Swyddi Cymraeg

Gwahoddir ceisiadau am swydd lawn-amser barhaol yn y Gyfarwyddiaeth Marchnata, Cyfathrebu a Recriwtio.

Gan adrodd i Gyfarwyddwr Recriwtio a Derbyniadau yn y Deyrnas Unedig, bydd Rheolwr Marchnata a Recriwtio y Coleg yn cydlynu gwaith recriwtio a derbyniadau yn y Coleg. Mewn ymgynghoriad â Rheolwr y Coleg, bydd deiliad y swydd yn cyfrannu at lunio amcanion recriwtio a marchnata’r Coleg, yn strategol ac yn weithredol, trwy sicrhau bod gweithgareddau’r coleg yn cael eu cynllunio a’u gweithredu ar y cyd â Timau Recriwtio a Marchnata a Rhyngwladol y DU ac yn cael eu cefnogi ganddynt. Bydd deiliad y swydd yn datblygu cysylltiadau gwaith effeithiol ac allweddol gyda thimau canolog (h.y. Recriwtio Ysgolion y DU, Recriwtio Rhyngwladol, Marchnata Canolog, Derbyniadau, Partneriaethau Rhyngwladol, Cysylltiadau â chyn-fyfyrwyr, Gwasanaethau Technoleg Gwybodaeth, Ymchwil, Cefnogi Myfyrwyr), a bydd yn adrodd ar hyn i Reolwr y Coleg.

Dylai’r ymgeiswyr feddu ar radd (neu gymhwyster cyfatebol) gyda phrofiad a gwybodaeth fanwl am sut i ddarparu marchnata recriwtio llwyddiannus mewn sefydliad Addysg Uwch mawr a chymhleth a hanes helaeth o arwain, cynllunio a chyflwyno ymgyrchoedd recriwtio myfyrwyr o'r radd flaenaf.

Rydym yn chwilio am feddyliwr creadigol gyda galluoedd arwain cryf. Bydd gallu adeiladu cysylltiadau a phartneriaethau cydweithredol ledled y sefydliad ac yn allanol yn hanfodol.

Mae y swydd yn cefnogi’r Coleg Gwyddorau Dynol sy'n cynnwys yr Ysgol Gwyddorau Addysgol, yr Ysgol Gwyddorau Meddygol ac Iechyd a'r Ysgol Gwyddorau Dynol ac Ymddygiadol.

Disgwylir i’r ymgeisydd llwyddiannus ddechrau yn y swydd hon mor fuan â phosib.

Mae gallu cyfathrebu yn Gymraeg, neu ddangos ymrwymiad i ddysgu’r iaith hyd at lefel benodedig, yn hanfodol i’r swydd hon.

Derbynnir ceisiadau ar-lein yn unig, trwy ein gwefan recriwtio, jobs.bangor.ac.uk. Ond mewn achosion lle ceir trafferth defnyddio'r wefan oherwydd anabledd, mae ffurflenni cais papur ar gael trwy ffonio 01248 383865.

Dyddiad cau derbyn ceisiadau: 11 Gorffennaf, 2022.

Wedi Ymrwymo i Gyfle Cyfartal

Mae Prifysgol Bangor yn chwilio am Gynorthwyydd Gwasanaethau Cwsmeriaid parhaol llawn amser i ymuno â'r tîm Blaen Tŷ.

Mae staff gwasanaethau cwsmeriaid yn gweithio ar draws amrywiol leoliadau yn y brifysgol ac mae ganddynt ran allweddol yn y gwaith o sicrhau bod y brifysgol yn gweithredu’n ddi-drafferth ac maent yn ateb amrywiaeth o ymholiadau wyneb yn wyneb ac ar y ffôn.

