Swyddi Cymraeg — Ceredigion

Gwahoddir ceisiadau am y swydd lawn-amser uchod am gyfnod penodol yn gweithio i Ganolfan Asesu Prifysgol Bangor, yng Nghanolfan Allgymorth Prifysgol Aberystwyth.

Bydd yr ymgeisydd llwyddiannus yn meddu ar radd neu gymhwyster cyfwerth a’i brif swyddogaeth fydd darparu asesiadau anghenion astudio ar gyfer Lwfansau Myfyrwyr Anabl ar ffurf trafodaeth â’r myfyrwyr ynglŷn ag effeithiau eu hamhariad, gofynion eu cwrs, a’u ffordd o weithio. O ganlyniad, ceir argymhellion ar gyfer cefnogaeth briodol sydd fel arfer yn gyfuniad o gefnogaeth ddynol, meddalwedd cynorthwyol a chaledwedd, ynghyd â’r addasiadau rhesymol y gallai sefydliad addysg uwch y myfyriwr eu gwneud. Bydd y swyddog yn egluro’r cymorth y gall y myfyriwr ei gael, neu’n rhoi arddangosiad yn achos technoleg gynorthwyol, ac yn ei drafod â’r myfyriwr. Nodir y drafodaeth, yr argymhellion a’r cyfiawnhad mewn adroddiad, a anfonir i gorff cyllido’r myfyriwr sydd, yn y pen draw, â’r cyfrifoldeb dros benderfynu pa gymorth y dylid talu amdano trwy’r Lwfans Myfyrwyr Anabl.

Mae gallu cyfathrebu yn Gymraeg yn hanfodol i'r swydd hon.

Bydd disgwyl i’r ymgeisydd llwyddiannus ddechrau ar 1 Awst 2022 ac mae’r swydd ar gael ar hyn o bryd tan 31 Gorffennaf 2023. Bydd ceisiadau hefyd yn cael eu hystyried i wneud y swydd hon ar sail ran-amser neu rannu swydd hyd at yr oriau a hysbysebir.

Derbynnir ceisiadau ar-lein yn unig, trwy ein gwefan recriwtio, jobs.bangor.ac.uk. Ond os cewch drafferth defnyddio’r wefan oherwydd anabledd, mae ffurflenni cais papur ar gael trwy ffonio 01248 383865. Dyddiad cau ar gyfer ceisiadau: 17 Mehefin, 2022.

Cewch wneud ymholiadau anffurfiol trwy gysylltu â: Dylan Griffiths, Rheolwr y Ganolfan Asesu, ffôn: 01248 383797, e-bost: [email protected]

Wedi Ymrwymo i Gyfle Cyfartal 

Mae Four Cymru yn chwilio am fideograffydd brwdfrydig a galluog i ymuno â'i dîm creadigol, sydd wedi'i leoli yng Nghaerdydd neu Aberystwyth, ond gydag opsiwn i weithio hyblyg llawn o gartref.

Bydd y rôl yn cynnwys gweithio ar draws amrywiaeth o brosiectau clyweledol a ffilm ar gyfer cleientiaid mewn cymysgedd o sectorau fel bwyd a diod, addysg, y celfyddydau a diwylliant, elusennau a'r sector cyhoeddus.

Rydym ni’n chwilio am berson amryddawn sydd eisiau cyfrannu syniadau a datblygu cysyniadau yn ogystal â dod â'r rhain yn fyw trwy eu galluoedd technegol a chynhyrchu. Bydd y rôl yn cynnwys:

• Datblygu cysyniadau

• Storifyrddio

• Ffilmio/recordio (gan gynnwys gosod goleuadau)

• Golygu fideo

• Ôl-gynhyrchu

• Dylunio sain

Mae profiad mewn graffeg symud/animeiddio sylfaenol yn ddymunol, yn ogystal ag awydd i ddysgu a datblygu sgiliau newydd a chwarae rhan mewn helpu eraill yn y tîm i ddatblygu eu gwybodaeth o’r cyfryngau gweledol.

Bydd y rôl yn cynnwys cyflwyno cynnwys fideo i gleientiaid ar sail annibynnol, ond hefyd fel rhan o ymgyrchoedd integredig mwy.

Oherwydd natur ddwyieithog llawer o’n gwaith, mae rhuglder yn y Gymraeg a’r Saesneg yn ddymunol.

Sgiliau a phrofiad

Bydd gan yr ymgeisydd delfrydol brofiad o weithio, naill ai fel rhan o gwmni cynhyrchu / asiantaeth hysbysebu neu’n llawrydd. Fodd bynnag, rydym ni’n croesawu ceisiadau gan ymgeiswyr â diddordeb sydd newydd raddio o’r brifysgol â phortffolio gweithredol mewn cynhyrchu fideo/ffilm.

