Swyddi Cymraeg — Hyblyg

Bydd yr ymgeisydd llwyddiannus yn cyfrannu at lwyddiant cyffredinol Cymdeithas Bêl-droed Cymru trwy ddatblygiad parhaus a gweithrediad strategaethau marchnata a rheoli brand CBDC. 

Gan weithio a chysylltu â thimau CBDC ar draws y cymysgedd marchnata llawn byddwch yn sicrhau ein bod yn parhau i fod yn flaengar ac o safon fyd-eang yn ein dull marchnata yn unol â’n nod strategol cyffredinol o greu cenedl bêl-droed flaenllaw.

Mae’r cyfieithydd yn chwarae rôl hanfodol o ran galluogi GLlTEF a phartneriaid eraill o fewn y Weinyddiaeth Cyfiawnder i gyflawni’r goblygiadau yn eu Cynlluniau Iaith Gymraeg unigol. Bydd angen i’r deiliad swydd fod â sgiliau ieithyddol o’r safon uchaf yn y Gymraeg a’r Saesneg er mwyn gallu cyfieithu’n gywir a rhoi’r sylw priodol i ramadeg a chystrawen y ddwy iaith.   Disgrifiad Swydd   **Prif gyfrifoldebau: **   Cyfieithu pob math o waith e.e. agendâu, adroddiadau, cofnodion, llythyrau, e-byst i sicrhau bod GLlTEF ac aelodau o deulu ehangach y Weinyddiaeth Gyfiawnder yn cydymffurfio â'u Cynlluniau Iaith Gymraeg.

Wrth i WLlTEM barhau i ddigideiddio nifer o’i wasanaethau, i gynorthwyo gyda chyfieithu’r cynnwys, treialu’r cynnwys gyda siaradwyr Cymraeg a gwirio bod y cynnwys Cymraeg yn ymddangos yn gywir ar y platfform Cymraeg.   Prawf ddarllen gwaith eich hun a gwaith cyfieithwyr eraill yn y tîm.

Cyfieithu ar y pryd mewn cyfarfodydd a maes o law mewn achosion llys neu dribiwnlys.

Helpu i gynnal cyfryngau cymdeithasol Cymraeg GLlTEF trwy drydar yn y Gymraeg neu gyfieithu is-deitlau.   Cyflwyno gwaith wedi’i gyfieithu mewn fformat dwyieithog os yw’n ofynnol. Bydd hyn yn golygu bod yn gyfarwydd â dylunio dwyieithog.   Bod â’r wybodaeth ddiweddaraf mewn perthynas â datblygiadau ym maes terminoleg Cymraeg a chymorth technegol i gyfieithwyr.   Cynorthwyo i ddiweddaru banc terminoleg Uned yr Iaith Gymraeg.   Cyfrannu i waith yr Uned Gymraeg yn ehangach a bod yn barod i helpu i wella ffyrdd o weithio trwy ddefnyddio technegau gwelliant parhaus.

Sgiliau a Chymwysterau   Gradd yn y Gymraeg, cymhwyster cydnabyddedig ym maes Cyfieithu h.y. Aelod o Gymdeithas Cyfieithwyr Cymru neu Dystysgrif Ôl-raddedig mewn Cyfieithu, neu brofiad yn gweithio fel cyfieithydd cymwys.   Gallu i weithio gyda rhaglenni Microsoft megis Word, Outlook a chof cyfieithu fel TRADOS.   Cyflog, Trefniadau Gweithio a Gwybodaeth Bellach   Cyflog cychwynnol

Disgwylir i’r ymgeisydd llwyddiannus ddechrau ar waelod yr ystod cyflog.   Math o Gontract

Tymor Penodol   Oriau gweithio hyblyg

Mae’r Weinyddiaeth Gyfiawnder yn cynnig system gweithio hyblyg mewn llawer o swyddfeydd. Mae’r Uned Iaith Gymraeg yn gweithio mewn modd ‘hybrid’ sy’n cynnwys cyfuniad o weithio mewn swyddfa ac o gartref h.y 3 diwrnod yr wythnos o gartref a 2 o’r swyddfa.   Buddion Mae gan y Weinyddiaeth Gyfiawnder amrediad o fuddion:   Gwyliau Blynyddol

Lwfans hael ar gyfer gwyliau â thâl, yn dechrau ar 25 diwrnod y flwyddyn ac yn cynyddu i 30 diwrnod y flwyddyn ar ôl 5 mlynedd. Ceir hefyd gynllun sy’n caniatáu i staff brynu neu werthu hyd at dri diwrnod o wyliau y flwyddyn. Amser ychwanegol i ffwrdd, gyda thâl, ar gyfer gwyliau cyhoeddus a 2.5 diwrnod braint. Cyfrifir gwyliau ar gyfer swyddi rhan amser a swyddi a rennir ar sail pro-rata.   Pensiwn

Mae’r Gwasanaeth Sifil yn cynnig dewis o gynlluniau pensiwn, gan roi’r hyblygrwydd i chi ddewis y pensiwn gorau i chi.   Hyfforddiant

Mae’r Weinyddiaeth Gyfiawnder yn ymroddedig i ddatblygu staff ac mae'n cynnig amrediad o gyfleoedd hyfforddi a datblygu.

Cefnogaeth

·   Amrediad o bolisïau ystyriol o deuluoedd, megis cyfleoedd i weithio llai o oriau neu rannu swydd.

·   Hawl i fuddion hyblyg, megis trefniadau aberthu cyflog am dalebau gofal plant, a buddion gwirfoddol megis talebau siopa a disgownt ar amrediad o nwyddau a gwasanaethau.

·   Absenoldeb tadolaeth, mabwysiadu a mamolaeth gyda thâl.

·   Prawf llygaid am ddim i weithwyr sy'n defnyddio sgrîn cyfrifiadur.   Rhwydweithiau

Y cyfle i ymuno â rhwydweithiau sy’n cael eu rhedeg gan weithwyr, sydd wedi’u sefydlu i roi cyngor a chefnogaeth ac er mwyn gallu mynegi barn gweithwyr o grwpiau lleiafrifol yn uniongyrchol i uwch reolwyr. Ar hyn o bryd, ceir rhwydweithiau ar gyfer gweithwyr o darddiad ethnig lleiafrifol, gweithwyr sydd ag anableddau, gweithwyr sydd â chyfrifoldebau gofalu, gweithwyr sy’n ferched, a gweithwyr lesbiaidd, hoyw, deurywiol a thrawsrywiol.   Cod y Gwasanaeth Sifil

Mae Cod y Gwasanaeth Sifil, a gyhoeddwyd am y tro cyntaf yn 1996, yn gosod gwerthoedd craidd y Gwasanaeth Sifil a safon yr ymddygiad a ddisgwylir gan bawb sy’n gweithio i’r Gwasanaeth Sifil er mwyn cynnal y gwerthoedd hyn.   ·   Uniondeb – gosod rhwymedigaethau gwasanaeth cyhoeddus uwchlaw eich buddiannau personol.

·   Gonestrwydd – bod yn onest ac yn ddidwyll.

·   Gwrthrychedd - seilio eich cyngor a’ch penderfyniadau ar ddadansoddiad trwyadl o’r dystiolaeth.

·   Didueddrwydd – gweithredu yn unol â rhinweddau’r achos yn unig a gwasanaethu llywodraethau o wahanol bleidiau gwleidyddol yn gyfartal.   I weld Cod y Gwasanaeth Sifil, ewch i: http://www.civilservice.gov.uk/about/values    Pwy sy'n gymwys

Rhaid recriwtio staff a benodir yn barhaol drwy gystadleuaeth deg ac agored.

Ni yw Cymwysterau Cymru, y sefydliad annibynnol sy’n gyfrifol am reoleiddio cymwysterau cyffredinol a galwedigaethol yng Nghymru. Rydym yn canolbwyntio ar gymwysterau a ariennir yn gyhoeddus, gan gynnwys TGAU, Safon Uwch a chymwysterau galwedigaethol.

Ar hyn o bryd rydym yn chwilio am Reolwyr Cymwysterau i ymuno â ni yn llawn amser. Gellir trafod ceisiadau am batrymau gweithio amgen, gan gynnwys rhan-amser a rhannu swydd, yn y cyfweliad. Mae gennym saith cyfle ar gael yn barhaol gydag un contract cyfnod penodol ar gyfer cyfnod o absenoldeb mamolaeth. Byddai gennym ddiddordeb mewn ystyried ceisiadau am gyfle secondiad o hyd at ddwy flynedd ar gyfer pob rôl, gyda’r posibilrwydd o sefydlogrwydd.

** Y Manteision**

- Cyflog o £41,700 - £49,370 y flwyddyn

- 30 diwrnod o wyliau blynyddol pro rata (a gwyliau cyhoeddus a chau swyddfeydd dros y Nadolig)

- Trefniadau gweithio hyblyg

- Cynllun Pensiwn y Gwasanaeth Sifil

Y Rôl

Fel Rheolwr Cymwysterau, byddwch yn rheoli, datblygu a chyflwyno prosiectau a rhaglenni gwaith sy'n ymwneud ag adolygu a diwygio cymwysterau galwedigaethol a thechnegol.

Gan greu amserlen ar gyfer gweithredu prosiectau a gweithgareddau, byddwch yn sicrhau bod amcanion yn cael eu cyflawni ar amser, o fewn y gyllideb ac yn unol â gofynion ansawdd a chyfreithiol.

Yn ogystal, byddwch yn:

- Arwain a rheoli tîm bach o staff

- Adolygu a dadansoddi tystiolaeth gymhleth

- Datblygu dealltwriaeth o ddyletswyddau statudol, polisïau, meini prawf, amodau a chanllawiau

- Meithrin perthnasoedd cadarnhaol ag amrywiaeth o randdeiliaid

Amdanoch Chi

I gael eich ystyried yn Rheolwr Cymwysterau, bydd angen y canlynol arnoch:

- Profiad o weithio ar lefel reoli mewn cyd-destun rheoleiddio, datblygu cymwysterau neu sicrhau ansawdd

- Profiad yn y sectorau cymwysterau, addysg neu hyfforddiant

- Profiad o reoli prosiectau

- Profiad o ymgysylltu a thrafod ag ystod eang o randdeiliaid

- Dealltwriaeth o'r dulliau o ddatblygu, adolygu, rheoleiddio a/neu sicrhau ansawdd cymwysterau a/neu raglenni addysg

- Y gallu i gyfleu gwybodaeth gymhleth yn glir

Byddai rhuglder yn y Gymraeg o fudd i'ch cais. Ein nod yw penodi o leiaf un siaradwr Cymraeg rhugl ar gyfer y rolau hyn. Y dyddiad cau ar gyfer y rôl hon yw 30 Ionawr 2023.

Cynhelir cyfweliadau ar-lein neu yn ein swyddfa yn ystod yr wythnosau sy’n dechrau ar y 6ed a’r 13eg Chwefror 2023.

Gall sefydliadau eraill alw'r rôl hon yn Rheolwr Rheoleiddio, Rheolwr Perfformiad, Rheolwr Diwygio, Rheolwr Sicrwydd Ansawdd, neu Reolwr Prosiect.

Felly, os oes gennych ddiddordeb yn y cyfle eithriadol hwn fel Rheolwr Cymwysterau, gwnewch gais drwy'r botwm a ddangosir. Mae'r swydd wag hon yn cael ei hysbysebu gan Webrecruit. Mae'r gwasanaethau a hysbysebir gan Webrecruit yn rhai Asiantaeth Gyflogaeth.