Bydd gan ddeiliad y swydd o leiaf bedwar TGAU gyda graddau A - D (gan gynnwys Saesneg a Mathemateg) neu NVQ Lefel 1 mewn pwnc perthnasol a gorau oll os oes gennych rywfaint o brofiad mewn amgylchedd sy'n canolbwyntio ar y cwsmer (manwerthu, lletygarwch neu debyg). Byddwch hefyd yn gyfarwydd â gweithio mewn derbynfa brysur. Mae'r gallu i ddefnyddio man gwerthu cyfrifiadurol yn rhan hanfodol o'r rôl yn ogystal ag ymdrin yn effeithlon â thrafodion ac ymholiadau, a gweithredu gydag uniondeb, disgresiwn a pharodrwydd i helpu cwsmeriaid.

Byddai diddordeb personol mewn Chwaraeon a/neu'r Celfyddydau yn fanteisiol oherwydd lleoliad dwy o’r derbynfeydd prysuraf ond nid yw'n hanfodol gan y bydd hyfforddiant llawn yn cael ei roi.

Wrth ddechrau eu hyfforddiant yng Nghanolfan Brailsford, dylai deiliad y swydd ddisgwyl cael ei ddefnyddio ar draws holl fannau blaen tŷ’r brifysgol a bydd hynny’n cynnwys sifftiau gyda’r nos ac ar benwythnosau. Bydd ceisiadau hefyd yn cael eu hystyried i wneud y swydd hon ar sail ran amser neu rannu swydd fel bod yr oriau llawn amser yn cael eu bodloni.

Mae gallu cyfathrebu yn Gymraeg yn hanfodol ar gyfer y swydd hon.

Disgwylir i’r ymgeisydd llwyddiannus ddechrau mor fuan ag sydd yn rhesymol bosib.

Derbynnir ceisiadau ar-lein yn unig, trwy ein gwefan recriwtio, jobs.bangor.ac.uk.

Ond os cewch drafferth defnyddio’r wefan oherwydd anabledd, mae ffurflenni cais papur ar gael trwy ffonio 01248 383865.

Dyddiad cau ar gyfer derbyn ceisiadau: 3 Gorffennaf 2022.

Wedi Ymrwymo i Gyfle Cyfartal

Rydyn ni’n chwilio am unigolyn i ymgymryd â rôl newydd, gyffrous sy’n cynnwys –

• cydlynu a chefnogi prosiectau a gweithgareddau ym maes Addysg Gychwynnol Athrawon

• hyrwyddo a marchnata cyfleoedd i hyfforddi fel athrawon

• cydlynu trefniadau cymedroli ar gyfer y Fframwaith Cymwyseddau Iaith i Ymarferwyr Addysg cenedlaethol

Mae sicrhau gweithlu addysg gyda sgiliau Cymraeg a dwyieithog yn allweddol i lwyddiant strategaeth Cymraeg 2050 Llywodraeth Cymru i greu miliwn o siaradwyr Cymraeg. Drwy gydweithio gyda phartneriaid, gan gynnwys y Coleg, darparwyr Addysg Gychwynnol Athrawon a Chyngor y Gweithlu Addysg nod y Llywodraeth ydy annog mwy o ddarpar athrawon i hyfforddi, ac i gefnogi ymdrechion i sicrhau eu bod yn derbyn hyfforddiant o’r radd flaenaf sy’n eu galluogi i addysgu trwy gyfrwng y Gymraeg, dysgu’r Gymraeg fel pwnc, neu gyflwyno’r Gymraeg mewn ysgolion cyfrwng Saesneg. 

Bydd y rôl hon yn chwarae rhan allweddol yn y gwaith o gefnogi elfennau o ‘Gynllun y Gweithlu Cymraeg mewn Addysg’ Llywodraeth Cymru. Mae hyn yn cynnwys gweithio gyda darparwyr Addysg Gychwynnol Athrawon i sicrhau fod pawb sydd yn hyfforddi ac yn cymhwyso yng Nghymru yn cael cyfle i ddatblygu eu sgiliau Cymraeg fel rhan o’u hyfforddiant, yn ogystal â denu mwy o bobl i ddilyn gyrfa ym myd addysg yng Nghymru.