Profiad o weithio gyda'r fersiwn diweddaraf o feddalwedd graffeg ac animeiddio fel Photoshop, Adobe Illustrator, After Effects.

Adobe Premier Pro (neu feddalwedd golygu arall fel Final Cut Pro X neu AVID).

Diddordeb a gwybodaeth am gynhyrchu ffilm a ffotograffiaeth.

Gweithredwr camera, cynhyrchydd a golygydd fideo hyderus.

Bydd yr ymgeisydd cywir yn llawn cymhelliant, yn gallu cyfathrebu syniadau creadigol yn gryno ac yn llawn argyhoeddiad, yn rhoi sylw da i fanylion ac yn gallu gweithio'n ddigynnwrf ac yn effeithlon o dan bwysau.

Datganiad cydraddoldeb ac amrywiaeth

Rydym ni’n falch o'n cymuned amrywiol yn Four ac wedi ymrwymo i adlewyrchu amrywiaeth y byd rydym ni’n byw ynddo. Rydym ni’n ymdrechu i wella ein hamrywiaeth ac yn croesawu ymgeiswyr o bob cefndir, yn enwedig y rhai o grwpiau lleiafrifol a grwpiau heb gynrychiolaeth ddigonol.

Nid ydym yn gwahaniaethu ar sail oedran, anabledd, rhyw, cyfeiriadedd rhywiol, ailbennu rhywedd, hunaniaeth rhywedd, priodas, partneriaeth sifil, beichiogrwydd a mamolaeth, hil (gan gynnwys lliw a tharddiad ethnig neu genedlaethol), crefydd neu gred.

Polisïau gweithio hyblyg

Mae gan Four bolisi gweithio cwbl hyblyg ar draws ei holl leoliadau a swyddfeydd. Mae hyn yn golygu y gall staff weithio gartref ar unrhyw adeg oni bai bod ganddyn nhw ymrwymiadau wyneb yn wyneb megis cyfarfodydd cleientiaid, digwyddiadau, cyfarfodydd tîm neu hyfforddiant lle bydd gofyn iddyn nhw fod yn y swyddfa neu leoliad arall.

Dyddiad cychwyn: Cyn gynted â phosibl

Sut i wneud cais: Anfonwch CV at:  [email protected], gan ddyfynnu Fideograffydd (Cymru) yn y llinell bwnc. Nid ydym yn derbyn CVs gan asiantaethau.

Lleoliad: Swyddfeydd Aberystwyth neu Gaerdydd

Ry’n ni’n chwilio am berson creadigol, brwd a chydwybodol i weithio o fewn adran farchnata a chyfathrebu fyrlymus a phrysur i hyrwyddo gwaith ac amcanion Mudiad Meithrin.

Mae hon yn rôl gyffrous a chreadigol sy’n ddelfrydol i ddatblygu sgiliau cyfathrebu a phrofiad gwerthfawr ym maes y wasg a’r cyfryngau cymdeithasol. 

Urdd Gobaith Cymru yw mudiad ieuenctid cenedlaethol mwyaf Cymru sy’n darparu cyfleoedd i blant a phobl ifanc ymwneud â chwaraeon, y celfyddydau, gwirfoddoli, hyfforddiant, gwaith dyngarol, rhyngwladol a phreswyl, sy’n eu galluogi i wneud cyfraniad cadarnhaol i’w cymuned a’r byd yn ehangach.

Ers ei sefydlu yn 1922, mae’r mudiad wedi meithrin cenedlaethau o bobl ifanc i fod yn falch o’u gwlad, yn agored i eraill ac yn ymgorfforiadau o’n hiaith a’n diwylliant, yn ogystal â meddu ar y gwerthoedd byd-eang y parchir yng Nghymru. Hyd yma mae dros 4 miliwn o bobl wedi bod yn aelodau o’r Urdd ac eleni mae’r mudiad yn edrych ymlaen at ddathlu ei ganmlwyddiant a chydag nifer o ddigwyddiadau mawr wedi’u cynllunio’n arbennig.

Yr Urdd yw cyflogwr trydydd sector cyfrwng Cymraeg mwyaf yng Nghymru, gyda dros 200 o staff wedi’u lleoli mewn 12 swyddfa ledled Cymru. Roedd ei drosiant blynyddol cyn Covid bron yn £12M, a daeth â gwerth economaidd o £32M i Gymru yn ystod 2019/20.   Y Swydd

Darparu gwasanaeth cyflawn a phroffesiynol fel y gall y cwsmeriaid fwynhau amrediad eang o weithgareddau diogel, cyffrous sy’n cynnig cyfleoedd a phrofiad dwyieithog, cymdeithasol ac addysgiadol i blant a phobl ifanc.

