Cydlynydd Marchnata Cymdeithasol — Iechyd Cyhoeddus Cymru

Mae Iechyd Cyhoeddus Cymru yn edrych am Gydlynydd Marchnata Cymdeithasol

Ar gau. Mae’r dyddiad cau ar gyfer y swydd hon wedi mynd heibio.

Byddwch yn cyfrannu at weithredu a gwerthuso prosiectau marchnata cymdeithasol cenedlaethol integredig, gyda'r bwriad o hyrwyddo ymddygiadau iach ymhlith y cyhoedd yng Nghymru.

Mae'r rôl yn gyfle cyffrous i fod yn gyfrannwr gweithgar o fewn maes pwnc pwysig i wneud gwahaniaeth cadarnhaol i lesiant grwpiau poblogaeth ledled Cymru.

Byddwch yn weithiwr proffesiynol ym maes marchnata, hysbysebu neu gyfathrebu gyda phrofiad o weithredu ymgyrchoedd a chreu cynnwys atyniadol sydd â'r nod o hyrwyddo effaith gadarnhaol. Bydd gennych brofiad o weithio ar draws amrywiaeth o sianeli a phlatfformau digidol.

Byddwch yn gweithio'n agos gyda'n rhanddeiliaid mewnol ac allanol megis Tîm Cyfathrebu Iechyd Cyhoeddus Cymru, Llywodraeth Cymru, Timau Iechyd Cyhoeddus Lleol, Byrddau Iechyd, y trydydd sector ac wrth gwrs, y cyhoedd.

Mae'r swydd hon yn cynnig cyfle gwych i weithio o fewn strwythur staff pwrpasol ar gyfer dulliau gwaith systemau ac amlasiantaethol o ran gwella iechyd. Mae’r Is-adran yn rhoi pwyslais mawr ar ymarfer, ymchwil a gwerthuso sy'n seiliedig ar dystiolaeth yn ogystal â chymhwyso gwyddor ymddygiad.

Mae'r gallu i siarad Cymraeg yn hanfodol ar gyfer y swydd hon.

Mae'r swydd hon yn cael ei chynnig am gyfnod penodol o 2 flynedd.

Cyflog

💰 £27,055 - £32,934

Lleoliad

📍 Caerdydd

Dyddiad cau

11 Medi 2022

👋🏻 Os gallwch sôn am Jobyn yn eich cais, rydyn ni wir yn ddiolchgar!

Mae Prifysgol Metropolitan Caerdydd yn edrych am Ddarlithydd mewn Dulliau Ymchwil Dwyieithog

Ar gau. Mae’r dyddiad cau ar gyfer y swydd hon wedi mynd heibio.

Rydym yn falch iawn o fod wedi ennill dwy wobr fawreddog yn ddiweddar - Prifysgol y Flwyddyn y DU ac Iwerddon 2021 gan y Times Higher Education a Phrifysgol y Flwyddyn yng Nghymru 2021 gan The Times a The Sunday Times Good University Guide.

Os oes gennych chi hanes o gyflawniad sy’n dangos eich ymrwymiad, eich dawn a’ch brwdfrydedd i gyfrannu at ein cymuned ddysgu drwy addysgu rhagorol, ysgolheictod, ymchwil ac arloesedd, ynghyd â rhannu ein brwdfrydedd dros ein gwerthoedd a’n gweledigaeth, rydyn ni’n edrych ymlaen i dderbyn eich cais. Rydyn ni’n arbennig o awyddus i glywed gan ymgeiswyr a’u helpu i ddatblygu ein safle o ran ymchwil ac yn rhai a fydd yn gwella amrywiaeth ein prifysgol, ein cymuned a’n partneriaethau.