Mae gennym gyfle cyffroes i berson brwdfrydig sy’n dymuno gweithio gyda’r Comisiynydd i wella perfformiad cyrff wrth iddynt ddarparu gwasanaethau yn Gymraeg. Bydd y swydd yn cynnwys cyfrifoldeb penodol am oruchwylio cydymffurfiaeth cyrff cyhoeddus adnabyddus fel Llywodraeth Cymru, S4C, BBC, ICO, Ofcom, Amgueddfa Cymru, Canolfan Celfyddydau Cymru a mwy. 

Disgrifiad:

Dyletswyddau penodol

CYFLWYNO A GOSOD SAFONAU A CHYTUNO DYLETSWYDDAU IAITH

Bod yn gyfrifol am wneud gwaith ymchwil er mwyn cadw gorolwg dros y graddau y mae ac y dylai personau fod yn ddarostyngedig i safonau’r Gymraeg ac er mwyn dysgu a meithrin dealltwriaeth am sectorau. 

Bod yn gyfrifol am gynnal ymchwiliadau safonau er mwyn gwneud safonau’n benodol gymwys i bersonau. Cadw at brosesau’r Mesur a chanllawiau mewnol wrth weithredu holl gamau yn unol â rhaglen ac amserlen osodedig a chasglu tystiolaeth dibynadwy ar gyfer adroddiadau safonau. Bod yn gyfrifol am baratoi adroddiadau safonau ar grŵp penodol o bersonau / personau a phwnc penodedig i sylw’r Uwch Swyddog.

Bod yn gyfrifol am osod hysbysiadau cydymffurfio ar bersonau. Ymgynghori gyda portffolio penodol o bersonau ynghylch cynnwys hysbysiadau cydymffurfio cyn eu gosod. Poblogi cofrestr hysbysiadau cydymffurfio’r Comisiynydd yn brydlon a chywir.    Bod yn gyfrifol am ystyried a phrosesu heriau gan sefydliadau ynghylch anghymesuredd neu afresymoldeb y dyletswyddau a osodwyd arnynt.

Lle nad yw safonau’n gymwys, bod yn gyfrifol am baratoi neu ddiwygio cynlluniau iaith Gymraeg o dan ofynion Deddf yr Iaith Gymraeg 1993.

**CODAU YMARFER **

Bod yn gyfrifol am ymchwilio a drafftio codau ymarfer Comisiynydd y Gymraeg yn unol â rhaglen baratoi osodedig. Bydd hyn yn cynnwys ymgynghori’n eang ar eu cynnwys. Bod yn gyfrifol am ddarparu codau ymarfer i sefydliadau darostyngedig i safonau yn unol â rhaglen ddyroddi hysbysiadau cydymffurfio’r Comisiynydd lle bo codau ymarfer ar gael. 

**CYDYMFFURFIO GYDA DYLETWYDDAU AC YMRWYMIADAU **

Gyda phortffolio penodol o sefydliadau, bod yn gyfrifol am weithredu rhaglen waith i reoleiddio cydymffurfiaeth â dyletswyddau iaith, gan gynnwys:

- dadansoddi gwybodaeth o amrediad o ffynonellau am gydymffurfiaeth sefydliadau â’u dyletswyddau iaith

- cadw cofnodion cyfredol a gwybodaeth am berfformiad sefydliad a gallu cynhyrchu gwybodaeth yn amserol ac i safon uchel

- ffurfio barn ar y graddau mae sefydliadau’n cydymffurfio â’u dyletswyddau iaith gan ymyrryd yn ôl yr angen, ac yn unol â chanllawiau a pholisïau’r Comisiynydd

- ymateb i ymholiadau a cheisiadau am gyngor gan sefydliadau a phersonau eraill

- monitro gweithrediad cynlluniau gweithredu a roddir mewn lle yn dilyn ymchwiliadau gorfodi

- arwain perthynas reoleiddio briodol gyda sefydliadau unigol 

Ymgymryd â gwaith rheoleiddio llorweddol a all gynnwys: 

- Casglu a dadansoddi tystiolaeth annibynnol gan ddefnyddwyr am eu profiadau iaith ac adnabod rhwystrau wrth iddynt ddefnyddio gwasanaethau cyhoeddus

- Cynnal arolygon siopwr cudd

- Cynnal astudiaethau thematig ar effeithiolrwydd trefniadau ac arferion sefydliadau mewn meysydd penodol

- Monitro safonau atodol a chasglu gwybodaeth yn codi o gofnodion a gedwir gan sefydliadau 

- Cyfrannu at waith hybu a hwyluso gan gynnwys chwilio am enghreifftiau o arferion llwyddiannus

- Cyfrannu at y gwaith o addysgu sefydliadau am ofynion safonau drwy amryw gyfryngau e.e. cynorthwyo neu gynnal seminarau neu weithdai ar ganfyddiadau gwaith rheoleiddio; cyhoeddi adroddiadau ar ganfyddiadau arolygon ac astudiaethau’r Comisiynydd. 

DYLETSWYDDAU CYFFREDINOL 

- Gweithredu’n gyson ac yn amserol yn unol â holl bolisïau a chanllawiau’r Comisiynydd.

- Ymgymryd ag unrhyw ddyletswyddau perthnasol eraill yn ôl y galw.

Mae hon yn swydd gyffrous ac amrywiol ar gyfer unigolyn sy’n mwynhau’r cyfle i ddatblygu a chynnal perthynas waith ragorol gyda phobl hyn a rhanddeiliaid allweddol.

Byddwch yn ymwneud â meysydd polisi sy’n gysylltiedig â’r wyth maes sy’n ystyriol o oedran ac yn defnyddio eich sgiliau dylanwadu i annog a galluogi rhanddeiliaid i rannu arfer da. Mae gallu cyfathrebu’n fedrus yn y Gymraeg yn hanfodol.

Mae modd cyflwyno ceisiadau yn Gymraeg, ni fydd cais a gyflwynir yn Gymraeg yn cael ei drin yn llai ffafriol na chais a gyflwynir yn Saesneg.

Am ragor o wybodaeth a manylion ymgeisio, ewch i'n gwefan. Dyddiad Cau: Dydd Llun 30 Ionawr 4.00y.p

Os byddwch chi ar y rhestr fer, mae’n rhaid i chi fod ar gael i ddod i gyfweliad ar Dydd Mercher 15 Chwefror.

I wneud cais am rôl yr Arweinydd Polisi ac Ymarfer, gwnewch gais drwy'r botwm a ddangosir. Mae'r swydd wag hon yn cael ei hysbysebu gan Webrecruit. Mae'r gwasanaethau a hysbysebir gan Webrecruit yn rhai Asiantaeth Gyflogaeth.

Mae Cyngor Llyfrau Cymru yn chwilio am unigolyn brwdfrydig a chyfeillgar, gyda sgiliau rhyngbersonol o’r radd flaenaf, i ymuno â’r Adran Blant. 

Disgrifiad:

Swyddog Hyrwyddo Darllen

Dwli ar lyfrau plant? 

Chwilio am swydd sy’n llawn amrywiaeth a chreadigrwydd? 

Mae Cyngor Llyfrau Cymru yn chwilio am unigolyn brwdfrydig a chyfeillgar, gyda sgiliau rhyngbersonol o’r radd flaenaf, i ymuno â’r Adran Blant. Bydd y Swyddog Hyrwyddo yn gyfrifol am ddatblygu cynlluniau amrywiol ar gyfer annog darllen er pleser o fewn ysgolion a chartrefi. Mae’r swydd hon yn galw am unigolyn trefnus a chreadigol sy’n mwynhau gweithio’n agos ar draws adrannau amrywiol.

Y swydd:

Cyflog: £24,496–£28,371 (Band 4 – pwyntiau 12–20)

30 awr yr wythnos (dros 4 neu 5 diwrnod) – i’w drafod gyda’r ymgeisydd llwyddiannus

Dyddiad cychwyn: Chwefror 2023 – neu cyn gynted â phosibl

Ar gyfer gwneud cais, anfonwch CV a llythyr yn egluro pam eich bod yn addas ar gyfer y swydd. Dylai eich CV nodi enwau a chyfeiriadau dau berson y gellir cysylltu â hwy am dystiolaeth bellach. Os yw’r ymgeisydd mewn swydd ar hyn o bryd, dylai’r cyflogwr presennol fod yn un o’r canolwyr. 

Ceisiadau i’w cyflwyno erbyn dydd Llun, 16 Ionawr 2023, a dylid eu hanfon at:

Y Prif Weithredwr, Cyngor Llyfrau Cymru, Castell Brychan, Aberystwyth, Ceredigion SY23 2JB. 

Ffôn: (01970) 629541, neu’n electronig at [email protected] 

Ni yw Cymwysterau Cymru, y sefydliad annibynnol sy’n gyfrifol am reoleiddio cymwysterau cyffredinol a galwedigaethol yng Nghymru. Rydym yn canolbwyntio ar gymwysterau a ariennir yn gyhoeddus, gan gynnwys TGAU, Safon Uwch a chymwysterau galwedigaethol.

Ar hyn o bryd rydym yn chwilio am Reolwr Cynnwys a Chyhoeddi i ymuno â ni ar sail barhaol, amser llawn, gan weithio 37 awr yr wythnos.

Y Manteision

- Cyflog o £41,700 - £49,370

- 30 diwrnod o wyliau blynyddol pro rata (ynghyd â gwyliau cyhoeddus a chau swyddfeydd dros y Nadolig)

- Trefniadau gweithio hyblyg

- Cynllun Pensiwn y Gwasanaeth Sifil

Dyma'r cyfle delfrydol i weithiwr marchnata proffesiynol dwyieithog wneud eu marc ar gyfathrebu'r sefydliad.

Y Rôl

Fel y Rheolwr Cynnwys a Chyhoeddi, byddwch yn goruchwylio arddull olygyddol, naws llais ac ansawdd ein sianeli cyfathrebu allanol a mewnol.

Fel rhan o'n tîm o storïwyr corfforaethol, byddwch yn dod â'n naratif yn fyw mewn ffyrdd sy'n atseinio gyda'n cynulleidfaoedd targed. Ac mae gennym lawer i’w drafod, gan gynnwys ailwampio’r cymwysterau TGAU yn sylweddol a fydd yn cael eu haddysgu o 2025.

Byddwch yn arwain datblygiad golygyddol a chyflwyno cynnwys dwyieithog o ansawdd uchel ar gyfer cyfryngau cymdeithasol, ein gwefan a chyhoeddiadau swyddogol eraill, gan sicrhau hygyrchedd i’n holl gynulleidfaoedd. Rhan allweddol o'r rôl yw ysgrifennu copi ac is-olygu cynnwys golygyddol yn y Gymraeg a'r Saesneg.

Gan gefnogi'r Pennaeth Cyfathrebu yn ogystal â'r Tîm Cyfathrebu ehangach ar gysylltiadau â'r cyfryngau, cyfathrebu strategol, ymgyrchoedd a chreu cynnwys, byddwch hefyd yn dirprwyo'r Pennaeth Cyfathrebu.

Amdanat ti

I gael eich ystyried yn Rheolwr Cynnwys a Chyhoeddi, bydd angen y canlynol arnoch:

- Cwbl ddwyieithog yn y Gymraeg a'r Saesneg

- Profiad o weithio mewn amgylchedd cyhoeddi gan weithio yn y Gymraeg a'r Saesneg

- Profiad golygyddol ac ysgrifennu copi profedig

- Profiad cryf o arwain a chyfathrebu

- Y gallu i ddarparu copi i ystod eang o gynulleidfaoedd gan gyfieithu materion technegol i Gymraeg a Saesneg clir

- Gwybodaeth am arfer gorau mewn cyhoeddi a datblygiadau diweddar mewn technoleg

- Gwybodaeth am arfer gorau o ran hygyrchedd wrth gynhyrchu cyhoeddiadau

- Sgiliau cyfathrebu hynod effeithiol

- Gradd neu gyfwerth mewn pwnc perthnasol

Y dyddiad cau ar gyfer ceisiadau yw 16 Ionawr 2023.

