Swyddog Adnoddau Dynol

Byddwch yn cefnogi'r Brifysgol i recriwtio myfyrwyr israddedig ac ôl-raddedig o safon uchel o'r DU yn Gymraeg a Saesneg yn ôl y gofyn. 

Prif ffocws eich rôl fydd rhoi gwasanaeth rheoli ymholiadau canolog o'r radd flaenaf i ddarpar fyfyrwyr a'u cynghorwyr – rhieni/gwarcheidwaid ac athrawon. Byddwch yn ymateb i ymholiadau ebost a ffôn allanol drwy roi gwasanaeth cyfeillgar a phroffesiynol o safon uchel sy'n canolbwyntio ar gwsmeriaid. Byddwch yn rhoi atebion cynhwysfawr ac amserol. 

Byddwch yn datblygu gwybodaeth ac ymwybyddiaeth gref o’r portffolio o gyrsiau a gwasanaethau a chyfleusterau cysylltiedig sydd yn y Brifysgol. Byddwch yn datblygu gwybodaeth sylfaenol a chadarn am brosesau ymgeisio’r brifysgol. Ar ben hyn, byddwch yn datblygu "ystorfa" o wybodaeth, atebion parod a Chwestiynau Cyffredin i'ch cynorthwyo chi a'ch cydweithwyr i ymateb yn brydlon i ymholwyr. Byddwch yn defnyddio system Rheoli Cysylltiadau â Chwsmeriaid (CRM) y Brifysgol i reoli a phrosesu ymholiadau allanol. 

Byddwch yn gweithio o dan gyfarwyddyd y Swyddog Tîm Ymholiadau a byddwch yn rhan o dîm Recriwtio Myfyrwyr y DU ond byddwch yn gweithio'n agos gyda chydweithwyr yn y timau recriwtio myfyrwyr a marchnata ehangach yn ogystal â chydweithwyr yng ngholegau ac ysgolion academaidd y Brifysgol.

Bydd y rôl yn gofyn ichi fod yn hyblyg o ran yr oriau gwaith a bydd hyn yn cynnwys rhywfaint o waith y tu allan i’r oriau arferol yn ogystal â gweithio ar y penwythnos weithiau.

Mae'r swydd hon yn llawn amser ac yn ben a gored (35 awr yr wythnos).

Dyddiad hysbysebu: Dydd Iau, 16 Chwefror 2023.

Dyddiad cau: Dydd Iau, 16 Mawrth 2023.

Mae gan Brifysgol Caerdydd yr hawl i gau‘r hysbyseb hon yn gynnar trwy roi rhybudd o 24 awr os oes digon o geisiadau wedi‘u derbyn.

Mae Prifysgol Caerdydd wedi ymrwymo i gefnogi a hyrwyddo cydraddoldeb ac amrywiaeth a chreu amgylchedd gwaith cynhwysol. Credwn y gellir gwneud hynny drwy ddenu, datblygu a chadw ystod amrywiol o staff o lawer o wahanol gefndiroedd. Felly, rydym yn croesawu ceisiadau gan bob rhan o’r gymuned beth bynnag fo’u rhyw, ethnigrwydd, anabledd, cyfeiriadedd rhywiol, hunaniaeth draws, statws perthynas, crefydd neu gred, cyfrifoldebau gofalu, neu oed. Wrth gefnogi ein gweithwyr i gael cydbwysedd rhwng eu gwaith a'u bywydau personol, byddwn hefyd yn ystyried cynigion i rannu swyddi neu weithio'n hyblyg.

Mae Camu i’r Adwy Cyn Camu Yn Ôl yn ymagwedd arloesol tuag at gynorthwyo teuluoedd ar ffiniau gofal, sy’n dangos gostyngiad yn niferoedd y plant a ddaw i ofal, a gwell deilliannau i blant a theuluoedd. Wrth ei chraidd y mae gofalwyr maeth arbenigol, sydd wedi’u hyfforddi’n dda i roi cymorth i deuluoedd, sy’n darparu cymorth ataliol, â therfyn amser arno i hyd at bedwar o deuluoedd ar unrhyw adeg benodol. 

Bydd y Rheolwr Rhaglen yn rheoli’r gorchwyl o weithredu a datblygu’n barhaus y rhaglen Camu i’r Adwy Cyn Camu Yn Ôl yng Nghymru. Yn gychwynnol, fe’i lleolir mewn dau awdurdod lleol, gan weithio’n gydweithredol â’r gwasanaethau i wreiddio’r model Camu i’r Adwy Cyn Camu Yn Ôl. Bydd y Rheolwr Rhaglen yn cynnal cysylltiadau â rhanddeiliaid allweddol ar gyfer y rhaglen ac yn darparu rheolaeth linell i’r ddau swyddog arweiniol sy’n cyflenwi Camu i’r Adwy Cyn Camu Yn Ôl. 

**Amdanoch Chi **

Rydym yn chwilio am rywun sy’n angerddol dros wella bywydau, profiadau a deilliannau i blant a phobl ifanc. Mae arnom angen ichi fod wedi cael profiad o reoli rhaglenni, o arwain timau, ac o weithio’n gydweithredol â sefydliadau sy’n bartneriaid. Bydd yn rhaid i’r ymgeisydd llwyddiannus ddangos y gallu i weithio o fewn sefyllfa a hysbysir gan drawma, gydag ymagwedd sy’n canolbwyntio ar ddatrysiadau.    Mae’r rôl hon drwy Gymru gyfan, rydym yn cynnig gweithio cymysg neu hybrid ac mae gennym swyddfa yng Nghaerdydd. Bydd yn rhaid i’r ymgeisydd llwyddiannus allu teithio i’r swyddfa yng Nghaerdydd pan fo angen, yn ogystal â mynychu digwyddiadau a gweithgareddau ledled Cymru.    Fel sefydliad, rydym wedi’n hymrwymo i gefnogi gweithio hyblyg. Hysbysebir y swydd hon fel swydd amser llawn ond rydym yn agored i geisiadau gan unigolion fyddai’n hoffi gweithio fel rhan o drefniant rhannu swydd. Dynodwch yn eich cais, os gwelwch yn dda, a hoffech gael eich ystyried fel rhan o drefniant rhannu swydd.     Dyddiad cau: Dydd Llun, y 6ed o Fawrth am 9.00yb 

Dyddiad y Cyfweliad: Dydd Mawrth, y 14eg neu ddydd Mercher, y 15fed o Fawrth 

Lleoliad y Cyfweliad: Yn bersonol yn ein swyddfa yng Nghaerdydd 

Mae cyfle wedi codi i ymuno â’r Ganolfan Addysg Feddygol fel Athro – Darpariaeth Cyfrwng Cymraeg, i ehangu ei chyfadran academaidd ddwyieithog Cymraeg/Saesneg. Bydd yr ymgeisydd yn gweithio’n agos gyda thîm, staff, myfyrwyr a rhanddeiliaid allanol y rhaglen i gyflwyno addysg sy’n seiliedig ar dystiolaeth a chefnogi’r myfyrwyr drwy eu taith addysgol.

Bydd yr ymgeisydd llwyddiannus yn addysgu yn rhan o’r rhaglen MBBCh israddedig, gan gynnwys datblygu, cyflwyno a gwerthuso modiwlau/rhaglenni cyfrwng Cymraeg/dwyieithog. 

Bydd deiliad y swydd yn rhan o gymuned ehangach o staff academaidd ym Mhrifysgol Caerdydd a ledled Cymru sy’n gweithio tuag at gyflawni nod y Coleg Cymraeg Cenedlaethol, sef rhoi statws llawn i’r Gymraeg fel cyfrwng addysgu ac ymchwil yn sector y prifysgolion. Mae angen y rôl yn benodol i hwyluso grwpiau Dysgu Seiliedig ar Achosion felly bydd angen iddynt allu ymrwymo i oriau addysgu penodol ar ddyddiau Llun/Gwener yn ystod semester yr Hydref a dyddiau Mawrth/Gwener yn ystod semester y Gwanwyn (mis Medi tan fis Mehefin).

Bydd hefyd yn goruchwylio a chefnogi myfyrwyr israddedig, ac yn ymgymryd â dyletswyddau gweinyddol academaidd yn y rhaglen yn ôl y gofyn; gan geisio rhagoriaeth mewn addysgu ac ysbrydoli eraill i wneud yr un fath. 

Dylai ymgeiswyr feddu ar gymhwyster ôl-raddedig ar lefel 7 (neu gyfwerth) mewn pwnc sy’n gysylltiedig â’r biofeddygol neu ofal iechyd neu brofiad perthnasol, y gallu diamheuol i addysgu ar lefel israddedig/ôl-raddedig drwy gymhwyster addysgu, sgiliau cyfathrebu (Cymraeg/Saesneg) rhagorol a’r gallu i gyflwyno syniadau cymhleth a chysyniadol yn eglur ac amrywiaeth o gyfryngau.

Mae’r gallu i gynnig cefnogaeth fugeiliol briodol i fyfyrwyr, gwerthfawrogi anghenion ac amgylchiadau myfyrwyr unigol, a bod yn diwtor personol iddynt yn y Gymraeg a’r Saesneg yn allweddol i’r rôl.

Mae rhuglder yn y Gymraeg yn hanfodol ar gyfer y rôl hon. 

Os oes gennych ymholiadau anffurfiol ynglŷn â’r rôl hon, cysylltwch a Dr Awen Iorwerth, Darlithydd Clinigol (Arweinydd Academaidd y Gymraeg) drwy ebostio [email protected]

Oriau amrywiol sydd i’r swydd hon (rhagwelir y bydd yn cynnwys 168 o oriau’r flwyddyn, a byddwn yn cytuno ar y patrwm gwaith maes o law), yn benagroed ac mae ar unwaith.   Cyflog: £35,333 - £42,155 y flwyddyn, pro rata (Gradd 6), ond rhagwelir mai £35,333 y flwyddyn, pro-rata fydd uchafswm y cyflog cychwynnol.

