Swyddi Cymraeg

Pwrpas Cyffredinol y Swydd

Cynorthwyo yn y gwaith o ddatblygu a chyflenwi cyfleoedd Dysgu Oedolion yn y Gymuned a ddarperir mewn lleoliadau ar draws Ynys Môn.

• Cynllunio, trefnu a chyflenwi hyfforddiant Llythrennedd Digidol a Gwybodaeth i aelodau o’r cyhoedd a staff, ynghyd â hyrwyddo’r defnydd o blatfformau Digidol y Gwasanaeth.

• Cynnal cysylltiadau da gyda phartneriaid o fewn y sector ar draws yr ardal ddaearyddol a chynrychioli’r Awdurdod mewn cyfarfodydd perthnasol ar lefel weithredol.

• Bod yn gyfrifol am waith trefnu dydd i ddydd cyrsiau mewn amryw leoliadau, yn unol ag anghenion y Gwasanaeth ac mewn ymateb i anghenion dysgwyr.

• Cadw cyswllt gyda grwpiau cymunedol a chyrff trydydd sector er mwyn deall am angen/awydd posibl am gyrsiau a dysgu anffurfiol mewn cymunedau ar draws Môn

Cy**ffredinol: **C_ydymffurfio â Pholisi Diogelu Corfforaethol yr awdurdod lleol a’r dyletswyddau a chyfrifoldebau diogelu y mae’r polisi hwnnw’n ei roi ar bob gweithiwr, gan gydweddu â gwerthoedd craidd yr Awdurdod sy’n cynnwys cefnogi plant, oedolion a all fod mewn perygl a’u teuluoedd er mwyn eu cadw’n ddiogel ac iach._

Prif Ddyletswyddau / Cyfrifoldebau

• Cynorthwyo yn y gwaith o gyflenwi ystod o raglenni i aelodau o’r cyhoedd a staff, sy’n cynnwys cyfeirio ymlaen i lwybrau datblygu gyda darparwyr addysg, yn ogystal â gweithio i sefydlu perthynas gyda lleoliadau newydd ar mwyn ehangu’r cynnig Dysgu Oedolion yn y Gymuned o fewn ardal yr Awdurdod Lleol.

• Cynorthwyo yn y gwaith o ddatblygu a chydlynu’r systemau a phrosesau a ddefnyddir ar gyfer ymgysylltu â chyfranogwyr, yn ogystal â’r rheiny a ddefnyddir i ddarparu cymorth, cyngor ac arweiniad.

• Cynllunio, trefnu a chyflwyno gweithgareddau digidol a chreadigol i blant o bob oed gan ddefnyddio’r offer sydd ar gael o fewn y Gwasanaeth (Raspberry-Pi, Lego Education, I-Pad, Sgrîn werdd ac offer ffotograffiaeth)

• Cynnal cysylltiadau effeithiol â darparwyr gwasanaeth a phartneriaid eraill, gan gynnwys (heb eithrio eraill) Grŵp Llandrillo Menai, Addysg Oedolion Cymru, CyG Môn, Teulu Môn a Dechrau’n Deg.

• Gweithio gyda’r Tîm Llyfrgell a’r Tîm Cyfathrebu Corfforaethol i sicrhau marchnata a hyrwyddo’rgwasanaeth yn effeithiol.

• Cyfrannu tuag at y Cynllun Cyflenwi Gwasanaeth ar gyfer gweithgareddau Dysgu i Oedolion yn y Gymuned.

• Mynychu cyfarfodydd lleol a rhanbarthol perthnasol ar ran y gwasanaeth.

• Cynorthwyo i gadw tudalennau gwe'r gwasanaeth llyfrgell yn gyfredol a pherthnasol sy’n gwneud hi’n haws i ddefnyddwyr gael mynediad at wybodaeth a gwasanaethau llyfrgell.

• Cynorthwyo i ddatblygu cyfrifon cyfryngau cymdeithasol y Gwasanaethau Llyfrgell a Dysgu Oedolion yn y Gymuned o ran cynnwys, effaith a chyrhaeddiad gan ddefnyddio ystod o ddulliau gwahanol i greu cynnwys digidol ar gyfer uchafu potensial hyrwyddo a marchnata.

• Cyfranogi mewn unrhyw weithgareddau hyfforddiant a datblygu er mwyn cynnal datblygiad proffesiynol a hybu cymhwysedd o fewn rôl y swydd.