Gallai sefydliadau eraill alw hwn yn Arweinydd Cynnwys a Chyhoeddi, Rheolwr Cynnwys Digidol, Rheolwr Golygyddol, Rheolwr Cyhoeddi neu Arweinydd Tîm Cynnwys a Chyhoeddi.

Felly, os ydych chi'n barod i gymryd y cam nesaf yn eich gyrfa fel Rheolwr Cynnwys a Chyhoeddi, gwnewch gais trwy'r botwm a ddangosir. Mae'r swydd wag hon yn cael ei hysbysebu gan Webrecruit. Mae'r gwasanaethau a hysbysebir gan Webrecruit yn rhai Asiantaeth Gyflogaeth.

Wedi’i sefydlu bron 120 o flynyddoedd yn ôl, ond gydag agwedd sy’n gadarn o gyfoes, mae Cymdeithas Amaethyddol Frenhinol Cymru yn llenwi lle unigryw yn nhirwedd wledig a diwylliannol Cymru. Fel elusen gofrestredig, ein nod craidd yw hyrwyddo amaethyddiaeth gynaliadwy, garddwriaeth, coedwigaeth, cadwraeth a’r amgylchedd yng Nghymru. Rydym yn cyflawni’r amcanion hyn trwy gynnal tri digwyddiad mawr bob blwyddyn, ochr yn ochr â nifer o wobrau, bwrsarïau ac ysgoloriaethau.

Yn ychwanegol at ein digwyddiadau ein hun, rydym yn croesawu nifer o ddigwyddiadau trydydd parti ar ein maes sioe 150 erw, sy’n cynhyrchu incwm allweddol i fod yn sail i’n gwaith elusennol. 

Gan edrych ymlaen bydd angen i’r Gymdeithas, fel pob sefydliad, ddatblygu i barhau’n berthnasol. Mae gennym nifer o brosiectau cyffrous yn yr arfaeth ac ymgyrch i gofleidio newid a thyfu llwyddiant ein digwyddiadau. 

Felly, mae Pennaeth Gweithrediadau yn aelod allweddol o Uwch Dîm Arwain y Gymdeithas, gan adrodd yn uniongyrchol i’r Prif Weithredwr, a gweithio’n agos â Chyfarwyddwyr Digwyddiadau Anrhydeddus y Gymdeithas, Bwrdd yr Ymddiriedolwyr, Cadeiryddion a Phwyllgorau. 

Cyfrifoldebau Allweddol

Bydd gan Bennaeth Gweithrediadau gyfrifoldeb am gynllunio, cydlynu, a chyflawni holl agweddau gweithredol ein digwyddiadau mewnol, yn cynnwys:

·   paratoi Cynlluniau Rheoli Digwyddiadau,

·   caffael a rheoli contractau gwasanaethau allweddol a hurio yn cynnwys diogeledd, rheoli traffig, parcio, giatiau a mynedfeydd, pebyll, glanhau, rheoli gwastraff, cyfathrebu a system sain ayb.

·   arolygu’r holl gystadlaethau da byw a goruchwylio’r Adran Dda Byw,

·   arolygu a goruchwylio’r Adran Stondinau Masnach, 

·   diogelwch digwyddiadau a chyswllt â’n Cynghorydd Iechyd a Diogelwch,

·   trwyddedu a chydymffurfiaeth,

·   cynllunio at argyfyngau, 

·   rheolaeth llinell staff a gweithio’n agos â gwirfoddolwyr, aelodau, pwyllgorau a grwpiau rhanddeiliaid allweddol. 

Tîm bychan ydym a bydd yna orchwylion sy’n disgyn y tu allan i’r cyfrifoldebau allweddol uchod. Felly, bydd angen ichi fod yn hyblyg ac yn barod i addasu yn ôl y gofynion.

Pennaeth Gweithrediadau yw’r swyddog arweiniol sy’n gyfrifol am ddarparu’r Ffair Aeaf hefyd. 

Mae hon yn swydd gyffrous ac rydym yn chwilio am rywun i ymuno â’r tîm am y tymor hir a’r bwriad yw y bydd yr ymgeisydd llwyddiannus yn tyfu ac yn datblygu gyda ni ac y bydd yn rhan ganolog o’r Gymdeithas a’i dyfodol.

Ynglŷn â Chi

Mae’r priodoleddau canlynol yn rhinweddau pwysig ar gyfer y swydd. Sylweddolir efallai na fydd un ymgeisydd yn meddu arnynt i gyd. Serch hynny, defnyddiwch eich cais i ddangos sut y gall eich profiad, eich sgiliau a’ch gwybodaeth gwrdd â gofynion cyflawni’r swydd hon. 

Profiad

·    Hanes o lwyddiant blaenorol yn rheoli digwyddiadau.

·    Profiad o weithrediadau y gellir ei ddangos.

·    Rheoli contractau a chyflenwyr.

·    Gwybodaeth am iechyd a diogelwch a rheoli risg.

·    Cynhyrchu, rheoli a gwerthuso cyllidebau.

·    Rheoli staff a gweithio fel tîm. 

Sgiliau a gwybodaeth 

·    Llythrennedd TG rhagorol

·    Yn dra threfnus. 

·    Sgiliau cyfathrebu rhagorol. 

·    Sgiliau rheoli amser rhagorol, gallu i flaenoriaethu, gweithio dan bwysau ac amldasgio.

·    Sgiliau cyflwyno rhagorol yn Saesneg (hanfodol) a Chymraeg (dymunol) – ar lafar ac yn ysgrifenedig.*

·    Menter a chreadigrwydd. 

·    Sylw astud i fanylion. 

·    Ymarweddiad cyfeillgar, agos-atoch a hyderus. 

I drafod y swydd yn anffurfiol, anogir ymgeiswyr i gysylltu â’r Prif Weithredwr, Aled Rhys Jones ([email protected]).

I wneud cais am y swydd hon, anfonwch CV a llythyr eglurhaol at Caron W Evans, Pennaeth Gweinyddiaeth ([email protected]).

Y dyddiad cau ar gyfer ceisiadau yw 12 canol dydd ar 3 Ionawr 2023.

Byddir yn cynnal cyfweliadau yn ystod yr wythnos yn dechrau 16 Ionawr 2023.  

Gweler manylion y pecyn buddion a’r telerau cyflogaeth cyffredinol yn y ddogfen ategol.

* Ystyrir sgiliau yn y Gymraeg yn gaffaeliad i’r sefydliad. Rydym yn annog ac yn cefnogi staff i ddysgu, datblygu a defnyddio eu sgiliau yn y Gymraeg yn y gweithle. 

Menter a ddechreuwyd gan Lywodraeth Cymru yn 2018 yw e-sgol, gyda’r nod o gynorthwyo ysgolion i gynnig ystod mor eang â phosibl o bynciau TGAU a Safon Uwch. Defnyddir dull hybrid i addysgu pynciau drwy e-sgol.

Ym mis Ionawr 2021, comisiynwyd e-sgol gan Lywodraeth Cymru i hwyluso a chynnal cyfres o sesiynau adolygu byw ar gyfer myfyrwyr TGAU, Uwch Gyfrannol a Safon Uwch. Dyna gychwyn y prosiect Carlam Cymru.

Mae sesiynau adolygu Carlam Cymru yn cefnogi myfyrwyr ledled Cymru ar draws ystod o bynciau craidd a di-graidd. Cynhelir y sesiynau hyn fel Digwyddiadau Byw ar ddyddiadau penodol ar ôl oriau ysgol, gyda phob sesiwn yn cael ei recordio. Caiff y recordiadau eu rhoi ar wefan e-sgol yn dilyn y digwyddiadau byw er mwyn darparu adnoddau adolygu i fyfyrwyr ledled Cymru.

Hyd yma, mae 4 rownd o sesiynau adolygu Carlam Cymru wedi’u darparu, sef Gwanwyn 2021, Hydref 2021, Gwanwyn 2022 a Hydref 2022. Bydd Carlam Cymru yn parhau yn ystod 2023 a’r tu hwnt i hynny.

Y rôl

Rydym yn edrych am athrawon brwdfrydig sy’n dysgu cyrsiau TGAU a/neu Safon Uwch yn eu hysgolion ar hyn o bryd, neu sydd wedi dysgu yn ddiweddar, a fyddai’n gallu cyflwyno sesiynau adolygu ar-lein yn hyderus.

Rydym yn chwilio am Gyfieithydd Cymraeg i ymuno â’n Tîm SQE yn llawn amser.

Byddwch yn ein helpu i gyflwyno asesiadau drwy sicrhau bod cynnwys arholiad yn cael ei gyfieithu’n gywir i’r Gymraeg.

Dyma gyfle gwych i Gyfieithydd Cymraeg sydd am ehangu eu sgiliau ac adeiladu eu gyrfa gydag arweinydd diwydiant.

Amdanat ti:

-Rhuglder a hyfedredd yn y Gymraeg (Gweler Atodiad I yn y disgrifiad swydd) gan gynnwys cymhwyster ffurfiol yn y Gymraeg

-Profiad proffesiynol o gyfieithu ysgrifenedig

-Profiad o waith cyfreithiol/cyfieithu

-Profiad o ddefnyddio offer cyfieithu gyda chymorth cyfrifiadur

-Sylw cryf i fanylion gyda'r gallu i weithio gyda lefel uchel o gywirdeb

-Sgiliau trefnu a rheoli amser ardderchog

- Profiad o reoli banciau cwestiynau arholiad (dymunol ond nid yn hanfodol)

-Y gallu i weithio'n annibynnol ac o dan bwysau, ac fel rhan o dîm

-Y gallu i reoli rhaglen waith a blaenoriaethu tasgau yn unol â hynny

-Y gallu i nodi a lliniaru risgiau yn effeithlon

-Ymagwedd ragweithiol at ddatrys problemau

-Y gallu i gyfathrebu'n glir â rhanddeiliaid mewnol ac allanol

-Ymrwymiad i welliant parhaus

- Parodrwydd i fod yn hyblyg a gweithio o fewn oriau gofynnol y busnes.

- Aelodaeth cyfieithu testun o Gymdeithas Cyfieithwyr Cymru (cymdeithas cyfieithwyr ar y pryd) (aelodaeth sylfaenol yn hanfodol, aelodaeth lawn yn ddymunol)

Beth rydym yn ei wneud:

Mae Kaplan yn ddarparwr asesiadau proffesiynol sy'n arwain y byd. Yn 2018, cawsom ein penodi fel y sefydliad asesu annibynnol ar gyfer yr Arholiad Cymhwyso Cyfreithwyr (SQE) newydd, a lansiwyd gennym wedyn yn 2021. Yr arholiad hwn bellach yw’r unig lwybr i gymhwyso fel Cyfreithiwr Cymru a Lloegr a bydd yn cael ei gymryd yn y pen draw gan mwy na 13,000 o ymgeiswyr y flwyddyn.

Rydym yn rhan o grŵp Kaplan, un o ddarparwyr addysg ac asesu mwyaf a mwyaf amrywiol y byd. Rydym yn gweithredu mewn dros 30 o wledydd ac yn cynnal perthnasoedd a phartneriaethau â mwy na 1,000 o ardaloedd ysgol, colegau a phrifysgolion, cyrff proffesiynol a dros 10,000 o fusnesau. Mae ein ehangder a'n cwmpas helaeth o ran galluoedd ac asedau yn ein gosod ar wahân.

Yr hyn yr ydym yn credu ynddo:

Mae Kaplan yn sefydliad byd-eang y mae ei genhadaeth wedi'i gwreiddio mewn darparu mynediad cyfartal i addysg a chyfleoedd ar gyfer dyrchafiad i bobl o bob cefndir. Credwn fod amrywiaeth, tegwch a chynhwysiant - diwylliant, profiadau, safbwyntiau - yn hollbwysig i greu llwyddiant a chyfle mewn byd sy'n newid yn barhaus. Fel addysgwr, partner a chyflogwr, mae Kaplan wedi ymrwymo i hyrwyddo byd teg lle gall talent amrywiol ddatblygu, datblygu a ffynnu.

