Swyddi Cymraeg

Rydyn ni'n chwilio am Reolwr Marchnata a Chyfathrebu i ymuno â'r tîm.

Cyfle i arwain ar holl elfennau marchnata a chyfathrebu’r Eisteddfod, gan gynnwys ein platfformau digidol a’n gwefan, gan gynnwys ein sianeli cyfryngau cymdeithasol, llunio a gweithredu ein strategaethau cyfathrebu lleol a chenedlaethol, y wasg a’r cyfryngau, hysbysebu, creu copi mewn print ac ar-lein, a llawer mwy. 

Prif Ddyletswyddau - Llunio a gweithredu strategaethau cyfathrebu a marchnata’r Eisteddfod yn ganolog ac ar gyfer pob Eisteddfod unigol.

- Rheoli, hybu a pharatoi arweinyddiaeth greadigol gan ddatblygu adnoddau a systemau i hybu gweithgareddau, a monitro, datblygu a chodi proffil yr Eisteddfod yn y wasg a’r cyfryngau.

- Comisiynu a rheoli ymchwil yn ôl yr angen a chreu, coladu a llunio arolygon er mwyn paratoi gwybodaeth ystadegol i hysbysu penderfyniadau’r Tîm Rheoli a’r Bwrdd.

- Rheoli prosesau ymgyrchoedd hysbysebu’r Eisteddfod ynghyd â hybu ac amddiffyn y brand a’r ddelwedd gorfforaethol drwy reoli enw da'r Eisteddfod yn gyhoeddus.

- Monitro ffynonellau gwybodaeth a gynhyrchir gan sefydliadau allanol perthnasol a chynghori'r Tîm Rheoli a’r Bwrdd ar ymateb corfforaethol.

- Cyfathrebu gwybodaeth gorfforaethol berthnasol yn rheolaidd i gyd-weithwyr.

- Arwain ar greu a chyhoeddi llenyddiaeth swyddogol yr Eisteddfod mewn print ac ar-lein.

- Rheoli sianelau cyfryngau cymdeithasol yr Eisteddfod.

- Cynllunio a gweithredu anghenion cyhoeddusrwydd noddwyr.

- Rheoli, datblygu a diweddaru gwefan a phlatfformau digidol yr Eisteddfod, gan gynnwys paratoi a golygu clipiau fideo drwy gydol y flwyddyn.

- Paratoi cylchlythyrau electronig ar gyfer ymgysylltu gwleidyddol, a chadw mewn cysylltiad gydag ymwelwyr a chwsmeriaid.

Math o gytundeb: Parhaol

Cyflog: £34,250 - £36,352. Penodir ar waelod y raddfa.

Dyddiad cau: 8 Chwefror 2023

Cyfweliadau: 16 / 17 Chwefror (lleoliad i’w gadarnhau).

Sut i ymgeisio: Cwblhewch y ffurflen gais a’i dychwelyd at [email protected]. Mae croeso i chi gysylltu â [email protected] i drefnu sgwrs anffurfiol cyn y dyddiad cau.

Rydym yn chwilio am Swyddog Cyfathrebu a Chyfryngau Cymdeithasol dwyieithog i chwarae rhan ganolog mewn cefnogi ein cydweithwyr Cyfathrebu, Cysylltiadau Cyhoeddus a Chyfryngau a Digwyddiadau i gyflawni gweithgarwch allanol a mewnol yn y Gymraeg a'r Saesneg. Byddwch yn gweithio'n agos gyda'r Swyddog Cyfryngau Cymdeithasol i adeiladu ymgyrchoedd wedi'u halinio ar gyfer y gwahanol sianeli, gan sicrhau bod cynnwys yn cael ei deilwra i fodloni gofynion allweddol y gynulleidfa er mwyn cynyddu ymgysylltiad a chodi enw da Met Caerdydd. Agwedd hanfodol o’r rôl fydd i reoli gwybodaeth gyhoeddus y Brifysgol, cysylltiadau â'r cyfryngau ac anghenion ysgrifennu copi yn y Gymraeg a'r Saesneg.

Yn ogystal, fel ein Swyddog Cyfathrebu a Chyfryngau Cymdeithasol byddwch hefyd yn:

- Sicrhau bod negeseuon allanol yn gyson ac yn gywir gan cynnwys cydlynu cynnwys dwyieithog (Cymraeg/Saesneg).

- Rheoli'r cynnwys cysylltiedig corfforaethol ar sianeli Cyfryngau Cymdeithasol Prifysgol Metropolitan Caerdydd a gweithio'n agos gyda'r Swyddog Cyfryngau Cymdeithasol i alinio cynnwys â'r cynlluniau cyffredinol a grëwyd gan y tîm Brand a Chynnwys.

- Sicrhau bod negeseuon allweddol yn cael eu cyflwyno mewn tôn llais cyson a phroffesiynol.

- Gweithio'n agos gyda staff ar draws y Brifysgol i nodi straeon newyddion posibl a negeseuon cyfathrebu beirniadol ac ysgrifennu a dosbarthu straeon newyddion, postiadau cyfryngau cymdeithasol, blogiau, darnau barn ac ati.

- Cefnogi'r tîm Rhanddeiliaid i reoli cyfathrebiadau staff a myfyrwyr gan gynnwys cynhyrchu ac ysgrifennu cynnwys aml-gyfrwng ar gyfer cylchlythyrau e-bost, llwyfannau ar-lein, cyfryngau cymdeithasol ac arddangosfeydd ar y campws.

- Cefnogi'r tîm Digwyddiadau Corfforaethol yn enwedig wrth greu, golygu, adolygu'r holl gyfathrebu cysylltiedig.

- Cydweithio â Swyddogion Marchnata Ysgolion i gefnogi cynlluniau marchnata a chynorthwyo recriwtio myfyrwyr.   **Beth fyddwch chi’n ei gyfrannu **

- Sgiliau cyfathrebu rhagorol gyda’r allu i gyfathrebu'n rhugl yn y Gymraeg a’r Saesneg.

- Profiad profedig wrth reoli sianeli cyfryngau cymdeithasol.

- Profiad helaeth o ddatblygu, ysgrifennu a golygu cyfathrebiadau deniadol o ansawdd uchel ar gyfer ystod eang o gynulleidfaoedd a sianeli.

- Profiad o feithrin perthnasoedd rhanddeiliaid effeithiol gyda gallu profedig i drafod, darbwyllo a dylanwadu'n effeithiol er mwyn cyflawni amcanion strategol.

- Gallu datblygu a chyflwyno ymgyrchoedd cyfathrebu rhagweithiol a weithio yn unol â chanllawiau brand.

- Y gallu i greu cynnwys amlgyfrwng gyda sgiliau TG cryf gan gynnwys yn benodol y defnydd o Microsoft Teams, rheoli cynnwys, prosesu geiriau, taenlenni, e-bost, a golygu delweddau.

- Y gallu i drin gwybodaeth sensitif gyda phwyll a thringarwch ac i gysylltu'n hyderus â chydweithwyr ar bob lefel y tu mewn a'r tu allan i'r brifysgol.

- Wedi cymhwyso i lefel gradd neu gyfwerth mewn maes sy’n gysylltiedig â chyfathrebu/cysylltiadau cyhoeddus/marchnata.   Pam ymuno â Phrifysgol Metropolitan Caerdydd?

Rydym yn falch iawn ein bod ni wedi ennill dwy wobr fawreddog yn ddiweddar – Prifysgol y Flwyddyn y DU ac Iwerddon 2021 y Times Higher Education a Phrifysgol y Flwyddyn yng Nghymru 2021 The Times a The Sunday Times Good University Guide.

Rydym yn Brifysgol sy'n seiliedig ar werthoedd. Rydyn ni'n falch o'n diwylliant, ac yn cefnogi ein staff. Ein hysbryd cymunedol yw'r llinyn euraidd sy'n sail i'n gwerthoedd a'n hymddygiad. Rydyn ni'n cefnogi ein gilydd, yn garedig i'n gilydd, ac yn un tîm; ni yw Met Caerdydd. Rydym yn annog cynhwysiant sy'n galluogi pawb i deimlo eu bod yn cael eu parchu ac yn gallu perfformio ar eu gorau.

Yn ogystal, mae'r Brifysgol yn cynnig telerau ac amodau hynod gystadleuol gan gynnwys:

- Gwyliau blynyddol o 25 diwrnod, yn codi i 30 diwrnod ar ôl blwyddyn o wasanaeth, ynghyd â 12 diwrnod gŵyl banc / consesiwn.

- Aelodaeth o'r Cynllun Pensiwn Llywodraeth Leol gyda chyfraniadau hael.

- Cyfleoedd gweithio hyblyg ac o bell.

- Polisïau rhagorol sy'n ystyriol o deuluoedd.

- Cyfleusterau chwaraeon a ffitrwydd arobryn gydag aelodaeth â chymhorthdal, ynghyd â therapi cyflenwol.

- Mynediad i holl gyfleusterau'r llyfrgell.

- Cynlluniau aberthu cyflog gan gynnwys beicio i'r gwaith.

- Mynediad am ddim i deuluoedd at ein darparwr cymorth lles arbenigol annibynnol, Health Assured.

Os hoffech siarad â ni am y cyfle hwn, cysylltwch ag Alex Brown, Pennaeth Cyfathrebu Dros Dro ar [email protected].