Y Cyfle

Mae gan Ysgol Chwaraeon a Gwyddorau Iechyd Caerdydd (YChGIC) enw da yn fyd-eang am ansawdd ei haddysgu, ei hymchwil a’i harloesedd ym meysydd chwaraeon a gwyddorau iechyd. Mae staff sydd wedi’u lleoli ar draws campysau Cyncoed a Llandaf yn gweithio mewn partneriaeth â myfyrwyr, partneriaid diwydiant, byrddau iechyd, cyrff llywodraethu chwaraeon cenedlaethol ac eraill i ddarparu addysg sy’n canolbwyntio ar gyflogadwyedd ac ymchwil sy’n cael effaith. Mae gan ymchwil a wneir yn yr Ysgol sylfaen gymhwysol gref ac mae YChGIC yn gartref i sawl canolfan ragoriaeth gan gynnwys y Ganolfan Iechyd, Gweithgarwch a Lles, y Ganolfan Diwydiant Bwyd, y Ganolfan Datblygiad Corfforol Ieuenctid, a'r Ganolfan Hyfforddi Chwaraeon.

Mae Ysgol Chwaraeon a Gwyddorau Iechyd Caerdydd yn chwilio am ymgeisydd sydd â phrofiad addas i gyfrannu at y portffolio dulliau ymchwil Cymraeg a Saesneg ar draws rhaglenni israddedig ac ôl-raddedig yr ysgol. Byddai disgwyl i'r ymgeisydd llwyddiannus ddod â phrofiad a gwybodaeth am ddulliau pedagogaidd myfyriwr-ganolog ar gyfer cyflwyno dulliau ymchwil a dangos gwerthfawrogiad o wahanol baradeimau, methodolegau a chynlluniau ymchwil. Byddai disgwyl i’r ymgeisydd llwyddiannus ddod â phrofiad a gwybodaeth yn ymwneud â dulliau dysgu cyfunol i’r rôl, gyda’r gallu i weithio’n effeithiol ar draws timau mawr, amrywiol o academyddion dulliau ymchwil. Mae’r gallu i gyflwyno drwy gyfrwng y Gymraeg a’r Saesneg yn rhan hanfodol o’r rôl hon.

Byddai disgwyl i'r ymgeisydd gyfrannu at amcanion strategol ymchwil ac arloesi'r ysgol, a'r agendâu ymchwil. Byddai disgwyl i’r rôl hefyd gyfrannu at ddysgu ac addysgu o fewn eu maes pwnc arbenigol eu hunain, a all ddod o fewn maes Chwaraeon, Iechyd, Gwyddor Bwyd neu o fewn maes disgyblaeth ehangach sy’n cyd-fynd â dulliau ymchwil (e.e. dadansoddeg data, gwyddor data, ystadegau, bioystadegau).

Byddai'r ymgeisydd(ymgeiswyr) llwyddiannus yn cael eu hystyried ar gyfer rôl amser llawn (1.0 CALl) neu ar gyfer rôl ffracsiynol (0.5 CALl).

Prif Ddyletswyddau a Chyfrifoldebau

Bydd gofyn i chi wneud cyfraniad sylweddol at ddarpariaeth ein portffolio a addysgir gan gyfrannu at gyflwyno dulliau ymchwil a meysydd eraill o'n cwricwlwm craidd yn dibynnu ar eich meysydd arbenigedd a phrofiad. Yn frwdfrydig am addysgeg myfyriwr-ganolog, byddwch yn cyfrannu at ddarparu addysg, gan gynnwys rheoli rhaglenni yn ôl yr angen, ar draws yr ystod o raglenni israddedig ac ôl-raddedig. Byddwch hefyd yn gwneud cyfraniad sylweddol at gyflogadwyedd, ac ymgysylltiad proffesiynol â sefydliadau mewnol ac allanol perthnasol, ar lefel ranbarthol, genedlaethol a rhyngwladol.

Disgwylir i chi gyfrannu at broffil ymchwil yr adran a chwrdd â'r gofynion ansoddol a meintiol ar gyfer eu cyflwyno i'r Fframwaith Rhagoriaeth Ymchwil nesaf.

