Swyddog Rheoli Adeiladu

Cyngor Sir Ceredigion

💰 £39k - £41k 📍 Ceredigion

7a

Mae Cyngor Sir Ceredigion yn edrych am Swyddog Rheoli Adeiladu

Noder fod y cyflog a hysbysebir ar gyfer y swydd hon yn amodol ar ddyfarniad cyflog cenedlaethol 2026/2027 sydd ar ddod. Caiff y cyflog terfynol ei addasu yn unol â hynny unwaith y bydd y dyfarniad wedi’i gytuno.

Rydym yn dymuno recriwtio unigolyn brwdfrydig sydd â chymhelliant uchel i fod yn rhan o’r tîm Rheoli Adeiladu ar sail barhaol, llawn amser.

Fel rhan o’r Gwasanaeth Cynllunio ehangach, sy’n ymdrin â dyletswyddau a gofynion statudol o dan y Rheoliadau Adeiladu a deddfwriaeth gysylltiedig arall, bydd deiliad y swydd yn chwarae rôl allweddol wrth fonitro a rheoleiddio datblygiadau ledled y sir.

O ddydd i ddydd, byddwch yn:

Asesu ceisiadau Rheoliadau Adeiladu a’r wybodaeth ategol.
Cynnal archwiliadau safle i asesu cydymffurfiaeth â’r Rheoliadau Adeiladu a deddfwriaeth gysylltiedig.
Darparu cyngor technegol proffesiynol, diduedd ac ymarferol i ymgeiswyr, asiantau, contractwyr ac aelodau o’r cyhoedd.
Cefnogi ymateb statudol y Cyngor i adeiladau peryglus.
Cyfrannu at Wasanaeth Rheoli Adeiladu effeithiol, effeithlon, ymatebol ac o ansawdd uchel.
Cyfrannu at weithredu newidiadau deddfwriaethol sy’n deillio o Reoliadau Adeiladu (Cymru) 2024 a 2025.
Darparu cymorth i’r Gwasanaeth Cynllunio ehangach pan fo angen.

Rydym yn dymuno recriwtio unigolyn sydd:

Â gradd neu gymhwyster cyfatebol mewn pwnc perthnasol, neu gyfuniad cyfatebol o wybodaeth a phrofiad ym maes Rheoli Adeiladu.

Yn Arolygydd Adeiladu Cofrestredig ar Ddosbarth 2(a–f) neu uwch.

Yn gallu cyfathrebu’n ddiduedd, yn broffesiynol ac yn effeithiol ag ystod eang o bobl ar wahanol lefelau.

Yn gallu gweithio gyda goruchwyliaeth gyfyngedig a rheoli blaenoriaethau sy’n cystadlu â’i gilydd a therfynau amser tynn.

Â ymrwymiad cryf i ddarparu gwasanaeth cyhoeddus o ansawdd uchel ac i sicrhau boddhad cwsmeriaid.

Mae’r swydd yn gofyn am rywfaint o ruglder yn y Gymraeg. Sylwer y bydd ymgeisydd llwyddiannus nad oes ganddo’r sgiliau Cymraeg gofynnol yn cael ei gefnogi’n llawn i gyrraedd y safon ofynnol o fewn dwy flynedd i’w benodi.

I gael gwybodaeth fanwl am y rôl hon, cyfeiriwch at y Disgrifiad Swydd a’r Fanyleb Person.

Mae rhagor o wybodaeth ddefnyddiol ar gael ar wefan gyrfaoedd y Cyngor, gan gynnwys manylion am yr hyn y gallwn ei gynnig a’r ffordd o fyw y gallwch ei disgwyl. Mae Ceredigion yn cael ei chydnabod fel un o’r lleoedd mwyaf diogel i fyw a gweithio ynddi, gyda diwylliant bywiog, ysgolion rhagorol, arfordiroedd hardd a chefn gwlad tonnog.

Disgrifiad Swydd a Manyleb Person

Pecyn Gwybodaeth Tîm Ceredigion

Am drafodaeth anffurfiol, cysylltwch â Jeremy Holmes, Prif Swyddog Rheoli Adeiladu / Geraint Williams, Rheolwr Gwasanaeth, ar 01545 572482.

Noder: Cedwir yr hawl i ymestyn y dyddiad cau.

Cyflog

💰 £39,152 - £40,777 y flwyddyn

Lleoliad

📍 Ceredigion

Dyddiad cau

7 Hydref 2026

Gwneud cais

👋🏻 Os gallwch sôn am Jobyn yn eich cais, rydyn ni wir yn ddiolchgar!

Mae Cyngor Gweithredu Gwirfoddol Cymru yn edrych am Swyddog Cymorth Cyfathrebiadau Digidol

Ar gau. Mae’r dyddiad cau ar gyfer y swydd hon wedi mynd heibio.

Rydyn ni’n chwilio am unigolyn brwdfrydig a chreadigol i ymuno â’n tîm cyfathrebu a marchnata dynamig fel ‘Swyddog Cymorth Cyfathrebiadau Digidol’ CGGC.