Os bydd nifer fawr o geisiadau’n dod i law, efallai y bydd angen inni gau'r swydd wag hon yn gynnar. Felly, rydym yn eich annog i ymgeisio cyn gynted â phosibl.

Mae'r Brifysgol yn ymroddedig i greu diwylliant hynod gynhwysol. Rydym yn cynnig trefniadau gweithio hyblyg a chyfeillgar i deuluoedd ac amrywiaeth o rwydweithiau staff, fforymau a digwyddiadau i gefnogi a datblygu ein pobl. Rydym yn croesawu ceisiadau gan y rheiny sydd heb gynrychiolaeth ddigonol yn y sector addysg uwch yn draddodiadol.

Mae Coleg y Celfyddydau, Dyniaethau a Gwyddorau Cymdeithasol am benodi Swyddog Cyfathrebu (Cymraeg yn hanfodol) i gefnogi gweithgareddau cyfathrebu a marchnata’r coleg.

Bydd yr ymgeisydd llwyddiannus yn unigolyn creadigol â sgiliau cyfathrebu rhagorol, yn ogystal â sgiliau Cymraeg o’r radd flaenaf, a’r gallu i droi gwybodaeth gymhleth yn gopi diddorol a chreadigol o safon uchel. Byddai profiad o greu cynnwys digidol a fideo i'w ledaenu ar y cyfryngau cymdeithasol a sianeli’r we o fantais.

Bydd y Swyddog Cyfathrebu’n cefnogi gweithgareddau marchnata a chyfathrebu ysgolion academaidd penodol y coleg ac yn gweithio’n ddwyieithog. Byddant yn mynd ati i wella sut mae’r ysgolion academaidd yn cyflwyno eu hunain i’r byd allanol, ynghyd â chyfathrebu’n effeithiol ag ystod eang o gwsmeriaid mewnol ac allanol. Mae hyn yn cynnwys gweithio'n agos gyda'r ysgolion academaidd i sicrhau bod eu hunaniaeth, eu gwerthoedd a'u gweledigaeth yn cael eu cyfleu mewn gwahanol ddeunyddiau. Bydd llawer o'r gwaith hwn yn canolbwyntio ar gyfathrebu sy'n ymwneud â recriwtio myfyrwyr a throsi ceisiadau, yn ogystal ag arddangos a dathlu ymchwil.

Bydd deiliad y swydd yn gyfrifol am reoli sianeli ar y cyfryngau cymdeithasol a chreu cynnwys perthnasol ar gyfer ystod o brosiectau digidol ac argraffedig. Byddant yn cydweithio yn yr ysgolion academaidd ac adran cyfathrebu ganolog y brifysgol, yn ogystal â chydweithwyr ar draws timau’r coleg ar gyfer y we, marchnata a chyfathrebu.

Byddwch yn atebol i'r Rheolwr Cyfathrebu yng Ngholeg y Celfyddydau, y Dyniaethau a'r Gwyddorau Cymdeithasol.

Mae'r coleg yn gymuned fywiog, amrywiol ac ysbrydoledig. Mae’r coleg yn cynnwys deg ysgol academaidd, gan gynnwys Ysgol y Gymraeg, ac rydym wedi ymrwymo i ragoriaeth ym meysydd addysgu ac ymchwil.

O fusnes i’r gyfraith a cherddoriaeth i newyddiaduraeth, mae gennym allu deallusol a gydnabyddir yn rhyngwladol i ystyried y cwestiynau damcaniaethol ac ymarferol allweddol wrth astudio’r economi, gwleidyddiaeth a chymdeithas.

Cewch ragor o wybodaeth am y swydd hon drwy gysylltu â Rhys Phillips, Rheolwr Cyfathrebu, Coleg y Celfyddydau, y Dyniaethau a'r Gwyddorau Cymdeithasol ([email protected]).

Swydd amser llawn yw hon (35 awr yr wythnos) ac mae’n benagored.

Cyflog: £28,762 hyd at £33,314 y flwyddyn (Gradd 5)

Polisi’r brifysgol yw defnyddio manyleb yr unigolyn i ddethol pobl ar gyfer rhestr fer. Dylai ymgeiswyr ddangos tystiolaeth eu bod yn bodloni'r holl feini prawf hanfodol, yn ogystal â'r meini prawf dymunol, lle bo'n berthnasol. Gofynnir i chi gyflwyno tystiolaeth sut rydych chi'n bodloni pob un o'r Meini Prawf Hanfodol ym Manyleb yr Unigolyn (a'r Meini Prawf Dymunol os yw'n berthnasol), gan ddefnyddio'r drefn/rhifo fel y maent yn ymddangos ar ffurf datganiad ategol. Cadwch fel 'Datganiad Name_XXXXXBR_Supporting' wrth lanlwytho eich atodiad fel y gellir ei adnabod yn hawdd.

Dyddiad cau: Dydd Gwener, 13 Ionawr 2023 ​​​​​​​ Mae gan Brifysgol Caerdydd yr hawl i gau‘r hysbyseb hon yn gynnar trwy roi rhybudd o 24 awr os oes digon o geisiadau wedi‘u derbyn.

Mae Prifysgol Caerdydd wedi ymrwymo i gefnogi a hyrwyddo cydraddoldeb ac amrywiaeth a chreu amgylchedd gwaith cynhwysol. Credwn y gellir gwneud hynny drwy ddenu, datblygu a chadw ystod amrywiol o staff o lawer o wahanol gefndiroedd. Felly, rydym yn croesawu ceisiadau gan bob rhan o’r gymuned beth bynnag fo’u rhyw, ethnigrwydd, anabledd, cyfeiriadedd rhywiol, hunaniaeth draws, statws perthynas, crefydd neu gred, cyfrifoldebau gofalu, neu oed. Wrth gefnogi ein gweithwyr i gael cydbwysedd rhwng eu gwaith a'u bywydau personol, byddwn hefyd yn ystyried cynigion i rannu swyddi neu weithio'n hyblyg.

Rydym yn chwilio am Gyfieithydd a Swyddog Iaith Gymraeg a all ddod â’i angerdd dros y Gymraeg i’r ASB a’n helpu i gyflwyno ein negeseuon o safon fyd-eang i ddefnyddwyr ledled y DU.

Nod yr ASB yw sicrhau bwyd diogel ledled Cymru, Lloegr a Gogledd Iwerddon. Un o’r ffyrdd gorau y gallwn gefnogi defnyddwyr yng Nghymru yw sicrhau bod gan bawb fynediad at yr wybodaeth rydym yn ei rhannu. Mae’r Uned Iaith Gymraeg yn chwarae rhan hanfodol wrth rannu negeseuon hygyrch â phawb yng Nghymru, gan helpu i gyflawni gwaith pwysig yr ASB yn Gymraeg.

Disgrifiad:

Fel Cyfieithydd a Swyddog y Gymraeg, byddwch yn darparu cyfieithiadau ysgrifenedig, prawfddarllen, golygu, creu ymgyrchoedd a llawer mwy wrth i ni geisio sicrhau darpariaeth gyson o ansawdd uchel sy’n cwmpasu cylch gwaith eang yr ASB yng Nghymru. Yn ogystal â gweithio gyda chydweithwyr yn fewnol, byddwch yn gweithio gyda sefydliadau eraill yn y sector cyfieithu Cymraeg er mwyn helpu i safoni terminoleg newydd a rhannu arferion gorau. Ar ben hynny, byddwch yn uwchlwytho cynnwys Cymraeg i’n gwefannau ac yn rheoli ein cyfrifon cyfryngau cymdeithasol Cymraeg.

Dyma gyfle cyffrous i ymgymryd â gwaith cyfieithu diddorol, amrywiol ac eang sydd yn cefnogi gwaith pwysig yr ASB er budd iechyd y cyhoedd, yn ogystal â hyrwyddo defnydd o’r Gymraeg.

Os ydych yn siaradwr Cymraeg rhugl sy’n gallu ysgrifennu a chyfieithu i’r safon uchaf, bydd y rôl hon yn rhoi’r cyfle i chi wneud gwahaniaeth gwirioneddol mewn maes sy’n cyffwrdd â’n bywydau ni i gyd, bob dydd. Manteisiwch ar y cyfle i wneud cais i weithio gyda ni fel Cyfieithydd a Swyddog y Gymraeg.

Mae Rhentu Doeth Cymru yn darparu Cynllun Cofrestru a Thrwyddedu ledled Cymru ar gyfer landlordiaid ac asiantau eiddo sy'n cael ei rentu. Daw hyn yn sgil dynodi Cyngor Caerdydd yn Awdurdod Trwyddedu Sengl i Gymru. Ei nod yw sicrhau eiddo diogel a reolir yn dda ar gyfer tenantiaid drwy sicrhau bod y rhai sy'n gosod ac yn rheoli eiddo yn bobl addas a phriodol i wneud hynny, yn deall eu rhwymedigaethau cyfreithiol ac yn cydymffurfio â gofynion a roddir arnynt yn ôl y gyfraith ac amodau trwydded. Er mwyn cyflawni hyn, rydym yn cynnig cyngor, cymorth a hyfforddiant.

Am y swydd

Arwain y gwaith o ddatblygu cyfathrebu a marchnata gan gynnwys rheoli cyfathrebu, cynllunio a darpariaeth strategol, datblygu perthynas waith dda gyda rhanddeiliaid ar gyfer ymgyrchoedd a phrosiectau ar gyfer Rhentu Doeth Cymru a’i bwerau dan Ddeddf Tai (Cymru) 2014.

