Swyddi Cymraeg

Ni yw Mind Cymru, yr elusen iechyd meddwl. Rydyn ni eisiau sicrhau nad oes neb yn wynebu problem iechyd meddwl ar ei ben ei hun. Rydyn ni'n rhoi cyngor a chymorth i rymuso unrhyw un sy'n profi problem iechyd meddwl. Rydyn ni’n ymgyrchu i wella gwasanaethau, codi ymwybyddiaeth a hyrwyddo dealltwriaeth.

Ni fyddwn yn rhoi'r gorau iddi nes bod pawb sy'n cael problem iechyd meddwl yn cael cymorth a pharch.

Gwybodaeth am y swydd

Yn y swydd hon, byddwch yn gweithio gyda’r tîm yng Nghaerdydd i gefnogi’r gwaith o ddatblygu ein sylfaen dystiolaeth a’n safbwyntiau polisi gyda’r canlyniad o wella bywydau a phrofiadau pobl â phroblemau iechyd meddwl. Ar adeg pan fydd strategaeth iechyd meddwl deng mlynedd Llywodraeth Cymru yn cael ei lansio, bydd y swydd hon yn cefnogi’r tîm i ddylanwadu ar y strategaeth nesaf, gan sicrhau bod anghydraddoldebau iechyd meddwl yn cael sylw a bod pawb yn gallu cael gafael ar y cymorth sydd ei angen arnynt, pan fydd ei angen arnynt.

Byddwch yn cefnogi gwaith polisi ac ymgyrchoedd o ddydd i ddydd drwy gynnal gwaith ymchwil, ysgrifennu briffiau, cyfrannu at ymgysylltiad y tîm â phobl sydd â phrofiad uniongyrchol o broblemau iechyd meddwl a chefnogi’r gwaith o ddatblygu teithiau ymgyrchwyr Cymraeg. Byddwch hefyd yn gweithio’n agos gydag aelodau eraill o’r adran Cysylltiadau Allanol i ddarparu digwyddiadau a chanlyniadau ymgyrchoedd.

Hoffem glywed gennych chi os oes gennych y pethau canlynol:

Profiad o weithio mewn swydd gyhoeddus sy’n gofyn am sgiliau cyfathrebu da a meddwl yn ddadansoddol.

Gallu deall a dadansoddi gwybodaeth gymhleth, ee adroddiadau ymchwil, dogfennau polisi, deddfwriaeth a data.

Profiad o ddatblygu a chynnal perthynas waith effeithiol yn fewnol ac yn allanol.

Gallu gweithio mewn tîm a gydag agwedd gadarnhaol at ddatrys problemau.

Ein hymrwymiad

Rydyn ni wedi ymrwymo i fod yn wrth-hiliol ym mhopeth rydyn ni'n ei wneud. Mae hyn yn flaenoriaeth hollbwysig i Mind. Rydyn ni’n croesawu amrywiaeth ac yn deall y byddwn, drwy fod yn sefydliad cynhwysol sy’n cydnabod gwahanol safbwyntiau, yn gallu darparu gwasanaethau rhagorol. Rydyn ni wedi ymrwymo i sicrhau bod ein holl weithwyr yn cael eu trin yn deg ac yn gyfartal yn y gwaith ac i hyrwyddo tegwch i bawb o ran iechyd corfforol a meddyliol.

Mae Mind yn croesawu pob ymgeisydd ac yn awyddus i sicrhau bod eu tîm yn adlewyrchu amrywiaeth y DU a’r cymunedau maent yn eu gwasanaethu. Hoffent annog ceisiadau gan bobl anabl, LGBT ac o gefndiroedd Du, Asiaidd a Lleiafrifoedd Ethnig.

Manylion y cais

Y dyddiad cau ar gyfer cyflwyno ceisiadau yw Dydd Mawrth 7fed Mawrth - 12.00 canol dydd

Mae hon yn swydd gyffrous ac amrywiol ar gyfer unigolyn sy’n mwynhau’r cyfle i ddatblygu a chynnal perthynas waith ragorol gyda phobl hyn a rhanddeiliaid allweddol.

