Swyddi Cymraeg

Rydym yn chwilio am unigolyn i gefnogi tenantiaid i gynnal eu tenantiaethau yn llwyddiannus. Ymunwch â ni i wneud gwahaniaeth gwirioneddol o fewn ein cymunedau.

Disgrifiad:

Cyfrifoldebau'r Swydd

1.       Gweithredu’n briodol i sicrhau cyflawni Strategaeth Cynhwysiad Ariannol, y cynllun gweithredu a gweithdrefnau tai eraill Grŵp Cynefin yn effeithiol.

2.       Ymchwilio, rhannu a throsglwyddo ymarfer da drwy fod yn bencampwr prosesau LEAN i’r timoedd tai a lles.

3.       Hyrwyddo a gweithio gyda chyd-weithwyr ar draws y Gymdeithas i sicrhau bod ein darpariaeth yn addas, yn datblygu a ffynnu.

4.       Chwilio am gyfleoedd ariannol i deilwra gwasanaethau er budd ein tenantiaid.

5.       Datblygu ymgyrchoedd, fel darganfod grantiau, drwy gydweithio â partneriaid perthnasol er budd ein tenantiaid. 

6.       Arwain staff i sicrhau ein bod yn teilwra gwasanaethau a ffocysu ar wytnwch (resilience).

7.       Arwain i sicrhau bod tenantiaethau yn gynaliadwy. 

8.       Arwain i ddefnyddio ystadegau proffilio ein tenantiaid, paratoi adroddiadau a cynllun gweithredu sy’n cyfarch anghenion y busnes i’r dyfodol.

9.       Casglu a dadansoddi ystadegau ariannol tenantiaid i flaenoriaethu gwasanaethau ataliol. 

10.     Rheoli’r tîm lles a monitro achosion.

11.     Rhagweld a chyflwyno newidiadau yn effeithiol gan annog gwelliant parhaus, yn arbennig drwy ddulliau cyfoes a digidol.

12.     Sicrhau perthynas weithio dda â rhanddeiliaid perthnasol megis rhwng staff yr Adran Dai a’r Adran Gwaith a Phensiynau, awdurdodau lleol, undebau credyd, CAB a mudiadau lles eraill, a’r trydydd sector er mwyn cefnogi tenantiaid bregus.

13.     Sicrhau bod gwybodaeth gyfredol i gefnogi tenantiaid yn cael eu hybu, gan gynnwys ar wefan y Gymdeithas, Calon a’r cyfryngau cymdeithasol.

14.     Arwain yr adran i ystyried Gwerth am Arian ym mhob agwedd o'n gwaith, mesur llwyddiant hynny a pharatoi adroddiadau .

15.     Dirprwyo yr Arweinydd Tîm Casglu Incwm pan fod angen, gan arwain y tîm a sicrhau bod uchafu incwm Grŵp Cynefin yn cael blaenoriaeth.