Bydd deiliad y swydd yn gweithio gyda thîm Cyfathrebu a Chyfryngau’r Cyngor i ddatblygu a darparu prosiectau a gweithgareddau allweddol (mewnol ac allanol) i gefnogi blaenoriaethau cyfathrebu Rhentu Doeth Cymru a sicrhau bod Cyfathrebiadau Marchnata a’r Cyfryngau’n effeithiol.

Beth Rydym Ei Eisiau Gennych

Bydd deiliad y swydd:

- Wedi ei addysgu i lefel gradd neu â phrofiad amlwg (2 flynedd+) mewn tîm marchnata / cyfathrebu sy'n gwneud gwaith perthnasol

- Yn siaradwr Cymraeg Rhugl

 - Yn meddu ar sgiliau cyfathrebu rhagorol yn ysgrifenedig ac ar lafar ynghyd â lefel uchel o sgiliau rhyng-bersonol.

- Yn gallu dangos tystiolaeth o gyflwyno ymgyrch gyfathrebu / marchnata gyda chanlyniadau llwyddiannus

- Yn meddu ar sgiliau amlwg mewn ystod o ddisgyblaethau marchnata gan gynnwys, cysylltiadau Cyfryngau, Brandio, Arddangosfeydd, ymchwil Marchnad, Marchnata E-bost, Rheoli Cyfryngau Cymdeithasol, Post Uniongyrchol, Sgiliau Sgwennu a Golygu Copi

- Yn ddefnyddwyr TG cymwys, yn gyfarwydd ag ystod o feddalwedd priodol gan gynnwys MS Office

- Fod â phrofiad o ddefnyddio meddalwedd dylunio o fewn yr Adobe Creative Cloud e.e. InDesign, Photoshop ac Illustrator  

Cronfa Gymunedol y Loteri Genedlaethol yw'r ariannwr mwyaf o weithgarwch cymunedol yn y DU – rydym yn cefnogi pobl a chymunedau i lwyddo a ffynnu.

Mae chwaraewyr y Loteri Genedlaethol yn codi swm anhygoel o £30 miliwn yr wythnos ar gyfer achosion da. Mae'r arian hwn yn ariannu prosiectau a gweithgareddau sy'n trawsnewid cymunedau, yn diogelu ein treftadaeth ac yn cyfoethogi bywydau drwy'r celfyddydau, chwaraeon a diwylliant. Rydym yn falch o fod yn un o 12 dosbarthwr sy'n gyfrifol am ddyfarnu'r cyllid hwn ledled y DU.

Diolch i chwaraewyr y Loteri Genedlaethol, y llynedd llwyddwyd i ddyfarnu dros hanner biliwn o bunnoedd o gyllid sy’n trawsnewid bywyd i gymunedau'r DU, gan gefnogi miloedd o brosiectau i wneud gwahaniaeth gwirioneddol i fywydau pobl.

Roedd dros wyth o bob deg o'n grantiau o dan £10,000 ac yn mynd i grwpiau ac elusennau ar lawr gwlad ledled y DU yn gwneud pethau gwych i gefnogi eu cymunedau, yn ystod cyfnod arbennig o anodd.

Rydym hefyd yn dosbarthu arian nad yw'n arian y Loteri Genedlaethol, gan weithio'n agos gyda'r Llywodraeth ar gyllid ar gyfer materion pwysig, megis mynd i'r afael ag unigrwydd, anghenion lluosog a chymhleth, iechyd meddwl a dosbarthu arian Cyfrifon Segur.

Dros y pum mlynedd diwethaf rydym wedi dyfarnu cyfanswm o £3.4 biliwn, ac mae £2.7 biliwn ohono'n arian y Loteri Genedlaethol.

Rydym yn ariannu pethau sy'n bwysig – boed hynny'n helpu cymunedau i ymateb yn gadarnhaol i flaenoriaethau cenedlaethol, rhanbarthol neu leol, neu helpu'r DU i gyflawni ei huchelgeisiau cymdeithasol mawr. Mae ein grantiau'n amrywio o £500 hyd at raglenni gwerth miliynau o bunnoedd – gan gefnogi pobl a phrosiectau i wneud pethau eithriadol a dod â syniadau gwych i'w cymuned yn fyw.

Ynglŷn â’r Rôl

Ydych chi eisoes yn gweithio yn y maes Cyfathrebu ac yn ymddiddori mewn Materion Cyhoeddus yng Nghymru? Ydych chi’n hyderus wrth ymdrin â gwleidyddion a rhanddeiliaid uwch? Ydych chi’n gweithio’n fanwl wrth baratoi deunydd ysgrifenedig?

Ymunwch â’n tîm cyfeillgar o 8 aelod, y mae’r rhan fwyaf ohonom yn ddwyieithog a byddwch chi’n creu cynnwys ysgrifenedig a fideo ar gyfer y wasg a’r cyfryngau cymdeithasol, ynghyd â chwarae rôl allweddol wrth gyflawni ein rhaglen ymgysylltu i’n rhanddeiliaid, gan gynnwys gwleidyddion a staff eu hetholaeth ledled Cymru. Byddwch chi’n gweithio gydag aelodau pwyllgor, cydweithwyr ledled y DU, a’r sefydliadau anhygoel rydym yn eu hariannu, i adrodd stori’r gwahaniaeth y mae ein hariannu’n ei wneud.

O ddydd i ddydd, byddwch chi’n trefnu gwaith eich hun i’w gyflawni o fewn terfynau amser. Un diwrnod, gallech fod yn trefnu ymweliad ar gyfer aelod pwyllgor. Y diwrnod nesaf, gallech fod yn paratoi briff ar gyfer staff mewn swyddfa etholaeth am y prosiectau a ariennir yn eu hardal. Gallech fod yn ysgrifennu datganiadau i’r wasg yn cyhoeddi’r cyllid y gall pobl ymgeisio ar ei gyfer neu fynychu ffair ariannu wyneb yn wyneb i gyfarfod â darpar ymgeiswyr.

Os hoffech chi ddefnyddio eich profiad i hyrwyddo’r gwaith anhygoel y mae elusennau a sefydliadau yn eu gwneud gyda’n grantiau yng Nghymru i’n rhanddeiliaid, cysylltwch â ni.

Math o Gontract: Parhaol

Oriau: Llawn amser 37 awr yr wythnos

Dyddiad y Cyfweliad: Dydd Llun 5 Rhagfyr

Lleoliad: Byddwn ni’n cynnal y cyfweliad yn un o’n swyddfeydd yng Nghymru, naill ai yng Nghaerdydd neu’r Drenewydd yn dibynnu ar leoliad y rhan fwyaf o’r ymgeiswyr i’r rôl hon.

*Os hoffech chi gael trafodaeth cyn ymgeisio, anfonwch e-bost at [email protected]

Meini Prawf Hanfodol

- Profiad o weithio naill ai yn y maes Cysylltiadau Cyhoeddus, materion cyhoeddus neu rôl gyfathrebu.

- Profiad o ddatblygu perthnasoedd gyda rhanddeiliaid, gan gynnwys gwleidyddion.

- Y gallu i weithio’n fanwl a chyrraedd terfynau amser tynn. Profiad o gynhyrchu copi cryno a chywir o fewn terfyn amser, a sgiliau digidol/cyfryngau cymdeithasol gan gynnwys cynhyrchu cynnwys.

- Byddwch chi’n gweithio’n dda ac yn hyderus gyda chydweithwyr uwch.

Meini Prawf Dymunol

- Mae dealltwriaeth a diddordeb mewn materion gwleidyddol Cymru’n ddymunol.

- Mae’r gallu i sgwrsio’n rhugl yn Gymraeg a Saesneg yn ddymunol ar gyfer y rôl. Nid yw sgiliau ysgrifennu Cymraeg da yn hanfodol a darperir hyfforddiant a chefnogaeth gan dîm Iaith Cymraeg y Gronfa.

- Profiad o drefnu digwyddiadau gan gynnwys creu briffiau.

- Byddai profiad o ffilmio, golygu ac is-deitlo fideos yn ddefnyddiol.

I Chi

Rydym yn ceisio datblygu ein staff a chynnig ystod eang o gyfleoedd datblygiad personol.

Rydym yn cynnig ystod eang o fuddion hael gan gynnwys:

- Cynllun gwyliau blynyddol a phensiwn cwmni hael

- Gweithio hyblyg i gefnogi staff gyda'u cydbwysedd rhwng bywyd a gwaith, gan ystyried pethau fel cyfrifoldebau gofalu, addoli a phresenoldeb mewn gwyliau crefyddol

- Absenoldeb mamolaeth, tadolaeth a mabwysiadu â thâl uwch

- Benthyciadau tocynnau tymor a beicio i'r gwaith

- Absenoldeb gwirfoddoli â thâl  

Cyfle Cyfartal

Mae cymunedau yn y DU yn dod o bob siâp a maint. Mae arian y Loteri Genedlaethol ar gyfer pawb – rydym wedi ymrwymo i degwch, amrywiaeth a chynhwysiant ac rydym yn gweithio'n galed i sicrhau bod ein cyllid yn cyrraedd lle mae ei angen.