Dyddiad cau: Dydd Mawrth, 14 Mawrth 2023.   Mae Prifysgol Caerdydd wedi ymrwymo i gefnogi a hyrwyddo cydraddoldeb ac amrywiaeth a sicrhau amgylchedd gwaith cynhwysol. Rydym o’r farn y gellir gwneud hyn drwy ddenu, datblygu a chadw ystod o staff o lawer o gefndiroedd gwahanol. Felly, rydym yn croesawu ceisiadau gan bob rhan o’r gymuned beth bynnag fo’u rhyw, ethnigrwydd, anabledd, cyfeiriadedd rhywiol, hunaniaeth drawsryweddol, statws perthynas, crefydd neu gred, cyfrifoldebau gofalu, neu oed. Wrth helpu ein gweithwyr i sicrhau cydbwysedd rhwng eu gwaith a’u bywyd personol, byddwn hefyd yn ystyried cynigion i rannu’r swydd neu weithio’n hyblyg.

Mae S4C yn chwilio am Gyhoeddwr rhan amser i ymuno a’r adran Gyhoeddi. Byddwch yn gyfrifol am gyflwyno a chyfansoddi 'lincs' rhwng rhaglenni S4C ac yn ystod toriadau hysbysebion gan gynnwys unrhyw waith llenwi sy'n angenrheidiol er mwyn cywiro’r amserlen darlledu neu er mwyn cyfleu gwybodaeth i'r cyhoedd, a pha bynnag waith cyflwyno arall y bo ei angen ar S4C yn ystod eich oriau gwaith. 

Bydd y gwaith yma yn cynnwys yr holl waith gweinyddol sy'n deillio o'ch dyletswyddau fel Cyhoeddwr, gwaith hyrwyddo a chyhoeddusrwydd ar ran S4C gan gynnwys ond heb gyfyngiad ymddangosiadau cyhoeddus, dybio a throsleisio ar gyfer unrhyw waith hyrwyddo neu gynnyrch eraill a gynhyrchir neu a gomisiynir gan S4C. 

Mae’r gallu i gyfathrebu ar lafar yn gywir ac yn raenus yn y Gymraeg a’r Saesneg yn hanfodol ar gyfer y swydd yma. Yn ogystal, mae’r gallu i ysgrifennu yn gywir yn y Gymraeg a’r Saesneg i safon uchel yn hanfodol.

Fel rhan o’r cais, bydd angen recordiad o’ch llais yn cyhoeddi’r sgriptiau y byddwn yn ei ddarparu ar eich cyfer. Pob recordiad i fod dim llai na 10 eiliad o hyd a dim mwy na 25 eiliad. 

Manylion eraill

Lleoliad: Lleoliad arferol eich gwaith fydd Sgwâr Canolog, Caerdydd, CF10 1FT ond disgwylir i chi deithio i le bynnag y bydd S4C yn rhesymol yn ei orchymyn.

Cyflog: £33,075.56 y flwyddyn. Byddwch yn derbyn cyfran pro rata o'r cyflog ar gyfer hyd y cytundeb.

Oriau gwaith: 23.33 yr wythnos. Patrwm shift dydd Sadwrn 12.00 - 24.00 a dydd Sul 12.00 - 24.00 bob tair wythnos. Mi fyddwch yn derbyn brêc di-dâl o 20 munud y dydd. 

Cytundeb: 26 wythnos

Cyfnod prawf: 12 wythnos

Gwyliau: 7 diwrnod, sef swm pro rata am y cyfnod.

Pensiwn: Mae hawl gan staff cyflogedig ymuno â Chynllun Pensiwn Personol Grŵp yn ddarostyngedig i delerau unrhyw gynllun sydd mewn bodolaeth ac a ddiwygiwyd o dro i dro. Os byddwch yn aelod o’r Cynllun Pensiwn Personol Grŵp, bydd S4C yn cyfrannu 10% o’ch cyflog sylfaenol i’r Cynllun. Disgwylir i chi gyfrannu 5%. 

Ceisiadau 

Dylid anfon ceisiadau erbyn 17.00 ar ddydd Mercher 8 Mawrth 2023 at [email protected] neu Adnoddau Dynol, Canolfan S4C, Yr Egin, Caerfyrddin, SA31 3EQ. 

Nid ydym yn derbyn CV.

Ni fydd cais a gyflwynir yn Gymraeg yn cael ei drin yn llai ffafriol na chais a gyflwynir yn Saesneg.

Cyfle Cyfartal ac Amrywiaeth 

Nid yw S4C yn caniatáu gwahaniaethu ar sail rhyw, hil, lliw, anabledd, cefndir ethnig neu economaidd-gymdeithasol, oedran, amgylchiadau teuluol, statws priodasol neu bartneriaeth sifil, gweithwyr amser llawn neu ran-amser, crefydd, safbwynt gwleidyddol, cyfeiriadedd rhywiol, ailbennu rhywedd, beichiogrwydd a mamolaeth, defnydd ar iaith (heblaw lle bo’r gallu i gyfathrebu yn Gymraeg yn hanfodol i’r swydd) neu wahaniaeth amherthnasol arall ac mae’n ymroi i weithio gydag amrywiaeth mewn ffordd gadarnhaol. 

Mae S4C yn croesawu ac yn annog ceisiadau gan grwpiau o bobl sydd wedi’u tangynrychioli, gan gynnwys grwpiau pobl dduon a lleiafrifoedd ethnig a phobl ag anableddau. Bydd egwyddorion cystadleuaeth deg ac agored yn berthnasol a phenodir ar sail teilyngdod. 

Mae S4C yn chwilio am Gyfarwyddwr Cyfathrebu a Marchnata bydd yn gyfrifol am greu a gweithredu strategaeth gyfathrebu a marchnata clir, gydlynol a chreadigol. Byddwch yn gyfrifol am arwain swyddogaeth gyfathrebu a marchnata gref ac uchelgeisiol gan gymryd camau cadarnhaol i adrodd stori real a pherthnasol, gan greu bwrlwm am frand a chynnwys S4C. 

Byddwch yn meithrin perthnasoedd gweithredol yn fewnol ac yn allanol gan ddefnyddio sianeli a llwyfannau amrywiol mewn amgylchedd cyflym, cystadleuol. Yn brofiadol ym maes cyfathrebu, a materion cyhoeddus cewch gyfle i arwain tîm o fewn sefydliad sy'n trawsnewid a thirwedd sydd yn newid yn gyflym.

Yn gweithredu fel llysgennad i S4C, byddwch yn ymdrechu i warchod enw da S4C, gyda chyfrifoldeb corfforaethol dros wella’r ffordd mae S4C yn cyfathrebu â rhanddeiliaid a chynulleidfaoedd. Byddwch yn hollbwysig wrth drawsnewid y ffordd maent yn ymwneud a’n cynnwys ar draws Cymru, y DU ac yn rhyngwladol. Byddwch yn cyfathrebu'n rhagweithiol flaenoriaethau S4C ar y cyd ag eraill, ar draws yr holl gyfryngau, gan ddangos effaith a dealltwriaeth glir o ystyriaethau gwleidyddol a gweithredol.

Byddwch yn chwarae rôl allweddol ar y cyd a’r Prif Weithredwr a’r Tîm Rheoli i ddatblygu strategaeth 5-mlynedd i esblygu proffil S4C a’i ddelwedd ymhellach gyda chynulleidfaoedd newydd sydd yn bodoli yn barod boed yng Nghymru neu yn rhyngwladol. Mi fydd cynulleidfaoedd a rhanddeiliaid wrth galon y strategaeth.

Bydd y rôl yn rhan o'r Tîm Rheoli ac yn adrodd i’r Prif Weithredwr.

Mae’r gallu i gyfathrebu ar lafar ac yn ysgrifenedig i lefel uwch yn y Gymraeg yn hanfodol ar gyfer y rôl yma. 

Manylion Eraill

Lleoliad: Lleoliad arferol eich gwaith fydd Canolfan S4C yr Egin, Heol y Coleg, Caerfyrddin SA31 3EQ. Mae hefyd gennym swyddfeydd yng Nghaernarfon a Chaerdydd. Rydym yn cynnig trefniadau gweithio’n ‘hybrid’ ynghyd ag ystod eang o batrymau hyblyg gwahanol. 

Cyflog: Yn unol â phrofiad 

Cytundeb: Parhaol

Oriau gwaith: 35¾ yr wythnos. Oherwydd natur y swydd, disgwylir hyblygrwydd, gan gynnwys gweithio tu allan i oriau swyddfa, ar rai penwythnosau a gwyliau banc.

Cyfnod prawf: 6 mis

Gwyliau: Yn ychwanegol i'r gwyliau banc statudol, bydd gennych hawl i 26 diwrnod o wyliau gyda thâl y flwyddyn.

Pensiwn: Mae hawl gan staff cyflogedig ymuno â Chynllun Pensiwn Personol Grŵp yn ddarostyngedig i delerau unrhyw gynllun sydd mewn bodolaeth ac a ddiwygiwyd o dro i dro. Os byddwch yn aelod o’r Cynllun Pensiwn Personol Grŵp, bydd S4C yn cyfrannu 10% o’ch cyflog sylfaenol i’r Cynllun.

Disgwylir i chi gyfrannu 5%. 

Ceisiadau 

Dylid anfon ceisiadau erbyn 17.00 ar ddydd Mercher 01 Mawrth 2023 at [email protected] neu Adnoddau Dynol, Canolfan S4C, Yr Egin, Caerfyrddin, SA31 3EQ. 

Nid ydym yn derbyn CV.

Ni fydd cais a gyflwynir yn Gymraeg yn cael ei drin yn llai ffafriol na chais a gyflwynir yn Saesneg.

