Swyddi Cymraeg

Ydych chi’n dda efo geiriau, yn hyderus efo’ch hiwmor ac yn angerddol am ardal Caernarfon a gogledd orllewin Cymru?

Rydym yn chwilio am Gydlynydd Marchnata i weithio'n agos gyda'r Cyfarwyddwr Creadigol a gweddill y Tîm Creadigol i arwain ar waith cyfathrebu a chysylltiadau cyhoeddus y cwmni.

Disgrifiad:

Rydym yn chwilio am berson deinamig i weithio'n agos gyda'r Cyfarwyddwr Creadigol i arwain ar waith cyfathrebu a chysylltiadau cyhoeddus y cwmni.   Bydd prif gyfrifoldebau’r deilydd yn cynnwys:

• Creu a gweithredu strategaeth farchnata ar gyfer Galeri a Cei Llechi

• Creu a dogfennu ymgyrchoedd marchnata a chydweithio gyda’r personnel Dylunio a Digidol i weithredu ymgyrchoedd apersonnel Dylunio a Digidol i weithredu ymgyrchoedd a hyrwyddiadau marchnata digidol

• Cydlynu cyllideb marchnata’r cwmni

• Cysylltu â chwmnïau sy'n ymweld â'r ganolfan / dosbarthwyr ffilm / artistiaid parthed eu gofynion nhw o ran cyhoeddusrwydd a marchnata

• Gweithredu systemau cyfathrebu mewnol effeithiol gyda chyd-weithwyr, y bwrdd a chwmniau preswyl

• Arwain ar y gwaith o weithdredu systemau cyfathrebu allanol gyda chwsmeriaid

• Mynychu cyfarfodydd yn rheolaidd (gan gynnwys cyfarfodydd gweithrediadau, cyfarfodydd adran ac unrhyw gyfarfodydd eraill fel sy’n briodol)

• Gweithio gyda’r Cyfarwyddwr Creadigol a’r Cydlynydd Rhaglen

• Gweithio gyda’r Cyfarwyddwr Creadigol a’r Cydlynydd Rhaglen Greadigol i ymchwilio i batrymau gwerthiant, arferion prynu a gweithgareddau ar-lein

• Gweithio gyda’r Cyfarwyddwr Creadigol a gweddil y Tîm Creadigol ar brosiectau creadigol a masnachol i ddatblygu cynulleidfaoedd cyfredol a newydd, a thargedu cynulleidfaoedd ar gyfer digwyddiadau penodol

• Cydweithio gyda’r Cyfarwyddwr Creadigol a gweddill y Tîm

• Cydweithio gyda’r Cyfarwyddwr Creadigol a gweddill y Tîm Creadigol wrth ysgrifennu copi dwyieithog, golygu a phrwffio ar gyfer amryw o blatfformau, yn cynnwys gwefannau a chyfryngau cymdeithasol Galeri a Cei Llechi, datganiadau i’r wasg a phecynnau gwybodaeth

• Cydweithio gyda’r personnel Dylunio a Digidol i gynhyrchu deunydd print a chyhoeddusrwydd

• Monitro gwerthiant tocynnau a gweithredu ar hyn fel bo’r angen• Monitro gwerthiant tocynnau a gweithredu ar hyn fel bo’r angen Creu, monitro ac ymateb i adroddiadau ariannwyr gan gydweithio efo’r Cyfarwyddwr Creadigol, y Cyfarwyddwr Cyllid a’r Cydlynydd Rhaglen Greadigol

• Bod yn bwynt cyswllt ar gyfer cysylltiadau cyhoeddus

• Ysgrifennu ceisiadau am wobrau

• Gallu gweithredu’r system docynnau ‘Ticketsolve’ (llunio• Gallu gweithredu’r system docynnau ‘Ticketsolve’ (llunio adroddiadau, creu digwyddiadau newydd a helpu i werthu tocynnau pan fo’r angen)

• Bod yn greadigol wrth ddatblygu syniadau ac ymgyrchoedd

Mae’r gallu i gyfathrebu’n effeithiol a chlir yn y Gymraeg yn hanfodol i’r swydd hon.