Credwn hefyd y dylai ein pobl gynrychioli'r cymunedau, y sefydliadau a'r unigolion rydym yn gweithio gyda nhw. Rydym wedi ymrwymo i fod yn lle cynhwysol a gwych i weithio, ac rydym yn cydnabod bod ein pobl yn dod o gefndiroedd amrywiol. O'r herwydd, rydym yn croesawu'n arbennig geisiadau gan bobl ag anableddau, cefndiroedd Du, Asiaidd neu Leiafrifoedd Ethnig (B.A.M.E), LGBTQ+ ac o wahanol gefndiroedd economaidd-gymdeithasol ac addysgol.

Rydym yn falch o fod yn Gyflogwr Hyderus o ran Anabledd. Rydym yn croesawu ceisiadau gan bobl anabl a byddwn yn gwneud addasiadau rhesymol os bydd angen drwy'r broses recriwtio ac yn ystod cyflogaeth. Gall hyn fod yn gysylltiedig â chyflyrau iechyd corfforol a meddyliol.

Mae Rhentu Doeth Cymru yn darparu Cynllun Cofrestru a Thrwyddedu ledled Cymru ar gyfer landlordiaid ac asiantau eiddo sy'n cael ei rentu. Daw hyn yn sgil dynodi Cyngor Caerdydd yn Awdurdod Trwyddedu Sengl i Gymru. Ei nod yw sicrhau eiddo diogel a reolir yn dda ar gyfer tenantiaid drwy sicrhau bod y rhai sy'n gosod ac yn rheoli eiddo yn bobl addas a phriodol i wneud hynny, yn deall eu rhwymedigaethau cyfreithiol ac yn cydymffurfio â gofynion a roddir arnynt yn ôl y gyfraith ac amodau trwydded. Er mwyn cyflawni hyn, rydym yn cynnig cyngor, cymorth a hyfforddiant.

Darllenwch fwy amdanom ni yma

Am Y Swydd

Bydd y Swyddog Marchnata a Chyfathrebu Cynorthwyol yn cynorthwyo i gyflawni strategaeth farchnata gyffredinol Rhentu Doeth Cymru er mwyn sicrhau bod landlordiaid ac asiantau yng Nghymru yn ymwybodol o'u cyfrifoldebau cyfreithiol o dan Ddeddf Tai (Cymru) 2014. Gan weithio'n agos gyda'r Swyddog Marchnata a Chyfathrebu, bydd y rôl hon yn cynnwys datblygu cyfathrebiadau a marchnata, cynllunio a chyflawni effeithiol, yn ogystal â chynnal perthnasoedd gwaith da â rhanddeiliaid allweddol yn y diwydiant i gefnogi ymgyrchoedd a phrosiectau Rhentu Doeth Cymru.

Bydd deiliad y swydd yn gweithio gyda thîm Cyfathrebu a Chyfryngau’r Cyngor i ddatblygu a chyflawni prosiectau a gweithgareddau allweddol (mewnol ac allanol) i gefnogi blaenoriaethau cyfathrebu Rhentu Doeth Cymru a sicrhau rheolaeth dros enw da’r brand.

Beth Rydym Ei Eisiau Gennych

Bydd yr ymgeisydd llwyddiannus:

Wedi ei addysgu i lefel gradd neu â phrofiad amlwg (2+ mlynedd) mewn tîm marchnata / cyfathrebu sy'n gwneud gwaith perthnasol Yn siaradwr Cymraeg Rhugl (i Lefel Uwch 4)

Yn meddu ar sgiliau cyfathrebu rhagorol yn ysgrifenedig ac ar lafar ynghyd â lefel uchel o sgiliau rhyng-bersonol.

Yn gallu dangos tystiolaeth o gyflwyno ymgyrch gyfathrebu / marchnata gyda chanlyniadau llwyddiannus

Yn meddu ar sgiliau amlwg mewn ystod o ddisgyblaethau marchnata gan gynnwys, cysylltiadau Cyfryngau, Brandio, Arddangosfeydd, ymchwil Marchnad, Marchnata E-bost, Rheoli Cyfryngau Cymdeithasol, Post Uniongyrchol, Sgiliau Sgwennu a Golygu Copi

Yn ddefnyddwyr TG cymwys, yn gyfarwydd ag ystod o feddalwedd priodol gan gynnwys MS Office â phrofiad o ddefnyddio meddalwedd dylunio a geir o fewn y Adobe Creative Cloud e.e. InDesign, Photoshop ac Illustrator (dymunol)

Gwybodaeth Ychwanegol

Bydd hwn yn gyfle cyffrous i ddylanwadu ar newid i'r sector rhentu preifat yng Nghymru; gan weithio'n agos gyda phartneriaid o lywodraeth leol ar draws 22 o awdurdodau lleol, Llywodraeth Cymru, landlordiaid a sefydliadau asiantau a chwmnïau hyfforddi i sicrhau ei lwyddiant.

Am drafodaeth anffurfiol cysylltwch gyda Rhiannon Williams - [email protected].

Dylai’r ymgeiswyr llwyddiannus allu cyfathrebu’n effeithiol yn Gymraeg hyd at Lefel 4 - Uwch. 

Mae’r swydd hon yn addas i'w rhannu.

Croesewir ceisiadau yn Gymraeg ac yn Saesneg. Ni chaiff ceisiadau Cymraeg eu trin yn llai ffafriol na cheisiadau Saesneg.

Oherwydd y trefniadau gwaith dros dro presennol, ni allwn ddarparu pecynnau recriwtio na derbyn ffurflenni cais drwy'r post.

Bydd y broses gyfweld ar gyfer y rôl hon yn cael ei chynnal yn rhithwir gan ddefnyddio platfform ar-lein priodol. Os oes gennych unrhyw bryderon ynghylch eich gallu i gymryd rhan mewn proses gyfweld rithwir, cysylltwch â Rhiannon Williams - [email protected].

Mae' NS4C yn wasanaeth newyddion digidol Cymraeg gafodd ei lawnsio yn Ebrill 2021. Mae swyddfeydd yng Nghaerfyrddin, Caernarfon a Chaerdydd. Rydym yn chwilio am ddau brentis fyddai'n gallu ymuno a'r tîm wrth i'r gwasanaeth dyfu.

Bydd prentisiaeth newyddion digidol yn S4C yn rhoi cyfle i chi:

• Fod yn rhan o'r tîm newyddion digidol yn S4C.

• Gweithio gyda'r tîm i becynnu cynnwys newyddion.

• Ymchwilio a datblygu syniadau am straeon.

• Ysgrifennu erthyglau ar gyfer gwefan ac App newyddion a phenawdau bachog ar gyfer cyfrifon cyfryngau cymdeithasol.

• Ffilmio a golygu deunydd digidol ar gyfer platfformau fel Instagram, Facebook, Twitter yn ogystal a'r App Newyddion.

• Creu graffeg ar gyfer platfformau digidol.

• Gweithio gyda phartneriaid ac adrannau eraill o fewn S4C i rhoi llwyfan i'n cynnwys.

• Helpu S4C i gyrraedd cynulleidfaoedd newydd.

Manylion Eraill

Dyddiad Cychwyn: Canol/diwedd Medi 2022

Lleoliad: Caerfyrddin/Caerdydd/Caernarfon

Cyflog: £15,000 y flwyddyn

Pensiwn: Mi fydd S4C yn cyfrannu 3% a disgwylir i chi cyfrannu 4%. Mae hyn yn seiliedig ar eich cyfanswm cyflog.

Cytundeb: 18 mis

Oriau Gwaith: 35.75 yr wythnos. Mi fydd disgwyl i chi weithio patrwm sifft yn unol â'r gwasanaeth sydd ar draws 7 diwrnod yr wythnos.

Cyfnod Prawf: 6 mis

Gwyliau: Yn ychwanegol i'r gwyliau banc statudol, bydd gennych hawl i 26 diwrnod o wyliau gyda thâl y flwyddyn.

Nifer o brentisiaeth ar gael: 2

Ceisiadau

Dylid anfon ceisiadau erbyn 12.00 ar ddydd Sul 4 Medi 2022 at [email protected] neu Adnoddau Dynol, Canolfan S4C, Yr Egin, Caerfyrddin, SA31 3EQ.

Nid ydym yn derbyn CV.

Gellir cyflwyno ceisiadau yn y Gymraeg. Ni fydd unrhyw gais a gyflwynir yn y Gymraeg yn cael ei drin yn llai ffafriol na chais a gyflwynir yn y Saesneg.

Mi fydd angen i chi fod ar gael ar gyfer cyfweliad ar ddydd Mercher 7 Medi 2022.

Dyma gyfle gwych i weithio ar brosiect yn niwydiant byrlymus bwyd a diod Cymru sy’n hollbwysig i dŵf yr economi Gymreig.

Cywain

Mae Cywain, a ddarperir gan Menter a Busnes, yn fodel sy’n darparu cefnogaeth wedi’i dargedu ar gyfer busnesau micro a BBaCh sy’n gweithredu yn y sector bwyd a diod yng Nghymru. Rydym yn dechrau cyfnod newydd ac rydym wedi derbyn cyllid trwy Gymunedau Gwledig Llywodraeth Cymru - Rhaglen Datblygu Gwledig 2014 - 2020 i ddarparu gwasanaeth diwygiedig. Mae cyllid y prosiect wedi cael ei gadarnhau tan Mehefin 2023.