Cyfle Cyfartal ac Amrywiaeth 

Nid yw S4C yn caniatáu gwahaniaethu ar sail rhyw, hil, lliw, anabledd, cefndir ethnig neu economaidd-gymdeithasol, oedran, amgylchiadau teuluol, statws priodasol neu bartneriaeth sifil, gweithwyr amser llawn neu ran-amser, crefydd, safbwynt gwleidyddol, cyfeiriadedd rhywiol, ailbennu rhywedd, beichiogrwydd a mamolaeth, defnydd ar iaith (heblaw lle bo’r gallu i gyfathrebu yn Gymraeg yn hanfodol i’r swydd) neu wahaniaeth amherthnasol arall ac mae’n ymroi i weithio gydag amrywiaeth mewn ffordd gadarnhaol. 

Mae S4C yn croesawu ac yn annog ceisiadau gan grwpiau o bobl sydd wedi’u tangynrychioli, gan gynnwys grwpiau pobl dduon a lleiafrifoedd ethnig a phobl ag anableddau. Bydd egwyddorion cystadleuaeth deg ac agored yn berthnasol a phenodir ar sail teilyngdod. 

Mae S4C yn chwilio am Arweinydd Cyfathrebu i arwain y Tîm Cyfathrebu gan gynnwys staff Gwifren Gwylwyr, er mwyn sicrhau fod eu gwaith yn taro amcanion strategol S4C.

Byddwch yn chwarae rhan flaenllaw mewn rhoi cyhoeddusrwydd i raglenni a gwasanaethau cyhoeddusrwydd i'r cyfryngau a rhanddeiliaid. Fe fyddwch yn rhoi datganiadau adweithiol ar y cyd â thîm Cyfathrebu yn ogystal â chwarae rhan flaenllaw wrth gefnogi cyfathrebu mewnol ar draws S4C i hoelio sylw staff ar draws y sefydliad. 

Byddwch yn ymuno â thîm cyfathrebu prysur sy’n hyrwyddo gwaith S4C, yr unig Ddarlledwr Cyhoeddus Cymraeg yng Nghymru. Bydd sgôp eich gwaith yn cwmpasu ehangder arlwy'r sianel gan gynnwys newyddion, drama, chwaraeon, rhaglenni plant a phobl ifanc, adloniant, cerddoriaeth, rhaglenni dogfen a materion cyfoes.

Mae’r gallu i gyfathrebu yn rhugl i lefel uchel yn y Gymraeg a Saesneg gyda staff ac eraill ar bob lefel, yn ysgrifenedig ac ar lafar yn hanfodol i’r rôl yma.

Manylion eraill

Lleoliad: Lleoliad arferol eich gwaith fydd Canolfan S4C yr Egin, Caerfyrddin, SA31 3EQ. Mae gan S4C swyddfeydd yng Nghaerfyrddin, Caerdydd a Chaernarfon ac maent yn gweithredu polisi gweithio’n hybrid. Disgwylir i chi deithio i le bynnag y bydd S4C yn rhesymol yn ei orchymyn. 

Cyflog: O gwmpas £43,000 y flwyddyn. Os ydych yn cael eich cyflogi yn rhan amser byddwch yn derbyn cyfran pro rata o'r cyflog.

Oriau gwaith: 35¾ yr wythnos. Oherwydd natur y swydd, disgwylir hyblygrwydd, gan gynnwys gweithio tu allan i oriau swyddfa, ar rai penwythnosau a gwyliau banc. 

Cytundeb: Parhaol

Cyfnod prawf: 6 mis

Gwyliau: Yn ychwanegol i'r gwyliau banc statudol, bydd gennych hawl i 26 diwrnod o wyliau gyda thâl y flwyddyn. Os ydych yn cael eich cyflogi yn rhan amser byddwch yn derbyn cyfran pro rata o'r gwyliau.

Pensiwn: Mae hawl gan staff cyflogedig ymuno â Chynllun Pensiwn Personol Grŵp yn ddarostyngedig i delerau unrhyw gynllun sydd mewn bodolaeth ac a ddiwygiwyd o dro i dro. Os byddwch yn aelod o’r Cynllun Pensiwn Personol Grŵp, bydd S4C yn cyfrannu 10% o’ch cyflog sylfaenol i’r Cynllun. Disgwylir i chi gyfrannu 5%. 

Ceisiadau  Dylid anfon ceisiadau erbyn 17.00 ar ddydd Sul 05 Mawrth 2023 at [email protected] neu Adnoddau Dynol, Canolfan S4C, Yr Egin, Caerfyrddin, SA31 3EQ. 

Nid ydym yn derbyn CV.

Ni fydd cais a gyflwynir yn Gymraeg yn cael ei drin yn llai ffafriol na chais a gyflwynir yn Saesneg.

Cyfle Cyfartal ac Amrywiaeth 

Nid yw S4C yn caniatáu gwahaniaethu ar sail rhyw, hil, lliw, anabledd, cefndir ethnig neu economaidd-gymdeithasol, oedran, amgylchiadau teuluol, statws priodasol neu bartneriaeth sifil, gweithwyr amser llawn neu ran-amser, crefydd, safbwynt gwleidyddol, cyfeiriadedd rhywiol, ailbennu rhywedd, beichiogrwydd a mamolaeth, defnydd ar iaith (heblaw lle bo’r gallu i gyfathrebu yn Gymraeg yn hanfodol i’r swydd) neu wahaniaeth amherthnasol arall ac mae’n ymroi i weithio gydag amrywiaeth mewn ffordd gadarnhaol. 

Mae S4C yn croesawu ac yn annog ceisiadau gan grwpiau o bobl sydd wedi’u tangynrychioli, gan gynnwys grwpiau pobl dduon a lleiafrifoedd ethnig a phobl ag anableddau. Bydd egwyddorion cystadleuaeth deg ac agored yn berthnasol a phenodir ar sail teilyngdod. 

Mae Cyngor Celfyddydau Cymru yn chwilio am Gynorthwyydd Personol i’r Cyfarwyddwr Gweithrediadau (Gwasanaethau Ariannu’r Celfyddydau). Bydd y Cynorthwyydd Personol yn chwarae rhan allweddol wrth helpu i gefnogi a chydlynu gweithgaredd aelodau’r tîm a phrosiectau corfforaethol, ond eu prif ffocws fydd darparu cymorth a chefnogaeth weinyddol i’r Cyfarwyddwr. Bydd hyn yn cynnwys cydlynu cyfathrebu, gohebiaeth, apwyntiadau/rheoli dyddiadur, teithio a threuliau. Bydd hefyd yn cynnwys cynllunio, trefnu a gweinyddu cyfarfodydd.

Amdanoch chi

Bydd gan yr ymgeisydd llwyddiannus profiad blaenorol a perthnasol o ddarparu gwasanaethau gweinyddol o safon uchel a chymorth rheng flaen o fewn tîm bach prysur, sy’n hwyluso gweithio hyblyg/mudol. Bydd ganddynt sgiliau TG datblygedig iawn. Mae’r gallu i weithio o’ch menter eich hun ac i flaenoriaethu yn hanfodol, ynghyd a sgiliau cyfathrebu da ac ymrwymiad i safonau uchel o ran gofal cwsmeriaid.

Yr Iaith Gymraeg

Gweithiwn drwy gyfrwng y Gymraeg a’r Saesneg ac mae rhuglder yn y Gymraeg (ar lafar ac yn ysgrifenedig) yn hanfodol ar gyfer y rôl hon. Ar ôl cael eich penodi gallwn eich cefnogi chi i ddatblygu a gwella’ch sgiliau iaith ymhellach ac i gynyddu eich hyder wrth siarad ac ysgrifennu yn y Gymraeg.

Sut i ymgeisio

Cyflwynwch Ffurflen Gais a Ffurflen Monitro Cydraddoldeb, Amrywiaeth a Chynhwysiant mewn fformat Word. Os hoffech chi gyflwyno’ch cais mewn fformat arall, fel nodyn llais, fideo neu fideo Iaith Arwyddion Prydain, cysylltwch â ni yn gyntaf os gwelwch yn dda.

Dyddiad cau:12:00 canol dydd, dydd Gwener 10 Mawrth 2023

Lleoliad: Gellir lleoli’r rôl hon yn unrhyw un o swyddfeydd Cyngor Celfyddydau Cymru ym Mae Caerdydd, Caerfyrddin neu Bae Colwyn. Ar hyn o bryd rydym yn gweithio mewn ffordd hybrid.

Mae ein buddion yn cynnwys oriau/gwaith hyblyg, gwyliau hael a chynllun pensiwn cyflog terfynol.

Mae Cyngor Celfyddydau Cymru yn gyflogwr cynhwysol, a dymunwn adlewyrchu’r cymunedau amrywiol yr ydym yn eu gwasanaethu. Mae ceisiadau gan bobl ddiwylliannol ac ethnig amrywiol a grwpiau sydd heb gynrychiolaeth ddigonol yn cael eu hannog a’u croesawu’n gynnes. Croesewir ceisiadau yng Nghymraeg neu Saesneg a byddwn yn gohebu â chi yn eich dewis iaith. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg. Ein nod yw cymryd camau cadarnhaol i sicrhau bod pob ymgeisydd yn cael ei ddewis ar gyfer swyddi yn ôl eu haddasrwydd ar gyfer y rôl yn unig.

Bydd y Cyngor Celfyddydau yn darparu cefnogaeth i sicrhau eich bod yn teimlo’n gyffyrddus yn ymuno â’r sefydliad, y math a all fod yn newydd neu’n anghyfarwydd i chi, fel y gallwch deimlo’ch gorau yn y gwaith. Bydd mentora neu hyfforddiant hefyd yn cael ei ddarparu yn ystod y cyfnod ymsefydlu, os bydd angen.