Mae hyn yn cynnwys sicrhau bod pobl ag anableddau yn cael y cyfle i ddod â'u gorau. Felly, os oes angen unrhyw addasiadau arnoch, neu gymorth ychwanegol o fewn y broses recriwtio, cysylltwch â ni’n uniongyrchol ac fe wnawn ein gorau i helpu.

Ein gwerthoedd:

Rydyn ni'n byw, yn anadlu ac yn dathlu ein gwerthoedd - maen nhw'n gyrru'r hyn rydyn ni'n ei gredu ynddo, sut rydyn ni'n ymddwyn ac yn ein harwain wrth greu diwylliant o lwyddiant.

- Gweithredu gydag uniondeb

- Grymuso a chefnogaeth

-Creu cyfle

-Tyfu gwybodaeth

-Gyrru canlyniadau gyda'i gilydd

Yr hyn rydym yn ei gynnig:

Yn ogystal â chyflog cystadleuol, strwythurau cyflog tryloyw, gwaith hybrid/cartref lle bo modd, a llwybrau ar gyfer dilyniant gyrfa, rydym yn cynnig pecyn buddion cynhwysfawr sy’n cynnwys:

-28 diwrnod o wyliau blynyddol + opsiwn i brynu mwy

-Benthyciad tocyn tymor a chynllun beicio i'r gwaith

- Gostyngiadau mawr ar gyrsiau Kaplan i chi a'ch teulu

- Yswiriant meddygol, diogelu incwm ac yswiriant bywyd preifat

-Llinell gymorth gyfrinachol 24/7 yn darparu cwnsela a gwasanaethau cefnogi eraill

-Cyfraniadau pensiwn cwmni

-Tâl Mamolaeth, Mabwysiadu, Rhiant a Rennir a Thadolaeth/Partner sydd ymhell uwchlaw lefelau statudol

Sylwch, bydd y swydd yn cau pan fyddwn wedi derbyn nifer addas o geisiadau. Byddem yn eich annog i wneud cais cyn gynted â phosibl.

Rydym yn chwilio am Gyfarwyddwr Strategol i fod yn gyfrifol am lywio a chynllunio gwaith y Comisiynydd ar draws un o ddwy gyfarwyddiaeth yn y sefydliad a bod yn rhan o dîm rheoli uchelgeisiol.

Disgrifiad:

Prif ddyletswyddau

**AELOD O’R TÎM RHEOLI **

Cymryd rhan weithredol ym mhenderfyniadau’r tîm rheoli gan gynnwys:

·   cymeradwyo cyfeiriad strategol gwaith y Comisiynydd a gosod amcanion heriol

·   cynnig arweiniad strategol effeithiol fel gall y Comisiynydd fodloni ei gyfrifoldebau a’i ddyletswyddau o dan Fesur y Gymraeg gan ganolbwyntio ar ddeilliannau mewn ffordd effeithiol a phriodol

·   hyrwyddo safonau uchel o ran cyllid cyhoeddus, gan gynnal egwyddorion rheoleidd-dra, priodoldeb a gwerth am arian

·   goruchwylio a monitro perfformiad lefel uchaf, er mwyn sicrhau bod y Comisiynydd yn llwyr gyflawni ei amcanion

·   arddangos safonau uchel o ran llywodraethau corfforaethol ac uniondeb a sicrhau bod trefniadau effeithiol ar waith er mwyn rhoi sicrwydd o ran rheoli risg a rheolaeth fewnol

·   arddangos gwerthoedd y Comisiynydd ym mhob peth a wneir

ARWAIN CYFARWYDDIAETH

Arwain gwaith y gyfarwyddiaeth gan ddefnyddio dull hyblyg o weithio a modelu gwerthoedd y sefydliad. Yn benodol: 

·   gweithio’n agos gyda chydweithwyr mewnol a datblygu a chynnal perthnasoedd gwaith cryf gyda chydweithwyr a rhan-ddeiliaid allanol er mwyn galluogi’r Comisiynydd i gyflawni ei gynlluniau strategol a busnes, gan sicrhau aliniad parhaus â’r nodau strategol

·   cadw atebolrwydd mewn perthynas â'r meysydd gwaith o dan ei gyfrifoldeb cynllunio busnes a rhaglennu gwaith gyda ffocws ar sicrhau gwerth am arian a sicrhau bod gweithgareddau'r Comisiynydd yn cael eu cynnal mewn modd effeithlon ac effeithiol

·   rhagweld rhwystrau posibl rhag cyflawni nodau strategol y Comisiynydd a gweithio i gael gwared arnynt a llyfnhau’r ffordd o’u cyflawni 

·   monitro'r dirwedd wleidyddol a busnes i sicrhau bod amcanion y Comisiynydd yn cael eu gwireddu fel y nodir yn strategaeth a chynlluniau gwaith y Comisiynydd

·   Rhoi cyngor a chefnogaeth i holl staff y gyfarwyddiaeth

**Dyletswyddau penodol **

DYLANWADU AR BOLISI

Bod yn gyfrifol am waith y tîm polisi sydd â chyfrifoldeb cyffredinol dros: 

·   graffu a dylanwadu ar strategaethau allweddol, deddfau neu bolisïau sy’n effeithio ar y Gymraeg

·   gydweithio a rhannu gwybodaeth â phartneriaid perthnasol i ddylanwadu ar bolisi a deddfwriaeth a chyfrannu yn adeiladol at drafodaethau yn ymwneud â meysydd sy’n effeithio ar y Gymraeg 

·   ymchwilio ac adrodd ar sefyllfa’r Gymraeg a siaradwyr Cymraeg mewn meysydd polisi er mwyn gosod sail tystiolaeth ar gyfer safbwyntiau’r Comisiynydd

YMCHWIL AC ISADEILEDD

Bod yn gyfrifol am waith y tîm ac isadeiledd ac ymchwil sydd â chyfrifoldeb dros:

·   gynllunio adroddiad 5-mlynedd ar sefyllfa’r Gymraeg a fydd yn cynnwys dadansoddiad o ganlyniadau Cyfrifiad 2021 ac asesiad o’r goblygiadau

·   feithrin dealltwriaeth o waith comisiynwyr iaith ac asiantaethau eraill ledled y byd a rhoi llwyfan i arferion llwyddiannus o Gymru

·   ddarparu cyngor am ffurfiau safonol enwau lleoedd Cymru gan roi amlygrwydd iddynt a bod yn gyfrifol am gynnal cofrestr o Enwau Lleoedd Safonol Cymru ar wefan y Comisiynydd

HYBU DARPARU CYFLEOEDD I DDEFNYDDIO'R GYMRAEG

Llywio gwaith Comisiynydd y Gymraeg mewn cysylltiad â’r gwaith y tîm Hybu a Hwyluso. Hybu’r cyfleoedd i ddefnyddio’r Gymraeg yn y sectorau anstatudol drwy:

·   hwyluso defnyddio’r Gymraeg gyda busnesau ac elusennau drwy gynnal hyfforddiant, darparu canllawiau a rhannu arfer dda

·   sicrhau mwy o ymrwymiadau i ddefnyddio’r Gymraeg gan fusnesau ac elusennau gan gymeradwyo cynlluniau datblygu a’r Cynnig Cymraeg

·   gydweithio gyda chyrff ariannu a rhwydweithiau er mwyn dylanwadu ar ragor o fusnesau ac elusennau i ddefnyddio’r Gymraeg

**CYFATHREBU A CHYSYLLTIADAU CYHOEDDUS **

Bod yn gyfrifol dros waith y tîm cyfathrebu a chysylltiadau cyhoeddus y sefydliad sy’n benodol gyfrifol dros:

·   sicrhau fod y sefydliad yn ymgysylltu’n allanol mewn modd effeithiol a chyd-gysylltiedig. Arwain ar y berthynas gyda’r wasg a’r cyfryngau, gan gynnwys cynghori’r Comisiynydd ar y materion hyn

·   llywio’r gwaith o gysylltiadau cyhoeddus y sefydliad gan gynnwys presenoldeb mewn digwyddiadau

·   cyfathrebu allanol effeithiol y sefydliad

·   presenoldeb gwefan y Comisiynydd a’r cyfryngau cymdeithasol 

·   gweithredu strategaeth gyfathrebu fewnol y sefydliad

CYLLID, ADNODDAU A THECHNOLEG

Bod yn gyfrifol am y tîm cyllid, adnoddau a thechnoleg sydd â chyfrifoldeb penodol dros sicrhau:

·   rheoli, ar ran y swyddog cyfrifyddu, gyllid ac adnoddau yn unol â Llawlyfr Rheoli Arian Cyhoeddus Cymru a llawlyfr Managing Public Money sy’n gosod yr egwyddorion a safonau uchel a ddisgwylir ar gyfer ymdrin ag adnoddau cyhoeddus

·   paratoi cyfrifon blynyddol, cyllidebau ac adroddiadau cyllid cywir ac amserol

·   adnoddau ffisegol y sefydliad yn cael eu cynnal a rheoli yn effeithiol

·   technoleg gwybodaeth briodol er mwyn hwyluso gwaith y sefydliad a sicrhau diogelwch seibr

Arbenigeddau

Mae gan y Cyfarwyddwr arbenigeddau a chyfrifoldebau neilltuol fel a ganlyn: 

· **  Cynllun Strategol **

Llunio papurau strategol, a’u cyflwyno er mwyn galluogi’r Comisiynydd i wneud penderfyniadau wrth i ni gynllunio fel sefydliad. Ysgrifennu strategaeth y sefydliad gan ddefnyddio tystiolaeth a gwybodaeth, estyn allan, ymgynghori ac archwilio adborth yn fewnol ac yn allanol. Llywio’r broses o gyflawni, monitro a dangos ein bod yn cyflawni ein canlyniadau strategol er mwyn sicrhau bod ein hamcanion strategol yn cael eu cyflawni'n llwyddiannus dros oes y strategaeth a thu hwnt. Datblygu ein hymagwedd o ran adrodd ar ganlyniadau a'r buddion yr ydym wedi bwriadu yn ein hadroddiad blynyddol. Gwerthuso llwyddiant cyffredinol yn erbyn targedau corfforaethol a dangosyddion eraill.

·   Perchennog Risg Corfforaethol

Ysgwyddo cyfrifoldeb dros risgiau strategol y sefydliad fel y Rheolwr Risg Corfforaethol.

·   Perchennog Risg Gwybodaeth (SIRO)

Yr uwch swyddog sy’n gyfrifol am risg gwybodaeth y sefydliad. Cyfrifoldeb am sicrhau trefniadau diogelwch seibr a diogelwch gwybodaeth briodol.