Wyt ti’n unigolyn trefnus, brwdfrydig a chreadigol sydd eisiau datblygu prosiectau sy’n cefnogi myfyrwyr sy’n astudio drwy gyfrwng y Gymraeg yn y sector addysg ôl-16?

Mae’r Coleg yn chwilio am unigolyn i gyfrannu at brosiectau sy’n cyflawni nod Cynllun Academaidd Addysg Uwch newydd y Coleg o roi mynediad at ddarpariaeth cyfrwng Cymraeg i bob myfyriwr addysg uwch.

Bydd yr unigolyn llwyddiannus yn cydlynu, cefnogi a hyrwyddo prosiectau a gweithgareddau boed y rheiny’n fodiwlau neu ddigwyddiadau, sy’n anelu at roi ystod o gyfleoedd i fyfyrwyr yn ein prifysgolion.

Os wyt ti’n unigolyn trefnus sy’n gallu cydlynu prosiectau a chydweithio’n effeithiol ag eraill – ymgeisia am y swydd hon!

Swydd llawn amser dan hyfforddiant am gyfnod penodol hyd at 31 Awst 2024 yw hon.

Dyma gyfle rhagorol i ymuno â thîm cyfieithu Prifysgol Bangor er mwyn dysgu’r sgiliau sy’n hanfodol eu cael fel cyfieithydd a chyfieithydd ar y pryd. Yn yr ail flwyddyn bydd yr ymgeisydd llwyddiannus yn paratoi i sefyll arholiadau aelodaeth Cymdeithas Cyfieithwyr Cymru. Ar ddiwedd y cyfnod penodol, y gobaith yw y bydd cyfle i’r sawl a benodir ymgeisio am swydd lawn amser fel cyfieithydd ar raddfa 7.

Mae’r swydd wedi’i lleoli yng Nghanolfan Bedwyr (Canolfan Gwasanaethau, Technoleg ac Ymchwil Cymraeg y Brifysgol). Bydd yr ymgeisydd llwyddiannus yn gweithio fel Cyfieithydd Dan Hyfforddiant yn ymgymryd â gwaith cyfieithu ysgrifenedig a chyfieithu ar y pryd er mwyn hyrwyddo’r defnydd o’r iaith Gymraeg yn holl adrannau academaidd a gweinyddol y Brifysgol. Fel Cyfieithydd Dan Hyfforddiant yng Nghanolfan Bedwyr byddwch yn cyfrannu at y gwaith o gryfhau a datblygu safle Prifysgol Bangor fel sefydliad dwyieithog a hefyd fel y sefydliad addysg uwch arweiniol o ran gweinyddiaeth a darpariaeth academaidd trwy gyfrwng y Gymraeg.

Bydd yr ymgeisydd llwyddiannus yn meddu ar radd neu bron â chwblhau, cefndir academaidd a sgiliau iaith rhagorol yn y Gymraeg a’r Saesneg. Bydd y sawl a benodir yn cael ei hyfforddi i fedru gweithio’n annibynnol ac o dan bwysau fel cyfieithydd, ond hefyd fel aelod o dîm. Bydd hefyd yn cael ei hyfforddi i drin cyfrifiadur yn fedrus a defnyddio cymhorthion cyfieithu cyfrifiadurol.

Disgwylir i’r sawl a benodir ddechrau yn ei swydd ar 5 Medi 2022 neu cyn gynted â phosib ar ôl hynny. Bydd yn atebol i’r Pennaeth Cyfieithu.

Mae manylion pellach a chyfarwyddiadau ar sut i ymgeisio i’w gweld ar wefan ‘Cyfleoedd’ Prifysgol Bangor (http://jobs.bangor.ac.uk/index.php.cy).

Gellir gwneud ymholiadau anffurfiol drwy gysylltu ag Ifan Prys, Pennaeth Cyfieithu ([email protected])

Dyddiad cau: 4 Gorffennaf 2022

Wedi Ymrwymo i Gyfle Cyfartal

Rydym yn chwilio am unigolyn deinamig, creadigol a brwdfrydig i weithio fel Cydlynydd y Wefan a Chynnwys Digidol yn Undeb Myfyrwyr Prifysgol Bangor (Undeb Bangor).