Byddwch yn ymwneud â meysydd polisi sy’n gysylltiedig â’r wyth maes sy’n ystyriol o oedran ac yn defnyddio eich sgiliau dylanwadu i annog a galluogi rhanddeiliaid i rannu arfer da. Mae gallu cyfathrebu’n fedrus yn y Gymraeg yn hanfodol.

Mae modd cyflwyno ceisiadau yn Gymraeg, ni fydd cais a gyflwynir yn Gymraeg yn cael ei drin yn llai ffafriol na chais a gyflwynir yn Saesneg.

Am ragor o wybodaeth a manylion ymgeisio, ewch i'n gwefan. Dyddiad Cau: Dydd Llun 30 Ionawr 4.00y.p

Os byddwch chi ar y rhestr fer, mae’n rhaid i chi fod ar gael i ddod i gyfweliad ar Dydd Mercher 15 Chwefror.

I wneud cais am rôl yr Arweinydd Polisi ac Ymarfer, gwnewch gais drwy'r botwm a ddangosir. Mae'r swydd wag hon yn cael ei hysbysebu gan Webrecruit. Mae'r gwasanaethau a hysbysebir gan Webrecruit yn rhai Asiantaeth Gyflogaeth.

Mae gennym nodau pwysig dros y blynyddoedd nesaf.

Rydyn ni'n mynd i frwydro dros iechyd meddwl mewn ffordd na wnaethom erioed o’r blaen.

Gyda’n gilydd, byddwn yn gweithio i wneud yn siŵr bod pawb sydd â phroblem iechyd meddwl yn cael y gefnogaeth a’r parch maen nhw’n eu haeddu.

Wnewch chi ymuno â ni?

Mind yw un o’r prif elusennau iechyd meddwl yng Nghymru. Mae gennym gynlluniau uchelgeisiol i helpu mwy o bobl sy’n cael trafferth gyda phroblemau iechyd meddwl, ac ar hyn o bryd rydym wrthi’n adeiladu tîm o bobl i fwrw ymlaen â’r uchelgais hwn.

Rydym yn chwilio am Gynghorydd Dylanwadu - System Iechyd Meddwl (Cymru) a fydd yn gweithio gyda, yn cefnogi ac yn cynghori gwasanaethau Mind Lleol yng Nghymru i gynyddu eu gwybodaeth, eu dealltwriaeth a’u dylanwad ar y systemau iechyd meddwl y maent yn gweithredu ynddynt, gyda’r bwriad o sicrhau newid o fewn y system, er budd y rhai sydd angen cefnogaeth y gwasanaethau sydd ar gynnig.

Daw’r rôl hon ar adeg dyngedfennol, gyda’r argyfwng iechyd meddwl yn parhau i dyfu ledled Cymru, a’r gwasanaethau presennol yn ei chael yn anodd cefnogi’r galw cynyddol.

Dyddiad cau: 11 Ionawr 2023

Mae Mind yn cadw’r hawl i gau’r cyfnod ymgeisio’n gynnar os byddwn yn cael llawer iawn o ymgeiswyr cryf – felly rydyn ni’n eich annog i gyflwyno eich cais yn gynnar.

Mae Mind wedi ymrwymo i gyfle cyfartal i bob aelod o staff, ac mae ceisiadau yn cael eu hannog gan unigolion waeth beth yw eu hoed, anabledd, rhyw, ailbennu rhywedd, cyfeiriadedd rhywiol, beichiogrwydd a mamolaeth, hil, crefydd neu gred a phriodas a phartneriaethau sifil.

Edrychwch ar y Disgrifiad o’r Swydd pan fyddwch chi’n cwblhau eich cais oherwydd bydd ymgeiswyr yn cael eu dewis i’r rhestr fer yn seiliedig ar i ba raddau maen nhw’n bodloni’r meini prawf.