Cymwyseddau

·  Meddwl yn strategol: Byddwch yn berson strategol sy'n gweld y darlun ehangach ac yn gallu arwain a chefnogi cydweithwyr i gyflawni amcanion strategol

·  Ysbrydoli a rheoli eraill: Yn arweinydd creadigol, bydd gennych brofiad o reoli a datblygu tîm. Gyda sgiliau cyfathrebu rhagorol, byddwch yn cydweithio'n effeithiol ag ystod eang o bobl ar draws meysydd amrywiol, i gyflawni ein strategaeth

· Cyflwyno syniadau a dwyn perswâd: Bydd gennych brofiad o ysgrifennu a chyflwyno adroddiadau a phapurau strategol ar lefel uchel i fyrddau a phwyllgorau gydag uwch arweinwyr

· Hunan-ysgogiad a sicrhau ansawdd: Yn ogystal â mwynhau gweithio fel rhan o dîm byddwch hefyd yn gallu gweithio ar eich pen eich hun a defnyddio eich menter eich hun i sicrhau bod gwaith yn cael ei gwblhau ar amser ac i’r ansawdd priodol   · Angerdd at hybu’r Gymraeg a monitro cynnydd: Yn benodol, rydym yn chwilio am berson a all arwain ar ein dull o hybu a hwyluso defnyddio’r Gymraeg gan nodi, monitro ac arddangos y canlyniadau yr ydym am eu cyflawni

· Rheoli rhaglenni gwaith amrywiol: Profiad o arwain rhaglenni gwaith ar draws meysydd eang, allai gynnwys cyllideb, rheoli risg neu feysydd eraill

· Mesur y Gymraeg: Byddwch yn dangos dealltwriaeth o egwyddorion Mesur y Gymraeg a chyfeiriad polisi iaith yng Nghymru

· Bywyd cyhoeddus: Bydd gennych ddealltwriaeth o fywyd cyhoeddus yng Nghymru

Mae hon yn rôl allweddol er mwyn sicrhau bod strategaeth effeithiol ar gyfer ymgysylltu â gwleidyddion a rhanddeiliaid yn bodoli o hyd, a bod ein perthnasoedd adeiladol a dylanwadol â rhanddeiliaid allweddol yn cael eu cynnal.

Wrth gefnogi’r Cyfarwyddwr Polisi, byddwch yn helpu i nodi materion polisi a gwleidyddol, a risgiau a chyfleoedd sy’n amlygu eu hunain, a chefnogi’r gwaith o ddatblygu dogfennau polisi allweddol.

Mae modd cyflwyno ceisiadau yn Gymraeg, ni fydd cais a gyflwynir yn Gymraeg yn cael ei drin yn llai ffafriol na chais a gyflwynir yn Saesneg. 

I gael rhagor o wybodaeth a manylion ymgeisio, ewch i ein gwefan.

Dyddiad Cau: Dydd Llun 21 Tachwedd 12.00y.p.

Os byddwch chi ar y rhestr fer, mae’n rhaid i chi fod ar gael i ddod i gyfweliad ar Dydd Iau 1 Rhagfyr.

I wneud cais fel Cynorthwyydd Polisi a Materion Cyhoeddus, gwnewch gais trwy'r botwm a ddangosir. Mae'r swydd wag hon yn cael ei hysbysebu gan Webrecruit. Mae'r gwasanaethau a hysbysebir gan Webrecruit yn rhai Asiantaeth Gyflogaeth.

Dyma swydd gyffrous fel aelod o dîm Cymorth Cristnogol Cymru sy’n cydweithio’n agos â swyddogaeth yr adran gyfathrebu ar lefel y DU. Mae Swyddog y Cyfryngau, Cyfathrebu ac Adnoddau Cymru yn helpu i godi mwy o ymwybyddiaeth o waith Cymorth Cristnogol a sicrhau cefnogaeth iddo drwy ddefnyddio cyfryngau amrywiol (cyfryngau newyddion, y cyfryngau cymdeithasol, gwefan etc) a thrwy gynhyrchu adnoddau a deunydd cyfathrebu â chefnogwyr sy’n effeithiol ac o ansawdd uchel. Mae rhan o'r gwaith yn cynnwys cydlynu, datblygu a chyhoeddi adnoddau ar gyfer cefnogwyr Cymorth Cristnogol sy'n ystyried gofynion y Gymraeg a'r cyd-destun Cymreig, gan gynnwys cywiro, golygu a phrawf-ddarllen testun Cymraeg.    Amdanoch chi: 

Byddwch yn awyddus iawn i weithio ar y cyd ag eglwysi ac eraill er mwyn eu hysbrydoli i fynd ati i weithredu er mwyn goresgyn tlodi ym mhob cwr o’r byd. Bydd gennych ddealltwriaeth dda o’r cyd-destun cymdeithasol, gwleidyddol, eglwysig, y sector gwirfoddol a’r cyfryngau yng Nghymru a byddwch yn gyfforddus yn cyfathrebu'n greadigol ac yn briodol o ran iaith a naws gyda chynulleidfaoedd eglwysig gwahanol. Bydd gennych brofiad helaeth o waith yn y cyfryngau, cyfathrebu, newyddiaduraeth, cysylltiadau cyhoeddus neu brofiad cyfatebol, a gallu amlwg i fanteisio ar wahanol gyfryngau i gynyddu ymwybyddiaeth, diddordeb a chyfranogiad. Bydd gennych brofiad hefyd o gywiro a golygu a phrawf-ddarllen testun Cymraeg. 

Bydd gan yr ymgeisydd delfrydol Gymraeg a Saesneg llafar ac ysgrifenedig da. 

Gofynnwn i geisiadau gael eu hysgrifennu yn Saesneg, oherwydd cyfansoddiad y panel sy’n llunio rhestr fer a’r panel cyfweld. 

Ni fu gwell amser i ymuno gydag Adran Codi Arian ac Ysgogi Cefnogwyr Cymorth Cristnogol. Mi fyddem yn dweud hynny, byddem! Ond mae’n wir. Er yr heriau yr ydym wedi eu hwynebu yn ystod y blynyddoedd diwethaf, mae’n hincwm wedi tyfu ac rydym wedi cyrraedd pob targed, gan sicrhau effaith trawsnewidiol i bobl mewn tlodi. Gallai eich ca\m proffesiynol nesaf eich arwain at ymuno gyda’n tîm egnïol ac eiddgar o ddilewyr tlodi. Rydym yn ysbrydoli mwy 250,000 o gefnogwyr a miloedd o eglwysi cefnogol i godi mwy na £40 miliwn yn flynyddol i fynd i’r afael ag achosion craidd tlodi eithafol.    **Gofynion y swydd **

Dyma swydd gyffrous yn nhîm Cymorth Cristnogol Cymru (un o ddwy rôl o’r fath sy’n bodoli yng Nghymru) sy'n gweithio i gryfhau, ysgogi, ysbrydoli a darparu adnoddau i bobl ac i eglwysi yng Nghymru er mwyn eu galluogi i roi, gweithredu a gweddïo mewn ymateb i dlodi byd-eang. Gan ganolbwyntio'n benodol ar y De a’r De-ddwyrain, bydd y rôl yn cynnig cymorth pwrpasol ac yn aml wyneb yn wyneb i eglwysi, Grwpiau a rhwydweithiau Cymorth Cristnogol, gan weithio'n greadigol ar draws yr enwadau i feithrin cefnogaeth i waith Cymorth Cristnogol.  

Bydd deiliad y swydd hefyd yn gyfrifol am rai o feysydd gwaith y tîm mewn eglwysi ledled Cymru. Er enghraifft, cyfathrebu rheolaidd â rhwydweithiau eglwysig, datblygu rhwydwaith o siaradwyr gwirfoddol mewn eglwysi yng Nghymru, ymgysylltu â phobl sy’n hyfforddi ar gyfer y weinidogaeth, ymgyrchoedd eglwysig, meysydd codi arian pwrpasol, a digwyddiadau a gwyliau.    **Amdanoch chi **

Byddwch yn awyddus iawn i weithio ar y cyd ag eglwysi ac eraill er mwyn eu hysbrydoli i fynd ati i weithredu i oresgyn tlodi ym mhob cwr o’r byd. Bydd gennych ddealltwriaeth dda o’r gwahanol gynulleidfaoedd eglwysig sy’n bodoli yng Nghymru, ac o ardaloedd daearyddol y De/De-ddwyrain. Bydd gennych brofiad o weithio i ddatblygu cydberthynas sy’n ysbrydoli pobl i weithredu, yn ogystal â’r gallu i ddatblygu negeseuon mewn cyd-destun diwinyddol. Byddwch yn hapus i fod allan yn cwrdd â phobl, gan feithrin partneriaethau, cefnogi gwirfoddolwyr a chyfathrebu'n greadigol ac yn ddeinamig am waith Cymorth Cristnogol. 

Bydd gan yr ymgeisydd delfrydol Gymraeg a Saesneg llafar ac ysgrifenedig da. 

Mae disgwyl i ymgeiswyr fyw yn yr ardal benodol y mae'r swydd yn ei chwmpasu, sef De/De-ddwyrain Cymru. 

Gofynnwn i geisiadau gael eu hysgrifennu yn Saesneg, oherwydd cyfansoddiad y panel sy’n llunio rhestr fer a’r panel cyfweld. 

Urdd Gobaith Cymru yw mudiad ieuenctid cenedlaethol mwyaf Cymru sy’n darparu cyfleoedd i blant a phobl ifanc ac yn eu galluogi i wneud cyfraniad cadarnhaol i’w cymuned a’r byd yn ehangach. 

Ymysg bwrlwm ein canmlwyddiant, dyma ddatgan ein huchelgais heriol i ymestyn cyrhaeddiad ac effaith ein gwaith. Mae hyn yn allweddol os ydym am i’r Gymraeg fod yn ganolog ym mywydau plant a phobl ifanc Cymru, a sicrhau fod pawb yng Nghymru, boed yn siaradwyr Cymraeg ai pheidio, yn teimlo perchnogaeth ac ymdeimlad o berthyn tuag at yr iaith a’i thraddodiadau.   Y Swydd

Ni fu erioed amser mwy cyffrous i ymuno â thîm TG Urdd. Rydym yn gweithio ar draws y sefydliad, gan ddarparu'r systemau a'r gefnogaeth TG sy'n ofynnol i symud ymlaen yn unol â'n cynllun strategol.

Mae pandemig COVID wedi cyflymu ein cynlluniau trawsnewid digidol ac rydym yng nghanol ein taith i strategaeth cwmwl yn gyntaf. Rydym yn trosglwyddo ein prif systemau data i Microsoft Dynamics 365 ac yn ehangu ein defnydd o feddalwedd Microsoft 365 a Microsoft Azure.

Bydd y rôl hon yn chwarae rhan bwysig mewn sefydlu yr adran TG yn gadarn fel partner busnes pwysig i bob un o adrannau’r Urdd. Rydym yn chwilio am unigolyn sydd efo profiad eang yn y maes TG, o bosib wedi rheoli rhan o wasanaeth TG corfforaethol, ac yn gyfforddus yn gweithio efo, a dysgu am ddatblygiadau newydd.

Croesawir ceisiadau oddi wrth ddysgwyr Cymraeg yn ogystal â Chymry Cymraeg.   Am fwy o fanylion cysylltwch â Dafydd Lewis (Pennaeth TG) ar 07976003341 neu [email protected]

Anfonwch Ffurflen Gais yr Urdd ar e-bost at [email protected]   Dyddiad Cau – 21 Tachwedd 2022.

Dyddiad Cyfweld – Yn unol a ceisiadau a trafodaeth efo ymgeiswyr.   Mae’r Urdd yn cefnogi a hyrwyddo cydraddoldeb ac amrywiaeth yn ein holl waith a gweithgareddau. Rydym yn croesawu ymgeiswyr o bob cefndir a chymuned, ac yn benodol y rhai sydd heb gynrychiolaeth ddigonol yn ein gweithlu ar hyn o bryd. Mae’r rhain yn cynnwys ond nid ydynt yn gyfyngedig i ymgeiswyr anabl a phobl ddiwylliannol ac ethnig amrywiol. 

Urdd Gobaith Cymru yw mudiad ieuenctid cenedlaethol mwyaf Cymru sy’n darparu cyfleoedd i blant a phobl ifanc ac yn eu galluogi i wneud cyfraniad cadarnhaol i’w cymuned a’r byd yn ehangach. 