Gwahoddir ceisiadau am y swydd ran amser (60% CALl barhaol uchod yn yr Ysgol Iaith, Diwylliant a’r Celfyddydau. Ysgol amlddisgyblaethol yw hon sydd wedi ymrwymo i feithrin gweithwyr proffesiynol creadigol ac uchelgeisiol a meddylwyr beirniadol. Mae’n gartref i staff a myfyrwyr sy’n awyddus i lunio diwylliant cyfoes a’r byd cyhoeddus yn ehangach.

Cyfoethogir yr Ysgol gan ei hethos ddwyieithog gadarnhaol a'i phartneriaethau gyda'r cyfryngau a sefydliadau celfyddydol.

Byddwch wedi'ch addysgu hyd at lefel gradd ôl-radd mewn maes pwnc perthnasol (ac yn ddelfrydol yn meddu ar PhD, neu bron â bod yn barod i’w gyflwyno). Bydd gennych arbenigedd mewn ymarfer newyddiadurol cyfredol, a pheth profiad o addysgu mewn addysg uwch. Mae profiad o gynhyrchu ffeithiol ehangach yn ddymunol.Rydym hefyd yn gofyn i chi ymrwymo i'n gwerthoedd a'n huchelgais i ddarparu addysg ragorol i'n myfyrwyr a fydd o gymorth iddynt wrth gyflawni gyrfaoedd gwerth chweil fel graddedigion.

Mae sut y caiff cynnwys newyddiadurol o safon ei gynhyrchu yn parhau i esblygu'n gyflym. Dyma ddiwydiant lle mae angen sgiliau proffesiynol ac ymarferol newydd yn gyson a bydd y swydd hon yn arbenigo mewn gweithio yn y dirwedd aml-gyfrwng honno. Bydd gofyn i chi gyflwyno’r modiwlau newyddiaduraeth ymarferol presennol ar draws y cwricwlwm israddedig. Bydd cyfleoedd i esblygu’r cwricwlwm newyddiaduraeth a chynhyrchu ar gyfrer y cyfryngau yn ehangach fel rhan o dîm cyfeillgar, colegol o staff sy’n gweithio ar draws meysydd ffilm, y cyfryngau a newyddiaduraeth.

Disgwylir i’r ymgeisydd llwyddiannus ddechrau ar 1 Medi, 2023.

Byddwch yn gweithio ar y campws ym Mangor. Trwy ein fframwaith Gweithio Deinamig, bydd dewis hefyd i dreulio peth amser yn gweithio o bell (er yn aros yn y Deyrnas Unedig) i gynnal cydbwysedd bywyd a gwaith. Trafodir hyn ymhellach gyda’r ymgeiswyr yn y cyfweliad.

Mae gallu cyfathrebu yn Gymraeg yn hanfodol i'r swydd hon. Mae Prifysgol Bangor wedi ymrwymo i gyfle cyfartal, ac rydym yn annog ceisiadau gan ystod mor amrywiol â phosibl o ymgeiswyr.

Derbynnir ceisiadau ar-lein yn unig, trwy ein gwefan recriwtio, jobs.bangor.ac.uk. Ond os cewch drafferth defnyddio’r wefan oherwydd anabledd, mae ffurflenni cais papur ar gael trwy ffonio 01248 383865.

Dyddiad cau derbyn ceisiadau: 10 Mawrth 2023

Wedi Ymrwymo i Gyfle Cyfartal

Amcan y swydd: 

Cynnal gweithredoedd gweinyddol i gefnogi gwaith y Fenter - gwasanaethau plant, cynlluniau chwarae, ieuenctid, addysg oedolion a digwyddiadau.

Disgrifiad:

Prif Ddyletswyddau

Sicrhau bod systemau gweinyddol yn gywir a wedi ei ddiweddaru yn ddyddiol

Sicrhau bod manylion talu, cofrestr wythnosol a dyddiol a manylion cyswllt gofal plant yn gywir ac yn cael eu cadw’n ddiogel yn ddigidol

Gweinyddu a monitro trefniadau a thaliadau dros ffôn ac e-bost

Cyfathrebu yn glir ac yn safonol ar lafar ac yn ysgrifenedig yn Gymraeg a Saesneg

Diweddaru taenlen cofrestrau plant a’u danfon yn ddyddiol at yr Arweinwyr y Clybiau Carco a’r ysgolion

Paratoi dosraniadau unigol a dosbarthu biliau i rieni fel rhan o’r tîm

Chwilio am a chynorthwyo gyda ceisiadau grant 

Sicrhau bod rhediad arferol y swyddfa yn llyfn a bod amserlen waith pawb wedi ei arddangos yn glir

Rheoli gweithredoedd y swyddfa gan gynnwys iechyd a diogelwch a sicrhau bod adnoddau a deunyddiau angenrheidiol ar gael

Mynychu hyfforddiant datblygiad personol

Ymateb i anghenion a gweithredu yn ôl y galw

Unrhyw ddyletswyddau rhesymol arall yn ôl y galw

Dyletswyddau eraill:

Cyfeirio cysylltiadau i’r personau cywir

Cynorthwyo i ddosbarthu taflenni, adnoddau a gwaith papur i’r darpariaethau angenrheidiol

Cynorthwyo i farchnata’r darpariaethau ar y cyfryngau cymdeithasol

Ymweld a darpariaethau pan fo’r angen

Gofynion angenrheidiol

1.   Y gallu i gyfathrebu i safon uchel yn Gymraeg a Saesneg ar lafar ac yn ysgrifenedig 

2.   Y gallu i drefnu amserlenni a gwaith papur yn effeithiol a chywir

3.   Y gallu i ymateb i ofynion amrywiol y gwasanaethau gan ddilyn gweithdrefnau cadarn

4.   Parodrwydd i fynychu hyfforddiant datblygiad personol

5.   Y gallu i weithio’n annibynnol a gweithio fel rhan o dîm y Fenter   6.   Bod yn weinyddol effeithiol, yn drefnus a chydwybodol 

7.   Meddu ar drwydded yrru lawn 

8.   Sgiliau cyfrifiadurol da iawn gan gynnwys Microsoft Office/Microsoft Office 365 yn enwedig Excel  

Mae’r Coleg Gwyddorau Dynol yn awyddus i benodi Uwch Swyddog Clercyddol parhaol, llawn amser i ymuno â Thîm Gweinyddol y Coleg. Bydd deiliad y swydd yn gyfrifol yn benodol am yr Ysgol Gwyddorau Addysgol.

Bydd y dyletswyddau'n cynnwys darparu cefnogaeth weinyddol effeithlon i Bennaeth yr Ysgol a'r Uwch Dîm Gweithredol a threfnu a rhoi prosesau a gweithdrefnau gweinyddol ar waith o fewn yr Ysgol o ddydd i ddydd.

Dylai ymgeiswyr fod wedi cael addysg i safon Lefel A neu NVQ Lefel 3 (neu gymhwyster cyfwerth) mewn maes pwnc perthnasol, neu feddu ar brofiad gweinyddol perthnasol. Dylai fod gan yr ymgeisydd llwyddiannus hefyd brofiad o weithio mewn swyddfa / swydd weinyddol a gallu defnyddio rhaglenni Microsoft Office. Dylai ymgeiswyr fedru dangos sgiliau trefnu ardderchog a’r gallu i drin baich gwaith amrywiol a thrwm.

Mae gallu cyfathrebu yn Gymraeg yn hanfodol i'r swydd hon.

Disgwylir i’r ymgeisydd llwyddiannus ddechrau yn y swydd cyn gynted â phosib. 

Byddwch yn gweithio ar y campws ym Mangor. Trwy ein fframwaith Gweithio Deinamig, bydd dewis hefyd i dreulio peth amser yn gweithio o bell (er yn aros yn y Deyrnas Unedig) i gynnal cydbwysedd bywyd a gwaith. Trafodir hyn ymhellach gyda’r ymgeiswyr yn y cyfweliad. 

Derbynnir ceisiadau ar-lein yn unig, trwy ein gwefan recriwtio, jobs.bangor.ac.uk. Ond os cewch drafferth defnyddio’r wefan oherwydd anabledd, mae ffurflenni cais papur ar gael trwy ffonio 01248 383865.

Dyddiad cau derbyn ceisiadau: 27 Chwefror, 2023.

Cewch wneud ymholiadau anffurfiol trwy gysylltu â: Gwawr Griffiths, Gweinyddwr y Coleg, e-bost: [email protected].

Wedi Ymrwymo i Gyfle Cyfartal

Rydym yn awyddus i benodi Uwch Swyddog Gwirfoddoli a Chymuned i ymuno â'n tîm arbennig yma yn Ynys Môn a Llŷn. Os oes gennych chi brofiad o reoli gwirfoddolwyr ac ymgysylltiad cymunedol, byddem wrth ein bodd yn clywed gennych chi – gyda thîm o 150 o wirfoddolwyr a chymunedau lleol bywiog, mae cysylltu â phobl yn ganolog i’r rôl hon.

Os oes gennych chi unrhyw gwestiynau am y rôl hon, cysylltwch ag [email protected]

Mae Ynys Môn a Llŷn yn bortffolio gan yr Ymddiriedolaeth Genedlaethol a ffurfiwyd yn ddiweddar gan ddwyn y ddwy ardal ynghyd i ganolbwyntio’n well ar ein safleoedd arfordirol a’n cymunedau yng ngogledd orllewin Cymru.

Fel portffolio mae ein gwaith yn ymwneud â gofalu am wledd o gynefinoedd arfordirol sy’n gyfoeth o fioamrywiaeth. Nid yw'n syndod felly y bydd llawer o'ch gwaith yn canolbwyntio ar ymgysylltu pobl â'r amgylchedd naturiol y gofalwn amdano. Wrth weithio ar draws ein hadrannau a safleoedd, byddwch yn hyrwyddo ein cynllun portffolio ar gyfer gwirfoddoli ac ymgysylltiad cymunedol, gan gynnwys datblygu ffyrdd newydd o weithio ac atgyfnerthu cysylltiadau gyda chynulleidfaoedd hen a newydd.