I chwarae rhan arwyddocaol yn weithrediad a datblygiad y gweithgareddau a rhediad esmwyth y gwersyll.

Am fwy o fanylion cysylltwch â Iestyn Evans (Rheolwr Cwsmer) ar 01239 652140 neu [email protected] 

Anfonwch Ffurflen Gais yr Urdd ar e-bost at [email protected]   Dyddiad Cau – Dydd Sul, 03 Gorffennaf 2022   Mae’r Urdd yn cefnogi a hyrwyddo cydraddoldeb ac amrywiaeth yn ein holl waith a gweithgareddau. Rydym yn croesawu ymgeiswyr o bob cefndir a chymuned, ac yn benodol y rhai sydd heb gynrychiolaeth ddigonol yn ein gweithlu ar hyn o bryd. Mae’r rhain yn cynnwys ond nid ydynt yn gyfyngedig i ymgeiswyr anabl a phobl ddiwylliannol ac ethnig amrywiol.

Bydd prif ddyletswyddau'r swydd yma yn cynnwys:

• Croesawu etholwyr/ymwelwyr i’r swyddfa, ateb y ffôn, cymryd negeseuon, gwneud apwyntiadau ac ymdrin ag ymholiadau a cheisiadau fel sy’n briodol.

• Ymateb i negeseuon ebost ac ymholiadau tebyg yn broffesiynol gan ganolbwyntio ar y cwsmer.

• Cynorthwyo i baratoi a threfnu ymgyrchoedd penodol.

• Cynorthwyo’r Uwch Gynghorydd yn ôl y galw, gan gynnwys helpu i weinyddu’r system achosion ar-lein ac i gynnal y gwaith achos

• Cynorthwyo’r Rheolwr Ymchwil a Chyfathrebu drwy ddrafftio datganiadau ac erthyglau i’r wasg yn ôl y galw, a monitro cynnwys y papurau newydd lleol.

• Cynorthwyo gyda’r gwaith o brosesu a chofnodi gwariant y Swyddfa

• Cynorthwyo gyda’r gwaith o gynnal cyfleusterau’r swyddfa, gan gynnwys sicrhau trefniadau cynnal y cyfleusterau ac archebu offer/nwyddau’r swyddfa

• Mynychu cymorthfeydd yn ôl y galw, gan ddelio gydag unrhyw faterion sy’n codi

 

Dyma gyfle gwych i weithio ar brosiect o fewn y diwydiant bwyd a diod ffyniannus yng Nghymru sy’n hanfodol i dwf yr economi yng Nghymru.

O ganlyniad i gynnydd mewn galw am gefnogaeth y prosiect, mae Cywain yn chwilio am Reolwr Datblygu i weithio ar draws canolbarth Cymru i gefnogi busnesau bychain a micro i ddechrau ac i dyfu.

Cefndir

Mae Cywain, a ddarperir gan Menter a Busnes, yn fodel sy’n rhoi cymorth wedi’i dargedu i fusnesau bach a chanolig a micro yn y sector bwyd a diod yng Nghymru. Rydym yn cychwyn cam newydd erbyn hyn ac rydym wedi derbyn arian drwy Gymunedau Gwledig Llywodraeth Cymru - Rhaglen Datblygu Gwledig 2014- 2020. Mae cyllid wedi’i sicrhau ar gyfer y prosiect tan fis Mehefin 2023.

Mae cefnogaeth yn cael ei ddarparu i ddatblygu capasiti a gallu busnesau, hwyluso trosglwyddo gwybodaeth a dealltwriaeth o’r diwydiant, yn ogystal â chryfhau eu hintegreiddiad yn y gadwyn gyflenwi. Darperir gwasanaethau ledled Cymru gyda phwyslais ar gydweithio gyda busnesau sy’n ychwanegu gwerth a datblygu’r farchnad er mwyn tyfu a chreu swyddi. Mae Cywain wedi datblygu rhwydwaith eang o randdeiliaid ac, yn ganolog i ddatblygiad y cleient, mae gennym agwedd gydlynol tuag at weithio gyda phartneriaid darparu eraill.