Fel cyflogwr rydym yn hyrwyddo cyfle cyfartal. Croesewir ceisiadau o bob rhan o gymdeithas er mwyn adlewyrchu’r ddemograffeg leol ac ehangach yn fanwl gywir, a thrwy hynny ein helpu i gyflawni ein gweledigaeth

Ydych chi’n angerddol am y celfyddydau?

Oes gennych chi syniadau am ddigwyddiadau byw sydd angen eu clywed?

Mae GALERI, Caernarfon yn chwilio am Gydlynydd Rhaglen Greadigol i weithio'n agos gyda'r Cyfarwyddwr Creadigol i gydlynu a chyflwyno rhaglen artistig amrywiol a byrlymus.

Disgrifiad:

Mae hi’n gyfnod gyffrous yn hanes y cwmni, ac rydym yn edrych i ddatblygu cyfleoedd newydd a lledaenu’n cyrhaeddiad. Ein bwriad felly yw i ehangu’r Tîm Creadigol i gynyddu ein hallbynnau a gwneud y mwyaf o bob cyfle.

Os oes gennych ddiddordeb mewn digwyddiadau byw - boed yn gerddoriaeth, drama, sgyrsiau, dawns neu unrhyw beth arall, rydym yn awyddus i glywed gennych!

Bydd prif gyfrifoldebau’r deilydd yn cynnwys:

• Gweithio'n agos gyda’r Tîm Creadigol a Phenaethiaid Adrannau i gynnal a chefnogi systemau gweinyddol gan gynnwys casglu gwybodaeth cytundebu, cyllido, cyd-arwain prosiectau a chyfathrebu mewnol sy'n drawsadrannol

• Cydlynu trawsadrannol gan gynnwys cynnal cyfarfodydd, rheoli dyddiadur a chydweithio gyda’r Tîm Creadigol i greu adroddiadau adrannol

• Cefnogi'r Cyfarwyddwr Creadigol trwy gynnal systemau gweinyddol a darparu cymorth megis ymchwil, prawfddarllen, nodiadau briffio, trefnu teithiau cenedlaethol a rhyngwladol a datblygu cyflwyniadau

• Casglu gwybodaeth am gynigion prosiectau a mentrau creadigol a anfonwyd at y Cyfarwyddwr Creadigol, cadw ar ben tueddiadau cyfredol ac ymgymryd â thasgau penodol wrth gwmpasu prosiectau a gynhwysir yn y rhaglen megis ymweliadau safle, teithiau, gweithdai, coladu gwybodaeth dechnegol, casglu adborth a chwmpasu cyllidebau

• Gweithio gyda’r Cyfarwyddwr Creadigol a’r Cydlynydd Marchnata i ymchwilio i batrymau gwerthiant, arferion prynu a gweithgareddau ar-lein

• Ymateb i ymholiadau am y rhaglen yn ôl yr angen a mynychu digwyddiadau allweddol yn yr ardal ar ran y Tîm Creadigol, gan gynrychioli Galeri

• Gweithio gyda’r Cyfarwyddwr Creadigol i raglennu’r sinema

• Gallu gweithredu’r system docynnau ‘Ticketsolve’ (creu digwyddiadau newydd a helpu i werthu tocynnau pan fo’r angen)

• Mynychu cyfarfodydd yn rheolaidd (gan gynnwys cyfarfodydd gweithrediadau, cyfarfodydd adran ac unrhyw gyfarfodydd eraill fel sy’n briodol)

• Cyd-ddatblygu prosiectau masnachol i ddatblygu cynulleidfaoedd, megis cynllun cyfeillion

• Helpu i sefydlu Galeri fel ychwanegiad dymunol at y gylchdaith ar gyfer darparwyr a pherfformwyr perthnasol

• Bod yn greadigol wrth ddatblygu syniadau

Mae’r gallu i gyfathrebu’n effeithiol a chlir yn y Gymraeg yn hanfodol i’r swydd hon.

Fel cyflogwr rydym yn hyrwyddo cyfle cyfartal. Croesewir ceisiadau o bob rhan o gymdeithas er mwyn adlewyrchu’r ddemograffeg leol ac ehangach yn fanwl gywir, a thrwy hynny ein helpu i gyflawni ein gweledigaeth.