Y Cyngor Meddygol Cyffredinol yw'r rheoleiddiwr annibynnol ar gyfer meddygon yn y DU ac mae'n rheoleiddio yng nghyd-destun gweithlu gofal iechyd wedi'i globaleiddio, lle mae gweithlu meddygol y DU yn gynyddol ryngwladol ac amrywiol yn ethnig Mae'r GMC wedi ymrwymo i ddiogelu cleifion ar draws pedair gwlad y Deyrnas Unedig trwy sicrhau safonau uchel o addysg ac ymarfer meddygol. Mae'n gwneud hyn trwy weithio gyda meddygon, adrannau iechyd llywodraeth, cyflogwyr, addysgwyr meddygol a grwpiau cleifion.   Mae Pennaeth GMC Cymru yn rôl uwch hollbwysig ar gyfer y Cyngor Meddygol Cyffredinol Gan adrodd i'n Cyfarwyddwr Materion Cyhoeddus a Swyddfeydd Cenedlaethol Cynorthwyol, byddwch yn darparu arweinyddiaeth strategol yn fewnol yn ogystal ag yn allanol i sicrhau darparu swyddogaethau statudol ac amcanion strategol GMC o fewn Cymru. Yn fewnol, bydd hyn yn golygu arwain ein swyddfa Cymru a sicrhau bod y gweithrediadau eang a ddarperir gan y tîm yn effeithlon ac effeithiol ym mhob maes, ynghyd â gweithio ar draws y GMC i addysgu, cynorthwyo a chydlynu ymdrechion i uchafu ein heffaith. Yn allanol, byddwch yn chwarae rhan arweiniol yn cynrychioli'r GMC mewn perthnasoedd i'r lefelau uchaf o'r sector iechyd a'r llywodraeth. Byddwch yn cyfrannu'n eang ar amrediad o feysydd polisi a darparu gwahanol. Byddwch yn darparu cymorth i ddarparwyr gofal iechyd ar draws y genedl ac yn cael y cyfle i ffurfio meddwl polisi yn unol a strategaeth GMC ehangach a'ch syniadau eich hun o ble gallwn gael effaith.

Bydd ein Pennaeth GMC Cymru yn dod â dealltwriaeth drwyadl o'r dirwedd, prosesau a blaenoriaethau gwleidyddol, gofal iechyd a pholisi yng Nghymru. Bydd ganddo/ganddi brofiad arweinyddiaeth wedi'i brofi mewn amgylchedd cymhleth sy'n cael ei graffu arno'n fawr, a hanes cryf o arwain a datblygu timau cynhwysol. Bydd yn arddangos y gallu i ymgysylltu ar lefel uwch gredadwy ac i adeiladu perthynas, gan ymgysylltu, dylanwadu a gweithio'n briodol gyda sefydliadau eraill, gan adeiladu consensws a gwneud penderfyniadau cadarn yn wyneb problemau cymhleth. Byddwch yn dod â sgiliau rhyngbersonol rhagorol, byddwch yn wleidyddol graff, â gallu adeiladu perthnasoedd a chyfathrebu neilltuol. Byddwch yn dod â'r mewnwelediad, gallu dadansoddol, gweledigaeth strategol a phenderfyniad i gyflawni pethau yn y rôl ddiddorol ac ymestynnol unigryw hon. Mae diwylliant mor hanfodol â gallu, a bydd ein pennaeth GMC Cymru yn gweithredu'n gwbl unol â'n hymddygiadau arweinyddiaeth, modelu rôl ac yn datblygu hyn yn ein tîm.

Mae'n sefydliad wedi'i adeiladu ar degwch ac ymddiriedaeth - ymddiriedaeth y cleifion a'r proffesiwn meddygol. Rydym yn darparu amgylchedd gwaith cynhwysol lle mae pawb yn cael eu gwerthfawrogi ac rydym yn croesawu persbectifau a syniadau newydd y gallech eu cyflwyno. Rydym wedi gosod cydraddoldeb, amrywiaeth a chynhwysiad wrth galon ein strategaeth gorfforaethol, fel rheoleiddiwr proffesiwn cynyddol amrywiol yn ogystal â fel sefydliad. Mae cynyddu amrywiaeth ein harweinyddiaeth yn flaenoriaeth allweddol, ac anogir ymgeiswyr o bob cefndir i ymgeisio.

Am ragor o wybodaeth ac i wneud cais cliciwch ar y ddolen isod, ac am sgwrs gyfrinachol galwch ein hymgynghorwyr cynghorol yn GatenbySanderson, Olivia Robinson neu Matt Malone ar 07964 826291.

