Swyddi Cymraeg

Noder fod y cyflog a hysbysebir ar gyfer y swydd hon yn amodol ar ddyfarniad cyflog cenedlaethol 2026/2027 sydd ar ddod. Caiff y cyflog terfynol ei addasu yn unol â hynny unwaith y bydd y dyfarniad wedi’i gytuno.

A ydych yn angerddol am drawsnewid gwasanaethau cyhoeddus, sicrhau buddsoddiad a chyflawni newid ystyrlon?

Mae Cyngor Sir Ceredigion yn chwilio am unigolyn eithriadol i arwain y gwaith strategol o gynllunio, dyrannu a llywodraethu’r buddsoddiad ym maes gofal cymdeithasol ar draws Ceredigion a rhanbarth gorllewin Cymru. Mae hwn yn gyfle cyffrous i lunio rhaglenni trawsnewid mawr, dylanwadu ar bolisi ar lefel leol, ranbarthol a chenedlaethol, a sicrhau bod buddsoddiad yn cyflawni manteision parhaol i’n cymunedau.

Ynglŷn â’r Rôl

Fel Rheolwr Adnoddau – Buddsoddi a Thrawsnewid Strategol, byddwch yn arwain y gwaith o ddatblygu a chyflawni strategaethau buddsoddi ar draws rhaglenni cyfalaf a refeniw, gan gefnogi agenda Llesiant Gydol Oes (TAW). Byddwch yn gweithio’n agos gydag uwch arweinwyr, Llywodraeth Cymru, Byrddau Partneriaeth Rhanbarthol ac ystod eang o bartneriaid strategol er mwyn sicrhau, rheoli a gwneud y mwyaf o gyfleoedd buddsoddi.

Byddwch yn gwneud y canlynol:

Arwain y gwaith o baratoi cynlluniau buddsoddi strategol a rhaglenni trawsnewid.

Sicrhau a goruchwylio cyfleoedd sylweddol o ran cyllid grant.

Dylanwadu ar ddatblygiad polisi ar lefel ranbarthol a chenedlaethol

Datblygu achosion busnes a threfniadau llywodraethu ar gyfer rhaglenni cymhleth

Darparu cyngor arbenigol i uwch arweinwyr ar flaenoriaethau buddsoddi a thrawsnewid

Sicrhau rheolaeth effeithiol o ran risgiau, cydymffurfiaeth a chyflawni rhaglenni.

Amdanoch Chi

Rydym yn chwilio am ymgeisydd sydd:

Yn meddu ar radd berthnasol neu gymhwyster cyfatebol.

 phrofiad sylweddol o arwain rhaglenni newid trawsnewidiol.

Yn Ymarferydd Prince2

Yn gallu ymgysylltu’n hyderus ag uwch randdeiliaid ar lefel leol, ranbarthol a chenedlaethol.

Yn meddu ar sgiliau rhagorol o ran cyfathrebu, negodi ac arwain.

Pam Ymuno â Ni?

Mae’r swydd hon yn cynnig cyfle unigryw i ddylanwadu ar gyfeiriad gofal cymdeithasol, llesiant a buddsoddiad ar draws gorllewin Cymru yn y dyfodol. Byddwch yn gweithio ar flaen y gad o ran trawsnewid, gan helpu i lunio gwasanaethau, sicrhau cyllid a gwella canlyniadau i drigolion ledled y rhanbarth.

Rydym yn credu bod cydbwysedd rhwng bywyd a gwaith yn hynod bwysig. Er mwyn eich cefnogi i gyflawni hyn, bydd gennych fynediad at y buddion canlynol:

Gweithio Hybrid: Yn amodol ar fodloni amodau penodol, gallwch ddewis gweithio o gartref neu o un o swyddfeydd y Cyngor.

Amser Hyblyg: Gellir gweithio oriau o fewn patrwm hyblyg diffiniedig rhwng dydd Llun a dydd Gwener, yn amodol ar anghenion y gwasanaeth.

Disgrifiad Swydd a Manyleb Person

Pecyn Gwybodaeth Tîm Ceredigion

Cysylltwch â Ni

Am ragor o wybodaeth ac am drafodaeth anffurfiol ynghylch y swydd hon, cysylltwch â Greg Jones: [email protected]

Noder: Cedwir yr hawl i ymestyn y dyddiad cau.

Rydym yn edrych i recriwtio Rheolwr Prosiectau Priffyrdd i ymuno â’n gwasanaeth Priffyrdd a Gwasanaethau Amgylcheddol.

Ynglŷn â’r rôl

O dan gyfarwyddyd cyffredinol y Rheolwr Gwasanaeth – Cynnal a Chadw’r Rhwydwaith ac Asedau, ac ar y cyd â’r Rheolwyr Gweithredol, bydd gofyn cynllunio, cydlynu a rheoli’r gwaith o gyflawni Prosiectau Priffyrdd, gan gynnwys:

• Darparu Gwasanaeth y Gaeaf.
• Ymatebion brys/y tu allan i oriau.
• Rhaglen flynyddol trin wyneb y ffordd.
• Cynnal systemau rheoli ansawdd Priffyrdd ac Asedau yn unol â safonau ISO (ISO 45001, 15001 a 9001).
• Ynglŷn yr ymgeisydd
• Bydd disgwyl i ddeiliad y swydd fod â:
• HND/HNC mewn Peirianneg Sifil a/neu dystiolaeth amlwg o brofiad llwyddiannus perthnasol o 5 mlynedd o leiaf.
• Trwydded yrru lawn y DU.
• Tystysgrif Archwilydd Mewnol (gellir ei hennill ar ôl dechrau yn y swydd).
• Profiad ymarferol o reoli cyllidebau, caffael ac adnoddau dynol.
• Profiad ymarferol o reoli timau canolig eu maint a gweithio’n effeithiol gyda nhw.
• Gwybodaeth a phrofiad o agweddau gwaith y meysydd gwasanaeth a nodir yn y Disgrifiad Swydd.