Mae tri llinyn i’r prosiect:

• Cefnogaeth i fusnesau newydd a busnesau micro

• Cefnogaeth ddiagnostig ar gael i bob busnes o fewn y sector bwyd a diod yng Nghymru

• Clystyru a chydweithio rhwng busnesau i hybu effeithiolrwydd a thwf busnesau

Nod y Rôl

• Arwain ar ddatblygu’r prosiect a darparu’r gwasanaeth i fusnesau newydd neu’r rhai sy’n tyfu’n bennaf o fewn yr ardal ddaearyddol benodol a darparu arbenigedd sy’n benodol i’r sector bwyd a diod. Disgwylir i ddeiliad y swydd ddarparu gwybodaeth a hwyluso datblygiad busnesau yn y rhanbarth, adnabod ac ymateb i ofynion y sector a chydlynu’r ddarpariaeth o fewn y gyllideb.

Prif Gyfrifoldebau

Datblygu Prosiect a Darparu Gwasanaeth

• Sicrhau bod gwasanaethau’r prosiect yn cael eu darparu i gynhyrchwyr a busnesau bwyd a diod o fewn yr ardal benodol

• Meithrin perthynas agos gyda chynhyrchwyr a phroseswyr i ganfod eu hanghenion ar gyfer twf drwy asesiad diagnostig a chreu rhaglen gefnogaeth briodol

• Recriwtio grwpiau ac unigolion ar draws y gadwyn gyflenwi i'r prosiect gan ganolbwyntio ar y potensial ar gyfer twf a chreu swyddi

• Gweithio gyda grwpiau o gynhyrchwyr ac unigolion i ganfod a datblygu cynnyrch a marchnadoedd newydd

• Paratoi cynllun gweithredu a chynnal asesiad diagnostig ar ddechrau’r gwaith gyda phob grŵp unigolyn a rheoli’r adnoddau o fewn cyllideb y prosiect

• Cydlynu gweithgaredd a rhannu gwybodaeth sy’n deillio o fentrau thematig y rhaglen yn yr ardal, gan sicrhau cyfraniad gan y cleient lle bo angen

• Creu cysylltiadau gydag unigolion, busnesau a chyrff eraill sy’n ymwneud ag arloesedd, datblygu cynnyrch a datblygu marchnadoedd newydd er mwyn sicrhau darpariaeth gydlynol

• Gweithio’n agos gyda’r Rheolwr Llinell, Rheolwr y Prosiect a’r Rheolwyr Datblygu eraill i gynllunio, rheoli a gweithredu portffolio o ddigwyddiadau/arddangosfeydd a theithiau astudio yn lleol ac yn genedlaethol, gan sicrhau cynnwys perthnasol a diddorol

• Trefnu a darparu gweithdai ar themâu penodol o fewn y rhanbarth

• Adnabod anghenion, cynllunio a chynghori busnesau ynglŷn â’u datblygiad, gan gyfeirio at ffynonellau eraill o gefnogaeth lle bo’n briodol

• Annog perchnogaeth o’r busnes a’i ddatblygiad trwy gydol y broses gefnogi gan yr aelodau

• Rheoli/monitro’r gyllideb a osodir gan Reolwr y Prosiect, gan sicrhau gwerth am arian a darpariaeth ar y cyd lle bo hynny’n ymarferol

• Derbyn cyfrifoldeb am bob gweithgaredd a datblygiad cleientiaid yn y rhanbarth a sicrhau bod targedau daearyddol yn cael eu cyrraedd.

• Parhau i ddatblygu gwybodaeth a dealltwriaeth o arbenigeddau eraill, gan sicrhau darpariaeth o wasanaethau holistig i’r cwsmer, gydag ymrwymiad i gynnal unrhyw waith ymchwil a dysgu a datblygu sy’n ofynnol er mwyn bodloni’r anghenion hynny

• Bod yn weladwy ac yn hyblyg wrth ddarparu’r gwasanaeth yn y rhanbarth

Monitro a Gwerthuso

• Sicrhau bod adroddiadau cywir a pherthnasol yn cael eu darparu trwy gydol oes y prosiect a bod deilliannau’n cael eu monitro’n fanwl, yn cael eu hadolygu a’u hadrodd i’r Rheolwr Prosiect a Llywodraeth Cymru yn unol â gofynion y cytundeb, ac er mwyn bodloni gofynion archwilio perthnasol

• Cadw adroddiadau manwl o weithgareddau a gwaith papur er mwyn monitro a chyrraedd targedau’r prosiect i gydymffurfio â systemau monitro ac adrodd Llywodraeth Cymru

• Cymryd cyfrifoldeb dros sicrhau bod yr holl ddogfennau ar gyfer y gwaith a gwblhawyd yn gyfredol ac wedi’i gwblhau yn unol â gofynion y cynllun

• Cynhyrchu adroddiad terfynol ar ddiwedd y gwaith gyda phob grŵp/unigolyn, sy’n adrodd ar gryfderau a gwendidau’r gweithgaredd/cymorth a dderbyniwyd.

