Swyddi Cymraeg

DIBEN Y SWYDD

Meithrin cydweithredu effeithiol ag ysgolion ac Awdurdodau Lleol trwy ddysgu proffesiynol o ansawdd uchel, i sicrhau bod yr holl staff, ym mhob ysgol yn y bartneriaeth, yn cael cefnogaeth dda mewn meysydd megis Cwricwlwm i Gymru, datblygu a darparu cymwysterau newydd, addysgeg a hunanwerthuso. Bydd y rôl yn hyblyg er mwyn ymateb i anghenion gwahanol pob Awdurdod Lleol, ac wrth wneud hynny i ddeall gofynion ysgolion ledled y Bartneriaeth o ran cymorth. Bydd cynghorwyr yn gweithio'n agos gyda chyd-weithwyr yn yr Awdurdodau Lleol ar ystod eang o fentrau a fydd yn newid wrth i flaenoriaethau newydd godi. Cyfrannu at y broses o lunio a datblygu polisi a chynlluniau strategol; paratoi adroddiadau yn ôl y gofyn; cynrychioli a/neu gynorthwyo'r Uwch-gynghorwyr Strategol ac ymateb i anghenion newidiol, a hynny er mwyn gweithredu'r blaenoriaethau yn y Cynllun Busnes. 

Ar gael yn barhaol neu ar secondiad 

Bydd opsiynau llawn-amser a rhan-amser/gweithio hyblyg yn cael eu hystyried (hyd at 1 FTE)

Cyflog – Soulbury 13-15 ynghyd â 3 phwynt SPA (neu'n cyfateb i'r telerau ac amodau cyflogaeth yn achos secondiad)

Dylai'r rheiny sy'n dymuno cael eu hystyried ar gyfer secondiad gael cymeradwyaeth eu Corff Llywodraethu cyn gwneud cais.

Dyddiad Dechrau – cyn gynted â phosibl

Cafodd Partneriaeth ei ffurfio ym mis Ebrill 2022 yn dilyn darfodiad ERW. Mae'r consortiwm newydd yn wasanaeth gwella ysgolion rhanbarthol cwbl integredig, ac mae wedi'i gomisiynu gan dri awdurdod lleol – Cyngor Sir Caerfyrddin, Cyngor Sir Penfro a Dinas a Sir Abertawe. Ei nod yw darparu dysgu proffesiynol o ansawdd uchel i bob arweinydd, athro ac aelod o staff cymorth i wella'r deilliannau ar gyfer yr holl ddysgwyr. Bydd Partneriaeth hefyd yn gweithio gyda chonsortia, partneriaethau ac Awdurdodau Lleol eraill ledled Cymru, sefydliadau ymchwil, a Llywodraeth Cymru i arwain y gwaith o ddatblygu a chyflwyno polisi ledled y tri ALl.

Rydym am benodi athro/athrawes tra effeithiol i swydd Ymgynghorydd, gyda ffocws penodol ar Gymraeg Ail Iaith (Uwchradd). Gan weithio mewn tîm o 12 o ymgynghorwyr eraill, bydd yr ymgeisydd llwyddiannus yn gyfrifol am ddatblygu cydweithredu effeithiol gydag ysgolion ac ALlau er mwyn sicrhau bod yr holl staff addysgu a dysgu yn cael cefnogaeth dda mewn meysydd megis Cwricwlwm i Gymru, datblygu a darparu cymwysterau newydd, addysgeg a hunanwerthuso.

Bydd angen i ymgeiswyr feddu ar hanes profedig o addysgu rhagorol i gefnogi a gwella ymarfer ystafell ddosbarth. Disgwylir i'r ymgeisydd llwyddiannus sicrhau cysondeb o ran mynediad at gyfleoedd a dysgu proffesiynol o ansawdd uchel i bawb, yn ogystal â sicrhau cysondeb o ran cymorth i ysgolion trwy bartneriaethau effeithiol ag Awdurdodau Lleol ac ysgolion.

Darperir manylion llawn am y rôl yn y swydd-ddisgrifiad sydd ynghlwm. Os hoffech drafod y cyfle ymhellach, cysylltwch â Gwennan Schiavone, Uwch Ymgynghorydd Strategol drwy e-bost: [email protected]

Y dyddiad cau ar gyfer ceisiadau yw 16 Chwefror 2023.

Cynhelir y cyfweliadau yn yr wythnos yn dechrau ar 27 Chwefror 2023

Rydym yn chwilio am arweinydd cryf sy’n gallu ysgogi ei hun ac sy’n rhoi pwyslais cryf ar wasanaethau cwsmeriaid, sy’n barod i gymryd y camau cyntaf i ddatrys problemau, ac sy’n mwynhau gweithio mewn amgylchedd lle mae pawb yn gweithio dan gryn bwysau.

Byddwch yn arwain y tîm Dysgu ac Ymgysylltu â’r Aelodau sy’n gyfrifol am ddatblygu rhaglen dysgu a datblygu berthnasol ac amserol, o safon uchel, a’i chyflwyno i’r Aelodau a’u staff. Mae'r tîm yn rheoli'r gyllideb ac yn datblygu ffyrdd arloesol o ddarparu hyfforddiant ledled Cymru sy'n berthnasol i bob agwedd ar waith yr Aelodau. Mae hefyd yn gyfrifol am fewnrwyd yr Aelodau ac arolwg bodlonrwydd yr Aelodau.

Gan ddefnyddio ffyrdd cynhyrchiol o ymgysylltu â’r Aelodau i gasglu adborth er mwyn nodi a deall anghenion yr Aelodau, byddwch yn cynorthwyo'r Prif Weithredwr a Bwrdd Gweithredol y Comisiwn i wneud penderfyniadau effeithiol sy'n canolbwyntio ar yr Aelodau gan godi ymwybyddiaeth a chryfhau dealltwriaeth o'r anghenion hynny.

Bydd angen ichi ddangos barn sicr ac ennyn ymddiriedaeth a hyder yr Aelodau a chydweithwyr ac ymgysylltu a chyfathrebu’n effeithiol. Bydd angen ichi ddatblygu a meithrin perthynas ag eraill, cael pobl i ddeall safbwyntiau pobl eraill, a deall rôl y Senedd a’r Comisiwn.

Bydd gennych sgiliau cyfathrebu rhagorol. Byddwch yn gallu cynhyrchu gwybodaeth sy’n glir a chywir, a chynnig cyngor diduedd, yn ysgrifenedig ac ar lafar. Rhaid ichi fod yn wleidyddol ddiduedd bob amser.

Yn fwy cyffredinol, bydd angen ichi ddangos ymrwymiad personol i werthoedd Comisiwn y Senedd, gan arwain newid i hybu amcanion strategol Comisiwn y Senedd.

Cysylltwch â ni os ydych chi am ymuno â ni.