth ymchwil, wrth dywys CCW ar ganfyddiadau a chasgliadau ymchwil, effeithiau posibl ar bolisi, gofynion ymchwil newydd a phroblemau posibl.

Amdanom ni:

CCW yw’r llais annibynnol a brwd sy’n cynrychioli defnyddwyr dŵr yng Nghymru a Lloegr. Rydym yn cefnogi miloedd o bobl bob blwyddyn, gan ddarparu cyngor a chymorth am ddim er mwyn helpu pobl i ddatrys eu cwynion gyda’u cwmni dŵr mewn ffordd hawdd a gofalgar. Rydym yn cefnogi anghenion a buddiannau pawb, gan gynnal ac amlygu gwaith ymchwil sy’n dylanwadu ar gwmnïau dŵr, y llywodraeth a’r rheoleiddiwr er mwyn sicrhau newid.

Yr Adran Polisi ac Ymchwil sy’n gyfrifol am ddatblygu ein sail dystiolaeth a fydd yn ei dro yn ein helpu i ddatblygu polisïau er budd defnyddwyr. Rydym yn gwneud hyn drwy:

·   Gynnal ymchwil gyda chwsmeriaid

·   Casglu a dadansoddi data cwmni cymharol

·   Cadw mewn cysylltiad â chwmnïau a monitro eu perfformiad ar lefel leol

·   Datblygu, profi a chytuno ar bolisïau

·   Dylanwadu ar gwmnïau, rheoleiddwyr a rhanddeiliaid.

Ein gwerthoedd:

Rydym yn disgwyl holl gydweithwyr CCW i ymgorffori a dathlu gwerthoedd CCW ac yn eu cefnogi i wneud hynny drwy Egni Positif, Parch i bawb, Ysbryd arloesol, Cyflawni ein haddewidion ac Ymgysylltu fel un.

Yr hyn y byddwch chi’n ei wneud:

Byddwch yn gyfrifol am gyflawni ymchwil i gefnogi mentrau ac ymgyrchoedd Blaengynllun Gwaith CCW. Byddwch yn arwain y swyddogaeth Ymchwil ac yn nodi a datblygu atebion ymchwil, gan sicrhau darpariaeth ymchwil, wrth dywys CCW ar ganfyddiadau a chasgliadau ymchwil, effeithiau posibl ar bolisi, gofynion ymchwil newydd a phroblemau posibl.

Byddwch yn darparu mewnbwn adeiladol i gynigion ar gyfer ymchwil gyda defnyddwyr, a bydd allbynnau hyn yn llywio polisi cwmni CCW ar gyfer cwsmeriaid dŵr.

Elfen allweddol o’r rôl hon yw herio CCW i gadw ei ddull seiliedig ar dystiolaeth a sicrhau bod ymchwil yn cael ei chyfathrebu’n effeithiol yn fewnol a gyda rhanddeiliaid allweddol.

Am bwy rydym ni’n chwilio:

Fel Rheolwr Ymchwil, byddwch yn gallu arddangos:

- Profiad o weithio ym maes ymchwil cwsmeriaid gyda gwahanol dechnegau ymchwil

- Sgiliau datblygu ymchwil a pholisi

- Y gallu i ddehongli canfyddiadau ymchwil (ansoddol a meintiol)

- Y gallu i gynrychioli CCW yn effeithiol gyda rhanddeiliaid allanol

- Hyder i siarad mewn grwpiau ac mewn digwyddiadau lle gellid gweld gwahanol safbwyntiau

- Dull creadigol o ddatrys problemau

- Profiad o reoli sawl prosiect ar yr un pryd

- Parodrwydd i deithio o gwmpas Cymru a Lloegr

- Hyblygrwydd i weithio y tu allan i oriau swyddfa arferol o bryd i’w gilydd.

Dymunol

- Addysg i lefel radd (neu gyfwerth)

- Aelodaeth o Gymdeithas Ymchwil y Farchnad

- Profiad o weithio mewn amgylchedd defnyddwyr ar faterion ar lefel genedlaethol

- Gwybodaeth am y diwydiant dŵr a/neu reoleiddio cyfleustodau.

Cyflog a Buddion:

Mae CCW yn cynnig cyflog cychwynnol o £33,835 gyda’r cyfle i gynyddu eich cyflog drwy berfformiad i hyd at £36,000.

Mae buddion yn cynnwys Pensiwn y Gwasanaeth Sifil, Opsiynau Gweithio’n Hyblyg, Benthyciadau Tocyn Tymor Teithio, Benthyciadau Beiciau, Mynediad am ddim at Health Assured a llawer mwy.