Swyddi Cymraeg — Gweithio o Adref

Ymunwch â ni fel Arbenigwr Trawsgrifio a chyfrannwch at wella adnabod lleferydd wedi’i bweru gan AI. Byddwch yn adolygu ffeiliau sain, yn trawsgrifio cynnwys llafar yn gywir, ac yn mireinio trawsgrifiadau i sicrhau data o ansawdd uchel sy’n cefnogi datblygiad modelau iaith uwch.   Manteision y Prosiect

• Oriau hyblyg – Gweithio ar eich amserlen eich hun
• Remote – Gweithio o unrhyw le
• Tâl teg yn fyd-eang – Bob amser yn uwch na’r isafswm cyflog yn eich marchnad
• Enillion graddadwy – Po fwyaf rydych yn gweithio, y mwyaf rydych yn ei ennill ** ** Crynodeb o’r Tasg (Beth i’w Ddisgwyl) Byddwch yn gwrando ar recordiadau sain go iawn ac yn cynhyrchu trawsgrifiadau manwl, gair-am-air — gan ddal nid yn unig beth a ddywedwyd, ond sut y’i dywedwyd. Mae hynny’n golygu bod pob “uh”, pob gair wedi’i ailadrodd, a phob ymadrodd sy’n torri i ffwrdd yn bwysig. Bydd eich gwaith hefyd yn cynnwys:
• Trawsgrifio gair-am-air o recordiadau un siaradwr ac aml-siaradwr, gan dargedu cywirdeb o 98%+
• Amsernodi segmentau testun i’r sain gyda manwl gywirdeb uchel (llai na 500ms o wahaniaeth)
• Labelu siaradwyr mewn sgyrsiau sy’n cynnwys dau hyd at wyth o gyfranogwyr
• Anodi digwyddiadau ar gyfer synau di-leferydd fel chwerthin, sŵn cefndir, neu adrannau annealladwy

Yr Hyn Rydym yn Chwilio Amdano

• Rhuglder brodorol neu gyfatebol yn y Gymraeg, gan gynnwys cyfforddusrwydd gyda thafodieithoedd rhanbarthol a lleferydd anffurfiol
• Y gallu i drawsgrifio’n air-am-air — gan gadw petruso, dechreuadau ffug, a geiriau llenwi yn hytrach na’u glanhau (e.e. “Dw i- ddim yn gwybod beth i’w wneud!”)
• Cyfforddusrwydd yn gweithio gydag offer porwr (byddwn yn eich tywys drwy ein platfform)
• Dibynadwyedd: allbwn o ansawdd cyson sy’n cwrdd â therfynau amser

  Taliadau Byddwch yn cael eich talu £543 yr awr o sain. Nodwch mai fesul awr sain wedi’i thrawsgrifio yw hyn, nid fesul awr waith. Caiff tasgau eu cyflwyno mewn unedau o hyd sain amrywiol. Rhaid i bob gwaith a gyflwynir fodloni’r safonau ansawdd gofynnol.

(3 diwrnod yr wythnos, contract cyfnod penodol o 6 mis)

Rydym yn chwilio am Reolwr Prosiect Lleoleiddio trefnus, manwl ei feddwl, i arwain prosiect chwe mis i ddod â Sumdog Maths yn fyw yn y Gymraeg ar gyfer ysgolion cynradd ledled Cymru. Bydd y rôl hon yn goruchwylio’r broses leoleiddio o’r dechrau i’r diwedd ar ein platfform dysgu, gan gydlynu cyfieithu, adolygu, sicrwydd ansawdd (QA) a chyflwyno, er mwyn sicrhau bod pob cwestiwn Sumdog yn cwrdd â’r safonau uchaf o ran cywirdeb ieithyddol, addasrwydd addysgol a phrofiad y defnyddiwr.