Mae gennym hefyd lawer o draethau poblogaidd a mannau mynediad arfordirol dan ein gofal, yn ogystal â gerddi ac eiddo adeiledig. Mae Tŷ a Gardd Plas Newydd yn blasty godidog ac yn ardd restredig Gradd 1 ar lannau’r Fenai. Maenordy bychan yw Plas yn Rhiw sy’n swatio mewn gardd brydferth a choetir o’i amgylch ar arfordir de Pen Llŷn, ac mae Porth y Swnt yn ganolfan ymwelwyr ddifyr yn Aberdaron a gynlluniwyd i ysbrydoli pobl i grwydro rhagor ym Mhen Llŷn. Mae’r holl eiddo yn wahanol iawn, ac mae’r rôl hon yn cynrychioli cyfle cyffrous i gyflawni dyheadau gwirfoddoli a chymuned Ynys Môn a Llŷn ledled y portffolio. 

Mae'r Ymddiriedolaeth Genedlaethol yng Nghymru yn sefydliad dwyieithog a rhaid i'r holl staff a gwirfoddolwyr ddangos ymrwymiad i weithio mewn amgylchedd cwbl ddwyieithog. Cwblhewch yr Asesiad Cymhwysedd Iaith Gymraeg ynghlwm a'i uwchlwytho ochr yn ochr â'ch CV. Ar gyfer y swydd hon mae angen cymhwysedd Gwrando, Deall a Siarad ar lefel 4 o leiaf.

Byddwch yn arwain y gwaith o ddatblygu a chyflwyno cynllun strategol y portffolio hwn ar gyfer gwirfoddoli a chymunedau, ochr yn ochr â thîm rheoli’r eiddo. Gyda ffocws clir ar ganfod a meithrin cysylltiadau gyda grwpiau cymunedol phartneriaid presennol a darpar bartneriaid, byddwch hefyd yn gwella hyder a gallu ein rheolwyr gwirfoddoli. Byddwch yn hyfforddi’r holl reolwyr gwirfoddoli a’n cydweithio i ymgorffori newid, lle bo angen, wrth ehangu a chyfoethogi ein cysylltiadau â’n cynulleidfaoedd. 

Ynghyd â'n rheolwyr gwirfoddolwyr, byddwch yn gyfrifol am greu amgylchedd cydweithredol, cynhwysol, hygyrch a chefnogol ar gyfer ein gwirfoddolwyr, cymunedau a phartneriaid, hen a newydd, wrth gadw gwerth yr Ymddiriedolaeth Genedlaethol, bod Croeso i Bawb, yn y cof. Byddwch hefyd yn arwain gweithgareddau ymgysylltu gyda’n cymunedau wrth inni ymgymryd â sawl prosiect adeiladau ledled y portffolio, gan gynnwys gwaith i uwchraddio’r gwasanaethau drwy gydol y plasty ym Mhlas Newydd.

Byddwch wedi’ch lleoli ym Mhlas Newydd, lle byddwch yn chwarae rhan weithredol yn y tîm gweithrediadau eiddo ac ar y rota rheoli dyletswydd yn rheolaidd. Byddwch hefyd yn treulio amser ar grwydr ledled y portffolio, yn rhyngweithio â chydweithwyr ac yn ymweld ag eiddo eraill a threulio amser gyda’n cymunedau. 

Mae disgwyl ichi weithio gyda’r nos, ar benwythnosau ac ar wyliau banc. Byddai trafnidiaeth eich hun yn fuddiol oherwydd lleoliadau amrywiol ein safleoedd ar draws y portffolio.

Gofynnir i chi hefyd ddarllen y proffil swydd llawn sydd ynghlwm â'r hysbyseb hon.

Er mwyn cyflawni'r swydd hon yn llwyddiannus, bydd angen ichi feddu ar y canlynol; 

- Dealltwriaeth o arfer da o ran cyfranogiad ac ymgysylltiad cymunedol, yn ogystal â chyfranogiad a gwaith partner ehangach

- Y gallu i ymgysylltu'n rhagweithiol o fewn cymuned 

- Yn gallu siarad Cymraeg

- Dealltwriaeth dda o reoli gwirfoddolwyr

- Profiad ymarferol a datblygu a gweithredu cyfleoedd a dulliau gwirfoddoli newydd

- Yn hyderus wrth hyfforddi a chefnogi unigolion sy’n rheoli a goruchwylio gwirfoddolwyr a phartneriaid cymunedol, a’n gweithio ochr yn ochr â nhw

- Sgiliau trefnu a chynllunio rhagorol

- Sgiliau rhyngbersonol a rhwydweithio rhagorol

Yr arwyddair sydd wrth wraidd yr Ymddiriedolaeth Genedlaethol yw 'I bawb, am byth'. Rydym yn gweithio'n galed i greu diwylliant cynhwysol, lle mae pawb yn teimlo eu bod yn perthyn iddo. Mae'n bwysig bod ein pobl yn adlewyrchu ac yn cynrychioli amrywiaeth y cymunedau a'r cynulleidfaoedd yr ydym yn eu gwasanaethu. Rydym yn croesawu ac yn gwerthfawrogi gwahaniaeth, felly pan ddywedwn ein bod ar gyfer pawb, rydym eisiau i bawb deimlo'n gartrefol yn ein timau hefyd.  

- Cynllun pensiwn sylweddol hyd at 10% o gyflog sylfaenol

- Mynediad am ddim i eiddo'r Ymddiriedolaeth Genedlaethol, i chi, gwestai a'ch plant (dan 18 oed)

- Cynllun gofal plant di-dreth

- Cynllun benthyciad blaendal rhent

- Benthyciad tocyn tymor

- Gostyngiadau buddion y gweithle, h.y. aelodaeth gampfa, codau gostyngiad siopa, gostyngiadau ar gyfer y sinema

- Lwfans gwyliau hyd at 32 diwrnod mewn perthynas â hyd y gwasanaeth, yn ogystal â chynllun prynu gwyliau, yn amodol ar fodloni meini prawf gofynnol

- Oriau gweithio hyblyg lle bynnag y bo'n bosibl

- Rhaglen cynorthwyo cyflogai

- Parcio am ddim yn y rhan fwyaf o leoliadau

- Cyngor ariannol annibynnol 

Mae'r Gyfadran Gwyddorau Bywyd ac Addysg yn dymuno penodi swyddog cyswllt dysgu seiliedig ar ymarfer gyda phrofiad Nyrsio / Bydwreigiaeth i ymuno â thîm staff sydd eisoes yn bodoli o yn cyflwyno rhaglenni nyrsio, bydwreigiaeth a pherthynol i iechyd. Ffocws y swyddi yw cefnogi'r goruchwylwyr/aseswyr ymarfer sy'n darparu cydrannau ymarfer y rhaglenni cyn-gofrestru. Cyflwynir hyn mewn ystod o amgylcheddau ymarfer a gwahoddir ymgeiswyr sydd â phrofiad o amgylcheddau gofal y GIG a chyrff/sefydliadau eraill, ac sydd ag ystod o arbenigeddau. Bydd deiliaid y swyddi’n rhoi arweiniad a chefnogaeth ymarferol i fyfyrwyr a staff lleoliad, yn cydgysylltu â'r Brifysgol, ac yn cynorthwyo Penaethiaid Pwnc a'r Pennaeth Dysgu ar Leoliad i gynnal ansawdd y lleoliadau presennol, ac ehangu'r ystod o leoliadau ymarfer a ddefnyddir. Byddant yn dod yn fedrus wrth weinyddu'r ddogfen asesu arferion electronig, yn cyfrannu at brosesau archwilio ac ansawdd/llywodraethu, a bydd yn ofynnol iddynt weithio ar draws sefydliadau darparwyr gofal iechyd yng Nghymru.

Rhaid i ddeiliaid y swydd:

·   fod â phrofiad nyrsio ôl-gofrestru a/neu brofiad Bydwreigiaeth ac o hwyluso dysgu ac asesu myfyrwyr mewn ystod o leoliadau gofal iechyd

·   meddu ar Gofrestriad Gweithredol gyda'r CNB

·   bod yn barod i deithio a gweithio'n hyblyg ledled Cymru.

Bydd gan ddeiliad y swydd ganolfan ar Safle Glyn-taf ond bydd gofyn gweithio o safleoedd darparwyr gofal iechyd ledled Cymru.

I gael sgwrs anffurfiol am y swydd hon cysylltwch â Fiona Hook-MacKenzie [email protected]

Os ydych yn ymgeisydd llwyddiannus ac mai hon fydd eich rôl gwasanaethau proffesiynol gyntaf yn y Brifysgol (neu os ydych yn gyflogedig gan PSS Ltd ar hyn o bryd), byddwch yn cael eich cyflogi gan Wasanaethau Proffesiynol a Chymorth Cyf, is-gwmni sy'n eiddo'n gyfan gwbl i Brifysgol De Cymru ac sy'n darparu gwasanaethau i'r Brifysgol a Cholegau. Os ydych yn ymgeisydd gwasanaethau proffesiynol mewnol, byddwch yn parhau i gael eich cyflogi gan Brifysgol De Cymru. 

I gael gweld mwy am fanteision gweithio yn PDC: http://tiny.cc/PSSatUSW

Mae’r Urdd yn fudiad unigryw ac ers 1922 wedi cynnig profiadau gwerthfawr i fwy na 4 miliwn o blant a phobl ifanc yng Nghymru drwy feysydd Chwaraeon, Celfyddydol, Preswyl, Dyngarol, Rhyngwladol a Gwirfoddol.

Rydym wedi meithrin cenedlaethau o ferched a dynion ifanc i fod yn falch o’u gwlad, yn agored i’r byd ac yn ymgorfforiadau o’n hiaith a’n diwylliant, yn ogystal â meddu ar y gwerthoedd byd-eang y parchir yng Nghymru.

