Swyddi Cymraeg

Hoffech chi weithio o fewn tîm deinamig a chyfeillgar, gyda chyfle i weithio’n ystwyth? Ydych chi’n frwdfrydig dros wella gwasanaethau Cymraeg ym mwrdeistref sirol Caerffili? 

Mae'r Tîm Cydraddoldeb a’r Gymraeg yn chwilio am Gyfieithydd profiadol am gyfnod penodol o 12 mis, i gynorthwyo gwasanaeth cyfieithu'r Cyngor wrth gyflawni ei ddyletswyddau drwy ddarparu gwaith o safon.

Rhaid bod gan yr unigolion llwyddiannus sgiliau cyfathrebu llafar ac ysgrifenedig rhugl a gwych yn Gymraeg ac yn Saesneg, yn ogystal â dealltwriaeth deg o ddeddfwriaeth sy’n berthnasol i’r swydd â’r tîm.

Mae’r swydd wedi’i hysbysebu fel Gradd 6 - £22,571- £24,920 gydag atodiad y farchnad o £5,000 wedi’i dalu mewn 12 rhandaliad ochr yn ochr â’r cyflog.

Bydd y broses gyfweld yn cael ei chynnal drwy'r Gymraeg, gyda phrawf ysgrifenedig a phrawf prawf-ddarllen yn dilyn y cyfweliad.

Os ydych wedi darllen y Swydd Ddisgrifiad a Manyleb y Person ac yn dymuno cael trafodaeth anffurfiol am y swydd, cysylltwch â Carys Hughes, Uwch Gyfieithydd drwy e-bostio [email protected] neu ffoniwch 01443 864377.

O dan y gyfraith, rhaid i ni i ofyn i chi ddarparu tystiolaeth o'ch hawl i weithio yn y DU. Os cewch eich gwahodd i gyfweliad, byddwch yn cael eich gofyn i ddarparu dogfennau priodol fel eich tystysgrif geni / pasbort / trwydded waith yn unol â'r Deddf Mewnfudo, Lloches a Chenedligrwydd 2006.

Mae’r gallu i siarad Cymraeg yn cael ei ystyried yn hanfodol i ymgymryd â’r swydd hon. Felly, mae'r swydd yn cael ei hysbysebu yn unol â darpariaethau Adran 38 o Ddeddf Cysylltiadau Hiliol 1976.