Gan weithio tri diwrnod yr wythnos, byddwch yn rheoli amserlen gymhleth sy’n cynnwys sawl math o gynnwys, rhanddeiliaid a chamau cyflwyno. Bydd rhan allweddol o’r rôl yn sicrhau ansawdd ar draws cyfrolau mawr o gynnwys addysgol dwyieithog, adnabod risgiau’n gynnar, a chynnal cysondeb terminoleg a thôn drwy gydol y prosiect.

Mae hwn yn gyfle cyffrous i lunio’r ffordd y mae dysgwyr cyfrwng Cymraeg yn ymgysylltu â Sumdog, ac i helpu i ehangu mynediad at ddysgu digidol o ansawdd uchel ledled Cymru. Os oes gennych fedr cryf yn y Gymraeg, profiad o redeg prosiectau lleoleiddio neu gynnwys aml-gydran, a brwdfrydedd dros addysg, byddem wrth ein bodd yn clywed gennych.

Mae Cadwyn Clwyd Cyfyngedig yn fenter gymdeithasol sy’n cynnig arweiniad a chymorth i gymunedau a mentrau yng Ngogledd Ddwyrain Cymru a thu hwnt. Mae’r Cwmni yn canolbwyntio’n benodol ar weithrediadau sy’n ysgogi cymryd rhan ar lawr gwlad, cydweithio ac arloesi i gefnogi prosiectau economaidd-gymdeithasol ar gyfer cymunedau a mentrau sy’n gweithredu’n lleol. Maen nhw’n cydweithio’n uniongyrchol gyda chymunedau a mentrau bach i’w cynorthwyo i ddatblygu a rhoi prosiectau ar waith sydd o fudd i economi leol yr ardal. Ar hyn o bryd mae’r Cwmni wrthi’n cyflawni prosiectau sydd wedi’u hariannu fel rhan o Gronfa Ffyniant Gyffredin Llywodraeth y DU (SPF). Fel rhan o’r swydd hon, bydd disgwyl i’r ymgeisydd llwyddiannus ddarparu cymorth prosiect i gyflawni ‘Prosiect Cronfa Allweddol Cefnogi Sector a Busnes Twristiaeth’, sydd wedi’i ariannu gan y Gronfa Ffyniant Gyffredin, yn Sir y Fflint.

Bydd y swyddog cefnogi prosiect Twristiaeth yn gyfrifol dros ddarparu cymorth prosiect i gyflawni’r Prosiect Cronfa Allweddol Cefnogi Sector a Busnes Twristiaeth. Bydd y prosiect yn cynnig cyllid er mwyn datblygu a hyrwyddo’r economi ymwelwyr (masnach a defnyddwyr) megis atyniadau lleol, llwybrau, teithiau tywys a chynnyrch twristiaeth yn fwy cyffredinol. Bydd y prosiect yn canolbwyntio ar greu swyddi a hybu cydlyniant cymunedol, drwy fuddsoddiadau sy’n ategu diwydiannau a sefydliadau presennol. Mae’r buddsoddiadau yn amrywio o gymorth i fusnesau newydd i welliannau amlwg i gyfleusterau’r sectorau manwerthu, lletygarwch a hamdden lleol. Yn ei dro bydd hyn yn cynyddu buddsoddiad sector preifat mewn gweithgareddau i hybu twf, drwy gymorth wedi’i dargedu ar gyfer busnesau bach a micro i ymgymryd â gwaith sy’n torri tir newydd, gwella’u cynhyrchiant, mabwysiadu technolegau a thechnegau effeithlon o ran ynni a charbon isel a bwrw iddi gyda neu gynyddu eu hallforion.

Rydym yn chwilio am unigolyn deinamig sydd â phrofiad o gymorth prosiect i ddarparu cymorth ymarferol i gyflawni ein prosiect Prosiect Cronfa Allweddol Cefnogi Sector a Busnes Twristiaeth yn Sir y Fflint.  