Mae’r gwasanaeth yn cefnogi busnesau i gryfhau a thyfu, yn eu helpu i drosglwyddo gwybodaeth a dealltwriaeth o’r diwydiant, yn ogystal â chryfhau eu hintegreiddiad yn y gadwyn gyflenwi. Mae’n darparu gwasanaethau drwy Gymru gyfan gyda phwyslais ar gydweithredu drwy glystyru, ychwanegu gwerth, datblygu’r farchnad er mwyn tyfu a chreu swyddi. Mae Cywain wedi datblygu rhwydwaith eang o randdeiliaid ac, yn ganolog i ddatblygiad y cleient, mae gennym agwedd gydlynol tuag at weithio gyda phartneriaid darparu eraill.

Mae tair elfen i’r prosiect: 

●   Cefnogaeth i fusnesau newydd a micro   ●   Cefnogaeth diagnosteg ar gael i holl fusnesau bwyd a diod yng Nghymru

●   Clystyru a chyd weithio rhwng busnesau er mwyn hyrwyddo twf ac effeithlonrwydd 

**Nod y Rôl **

Cefnogi’r Arweinydd Tîm Marchnata a Digwyddiadau i lunio a gweithredu’r cynllun marchnata a chyfathrebu o ddydd i ddydd, gyda ffocws arbennig ar gefnogi cyfathrebiadau allanol gyda budd-ddeiliad allweddol. Bydd yr ymgeisydd llwyddiannus yn hyblyg, gyda’r gallu i addasu unrhyw weithgareddau marchnata a chyfathrebu yn ôl yr angen, a hyn yn seiliedig ar ymchwil, newidiadau i’r farchnad a/neu mewn ymateb i ffactorau allanol.

Prif Gyfrifoldebau

●   Cyd weithio gyda’r Arweinydd Tîm Marchnata a Digwyddiadaui weithredu cynllun marchnata a chyfathrebu ar gyfer y prosiect

●   Datblygu brand a hunaniaeth y prosiect; dewis a datblygu sianelau cyfathrebu perthnasol 

●   Rheoli sianelau cyfryngau cymdeithasol a chynhyrchu copi ar gyfer gwefan y prosiect

●   Cyfrannu at gyflawni targedau marchnata a chyfathrebu y rhaglen, gan sicrhau bod y gwasanaeth a ddarperir o’r safon uchaf

●   Cynorthwyo i ddylunio, gweithredu a gwerthuso gweithgareddau marchnata a chyfathrebu y rhaglen

●   Ysgrifennu a golygu copi, gan sicrhau bod datganiadau i’r wasg, ymgyrchoedd cymdeithasol/digidol yn y cyfryngau, cynnwys ar y we a chyhoeddiadau mewn print, gan gynnwys ffeithlenni a chyhoeddiadau technegol ac erthyglau, oll yn cael eu cynhyrchu’n amserol a chywir, yn unol â chanllawiau’r arianwyr

●   Prawf ddarllen copi’n gydwybodol, gan sicrhau bod unrhyw wallau neu ymholiadau am ramadeg, sillafu, atalnodi, arddull a/neu gywirdeb yn cael eu canfod a’u cywiro, yn ogystal â sicrhau darpariaeth a chyfathrebiad cyson brand y prosiect

●   Cynnal llyfrgell o gyhoeddiadau’r prosiect

●   Cynorthwyo i weithredu portffolio o ddigwyddiadau ac arddangosfeydd mewn ffordd broffesiynol, yn lleol a chenedlaethol, gan sicrhau amserlen gynnwys berthnasol ac ymgysylltiol

●   Cydweithio â’r cyfryngau’n lleol, yn rhanbarthol ac yn genedlaethol, gan ddelio gydag ymholiadau fel y bo’n ofynnol

●   Cyflawni tasgau ymchwil farchnad penodol a darparu arweiniad i gytundebwyr allanol

●   Gweithio gyda’r Arweinydd Tîm Marchnata a Digwyddiadau i oruchwylio a rheoli isgontractwyr sy’n darparu gwasanaeth marchnata a chyfathrebu i’r rhaglen

●   Profi, mesur a gwerthuso gweithgareddau marchnata a chyfathrebu’r rhaglen yn barhaus, gan sicrhau bod adroddiadau’n cael eu creu a’u dosbarthu i’r rhanddeiliaid perthnasol

●   Monitro, adolygu ac adrodd am ganlyniadau cyfathrebu a marchnata, gwariant a pherfformiad yn unol â gofynion y rhaglen, gan gynnwys creu a chynnal systemau rheoli effeithiol er mwyn bodloni gofynion Archwilio perthnasol

**Arall **

●   Sicrhau bod y safonau’n cael eu cyrraedd ar gyfer gwasanaethau’r cwsmer, ansawdd, cydraddoldeb ac amrywiaeth, iechyd a diogelwch a bioddiogelwch

●   Derbyn dyletswyddau a chyfrifoldebau rhesymol eraill yn ôl y galw

●   Cynrychioli Menter a Busnes yn ôl y galw

Sgiliau a Phrofiad

Hanfodol

●   Addysg hyd lefel gradd, neu gyfatebol, mewn pwnc perthnasol megis marchnata, cyfathrebu, busnes neu faes tebyg, neu brofiad dangosadwy mewn rôl farchnata, gyfathrebu a/neu ddigwyddiadau

●   Gwybodaeth a dealltwriaeth am y sectorau bwyd, diod ac amaeth yng Nghymru

●   Profiad dangosadwy o helpu gyda datblygiad, gweithrediad a gwerthusiad effeithiol o gynlluniau marchnata a chyfathrebu integredig

●   Profiad eang o ysgrifennu copi clir, cywir a manwl ar gyfer ei brintio a/neu gyhoeddiadau digidol sy’n berthnasol i’r gynulleidfa ac o fewn canllawiau penodol

●   Sgiliau prawf ddarllen ragorol 

●   Profiad o reoli cyfrifon cyfryngau cymdeithasol busnes, gan gynnwys paratoi calendr cynnwys misol, monitro ac adrodd ar berfformiad cyfryngau cymdeithasol a chanlyniadau ymgyrchoedd 

●   Profiad o reoli ac optimeiddio ymgyrchoedd hysbysebu digidol gan ddefnyddio chwiliad taledig a chyfryngau cymdeithasol taledig

●   Profiad o ddiweddaru cynnwys y we

●   Rhwydweithiau wedi eu datblygu’n dda gyda’r cyfryngau yng Nghymru

●   Profiad o gynhyrchu adroddiadau clir, cywir a manwl sy’n berthnasol i’r gynulleidfa

●   Sgiliau trefnu a chydgysylltu rhagorol gyda’r gallu i weithio i ddyddiadau tynn

●   Gallu ysgogi ei hun yn greadigol gan dderbyn y cyfrifoldeb am osod ac adolygu blaenoriaethau i gyflawni targedau, gyda ffocws clir ar ansawdd

●   Gweithio’n dda fel aelod o dîm gydag agwedd ragweithiol a’r hyder i gymryd yr awenau ac arwain gweithwyr eraill pan fo raid

●   Sgiliau cyfathrebu dwyieithog (Cymraeg/Saesneg) llafar ac ysgrifenedig rhagorol 

●   Sgiliau TG o safon uwch, gan gynnwys Word, Excel, PowerPoint, Ebost, cronfeydd data a’r we

●   Trwydded yrru lawn a char i’w ddefnyddio   Manteisiol

●   Meddu ar gymhwyster proffesiynol perthnasol, megis cymhwyster y Sefydliad Marchnata Siartredig

●   Profiad o drefnu arddangosfeydd a digwyddiadau 

●   Profiad dangosadwy o weithio yn y diwydiant amaeth, bwyd a diod yng Nghymru   Gwneud Cais

Gallwch wneud cais am y swydd hon drwy lenwi ffurflen gais a ffurflen cyfle cyfartal (sydd ar gael ar ein gwefan www.menterabusnes.co.uk) a’u dychwelyd at [email protected].   Os hoffech gael sgwrs anffurfiol am y swydd hon, cysylltwch ag Alex James ar 07539 173732.   Cyfweliadau   Byddwn yn cynnal y cyfweliadau ar gyfer y swydd hon yn rhithiol ar ddydd Gwener, 15 Gorffennaf 2022. Os yw’r dyddiad hwn yn anghyfleus, nodwch hynny ar eich ffurflen gais os gwelwch yn dda.   Dyddiad Cau

Y dyddiad cau ar gyfer ceisiadau yw: 10.00yb, dydd Mawrth, 12 Gorffennaf 2022.    **Polisi Cydraddoldeb ac Amrywiaeth ** Gwelwch ein gwefan i gael copi o’n Polisi Cydraddoldeb ac Amrywiaeth.

Mae Rondo yn chwilio am berson sydd â diddordeb brwd mewn pêl-droed i weithio ar raglenni Sgorio mewn cyfnod euraidd i bêl-droed Cymru.

Bydd yr ymchwilydd llwyddiannus yn gweithio ar gemau byw llinol a digidol, ar raglenni uchafbwyntiau ac hefyd yn ymchwilio a chreu cynnwys i gyfryngau cymdeithasol Sgorio.

Bydd yr unigolyn llwyddiannus yn gweithio fel rhan o dîm cynhyrchu profiadol ac yn cynnig syniadau am eitemau, dod o hyd i gyfranwyr, paratoi nodiadau cynhwysfawr i sylwebwyr, logio manylion mewn basau data, gan hefyd dderbyn hyfforddiant mewn nifer o roliau’r tîm cynhyrchu’n ystod gemau byw.

