Swyddi Cymraeg

Rydym yn chwilio am berson brwdfrydig ac ysbrydoledig i arwain gwaith tîm o Swyddogion Cefnogi. Dylai’r person fod yn frwd dros y Gymraeg, gyda phersonoliaeth sy’n caniatáu iddi/iddo gyfathrebu yn effeithiol ar sawl lefel. Byddai profiad blaenorol o reoli ac arwain tîm o staff a dealltwriaeth eang o waith Mudiad Meithrin yn fanteisiol.

Disgrifiad:

Bydd yn atebol i Brif Weithredwr Mudiad Meithrin trwy’r Pennaeth Datblygu Gwasanaethau am gyflawni’r dyletswyddau canlynol:   · Ysgwyddo cyfrifoldeb am holl agweddau rheolaeth gwaith Mudiad Meithrin o fewn y dalaith

· Rheoli gwaith, a chynnig arweiniad a chefnogaeth i holl staff y dalaith

· Cynnal cyfarfodydd rheolaidd gyda phob aelod o staff perthnasol i gynllunio gwaith, gosod targedau a chyfeiriad i’r gwaith

· Sicrhau bod cyfarfodydd tîm tymhorol i holl staff y dalaith er mwyn darparu hyfforddiant, trafod cynlluniau gwaith a derbyn adroddiadau

· Sicrhau bod gwaith y dalaith yn cyd-fynd â nod ac amcanion Mudiad Meithrin

· Adnabod ac arwain cynlluniau gweithredu er mwyn cynyddu ac ymestyn gwaith y Mudiad yn y dalaith

· Gweithio i hybu enw da’r Mudiad drwy farchnata, cyfathrebu a delio a chwynion yn effeithiol

· Sicrhau bod strwythurau a gwaith darpariaethau Mudiad Meithrin yn gynaliadwy

· Sicrhau bod cyfleoedd i staff a phwyllgorau cylchoedd fynychu digwyddiadau hyfforddiant a rhannu arfer dda

· Arwain ar gynllunio strategol lleol gan reoli cynlluniau sirol penodol yn ôl yr angen

· Mynychu ac eirioli dros aelodau’r Mudiad a’r Mudiad ei hun mewn cyfarfodydd strategol megis Cynlluniau Strategol y Gymraeg mewn Addysg,cyfarfodydd gyda swyddogion yr Awdurdodau lleol

· Arwain ar ddatblygu cynllun Sefydlu a Symud o fewn y dalaith

· Mynychu cyfarfodydd Tîm yn dymhorol a chyfarfodydd eraill yn ôl y gofyn

· Sicrhau presenoldeb Mudiad Meithrin mewn digwyddiadau ac achlysuron e.e. Sioeau, sioeau babis, Eisteddfodau

· Sicrhau tîm o staff cyflawn ac adnabod anghenion hyfforddiant a datblygu pob aelod o staff

· Ateb gofynion grantiau perthnasol gan gasglu gwybodaeth, data ac adnabod cyfloed yn ôl y gofyn e.e. UGMA

· Datblygu perthynas a chydweithio gyda phartneriaid o fewn y dalaith

· Cyfrannu’n weithredol at hyrwyddo cydraddoldeb, amrywiaeth a chynhwysiant ym mhob agwedd o’r gwaith, gan wrthod unrhyw ragfarn, ac ymdrin ag unrhyw wrthdaro neu ddigwyddiad yn brydlon yn unol â’r Polisi Cydraddoldeb ac Amrywiaeth

· Ymgymryd â chyfrifoldebau dros ddarpariaeth/au Meithrinfeydd Cymru (Cylchoedd Canolog) drwy’r Dirprwy Rheolwr Talaith

· Unrhyw waith arall perthnasol a chyffredinol i swyddogaeth Mudiad Meithrin yn ôl cyfarwyddyd y Prif Weithredwr