**Os hoffech wybod mwy, cysylltwch gyda Cara ar ebost [email protected], neu dros y ffon ar 01490 340500. **

Mae Cadwyn Clwyd Cyfyngedig yn fenter gymdeithasol sy’n cynnig arweiniad a chymorth i gymunedau a mentrau yng Ngogledd Ddwyrain Cymru a thu hwnt. Mae’r Cwmni yn canolbwyntio’n benodol ar weithrediadau sy’n ysgogi cymryd rhan ar lawr gwlad, cydweithio ac arloesi i gefnogi prosiectau economaidd-gymdeithasol ar gyfer cymunedau a mentrau sy’n gweithredu’n lleol. Maen nhw’n cydweithio’n uniongyrchol gyda chymunedau a mentrau bach i’w cynorthwyo i ddatblygu a rhoi prosiectau ar waith, sydd o fudd i economi leol yr ardal. Ar hyn o bryd mae’r Cwmni wrthi’n cyflawni prosiectau sydd wedi’u hariannu fel rhan o Gronfa Ffyniant Gyffredin Llywodraeth y DU (SPF). Fel rhan o’r swydd hon, bydd disgwyl i’r ymgeisydd llwyddiannus gyflawni Cronfa Allweddol Busnes Sir Ddinbych, sydd wedi’i hariannu gan y Gronfa Ffyniant Gyffredin, yn Sir Ddinbych. 

Bydd y prosiect ar waith ledled Sir Ddinbych gan ymdrin â’r thema Busnesau Ffyniannus sydd ynghlwm â Chynllun Corfforaethol Sir Ddinbych a thema Cefnogi Busnes Lleol Cronfa Ffyniant Gyffredin y DU. Bydd y prosiect yn ategu’r agenda codi’r gwastad er mwyn hybu cynhyrchiant, tâl, swyddi a safonau byw drwy ddatblygu’r sector preifat, yn enwedig yn yr ardaloedd hynny sydd ar ei hôl hi o ran hynny. Rydym yn chwilio am unigolyn deinamig sydd â phrofiad o gymorth prosiect i ddarparu cymorth ymarferol i gyflawni ein prosiect Cymorth Busnes yn Sir Ddinbych.

Cysylltwch gyda Cara drwy ebost neu ffoniwch am fwy o wybodaeth: [email protected] / 01490 340500

Mae hyn eisoes yn digwydd mewn nifer sylweddol o Gylchoedd Ti a Fi. Fodd bynnag mewn ardaloedd lle ceir anhawster recriwtio Arweinyddion parhaol i gylchoedd Ti a Fi, mae’r Mudiad yn chwilio am berson brwdfrydig i arwain gweithgareddau a rhannu negeseuon am ddilyniant i Addysg Gymraeg ar gyfer plant a’u rhieni/gwarchodwyr mewn hyd at 5 cylch Ti a Fi yn yr ardal. Disgwylir i’r person a benodir fod â phrofiad o arwain gweithgareddau chwarae ar gyfer plant o dan oed ysgol ynghyd â phrofiad o drefnu rhaglen o weithgareddau cefnogol ar gyfer rhieni/gwarchodwyr. Dylai’r person fod yn frwd dros y Gymraeg ac yn gallu trosglwyddo negeseuon i rieni/gwarchodwyr am werth dwyieithrwydd yn ogystal â phwysigrwydd dilyniant o gylch Ti a Fi i Gylch Meithrin ac ymlaen i addysg cyfrwng Cymraeg.

Dyletswyddau’r Swydd

Bod yn atebol i Brif Weithredwr Mudiad Meithrin trwy’r Rheolwr Talaith am gyflawni’r dyletswyddau canlynol:

• Cydweithio â’r Rheolwr Talaith i drefnu amserlen wythnosol i gynnal cylchoedd Ti a Fi.

• Ymgymryd â rôl Arweinydd mewn 3 cylch Ti a Fi yn yr ardaloedd dynodedig ym Mro Morgannwg (gweitho gweithio yn unol â chyfyngiadau Cofid-19)

• Dangos hyblygrwydd i weithio’n rhithiol os oes angen.