Rydym yn chwilio am Uwch Swyddog Marchnata a Chyfathrebu i ymuno â'n tîm arbennig yma yn Ynys Môn a Llŷn. Ydych chi’n gyfathrebwr gwych â dealltwriaeth dda o dechnegau marchnata a llygad am stori dda? Os felly, gallai’r swydd hon fod yn berffaith i chi. Os ydych yn frwdfrydig dros rannu straeon a chreu cynnwys gwych, hoffem glywed gennych. 

Mae’r gallu i gyfathrebu trwy gyfrwng y Gymraeg yn hanfodol.  Os oes gennych unrhyw gwestiynau ynglŷn â’r rôl, cysylltwch â [email protected]

Sut brofiad yw gweithio yma

Mae Ynys Môn a Llŷn yn bortffolio gan yr Ymddiriedolaeth Genedlaethol a ffurfiwyd yn ddiweddar gan ddwyn y ddwy ardal ynghyd i ganolbwyntio’n well ar ein safleoedd arfordirol a’n cymunedau yng ngogledd orllewin Cymru. 

Fel portffolio mae ein gwaith yn ymwneud â gofalu am wledd o gynefinoedd arfordirol sy’n gyfoeth o fioamrywiaeth. Nid yw'n syndod felly y bydd llawer o'ch gwaith yn canolbwyntio ar ymgysylltu pobl â'r amgylchedd naturiol y gofalwn amdano. Gallai hyn fod drwy ysgrifennu datganiad i'r wasg i rannu hanes un o'n prosiectau cadwraeth niferus neu hyrwyddo digwyddiad, cyfle gwirfoddoli neu daith dywys i gynulleidfaoedd newydd drwy sianeli cyfryngau cymdeithasol a’n gwefan. 

Mae gennym hefyd lawer o draethau poblogaidd a mannau mynediad arfordirol dan ein gofal, yn ogystal â gerddi ac eiddo adeiledig. Mae Tŷ a Gardd Plas Newydd yn blasty godidog ac yn ardd restredig Gradd 1 ar lannau’r Fenai. Maenordy bychan yw Plas yn Rhiw sy’n swatio mewn gardd brydferth a choetir o’i amgylch ar arfordir de Pen Llŷn, ac mae Porth y Swnt yn ganolfan ymwelwyr ddifyr yn Aberdaron a gynlluniwyd i ysbrydoli pobl i grwydro rhagor ym Mhen Llŷn. Mae’r holl eiddo yn wahanol iawn a byddwch yn gyfrifol am farchnata'r lleoedd arbennig hyn a'r gwaith a wnawn yma yn ddychmygus ac effeithiol gan wella cefnogaeth i'n hachos.

Beth fyddwch chi'n ei wneud

O ddydd i ddydd, byddwch yn datblygu ein cynllun marchnata blynyddol i helpu i gyflawni ein targedau uchelgeisiol, a chyrraedd cynulleidfaoedd newydd. Bydd hyn yn cynnwys diffinio gweithgareddau hysbysebu a chreu deunyddiau a chynnwys hyrwyddo ar draws y cyfryngau gwahanol - yn cynnwys ar y wefan a'r cyfryngau cymdeithasol, ysgrifennu a dosbarthu datganiadau i'r wasg, cefnogi ymgyrchoedd, rheoli delweddau, a'n cynrychioli wrth ffilmio mewn lleoliadau ac ar y cyfryngau darlledu, pan fo angen. 

Rydym yn chwilio am rywun a all ein helpu i gyrraedd cynulleidfaoedd mwy a mwy amrywiol ochr yn ochr â meithrin perthnasoedd gyda’n cymunedau a’n rhanddeiliaid lleol. Bydd gennych yr hyder, sgiliau cyfathrebu a chwilfrydedd i gysylltu'n rhagweithiol â chydweithwyr i ddysgu am yr hyn sy'n mynd ymlaen ym mhob cwr o'r portffolio. Byddwch yn gweithio fel rhan o dîm i sicrhau ein bod yn rhannu'r straeon gorau posibl. Byddwch yn cynnal ymgyrchoedd marchnata i ddenu ymwelwyr i’n lleoedd, lledaenu’r neges am leoedd i ymweld â nhw yn yr awyr agored a chodi ymwybyddiaeth o’n gwaith cadwraeth. 