Yr hyn yr ydym yn chwilio amdano

Tystiolaeth o lefel dda o wybodaeth sy'n berthnasol i bwnc a maes proffesiynol addysg.
Dealltwriaeth gadarn o addysgeg myfyriwr-ganolog sy'n ymwneud â chyflwyno addysg dulliau ymchwil ar lefel israddedig neu ôl-raddedig, gan gynnwys dysgu cyfunol.
Dealltwriaeth gadarn o ymchwil/arloesi a gweithgaredd ysgolheigaidd.
Y gallu i ddatblygu rhaglenni addysgu a/neu ymchwil a darparu cymorth dysgu.
Y gallu i ddylunio deunydd addysgu a dysgu.
Y gallu i ddefnyddio dulliau asesu priodol.
Y gallu i adnabod meysydd i'w gwella a defnyddio sgiliau menter a datrys problemau i wella perfformiad.
Y gallu i gyfathrebu a lledaenu syniadau cymhleth a chysyniadol mewn amryw o ffyrdd - cyflwyniadau mewn cynadleddau, adroddiadau ar ganfyddiadau, cyhoeddiadau, adborth ac ati.
Profiad o ddysgu AU neu gyfwerth.
Gradd anrhydedd da.
Y gallu i ennill Doethuriaeth o fewn amserlen y cytunwyd arni.
Y gallu i gyflawni Statws Cymrawd fel rhan o gynllun Cydnabyddiaeth Broffesiynol yr Academi Addysg Uwch, o fewn amserlenni y cytunwyd arnynt (cyn gynted ag y bo hynny'n ymarferol bosibl ac yn bendant o fewn tair blynedd o ddechrau'r gyflogaeth).

Byddwch yn weithiwr proffesiynol brwdfrydig a chyfeillgar gyda sgiliau cyfathrebu a rhyngbersonol rhagorol ynghyd ag ymrwymiad i ddarparu profiad myfyriwr rhagorol. Mae proffil ymchwil sefydledig neu addawol ym maes Chwaraeon, Iechyd, Gwyddor Bwyd neu ddisgyblaeth arall sy'n cyd-fynd â dulliau ymchwil (e.e., dadansoddeg data, gwyddor data, ystadegau, bioystadegau) a phrofiad addysgu da iawn ar raglenni perthnasol yn hanfodol.

I fod yn llwyddiannus byddwch yn cyfoethogi profiad ein myfyrwyr ymhellach trwy eich arbenigedd a'ch gwybodaeth bwnc fel y gwelir yn eich cymwysterau a'ch profiad.

Os hoffech siarad â ni am y cyfle hwn, cysylltwch â Dr Rob Meyers, Prif Arweinydd ar gyfer Rhaglenni Chwaraeon Israddedig, yn [email protected] neu ffoniwch 02920416505 neu am ragor o wybodaeth am weithio gyda ni yn ein Prifysgol ewch i'n recriwtio gwefan.

Pe bai nifer uchel o geisiadau yn cael eu derbyn, efallai y bydd angen i ni gau'r swydd wag hon yn gynnar. Felly rydym yn eich annog i wneud cais mor gynnar â phosibl.

Os bydd nifer fawr o geisiadau'n dod i law, efallai y bydd angen inni gau'r swydd wag hon yn gynnar. Felly, rydym yn eich annog i wneud cais cyn gynted â phosibl.

Mae'r brifysgol wedi ymrwymo i greu diwylliant cynhwysol iawn. Rydym yn cynnig trefniadau gweithio hyblyg a chyfeillgar i deuluoedd ac amrywiaeth o rwydweithiau staff, fforymau a digwyddiadau i gefnogi a datblygu ein staff. Rydym yn croesawu ceisiadau gan unigolion heb gynrychiolaeth digonol yn y sector addysg uwch.

Gwybodaeth Bellach

Darllenwch ein Pecyn Ymgeisydd neu ewch i'n gwefan recriwtio staff i gael gwybodaeth am weithio i ni, ein diwylliant, buddion, cydbwysedd bywyd a gwaith a'n cyfleoedd datblygu a datblygu gyrfa.