Mae hwn yn gyfle gwych i unigolyn brwdfrydig ymuno ag adran lwyddiannus mewn cyfnod hynod gyffrous. Er bod profiad blaenorol yn fanteisiol, nid yw profiad yn hanfodol ar gyfer y rôl hon – rydyn ni’n croesawu ymgeiswyr sydd ag angerdd dros bêl-droed a pharodrwydd i ddysgu. 

Hanfodol 

Person brwdfrydig, egniol a chreadigol sydd â gwir ddiddordeb ym mhêl-droed Cymru.

Y gallu i gyfathrebu’n glir a chywir yn y Gymraeg a’r Saesneg.

Bod yn barod i gyflawni pob math o dasgau a hynny ar brydiau o fewn terfynau amser tynn Dealltwriaeth o’r cyfryngau cymdeithasol.   Sgiliau TG sylfaenol.

Manteisiol 

Trwydded yrru lawn.

Profiad o ymchwilio neu gymhwyster mewn darlledu. 

Mae Rondo Media yn gyflogwr cyfleoedd cyfartal. Rydym yn croesawu ceisiadau gan bobl o safbwyntiau a chefndiroedd amrywiol. 

Lleoliad: Caernarfon neu Caerdydd, gyda’r disgwyl i weithio ar leoliadau ledled Cymru a’r gallu hefyd i weithio’n hyblyg ac o adre ar adegau. Parodrwydd i weithio o swyddfeydd Rondo yng Nghaerdydd a Chaernarfon yn ôl y galw, ac ar nifer o benwythnosau’n ôl y galw.

Am ffurflen gais ewch i wefan rondomedia.co.uk/swyddi a’i dychwelyd ar e-bost i [email protected] 

Rydyn ni’n edrych am Gynhyrchydd profiadol i ymuno â thîm chwaraeon Rondo.

Byddai’r rôl yn berffaith i unigolyn creadigol ac egniol sy’n deall y broses o greu cynnwys ar draws y platfformau digidol a llinol. 

Bydd gan y Cynhyrchydd Cynnwys gyfrifoldeb dros ddatblygu, cynllunio a chyfleu cynnwys dan frand Sgorio, arlein ac ar deledu llinol, gan ysbrydoli tîm cynhyrchu bywiog i wireddu’r weledigaeth. 

Bydd hefyd yn datblygu syniadau newydd i ennill comisiynau nodwedd a dogfen ar deledu ac arlein. 

Mae hwn yn gyfle gwych i unigolyn creadigol a blaengar gael creu cynnwys cyffrous ac atyniadol, gan ymuno ag adran lwyddiannus. 

**Hanfodol **

Ymwybyddiaeth o blatfformau’r cyfryngau cymdeithasol a dealltwriaeth glir o sut i greu cynnwys sy’n gweithio ar bob platfform.

Profiad o greu a chyfleu syniadau creadigol newydd sy’n arwain at gomisiynau yng Nghymru a thu hwnt, o syniadau dogfen llinol i brosiectau uchelgeisiol arlein.

Profiad o amserlennu, a chreu cynnwys, gan sicrhau bod y deunydd yn cael ei gyfleu i safon uchel golygyddol, ar amser ac o fewn cyllideb.

Medru cyfathrebu’n gryno a rhugl ar lafar ac yn ysgrifenedig yn y Gymraeg a’r Saesneg.

**Manteisiol **

Dealltwriaeth dechnegol o’r ffyrdd cyfoes o greu a chyfleu cynnwys Sgiliau hunansaethu.

Y gallu i weithio dan gyfyngderau amser tynn ar adegau, i drefnu tîm i ymateb i straeon a chyfleu cynnwys ar fyr rybudd.

Diddordeb mewn chwaraeon a phêl-droed.   **Nodweddion Personol **

Y gal_lu i ysbrydoli ac ysgogi tîm i fod yn greadigol a beiddgar_

Y gal_lu i fod yn fywiog yn greadigol ac yn finiog yn olygyddol_

Y ga_llu i weithio dan bwysau a heb oruchwyliaeth i safon uchel Y gallu i weithio o fewn tîm a bod yn hyderus i arwain _

Mae Rondo Media yn gyflogwr cyfleoedd cyfartal. Rydym yn croesawu ceisiadau gan bobl o safbwyntiau a chefndiroedd amrywiol. 

Lleoliad: Caernarfon neu Caerdydd, gyda’r disgwyl i weithio ar leoliadau ledled Cymru a’r gallu hefyd i weithio’n hyblyg ac o adre ar adegau.

Am ffurflen gais ewch i wefan rondomedia.co.uk/swyddi a’i dychwelyd ar e-bost i [email protected] 

Mewn cyfnod cyffrous i bêl-droed Cymru, mae Rondo yn edrych am unigolyn i ymuno â thîm cynhyrchu Sgorio.

Mae’r swydd yn benodol yn ymwneud â chyhoeddi cynnwys ar gyfrifon Sgorio ar draws y cyfryngau cymdeithasol. Bydd yr ymgeisydd llwyddiannus yn berson creadigol sydd â’r ddawn i ddweud stori, yn ogystal â dealltwriaeth dechnegol o gyhoeddi cynnwys arlein.

Mae’r cyfrifoldebau yn cynnwys: 

- Cyhoeddi cynnwys ar lwyfannau cymdeithasol Sgorio 

- Dyletswyddau penodol ar Sgorio Stwnsh, sy’n cynnwys atodi ystadegau ar y wefan, rhannu uchafbwyntiau a diweddaru playlists ar YouTube 

- Hyrwyddo gemau byw, e.e. drwy addasu templedi ar Photoshop   - Is-deitlo eitemau a chyfweliadau, e.e. drwy ddefnyddio Premiere Pro 

- Clipio, neu recordio deunydd systemau’n y cwmwl a golygu pan bydd angen 

- Cyhoeddi cynnwys ar lwyfannau cymdeithasol Sgorio, yn cynnwys amserlennu negeseuon 

Hanfodol 

Dealltwriaeth o pa gynnwys sy’n gweithio orau ar wahanol blatfformau a pha trends sy’n datblygu Gallu defnyddio meddalwedd Adobe Photoshop a PremierePro neu debyg i greu cynnwys atyniadol Y gallu i weithio dan gyfyngderau amser tynn ar adegau, i gyhoeddi cynnwys o safon ar fyr rybudd Medru cyfathrebu’n gryno a rhugl yn ysgrifenedig yn y Gymraeg a’r Saesneg

Synnwyr cyffredin a synnwyr digrifwch – y gallu i daro’r cywair priodol wrth bostio negeseuon arlein   Manteisiol 

Diddordeb brwd mewn chwaraeon a phêl-droed.

Profiad o ddylunio graffeg trawiadol.

Dealltwriaeth o blatfform dosbarthu cynnwys fel Wild Moka. 

Mae hwn yn gyfle gwych i unigolyn brwdfrydig gyfrannu at greu cynnwys atyniadol a chyfrannu at waith adran lwyddiannus mewn cyfnod hynod gyffrous. 

Mae Rondo Media yn gyflogwr cyfleoedd cyfartal. Rydym yn croesawu ceisiadau gan bobl o safbwyntiau a chefndiroedd amrywiol. 

Lleoliad: Caernarfon neu Caerdydd, gyda’r disgwyl i weithio ar leoliadau ledled Cymru a’r gallu hefyd i weithio’n hyblyg. Parodrwydd i weithio o swyddfeydd Rondo yng Nghaerdydd a Chaernarfon yn ôl y galw, ac ar nifer o benwythnosau’n ôl y galw. 

Am ffurflen gais ewch i wefan rondomedia.co.uk/swyddi a’i dychwelyd ar e-bost i [email protected] 

Mae S4C yn edrych am berson brwdfrydig i ymuno’r â’r Tîm Delwedd a Brand i gynhyrchu/cyfarwyddo ffilmiau byr creadigol sy’n hyrwyddo cynnwys y sianel ac yn gyrru gwylio. 

Disgrifiad:

Cynhyrchydd Promos

Pwrpas S4C yw gwasanaethu‘r gynulleidfa gyda chynnwys sydd yn diddanu, yn cyffroi ac yn adlewyrchu Cymru yn ei holl amrywiaeth. Fel darlledwr gwasanaeth cyhoeddus mae gennym ddyletswydd i greu y platfform ac ecosystem i sbarduno’r diwydiannau creadigol yng Nghymru i greu cynnwys uchelgeisiol ac unigryw sy’n apelio bob oedran, cefndir a gallu ieithyddol. Nod S4C yw bod yn gyrchfan ar gyfer cynnwys Cymraeg creadigol, gafaelgar a deniadol sydd ar gael i’w fwynhau ar amryw o lwyfannau yng Nghymru a thu hwnt.

Mae S4C yn edrych am berson brwdfrydig i ymuno’r â’r Tîm Delwedd a Brand i gynhyrchu/cyfarwyddo ffilmiau byr creadigol sy’n hyrwyddo cynnwys y sianel ac yn gyrru gwylio. Byddwch yn cyfarwyddo a chynhyrchu deunydd fideo o promos, teasers a showreels i hysbysebion digidol er mwyn codi ymwybyddiaeth am raglenni a denu gwylwyr i S4C - naill ai i wylio rhaglenni ar deledu, ar-lein, ar-alw neu drwy’r cyfryngau cymdeithasol.

