Swyddi Cymraeg

Mae Clybiau Plant Cymru Kids’ Clubs yn hynod falch o fod yn ehangu ei dîm, ac yn cynnig cyfle cyffrous i'r person priodol i lenwi’r ddwy swydd ganlynol:      Swyddog Datblygu Busnesau Gofal Plant: Cyfrwng Cymraeg (WL/CBDO/09/22) 

£27,741 y flwyddyn, yn codi i £28,226 ar dderbyn cadarnhad mewn swydd 

37 awr yr wythnos 

Y swyddfa wedi’i lleoli ym Mae Colwyn, Caerdydd neu Cross Hands (gweithio ystwyth yn ei le) 

Disgrifiad: Mae bod yn rhugl yn y Gymraeg yn rhan o’r meini prawf hanfodol i'r rôl hon o gefnogi Clybiau Gofal Plant Allysgol ledled Cymru i ateb y gofyn cynyddol am ofal plant o Ansawdd, sydd wedi ei gofrestru gydag Arolygiaeth Gofal Cymru, gan gyflenwi parthed y Rhaglen Lywodraethu a’r Cytundeb Cydweithio; datblygu’r defnydd o’r iaith Gymraeg yn eu Lleoliadau a chyfrannu at darged Llywodraeth Cymru o 1 miliwn o siaradwyr Cymraeg erbyn 2050. Mae’r swydd hon yn un newydd, a bydd yr ymgeisydd llwyddiannus yn ymuno â thîm sydd wedi ei gymell yn gynhenid i weithio i ddwyn gwelliant i’r sector Gofal Plant Allysgol cyfrwng-Cymraeg.     Mae cynigion o gyflogaeth yn amodol ar eirdaon boddhaol, gwiriadau adnabod a gwiriadau’r GDG ar y lefel briodol. 

Mae Conwy wedi ymrwymo i gyfle cyfartal ac rydym yn croesawu ymgeiswyr o bob rhan o'r gymuned. Rydym yn darparu opsiwn i bobl anabl wneud cais mewn gwahanol fformatau. Cysylltwch â'r Tîm AD ar 01492 576129 i gael cyngor pellach.

Mae’n rhaid i ymgeiswyr lenwi ein ffurflen gais ni i gael eu hystyried. Ni dderbynnir CVs ar eu pen eu hunain. Os nad ydych wedi cael gwahoddiad i gyfweliad o fewn tair wythnos o'r dyddiad cau, dylech gymryd yn ganiataol nad ydych ar y rhestr fer ar gyfer cyfweliad.

Mae Conwy wedi ymrwymo i ddiogelu. Bydd cymwysterau a geirdaon yn cael eu dilysu.   Ydych chi awydd bod yn rhan o siapio un o gyrchfannau twristiaeth fwyaf poblogaidd y DU (a byddem yn dadlau yn y byd)?

Mae Llandudno wedi’i henwi fel un o’r wyth lle gorau yn y byd i deithwyr ymweld â nhw yn 2022 yn ogystal ag ennill teitl prifddinas cychwyn busnes y Deyrnas Unedig (DU). Mae Abergele wedi dod yn fyd-enwog fel cartref “I’m A Celebrity” yn y DU. Mae Conwy, gyda’i chastell eiconig a statws Treftadaeth y Byd UNESCO ac yn un o’r trefi canoloesol sydd wedi’i chadw orau ym Mhrydain. Mae Bae Colwyn yn gartref i gemau Undeb Rygbi Cymru dan 20 oed ac mae'r dref wedi elwa o fuddsoddiad cyfalaf o £70 miliwn dros y pymtheg mlynedd diwethaf. Mae De'r Sir yn gorwedd yn rhannol yn Eryri sef Parc Cenedlaethol mwyaf Cymru ac sydd â statws gwarchodfa Awyr Dywyll. Mae gennym y cyfan - môr, mynyddoedd, llynnoedd a threfi a phentrefi ffyniannus yr ydym yn hynod falch ohonynt. A allech chi fod yn berson perffaith i’n helpu i barhau â’n rhaglen gyffrous o ddatblygiad economaidd yn yr ardal amrywiol a hardd hon?

Rydym yn chwilio am berson arloesol a phrofiadol i arwain ein timau Busnes, Twristiaeth a Chymunedol. Bydd angen i chi fod yn rhagweithiol ac yn arloesol wrth i ni ddechrau deall y tueddiadau ôl-Covid sy'n dod i'r amlwg ac sy'n effeithio ar ein heconomi a'n patrymau gwaith. Byddwch yn uchelgeisiol ac yn greadigol, yn gallu dehongli ein strategaethau allweddol ar gyfer awdurdodau lleol a’r Llywodraeth, deall pwysau’r diwydiant a nodi cyfleoedd.

Mae’r rôl hon yn ganolog i ddatblygu canol ein holl drefi ac aneddiadau, gan helpu i gyflawni prosiectau adfywio sy’n gwella ein heconomi ymwelwyr, yn cefnogi busnesau lleol ac yn helpu i dyfu’r economi.

Gan weithio gyda’r sector lletygarwch a thwristiaeth, byddwch yn ymateb i anghenion ymwelwyr a masnach, gan sicrhau bod ein henw da am ragoriaeth yn cael ei gynnal a’i adeiladu arno er mwyn cynyddu gwariant ymwelwyr wrth sicrhau twristiaeth barchus ar draws ein sir.

Yn rheolwr profiadol, byddwch yn arwain tîm deinamig a llawn cymhelliant o weithwyr proffesiynol sydd â chyfoeth o wybodaeth ac arbenigeddau unigol ac sydd â chymunedau Conwy yn ganolog iddynt.

Mae partneriaethau yn allweddol i lwyddiant y rôl hon o fewn a thu allan i'r Cyngor. Byddwch yn gyfathrebwr, cyflwynydd a rhwydweithydd rhagorol sy'n hyderus wrth weithio gydag uwch gydweithwyr, Aelodau etholedig, y Trydydd Sector a'r gymuned fusnes.

Bydd deiliad y swydd wedi'i leoli yng Nghanolfan Busnes Conwy, ond gydag opsiynau gweithio o gartref hyblyg.

Os ydych chi eisiau bod yn rhan o dîm sy’n helpu i arwain, siapio a gwneud gwahaniaeth gwirioneddol i’n cymunedau, busnesau a’n harlwy i dwristiaid yna rydym eisiau clywed gennych, ac edrychwn ymlaen at dderbyn eich cais.