Arall

• Sicrhau bod safonau ansawdd, gofal cwsmer, cydraddoldeb ac amrywiaeth, iechyd a diogelwch a bioddiogelwch yn cael eu bodloni

• Derbyn unrhyw ddyletswyddau a chyfrifoldebau eraill, a chymryd rhan mewn gwaith arall yn ymwneud â bwyd ar ran Menter a Busnes yn ôl yr angen

• Cynrychioli Menter a Busnes yn ôl yr angen

Sgiliau a Phrofiad

Hanfodol

• Addysg hyd lefel gradd neu gyfwerth mewn busnes, economeg, amaeth, bwyd, diwydiannau’r tir, neu bwnc perthnasol

• Dealltwriaeth drylwyr o’r sectorau amaeth a diwydiannau’r tir yng Nghymru, gyda’r gallu i adnabod y wybodaeth a’r gwaith ymchwil sy’n berthnasol i’r sector(au) hynny

• Dealltwriaeth eang o ddatblygiad polisi, yn ogystal â strategaethau a pholisïau Llywodraeth Cymru.

• Dealltwriaeth dda a/neu brofiad dangosadwy o weithio gyda chynhyrchwyr bwyd cynradd a’r sector preifat

• Profiad dangosadwy o reoli cleientiaid ac ymgysylltu gyda chleientiaid / busnesau naill ai wyneb i wyneb, dros e-bost neu dros y ffôn.

• Gallu gwerthuso a defnyddio tystiolaeth mewn modd clir ac ymarferol sy’n berthnasol i’r gynulleidfa ac i feddwl yn greadigol, gan fynegi manteision, anfanteision a risgiau gwahanol opsiynau

• Gallu asesu a datblygu dealltwriaeth glir o anghenion cleientiaid, a’u cefnogi yn unol â’u gofynion unigol

• Dealltwriaeth dda o gyfrifon busnes a chynlluniau busnes

• Sgiliau a phrofiad o ddatblygu rhwydweithiau gwych ar wahanol lefelau (e.e. cysylltiadau ffurfiol ac anffurfiol) o fuddiolwyr posibl i bobl broffesiynol mewn sefydliadau partneriaeth

• Sgiliau trefnu a chydlynu rhagorol, gyda phrofiad o drefnu arddangosfeydd a digwyddiadau

• Gallu datblygu ac integreiddio gwasanaethau newydd mewn modd effeithiol ac amserol

• Sgiliau cyflwyno a rhyngbersonol rhagorol, gyda’r gallu i wneud penderfyniadau anodd a’u cyfathrebu mewn modd diduedd

• Gallu cymell ei hun, a derbyn cyfrifoldeb dros osod ac adolygu blaenoriaethau ar gyfer cyflawni targedau, gyda ffocws clir ar ansawdd

• Ymwybyddiaeth o safonau bwyd a gofynion rheoliadol o fewn y diwydiant

• Sgiliau cyfathrebu dwyieithog (Cymraeg/Saesneg) llafar ac ysgrifenedig ardderchog

• Sgiliau TG ar lefel uchel gan gynnwys pecynnau Microsoft, cronfeydd data a’r we

• Trwydded yrru lawn a defnydd o gar (gallai’r swydd olygu teithio ledled Cymru)

• Ar gael i weithio gyda’r nos a thros y penwythnos yn achlysurol.

**Dymunol **

• Profiad dangosadwy o redeg ymgyrchoedd marchnata a chyfathrebu

• Profiad dangosadwy o weithio / rheoli prosiect ar raddfa debyg

Gwneud Cais

Gallwch wneud cais am y swydd hon drwy gwblhau ffurflen gais a ffurflen cyfleoedd cyfartal (ar gael ar ein gwefan:

www.menterabusnes.co.uk) a’u dychwelyd at [email protected].

Os hoffech sgwrs anffurfiol ynglŷn â’r swydd hon, cysylltwch â Nerys Davies ar  07539 030 849

**Cyfweliadau **

Byddwn yn cynnal y cyfweliadau ar gyfer y swydd hon yn swyddfa Menter a Busnes yn Aberystwyth ar ddydd 13 Mehefin 2022. Os nad yw’r dyddiad yma’n gyfleus, nodwch hynny ar eich ffurflen gais. 