Ymysg bwrlwm ein canmlwyddiant, dyma ddatgan ein huchelgais heriol i ymestyn cyrhaeddiad ac effaith ein gwaith. Mae hyn yn allweddol os ydym am i’r Gymraeg fod yn ganolog ym mywydau plant a phobl ifanc Cymru, a sicrhau fod pawb yng Nghymru, boed yn siaradwyr Cymraeg ai pheidio, yn teimlo perchnogaeth ac ymdeimlad o berthyn tuag at yr iaith a’i thraddodiadau.

Y Swydd

Yn adrodd yn uniongyrchol i’r Cyfarwyddwr Cyllid, mae’r swydd yma yn rhoi cyfle unigryw i unigolyn gyda chymwyster cyrifeg proffesiynol i ddarparu gwasanaethau rheolaeth cyllid cadarn ac adrodd ar berfformiad a rhagolygon ariannol y mudiad yn gyson ac yn gywir.

Mae’r mudiad yn awyddus i fuddsoddi yn yr adran gyllid, er mwyn gwellhau y modd y mae perfformiad ariannol yn cael ei adrodd a dadansoddi, a sicrhau bod rheolaeth cadarn dros holl brosesau ariannol y mudiad ar bob adeg.

Am fwy o fanylion cysylltwch â Gwenno Williams (Cyfarwyddwr Cyllid) ar 07836 583868 neu [email protected] 

Anfonwch Ffurflen Gais yr Urdd ar e-bost at [email protected]

Dyddiad Cau –      9ed o Dachwedd

Dyddiad Cyfweld – I’w gadarnhau

Mae’r Urdd yn cefnogi a hyrwyddo cydraddoldeb ac amrywiaeth yn ein holl waith a gweithgareddau. Rydym yn croesawu ymgeiswyr o bob cefndir a chymuned, ac yn benodol y rhai sydd heb gynrychiolaeth ddigonol yn ein gweithlu ar hyn o bryd. Mae’r rhain yn cynnwys ond nid ydynt yn gyfyngedig i ymgeiswyr anabl a phobl ddiwylliannol ac ethnig amrywiol. 

Mae hwn yn gyfnod cyffrous i Grŵp Cynefin wrth i ni barhau ar daith drawsnewidiol tuag at ddiwylliant sy’n canolbwyntio’n ddiffuant ar y cwsmer a chanlyniadau.

Mae’r sector tai a’n cymunedau gwledig yn parhau i wynebu heriau mawr, yn arbennig datgarboneiddio a darparu mwy o dai fforddiadwy.  

Rydym wedi bod yn darparu tai o ansawdd, sy’n ddiogel a fforddiadwy dros chwe sir gogledd Cymru a gogledd Powys i dros 8,000 o bobl ers 2014, pan gawsom ein creu wrth i ddau Landlord Cymdeithasol Cofrestredig traddodiadol uno. Rydym yn gweithio’n galed i ddarparu tai a gwasanaethau rhagorol, i gyfrannu i ddatblygiad cymunedau cynaliadwy a gwarchod a hybu’r iaith Gymraeg gyda balchder. 

Mae ein cymunedau a nifer y cartrefi rydyn ni’n eu rheoli ar fin tyfu, rydyn ni am gynyddu iechyd a lles ein cymunedau i’r eithaf, creu cyfleoedd i newid bywydau a siapio lleoedd sy’n sicrhau dyfodol cynaliadwy. Mae gennym uchelgeisiau mawr i adeiladu dros 350 o dai fforddiadwy newydd yn ystod y tair blynedd nesaf; 35 cartref arloesol arall i safon carbon isel / di-garbon a lleihau ein hol troed carbon o leiaf 4%. 

Rydym yn ehangu ein cynnig Gofal Ychwanegol gyda dau ddatblygiad pellach, gan greu 107 cartref arall mewn dwy ardal newydd i fynd i’r afael a’r angen cynyddol, ond yn fwy na hynny byddwn yn helpu i greu lleoedd lle mae gan bobl ymdeimlad o gymuned ac yn gallu derbyn lefelau hyblyg o gefnogaeth fel y gallent barhau i fyw’n annibynnol mewn man y maent yn ei garu am gyfnod hirach.

Mae gennym uned fusnes, Gorwel, sy’n darparu gwasanaethau cefnogol ym meysydd camdriniaeth yn y cartref ac atal digartrefedd.

Mae dau is-gwmni hefyd yn weithredol o dan ambarêl Grŵp Cynefin: Canllaw a Gofal a Thrwsio Conwy a Sir Ddinbych sy’n gweithio i helpu pobl hŷn drwsio, addasu, cynnal a chadw eu cartrefi fel y gallent barhau i fyw yn annibynnol yn eu cartrefi eu hunain. 

Mae Grŵp Cynefin yn sefydliad cryf yn ariannol gyda chyfleoedd cyffrous o’n blaenau, felly rydym yn chwilio am rywun i gynorthwyo’r Uwch Swyddog Perfformiad i gynnal systemau rheoli perfformiad a gwella gwasanaeth effeithiol sy’n cynnwys sicrhau cywirdeb data. Hefyd i weithio yn agos â’r Uwch Swyddog Llywodraethu gyda pob agwedd o faterion llywodraethu. 

Mae’r swydd hon yn cynnig cyfle i unigolion sy’n awyddus i ddatblygu gyrfa yn y maes tai mewn awyrgylch Gymreig lle mae’r amodau gwaith yn flaengar a chyfeillgar i’r teulu.

Mwy na thai

Rydym eisoes yn adnabyddus am wneud mwy na rheoli a gosod tai yn unig. Rydym yn gweithredu fel Strwythur Grŵp, gydag arbenigedd ac adnoddau mewn byw’n annibynnol, addasiadau a gwasanaethau cymorth i bobl ifanc 16-24 oed, pobl hŷn a’r rhai sy’n byw gyda phroblemau iechyd meddwl yn ein cymunedau yn ogystal a gwasanaethau cefnogol ar gyfer trais domestig ac atal digartrefedd. Mae ein cymunedau gwledig yn bwysig i ni ac felly hefyd yr amgylchedd, gyda phrosiect ein warden ynni gyda degawd o brofiad yn ein cymunedau.

Rydyn ni’n gwybod trwy ein prosiectau sydd wedi ennill sawl gwobr, megis Y Shed a HWB Dinbych, y gallwn ni wneud gwahaniaeth go iawn i unigolion a’u cymunedau ac rydyn ni’n dda am gael partneriaid i weithio gyda’i gilydd i gyflawni mwy nag y gallen ni yn unigol i adfywio cymunedau a chreu cyfleoedd.

Dyma ychydig mwy am beth ydym ni’n ei olygu pan fyddwn ni’n sôn am ‘Mwy na thai’.

Cartrefi addas o safon mewn llefydd y mae pobl yn falch ohonynt.

Bydd ein cartrefi yn y dyfodol yn ddiogel ac yn arloesol, yn cynnwys y dyluniadau diweddaraf lle gallwch chi weithio gartref. Byddant yn gartrefi am oes, gyda thechnoleg glyfar, yn rhatach i’w rhedeg, yn garbon isel ac yn lleoedd cysylltiedig a mannau gwyrdd hawdd eu cyrraedd lle gall ffrindiau, teuluoedd a phlant chwarae, tyfu a chyfarfod yn ddiogel.

Gwasanaethau a phrofiadau rhagorol i’n cwsmeriaid.

Rydym am i bobl fod eisiau byw yn ein cartrefi, cael ein hymatebion yn iawn y tro cyntaf ac i’n cwsmeriaid ddweud bod ein gwasanaethau’n rhagorol. Ac mae’n hawdd i’n tenantiaid gysylltu a ni pryd bynnag maen nhw eisiau neu angen.

Gwella bywydau

Byddwn yn gwneud gwahaniaeth i iechyd a lles y bobl yn ein cymunedau. Bydd ein gwaith yn parhau i fynd i’r afael ag effeithiau tlodi (tlodi bwyd, tlodi digidol a thlodi tanwydd) a’u lleihau, gan ddod o hyd i atebion a chyfleoedd sy’n newid bywydau sy’n galluogi pobl i godi allan o dlodi.

Byddwn yn gweithio’n agos gyda phobl i’w galluogi i aros yn eu cartrefi yn ddiogel ac yn annibynnol cyhyd ag y bo modd, a pharhau i weithio gyda phartneriaid i gefnogi grwpiau bregus ac amrywiol o bobl, ac atal digartrefedd a chefnogi’r rhai sy’n dioddef cam-drin domestig.   

Cynnal cymunedau

Bydd ein cymunedau’n ffynnu a byddwn yn gweithio mewn partneriaeth i hwyluso a chefnogi hyn. Byddwn yn gatalydd ar gyfer newid cadarnhaol yn ein cymunedau, gan fuddsoddi mewn gwella iechyd a lles ein cymunedau wrth weithio gydag asiantaethau a grwpiau eraill i adfywio cymunedau.

Yn ogystal ag adeiladu mewn ardaloedd trefol, bydd gennym hefyd ffocws gwirioneddol ar ein cymunedau gwledig lle mae ail gartrefi yn arwain at eithrio pobl ifanc lleol trwy beri iddynt gael eu prisio allan o’r farchnad.

Twf cadarn a chynaliadwy

Byddwn yn parhau i adeiladu tai diogel, fforddiadwy o ansawdd rhagorol, gan gynnig tai ar gyfer gwahanol ddeiliadaethau sy’n diwallu angen lleol, boed yn ddemograffig, yn gymdeithasol neu’n economaidd. Lle bynnag y bo modd, byddwn yn adeiladu cartrefi i safon di-garbon ac yn chwilio am gyfleoedd i ddenu grantiau ar gyfer adeiladau newydd ac ôl-osod i wella effeithlonrwydd ynni cartrefi presennol.

Byddwn yn archwilio cyfleoedd i ddefnyddio ein harbenigedd i adeiladu tai ar gyfer eu gwerthu ar y farchnad er mwyn cynhyrchu cyfleoedd i fuddsoddi mewn tai rhent mwy fforddiadwy a pharhau i geisio cyfleoedd gweithio rhanbarthol a lleol trwy weithio mewn partneriaeth sy’n ychwanegu gwerth, yn cyfateb i’n gwerthoedd ac yn helpu i adeiladu mwy o gartrefi.

CYFRIFOLDEBAU’R SWYDD:

Rheoli Perfformiad

1. Cynorthwyo’r Uwch Swyddog Perfformiad efo’r systemau rheoli perfformiad a gwella gwasanaeth y Gymdeithas, gan gynnwys casglu, dadansoddi cywirdeb ac adolygu data ar gyfer adroddiadau rheoli perfformiad.

2. Cynorthwyo’r Uwch Swyddog Perfformiad i gynnal gwiriadau ar hap (deep dives) i feysydd gwasanaeth penodol er mwyn sicrhau cywirdeb data.

3. Cynorthwyo’r Uwch Swyddog Perfformiad i gydlynu, casglu, dadansoddi ac adrodd ar berfformiad y Gymdeithas i gyrff allanol fel bo’r angen e.e. Uned Data Llywodraeth Cymru yn ôl yr amserlen ac o fewn canllawiau.

4. Cynorthwyo’r Uwch Swyddog Perfformiad i fonitro perfformiad yn erbyn y safonau gwasanaeth, ynghyd â’r rhaglen flynyddol y Tenant Archwilwyr a Siopwyr Diogel.   5. Cynorthwyo’r Uwch Swyddog Perfformiad gyda’r broses gwynion ffurfiol gan gynnwys cydnabod derbyn cwynion swyddogol, cyfathrebu cyson gyda’r achwynwyr, diweddaru Active H (meddalwedd rheolaeth tai) hefo’r wybodaeth berthnasol, cadw trosolwg bod cwynion yn cael eu trin yn amserol, cynnal trefn canfod barn bodlonrwydd yr achwynydd ar ddiwedd y broses. 