Dyma felly ddatgan ein huchelgais i barhau i ymestyn cyrhaeddiad ac effaith ein gwaith a’r bobl ifanc Cymru. Mae hyn yn allweddol os ydym am i’r Gymraeg fod yn ganolog ym mywydau plant a phobl ifanc ein gwlad, a sicrhau fod pawb yng Nghymru, boed yn siaradwyr Cymraeg ai pheidio, yn teimlo perchnogaeth ac ymdeimlad o berthyn tuag at yr iaith a’i thraddodiadau.

Y Swydd

Mae Adran yr Eisteddfod a’r Celfyddydau yn cynnal un o’r gwyliau teithiol mwyaf ar gyfer plant a phobl ifanc yn Ewrop, yn ogystal â chynnal nifer o brosiectau cymryd rhan i ieuenctid Cymru dros y flwyddyn. Ein prif nod yw cynnig Llwyfan i Bawb, drwy ddarparu profiadau a chyfleoedd celfyddydol o ansawdd uchel drwy’r Gymraeg i blant a phobl ifanc o bob cefndir yng Nghymru a thu hwnt.

Rydym yn chwilio am unigolyn creadigol fydd yn gallu datblygu elfennau celfyddydol a chystadleuol Eisteddfod Genedlaethol Urdd Gobaith Cymru, gan gynnwys datblygiadau’r ŵyl, y cystadlaethau, a’r arlwy ar y maes. 

Am fwy o fanylion cysylltwch â Llio Elain Maddocks: [email protected] 

Anfonwch Ffurflen Gais yr Urdd ar e-bost at [email protected]

Dyddiad Cau – 17:00 Dydd Mawrth, 1af o Fawrth 2023

Dyddiad Cyfweld – Dydd Mawrth, 14eg o Fawrth 2023

Mae’r Urdd yn cefnogi a hyrwyddo cydraddoldeb ac amrywiaeth yn ein holl waith a gweithgareddau. Rydym yn croesawu ymgeiswyr o bob cefndir a chymuned, ac yn benodol y rhai sydd heb gynrychiolaeth ddigonol yn ein gweithlu ar hyn o bryd. Mae’r rhain yn cynnwys ond nid ydynt yn gyfyngedig i ymgeiswyr anabl a phobl ddiwylliannol ac ethnig amrywiol. 

Mae S4C yn chwilio am Swyddog Cyfathrebu i ymuno â thîm cyfathrebu prysur sy’n hyrwyddo gwaith S4C, yr unig Ddarlledwr Cyhoeddus Cymraeg yng Nghymru. Byddwch yn chwarae rhan flaenllaw mewn rhoi cyhoeddusrwydd i raglenni a gwasanaethau cyhoeddusrwydd i'r cyfryngau a rhanddeiliaid. 

Disgrifiad:

Bydd sgôp eich gwaith yn cwmpasu ehangder arlwy'r sianel gan gynnwys newyddion, drama, chwaraeon, rhaglenni plant a phobl ifanc, adloniant, cerddoriaeth, rhaglenni dogfen a materion cyfoes.

Bydd eich prif ddyletswyddau yn cynnwys chwilio am gyfleoedd newydd i sicrhau cyhoeddusrwydd fel bod ein cynnwys yn cyrraedd y gynulleidfa ehangaf bosibl, arwain a pherchnogi ein hymgyrchoedd a'n prosiectau cyfathrebu a'u goruchwylio ac ysgrifennu a golygu cyfathrebu wrth wneud yn siŵr bod y dôn ar neges yn cyd-fynd â'n strategaeth.

Mae’r gallu i gyfathrebu yn rhugl i lefel uchel yn y Gymraeg a Saesneg gyda staff ac eraill ar bob lefel, yn ysgrifenedig ac ar lafar yn hanfodol i’r rôl yma.

Lleoliad: Lleoliad arferol eich gwaith fydd Canolfan S4C yr Egin, Caerfyrddin, SA31 3EQ. Mae gan S4C swyddfeydd yng Nghaerfyrddin, Caerdydd a Chaernarfon ac maent yn gweithredu polisi gweithio’n hybrid. Disgwylir i chi deithio i le bynnag y bydd S4C yn rhesymol yn ei orchymyn. 

Cyflog: O gwmpas £29,500 y flwyddyn. Os ydych yn cael eich cyflogi yn rhan amser byddwch yn derbyn cyfran pro rata o'r cyflog.

Oriau gwaith: 35.75 yr wythnos. Oherwydd natur y swydd, disgwylir hyblygrwydd, gan gynnwys gweithio tu allan i oriau swyddfa, ar rai penwythnosau a gwyliau banc. 

**Cytundeb: **Parhaol

Cyfnod prawf: 6 mis

Gwyliau: 35¾ yr wythnos. Oherwydd natur y swydd, disgwylir hyblygrwydd, gan gynnwys gweithio tu allan i oriau swyddfa, ar rai penwythnosau a gwyliau banc. Os ydych yn cael eich cyflogi yn rhan amser byddwch yn derbyn cyfran pro rata o'r gwyliau.

Pensiwn: Mae hawl gan staff cyflogedig ymuno â Chynllun Pensiwn Personol Grŵp yn ddarostyngedig i delerau unrhyw gynllun sydd mewn bodolaeth ac a ddiwygiwyd o dro i dro. Os byddwch yn aelod o’r Cynllun Pensiwn Personol Grŵp, bydd S4C yn cyfrannu 10% o’ch cyflog sylfaenol i’r Cynllun. Disgwylir i chi gyfrannu 5%. 

Ceisiadau 

Dylid anfon ceisiadau erbyn 17.00 ar ddydd Sul 05 Mawrth 2023 at [email protected] neu Adnoddau Dynol, Canolfan S4C, Yr Egin, Caerfyrddin, SA31 3EQ. 

Nid ydym yn derbyn CV.

Ni fydd cais a gyflwynir yn Gymraeg yn cael ei drin yn llai ffafriol na chais a gyflwynir yn Saesneg.

Swyddog Cymorth Llywodraethu i'r Prif Weithredwr a'r Cadeirydd

Caerdydd neu Lanelwy (gyda gwaith hybrid)

Y Sefydliad

Yn Gofal Cymdeithasol Cymru, rydym yn darparu arweinyddiaeth ac arbenigedd ym maes gofal cymdeithasol a’r blynyddoedd cynnar yng Nghymru.

Ein gweledigaeth yw gwneud gwahaniaeth cadarnhaol i ofal a chymorth i blant, oedolion a’u teuluoedd a’u gofalwyr.

I wneud hyn, rydym yn arwain ar ddatblygu a rheoleiddio’r gweithlu gofal cymdeithasol, gwella gwasanaethau, data ac ymchwil i wella gofal.

Rydym nawr yn chwilio am Swyddog Cymorth Llywodraethu i'r Prif Weithredwr a'r Cadeirydd i ymuno â'n tîm yn barhaol, llawn amser.

Y Manteision

- Cyflog o £26,894 - £29,080 y flwyddyn

- 28 diwrnod o wyliau ynghyd â gwyliau banc (cynyddu gyda hyd gwasanaeth)

- Diwrnodau ychwanegol i ffwrdd rhwng y Nadolig a'r Flwyddyn Newydd

- Cynllun pensiwn llywodraeth leol

- Polisi gwaith hyblyg

- Gweithio hybrid

- Polisi absenoldeb teuluol

Mae hwn yn gyfle arbennig i weithiwr gweinyddol proffesiynol ddatblygu ei yrfa gyda'n sefydliad ymroddedig.

Y Rôl

Fel ein Swyddog Cymorth Llywodraethu, byddwch yn darparu cymorth o’r radd flaenaf i’r Prif Swyddog Gweithredol a’r Cadeirydd i sicrhau bod prosesau llywodraethu o ansawdd uchel yn cael eu cynnal.

Gan gefnogi cyfarfodydd gweithredol ac uwch arweinwyr, byddwch yn paratoi agendâu, yn cynhyrchu cofnodion, yn diweddaru ac yn monitro camau gweithredu ac yn cynorthwyo gyda phapurau sicrhau ansawdd.

Yn ogystal, byddwch yn:

- Cefnogi'r EMT (tîm rheoli gweithredol) i gyflawni eu dyletswyddau

- Rheoli a chydlynu adnoddau i sicrhau swyddfa cymorth llywodraethu effeithlon a phroffesiynol

- Cefnogi'r gwaith o gyflawni gweithgareddau cynllun gwaith blynyddol y tîm llywodraethu

Amdanoch Chi

Er mwyn cael eich ystyried fel ein Swyddog Cymorth Llywodraethu, bydd arnoch angen:

- Profiad gweinyddol

- Gwybodaeth am y sector cyhoeddus, yn enwedig cyrff a noddir gan Lywodraeth Cymru neu Lywodraeth Cymru

- Sgiliau cyfathrebu ysgrifenedig a llafar rhagorol yn y Gymraeg a'r Saesneg

- Sgiliau trefnu a rheoli amser rhagorol

Gall sefydliadau eraill alw'r rôl hon yn PA, EA, Cynorthwyydd Personol, Cynorthwyydd Gweithredol, Cynorthwyydd i'r Bwrdd, Ysgrifennydd, Gweinyddwr Cymorth Llywodraethu, Swyddog Cymorth Llywodraethu Ansawdd, neu Swyddog Cymorth Gweinyddol.

Y dyddiad cau ar gyfer y rôl hon yw 26 Chwefror 2023.

Felly, i ddatblygu gyrfa amrywiol a gwerth chweil fel Cymorth Llywodraethu i'r Prif Swyddog Gweithredol a'r Cadeirydd, gwnewch gais trwy'r botwm a ddangosir. Mae'r swydd wag hon yn cael ei hysbysebu gan Webrecruit. Mae'r gwasanaethau a hysbysebir gan Webrecruit yn rhai Asiantaeth Gyflogaeth.