Dyddiad Cau

Y dyddiad cau ar gyfer derbyn ceisiadau yw: 10am, 6 Mehefin 2022.

Polisi Cydraddoldeb ac Amrywiaeth

Ceir copi o’n Polisi Cydraddoldeb ac Amrywiaeth ar ein gwefan

Cyfreithwyr Arnold Davies Vincent Evans, Llanbedr Pont Steffan

Nid yw profiad cyfreithiol yn angenrheidiol.

Mae sgiliau ysgrifenedig a chyfathrebu da, a sylw i fanylder yn hanfodol.

Bydd y gallu i deipio wrth wrando yn fantais ond ddim yn angenrheidiol, a’r gallu i gyfathrebu yn y Gymraeg yn ddelfrydol. Anfonwch eich CV a llythyr eglurhaol at sylw Mrs E Davies erbyn dydd Mercher, 1af o Fehefin 2022.

Am sgwrs anffurfiol ffoniwch 01570 422 233

Rydyn ni’n chwilio am Swyddog Ymgyrchoedd gweithgar a brwdfrydig i weithio gyda’n grwpiau ymgyrchu, rhanbarthau, celloedd ac aelodau ar draws y wlad i gefnogi ein hymgyrchoedd ac ysbrydoli eraill i gymryd rhan. 

Dyma gyfle gwych i ddatblygu eich sgiliau a chyfrannu at lwyddiant ymgyrchoedd y Gymdeithas ar draws sawl maes o bwys mewn cyfnod tyngedfennol i’n hiaith a’n cymunedau.

Bydd y Swyddog Ymgyrchoedd yn gyfrifol am gydlynu, ysgogi a chefnogi gweithgarwch ymgyrchu’r Gymdeithas ar draws Cymru, gan weithio i dynnu gwirfoddolwyr ac aelodau i mewn i’n gwaith. Bydd yn cydweithio â'n Grwpiau Ymgyrchu i ddatblygu a hyrwyddo ein hymgyrchoedd cenedlaethol a lleol mewn meysydd blaenoriaeth, gan gynnwys addysg, cymunedau, hawliau iaith a’r byd darlledu a digidol. Bydd y Swyddog hefyd yn cydweithio â'n rhanbarthau a chelloedd ar draws Cymru i ysgogi gweithgarwch llawr gwlad ac ennill ymgyrchoedd ar faterion o flaenoriaeth leol.

Bydd y Swyddog Ymgyrchoedd yn cydweithio â swyddogion gwirfoddol Cymdeithas yr Iaith yn ogystal â’r staff eraill i sicrhau dilyniant a gweithrediad effeithiol ein hymgyrchoedd a’n gweithgareddau ehangach.

Mae Llyfrgell Genedlaethol Cymru yn cynnig ystod eang o gyfleoedd cyflogaeth ac mae’n ceisio penodi staff brwdfrydig i weithio o fewn gwasanaethau’r Llyfrgell. Gwahoddir ceisiadau am y swydd ganlynol:

CYNORTHWYYDD ARLWYO / CEGIN

Band 1: £20,800

Cytundeb blwyddyn. 37 awr yr wythnos

Dyddiad cau derbyn ceisiadau: 2.00 o’r gloch 23 Mai 2022 

Dyddiad cyfweliadau: i’w cadarnhau

Darparu gwasanaeth yn y gegin a pharatoi bwydydd syml ar gyfer gwasanaeth lletygarwch y Llyfrgell. Bydd deilydd y swydd yn darparu gwasanaeth Blaen Tŷ i staff, darllenwyr ac ymwelwyr. Oriau gwaith wythnosol fydd 37 awr yr wythnos (Llun-Gwener), gofynnir i’r sawl a benodir weithio ar sail rota ar ddyddiau Sadwrn pan fydd y galw. Bydd y swydd hefyd o bryd i’w gilydd yn cynorthwyo yn Siop a Derbynfa’r Llyfrgell.

Mae’r pecyn cyflogaeth yn cynnwys 30 diwrnod o wyliau, cynllun pensiwn cyflog terfynol, polisïau sy’n gyfeillgar i deuluoedd, oriau gweithio hyblyg a phrisiau gostyngol yn y bwyty. Mae Llyfrgell Genedlaethol Cymru yn gyflogwr cyfle cyfartal.

Am becyn gwybodaeth a manylion am sut i wneud cais cysylltwch ag Uned Adnoddau Dynol y Llyfrgell ar 01970 632530/1; neu drwy defnyddio'r blwch e-bost uchod.