Bydd deiliad y swydd yn ymuno â'r sefydliad ar adeg gyffrous iawn o ymgysylltu digidol ac ar-lein a byddwch yn gyfrifol am sicrhau bod gwefan Undeb y Myfyrwyr a’i llwyfannau ar y cyfryngau digidol a chymdeithasol yn berthnasol, yn ymatebol ac yn afaelgar. Byddant yn arwain ar ddatblygu gwefan Undeb Bangor a chysylltiadau a chynnwys digidol. Bydd deiliad y swydd wedi cael addysg i safon Lefel A (neu gymhwyster cyfwerth) a bydd yn gyfrifol am gynghori ynglŷn â datblygu cyfathrebiadau digidol Undeb y Myfyrwyr i sicrhau bod pob aelod yn ymwybodol o'r gwasanaethau a'r cyfleoedd a gynigir gan yr Undeb a bydd yn arwain ar y gwaith o ddatblygu gwefan a system aelodaeth ar-lein yr Undeb ynghyd â phob llwyfan digidol.

Bydd gan ymgeiswyr delfrydol brofiad blaenorol o gydlynu ymgyrchoedd digidol effeithiol a sicrhau cymaint o amlygiad â phosibl ar draws ystod o lwyfannau digidol, a phrofiad o reoli cynnwys gwefan. Mae hon yn rôl mewn adran brysur a deinamig ac felly mae'n rhaid i ymgeiswyr feddu ar sgiliau cyfathrebu a threfnu rhagorol ynghyd â'r gallu i fod yn hyblyg a medru addasu.

Bydd gan ymgeiswyr delfrydol brofiad o weithio mewn sefydliad amrywiol a bydd yn gallu ffynnu mewn amgylchedd prysur.

Disgwylir i’r ymgeisydd llwyddiannus ddechrau mor fuan ag sydd yn rhesymol bosib.

Mae gallu cyfathrebu yn Gymraeg yn hanfodol i'r swydd hon.

Byddwch yn gweithio ar y campws ym Mangor. Trwy ein fframwaith Gweithio Deinamig, bydd dewis hefyd i dreulio peth amser yn gweithio o bell (er yn aros yn y DU) i gefnogi cydbwysedd bywyd a gwaith. Trafodir hyn ymhellach gydag ymgeiswyr mewn cyfweliad.

Ystyrir ceisiadau hefyd i wneud y swydd hon ar sail ran amser neu rannu swydd.

Derbynnir ceisiadau ar-lein yn unig, trwy ein gwefan recriwtio, jobs.bangor.ac.uk. Fodd bynnag, os cewch drafferth defnyddio’r wefan oherwydd anabledd, mae ffurflenni cais papur ar gael trwy ffonio 01248 383865.

Dyddiad cau ar gyfer ceisiadau: 12 Mehefin 2022.

Wedi Ymrwymo i Gyfle Cyfartal

Mae Prifysgol Bangor yn brifysgol â hanes hir, a chanddi enw da yn rhyngwladol am ansawdd ei haddysg a’i hymchwil. Saif y ddinas rhwng arfordir gogledd Cymru a mynyddoedd Eryri ac mae gan y brifysgol safle sydd gyda’r gorau ymysg prifysgolion gwledydd Prydain.

Mae cyfle wedi codi i Swyddog Clercyddol Cyflogres Dros Dro llawn-amser am gyfnod penodol. Bydd gan yr ymgeisydd llwyddiannus brofiad ymarferol cadarn o weithio mewn swydd weinyddol ariannol mewn sefydliad modern yn defnyddio technoleg gwybodaeth. Bydd rhai o’r dyletswyddau’n cynnwys gweithio’n agos gyda Rheolwr y Gyflogres ac aelodau eraill o’r tîm i ymgymryd ag amrywiaeth o dasgau prosesu, monitro ac adrodd, gan rannu cyfrifoldeb am ddarparu gwasanaeth cyflogres hyblyg ac ymatebol, paratoi a gwirio data a dderbynnir gan y Gwasanaethau Academaidd/Proffesiynol/Masnachol i’w mewnbynnu i system gyflogres Agresso a chyflawni gwaith gweinyddol y gyflogres e.e. cofnodi staff newydd a diweddaru a chynnal cofnodion y gyflogres. 

