Aelod (Lleyg) Annibynnol Is – Pwyllgor Llywodraethu ac Archwilio

Cyngor Sir Ceredigion

📍 Ceredigion

6a

Mae Cyngor Sir Ceredigion yn edrych am Aelod (Lleyg) Annibynnol Is – Pwyllgor Llywodraethu ac Archwilio

Mae’r Cyngor yn ceisio penodi unigolyn i wasanaethu fel Aelod Annibynnol (‘Lleyg’) ar y Pwyllgor Llywodraethu ac Archwilio – i ddechrau ar 30.05.2027, (a sefydlwyd o dan Fesur Llywodraeth Leol (Cymru) 2011 (fel y’i diwygiwyd gan Ddeddf Llywodraeth Leol ac Etholiadau (Cymru) 2021).

Bydd y penodiad am leiafswm o 5 mlynedd gyda’r posibilrwydd o estyniad am hyd at 10 mlynedd. Mae’r rôl yn gofyn am hyblygrwydd, gydag ymrwymiad o 5-7 cyfarfod yn ystod y dydd fesul blwyddyn (gan bara rhwng awr a thair awr) ar gyfartaledd, ynghyd â gwaith paratoi, hyfforddiant a datblygiad. Cynhelir yr holl gyfarfodydd o bell.

Mae’r Pwyllgor Llywodraethu ac Archwilio’n cynghori’r Cyngor, y Cabinet, Pwyllgorau a Swyddogion ar lywodraethu, trosolwg ariannol, rheoli risg a pherfformiad, cwynion a rheolaeth fewnol. Mae’n sicrhau systemau llywodraethu effeithiol a chydymffurfiaeth â gweithdrefnau archwilio mewnol. Rhaid i ymgeiswyr fod yn 18 oed neu’n hŷn a rhaid iddynt gwrdd â’r meini prawf canlynol (gweler y Disgrifiad o’r Rôl a Manyleb y Person am y rhestr lawn o’r meini prawf):

Nid yw’r ymgeisydd yn, neu nad yw wedi bod yn, aelod, aelod cyfetholedig neu weithiwr i’r Cyngor o fewn y pum mlynedd diwethaf;

Nid yw’n weithiwr neu’n aelod o’r Cyngor neu Awdurdod Lleol arall;

Nid oes gan yr ymgeisydd unrhyw berthynas personol, cyfreithiol neu gyfreithiol â Chyngor Sir Ceredigion (gan gynnwys cyflogeion, aelodau neu staff blaenorol), neu unrhyw berthynas/gweithgarwch, a allai gynrychioli gwrthdaro buddiannau);

Nid yw’r ymgeisydd wedi ei gael yn euog o unrhyw drosedd;

Nid yw’n fethdalwr nas rhyddhawyd;

Nid oes ganddo unrhyw drafodion busnes sylweddol â’r Cyngor na chysylltiad ffurfiol ag unrhyw grŵp gwleidyddol;

Nid yw’n ddeiliad swydd bwysig mewn sefydliad sy’n derbyn cymorth grant/cefnogaeth gan y Cyngor; ac

Nid yw wedi’i wahardd o ddal swydd fel aelod o’r Awdurdod Lleol.

Telir ffioedd ar gyfer ymgymryd â dyletswyddau yn unol â Rhestr o Gydnabyddiaeth Ariannol Aelodau’r Cyngor.

Mae manylion pellach, ynghyd â’r Disgrifiad o’r Rôl a Manyleb y Person.

Os ydych chi’n credu eich bod chi’n cwrdd â’r gofynion uchod a bod gennych chi ddiddordeb mewn dod yn aelod (lleyg) annibynnol o’r Pwyllgor Llywodraethu ac Archwilio, gwnewch gais.

Os hoffech chi drafod y rôl, neu os hoffech chi ragor o wybodaeth, cysylltwch â Katy Sinnett-Jones, Swyddog Llywodraethu ar 01545573062 / [email protected].

Noder: Cedwir yr hawl i ymestyn y dyddiad cau.

Lleoliad

📍 Ceredigion

Dyddiad cau

22 Hydref 2026

Gwneud cais

👋🏻 Os gallwch sôn am Jobyn yn eich cais, rydyn ni wir yn ddiolchgar!

Mae Cyngor Gweithredu Gwirfoddol Cymru yn edrych am Swyddog Cymorth Cyfathrebiadau Digidol

Ar gau. Mae’r dyddiad cau ar gyfer y swydd hon wedi mynd heibio.

Rydyn ni’n chwilio am unigolyn brwdfrydig a chreadigol i ymuno â’n tîm cyfathrebu a marchnata dynamig fel ‘Swyddog Cymorth Cyfathrebiadau Digidol’ CGGC.