Mae hon yn swydd gyffrous ac amrywiol ar gyfer unigolyn sy’n mwynhau’r cyfle i ddatblygu a chynnal perthynas waith ragorol gyda phobl hŷn a rhanddeiliaid allweddol.

Disgrifiad:

Byddwch yn ymwneud â meysydd polisi sy’n gysylltiedig â’r wyth maes sy’n ystyriol o oedran ac yn defnyddio eich sgiliau dylanwadu i annog a galluogi rhanddeiliaid i rannu arfer da. 

Mae gallu cyfathrebu’n fedrus yn y Gymraeg yn hanfodol.

Mae hon yn rôl allweddol er mwyn sicrhau bod strategaeth effeithiol ar gyfer ymgysylltu â gwleidyddion a rhanddeiliaid yn bodoli o hyd, a bod ein perthnasoedd adeiladol a dylanwadol â rhanddeiliaid allweddol yn cael eu cynnal.

Wrth gefnogi’r Cyfarwyddwr Polisi, byddwch yn helpu i nodi materion polisi a gwleidyddol, a risgiau a chyfleoedd sy’n amlygu eu hunain, a chefnogi’r gwaith o ddatblygu dogfennau polisi allweddol.

Mae modd cyflwyno ceisiadau yn Gymraeg, ni fydd cais a gyflwynir yn Gymraeg yn cael ei drin yn llai ffafriol na chais a gyflwynir yn Saesneg. 

I gael rhagor o wybodaeth a manylion ymgeisio, ewch i ein gwefan.

Dyddiad Cau: Dydd Llun 21 Tachwedd 12.00y.p.

Os byddwch chi ar y rhestr fer, mae’n rhaid i chi fod ar gael i ddod i gyfweliad ar Dydd Iau 1 Rhagfyr.

I wneud cais fel Cynorthwyydd Polisi a Materion Cyhoeddus, gwnewch gais trwy'r botwm a ddangosir. Mae'r swydd wag hon yn cael ei hysbysebu gan Webrecruit. Mae'r gwasanaethau a hysbysebir gan Webrecruit yn rhai Asiantaeth Gyflogaeth.

Mae amser yn brin, ac mae ein planed dy angen di. Rydyn ni yn WWF Cymru yn chwilio am gefnogwr brwd o’r amgylchedd naturiol sydd â sgiliau eiriolaeth arbennig i arwain ar ddatblygu a chyflwyno ein gwaith polisi ac eiriolaeth yng Nghymru.

Fel Pennaeth Polisi ac Eiriolaeth byddi’n chwarae rôl allweddol er mwyn cyflawni ein nod o fyd lle mae pobl a natur yn ffynnu. Bydd hyn yn cynnwys dylanwadu ar uwch benderfynwyr yn y Senedd, sefydliadau allanol a busnesau. Byddwn yn dibynnu arnat i sicrhau ein bod yn llwyddo i gael effaith yng Nghymru, yn y DU ac yn rhyngwladol. Byddi yn cydweithio gyda chydweithwyr i ddatblygu ymgyrchoedd integredig yn ogystal ag adeiladu cysylltiadau ag elusennau â’r sectorau cyhoeddus a phreifat yng Nghymru er mwyn ennill cefnogaeth ar gyfer ein cynigion allweddol. Byddi hefyd yn cyfrannu at ddatblygiad cynlluniau gweithgaredd, eiriolaeth gwleidyddol a pholisïau y DU. Bydd hyn yn cynnwys adrodd ar gynnydd mewn cynlluniau a rhannu llwyddiannau ar er mwyn cael effaith ar benderfyniadau ar lefel y DU a byd-eang. Yn arwain tîm bychan, byddi’n rheoli cyllidebau a gweithredu fel llefarydd yn y cyfryngau. Byddi’n ein cynrychioli ar lefel uwch mewn nifer o rwydweithiau allweddol yn ogystal a darparu arweiniad i gydweithwyr lefel uwch ar faterion polisi.