Yn un o brif fentrau cymdeithasol Cymru, mae’r sefydliad yn amlwg iawn yn ardal Caernarfon a thu hwnt oherwydd y gwaith mae’r cwmni wedi ei gyflawni ers 1992. Mae gwaith y cwmni hyd yma yn cynnwys:

- Adfwyio adeiladau yn y dref gaerog (trawsnewid ac ailwampio dros 20 o adeiladau gwag, bler mwyaf y dref)

- Adeiladu a rheoli canolfan mentrau creadigol Galeri (un o brif ganolfanau celfyddydol Cymru)

- Cynnig cyfleoedd/prosiectau drwy’r celfyddydau

- Prosiect adfywio Cei Llechi

Mae ein Prif Weithredwr presennol, Gwyn Roberts, wedi bod yn allweddol yn arwain y cwmni ers y decharu, gan ddatblygu ein gweledigaeth a chreu prosiectau i dyfu’r sefydliad mewn ffyrdd cydweithredol ac arloesol, sydd hefyd yn ychwanegu gwerth economaidd yn lleol. Bydd Gwyn yn parhau mewn rôl newydd hefo Galeri, gan ganolbwyntio ar ddatblygu prosiectau newydd, o fis Ebrill 2023.

Rydym yn chwilio am berson gweithgar i yrru ein cenhadaeth ymlaen gan adeiladu ar y seiliau cadarn a osodwyd gan y Cwmni dros y blynyddoedd, mewn cyfnod a fydd yn heriol i'r sectorau diwylliannol a mentrau cymdeithasol.

Y Prif Weithredwr sydd, mewn cydweithrediad a’r Bwrdd Rheoli, yn gosod cyfeiriad strategol i holl waith Galeri Caernarfon Cyf ac sy’n gweithredu fel llysgennad yn y gymuned leol a thu hwnt. Dyma gyfle arbennig i unigolyn sydd a gweledigaeth i arwain tîm brwdfrydig a menter gymdeithasol hollbwysig mewn canolfan greadigol unigryw.

Mae’r gallu i weithio yn hyderus yn y Gymraeg yn hanfodol i’r swydd hon.

Sut i Ymgeisio -

Os teimlwch fod gennych y cyfuniad cywir o sgiliau a brwdfrydedd i gyrraedd gofynion y swydd yma, dylwch ymgeisio drwy yrru y dogfennau isod i [email protected]

- CV cyfredol

- Datganiad cefnogol o ddim mwy na 2 ochr A4, yn amlinellu eich profiad perthnasol.

Mae Canolfan Gerdd William Mathias yn awyddus i benodi un neu ddau unigolyn brwdfrydig a dibynadwy sy’n meddu ar sgiliau rhyngbersonol cryf i weithio fel derbynnydd ym mhrif swyddfa’r Ganolfan yn Galeri, Caernarfon yn ystod gyda’r nosau a boreau Sadwrn (tymor ysgol yn unig).

Croesawir ceisiadau gan unigolion sydd a diddordeb mewn gweithio 1, 2 neu 3 shift   Cais trwy lythyr a CV gan enwi dau ganolwr. Cyfeiriwch eich cais at Gwydion Davies ([email protected]) CGWM, Galeri Caernarfon, Gwynedd. LL55 1SQ.

Dyddiad Cau: 5pm dydd Llun y 10fed o Hydref 

Disgrifiad:

Swydd ddisgrifiad Derbynnydd CGWM

Swydd ran amser, yn gweithio yn ystod y tymor ysgol,tua 39 wythnos y flwyddyn, yn atebol i’r Cyfarwyddwr.

Oriau arferol (gall amrywio): shifftiau 4.5 - 5 awr fydd yn cychwyn a gorffen rhwng 3.30 a 9.30pm ar nosweithiau’r wythnos a 9am – 2pm ar ddyddiau Sadwrn. 

Cyflog: £9.50 yr awr

Lleoliad: CGWM, Galeri Caernarfon. 

I gychwyn cyn gynted a phosibl.

Dyletswyddau

Croesawu’r tiwtoriaid / myfyrwyr / rhieni i’r gangen a delio efo ymholiadau.