Bydd gan yr ymgeisydd llwyddiannus o leiaf 5 TGAU gyda graddau A* - C (yn cynnwys Saesneg a Mathemateg) neu NVQ lefel 2 mewn maes pwnc perthnasol (neu brofiad perthnasol).

Disgwylir i’r ymgeisydd llwyddiannus ddechrau cyn gynted â phosib ac mae’r swydd ar gael tan 31/05/2023.

Byddwch yn gweithio ar y campws ym Mangor. Trwy ein fframwaith gweithio deinamig, bydd dewis hefyd i dreulio peth amser yn gweithio o bell (er yn aros yn y Deyrnas Unedig) i gefnogi cydbwysedd bywyd a gwaith. Trafodir hyn ymhellach gydag ymgeiswyr mewn cyfweliad.

Bydd ceisiadau hefyd yn cael eu hystyried i wneud y swydd hon ar sail ran-amser neu rannu swydd.

Gellir gwneud ymholiadau anffurfiol trwy gysylltu â Linda Williams, Gwasanaethau Cyllid e-bost: [email protected]. Disgwylir i’r ymgeisydd llwyddiannus ddechrau yn y swydd cyn gynted â phosibl

Mae gallu cyfathrebu yn Gymraeg yn ddymunol ar gyfer y swydd hon ond nid yn hanfodol.

Derbynnir ceisiadau ar-lein yn unig, trwy ein gwefan recriwtio, jobs.bangor.ac.uk. Ond os cewch drafferth defnyddio’r wefan oherwydd anabledd, mae ffurflenni cais papur ar gael trwy ffonio 01248 383865.

Dyddiad cau ar gyfer derbyn ceisiadau: 30 Mai 2022.

Wedi Ymrwymo i Gyfle Cyfartal

Wyt ti’n berson sydd:

â diddordeb mewn pobl? yn llawn syniadau creadigol? â’r gallu i ysbrydoli eraill? eisiau gweld y Gymraeg yn ffynnu?

Os felly, ymgeisia am swydd Tiwtor Marchnata dan Hyfforddiant gyda Dysgu Cymraeg Gogledd Orllewin (DCGO).

Mae DCGO yn un o 11 darparwr cyrsiau Cymraeg i Oedolion yng Nghymru dan nawdd Y Ganolfan Dysgu Cymraeg Genedlaethol ac yn cyflogi dros 70 o staff. Gyda 50 mlynedd o brofiad yn y maes a bron i 2000 o ddysgwyr, mae DCGO wedi derbyn y farn ‘Rhagorol’ gan Estyn gan gadarnhau ei statws fel y darparwr mwyaf ac uchaf ei safon trwy Gymru gyfan.

Swydd dan Hyfforddiant

Os wyt ti’n awyddus i ennill amrywiaeth o brofiadau ym myd gwaith ac eisiau dechrau meithrin arbenigedd ym maes marchnata, addysg oedolion a chynllunio iaith, dyma’r swydd berffaith i ti.

Fel Tiwtor Marchnata dan Hyfforddiant byddi’n cydweithio â’r Tiwtor Marchnata presennol ar ymgyrch farchnata’r haf; gwaith allweddol o bwysig er mwyn denu dysgwyr newydd cyn dechrau’r flwyddyn academaidd. Byddi’n cael pob cefnogaeth i gwblhau hyfforddiant marchnata a TG a ddarperir i staff y brifysgol.