Rydym yn chwilio am unigolion â lefel o ruglder yn y Gymraeg. Rydym yn croesawu ceisiadau gan ymgeiswyr nad ydynt yn siaradwyr Cymraeg gan y rhoddir cefnogaeth lwyr yn ystod oriau gwaith i ymgeiswyr llwyddiannus heb y sgiliau gofynnol yn y Gymraeg i gyrraedd y safon a ddymunir ar ôl iddynt gael eu penodi.

Ein cynnig i chi

Rydym wedi ymrwymo ymrymwedig i fuddsoddi yn ein pobl a byddwn nid yn unig yn cynnig cefnogaeth i’ch galluogi i berchenogi meysydd cyfrifoldeb allweddol y swydd hon yn gyflym ac yn hyderus ond hefyd yn cefnogi eich datblygiad er mwyn i chi allu gwneud cynnydd yn eich gyrfa gyda ni.

Yn gyfnewid am eich sgiliau a’ch ymrwymiad, byddwn yn cynnig ystod o fuddion gweithwyr i chi gan gynnwys cynllun oriau hyblyg, gweithio hybrid, lwfans gwyliau blynyddol cystadleuol, cefnogaeth gynhwysfawr i weithwyr o ran iechyd a lles a chynllun cyfraniadau pensiwn hael.

Credwn fod cydbwysedd bywyd a gwaith yn holl bwysig. I’ch cefnogi i gyflawni hyn, bydd gennych fynediad at y buddion dewisol canlynol:

Gweithio Hybrid: Yn amodol ar fodloni rhai amodau, gallwch ddewis gweithio o’ch cartref neu mewn swyddfa.

Flexi-time: Gellir gweithio oriau o fewn lled band diffiniedig, o ddydd Llun i ddydd Gwener, yn amodol ar anghenion gwasanaeth.

Gellir cael mwy o wybodaeth am ein hystod eang o fuddion gweithwyr ar ein gwefan gyrfaoedd.

Manylion Ychwanegol

Disgrifiad Swydd a Manyleb Person

Pecyn Gwybodaeth Tîm Ceredigion

Noder bod y swydd hon yn destun ailstrwythuro gwasanaeth. Bydd y math o gontract yn aros yr un fath ond gall rhai dyletswyddau a llinellau adrodd fod yn destun rhywfaint o newid.

Cysylltwch â ni

Am wybodaeth pellach a thrafodaeth anffurfiol ynglŷn â’r swydd hon ffoniwch Caroline Wride ar 01970 633810 neu ebost [email protected]

Mae prosiect e-sgol wedi bod yn rhedeg ers Medi 2018, yn cynnig gwersi trwy e-ddysgu i ddisgyblion ôl-14 na fyddai ar gael heb y ddarpariaeth arloesol hwn. Yn ychwanegol, mae e-sgol yn gyfrifol am redeg a darparu Carlam Cymru – cyfres o sesiynau adolygu ar ôl ysgol sydd yn atgyfnerthu’r gwaith sy’n digwydd yn yr ysgol. Prosiect cyffrous arall sydd ar y gweill yw gweithio mewn partneriaeth â’r Ganolfan Dysgu Cymraeg Cenedlaethol i geisio gwireddu nod Llywodraeth Cymru o gynnig gwersi Cymraeg am ddim i bobol ifanc 16-18 oed ar draws Cymru gyfan.

Bydd deiliad y swydd hon yn gyfrifol am gydlynu’r prosiect newydd hwn trwy fod yn gyswllt cyson gyda’r Ganolfan Dysgu Cymraeg, yr ysgolion a’r tiwtoriaid Cymraeg yn ogystal â marchnata’r prosiect yn genedlaethol. Dewch i ymuno â thîm brwdfrydig e-sgol er mwyn arwain ar brosiect newydd a chyffrous.

Bydd y gallu i gyfathrebu yn y Gymraeg yn hanfodol i’r swydd hon.

Gweithio Hybrid: Gall yr ymgeisydd llwyddiannus, yn amodol ar fodloni ein gofynion sylfaenol o ran band eang, gweithle a diogelwch gwybodaeth, ddewis a yw’n gweithio gartref neu yn ei leoliad gwaith dan gontract.

Dyddiad cyfweliad: 18/11/2022

Am ragor o wybodaeth neu sgwrs anffurfiol mae croeso i chi gysylltu gyda Llifon Ellis, Pennaeth e-sgol, ar: [email protected]

Noder: Cedwir yr hawl i estyn y dyddiad cau.

Mae diogelu ac amddiffyn plant yn flaenoriaethau allweddol i ni. Ein nod yw cefnogi plant, pobl ifanc a’r rhai sydd mewn perygl i sicrhau eu bod mor ddiogel ag y gallant fod. Rydym yn cydnabod bod gan blant, pobl ifanc a’r rhai sydd mewn perygl hawl i gael eu a byddwn yn cymryd camau i ddiogelu’u lles. Disgwylir i bob aelod o staff a gwirfoddolwr rannu’r ymrwymiad hwn, a bydd angen Gwiriad Gwell gan y Gwasanaeth Datgelu a Gwahardd (DBS), CRB gynt.