I chwarae dy ran i wireddu ein effaith yng Nghymru, bydd angen profiad sylweddol arnat o arwain datblygu a gweithredu polisi amgylcheddol a dealltwriaeth gryf o llywodraeth a gwleidyddiaeth yng Nghymru. Byddi hefyd yn arbenigwr ar arwain cynnydd strategol a gweithredu ar waith polisi ac yn meddu ar wybodaeth arbenigol ar faterion amgylcheddol. Yn rwydweithiwr a dylanwadwr heb ei ail, yn ddiplomydd a pherswadiwr sydd â sgiliau llafar ac ysgrifenedig rhagorol, byddi’n arbennig am adeiladu perthnasau.

Os wyt ti’n angerddol dros wneud ein byd yn le gwell drwy dy waith, rydyn ni eisiau clywed gen ti. Clicia ar y linc i ymgeisio drwy ein gwefan. Cofrestra ar-lein a danfon copi o dy CV diweddaraf gyda’r Datganiad Cefnogol yn dangos sut wyt ti’n addas i weithio gyda ni.

Mae pob rôl yn WWF yn agored i geisiadau gan bob rhan o’r gymdeithas. Credwn ym mhotensial pawb heb ystyried; rhyw, hil, crefydd neu gred, tarddiad ethnig, gallu corfforol gwahanol, strwythur teuluol, ffactorau economaidd-gymdeithasol, oed, cenedligrwydd neu ddinasyddiaeth, partneriaeth briodasol, ddomestig neu sifil, cyfeiriadedd rhywiol, hunaniaeth o ran rhywedd, neu unrhyw agwedd arall sy’n golygu mai chi yw chi. Yma yn WWF, rydym wedi ymrwymo i gynhwysiant ymwybodol sy’n helpu i feithrin ethos o berthyn, cysylltiad a nod cyffredin. Yn ein barn ni, po fwyaf amrywiol ydym ni, gorau y byddwn ni; mae hyn yn ein dwyn ynghyd ac yn ein grymuso i ddatblygu, ymgysylltu ac ysbrydoli; ac yn hollbwysig, i helpu i greu dyfodol lle gall pobl fyw mewn cytgord â natur.  

Mae ein polisïau a’n buddion yn adlewyrchu’r ffaith ei bod yn bwysig i bobl allu cael cydbwysedd da rhwng bywyd a gwaith a gallu dod â’u ‘hunan llawn’ i’r gwaith. 

Mae ar ein byd eich angen chi mwy nag erioed o’r blaen. Ni yw’r genhedlaeth gyntaf sy’n gwybod ein bod ni’n dinistrio’r byd ac mae’n bosibl mai ni yw’r genhedlaeth olaf a all wneud unrhyw beth yn ei gylch. Rydyn ni’n chwilio am bobl sy’n teimlo’n angerddol ynghylch ei gwneud yn annerbyniol yn wleidyddol, yn gymdeithasol ac yn economaidd dinistrio adnoddau naturiol ein planed. Mae arnom angen ichi ymuno yn y frwydr dros ein byd.

Dyma gyfle gwych i weithio gyda thîm ymroddedig a defnyddio’ch angerdd dros ddatblygu polisïau ym meysydd cadwraeth a chynaliadwyedd i helpu i achub ein planed.

Ymunwch â ni fel Arbenigwr Materion Cyhoeddus a defnyddiwch eich arbenigedd ym maes materion cyhoeddus i ddylanwadu ar system wleidyddol Cymru a’r rhanddeiliaid perthnasol.

Oes gennych chi ddiddordeb mewn dod â'ch sgiliau dadansoddol a datrys problemau i sefydliad sy'n helpu i sicrhau hyder ac ymddiriedaeth yn etholiadau Cymru?

Yr ymgeisydd llwyddiannus

Rydym yn chwilio am weithiwr polisi proffesiynol, egnïol, rhagweithiol a medrus i'n helpu i ddatblygu ein hagenda polisi a chyfrannu ein harbenigedd a'n mewnwelediad i ddadleuon ynghylch dyfodol etholiadau yng Nghymru. 

Byddwch yn gyfforddus wrth weithio mewn amgylchedd cyflym, ar eich liwt eich hun, yn ogystal â rhan o dîm cydweithredol a deinamig. Bydd gennych wybodaeth ragorol o brosesau llunio polisïau a deddfwriaeth yng Nghymru ac yn San Steffan, y gallu i ddefnyddio tystiolaeth a sgiliau datrys problemau i ddatblygu dulliau polisi creadigol; a sgiliau rhyngbersonol rhagorol sy'n eich galluogi i adeiladu perthnasoedd cryf â rhan-ddeiliaid mewnol ac allanol. 

