Swyddi Cymraeg

Disgrifiad:

1. Goruchwylio cydymffurfiad â gweithdrefnau a pholisïau rheoli clefydau trosglwyddadwy, gan gynnwys gwyliadwriaeth mewn lleoliadau cymunedol, ymchwilio i achosion o wenwyn bwyd ac achosion o glefydau hysbysadwy statudol.

2. Ymateb i ac ymchwilio i hysbysiadau / rhybuddion o system rheoli digwyddiadau ar-lein Iechyd Cyhoeddus Cymru a elwir yn TARIAN ar hyn o bryd, ac asesu'r risg.

3. Darparu cyngor a chefnogaeth atal a rheoli heintiau i wahanol leoliadau fel gwasanaethau gofal, llongau eithwyr, ysgolion, a lleoliadau gofal plant ac ati i sicrhau bod rheolaethau heintiau priodol ar waith.

4. Cychwyn gorfodaeth a chamau cyfreithiol o dan ddeddfwriaeth Iechyd y Cyhoedd a'r Amgylchedd, ar ôl cyfeirio materion at y rheolwr llinell. Mae'r rhain yn cynnwys paratoi a chyflwyno rhybuddion, paratoi a rhoi tystiolaeth mewn achosion cyfreithiol. Ymgymryd â'r gweithgareddau gorfodi gofynnol yn ôl yr angen i sicrhau cydymffurfiad rheoliadol yn amrywio o gyngor anffurfiol i gamau ffurfiol ac erlyn yn unol â Chodau Arferion a chanllawiau.

Cyngor Sir Ynys Môn

Swydd Disgrifiad / Manyleb Person

RHAN A

1. Cefnogi Swyddogion Iechyd yr Amgylchedd a chydweithwyr atal heintiau eraill i adnabod, ymchwilio, rheoli ac adrodd yn brydlon am achosion sy'n gysylltiedig â chlefydau heintus hysbysadwy, clefydau trosglwyddadwy ac achosion o wenwyn bwyd.
2. Casglu, trefnu, dilysu ac adrodd yn ôl i gydweithwyr a rheolwyr ar ddata o archwiliadau a gweithgareddau ymchwilio.
3. Cynnal cofnodion cywir a chynhwysfawr. Cynnal ffeiliau safleoedd, nodiadau achos, a lle bo hynny'n briodol, paratoi ffurflenni blynyddol / paratoi adroddiadau i asiantaethau perthnasol eraill.
4. Cynnal archwiliadau hylendid bwyd yn unol â Chod Ymarfer yr Asiantaeth Safonau Bwyd.
5. Sicrhau cymhwysedd a dangos Datblygiad Proffesiynol Parhaus yn unol â safonau proffesiynol a gofynion statudol. Bod yn ymwybodol o’r wybodaeth ddiweddaraf mewn perthynas â deddfwriaeth newydd sy'n effeithio ar waith yr adran.
6. Sicrhau cydymffurfiad llawn â holl bolisïau a gweithdrefnau perthnasol y Cyngor Sir (e.e. Caffael yr UE a Rheoliadau Ariannol y Cyngor; Deddf Diogelu Data; Rhyddid Gwybodaeth; Deddf Cydraddoldeb 2010; Safonau’r Iaith Gymraeg).
7. Cydymffurfio â Pholisi Diogelu Corfforaethol yr awdurdod lleol a'r dyletswyddau a chyfrifoldebau diogelu y mae'r polisi hwnnw'n eu gosod ar bob gweithiwr, yn cyd-fynd â gwerthoedd craidd yr Awdurdod sy'n cynnwys cefnogi plant, oedolion sydd mewn perygl a'u teuluoedd i'w cadw'n ddiogel ac iach.
8. Gall bod gofyn i ddeiliad y swydd gyflawni unrhyw gyfrifoldebau eraill hefyd fel sy'n briodol o ran natur y swydd a'i gradd.

Gwasanaeth: Rheoleiddio a Datblygu Economaidd

Adran: Gwarchod y Cyhoedd

Oriau: 37 awr yr wythnos

Cyflog: Gradd 8, £40,578 - £43,570 yr flwyddyn

Cytundeb: Parhaol 

Penodiad yn ddibynnol ar wiriad GDG (DBS) lefel Safonol.

Gweler y Swydd Ddisgrifiad ar gyfer y gofynion sgiliau iaith Gymraeg ar gyfer y swydd hon. 

Mae croeso i chi gyflwyno cais yn eich dewis iaith. Bydd ceisiadau a gyflwynir yn Gymraeg neu'n Saesneg bob amser yn cael eu trin yn gyfartal.

Atodir isod disgrifiad swydd/manylion personol fel ffeil PDF.

Rydym yn eich cynghori i arbed y swydd ddisgrifiad a’r manyleb personol i’ch cyfrifiadur neu go bach gan unwaith y bydd y swydd yn cau, bydd y ddwy ddogfen yma yn diflannu.

Cysylltiadau Enw'r cyswllt: Llinos Roberts Ffôn: 01248 752839 Cyfeiriad e-bost: [email protected]