Mae UCAC yn chwilio am berson brwdfrydig a medrus i ymuno â'n tîm gweithgar o fis Ebrill ymlaen.

Prif waith y Swyddog Aelodaeth a Recriwtio fydd arwain ar faterion aelodaeth a recriwtio’r Undeb o ddydd i ddydd.

Cyflog cychwyn yn y swydd: £28,370

Ceir ffurflen gais, disgrifiad swydd a manylion pellach o Swyddfa UCAC ac yma:

Dyddiad cau: Mawrth 13eg, 2023

01970 639950 | [email protected]

www.ucac.cymru

Rydym yn disgwyl ymlaen at groesawu Swyddog Cyfathrebu gwych. Rydym am weld unigolion hynod egnïol, eofn, sy’n medru ffocysu ac yn alluog – o bob un cefndir.

Rydym yn chwilio am rywun sydd â meddwl creadigol ac yn medru rhannu syniadau ond sydd hefyd yn talu sylw i fanylder. Byddwch angen cyfuniad o brofiad cyfathrebu ardderchog, sgiliau rhyngbersonol cryf, sgiliau ysgrifennu rhagorol a phrofiad o reoli ymgyrchoedd a’n creu cynnwys sy’n ymgysylltu, a hynny ar ystod o sianeli ac sy’n apelio at gynulleidfaoedd (gan gynnwys y gymuned leol a chydweithwyr cyfathrebu).

Sir Fynwy yw un o economïau mwyaf hyfyw a deinamig Cymru ac mae’n hawdd teithio i Gaerdydd a Bryste. Mae’n ardal anhygoel sydd yn estyn o Ddyffryn Gwy i Fannau Brycheiniog drwy dref fwyaf hapus Cymru sy’n golygu mai dyma’r lle perffaith i daro cydbwysedd rhwng gwaith a bywyd- mae’n awyrgylch creadigol ac mae pob un dydd yn wahanol.

Yn Gofal Cymdeithasol Cymru, rydym yn darparu arweinyddiaeth ac arbenigedd ym maes gofal cymdeithasol a’r blynyddoedd cynnar yng Nghymru.

Ein gweledigaeth yw gwneud gwahaniaeth cadarnhaol i ofal a chymorth i blant, oedolion a’u teuluoedd a’u gofalwyr.

I wneud hyn, rydym yn arwain ar ddatblygu a rheoleiddio’r gweithlu gofal cymdeithasol, gwella gwasanaethau, data ac ymchwil i wella gofal.

Rydym nawr yn chwilio am Swyddog Llywodraethu Corfforaethol i ymuno â ni yn barhaol, llawn amser.

Y Manteision

- Cyflog o £32,458 - £34,318 y flwyddyn

- 28 diwrnod o wyliau ynghyd â gwyliau banc (cynyddu gyda hyd gwasanaeth)

- Diwrnodau ychwanegol i ffwrdd rhwng y Nadolig a'r Flwyddyn Newydd

- Cynllun pensiwn llywodraeth leol

- Polisi gwaith hyblyg

- Gweithio hybrid

- Polisi absenoldeb teuluol

Y Rôl

Fel Swyddog Llywodraethu Corfforaethol, byddwch yn gweithio fel rhan o dîm i gefnogi ein Bwrdd a’r Pwyllgorau sy’n goruchwylio gwaith Gofal Cymdeithasol Cymru.

Gan weithredu fel Ysgrifennydd Pwyllgor y Pwyllgor Archwilio a Risg a’r Pwyllgor Tâl, byddwch yn sicrhau bod trefniadau llywodraethu’r pwyllgor yn cael eu rhoi ar waith.

Byddwch yn rheoli recriwtio, hyfforddiant a datblygiad ar gyfer y Pwyllgor Archwilio a Risg, yn goruchwylio gofynion archwilio mewnol ac adrodd ac yn darparu cydgysylltu prosiectau ar gyfer gweithgorau mewnol.

Yn ogystal, byddwch yn cefnogi ysgrifennydd y bwrdd i redeg Pwyllgorau ac yn dirprwyo ar eu rhan yn ystod cyfnodau o absenoldeb.

Bydd eich rôl hefyd yn cynnwys:

- Cydlynu'r Grŵp Llywodraethu Gwybodaeth

- Cydlynu'r Grŵp Parhad Busnes

- Monitro a rheoli gofynion archwilio mewnol ac adrodd

Amdanat ti

I gael eich ystyried yn Swyddog Llywodraethu Corfforaethol, bydd angen y canlynol arnoch:

- Rhuglder yn y Gymraeg

- Profiad o weithio mewn rôl lywodraethu

- Hanes o gefnogi pwyllgorau a chyfarfodydd mewnol

- Hanes o adroddiadau busnes o ansawdd uchel

- Gwybodaeth dda am arferion gorau llywodraethu ac archwilio

- Sgiliau cyfathrebu ysgrifenedig a llafar rhagorol

- Hyfedredd TG

- Gradd neu gymhwyster proffesiynol cyfatebol neu brofiad perthnasol

Gall sefydliadau eraill alw'r rôl hon yn Swyddog Cydymffurfiaeth Corfforaethol, Swyddog Llywodraethu a Chydymffurfiaeth, Ysgrifennydd Pwyllgor, neu Swyddog Cymorth Llywodraethu Corfforaethol.

Felly, i ddatblygu eich gyrfa gyda'n sefydliad uchel ei barch fel Swyddog Llywodraethu Corfforaethol, gwnewch gais trwy'r botwm a ddangosir. Mae'r swydd wag hon yn cael ei hysbysebu gan Webrecruit. Mae'r gwasanaethau a hysbysebir gan Webrecruit yn rhai Asiantaeth Gyflogaeth.

Mae’r Coleg Cymraeg Cenedlaethol yn gwahodd ceisiadau gan unigolion am le ar ein Bwrdd Cyfarwyddwyr.

Mae hwn yn gyfle cyffrous i unigolyn sydd yn awyddus i ddefnyddio’i sgiliau a phrofiadau i ymuno â thîm sy’n arwain corff cynllunio cenedlaethol uchelgeisiol sydd â’r Gymraeg wrth wraidd ei bwrpas a’i weledigaeth.

Mae’r Coleg Cymraeg yn creu cyfleoedd hyfforddi ac astudio yn y Gymraeg drwy weithio gyda cholegau addysg bellach, prifysgolion, darparwyr prentisiaethau a chyflogwyr. Ry’n ni’n ysbrydoli ac yn annog pawb i ddefnyddio’u sgiliau Cymraeg.

Nod y Coleg yw adeiladu system addysg a hyfforddiant cyfrwng Cymraeg a dwyieithog sy’n agored i bawb ac i ddatblygu gweithluoedd dwyieithog. 

Fel Cyfarwyddwr, byddwch yn cymryd rhan mewn penderfyniadau allweddol ar strategaeth a pholisi’r Coleg. Byddwch yn cyfrannu at sgiliau, arbenigedd a gwybodaeth gyfunol y Cyfarwyddwyr er mwyn sicrhau bod y Bwrdd yn cyflawni ei gyfrifoldebau ac yn cynnal safonau uchaf llywodraethu corfforaethol.

Rydym yn chwilio yn benodol am unigolyn sydd â phrofiad o arwain yn strategol, sydd â phrofiad o gynlluniau i hyfforddi a datblygu’r gweithlu addysg, a/neu brofiad ymarferol a diweddar o’r sector ysgolion uwchradd.

Mae’r Coleg hefyd yn awyddus i sicrhau bod gennym Fwrdd sydd yn adlewyrchu poblogaeth Cymru gyfan. Byddwn yn croesawu yn enwedig geisiadau gan bobl ddu ac Asiaidd a lleiafrifoedd ethnig.

Bydd y penodiad am gyfnod o bedair blynedd. Disgwylir ymrwymiad o tua diwrnod y mis ar gyfartaledd.

Gweithredir egwyddorion cystadleuaeth deg ac agored, a gwneir y penodiad ar sail teilyngdod. 

Dyddiad Cau: 24 Mawrth 2023

Ceir manylion llawn a ffurflen gais ar wefan y Coleg, www.colegcymraeg.ac.uk/cyfarwyddwrnewydd, neu drwy gysylltu gyda Dr Dylan Phillips ([email protected]).

Mae Atebol yn gwmni bywiog sydd yn gweithredu o fewn y sector greadigol.

Rydyn ni'n creu cynnwys er mwyn agor drysau - drysau i ddysgu, i hwyl, i gyfro ac i ddealltwriaeth. Ar Bapur. Ar-lein. Ar Sgrin. Mewn Bywyd Bob Dydd.

Rydym yn chwilio am berson trefnus i ymuno a'r tîm cyfieithu i helpu gyda'r gwaith gweinyddu.

Cefnogi'r tîm i sicrhau ein bod yn darparu cyfieithiadau ac isdeitlau o ansawdd yn effeithlon ac ar amser. Bydd angen amserlennu, monitro a chyfathrebu yn effeithiol. Mae darparu gwasanaeth eithriadol i’n Cleientiaid, yn ogystal â ffocws ar ansawdd yn bwysig iawn i Atebol.

Mae hyblygrwydd a'r gallu i weithio fel rhan o dîm yn hanfodol. Yn amlwg mae llygad am fanylder yn bwysig iawn i’r swydd. Yn ogystal, mae angen gallu gweithio yn gywir o dan bwysau amserlen dynn ar adegau. Ydych chi'n frwdfrydig? Rydym yn barod i ystyried hyblygrwydd o ran y math o gytundeb a pherthynas. 

Cysylltwch os am sgwrs anffurfiol a rhagor o wybodaeth. [email protected] 

Cyfatebol sy'n gyfrifol am isdeitlo'r rhan helaeth o raglenni S4C, yn ogystal â gwaith isdeitlo tu hwnt i hynny, mae'r tîm yn tyfu. Rydym yn chwilio am olygydd isdeitlydd Cymraeg a Saesneg i ymuno â'r tïm. 