• Cynnal sesiwn wythnosol yn y cylchoedd Ti a Fi er mwyn arwain a chynnal gweithgareddau addas ar gyfer y plant a’u rhieni/gwarchodwyr.

• Sicrhau bod yr ystafelloedd neu’r ardal tu allan a’r adnoddau a ddefnyddir ar gyfer cynnal y cylchoedd yn addas ac yn ddiogel. Cynnal Asesiadau Risg gan ddilyn canllawiau Mudiad Meithrin.

• Sicrhau cyhoeddusrwydd i’r cylchoedd Ti a Fi trwy gydweithio â’r Swyddog Cefnogi lleol a’r Rheolwr Talaith er mwyn cynyddu’r defnydd a wneir ohonynt gan deuluoedd sy'n byw yn yr ardaloedd perthnasol.

• Ar y cyd a’r Rheolwr Talaith, Swyddogion Cefnogi, Swyddogion Cymraeg i Blant, meithrin perthynas a nifer o bartneriaethau lleol er mwyn hyrwyddo’r gwaith gan gynnwys Mentrau Iaith, Dechrau’n Deg, Ymwelwyr Iechyd, Dewis, Gwasanaeth Gwybodaeth i Deuluoedd, Addysg ayyb i sicrhau bod Ti a Fi yn cael ei hyrwyddo'n weithredol.

• Cydweithio’n agos â chynlluniau eraill y Mudiad e.e Sefydlu a Symud a Chynllun Cymraeg i Blant, er mwyn sicrhau’r rhaglen orau yn lleol.

• Codi ymwybyddiaeth o fuddion addysg Gymraeg lleol drwy gynorthwyo i gynnal digwyddiadau ac achlysuron cyhoeddusrwydd e.e. Diwrnodau hwyl i’r teulu.

• Casglu a darparu gwybodaeth ystadegol a diweddariadau rheolaidd fel bo galw ar gyfer trosglwyddo gwybodaeth i Lywodraeth Cymru / Mudiad Meithrin, yn unol â gofynion y grant.

• Cydweithio â’r Swyddog Cefnogi lleol a’r Rheolwr Talaith er mwyn sicrhau cysylltiad agos rhwng y cylchoedd Ti a Fi a chylchoedd meithrin yr ardal.

• Trefnu bod Arweinydd/staff Cylchoedd Meithrin a chynrychiolydd o’r Ysgolion Cynradd Cymraeg lleol yn ymweld â’r cylchoedd Ti a Fi er mwyn trafod manteision dwyieithrwydd a dilyniant i Addysg Gymraeg gyda’r rhieni ac esbonio’r cyfleoedd sydd ar gael yn lleol i’w plant dderbyn addysg cyfrwng Cymraeg.

• Ar y cyd â’r Rheolwr Talaith trefnu rhaglen o gofrestru pob un o’r cylchoedd yn eu tro ar Gynllun ansawdd Ti a Fi Serennog.

• Mynychu cyfarfodydd tîm, Pwyllgorau Sir ac unrhyw bwyllgor arall perthnasol.

• Mynychu sesiynau hyfforddiant mewn swydd fel bo’r angen.

• Unrhyw waith arall perthnasol a chyffredinol i swyddogaeth y Mudiad yn ôl cyfarwyddyd y Prif Weithredwr.

• Cyfrannu’n weithredol at hyrwyddo cydraddoldeb, amrywiaeth a chynhwysiant ym mhob agwedd o’r gwaith, gan wrthod unrhyw ragfarn, ac ymdrin ag unrhyw wrthdaro neu ddigwyddiad yn brydlon yn unol â’r Polisi Cydraddoldeb ac Amrywiaeth.

Mae Ynni Cymunedol Cymru’n chwilio am unigolyn egnïol i gymryd rhan mewn datblygu’r sefydliad a’r sector, gan ein galluogi ni i ddatblygu ym maes gwres, effeithlonrwydd ynni a thrafnidiaeth.