Paratoi’r ystafelloedd ymarfer ar gyfer y gwersi a sicrhau eu bod yn cael eu gadael yn daclus a threfnus wrth adael y lleoliad. Gweithredu fel y pwynt cyswllt cyntaf i ddisgyblion, rhieni a thiwtoriaid tra ar shifft gan weithio yn annibynnol yn swyddfa’r Ganolfan.

Delio gydag ymholiadau / negeseuon sy’n codi.

Trosglwyddo negeseuon yn effeithiol i Weinyddydd a Chyfarwyddwr y Ganolfan.

Trefnu amserlenni tiwtoriaid a gweithgareddau grwp CGWM. Cydweithio gyda derbynwyr eraill i sicrhau rhediad esmwyth gweithgareddau.

Delio gyda thaliadau a pharatoi biliau am wersi gan ddefnyddio systemau gweinyddol y Ganolfan. 

Goruchwylio gweithdai a dosbarthiadau fel bo’r angen 

Paratoi ffurflenni cofrestru a phosteri ar gyfer gweithgareddau. Cadw cofrestrau gwersi.

Gweithredu o fewn gofynion holl bolisiau a Chôd Ymddygiad CGWM.

· Bydd disgwyl i’r unigolyn llwyddiannus gyflawni cyrsiau hyfforddiant perthnasol ar-lein (yn ystod oriau gwaith) - Diogelu plant ac oedolion, Diogelwch Tân, ‘manual handling’, GDPR a mynychu cwrs undydd Cymorth Cyntaf brys a bod yn barod i ddarparu Cymorth Cyntaf petai angen.

Parodrwydd i gynorthwyo’r gydag unrhyw ddyletswyddau gweinyddol eraill yn ộl y galw mewn trafodaeth gyda’r Gweinyddydd a’r Cyfarwyddwr.   Manyldeb personol

Hanfodol

· Sgiliau rhyngbersonol ardderchog.

· Y gallu i gyfathrebu ar lafar ac yn ysgrifenedig yn effeithiol yn y Gymraeg a’r Saesneg.

· Sgiliau llythrenedd, rhifyddeg a Thechnoleg Gwybodaeth cryf (yn cynnwys defnydd o Excel, Word a’r cyfryngau cymdeithasol).

· Y gallu i weithio’n hyblyg, annibynnol ac fel rhan o dim.

Dymunol

profiad blaenorol o weithio gyda’r cyhoedd yn ddymunol.   Gan fod y swydd yn ymwneud â gweithio gyda phlant ac oedolion sy’n agored i niwed gwneir cais am ddatgeliad manwl gan y DBS (Disclosure and Barring Service) ar gyfer yr ymgeisydd llwyddiannus ac mae’r cynnig swydd yn ddibynnol ar wiriad boddhaol.    Rydym yn gweithredu polisi cydraddoldeb ac amrywiaeth ac mae copi ar gael ar ein gwefan sy’n amlinellu ein hymrwymiad i brosesau recriwtio teg : 

Polisïau | Canolfan Gerdd William Mathias (cgwm.org.uk) 

Mae ceisiadau gan unigolion diwylliannol ac ethnig amrywiol a grwpiau sydd heb gynrychiolaeth ddigonol yn cael eu hannog a'u croesawu'n gynnes. 

Os oes gennych anabledd, nodwch yn eich llythyr os oes angen unrhyw gymorth neu addasiadau penodol arnoch ar gyfer cyfweliad. 

Gofynnir i ymgeiswyr gwblhau ffurflen cydraddoldeb, trwy ddilyn y linc isod. I bwrpas monitro cydraddoldeb yn unig y defnyddir y wybodaeth ar y ffurflen. 

https://forms.cgwm.org.uk/cgwm/form/MonitroCyfleCyfartalYmgeisyddSwydd/formperma/f2eYNYRYf-jRtJKLdZhI3wvTBbVDTz24zphN1YE5eRI  