Disgrifiad:

Fel rhan o’r swydd byddwch yn golygu a sicrhau safonau isdeitlau ar gyfer amrywiaeth eang o raglenni, a chefnogi datblygiad y cwmni. Byddwch yn gweithio ar raglenni sy'n cyrraedd ymhell o flaen y dyddiad darlledu, rhaglenni sy'n cyrraedd yn agos at y dyddiad darlledu a rhaglenni byw. Mae hyblygrwydd a'r gallu i weithio fel rhan o dîm yn hanfodol. 

Yn amlwg mae llygad am fanylder a sgiliau ieithyddol Cymraeg a Saesneg o safon uchel yn bwysig iawn i’r swydd. Yn ogystal, mae angen gallu gweithio yn gywir o dan bwysau amserlen dynn ar adegau. Ydych chi'n frwdfrydig?

Rydym yn barod i ystyried hyblygrwydd o ran y math o gytundeb a pherthynas. 

Cysylltwch os am sgwrs anffurfiol a rhagor o wybodaeth.

[email protected] neu [email protected]

Cyfatebol sy'n gyfrifol am isdeitlo'r rhan helaeth o raglenni S4C. Rydym yn chwilio am isdeitlydd (neu dan hyfforddiant) i ymuno â'r tïm o baratoi isdeitlau Cymraeg a Saesneg.

Disgrifiad:

Fel rhan o’r swydd byddwch yn paratoi isdeitlau ar gyfer amrywiaeth eang o raglenni S4C fel Cefn Gwlad, Sgorio a Pobol y Cwm. Byddwch yn gweithio ar raglenni sy'n cyrraedd ymhell o flaen y dyddiad darlledu, rhaglenni sy'n cyrraedd yn agos at y dyddiad darlledu a rhaglenni byw. Mae hyblygrwydd a'r gallu i weithio fel rhan o dîm yn hanfodol.

Byddai profiad o isdeitlo yn ddelfrydol, ond darperir hyfforddiant llawn ar bob agwedd o’r swydd (felly ddim yn anghenraid, felly ni ddylid oedi cyn cysylltu!).

Yn amlwg mae llygad am fanylder a sgiliau ieithyddol Cymraeg a Saesneg o safon uchel yn bwysig iawn i’r swydd. Yn ogystal, mae angen gallu gweithio yn gywir o dan bwysau amserlen dynn ar adegau. Ydych chi'n frwdfrydig?

Rydym yn barod i ystyried hyblygrwydd o ran y math o gytundeb a pherthynas.

Cysylltwch os am sgwrs anffurfiol a rhagor o wybodaeth.

[email protected] neu [email protected]

Mae gennym gyfle i unigolyn profiadol a threfnus ymuno â’n swyddfa yn Wrecsam i sicrhau bod y swyddfeydd yn rhedeg yn effeithiol o ddydd i ddydd.

Yn y rôl amrywiol hon, byddwch yn barod i roi eich doniau i amrywiaeth o dasgau i helpu i gynnal rhediad esmwyth y swyddfa o drefnu lluniaeth ar gyfer cyfarfodydd i reoli iechyd a diogelwch holl staff ac ymwelwyr y safle. Fel rhan o'r rôl, byddwch hefyd yn rheoli'r cyfleusterau ac yn sicrhau bod yr holl waith cynnal a chadw cynlluniedig ac adweithiol yn cael ei wneud gyda chyn lleied o aflonyddwch â phosibl ac yn goruchwylio'r gwasanaethau diogelwch, adeiladu, glanhau a glanweithdra. Gyda dealltwriaeth dda o gyllid, byddwch yn adolygu contractau cyflenwyr a phrynu i sicrhau bod yr holl wasanaethau a chynhyrchion yn gost-effeithiol ac o fewn ein cyllidebau y cytunwyd arnynt ymlaen llaw. Yn gyfathrebwr cryf, byddwch yn teimlo’n gyfforddus wrth gysylltu â rhanddeiliaid mewnol ac allanol, gan ddangos agwedd sy’n canolbwyntio ar y cwsmer, wrth i chi ddatblygu perthnasoedd gwaith cadarnhaol a darparu safon uchel o wasanaeth cwsmeriaid o flaen y tŷ. Chi hefyd fydd y prif bwynt cyswllt ar gyfer dechreuwyr newydd, gan gynorthwyo gyda sesiynau cynefino a sicrhau bod pob unigolyn yn derbyn yr hyfforddiant perthnasol a bod yr holl staff yn ymwybodol o reoliadau iechyd a diogelwch.

Bydd gennych brofiad o reoli gwasanaethau swyddfa a chyfleusterau, gan gynnwys risgiau iechyd a diogelwch. Yn llythrennog mewn TG, gyda gwybodaeth ymarferol dda o MS Office, bydd gennych wybodaeth sylfaenol am offer TG / clyweledol. Yn agos atoch ac yn hyderus, byddwch yn gyfarwydd â darparu gwasanaethau cwsmeriaid rhagorol wyneb yn wyneb a thros y ffôn / galwadau fideo a byddwch yn gallu gweithio ar y cyd ag aelodau tîm ar draws gwahanol leoliadau. Mae hwn yn gyfle gwych i dyfu eich gyrfa o fewn rheolaeth cyfleusterau/swyddfa ac ymuno â chwmni a fydd yn darparu’r camau sydd eu hangen arnoch i lwyddo! Amdanom ni Ein cenhadaeth yw datgloi potensial economaidd yng Nghymru a gwella’r economi leol drwy ddarparu cyllid cynaliadwy ac effeithiol. Pan fydd ein busnesau yn ffynnu, maent yn creu nifer uwch o swyddi o ansawdd gwell. Mae'r trethi y maent yn eu talu yn cryfhau ein cyllid cyhoeddus. Mae'r bobl y maent yn eu cyflogi yn cryfhau ein cymunedau. Pan fo busnesau Cymreig yn gryf, mae Cymru yn gryf.

Mae Awdurdod Parc Cenedlaethol Eryri yn gwarchod harddwch naturiol, bywyd gwyllt a threftadaeth ddiwylliannol Parc Cenedlaethol Eryri. Gan orchuddio 823 milltir o dirwedd amrywiol, mae’r Parc yn gartref i dros 26,000 o bobl, mynydd uchaf Cymru a llyn naturiol mwyaf Cymru.

Rydym nawr yn edrych ar ddau Gynorthwyydd Canolfan Wybodaeth i ymuno â ni yn rhan amser ar gytundeb tymor penodol.

Y Manteision

- Cyflog o £20,812 - £21,968 y flwyddyn (pro rata)

- Pensiwn

- Lwfans Gwyliau (24 diwrnod) (pro rata)

- Dydd Gwyl Dewi i ffwrdd (1af o Fawrth)

- Gweithio Hybrid

- Cynllun beicio i'r gwaith

- Cynllun Cymorth Prynu Car

- Y cyfle i weithio mewn ardal o harddwch naturiol eithriadol

Y Rôl

Fel Cynorthwy-ydd Canolfan Wybodaeth, byddwch yn gyfrifol am roi arweiniad a chymorth i’n hymwelwyr am yr ardal, gan hyrwyddo defnydd diogel a chyfrifol o Barc Cenedlaethol Eryri.

 Byddwch yn ymateb i ystod o ymholiadau, yn enwedig y rhai am yr ardal leol, wyneb yn wyneb ac ar-lein. Byddwch yn hyrwyddo atyniadau lleol, yn annog parch a gwerthfawrogiad o rinweddau arbennig y parc ac yn hyrwyddo gwaith Awdurdod y Parc Cenedlaethol.

Gan gynorthwyo i adeiladu ein presenoldeb ar-lein, byddwch yn cyfrannu straeon a gwybodaeth i'w defnyddio fel cynnwys ar gyfer ein cyfrifon cyfryngau cymdeithasol corfforaethol.

Byddwch yn cefnogi cynnal a chadw a rhedeg y ganolfan o ddydd i ddydd, gan ddiweddaru gwybodaeth ymwelwyr, gwerthu nwyddau, ac ailgyflenwi stoc a sicrhau ei bod yn lân ac yn daclus.

Yn ogystal, byddwch yn:

- Cynorthwyo'r Rheolwr Masnachol i hyrwyddo'r canolfannau

- Cynorthwyo mewn digwyddiadau, sioeau ac arddangosfeydd lleol

- Cefnogi gweithgareddau addysgol ac iechyd a lles

- Archebu llety a chofnodi lleoedd gwag

- Cynorthwyo gyda rotas staff

Amdanoch chi

Er mwyn cael eich ystyried yn Gynorthwyydd Canolfan Wybodaeth, bydd angen:

- Y gallu i siarad Cymraeg a Saesneg yn rhugl

- Gwybodaeth leol a brwdfrydedd dros rinweddau'r Parc Cenedlaethol a'r ardal

- Gwybodaeth dda am ddaearyddiaeth ac atyniadau Cymru

- Sgiliau cyfathrebu ysgrifenedig a llafar rhagorol

- Sgiliau TG sylfaenol

Y dyddiad cau ar gyfer y rôl hon yw 3 Mawrth 2023.

Gall sefydliadau eraill alw'r rôl hon yn Gynorthwyydd Gwasanaeth Cwsmer, Cynorthwyydd Canolfan Groeso, Cynorthwyydd Canolfan Ymwelwyr, Cynorthwyydd Profiad Ymwelwyr neu Gynorthwyydd Gwybodaeth Ymwelwyr.

Felly, i ymuno â'n sefydliad anhygoel mewn rôl werth chweil fel Cynorthwyydd Canolfan Wybodaeth, gwnewch gais trwy'r botwm a ddangosir. Mae'r swydd wag hon yn cael ei hysbysebu gan Webrecruit. Mae'r gwasanaethau a hysbysebir gan Webrecruit yn rhai Asiantaeth Gyflogaeth.