Disgrifiad:

Rydyn ni’n chwilio am siaradwr Cymraeg i ymuno ag CGGC fel Swyddog Cymorth Cyfathrebiadau Digidol. Mae hwn yn gyfle rhagorol i rywun sydd eisiau dechrau ar yrfa mewn cyfathrebu a marchnata. Mae hefyd yn gyfle i unrhyw un â sgiliau pobl cryf i wneud defnydd da ohonynt drwy helpu CGGC i gyflawni ei ddiben – i alluogi mudiadau gwirfoddol yng Nghymru i wneud mwy o wahaniaeth gyda’i gilydd.

PAM GWEITHIO YN CGGC?

Mae CGGC (Cyngor Gweithredu Gwirfoddol Cymru) yn cynnig nifer o fuddion fel cynllun gweithio’n hyblyg, pensiwn ar 9% o’ch cyflog a mynediad at raglen cymorth i gyflogeion.

Mae CGGC yn buddsoddi yn ei gyflogeion a’u datblygiad. Rydyn ni’n Gyflogwr Cyflog Byw, sy’n ymrwymedig i dalu’r cyflog byw gwirioneddol i staff, ac rydyn ni hefyd wedi ennill yr achrediad Buddsoddwyr mewn Pobl.

Rhagor o wybodaeth am weithio i CGGC: https://wcva.cymru/cy/gweithio-i-cggc/

SWYDDOG CYMORTH CYFATHREBIADAU DIGIDOL

Cymraeg yn hanfodol

35 awr yr wythnos

£23,307 yn cynyddu i £24,830 pro rata y flwyddyn

Bydd CGGC yn cyfrannu 9% o’i gyflog blynyddol at ei gynllun pensiwn cymeradwy.

Lleoliad:

Mae gan CGGC bolisi gweithio hybrid a hyblyg ar waith, sy’n golygu y gallwch chi weithio yn ein swyddfeydd neu o bell (gan gynnwys gartref). Rydyn ni’n fudiad Cymru gyfan gyda swyddfeydd yn Aberystwyth, Caerdydd a’r Rhyl. Bydd angen mynychu rhai digwyddiadau a threfniadau gwaith penodol yn ein swyddfeydd a lleoliadau eraill, ond y mwyafrif o’r amser, gallwch chi ddewis ble rydych chi’n gweithio fel y bo’n briodol i’ch ffordd o fyw.

Ynglŷn â’r rôl:

Mae hwn yn gyfle cyffrous i unigolyn creadigol a brwdfrydig weithio gyda’n tîm cyfathrebu a marchnata dynamig. Byddwch chi’n cael profiad gwerthfawr o weithio gyda’n harbenigwyr yn y diwydiant ar ymgyrchoedd amlgyfrwng at ddibenion a chynulleidfaoedd amrywiol.

Mae’r rôl yn ddelfrydol i rywun sy’n dymuno dechrau ar yrfa yn y maes cyfathrebu a marchnata. Os oes gennych chi sgiliau pobl ac ochr greadigol, mae’r swydd hon yn rhoi digonedd o gyfleoedd i chi ehangu a datblygu eich sgiliau, wrth ddylunio cyfathrebiadau diddorol i gefnogi a hyrwyddo’r sector gwirfoddol yng Nghymru.

Bydd rhai o’ch prif ddyletswyddau yn cynnwys:

Datblygu, gweithredu a gwerthuso cyfathrebiadau ar gyfer platfformau amrywiol, gan gynnwys ein gwefan, sianeli cyfryngau cymdeithasol ac e-gylchlythyrau

Gweithio gyda rhanddeiliaid mewnol ac allanol gwahanol i ganfod cyfleoedd i greu cynnwys diddorol sy’n hyrwyddo gwaith y sector gwirfoddol

Cyfrannu at y gwaith o gynllunio cyfathrebiadau a marchnata er mwyn sicrhau mai’r un yw ein llais yn Gymraeg a Saesneg

Byddwch chi hefyd yn gweithio’n agos gyda thimau eraill CGGC a chyda phartneriaid allanol, lle byddwch chi’n cael cyfle i weld yr holl brosiectau gwahanol a chyffrous rydyn ni’n gysylltiedig â nhw. Byddwch chi’n clywed o lygad y ffynnon (ac yn helpu i adrodd) straeon hollol ysbrydoledig elusennau a grwpiau gwirfoddol ledled Cymru.

Mae’r swydd hon yn amrywiol iawn, ac nid yw’r un dau ddiwrnod yr un fath. Mae hon yn rôl hynod o werth chweil ar gyfer unigolyn trefnus ac uchel ei gymhelliant sy’n hoffi her ac eisiau defnyddio’i sgiliau i wneud cyfraniad positif at y sector gwirfoddol yng Nghymru.

Darllenwch y swydd-ddisgrifiad lawn: https://wcva.cymru/cy/cyfle-gwaith-newydd-yn-cggc/

SUT I YMGEISIO

I ymgeisio, lawrlwythwch y pecyn cais isod: https://wcva.cymru/cy/cyfle-gwaith-newydd-yn-cggc/

Dyddiad cau: 20 Mawrth 2023, 10am