Cynorthwyo’r Uwch Swyddog Perfformiad efo’r broses ‘dysgu gwersi o gwynion’ a thracio unrhyw argymhellion gwella. 

6. Cynorthwyo i gadw’r Gofrestr Risg yn gyfredol lle’n berthnasol, ynghyd â threfnu a chofnodi cyfarfodydd monitro’r gofrestr.

7. Cynorthwyo’r Uwch Swyddog Perfformiad trwy fod yn gyfrifol am dracio gweithrediad argymhellion archwilio mewnol, a chynorthwyo gyda’r ochr weinyddol o weithredu’r Cynllun Archwilio Mewnol e.e. trefnu dyddiadau archwilio mewnol, trefnu cyfarfodydd rhwng yr archwilwyr mewnol â’r swyddogion perthnasol, ayb.

8. Cynorthwyo i gadw’r Cofrestr Polisi Corfforaethol yn gyfredol, sy’n cynnwys atgoffa rheolwyr pryd mae’r Polisïau i’w hadolygu.

9.  Cynorthwyo’r Uwch Swyddog Perfformiad gyda unrhyw dasgau perthnasol arall.

Llywodraethu

1. Cynorthwyo’r Uwch Swyddog Llywodraethu i weinyddu cyfarfodydd y Bwrdd Rheoli a’i Bwyllgorau, gan gynnwys drafftio agendau, dosbarthu adroddiadau, cadw cofnodion rhai cyfarfodydd a bod yn gyfrifol am dracio gweithredu penderfyniadau o gyfarfodydd.

2.  Bod yn gyfrifol am sicrhau fod yr holl wybodaeth ar ‘Decision Time’ (meddalwedd llywodraethu) yn gyfredol gan gynnwys ffeilio cofnodion terfynol, cofrestrau presenoldeb a’r llyfrgell o bolisïau a dogfennau corfforaethol.

3. Bod yn gyfrifol am sicrhau fod Adroddiadau a Chofnodion holl gyfarfodydd y Bwrdd a’i Bwyllgorau yn gyfredol ar ‘Clic’ (mewnrwyd staff).

4. Cynorthwyo’r Uwch Swyddog Llywodraethu gyda threfniadau y Cyfarfod Cyffredinol Blynyddol, ac unrhyw Gyfarfod Cyffredinol Arbennig.

5. Cynorthwyo’r Uwch Swyddog Llywodraethu i weinyddu proses arfarniadau blynyddol Byrddau’r Grŵp a’r Pwyllgorau. 

6. Cynorthwyo’r Uwch Swyddog Llywodraethu i weithredu Cynllun Hyfforddiant a Datblygiad Aelodau Bwrdd a bod yn gyfrifol am archebu cyrsiau hyfforddiant a chasglu adborth er mwyn gwerthuso’r hyfforddiant. 

7. Cynorthwyo’r Uwch Swyddog Llywodraethu i sicrhau bod aelodau’r Bwrdd a’i Phwyllgorau yn cwblhau’r datganiadau blynyddol a’r ffurflenni perthnasol, megis Cytundebau Lefel Gwasanaeth, Cod Ymddygiad, Datgan Diddordeb ayb. 

8. Casglu ystadegau blynyddol fel bo’r gofyn (megis proffil cydraddoldeb ac amrywiaeth aelodau Byrddau’r Grŵp) a drafftio adroddiadau clir a chryno.

9. Gweinyddu’r broses Datgan Lletygarwch a Budd (staff ac aelodau Bwrdd) a sicrhau fod y Cofrestrau perthnasol yn gyfredol. 

10. Gweinyddu cyfarfodydd y Tîm Arweinyddiaeth yn absenoldeb Cynorthwy-ydd y Prif Weithredwr.

11. Cynorthwyo’r Uwch Swyddog Llywodraethu gyda unrhyw dasgau perthnasol arall.

Arall

Cynorthwyo’r Tîm Llywodraethu a Chydymffurfio gyda thasgau cyffredinol eraill  

Mae’r Sefydliad Dysgu a Gwaith (L&W) yn sefydliad polisi, ymchwil a datblygiad annibynnol sy’n ymrwymedig i ddysgu gydol oes, cyflogaeth lawn a chynhwysiant. Rydym yn canolbwyntio ar y cwestiynau mawr, gan gynnwys sut gallwn ni helpu i wella safonau byw a mynd i’r afael â chostau byw? Sut gallwn ni helpu mwy o bobl i ddod o hyd i swyddi safonol? Sut gallwn ni helpu mwy o bobl i ddatblygu eu sgiliau mewn marchnad swyddi sy’n newid?

Mae hon yn rôl weithredol sy’n arwain gwaith y Sefydliad Dysgu a Gwaith yng Nghymru, gan adrodd i’r Prif Swyddog Gweithredol a gweithio gyda nhw i bennu a llywio gweledigaeth uchelgeisiol. Rydym wedi gwneud gwahaniaeth gwirioneddol i bolisïau ac arfer dysgu gydol oes a chyflogaeth ac rydym yn awyddus i barhau i wneud hynny, gan gynyddu ein heffaith ymhellach.

Bydd angen i ddeiliad y rôl arwain y broses o adnabod y blaenoriaethau y dylem fod yn canolbwyntio arnynt yng Nghymru, sicrhau cyllid o wahanol ffynonellau, sicrhau ein bod yn cyflawni gwaith o safon uchel a gwneud yn siŵr bod hyn yn cael effaith, trwy gynnal perthynas gyda rhanddeiliaid allweddol, gan gynnwys gwleidyddion, llunwyr polisïau, y cyfryngau ac ymarferwyr. Drwy wneud hynny, byddwch yn arwain tîm bach yng Nghymru a gweithio gyda’r sefydliad drwyddo draw.

Mae deiliad y swydd hon yn aelod pwysig hefyd o’r Uwch Dîm Rheoli, felly mae sgiliau arweinyddiaeth ac ymrwymiad i gydweithio ar draws y sefydliad yn hollbwysig. Mae hyn yn debygol o gynnwys arwain mentrau traws-sefydliad yn ogystal â helpu i arwain y sefydliad cyfan a gweithio gyda’n Bwrdd a Grŵp Strategaeth Cymru.

Mae’r Sefydliad Dysgu a Gwaith yn Fuddsoddwr mewn Pobl (arian) ac mae’n ymfalchïo yn hynny. Rydym yn ymrwymedig i ddatblygiad staff, gan gynnwys hyfforddiant a chymorth mewnol ac allanol. Rydym yn cynnwys staff wrth wneud penderfyniadau mewn llawer o wahanol ffyrdd, yn ogystal â nifer o fentrau sy’n cael eu harwain gan staff sy’n canolbwyntio ar iechyd a llesiant yn y gwaith.

Mae’r Sefydliad Dysgu a Gwaith yn ymfalchïo yn y ffaith ei fod yn gyflogwr cefnogol a hyblyg. Rydym yn cydnabod pwysigrwydd cydbwysedd rhwng bywyd a gwaith i’n staff, a byddwn yn ystyried trefniadau gweithio rhan-amser a hyblyg, gan gynnwys gweithio gartref.

Mae’r Sefydliad Dysgu a Gwaith yn angerddol am gydraddoldeb ac amrywiaeth, y rhain yw sylfaen ein gwerthoedd a’n cenhadaeth sefydliadol, ac rydym yn awyddus iawn i dderbyn ceisiadau gan bob grŵp sy’n cael eu tangynrychioli mewn cymdeithas.

Mae’r Sefydliad Dysgu a Gwaith yn cynnig buddiannau hael gan gynnwys Cynllun Pensiwn Llywodraeth Leol gyda chyfraniad o 18% gan y cyflogwr, hawl hael i 25 diwrnod o wyliau (sy’n cynyddu i 27 ar ôl 5 mlynedd o wasanaeth), yn ogystal ag 8 gŵyl y banc a 6 diwrnod braint (gan gynnwys cau dros y Nadolig) y flwyddyn. Rydym yn cynnal adolygiad blynyddol o gyflogau, gan gynnwys cyfleoedd ar gyfer cynnydd cyflog a bonws.

Ymunwch â’n tîm cyfathrebu, marchnata ac ymgysylltu i’n helpu i ddatblygu ymgyrchoedd marchnata arloesol a chreadigol gan hyrwyddo gwasanaethau allweddol a ddarperir gan y cyngor. Gan weithio gyda thîm blaenllaw o arbenigwyr cyfathrebu, a chyda’u cefnogaeth, byddwch yn dod â sgiliau creadigol, digidol a marchnata ynghyd i’n helpu i hyrwyddo prosiectau a gwasanaethau’n effeithiol i’r cyhoedd. Rydym yn chwilio am rywun na fydd ofn rhoi cynnig ar dechnegau newydd o fewn tîm cefnogol sydd yn annog dysgu a newid. Rhywun a fydd yn gwthio’r ffiniau gydag egni.

Os hoffech chi drafod unrhyw agwedd ar y swydd, ffoniwch Sian Owen ar 01824 706125.

Os oes gennych ddiddordeb yn y swydd wag hon, gwnewch gais ar-lein trwy ein gwefan www.sirddinbych.gov.uk Am ddulliau eraill o wneud cais, cysylltwch â’r Adran Gwasanaethau Cwsmeriaid ar 01824 706100.

Rhaid i ymgeiswyr gwblhau ein ffurflen gais i gael ei ystyried. Mae’n ddrwg gennym nad ydym yn gallu ateb pob cais. Os nad ydych wedi derbyn ateb o fewn tair wythnos i’r dyddiad cau, dylech gymryd yn ganiataol nad ydych wedi cyrraedd y rhestr fer am gyfweliad.

Dyddiad Cau: 22 Medi 2022

Os ydych yn frwd dros lyfrau plant Cymraeg a bod gennych brofiad o olygu creadigol, anfonwch eich CV atom cyn gynted â phosibl.

Dyma gyfle gwych i weithio gyda chyhoeddwr Cymraeg sydd wedi ennill gwobrau.

Bydd rôl y golygydd creadigol yn cynnwys gweithio o gartref yn ogystal â bod yn rhan o dîm ehangach, cyfeillgar.

Cefnogir y swydd gan Gyngor Llyfrau Cymru ac mae'n rhoi cyfle i'r ymgeisydd llwyddiannus weithio gydag amrywiaeth o lyfrau gan gynnwys addasiadau o lyfrau cymeriad poblogaidd fel Paw Patrol a Roald Dahl hyd at ddatblygu cynnwys gwreiddiol gydag awduron a darlunwyr uchel eu parch.

Rydym yn cynnig rôl barhaol gyda 22.5 awr yr wythnos, gyda phatrwm gweithio hyblyg, a’r cyflog yw £15.40 yr awr (tua £30K pro rata).

Mae sgiliau hanfodol yn cynnwys lefel uchel o Gymraeg ysgrifenedig ac yn ddelfrydol, y profiad o olygu yn y cyfrwng hwn. (Bydd yn ofynnol i ymgeiswyr llwyddiannus ar y rhestr fer gwblhau ymarfer golygu cyn mynychu cyfweliad.)

Y dyddiad cau ar gyfer ceisiadau yw dydd Llun 19eg Medi 2022. Anfonwch eich CV a llythyr eglurhaol, yn Gymraeg a Saesneg, i [email protected]

Mae Rily Publications yn hyrwyddo amrywiaeth a chynwysoldeb mewn gyrfaoedd cyhoeddi. Rydym yn croesawu ceisiadau am swyddi gan bobl o gefndiroedd proffesiynol a phrofiadau bywyd amrywiol. Mae ein proses recriwtio yn rhydd rhag gwahaniaethu, gan gynnwys ar sail hil, ethnigrwydd, oedran, crefydd, rhyw a rhywioldeb.

Mae Gwasg Prifysgol Cymru, Gwasg genedlaethol Cymru, yn chwilio am Gyhoeddwr i arwain gwasgnod ffeithiol a lansiwyd ganddi yn ddiweddar, Calon.