Mae Llyfrgell Genedlaethol Cymru yn cynnig ystod eang o gyfleoedd cyflogaeth ac mae’n ceisio penodi staff brwdfrydig i weithio o fewn gwasanaethau’r Llyfrgell. Gwahoddir ceisiadau am y swydd ganlynol:

SWYDDOG DEHONGLI DIGIDOL

Band 3: £24,899 – £28,740

Swydd tymor penodol am 2 flynedd. 37 awr yr wythnos

Dyddiad cau derbyn ceisiadau: 2.00 o’r gloch 23 Mai 2022 

Dyddiad cyfweliadau: i’w cadarnhau

Cefnogi gwaith isadran Mynediad a Chynnwys Digidol i ehangu presenoldeb a chyrhaeddiad ar-lein y Llyfrgell ar ein gwefannau a llwyfannau trydydd parti drwy rannu a chyflwyno cynnwys digidol wedi’i guradu mewn ffyrdd creadigol. Bydd disgwyl i ddeiliad y swydd gydweithio gydag isadrannau eraill i ddehongli ac ail-bwrpasu casgliadau, cynnwys deongliadol ac arddangosfeydd er mwyn eu rhannu ar-lein, yn unol ag amcanion strategol y Llyfrgell.

Mae’r pecyn cyflogaeth yn cynnwys 30 diwrnod o wyliau, cynllun pensiwn cyflog terfynol, polisïau sy’n gyfeillgar i deuluoedd, oriau gweithio hyblyg a phrisiau gostyngol yn y bwyty. Mae Llyfrgell Genedlaethol Cymru yn gyflogwr cyfle cyfartal.

Am becyn gwybodaeth a manylion am sut i wneud cais cysylltwch ag Uned Adnoddau Dynol y Llyfrgell ar 01970 632530/1; neu drwy defnyddio'r blwch e-bost uchod.

Bydd y gwaith yn amrywiol tu hwnt, a bydd disgwyl i’r ymgeisydd llwyddiannus:

• gynghori a chefnogi aelodau mewn amrywiaeth eang o sefyllfaoedd gan gynnwys rhai heriol iawn;

• lleisio barn swyddogol yr undeb mewn cyfarfodydd amrywiol, yn lleol, rhanbarthol a chenedlaethol;

• paratoi dogfennau, gan gynnwys llythyron swyddogol, taflenni gwybodaeth, ymatebion i ddogfennau ymgynghorol a pholisïau.

Mae’r Swyddog Cyfathrebu yn chwarae rhan allweddol fel aelod o dîm mewnol, yn hyrwyddo gwaith HCC a’r sector cig ac amaeth yn ehangach i ystod eang o ran-ddeiliaid – y cyfryngau, pobl ddylanwadol, y gadwyn gyflenwi o ffermwyr i gogyddion a pherchnogion tai bwyta, swyddogion polisi ac academyddion.

Penodiad cyfnod penodol am flwyddyn dros cyfnod mamolaeth yw hon yn y man cyntaf, ond efallai bydd cyfleodd pellach o fewn y timau cyfathrebu a marchnata yn y dyfodol.

Mae tair diben i’r swydd; dadansoddi a lledaenu gwybodaeth i helpu i wneud penderfyniadau ar sail tystiolaeth o weithgareddau marchnata HCC mewn marchnadoedd allforio; cynnal perthynas ag allforwyr cig coch Cymru a rheoli rhaglenni a phrosiectau hyrwyddo ar gyfer Cig Oen Cymru a Chig Eidion Cymru mewn marchnadoedd allforio; nodi datblygiadau / cyfleoedd / cyfyngiadau'r farchnad allforio ar gyfer cig o Gymru gan gynnwys sgil-gynhyrchion.

Bydd deilydd y swydd yn gyfrifol am redeg yr Ystafell system teledu cylch cyfyng (CCTV) o ddydd i ddydd, ynghyd a gofal diogelwch yn gyffredinol. Bydd hyn yn cynnwys goruchwylio’r staff diogelwch sy’n gweithio ar system sifft/rota.

Mae Llyfrgell Genedlaethol Cymru yn cynnig ystod eang o gyfleoedd cyflogaeth ac mae’n ceisio penodi staff brwdfrydig i weithio o fewn gwasanaethau’r Llyfrgell. Gwahoddir ceisiadau am y swydd ganlynol:

SWYDDOG CYDYMFFURFIAETH DIOGELWCH AC YSTADAU

Band 3: £24,899 - £28,740

Swydd parhaol. 37 awr yr wythnos.