Disgrifiad:

Rydyn ni’n chwilio am siaradwr Cymraeg i ymuno ag CGGC fel Swyddog Cymorth Cyfathrebiadau Digidol. Mae hwn yn gyfle rhagorol i rywun sydd eisiau dechrau ar yrfa mewn cyfathrebu a marchnata. Mae hefyd yn gyfle i unrhyw un â sgiliau pobl cryf i wneud defnydd da ohonynt drwy helpu CGGC i gyflawni ei ddiben – i alluogi mudiadau gwirfoddol yng Nghymru i wneud mwy o wahaniaeth gyda’i gilydd.

PAM GWEITHIO YN CGGC?

Mae CGGC (Cyngor Gweithredu Gwirfoddol Cymru) yn cynnig nifer o fuddion fel cynllun gweithio’n hyblyg, pensiwn ar 9% o’ch cyflog a mynediad at raglen cymorth i gyflogeion.

Mae CGGC yn buddsoddi yn ei gyflogeion a’u datblygiad. Rydyn ni’n Gyflogwr Cyflog Byw, sy’n ymrwymedig i dalu’r cyflog byw gwirioneddol i staff, ac rydyn ni hefyd wedi ennill yr achrediad Buddsoddwyr mewn Pobl.

Rhagor o wybodaeth am weithio i CGGC: https://wcva.cymru/cy/gweithio-i-cggc/

SWYDDOG CYMORTH CYFATHREBIADAU DIGIDOL

Cymraeg yn hanfodol

35 awr yr wythnos

£23,307 yn cynyddu i £24,830 pro rata y flwyddyn

Bydd CGGC yn cyfrannu 9% o’i gyflog blynyddol at ei gynllun pensiwn cymeradwy.

Lleoliad:

Mae gan CGGC bolisi gweithio hybrid a hyblyg ar waith, sy’n golygu y gallwch chi weithio yn ein swyddfeydd neu o bell (gan gynnwys gartref). Rydyn ni’n fudiad Cymru gyfan gyda swyddfeydd yn Aberystwyth, Caerdydd a’r Rhyl. Bydd angen mynychu rhai digwyddiadau a threfniadau gwaith penodol yn ein swyddfeydd a lleoliadau eraill, ond y mwyafrif o’r amser, gallwch chi ddewis ble rydych chi’n gweithio fel y bo’n briodol i’ch ffordd o fyw.

Ynglŷn â’r rôl:

Mae hwn yn gyfle cyffrous i unigolyn creadigol a brwdfrydig weithio gyda’n tîm cyfathrebu a marchnata dynamig. Byddwch chi’n cael profiad gwerthfawr o weithio gyda’n harbenigwyr yn y diwydiant ar ymgyrchoedd amlgyfrwng at ddibenion a chynulleidfaoedd amrywiol.

Mae’r rôl yn ddelfrydol i rywun sy’n dymuno dechrau ar yrfa yn y maes cyfathrebu a marchnata. Os oes gennych chi sgiliau pobl ac ochr greadigol, mae’r swydd hon yn rhoi digonedd o gyfleoedd i chi ehangu a datblygu eich sgiliau, wrth ddylunio cyfathrebiadau diddorol i gefnogi a hyrwyddo’r sector gwirfoddol yng Nghymru.

Bydd rhai o’ch prif ddyletswyddau yn cynnwys:

Datblygu, gweithredu a gwerthuso cyfathrebiadau ar gyfer platfformau amrywiol, gan gynnwys ein gwefan, sianeli cyfryngau cymdeithasol ac e-gylchlythyrau

Gweithio gyda rhanddeiliaid mewnol ac allanol gwahanol i ganfod cyfleoedd i greu cynnwys diddorol sy’n hyrwyddo gwaith y sector gwirfoddol

Cyfrannu at y gwaith o gynllunio cyfathrebiadau a marchnata er mwyn sicrhau mai’r un yw ein llais yn Gymraeg a Saesneg

Byddwch chi hefyd yn gweithio’n agos gyda thimau eraill CGGC a chyda phartneriaid allanol, lle byddwch chi’n cael cyfle i weld yr holl brosiectau gwahanol a chyffrous rydyn ni’n gysylltiedig â nhw. Byddwch chi’n clywed o lygad y ffynnon (ac yn helpu i adrodd) straeon hollol ysbrydoledig elusennau a grwpiau gwirfoddol ledled Cymru.

Mae’r swydd hon yn amrywiol iawn, ac nid yw’r un dau ddiwrnod yr un fath. Mae hon yn rôl hynod o werth chweil ar gyfer unigolyn trefnus ac uchel ei gymhelliant sy’n hoffi her ac eisiau defnyddio’i sgiliau i wneud cyfraniad positif at y sector gwirfoddol yng Nghymru.

Darllenwch y swydd-ddisgrifiad lawn: https://wcva.cymru/cy/cyfle-gwaith-newydd-yn-cggc/

SUT I YMGEISIO

I ymgeisio, lawrlwythwch y pecyn cais isod: https://wcva.cymru/cy/cyfle-gwaith-newydd-yn-cggc/

Dyddiad cau: 20 Mawrth 2023, 10am