Byddwch yn hyderus ac yn gyfathrebwr sy’n gallu argyhoeddi gyda’r sgiliau i gyflwyno dadansoddiad effeithiol wedi'i anelu at aelodau'r cyhoedd a llunwyr polisi. 

Y Rôl

Byddwch yn gweithio'n agos gyda phob aelod o'n timau yng Nghymru, Deddfwriaeth a Pholisi, ond byddwch yn benodol gyfrifol am ddatblygu a chyflawni agenda polisi'r Comisiwn ar gyfer digwyddiadau etholiadol Cymru. Byddwch yn gweithio gyda thimau ar draws y Comisiwn i sicrhau bod ein dadansoddiad polisi yn seiliedig ar dystiolaeth ac y gellir ei gyflawni; a sicrhau bod cynigion deddfwriaethol uchelgeisiol a chymhleth posibl yn glir ac yn ymarferol.

Bydd gennych gyfrifoldeb am gychwyn a gyrru gwaith polisi a phrosiectau ymlaen, a darparu cyngor polisi i uwch reolwyr a chydweithwyr yn y Comisiwn.

Er mwyn arwain a hysbysu’r ddadl gyhoeddus ehangach am etholiadau bydd angen i chi hefyd ddatblygu perthnasoedd gwaith rhagorol gyda swyddogion y llywodraeth a rhan-ddeiliaid eraill, gan gynnwys pleidiau gwleidyddol a rheoleiddwyr eraill. Byddwch yn gweithio gyda'n tîm cyfathrebu allanol i ymateb i faterion y Senedd, ac i sicrhau bod deddfwriaeth a dadleuon yng Nghymru a ledled y DU lle bo hynny'n berthnasol yn cael eu llywio gan arbenigedd a phrofiad y Comisiwn.

Gwaith yn y Comisiwn Etholiadol

Y Comisiwn Etholiadol yw'r corff annibynnol sy'n goruchwylio etholiadau a rheoleiddio cyllid gwleidyddol yn y DU. Rydym yn gweithio i hyrwyddo hyder y cyhoedd yn y broses ddemocrataidd a sicrhau ei hygrededd. 

Rydym yn cynnig telerau ac amodau gwych, gan gynnwys oriau gweithio hyblyg a'r gallu i ymuno â threfniadau pensiwn y Gwasanaeth Sifil (yn ddibynnol ar reolau'r cynllun). Os oes gennych ddiddordeb mewn gwneud cais am y rôl hon, ewch i'n gwefan http://www.electoralcommission.org.uk/jobs i lawrlwytho'r swydd ddisgrifiad, cyn gwneud cais ar-lein.

Mwy o wybodaeth a sut i wneud cais

Os yw’r rôl hon yn swnio’n addas i chi, fe garem ni glywed gennych chi. Er mwyn gwneud cais, cofrestrwch ar ein tudalen swyddi gwag ar ein gwefan a chwblhau cais sydd yn cynnwys datganiad cymorth yn dangos sut mae ateb y meini prawf yn y swydd ddisgrifiad.

Rydym yn cynnig telerau ac amodau gwych, gan gynnwys oriau gweithio hyblyg a'r gallu i ymuno â threfniadau pensiwn y Gwasanaeth Sifil (yn ddibynnol ar reolau'r cynllun).

Am fwy o wybodaeth, cysylltwch â Rhydian Thomas, Pennaeth y Comisiwn Etholiadol Cymru drwy [email protected].

Hoffem gynyddu amrywiaeth ein gweithwyr yn barhaol. Mae croeso arbennig i geisiadau gan ymgeiswyr Du, Asiaidd a Lleiafrifoedd Ethnig. 

Efallai y byddwn yn defnyddio offer fideo-gynadledda ar gyfer y cyfweliadau. Byddwn yn cadarnhau y manylion gydag ymgeiswyr a fydd ar y rhestr fer.   Rydym yn rhwymedig i gyfle cyfartal ac yn croesawu ceisiadau o bob rhan o’r gymuned.