Cyn dechrau dysgu, byddi’n cael y cyfle i astudio Tystysgrif Lefel 4 CBAC i Diwtoriaid Dysgu Cymraeg, a thrwy hynny, yn cael mewnwelediad gwerthfawr i ddulliau dysgu ac addysgu’r Gymraeg. Yn ogystal â’r hyfforddiant, byddi’n dod yn rhan o’n cymuned glòs o diwtoriaid ac yn cael mentor a fydd wrth law i dy gefnogi yn ystod dy dymor cyntaf yn y dosbarth.

Bwriad y swydd yw rhoi'r cyfle hyfforddiant, i gefnogi unigolyn i ddatblygu'r profiad a sgiliau fydd yna yn cynnig sylfaen iddynt ystyried cyfleoedd bellach yn y maes. Er hyn bydd y swydd am gyfnod penodol yn unig. Mae’r swydd yn un llawn amser ac mae ar gael hyd at 31 Gorffennaf 2023, a bydd y lleoliad gwaith i’w gytuno arno gyda’r ymgeisydd llwyddiannus. Mae’r brifysgol yn gweithredu dull hybrid o weithio ar hyn o bryd.

Disgwylir i ddeiliad y swydd ddechrau cyn gynted â phosib ar ôl 31 Mai 2021.

Dylai ymgeiswyr fod gyda 2 Lefel Uwch Gyfrannol neu 1 Lefel A neu NVQ Lefel 3 mewn pwnc perthnasol, neu brofiad cyfatebol.

Mae gallu cyfathrebu yn Gymraeg yn Hanfodol i'r swydd hon.

Derbyniwn geisiadau ar-lein yn unig, trwy ein gwefan recriwtio, jobs.bangor.ac.uk. Ond os cewch drafferth defnyddio'r wefan oherwydd anabledd, mae ffurflenni cais papur ar gael trwy ffonio 01248 383865.

Dyddiad cau derbyn ceisiadau: 6 Mehefin 2022.

Bydd cyfweliadau ar gyfer y swydd hon yn cael eu cynnal ym Mangor dydd Mercher 15/6/22.

Ysgol Iaith, Diwylliant a'r Celfyddydau Darlithydd mewn Cynhyrchu yn y Cyfryngau a Ffilmiau

Cyflog: £34,304 - £40,927 y flwyddyn PRO RATA ar Raddfa 7

Gwahoddir ceisiadau am y swydd dros dro ran amser (0.50% Cyfwerth Amser Llawn) uchod yn yr Ysgol Iaith, Diwylliant a’r Celfyddydau. Bydd y swydd yn darparu gwasanaeth addysgu yn ystod blwyddyn academaidd 2022/23. Bydd yr ymgeisydd llwyddiannus wedi'i addysgu i lefel gradd a bydd yn gallu cyflwyno modiwlau sydd eisoes wedi'u dilysu a'u paratoi ym maes cynhyrchu yn y cyfryngau a ffilmiau. Bydd y dyletswyddau'n cynnwys addysgu o leiaf dau fodiwl israddedig ac un modiwl ôl-radd, yn ogystal â goruchwylio traethodau hir israddedig. Rhaid i ymgeiswyr feddu ar brofiad ymarferol ym maes cynhyrchu yn y cyfryngau a/neu ffilmiau, yn ogystal â chefndir mewn addysg cyfryngau.

Disgwylir i’r ymgeisydd llwyddiannus ddechrau ar 1 Medi, 2022.

Mae gallu cyfathrebu yn Gymraeg yn ddymunol i'r swydd hon. Bydd ceisiadau hefyd yn cael eu hystyried i wneud y swydd hon ar sail rhan-amser neu rannu swydd hyd at yr oriau cyfwerth amser llawn a hysbysebir.

Derbyniwn geisiadau ar-lein yn unig, trwy ein gwefan recriwtio, jobs.bangor.ac.uk. Ond os cewch drafferth defnyddio'r wefan oherwydd anabledd, mae ffurflenni cais papur ar gael trwy ffonio 01248 383865.

Dyddiad cau derbyn ceisiadau: 27 Mai 2022.

Wedi Ymrwymo i Gyfle Cyfartal