Bydd y swydd hon yn cyflawni prosiectau sy’n cael eu hymgymryd gan YCC ac yn edrych am brosiectau newydd mewn partneriaeth gyda’n haelodau.

Ceir rhagor o wybodaeth yn y Swydd Ddisgrifiad

Cyflog: £30,000 - £33,000

Llawn Amser

Dyddiad Cau 24/5/22

Anfonwch CV a Llythyr Eglurhaol at  [email protected] er mwyn ymgeisio.

Gweinyddwr ar gyfer Tîm Busnes Cymru yn y Canolbarth a Gorllewin Cymru

A oes gennych yr hyn sydd ei angen i chwarae rôl allweddol wrth gefnogi mentrau bach a chanolig yng Nghymru i gyflawni eu huchelgais am dwf? Os felly, byddwch yn falch o glywed bod cyfle i ymuno â tîm cyfeillgar Busnes Cymru yng Nghanolbarth & Gorllewin Cymru.

Pwy fydda i'n gweithio gyda?

Mae Busnes Cymru yn darparu cymorth busnes o'r radd flaenaf i fentrau bach a chanolig yng Nghymru ar ran Llywodraeth Cymru. Fe’i ariennir gan Gronfa Datblygu Rhanbarthol Ewrop ac mae’n cael ei ddarparu gan Bartneriaeth Twf Cymru (PTC), partneriaeth o Busnes Mewn Ffocws, Antur Cymru a Serco.

Felly, beth fydd rôl Gweinyddwr yn cynnwys?

Yn adrodd i'r Arweinydd y Tîm Perthynas â Chleientiaid, byddwch yn darparu gwasanaeth broceriaeth llawn i gleientiaid i gynorthwyo â’r gwaith o ddarparu gwasanaeth Busnes Cymru.

Bydd eich dyletswyddau'n cynnwys ond nid yn gyfyngedig i:

• Gosod data yn gywir o fewn bas-data a taenlenni.

• Darparu cymorth gweinyddol ar gyfer trefnu gwahanol hyfforddiant a digwyddiadau i’r rhanbarth e.e. paratoi gwybodaeth, gwybodaeth cofrestru a manylion mynychu cleientiaid, dilyn i fyny ar unrhyw wybodaeth sydd ar goll.

• Cynnal ffeiliau cleientiaid yn gywir.

• Ateb y ffôn a cyfeirio galwadau i’r person iawn.

Beth fydd ei angen arnaf er mwyn cael fy ystyried ar gyfer y rôl Gweinyddwr hwn?

 Profiad o weithio o fewn rôl weinyddol/gwasanaeth cwsmeriaid, gyda sylw da at manylder a darparu gwasanaeth effeithiol o safon uchel.

• Profiad o gosod data i fewn i bas-data a taenlenni.

• Y gallu i weithio'n effeithiol o dan bwysau mewn amgylchedd sy’n gofyn am gywirdeb.

• Yn drefnus iawn, gyda'r gallu i reoli a blaenoriaethu llwyth gwaith yn effeithiol

• Sgiliau cyfathrebu a rhwydweithio gwych, gyda'r gallu i ryngweithio'n effeithiol â phobl ar bob lefel.

• Llythrennedd TG gyda gwybodaeth weithredol dda o Microsoft Office.

Beth fyddaf i'n ei dderbyn yn gyfnewid?

Cyflog: Yn cychwyn o £20,280 y flwyddyn.

Manteision ychwanegol: Y mae Antur Cymru yn darparu pecyn deniadol o fuddion gan gynnwys cynllun gweithio hyblyg, 23 diwrnod o wyliau blynyddol yn ogystal â gwyliau cyhoeddus, pensiwn, rhaglen cefnogi gweithwyr, cynllun beicio i gwaith, cynllun technoleg ac yn y blaen.

Oriau: Llawn amser, 37.5 awr yr wythnos

Math o gontract: Parhaol (tan Mawrth 202