Swyddi Cymraeg

Mae hwn yn gyfle unigryw i chwarae rhan allweddol yn natblygiad Academi Heddwch Cymru – Sefydliad Heddwch cyntaf Cymru – ac i weithio tuag at weledigaeth o Gymru fel Cenedl Heddwch. Bydd y Rheolwr Datblygu Prosiectau yn gyfrifol am reoli, cyflwyno a datblygu Academi Heddwch Cymru. Mae hyn yn cynnwys rheoli staff y prosiect, datblygu partneriaeth effeithiol rhwng holl randdeiliaid y prosiect, ac adrodd i’r cyllidwyr, Grŵp Llywio’r Academi Heddwch a Bwrdd Ymddiriedolwyr WCIA. Mae’r tîm staff yn cynnwys Cydlynydd (0.8) ac rydym ar hyn o bryd yn recriwtio ar gyfer Arweinydd Rhwydwaith Ymchwil Academaidd (0.5).

Un o’r prosiectau sy’n cael eu cydlynu ar hyn o bryd gan Academi Heddwch yw Deiseb Heddwch Merched Cymru, sy’n dathlu canmlwyddiant y ddeiseb hon a lofnodwyd gan 390,296 o fenywod Cymru a’i hanfon i UDA yn apelio arnynt i ymuno â Chynghrair y Cenhedloedd. Rydym wedi gwneud cais am gyllid ar gyfer y Prosiect Deiseb Heddwch Merched a oedd yn cynnwys recriwtio Rheolwr Prosiect i reoli’r dasg o gyflawni’r rhaglen waith. Os byddwn yn llwyddiannus, yna bydd Rheolwr Datblygu Prosiect yr Academi Heddwch hefyd yn rheoli’r Rheolwr Prosiect Deiseb Heddwch Merched. Bydd y Rheolwr Datblygu Prosiect yn darparu gweithgareddau presennol yr Academi Heddwch ac, yn hollbwysig, yn sicrhau cyllid ar gyfer prosiectau newydd sy’n cyd-fynd â dibenion yr Academi Heddwch ac yn eu rheoli. Byddant yn sicrhau bod gweithgareddau’n cael eu darparu ar amser ac o fewn y gyllideb, a bod mecanweithiau monitro a gwerthuso priodol yn cael eu sefydlu a’u dilyn.

**Cyflogir gan: **Canolfan Materion Rhyngwladol Cymru (WCIA)

Cyflog: Yn cychwyn o £36,305

**Oriau: **37 awr y wythnos

Y dyddiad cau: 12.00pm, 22 Mawrth 2023 – dyddiad cau wedi ymestyn

Mae Camu i’r Adwy Cyn Camu Yn Ôl yn ymagwedd arloesol tuag at gynorthwyo teuluoedd ar ffiniau gofal, sy’n dangos gostyngiad yn niferoedd y plant a ddaw i ofal, a gwell deilliannau i blant a theuluoedd. Wrth ei chraidd y mae gofalwyr maeth arbenigol, sydd wedi’u hyfforddi’n dda i roi cymorth i deuluoedd, sy’n darparu cymorth ataliol, â therfyn amser arno i hyd at bedwar o deuluoedd ar unrhyw adeg benodol. 

Bydd y Rheolwr Rhaglen yn rheoli’r gorchwyl o weithredu a datblygu’n barhaus y rhaglen Camu i’r Adwy Cyn Camu Yn Ôl yng Nghymru. Yn gychwynnol, fe’i lleolir mewn dau awdurdod lleol, gan weithio’n gydweithredol â’r gwasanaethau i wreiddio’r model Camu i’r Adwy Cyn Camu Yn Ôl. Bydd y Rheolwr Rhaglen yn cynnal cysylltiadau â rhanddeiliaid allweddol ar gyfer y rhaglen ac yn darparu rheolaeth linell i’r ddau swyddog arweiniol sy’n cyflenwi Camu i’r Adwy Cyn Camu Yn Ôl. 

**Amdanoch Chi **

Rydym yn chwilio am rywun sy’n angerddol dros wella bywydau, profiadau a deilliannau i blant a phobl ifanc. Mae arnom angen ichi fod wedi cael profiad o reoli rhaglenni, o arwain timau, ac o weithio’n gydweithredol â sefydliadau sy’n bartneriaid. Bydd yn rhaid i’r ymgeisydd llwyddiannus ddangos y gallu i weithio o fewn sefyllfa a hysbysir gan drawma, gydag ymagwedd sy’n canolbwyntio ar ddatrysiadau.    Mae’r rôl hon drwy Gymru gyfan, rydym yn cynnig gweithio cymysg neu hybrid ac mae gennym swyddfa yng Nghaerdydd. Bydd yn rhaid i’r ymgeisydd llwyddiannus allu teithio i’r swyddfa yng Nghaerdydd pan fo angen, yn ogystal â mynychu digwyddiadau a gweithgareddau ledled Cymru.    Fel sefydliad, rydym wedi’n hymrwymo i gefnogi gweithio hyblyg. Hysbysebir y swydd hon fel swydd amser llawn ond rydym yn agored i geisiadau gan unigolion fyddai’n hoffi gweithio fel rhan o drefniant rhannu swydd. Dynodwch yn eich cais, os gwelwch yn dda, a hoffech gael eich ystyried fel rhan o drefniant rhannu swydd.     Dyddiad cau: Dydd Llun, y 6ed o Fawrth am 9.00yb 

Dyddiad y Cyfweliad: Dydd Mawrth, y 14eg neu ddydd Mercher, y 15fed o Fawrth 

Lleoliad y Cyfweliad: Yn bersonol yn ein swyddfa yng Nghaerdydd