Bydd y Cyhoeddwr yn arwain y gwaith parhaus o ddatblygu’r gwasgnod newydd hwn, gan gynnwys comisiynu a datblygu cynnwys llyfrau newydd cyffrous i’r portffolio. Gan adrodd i’r Cyfarwyddwr, bydd y Cyhoeddwr yn cymhwyso ei wybodaeth a’i brofiad o’r farchnad fasnachol yn y fenter ddiweddar hon. 

Bydd yr ymgeisydd delfrydol yn egnïol, yn greadigol ac yn ymroddedig i wneud y cyfle cyffrous hwn yn llwyddiant. Bydd ganddo brofiad solet mewn comisiynu ar gyfer marchnad ffeithiol, bydd yn gallu adnabod a manteisio ar gyfleoedd ar gyfer llyfrau newydd, a datblygu cynnwys yn greadigol â chynulleidfa ryngwladol mewn golwg. Dylai darpar ymgeiswyr fod â sgiliau rheoli awduron rhagorol, dylent fod â ffocws masnachol, a dylent fod â phrofiad o weithio gyda swyddogion cyhoeddusrwydd a phartneriaid allanol. Bydd yr ymgeisydd llwyddiannus yn rhannu ei wybodaeth a’i ddealltwriaeth o’r farchnad fasnachol yn rhagweithiol â chydweithwyr ym mhob rhan o’r Wasg. Byddai rhwydweithiau perthnasol ag awduron a phartneriaid allanol, a diddordeb brwd mewn pynciau Cymreig, yn ddymunol. Mae’r gallu i sgwrsio a chyfathrebu’n hyderus yn y Gymraeg am y rhan fwyaf o’r materion sy’n gysylltiedig â gwaith yn ddymunol am y swydd hon.

Mae’r Wasg yn croesawu ymholiadau gan ymgeiswyr amrywiol. Mae’r swydd dros gyfnod mamolaeth Cyhoeddwr Calon. Gall y swydd fod yn swydd amser llawn ac wedi’i lleoli yn adeilad urddasol Cofrestrfa’r Brifysgol yng nghanol dinas Caerdydd, ond mae hyblygrwydd yn bosibl i’r ymgeisydd priodol.

Y cyflog yw hyd at £33,500 y flwyddyn ar gyfer swydd amser llawn, gan ddibynnu ar brofiad, â gwyliau hael o 25 diwrnod ynghyd ag 8 diwrnod statudol a 7 diwrnod arferol y flwyddyn, pro rata. Bydd deiliad y swydd yn gymwys i ymuno â chynllun pensiwn y Brifysgol.

Os oes gennych ymholiadau am y swydd ac i ofyn am gopi o'r swydd ddisgrifiad, cysylltwch â[email protected] Os hoffech wneud cais am y rôl, anfonwch lythyr esboniadola CV at Eleri Lewis, Partner Busnes Adnoddau

Dynol:[email protected]

Dyddiad cau: dydd Mawrth 13 Medi 2022

Dyma rôl newydd fydd yn rhoi cyfle i chi ddatblygu a gweithredu ein prosesau mewnol ac allanol er mwyn sicrhau ein gweledigaeth o greu theatr Cymraeg eithriadol i bawb. Pwrpas y swydd hon yw rheoli materion gweithredol y cwmni, yn cynnwys adnoddau dynol; rheoli asedau; systemau a chytundebau gweinyddol; systemau TG; a chasglu a dadansoddi data. 

Mae’r cwmni’n anelu at fod mor gynhwysol â phosib, gan sicrhau ein bod yn cynnig cyfleoedd i bobl o bob cefndir ac o bob oedran, ac mae lles pobl yn holl bwysig i ni. Rydym felly yn edrych am berson sy’n rhannu’r gwerthoedd yma, yn enwedig gan y bydd yr ymgeisydd llwyddiannus yn arwain ar faterion adnoddau dynol, yn cynnwys recriwtio a gofalu am les staff. 

Ry’n ni’n edrych am unigolyn sydd yn drefnus a chwilfrydig, sy’n ymfalchïo mewn systemau a phrosesau effeithiol, ac sy’n gallu rheoli eu gwaith eu hunain yn effeithiol. Os nad oes gennych y sgiliau neu’r profiad perthnasol ar gyfer y swydd hon eisoes, byddem yn fodlon ystyried darparu hyfforddiant a chyfleoedd i weithio tuag at gymwysterau perthnasol. 

Mae pencadlys y cwmni yng Nghaerfyrddin, ond ry’n ni’n cynnig amrywiaeth o drefniadau gweithio hyblyg, yn cynnwys trefniant gweithio hybrid sy’n golygu cyfuniad o weithio yn y swyddfa a gweithio o gartref.

Dyma gyfle cyffrous i arwain a datblygu ein prosiectau hyfforddiant iaith. Mae IAITH wedi bod yn arwain y maes hyfforddiant Ymwybyddiaeth Iaith ers 1993 ac rydym yn darparu nifer o gyrsiau amrywiol mewn agweddau o bolisi, cynllunio ac ymddygiad iaith. Mae ein Academi IAITH yn darparu rhaglen o gyrsiau achlysurol yn ogystal â bwydlen o gyrsiau a ellid eu darparu i sefydliadau cyhoeddus, mudiadau gwirfoddol a chwmnïau preifat yn uniongyrchol. Cewch ragor o wybodaeth am rai o’n cyrsiau yma: https://www.iaith.cymru/cy/academi-iaith/hyfforddiant-pwrpasol/. Rydym hefyd yn gweithredu nifer o brosiectau sy’n datblygu hyfforddiant iaith newydd https://www.iaith.cymru/cy/prosiectau/listen/ ac sy’n cefnogi gwaith Llywodraeth Cymru, Y Ganolfan Dysgu Cymraeg Cenedlaethol a’r mentrau iaith.

Dyletswyddau penodol

1.  Gweithredu prosesau cyllid yn unol â pholisïau a gweithdrefnau mewnol y sefydliad ac yn unol ag egwyddorion ac arferion da y maes cyfrifyddu.

2.  Codi archebion ar gais ac yn unol ag awdurdodaeth fframwaith rheolaeth fewnol y sefydliad a’u dosbarthu at gyflenwyr.

3.  Prosesu a thalu anfonebau cyflenwyr a threuliau staff yn amserol a gywir gan sicrhau bod y trafodion wedi eu cofnodi yn briodol, yn cydymffurfio â pholisïau’r Comisiynydd, a bod yr awdurdodaeth briodol wedi ei dderbyn.

4.  Cadw cofnodion a thystiolaeth gyflawn a chywir o’r trafodion cyfrifyddu ar systemau’r cyfrifyddu a systemau eraill y sefydliad.

5.  Delio gydag ymholiadau gan gyflenwyr a datrys unrhyw anghydfod.

6.  Cwblhau prosesau rheolaeth ariannol sylfaenol diwedd y mis yn gywir a chyflawn, ac yn unol â’r amserlen.

7.  Paratoi adroddiadau safonol i’r Dalwyr Cyllideb yn fisol, eu dosbarthu ac ymchwilio i ac ymateb i unrhyw ymholiadau gan y Dalwyr Cyllideb.

8.  Paratoi’r Adroddiad Cyllid misol sy’n cael ei gyflwyno i’r Tîm Rheoli yn adrodd ar berfformiad ariannol y sefydliad.

9.  Cynorthwyo’r Uwch Swyddog Cyllid ac Adnoddau gyda chynllunio ariannol, megis paratoi'r Amcangyfrif ar gyfer Llywodraeth Cymru a Chyllideb Flynyddol y sefydliad.

10. Cynorthwyo’r Uwch Swyddog Cyllid ac Adnoddau gyda pharatoi’r Cyfrifon Blynyddol a chefnogi gyda’r archwiliad.

11. Mewn cydweithrediad gyda’r Tîm Adnoddau Dynol prosesu cyflogau staff, gan:

§ Sicrhau bod y prosesu yn gywir â chyflawn yn unol â chyfarwyddiadau a rheoliadau a chyfreithiau perthnasol;

§ Gwneud ymholiadau perthnasol a datrys ymholiadau yn ôl yr angen;

§ Derbyn awdurdodaeth briodol i’r trafodion;

§ Codi taliadau i staff ac i’r awdurdodau perthnasol yn unol â’r amserlen;

§ Prosesu trafodion cyflogau i’r system gyfrifyddu yn gywir, yn gyflawn ac yn amserol; a

§ Sicrhau bod adroddiadau a datganiadau yn cael eu hanfon at awdurdodau perthnasol yn unol ag amserlenni.

12. Cydymffurfio gyda, a chael dealltwriaeth fanwl o bolisïau a gweithdrefnau yn y meysydd dan gyfrifoldeb y tîm. Gweithredu yn unol â’r polisïau a chynghori staff ar y polisïau:

§ Polisi Rheolaeth Ariannol

§ Polisi a Gweithdrefnau Prynu Nwyddau a Gwasanaethau

§ Polisi Teithio a Chynhaliaeth.

13. Cydymffurfio â gofynion deddfwriaethol a statudol

14. Adnabod a chynorthwyo gyda’r gwaith gweinyddol yn y maes cyllid

15. Cynorthwyo gydag unrhyw waith gweinyddol ac ymarferol er mwyn darparu adnoddau a gwasanaethau swyddfa i staff y sefydliad yn unrhyw un o’r lleoliadau.

16. Cynorthwyo’r Swyddog TG gydag unrhyw waith gweinyddol ac ymarferol, yn ôl y gofyn.

Dyletswyddau gweinyddol canolog achlysurol (fel rhan o dîm Swyddogion Cefnogi / Gweinyddol). Gweithredir ar sail rota i gyfro gwyliau a salwch.

17. Ateb a throsglwyddo galwadau ffôn neu gymryd negeseuon yn absenoldeb y Swyddog Cefnogi Llywodraethiant.

18. Monitro negeseuon e-bost post@ yn absenoldeb y Swyddog Cefnogi Llywodraethiant.

19. Gweinyddu ceisiadau am gyfieithu dogfennaeth, rhedeg pob dogfen drwy feddalwedd cof cyfieithu, codi archebion a chysylltu â chyfieithwyr yn ôl yr angen yn absenoldeb y Swyddog Cefnogi Llywodraethiant.

20. Cofnodi manylion ceisiadau Iaith Gwaith, dosbarthu’r nwyddau a sicrhau cyflenwad digonol o nwyddau Iaith Gwaith i’w cadw gerllaw’r dderbynfa yn absenoldeb y Swyddog Cefnogi Llywodraethiant.

21. Ymgymryd â thasgau redactio ar gyfer y tîm Llywodraethiant yn absenoldeb y Swyddog Cefnogi Llywodraethiant, a hefyd i fod yn barod i ddarparu cymorth redactio i dimoedd eraill yn ôl yr angen.

22. Darparu ysgrifenyddiaeth i gyfarfodydd y Pwyllgor Archwilio a Risg a’r Panel Cynghori yn absenoldeb y Cynorthwyydd Personol.

Dyletswyddau cyffredinol:

1.  Gweithredu’n gyson ac yn amserol yn unol â holl bolisïau a chanllawiau’r Comisiynydd.

2.  Ymgymryd â gwaith gweinyddol i gynorthwyo’r timoedd eraill sy’n cynnal gwasanaethau cefnogi’r sefydliad.

3.  Ymgymryd ag unrhyw ddyletswyddau perthnasol, rhesymol eraill yn ôl y galw. 

Wrth i waith Comisiynydd y Gymraeg ddatblygu, fe all gofynion y swydd newid. Bydd unrhyw newidiadau yn cael eu trafod a’u cytuno â deiliad y swydd ymlaen llaw.