Swyddi Cymraeg

Mae Ffederasiwn Clybiau Ffermwyr Ifanc Sir Gâr yn awyddus i gyflogi Trefnydd i ddarparu rhaglen eang o weithgareddau a datblygu gwaith y ffederasiwn mewn partneriaeth â swyddog gweinyddol, tîm o swyddogion y Sir a’r mudiad yng Nghymru.

Mae angen i’r person yma fod gyda’r gallu i ysbrydoli a chefnogi pobl ifanc a meddu ar sgiliau rhyngbersonol, trefniadaeth a chyfathrebu arbennig. Hefyd mae’n rhaid meddu ar y gallu i weithio yn effeithiol fel rhan o dîm sy’n hyrwyddo gwahanol weithgareddau a phrosiectau o fewn y Sir a thu hwnt.

Mae Sir Gâr yn chwilio am unigolyn deinamig llawn egni i gynnal a datblygu mudiad llwyddiannus C.Ff.I yn Sir Gâr.

Disgrifiad:

Gwahoddir ceisiadau ar gyfer y swydd hon trwy ddychwelyd CV a llythyr cais yn cynnwys y canlynol:

·   Manylion personol.

·   Manylion addysgol a chymwysterau.

·   Aelodaeth o gyrff proffesiynol.

·   Swydd bresennol.

·   Swyddi blaenorol.

·   Profiadau perthnasol.

·   Manylion am unrhyw drosedd i chi gael eich dyfarnu’n euog ohoni.

·   Enw, cyfeiriad a rhif ffôn dau ganolwr.   Dylai’r llythyr cais amlinellu:

·   Eich rhesymau dros geisio am y swydd.

·   Sut y credwch eich bod yn cyflawni’r meini prawf uchod drwy gynnig esiamplau.

·   Unrhyw wybodaeth berthnasol arall y teimlwch y gallai fod o fantais i chi yn eich cais.