Gwarchod Data

·    Byddwn yn trin y data personol a rennir gyda ni gan ymgeiswyr am swydd gyda pharch. Bydd yn ofynnol i ni brosesu data personol ymgeiswyr am swyddi er mwyn ein galluogi i ddilyn y broses recriwtio. Byddwn yn storio’r data personol a ddarperir gan ymgeiswyr am gyfnod o o leiaf 6 mis, neu, os ydy’r gyfraith yn mynnu, am gyn hired ag sydd angen. Ceir rhagor o fanylion am ein ymdriniaeth o ddata personol yn ein polisi preifatrwydd ar ein gwefan. www.cgwm.org.uk/polisiau

·    Nid yw’r rhybudd preifatrwydd hwn yn ffurfio unrhyw gynnig cyflogaeth na chytundeb rhyngom. Os byddwn yn cynnig swydd i chi, byddwn yn rhoi gwybodaeth bellach am ymodd yr ydym yn ymdrin â data personol cyflogai. 

Am gyfnod cyffrous i ymuno â thîm Penrhyn, ac am rôl bwysig yn ein portffolio; rôl a fydd yn gwneud gwahaniaeth gwirioneddol i'n dyfodol. Yn gyfrifol am hyrwyddo gwirfoddoli a chreu cyfleoedd i gyd-greu gyda chymunedau, byddwch yn gweithio gydag eraill i gyflwyno cyfleoedd cyfranogi perthnasol a chyffrous.

Bydd y rôl yn ceisio rhannu stori lawn Penrhyn ac yn dygymod â gwirionedd hanes sy’n seiliedig ar ecsbloetiaeth ddynol yn Jamaica, yn ogystal ag yma ar garreg y drws y castell ym Methesda.

Mae'r Ymddiriedolaeth Genedlaethol yng Nghymru yn sefydliad dwyieithog, a rhaid i'r holl staff a gwirfoddolwyr ddangos ymrwymiad i weithio mewn amgylchedd cwbl ddwyieithog. Cwblhewch yr Asesiad Cymhwysedd Iaith Gymraeg ynghlwm a'i uwchlwytho gyda’ch CV. Ar gyfer y swydd hon mae angen cymhwysedd Gwrando a Deall, Siarad, Darllen ac Ysgrifennu ar o leiaf lefel 3-4. Mae croeso mawr i ddysgwyr Cymraeg wneud cais, a gellir darparu hyfforddiant i ddatblygu sgiliau Cymraeg.

Dylech hefyd gynnwys llythyr eglurhaol yn nodi pam eich bod yn gwneud cais a pha sgiliau unigryw y credwch y gallwch eu cyflwyno i'r rôl. 

Dyddiadau cyfweld: 22 a 23 Medi.    Sut brofiad yw gweithio yma?

Wrth gyflwyno profiad yr ymwelwyr, byddwch yn ymuno â thîm gweithredol brwdfrydig ac ymroddgar o staff a gwirfoddolwyr, yn gweithio ochr yn ochr â thîm arwain yr eiddo. 

Mae Penrhyn yn dŷ Fictoraidd wedi'i guddio fel castell neo-Sioraidd anferth ger Bangor, gyda gardd restredig Gradd II ffurfiol, a thir parc gyda golygfeydd anhygoel o Eryri ac arfordir gogledd Cymru. Mae'n lle cymhleth; mae ymdeimlad hwyliog, rhydd a thawel yr ardd yn gyferbyniad llwyr i'r cefndir gothig o orthrwm ac ecsbloetiaeth sydd wedi talu am fawredd a godidowgrwydd Fictoraidd ar raddfa mor eang. 

Beth fyddwch chi’n ei wneud?

Byddwch yn rheoli’r gwaith o ddatblygu a chyflwyno cynllun strategol y portffolio hwn ar gyfer gwirfoddoli a chymunedau, ochr yn ochr â thîm arwain yr eiddo. Yn rheoli ac ymgorffori newid wrth ehangu ac ymestyn ein perthynas â chynulleidfaoedd hen a newydd. Cydweithio â phartneriaid er mwyn rhannu stori lawn Castell Penrhyn mewn modd gonest ac agored, wrth ddygymod â'r hyn yr oedd yn ei gynrychioli ar un adeg, a'i effaith a'i ddylanwad, yn lleol ac yn fyd-eang. Ynghyd â'n rheolwyr gwirfoddolwyr, byddwch yn gyfrifol am greu amgylchedd cynhwysol a chefnogol ar gyfer ein gwirfoddolwyr a chymunedau, wrth gadw amcan yr Ymddiriedolaeth Genedlaethol, bod Croeso i Bawb, yn y cof. Byddwch hefyd yn magu hyder a gallu eraill wrth gyd-greu amgylchedd cydweithredol, hyblyg a chynhwysol ar gyfer partneriaid, cymunedau a gwirfoddolwyr hen a newydd. 

