Swyddi Cymraeg

Gwahoddir ceisiadau ar gyfer swydd Clerc Tref a Swyddog Ariannol i fod yn gyfrifol am reolaeth weinyddol effeithiol Cyngor Tref Rhuthun a’i adnoddau, ac i sicrhau bod y Cyngor yn cydymffurfio â’i gyfrifoldebau ariannol a’i gyfrifoldebau archwilio statudol. 

Disgrifiad:

Disgwylir i Glerc y Dref weithio cyfanswm o 30 awr yr wythnos yn cynnwys mynychu cyfarfodydd gyda’r nos a chefnogi digwyddiadau ar benwythnosau achlysurol. Bydd y Clerc wedi’i leoli yn Yr Hen Lys, Sgwar San Pedr, Rhuthun sydd ar agor i’r cyhoedd. Bydd disgwyl i’r Clerc weithio’n hyblyg dros 5 diwrnod yr wythnos o ddydd Llun i ddydd Gwener mewn cyswllt â Dirprwy Glerc y Dref/Rheolwr yr Hen Lys. Byddai hyn fel bod deiliad y swydd yn gallu cyfrannu at redeg Cyngor y Dref a’i adeiladau yn effeithiol gydag oriau agor rhwng 10.00am a 3.00pm.

Mae'r gallu i withio drwy gyfrwng y Gymraeg a'r Saesneg yn hanfodol.

Mae pecyn gwybodaeth i ymgeiswyr sy'n cynnwys ffurflen gais, disgrifiad swydd a manyleb person ar gael gan Gyngor Tref Rhuthun ar y ddolen hon: www.cyngortrefrhuthun.gov.uk 

Cysylltwch â Siân Clark, Clerc Cyngor Tref Rhuthun ar [email protected] ar gyfer unrhyw wybodaeth bellach sydd ei angen arnoch. Y dyddiad cau ar gyfer ceisiadau yw 12.00pm ar ddydd Iau 8 o Ragfyr 2022. Cynhelir cyfweliadau ddydd Gwener 16 o Ragfyr 2022.

Rhan-amser: 30 awr yr wythnos yn cynnwys mynychu cyfarfodydd gyda’r nos/ penwythnosau achlysurol 

Cyflog: LC2 (26-32) £32,909 i £38,296 y flwyddyn pro rata (£17.10 - £19.90 yr awr)

Mae’n hanfodol fod y person yn gyfathrebwr hyderus ar bob lefel ar lafar ac yn ysgrifenedig trwy gyfrwng y Gymraeg a’r Saesneg.

Dyddiad cau: Hanner dydd ddydd Iau 8 o Ragfyr 2022 Cyfweliadau: I’w cynnal ar ddydd Gwener 16 o Ragfyr 2022  I gael rhagor o fanylion ynglŷn â’r swydd hon a ffurflen gais e-bostiwch:  [email protected]

Os dymunwch drafod unrhyw agwedd ar y swydd, cysylltwch â Siân Clark, Clerc Cyngor Tref Rhuthun ar rif ffôn 01824 703797 os gwelwch yn dda. 

**Gwybodaeth ychwanegol **

·   Gwybodaeth ddigonol dda o weinyddiaeth, strwythurau ac arferion Llywodraeth Leol

·   Wedi cwblhau neu barodrwydd i weithio tuag at Dystysgrif mewn Gweinyddiaeth Cynghorau Lleol (CiLCA) sy’n ofynnol i bob Clerc Tref

·   Profiad o wasanaethu a chynghori pwyllgorau, yn cynnwys cadw cofnodion a gweithio gyda’r aelodau

·   Sgiliau trefnu a chwrdd â therfynau amser rhagorol, gyda sylw astud i fanylion

·   Yn gymwys mewn rheolaeth ariannol, yn gyfarwydd ag arferion cyfrifeg a gallu i gynhyrchu adroddiadau ariannol, gan ddefnyddio pecyn cadw cyfrifon megis SAGE 

·   Cyfathrebwr hyderus ar bob lefel ar lafar ac yn ysgrifenedig trwy gyfrwng y Gymraeg a’r Saesneg 

·   Yn hyddysg â Microsoft Office (Word ac Excel) 

·   Gwybodaeth am reoli risg a rheoli asedau

·   Gallu i wybod canlyniadau gwleidyddol/cyfreithiol camau gweithredu sy’n cael eu hargymell gan aelodau

·   Gwybodaeth am a phrofiad o ddefnydd technoleg ar gyfer cynnal cyfarfodydd neu ar gyfer dibenion eraill

·   Gallu i weithio’n effeithiol ar eich pen eich hun neu fel rhan o dîm

·   Agwedd ystwyth a hyblyg at unrhyw newidiadau sy’n digwydd

·   Parodrwydd i weithio gyda’r nos a phenwythnosau achlysurol pan fydd angen

·   Parodrwydd a’r gallu i deithio