Dyddiad cau derbyn ceisiadau: 12.00 o’r gloch 18 Mai 2022

Dyddiad cyfweliadau: i’w cadarnhau

Mae’r pecyn cyflogaeth yn cynnwys 30 diwrnod o wyliau, cynllun pensiwn cyflog terfynol, polisïau sy’n gyfeillgar i deuluoedd, oriau gweithio hyblyg a phrisiau gostyngol yn y bwyty. Mae Llyfrgell Genedlaethol Cymru yn gyflogwr cyfle cyfartal.

Pwrpas cyffredinol y rôl: Bydd deilydd y swydd yn gweithio o fewn tim sy’n cyrchu a chadw deunydd i ddarllenwyr yn yr ystafell ddarllen. Bydd hefyd yn ymgymryd a dyletswyddau yn ymwneud a lleoli casgliadau print o fewn yr Adran.

Mae Llyfrgell Genedlaethol Cymru yn cynnig ystod eang o gyfleoedd cyflogaeth ac mae’n ceisio penodi staff brwdfrydig i weithio o fewn gwasanaethau’r Llyfrgell. Gwahoddir ceisiadau am y swydd ganlynol:

CYNORTHWY-YDD LLYFRGELL (CYRCHU/CADW)

Band 1: £20,800 pro rata

Swydd parhaol. 4 diwrnod yr wythnos (29.6 awr)

Dyddiad cau derbyn ceisiadau: 12.00 o’r gloch 18 Mai 2022

Dyddiad cyfweliadau: i’w cadarnhau

Mae’r pecyn cyflogaeth yn cynnwys 30 diwrnod o wyliau, cynllun pensiwn cyflog terfynol, polisïau sy’n gyfeillgar i deuluoedd, oriau gweithio hyblyg a phrisiau gostyngol yn y bwyty. Mae Llyfrgell Genedlaethol Cymru yn gyflogwr cyfle cyfartal.

Mae yr Harbourmaster am gyflogi Dirprwy Rheolwr Cyffredinol. Mae hwn yn gyfle gwych i’r person iawn fedru datblygu o fewn y byd lletygarwch. Wedi ei leoli yn Aberaeron, mae yr Harbourmaster yn ran o’r ‘Flat Rock Group’ sy’n cynnwys Gwesty’r Cliff & Spa, Gwesty’r Gwbert, Gwesty’r Angel, Y Grosvenor a ‘Gwbert Holidays’ yn ardal Aberteifi.

Mae’r Harbourmaster yn westy eiconic sydd yn cynnig llety, bwyty a bar, Ers cael ei ail-ddatblygu yn 2022 mae’r Harbourmaster wedi ennill clod yn genedlaethol a thu hwnt am y lletygarwch, bwyd, gwin a gwasanaeth a gynigir yno. Mae’r Harbourmaster, a oedd yn wreiddiol yn gartref a swyddfa i’r Harbwrfeistr wedi ei addasu mewn steil modern sydd yn gweddu yn berffaith i’r adeilad a lleoiad unigryw.

Mae swydd y Dirprwy Rheolwr Cyffredinol yn un hanfodol, yn cynnig cymorth i’r Rheolwr Cyffredinol fedru cyflawni gwasnaeth cyson o’r safon uchaf, effeithiolrwydd gweithredol a rhagoriaeth gweithdrefnol ym mhob agwedd o’r busnes tra’n ymlunu i reoliadau y cwmni a’r rhai statudol. Mae’r swydd yn un gweithredol ac hefyd yn cynnwys cynorthwyo gyda’r gwaith o reoli pob agwedd o’r busnes o ddydd i ddydd a hefyd cydlynnu y tim rheoli fesul y strwythur staffio. Hefyd, cynnig arweinyddiaeth a cynorthwyo gyda datblygiad strategol ym mhob adran.

Mae hon yn swydd llawn amser a pharhaol yn gweithio pum diwrnod allan o saith gan gynnwys nosewithiau a penwythnosau. Mae nifer o oriau yr wythnos rhwng 40-50 ar gyfartaledd. Mae’r cyflog yn ddibynnol ar brofiad, ond yn cychwyn o £35,000 y flwyddyn. Os oes angen, fe gynigir llety yn lleol am bris gostyngedig.

Anfonwch nodyn gyda CV i [email protected] gan nodi am ba swydd rydych yn ymgeisio.

Bydd cyfle i ymgeisydd addas addysgu’r pwnc hyd at Safon Uwch.

Disgwylir ymrwymiad llawn i gefnogi a hyrwyddo addysg Gymraeg yn holl fywyd yr ysgol.

Mae croeso i unrhyw ymgeisydd gysylltu gyda’r Pennaeth am sgwrs anffurfiol.