Am bwy ydym yn chwilio?

Rhywun sy'n meddu ar y canlynol:

- dealltwriaeth o arfer da mewn perthynas â chyfranogiad ac ymgysylltiad cymunedol, yn ogystal â gwaith partner a chyfranogiad ehangach

- y gallu i ymgysylltu'n rhagweithiol o fewn cymuned

- dealltwriaeth o arfer da o safbwynt rheoli gwirfoddolwyr

- profiad llwyddiannus ac ymarferol o ddatblygu a gweithredu agweddau a chynnyrch newydd sy'n ymwneud â gwirfoddoli

- sgiliau trefnu a chynllunio rhagorol 

- y gallu i hyfforddi a chefnogi rheolwyr gwirfoddolwyr

- sgiliau cyfathrebu cadarn yn y Gymraeg a’r Saesneg.    Y Pecyn

Mae’r arwyddair ‘I bawb, am byth’ yn ganolbwynt yr Ymddiriedolaeth Genedlaethol. Rydym yn gweithio’n galed i greu diwylliant cynhwysol, ble mae pawb yn teimlo eu bod yn perthyn. Mae’n bwysig bod ein pobl yn adlewyrchu a chynrychioli amrywiaeth y cymunedau a’r cynulleidfaoedd yr ydym yn eu gwasanaethu. Rydym yn croesawu ac yn gwerthfawrogi gwahaniaeth, felly pan ddywedwn ni ein bod ar gyfer pawb, rydym eisiau i bawb dderbyn croeso yn ein timau hefyd.

Mae’r buddion o weithio gyda’r Ymddiriedolaeth Genedlaethol yn cynnwys:

- Gweithio hyblyg pryd bynnag y bo modd

- Parcio am ddim yn y rhan fwyaf o leoliadau

- Mynediad am ddim i’n heiddo i chi, i’ch gwestai a’ch plant (dan 18)

- Cylin pensiwn sylweddol hyd at 10% o gyflog sylfaenol

Bydd yr ymgeisydd yn cael ei benodi ar isafswm y raddfa gyflog hon fel arfer.

Mae’r gallu i siarad Cymraeg yn ddymunol ar gyfer y swydd hon.

Mae croeso i chi gyflwyno'ch cais yn Gymraeg. Ni fydd unrhyw gais a gyflwynir yn Gymraeg yn cael ei drin yn llai ffafriol na chais a gyflwynir yn Saesneg.   Dyddiad Cau: 30 Medi erbyn 5:00yh

Am rhagor o wybodaeth ewch i’n gwefan.   Mae Amgueddfa Cymru yn gyflogwyr cyfle cyfartal. 

Croesewir ceisiadau o bob rhan o'r gymuned.

Eich gwaith…

Gan weithio yn Amgueddfa Lechi Cymru ac o adref, byddwch yn gweithio gyda’r Tîm Digwyddiadau a phartneriaid cymunedol i ddatblygu a chynnal rhaglen weladwy, berthnasol ac arloesol o ddigwyddiadau cyhoeddus, yn fyw ac ar-lein. Eich rheolwr llinell fydd y Rheolwr Digwyddiadau a byddwch yn gweithio ar draws Amgueddfa Cymru.

Swyddog Digwyddiadau

Amgueddfa Lechi Cymru a gweithio o adref

17.5 awr yr wythnos

Contract 12 mis.

Gradd D £12,185.67 – £15,289.72 y flwyddyn

Bydd yr ymgeisydd yn cael ei benodi ar isafswm y raddfa gyflog hon fel arfer.

Mae’r gallu i siarad Cymraeg yn hanfodol ar gyfer y swydd hon.