Bydd gweithio mewn partneriaeth â sefydliadau allanol yn bwysig, gan alinio negeseuon rhwng partneriaid lle bo'n briodol. Bydd cyfathrebu mewnol hefyd yn rhan o'ch rôl, gan wneud yn siŵr bod staff a gwirfoddolwyr o fewn portffolio mor eang yn ddaearyddol yn teimlo wedi'u cysylltu a'u hymgysylltu â'r hyn sy'n mynd ymlaen ar lawr gwlad yn y lleoliadau gwahanol. 

Er y byddwch wedi’ch lleol ym Mhlas Newydd yn bennaf, byddwch yn gweithio ar draws y portffolio cyfan yn eich swydd. Disgwylir y byddwch yn treulio o leiaf 60% o’ch amser ym Mhlas Newydd lle byddwch yn chwarae rhan weithredol yn y tîm gweithrediadau eiddo ac ar y rota rheolwr ar ddyletswydd yn rheolaidd. Byddwch yn treulio gweddill eich amser yn mynd allan gan ryngweithio â chydweithwyr ac ymweld ag eiddo eraill ar draws y portffolio.  

Gall fod gofyn ichi weithio gyda’r nos, ar benwythnosau ac ar wyliau banc. Byddai trafnidiaeth eich hun yn fuddiol oherwydd lleoliadau amrywiol ein safleoedd ar draws y portffolio.  Gofynnir i chi hefyd ddarllen y proffil swydd llawn sydd ynghlwm â'r hysbyseb hon.

Am bwy rydyn ni'n chwilio

·   Dealltwriaeth dda o dechnegau marchnata a phrofiad o ddatblygu a chyflwyno cynlluniau cyfathrebu a marchnata yn ogystal â gwerthuso

·   Dealltwriaeth o bwysigrwydd presenoldeb ar-lein diddorol gyda phrofiad o reoli systemau rheoli cynnwys gwefannau

·   Sgiliau digidol ardderchog, gan gynnwys profiad o reoli sianeli cyfryngau cymdeithasol a chreu cynnwys o safon, gyda delweddau a fideo gwych

·   Sgiliau cyfathrebu ysgrifenedig a geiriol rhagorol gyda phrofiad o ysgrifennu i'r wasg a'r sylw i fanylion i allu ysgrifennu copi a phrawf-ddarllen

·   Sgiliau TG Uwch (gan gynnwys Microsoft Office)

·   Sgiliau rhyngbersonol a rhwydweithio rhagorol

·   y gallu i siarad Cymraeg

Y pecyn

Yr arwyddair sydd wrth wraidd yr Ymddiriedolaeth Genedlaethol yw 'I bawb, am byth'. Rydym yn gweithio'n galed i greu diwylliant cynhwysol, lle mae pawb yn teimlo eu bod yn perthyn iddo. Mae'n bwysig bod ein pobl yn adlewyrchu ac yn cynrychioli amrywiaeth y cymunedau a'r cynulleidfaoedd yr ydym yn eu gwasanaethu. Rydym yn croesawu ac yn gwerthfawrogi gwahaniaeth, felly pan ddywedwn ein bod ar gyfer pawb, rydym eisiau i bawb deimlo'n gartrefol yn ein timau hefyd.  

- Cynllun pensiwn sylweddol hyd at 10% o gyflog sylfaenol

- Mynediad am ddim i eiddo'r Ymddiriedolaeth Genedlaethol, i chi, gwestai a'ch plant (dan 18 oed)

- Cynllun gofal plant di-dreth

- Cynllun benthyciad blaendal rhent

- Benthyciad tocyn tymor

- Gostyngiadau buddion y gweithle, h.y. aelodaeth gampfa, codau gostyngiad siopa, gostyngiadau ar gyfer y sinema

- Lwfans gwyliau hyd at 32 diwrnod mewn perthynas â hyd y gwasanaeth, yn ogystal â chynllun prynu gwyliau, yn amodol ar fodloni meini prawf gofynnol

- Oriau gweithio hyblyg lle bynnag y bo'n bosibl

- Rhaglen cynorthwyo cyflogai

- Parcio am ddim yn y rhan fwyaf o leoliadau

- Cyngor ariannol annibynnol