Swyddi Cymraeg

Fel Hwylusydd y Gymraeg ar gyfer Iechyd a Gofal Cymdeithasol byddwch darparu cymorth unigol ac mewn grwpiau bach i ddysgwyr Cymraeg i’w galluogi i gwblhau rhywfaint o’u hastudiaethau yn Gymraeg ar gyrsiau chwaraeon a gwasanaethau cyhoeddus. 

Dyletswyddau Allweddol 

- Hyrwyddo a chyflawni gweledigaeth, gwerthoedd ac ymddygiadau corfforaethol y Coleg. 

- Hyrwyddo cynllun strategol y Coleg a’i werthoedd a bod yn sbardun ar gyfer newid a menter. 

- Bod yn falch o Goleg y Cymoedd a chwarae rhan weithredol mewn diwylliant “Un Coleg” sy’n canolbwyntio ar gryfhau’r cymoedd drwy addysg, sgiliau a hyfforddiant rhagorol. 

- Gweithio gyda Thîm y Gymraeg a Phennaeth yr Ysgol i nodi dysgwyr sy’n gallu siarad Cymraeg a fyddai’n elwa o hyfforddiant / cymorth ychwanegol i gwblhau elfennau o’u hastudiaethau yn Gymraeg. 

- Gweithio gyda Thîm y Gymraeg, Pennaeth yr Ysgol a staff addysgu i gynllunio cymorth un i un a sesiynau grwpiau bach a fydd yn helpu dysgwyr i gwblhau elfennau o’u cyrsiau yn Gymraeg. 

- Monitro a gwerthuso cynnydd dysgwyr drwy gofnodi cyflawniadau yn erbyn amcanion dysgu a bennwyd ymlaen llaw. 

- Cynllunio a chyflwyno sesiynau adolygu ar gyfer grwpiau bach o ddysgwyr i'w helpu i baratoi ar gyfer asesiadau cyfrwng Cymraeg a sefyll arholiadau yn hyderus. 

- Cydgysylltu â dysgwyr sy’n siarad Cymraeg a darparu sesiynau mentora / cymorth i’w helpu i ailgysylltu a deall pam mae’r Gymraeg yn bwysig ar gyfer dilyniant, addysg uwch a chyflogaeth. 

- Cadw cofnodion cywir o bresenoldeb mewn sesiynau mentora / cymorth. - Cefnogi darlithwyr i ymgorffori'r Gymraeg yn eu harfer. 

- Cefnogi dysgwyr i ddatblygu eu sgiliau personol a fydd yn eu gwneud yn ddysgwr gwell ac yn fwy abl i gadw'r wybodaeth, y cysyniadau a'r sgiliau sydd eu hangen i gwblhau eu gwaith yn llwyddiannus. 

- Hyrwyddo gwerthoedd, agweddau ac ymddygiad cadarnhaol dysgwyr yn unol ag arferion a pholisïau sefydliadol.