Dyddiad Cau: 17 Gorffennaf 2022 5:00pm

Mae Amgueddfa Cymru yn gyflogwyr cyfle cyfartal. Croesewir ceisiadau o bob rhan o'r gymuned.

Byddwch yn datblygu, cynllunio a chynnal adnoddau a rhaglenni addysg arloesol a chreadigol i ystod eang o gynulleidfaoedd, gan gynnwys ysgolion, teuluoedd, pobl ifanc, dysgwyr sy’n oedolion a grwpiau cymunedol yn seiliedig ar gasgliadau Amgueddfa Cymru.

17.5 awr yr wythnos

Contract 12 mis.

Gradd D £12,185.67 – £15,289.72 y flwyddyn

Bydd yr ymgeisydd yn cael ei benodi ar isafswm y raddfa gyflog hon fel arfer.

Mae’r gallu i siarad Cymraeg yn hanfodol ar gyfer y swydd hon.

Dyddiad Cau: 11 July 2022 5:00pm

Mae Amgueddfa Cymru yn gyflogwyr cyfle cyfartal.

Croesewir ceisiadau o bob rhan o'r gymuned.

Mae hwn yn gyfle gwych i unigolyn creadigol a brwdfrydig, sydd wrth ei fodd yn rhyngweithio ag eraill, ymuno â'n tîm cyfeillgar yng Nghastell a Gardd Penrhyn. Os ydych ch'n frwd dros natur a chyflwyno profiadau cofiadwy a rhagorol i'n hymwelwyr, dyma'r swydd i chi.

Rydym yn awyddus i benodi unigolyn brwdfrydig a threfnus i reoli rhaglen o ddigwyddiadau tymhorol i ymwelwyr, o'r dechrau i'r diwedd. Mae'r rôl hon yn gofyn am gysylltiadau gwaith da o fewn tîm a dyhead, arloesedd a'r gallu i gynllunio gwaith a goruchwylio staff a gwirfoddolwyr.

Mae patrymau shifftiau’n cynnwys gwaith ar benwythnosau/gwyliau banc o bryd i'w gilydd, ac yn gofyn ichi ymgymryd ag ychydig o ddyletswyddau rheoli. Mae'r cyfle hwn dros 12 mis yn berffaith ar gyfer unrhyw un sydd eisiau datblygu ei brofiad o fewn y byd Treftadaeth a Thwristiaeth.

Mae gweithio'n ddwyieithog yn bwysig i ni. Rhowch wybod i ni eich gallu o ran eich gallu gyda’r iaith Gymraeg drwy gwblhau'r matrics fel rhan o'ch cais. Mae hyn er mwyn nodi unrhyw anghenion hyfforddi a bydd yn cael ei ystyried fel sgil ychwanegol.

Caiff cyfweliadau eu cynnal ar 14 Gorffennaf, neu'n gynharach, ac rydym yn eich annog i wneud cais cyn gynted â phosibl, oherwydd efallai y byddwn yn cau'r hysbysiad swydd wag yn gynnar. Dyddiad dechrau posibl 27 Gorffennaf.

Sut beth yw gweithio yma?

Fel aelod o dîm darpariaeth gwych Penrhyn, byddwch yn gweithio ochr yn ochr â'r Rheolwr Profiad a Gweithrediadau Ymwelwyr a'r Swyddog Marchnata a Chyfathrebu. Byddwch hefyd yn gweithio â staff a gwirfoddolwyr ein tîm croesawu, yn rhannu straeon, gan ymgysylltu ymwelwyr â'n gwaith cymunedol a chynaliadwyedd. 

Mae Castell Penrhyn yn dŷ Fictoraidd wedi'i guddio fel castell neo-Sioraidd anferth, gyda rhaglen amrywiol o ddigwyddiadau sy'n dod â'r eiddo unigryw hwn yn fyw o fewn waliau'r castell, ac yn yr awyr agored ar ein tir 60 erw hyfryd. Mae ei hanes wedi'i seilio ar gaethwasiaeth, llechi, ysblander a streiciau, ac rydym yn falch o barhau i rannu'r straeon hyn gyda'n cymunedau lleol. 