Yn ogystal â chynhyrchu a chyfarwyddo’r promos hyn ar gyfer amrediad eang o gynnwys S4C (drama, adloniant, dogfennau, digwyddiadau), byddwch hefyd yn gyfrifol am gynhyrchu deunydd i hyrwyddo gwahanol elfennau o wasanaeth S4C mewn amrywiaeth o leoliadau ac ar amrediad o lwyfannau (teledu, cyfryngau cymdeithasol, sgriniau digidol ayyb).   Yn ddelfrydol byddwch â phrofiad o gyfarwyddo, golygu ac ôl-gynhyrchu ac o gyfarwyddo sesiynau trosleisio. Byddwch a barn olygyddol gref, gwybodaeth eang o dechnegau saethu/golygu, gwybodaeth am gerddoriaeth gyfoes Cymraeg a gwybodaeth eang am arlwy S4C ar draws y llwyfannau gwahanol. Y gallu i fras olygu gan ddefnyddio Avid yn ddymunol. Dyfeisgarwch ac egni’n angenrheidiol.

Manylion eraill

Lleoliad: Lleoliad arferol eich gwaith fydd S4C, Sgwâr Canolog Caerdydd. Disgwylir i chi deithio i le bynnag y bydd S4C yn rhesymol yn ei orchymyn o dro i dro.

Cyflog: Yn unol â phrofiad 

Cytundeb: 12 mis

Oriau gwaith: 35.75 awr yr wythnos. Oherwydd natur y swydd disgwylir hyblygrwydd, gan gynnwys gweithio ar rai penwythnosau a gwyliau banc ac mewn digwyddiadau gyda’r nos. Bydd y cyflog yn cymryd i ystyriaeth yr oriau ychwanegol y mae’n bosibl y bydd angen i chi weithio.

Cyfnod prawf: 6 mis

Gwyliau: Yn ychwanegol i'r gwyliau banc statudol, bydd gennych hawl i 26 diwrnod o wyliau.

Pensiwn: Os byddwch yn ymuno â’r Cynllun Pensiwn Personol Grŵp, bydd S4C yn cyfrannu 10% o’ch cyflog sylfaenol i’r Cynllun. Disgwylir i chi gyfrannu 5%. 

Ceisiadau 

Dylid cyflwyno ceisiadau erbyn 12:00 yn y prynhawn ar ddydd Llun 4 Gorffennaf 2022 i [email protected] neu’r Adran Adnoddau Dynol, S4C, Canolfan S4C Yr Egin, Caerfyrddin SA31 3EQ. 

Ni dderbynnir CV.

Gellir cyflwyno ceisiadau yn y Gymraeg. Ni fydd unrhyw gais a gyflwynir yn y Gymraeg yn cael ei drin yn llai ffafriol na chais a gyflwynir yn y Saesneg.

Nid yw S4C yn caniatáu gwahaniaethu ar sail rhyw, hil, lliw, anabledd, cefndir ethnig neu gefndir economaidd cymdeithasol, oedran, sefyllfa deuluol, statws priodasol neu bartneriaeth sifil, gweithwyr rhan neu lawn amser, crefydd, gwleidyddiaeth, tueddfryd rhywiol, ailbennu rhyw, beichiogrwydd a mamolaeth, defnydd o iaith (heblaw lle mae’r gallu i gyfathrebu yn y Gymraeg yn angenrheidiol ar gyfer swydd) neu unrhyw wahaniaeth amherthnasol arall ac mae'n ymroddedig i ystyried amrywiaethau mewn modd positif. Mae S4C yn croesawu ac yn cymell ceisiadau am swyddi oddi wrth grwpiau allai fod wedi eu tangynrychioli gan gynnwys merched, pobl dduon ac o leiafrifoedd ethnig a phobl ag anableddau. Gweithredir egwyddorion cystadleuaeth agored a theg a phenderfynir ar benodiadau ar sail teilyngdod. 

Caerdydd, Cymru

£17,538 y flwyddyn (yn cynnwys lwfans pwysoliad Caerdydd)

Rhan amser 21 awr

Cyfnod penodol hyd at 31ain Mawrth 2025

Mae gennym nodau pwysig dros y blynyddoedd nesaf. Rydyn ni'n mynd i frwydro dros iechyd meddwl mewn ffordd na wnaethom erioed o’r blaen. Gyda’n gilydd, byddwn yn gweithio i wneud yn siŵr bod pawb sydd â phroblem iechyd meddwl yn cael y gefnogaeth a’r parch maen nhw’n eu haeddu. Wnewch chi ymuno â ni? Rydyn ni'n chwilio am Swyddog Ymgysylltu Digidol profiadol a medrus i helpu i gyflawni pedwerydd cam y Rhaglen Amser i Newid Cymru. Gan weithio dan gyfarwyddyd Arweinydd Ymgyrchoedd a Strategaeth Amser i Newid Cymru a Rheolwr y Rhaglen, byddwch yn:

• Cyflawni gweithgareddau ymgysylltu o ddydd i ddydd ar gyfer y rhaglen, gan ganolbwyntio’n benodol ar gynulleidfaoedd targed newydd yn unol ag amcanion cyffredinol strategaeth a rhaglen Marchnata Amser i Newid Cymru.
• Cyfrannu at ymgyrch uchel ei phroffil o ansawdd uchel yng Nghymru o ran lleoli a negeseua, gan gynnwys ym maes cyfathrebu rhaglenni, cysylltiadau cyhoeddus, marchnata a chyfathrebu.
• Gweithio’n agos gyda’r Arweinydd Ymgyrchoedd a Strategaeth a’r Swyddog Cyfathrebu Marchnata i sicrhau dull gweithredu cwbl integredig ar gyfer cyfathrebu ar draws nifer o sianeli ar-lein ac all-lein.
• Gwella profiad defnyddwyr ac ymgysylltiad digidol â’r ymgyrch drwy’r wefan, asedau digidol creadigol, a chreu calendr cynnwys rheolaidd ar gyfer sianeli cyfryngau cymdeithasol a llwyfannau digidol.

Byddwch yn gweithio’n agos gydag aelodau’r tîm ym Mind Cymru ac Adferiad, felly mae’r gallu i feithrin perthnasoedd gwaith da yn hanfodol. Bydd angen i chi hefyd fod yn fodlon teithio o bryd i’w gilydd fel rhan o’ch swydd i fynychu cyfarfodydd oddi ar y safle.

Dyddiad Cau: 18eg Mai 2022

Mae Mind wedi ymrwymo i gyfle cyfartal i bob aelod o staff, ac mae ceisiadau yn cael eu hannog gan unigolion waeth beth yw eu hoed, anabledd, rhyw, ailbennu rhywedd, cyfeiriadedd rhywiol, beichiogrwydd a mamolaeth, hil, crefydd neu gred a phriodas a phartneriaethau sifil.

Edrychwch ar y Disgrifiad o’r Swydd pan fyddwch chi’n cwblhau eich cais oherwydd bydd ymgeiswyr yn cael eu dewis i’r rhestr fer yn seiliedig ar i ba raddau maen nhw’n bodloni’r meini prawf.

Gwybodaeth Ychwanegol:

Cliciwch ar ddolen YMGEISIWCH YMA i wneud cais am yr hysbyseb swydd ar ein gwefan

Swydd: Swyddog Cyfathrebu a Chysylltiadau Cyhoeddus

Contract: Tymor penodol neu secondiad am 2 flynedd

Oriau Gwaith: 37 awr yr wythnos

Cyflog: £31,210 - £38,160 y flwyddyn

Lleoliad: Hyblyg - gweithredir trefniant gweithio hybrid. Lleolir swyddfeydd y Comisiynydd yng Nghaerdydd, Caernarfon, Caerfyrddin, a Rhuthun

Dyddiad cau: 12.00 canol dydd, 13 Mai 2022 Cyfweliadau: 23 Mai 2022 (cynhelir dros Teams)

Pwrpas

Fel aelod o’r tîm cyfathrebu byddwch yn gyfrifol am rannu gwybodaeth a hyrwyddo pob elfen o waith Comisiynydd y Gymraeg. Byddwch yn defnyddio eich sgiliau a thechnegau i gyfleu negeseuon a denu sylw yn y wasg ac ar y cyfryngau cymdeithasol er mwyn sicrhau bod cynulleidfaoedd ym mhobman yn ymwybodol o waith y Comisiynydd.

