Swyddi Cymraeg

Rydym yn chwilio am Reolwr Polisi i ymuno â’r tîm Polisi Rheoleiddio yng Nghymru i ddatblygu polisïau a deddfwriaethau sy’n diogelu ac yn hysbysu’r cyhoedd ym Mhrydain am eu bwyd, wrth geisio cynnwys anghenion rhanddeiliaid Cymru ym mhenderfyniadau canolog y llywodraeth.

Disgrifiad:

Gweithio o sawl lleoliad yn unrhyw un o Swyddfeydd yr Asiantaeth Safonau Bwyd (ASB) (Caerdydd, Belfast, Birmingham, Llundain neu Gaerefrog), neu gartref yn y Deyrnas Unedig (DU). Dim ond yn y DU y gellir ymgymryd â’r rôl hon ac nid dramor. Bydd angen teithio ledled y DU yn achlysurol, ac aros dros nos o bosib.

Mae’r Asiantaeth Safonau Bwyd (ASB) yn adran anweinidogol gyda thros 1300 o aelodau staff. Ers ymadael â’r Undeb Ewropeaidd (UE), mae gennym ran bwysig wrth ddiogelu iechyd y cyhoedd a buddiannau ehangach defnyddwyr mewn perthynas â bwyd ledled Cymru, Lloegr a Gogledd Iwerddon. Mae ein gweledigaeth yn un bwysig – ysgogi newid, sicrhau “bwyd y gallwch ymddiried ynddo”, a gweithio tuag at system fwyd iachach a mwy cynaliadwy.

Mae gan yr ASB gylch gwaith eithriadol o eang am adran lywodraethol gymharol fach. Gan ddiogelu bwyd a sicrhau ei fod yn ddiogel i’w fwyta, ei fod yn cyd-fynd â’r hyn sydd ar y label, ac ei fod yn gynyddol iachus a chynaliadwy, mae gwaith yr ASB yn cyffwrdd â bywydau pawb yn y wlad.

Rydym yn chwilio am Reolwr Polisi i ymuno â’r tîm Polisi Rheoleiddio yng Nghymru i ddatblygu polisïau a deddfwriaethau sy’n diogelu ac yn hysbysu’r cyhoedd ym Mhrydain am eu bwyd, wrth geisio cynnwys anghenion rhanddeiliaid Cymru ym mhenderfyniadau canolog y llywodraeth.

Mae rheolwyr polisi wrth wraidd y tîm hwn, gan weithio ar draws yr ASB, yn ogystal â Llywodraeth Cymru ac ystod o adrannau canolog y llywodraeth, i ddatblygu deddfwriaeth bwyd ar ran Gweinidogion Cymru. Mae gwaith y tîm Polisi Rheoleiddio yn cyffwrdd â chynifer o feysydd, a byddwch yn cyd-weithio â melinau trafod, academyddion ac ymchwilwyr, a ffigurau’r diwydiant, yn ogystal â nifer o randdeiliaid eraill o fewn systemau bwyd Cymru.

Yn ogystal â dwyn deddfwriaeth yn ei blaen a sicrhau bod buddiannau Cymru yn cael ystyriaeth briodol wrth ddatblygu polisi’r ASB, byddwch yn cefnogi’r tîm mewn ystod eang o feysydd, gan gynnwys rheoli risgiau tocsicoleg a hyrwyddo safonau bwyd uchel y DU yn rhyngwladol.

Mae hon yn rôl hynod ddiddorol ac amrywiol a fydd yn cynnig y cyfle i chi feithrin eich dealltwriaeth o ddatblygu polisi wrth gynnig eich arbenigedd cyfredol mewn ffordd sy’n cael effaith hirhoedlog ar les y cyhoedd.

Bydd yr ymgeisydd llwyddiannus yn gallu cyfathrebu’n ardderchog, yn gallu gweithio ochr yn ochr â phobl o bob rhan o’r llywodraeth a’r diwydiant ei hun a dylanwadu arnyn nhw. Byddant yn deall pwysigrwydd yr ASB, a pham rydym bob amser yn rhoi buddiannau’r defnyddwyr yn gyntaf – ond byddant hefyd yn awyddus i sicrhau bod buddiannau Cymru yn cael eu hystyried hefyd. Dyma gyfle i sicrhau newid cenedlaethol a lleol, a byddwch yn awyddus i weithio’n galed tuag at hynny, gan edrych ar y sefydliad o’ch cwmpas a gofyn bob amser sut gallwn ni wella ein dulliau. Os ydych chi’n awyddus i gael effaith wirioneddol ar y bwyd ar fyrddau’r genedl, ac yn barod i weithio’n agos gyda gweddill ein tîm i wneud hynny, rydym yn edrych ymlaen at glywed gennych chi.

Darllenwch y Pecyn i Ymgeiswyr sydd ynghlwm i gael rhagor o fanylion am y rôl, ein sefydliad, yr ymgeisydd rydym ni’n chwilio amdano a’r meini prawf y byddwn ni’n eich asesu yn eu herbyn yn ystod y broses ddethol. Edrychwn ymlaen at weld eich cais, a dymunwn bob llwyddiant i chi.