Eich Gwaith

Fel Swyddog Profiad Ymwelwyr, byddwch yn gyfrifol am reoli ein rhaglen o ddigwyddiadau, fel y gwanwyn, Pasg, yr haf, yr hydref, a gaeaf, o'r dechrau i'r diwedd. Bydd cynllunio, cyflwyno dehongliad effeithiol, creu rhaglenni ymgysylltiol a'u gwerthuso, yn hanfodol. Wrth weithio ochr yn ochr â'r tîm, byddwch yn rheoli staff a gwirfoddolwyr i ddatblygu dehongliad ymgysylltiol ac ystyrlon, a all ein helpu i feithrin cefnogaeth am ein gwaith. Bydd deall sut a pham rydym yn ymgysylltu â’n cefnogwyr hefyd yn allweddol i'r rôl hon.

Byddwch yn cyflwyno'r eiddo at safonau uchel, er mwyn sicrhau bod ein cyfathrebu’n glir ac yn gyson ar gyfer ein hymwelwyr. Fel hyrwyddwr cyfathrebiadau da, gwasanaeth a phrofiad ymwelwyr rhagorol, byddwch yn ymuno â thîm brwdfrydig ac yn ymgymryd â’r ddyletswydd o reoli’r rota, yn helpu i gynnal y gweithrediad ymwelwyr.

Am bwy ydym ni’n chwilio?

Mae hon yn rôl sylweddol mewn eiddo prysur, ac rydym yn awyddus i benodi unigolyn sy’n medru ymgymryd â her. Er mwyn cyflawni'r swydd hon yn llwyddiannus, byddwch angen:

- Agwedd hyblyg sy'n canolbwyntio ar gwsmeriaid, gyda safonau gwasanaeth cwsmer uchel

- Sgiliau pobl rhagorol a’r gallu i weithio’n dda mewn tîm

- Sgiliau iaith Gymraeg lefel un, Sylfaenol, gyda pharodrwydd i ddatblygu (gweler matrics)

- Profiad o weithio i sawl terfyn amser a rheoli eich llwyth gwaith eich hun

- Sgiliau trefnu a chynllunio rhagorol

- Llygad craff am fanylder a dawn greadigol

- Sgiliau cyfathrebu rhagorol

- Sgiliau TG cryf

Y Peyn

Mae’r arwyddair ‘I bawb, am byth’ yn ganolbwynt yr Ymddiriedolaeth Genedlaethol. Rydym yn gweithio’n galed i greu diwylliant cynhwysol, ble mae pawb yn teimlo eu bod yn perthyn. Mae’n bwysig bod ein pobl yn adlewyrchu a chynrychioli amrywiaeth y cymunedau a’r cynulleidfaoedd yr ydym yn eu gwasanaethu. Rydym yn croesawu ac yn gwerthfawrogi gwahaniaeth, felly pan ddywedwn ni ein bod ar gyfer pawb, rydym eisiau i bawb dderbyn croeso yn ein timau hefyd.

Mae’r buddion o weithio gyda’r Ymddiriedolaeth Genedlaethol yn cynnwys:

- Gweithio hyblyg pryd bynnag y bo modd

- Parcio am ddim yn y rhan fwyaf o leoliadau

- Mynediad am ddim i’n heiddo i chi, i’ch gwestai a’ch plant (dan 18)

- Cylin pensiwn sylweddol hyd at 10% o gyflog sylfaenol

Cyfarwyddwr Project Amgueddfa Lechi Cymru

35 awr yr wythnos

Contract parhaol

Gradd H £52,997.57 - £63,385.61 (Cyflog i’w drafod ar gyfer ymgeisydd eithriadol)

Bydd yr ymgeisydd yn cael ei benodi ar isafswm y raddfa gyflog hon fel arfer.

Mae’r gallu i siarad Cymraeg yn hanfodol ar gyfer y swydd hon.

Mae croeso i chi gyflwyno'ch cais yn Gymraeg. Ni fydd unrhyw gais a gyflwynir yn Gymraeg yn cael ei drin yn llai ffafriol na chais a gyflwynir yn Saesneg.

Dyddiad Cau: 20 Mai erbyn 5:00yh

Mae Amgueddfa Cymru yn gyflogwyr cyfle cyfartal. Croesewir ceisiadau o bob rhan o'r gymuned.