Dyletswyddau craidd

• Darparu gwasanaeth cyfathrebu cyflym, arbenigol a dibynadwy, gan ymdrin ag ymholiadau a cheisiadau gan y wasg a’r cyfryngau.
• Rhoi cyngor i aelodau staff y Comisiynydd ynghylch rhannu gwaith y sefydliad a darparu sesiynau briffio cyn cyfweliadau ar y cyfryngau.
• Llunio safbwyntiau ac ymatebion y Comisiynydd mewn modd rhagweithiol ac adweithiol.
• Ysgrifennu datganiadau i’r wasg, a pharatoi a chomisiynu deunydd gweledol addas i gyd-fynd â’r straeon hynny gan sicrhau eu dosbarthu’n eang.
• Cyfathrebu gyda rhan-ddeiliaid y Comisiynydd, drwy gyfarfodydd, cyflwyniadau a thrwy ysgrifennu a chylchredeg cylchlythyr i ran-ddeiliaid.
• Datblygu perthnasoedd gwaith cryf, rhagweithiol gyda newyddiadurwyr ar draws Cymru a’r Deyrnas Unedig.
• Ysgrifennu, golygu a phrawf ddarllen copi ar gyfer yr adroddiad blynyddol ac adroddiadau eraill, cyhoeddiadau, y wefan, datganiadau ac erthyglau, a deunydd ar gyfer y cyfryngau cymdeithasol gan gynnig syniadau o ran deunydd addas i gynulleidfaoedd amrywiol.
• Gweithredu Strategaeth Gyfathrebu’r Comisiynydd drwy weithio gyda thimoedd ar gynlluniau cyfathrebu penodol, hyrwyddo prif negeseuon ac ymgyrchoedd yn y wasg a llunio datganiadau i ddwyn perswâd ar olygyddion a newyddiadurwyr i gynnwys y straeon.
• Datblygu sgiliau digidol e.e ffilmio a golygu fideo er mwyn cynhyrchu cynnwys ar gyfer y cyfryngau a’r cyfryngau cymdeithasol sy’n ddeniadol, i gefnogi a hyrwyddo gwaith y Comisiynydd.
• Cynorthwyo gyda chynnal a chreu cynnwys ar gyfer cyfrifon cyfryngau cymdeithasol y Comisiynydd, gan ateb yn ôl yr angen.
• Diweddaru gwefan y Comisiynydd a’r adran newyddion yn rheolaidd gan sicrhau bod y cynnwys yn cael ei hyrwyddo a’i rannu yn eang.
• Cadw golwg ar ddatblygiadau o bwys a newyddion y dydd a’u rhannu yn ôl yr angen.
• Creu a chylchredeg negeseuon wythnosol a chylchlythyron mewnol yn crynhoi pynciau pwysig a gwybodaeth berthnasol i staff y Comisiynydd.
• Monitro ein sylw yn y cyfryngau a helpu i werthuso ein hymdrechion cyfathrebu er mwyn gwella perfformiad.

Gweithio Hybrid (Yn y Cartref ac yn y Swyddfa, yn y Cartref yn unig ar gyfer gweithwyr y tu allan i bellter cymudo)

Amdanom ni

Yn Webrecruit, rydym yn gwmni hysbysebu a meddalwedd recriwtio, yn gyfuniad prin o bobl greadigol, datblygwyr, arweinwyr meddwl a gweithwyr proffesiynol gwerthu sy'n cydweithio i greu atebion ymarferol, defnyddiadwy i anghenion recriwtio cleientiaid.

Rydyn ni'n gwneud rhywbeth o'r enw Recriwtio Hybrid - dydyn ni ddim i gyd yn hysbysebu recriwtio ac nid ydym yn canolbwyntio ar wneud meddalwedd yn unig. Rydym yn hysbysebu, recriwtio a llogi arbenigwyr meddalwedd sy’n darparu datrysiadau cyflawn sy’n bodloni holl anghenion recriwtio cwmni, o gynhyrchu hysbyseb i ddenu’r bobl gywir a’u cynnwys trwy ein meddalwedd platfform llogi sy’n arwain y farchnad.

Ni yw stop cyntaf llawer o gleientiaid ar gyfer eu hanghenion hysbysebu a chyda hynny mewn golwg, rydym yn parhau i weld galwadau cynyddol am ein cefnogaeth gan gleientiaid newydd a phresennol.

Rydyn ni nawr yn recriwtio ar gyfer Gweinyddwr i ymuno â'n tîm Gwasanaethau Cleient sy'n ymwneud â phostio a gweinyddu'r hysbysebion swyddi rydyn ni'n eu creu ar y byrddau swyddi a'r cyfryngau cymdeithasol.

Eich dydd i ddydd:

O ddydd i ddydd, mae ein Gweinyddwyr yn yr adran Gwasanaethau Cleient yn chwarae rhan hanfodol wrth sicrhau bod ein hysbysebion swyddi yn cael eu postio i fyrddau swyddi gofynnol ac allfeydd cyfryngau cymdeithasol mewn modd amserol, effeithlon a chywir. Mae ein Gweinyddwyr yn sicrhau ein bod yn cyflawni'r hyn y mae ein cleientiaid yn dod i Webrecruit amdano!

Gan weithio gydag atebion awtomataidd profedig ac ymarferol ochr yn ochr â phrosesau cynnil, ystyriol, nid oes unrhyw ddau ddiwrnod yr un fath mewn gwirionedd; mae gennym ddigonedd o systemau a ffyrdd o weithio yn eu lle i wneud ein darpariaeth mor llyfn â phosibl, ond rydym hefyd yn gweithio mewn amgylchedd cyflym sy'n cyflwyno anghenion dyddiol, amrywiol sy'n creu amgylchedd gwaith cadarnhaol a deinamig.

Yr hyn rydym yn chwilio amdano:

Daw ein tîm o amrywiaeth eang o gefndiroedd gyda lefelau amrywiol o brofiad. Yr hyn sy'n gwneud ein timau a'n cymdeithion yn llwyddiannus yw parodrwydd cymunedol i gyflawni gwaith rhagorol i'n cleientiaid bob dydd.

Gyda’n llwyddiannau parhaus, mae gennym ddyddiau lle gall y swm o waith sy’n dod drwodd fod yn uchel ac mae angen aelodau tîm arnom sy’n gallu addasu i’r cyfnodau hyn o fusnes gyda dull tawel a chasgledig, tra’n cadw llygad am fanylion. Bydd angen hyder arnoch hefyd i allu cyfathrebu â chleientiaid, ymgeiswyr a chydweithwyr fel ei gilydd felly mae proffesiynoldeb a galluoedd meithrin cydberthnasau yn bwysig i'r rôl hon. Mae'r gallu i siarad Cymraeg, yn ogystal â Saesneg, hefyd yn hanfodol ar gyfer y swydd hon.

Yn benodol, byddwch yn:

- Postio swyddi gweigion cymeradwy cleientiaid i fyrddau swyddi - Golygu hysbysebion byw ar fyrddau swyddi - Cydgysylltu â chyflenwyr a'r tîm masnachol yn ôl yr angen i sicrhau bod rolau'n cael eu gosod ar fyrddau swyddi cyffredinol ac arbenigol - Rheoli ac ymateb i ymholiadau a cheisiadau yn y mewnflwch gwasanaethau a rennir - Cysylltu â chleientiaid, ymgeiswyr a chydweithwyr dros y ffôn

Nid yw hon yn rhestr hollgynhwysfawr o ddyletswyddau, ac mae digon i gymryd rhan ynddo gan gynnwys sefydlu cyfrifon brand ar gyfer cleientiaid ar y byrddau swyddi, gweinyddu ymgyrchoedd cyfryngau cymdeithasol, cefnogi cleientiaid ac ymgeiswyr ar eu teithiau a mwy!

Bydd gan ymgeiswyr delfrydol brofiad o weithio mewn swyddogaeth weinyddol naill ai mewn Hysbysebu neu Recriwtio, neu'r ddau; fodd bynnag, nid yw hyn yn orfodol a'r hyn yr ydym yn chwilio amdano mewn gwirionedd yw sgiliau gweinyddol cryf ac amlwg, llygad am fanylion ac ymrwymiad i wneud swydd yn iawn.

Beth fyddwch chi'n ei gael yn gyfnewid?

- Cyflog o £22,500 DOE - Cynllun bonws (ar ôl cyfnod prawf) - Cynllun pensiwn - 23 diwrnod o wyliau pro rata (cynyddu gyda gwasanaeth i 25) - Polisi gwisgo i lawr - Gweithio o gartref - Hyfforddiant cynhwysfawr

Fe welwch ein bod ni’n dîm amrywiol o unigolion gydag ehangder o brofiad, cefndiroedd a diddordebau ac mae hyn oll yn cyfrannu at ein gweithle fel rhywbeth yr ydym ni yn Webrecruit yn falch ohono. Rydyn ni'n gweithio o gartref, yn 'gyfarfodydd' Zoom ac yn sgwrsio DM y dyddiau hyn - rydyn ni'n gyson mewn cysylltiad â'n gilydd er ein bod ni'n bell. Rydym hefyd nawr yn ôl yn y swyddfa un diwrnod yr wythnos!

Cynhelir cyfweliadau trwy sgwrs fideo a bydd y broses recriwtio yn cynnwys profion ysgrifennu a sgiliau ochr yn ochr â'r broses ymgeisio a chyfweld.

Cynigir y rôl hon ar sail amser llawn.

Gall sefydliadau eraill alw'r rôl hon yn Gynorthwyydd Gweinyddol, Cynorthwy-ydd Gweinyddol, Cynorthwy-ydd Cymorth Gweinyddol, Swyddog Gweinyddol, Gweinyddwr Recriwtio, Gweinyddwr Adnoddau Dynol, Gweinyddwr Hysbysebu, neu Weithredwr Gweinyddol.

Mae Webrecruit yn gyflogwr cyfle cyfartal, yn gwerthfawrogi amrywiaeth ac wedi ymrwymo'n gryf i ddarparu cyfleoedd cyflogaeth cyfartal i bob gweithiwr a phob ymgeisydd am gyflogaeth. Cyfle cyfartal yw’r unig ffordd dderbyniol o gynnal busnes a chredwn po fwyaf cynhwysol yw ein hamgylcheddau, gorau oll fydd ein gwaith.

Os oes gennych ddiddordeb mewn bod yn Weinyddwr yn Webrecruit, dewiswch y botwm ymgeisio a chyflwynwch lythyr eglurhaol cyffrous ochr yn ochr â'ch CV a chwestiynau ategol.