Swyddi Cymraeg

Mae S4C yn chwilio am Gyfrifydd fydd yn gyfrifol am weithgareddau rheoli costau cynnwys ac adroddiadau cyllidebol. Byddwch yn darparu cyngor proffesiynol i alluogi penderfyniadau gwybodus i gael eu gwneud.

Fel Cyfrifydd byddwch yn cyfathrebu’n effeithiol ac yn gweithio’n agos gyda’ch cydweithwyr ac eraill i sicrhau ein bod yn gwireddu ein hamcanion corfforaethol a’n rhagoriaeth greadigol gan sicrhau ein bod yn gweithredu’n effeithiol ac yn unol â’n hymrwymiadau strategol.

Disgrifiad:

Byddwch yn cynorthwyo'r Rheolydd Ariannol a'r timau Cyfreithiol a Materion Busnes gyda phob agwedd ar gyllid a gweinyddu contractau, gan gynnwys rhaglenni, deunydd amlgyfrwng a chontractau busnes cyffredinol eraill.

Bydd angen i chi sicrhau bod adroddiadau'n cael eu paratoi a'u cynnal sy'n manylu ar gyllidebau ariannol, taliadau a llif arian ar gyfer yr holl gynnwys a chyllidebau sy'n ymwneud â chynnwys, ar draws pob llwyfan.

Yn ogystal â'r uchod, byddwch chi’n gyfrifol am baratoi adroddiadau cyllideb fisol fanwl ar gyfer yr holl gyllidebau sydd o dan eich rheolaeth, ynghyd ag unrhyw ffioedd sy'n gysylltiedig â chyhoeddi ar bob llwyfan.

Mae’r gallu i gyfathrebu yn rhugl yn y Gymraeg a Saesneg i safon dda gyda staff ac eraill ar bob lefel, yn ysgrifenedig ac ar lafar yn hanfodol ar gyfer y rôl yma.

Manylion Eraill

Lleoliad: Lleoliad arferol eich gwaith fydd Canolfan S4C yr Egin, Caerfyrddin, SA31 3EQ. Mae gan S4C swyddfeydd yng Nghaerfyrddin, Caerdydd a Chaernarfon ac maent yn gweithredu polisi gweithio’n hybrid.

Cyflog: Circa £32,000 y flwyddyn

Cytundeb: Parhaol

Oriau gwaith: 35¾ yr wythnos. Oherwydd natur y swydd, disgwylir hyblygrwydd, gan gynnwys gweithio tu allan i oriau swyddfa, ar rai penwythnosau a gwyliau banc.

Cyfnod prawf: 6 mis

Gwyliau: Yn ychwanegol i'r gwyliau banc statudol, bydd gennych hawl i 26 diwrnod o wyliau gyda thâl y flwyddyn.

Pensiwn: Mae hawl gan staff cyflogedig ymuno â Chynllun Pensiwn Personol Grŵp yn ddarostyngedig i delerau unrhyw gynllun sydd mewn bodolaeth ac a ddiwygiwyd o dro i dro. Os byddwch yn aelod o’r Cynllun Pensiwn Personol Grŵp, bydd S4C yn cyfrannu 10% o’ch cyflog sylfaenol i’r Cynllun. Disgwylir i chi gyfrannu 5%. 

Ceisiadau 

Dylid anfon ceisiadau erbyn 5.00 ar ddydd Llun 20 Chwefror 2023 at [email protected] neu Adnoddau Dynol, Canolfan S4C, Yr Egin, Caerfyrddin, SA31 3EQ. 

Nid ydym yn derbyn CV.

Ni fydd cais a gyflwynir yn Gymraeg yn cael ei drin yn llai ffafriol na chais a gyflwynir yn Saesneg.

Rydym yn chwilio am bobol i ymuno gyda’n tîm brwdfrydig yng Nghaerfyrddin. Mae gennym amryw o gleientiaid dros Gymru gyfan ac ym mhellach ac rydym yn cynnig gwasanaeth llawn trwy gyfrwng y Gymraeg.

Rydym yn cynnig hyfforddiant llawn ar bob agwedd o gyfrifeg yn arwain at gymwysterau proffesiynol. Telir holl gostau’r hyfforddiant a ffioedd arholiadau. 

Dyletswyddau:

Cyfrifydd Cymwysedig neu Rannol- Gymwysedig

·    Paratoi cyfrifon ar gyfer amryw o fusnesau

·    Cwrdd gyda’n cleientiaid i drafod y cyfrifon a’u cynlluniau

·    Paratoi ffurflenni treth i unigolion, partneriaethau a chwmnïau

·    Bod yn rhan o dîm archwilio

·    Gweithio gyda’n cleientiaid i’w paratoi nhw ar gyfer Troi Treth Yn Ddigidol   Cyfrifydd Dan Hyfforddiant

·    Helpu i baratoi cyfrifon ar gyfer amryw o fusnesau

·    Delio gydag ymholiadau oddi wrth ein cleientiaid

·    Helpu paratoi ffurflenni treth i unigolion, partneriaethau a chwmnïau

·    Bod yn rhan o dîm archwilio

·    Paratoi Ffurflenni TAW

·    Gweithio gyda’n cleientiaid i’w paratoi nhw ar gyfer Troi Treth Yn Ddigidol   Gofynion

·    Yn hapus i siarad ac ysgrifennu yn Gymraeg a Saesneg

·    Profiad o ddefnyddio Word ac Excel

·    Profiad gyda QuickBooks, Xero neu Sage yn fantais ond ddim yn ofynnol

·    Yn hapus yn gweithio mewn tîm ac ar ben eich hunan

·    Sgiliau cyfathrebu da

·    Prydlondeb

·    Oriau’r swyddfa yw 9-5 o Ddydd Llun i dydd Gwener.   Mae’r cyflog yn ddibynnol ar brofiad a sgiliau.