Swyddi Cymraeg

Mae Tribiwnlys Prisio Cymru yn chwilio am arweinydd talentog i weithredu fel ei Brif Weithredwr nesaf.

Disgrifiad:

Rhaid i’r sawl a benodir medru rheoli'r hyn sydd yn ein hanfod yn fusnes bach sy’n cynnwys 16 aelod o staff, 75 aelod tribiwnlys a chyllideb flynyddol o £1.1m. Rhaid iddynt fedru gwneud hyn yng nghyd-destun y sector cyhoeddus, gyda’r holl graffu ac atebolrwydd sy’n gysylltiedig â hynny. 

Mae tact a diplomyddiaeth, doethineb a dawn, treiddgarwch a gweledigaeth oll yn rhinweddau hanfodol. Mae gwybodaeth drwyadl am ardrethu annomestig a’r dreth gyngor yn ddymunol iawn hefyd gan mai’r Prif Weithredwr, yn ôl y gyfraith, yw Clerc y Tribiwnlys - er nad yw ymdrin â’r materion hynny yn weithgaredd o ddydd i ddydd. Byddai sgiliau cyfreithiol trosglwyddadwy o feysydd eraill y gyfraith yn dderbyniol. Yn ddelfrydol bydd yr ymgeisydd llwyddiannus yn siaradwr Cymraeg rhugl; ond os nad yw bydd rhaid dangos ymrwymiad brwdfrydig i ddysgu’r Gymraeg a’i defnyddio ym mywyd a busnes dyddiol Tribiwnlys Prisio Cymru. 

Bydd y broses benodi yn cynnwys o leiaf un diwrnod asesu, a ddilynir gan gyfweliad ffurfiol ar ddiwrnod arall gerbron Cyngor Llywodraethu Tribiwnlys Prisio Cymru Bydd y swydd yn dechrau yng ngwanwyn 2023, yn dilyn ymddeoliad ein Prif Weithredwr presennol, Andrew Shipsides.

Cewch ragor o fanylion a ffurflen gais ar wefan Tribiwnlys Prisio Cymru: www.tribiwnlysprisio.cymru. 

Y dyddiad cau ar gyfer ceisiadau yw dydd Gwener 6 Ionawr 2023.

Mae hwn yn gyfle unigryw i arwain un o fudiadau gorau ieuenctid cefn gwlad Cymru.

Mewn cydweithrediad a’r Bwrdd Rheoli, mae’r Prif Weithredwr yn gyfrifol am ddatblygiad strategol Mudiad CFfI Cymru, gan gynnwys datblygu statws a phroffil y CFfI yng Nghymru drwyddi draw trwy gefnogi’r aelodau a gweithio mewn partneriaeth ag unigolion a sefydliadau allweddol.

Mae’r Prif Weithredwr hefyd yn gyfrifol am sicrhau bod amrywiaeth o raglenni a mentrau cyfoes yn cael eu darparu yn unol ag anghenion a dyhead yr aelodau, a bod hynny yn digwydd mewn modd ymgysylltiol ac effeithiol. Mae rheolaeth ariannol gadarn, ynghyd ag arweiniad a datblygiad tîm o staff canolog hefyd yn gyfrifoldebau allweddol y swydd.

Dylid cyflwyno C.V a llythyr eglurhaol yn tynnu sylw at eich diddordeb yn y rôl i CFfI Cymru, [email protected] erbyn Dydd Llun, 26 Medi am 12.00yp fan bellaf.

Cyflog: £40,000 – £45,000

Lleoliad: Llanelwedd gyda’r hyblygrwydd o weithio gartref

Cyfweliadau: 4 Hydref 2022

Disgrifiad Swydd llawn ar y wefan.

Hanfod RhAG ers y cychwyn yw cefnogi rhieni a gwarchodwyr wrth iddynt fynd ar y daith gyda’u plant drwy Addysg Gymraeg a thu hwnt. Mae’r cyfnod yn cychwyn cyn geni’r plentyn, gyda’r gwaith hyrwyddo o fewn y sector cyn geni a'r blynyddoedd cynnar, ac fe gydweithiwn gyda rhanddeiliaid yn gadarnhaol ac yn rhagweithiol i sicrhau bod mynediad at Addysg Gymraeg ar gael i bawb sydd yn ei ddymuno.

Disgrifiad:

Byddwch yn arwain gwaith y mudiad yn hybu twf addysg Gymraeg, yn cydweithio gyda’n rhanddeiliaid er mwyn cyflawni ein hamcanion ac yn cefnogi rhieni a gofalwyr wrth iddynt fynd ar y daith gyda’u plant drwy addysg Gymraeg a thu hwnt.

Mae Ynni Cymunedol Cymru'n chwilio am unigolyn creadigol a deinamig i arwain newid mewn sector llewyrchus, gan weithio law yn llaw â chymunedau a'r llywodraeth i gyflawni ynni glân democrataidd a lleol. Dewch i fod yn rhan o dîm hyblyg, sy'n gweithio a adref ac sydd ar flaen y gad yn ymateb cymunedau Cymru i'r trychineb hinsawdd.

Cyflog - £ 40,000

Lleoliad - Byddwn yn ystyried opsiynau gweithio hyblyg

Oriau - 35 awr yr wythnos

Dyddiad Cau - Dydd Llun 11 Gorffennaf, Canol dydd

I wneud cais anfonwch CV a datganiad personol 2 dudalen at [email protected]