Cynorthwyydd TG (x2) — Menter a Busnes

Mae Menter a Busnes yn edrych am Gynorthwyydd TG (x2)

Ar gau. Mae’r dyddiad cau ar gyfer y swydd hon wedi mynd heibio.

Cyfle cyffrous i ymuno â Menter a Busnes yn ein cynlluniau twf parhaus, fel rhan o dîm TG deinamig ac uchelgeisiol gyda gwaith amrywiol a difyr.

Disgrifiad:

Manyleb Swydd Teitl Swydd: Cynorthwyydd TG x2

Adran: Technoleg Gwybodaeth

Lleoliad: Unrhyw un o swyddfeydd Menter a Busnes,

**Hybrid (50/50) ** Bydd staff sy’n byw mwy na 40 milltir o’u swyddfa Menter a Busnes agosaf yn gallu gweithio o gartref yn barhaol

Rheolwr Atebol: Rheolwr Gweithrediadau TG

Graddfa: 2

Cyflog: £20,919 - £22,367 (dibynnol ar brofiad)

Mae cynllun bonws hefyd yn weithredol

Cytundeb: Parhaol

Ystyrir ceisiadau i weithio'n llawn amser neu'n rhan amser

Sgiliau Dwyieithog: Hanfodol

Nod yr Adran Technoleg Gwybodaeth

Dyma gyfle cyffrous i ymuno â Menter a Busnes yn ein cynlluniau twf parhaus, fel rhan o dîm deinamig ac uchelgeisiol gyda gwaith amrywiol a difyr. Mae’r tîm TG yn gyfrifol am:

· Gweithrediad effeithiol ac effeithlon systemau technoleg y cwmni, gan ganolbwyntio’n benodol ar berfformiad dibynadwy, diogelwch, a datblygiad parhaus;

· Darparu gwasanaethau cymorth llawn o ansawdd uchel i staff

Nod y Swydd Bydd y Cynorthwyydd TG yn cefnogi’r Adran TG i ddarparu gwasanaeth i’r cwmni, drwy gynnig cymorth technegol addas a dibynadwy i staff, gosod a gofalu am gyfarpar a chyfrifon, a chefnogi cyd-weithwyr TG efo’u gwaith. Prif Gyfrifoldebau · Gweithio’n agos gyda’r tîm i ddarparu gwasanaethau TG o ansawdd uchel

· Bod yn bwynt cyswllt cyntaf i ymholiadau ar y ddesg gymorth, a chynnig gwasanaeth cwsmer o safon drwy ddadansoddi, trefnu a blaenoriaethu ticedi yn addas, ac esgoli ble fod angen

· Cefnogi staff i fabwysiadu a defnyddio technoleg newydd, gan gynnig cyngor a hyfforddiant sylfaenol

· Paratoi at aelodau staff sy’n cychwyn a gadael, rheoli mynediad i gyfrifon ac adnoddau gan ddilyn prosesau yr adran

· Gosod a dosbarthu cyfarpar o fewn amserlen benodol, gan sicrhau bod staff newydd yn medru gweithio’n hwylus ar eu diwrnod cyntaf

· Gofalu am holl gyfarpar TG y cwmni, cynnal offer a chyfleusterau TG swyddfeydd (megis argraffwyr, ffônau a chyfarpar fideo-gynadledda), a chadw holl offer a storfeydd TG yn daclus a threfnus

· Perfformio gwaith cynnal sylfaenol rheolaidd, megis – Diweddaru meddalwedd a chaledwedd; Gweithredu copïau wrth-gefn; Gwaith gweinyddol

· Cynorthwyo’r tîm TG i ddatrys digwyddiadau (incidents), a gweithio ar ddatblygiadau/prosiectau TG

· Cadw holl gofnodion, dogfennaeth, a chronfeydd data TG yn daclus, cywir a chyfredol

· Ymweld â swyddfeydd y cwmni yn ôl yr angen i gwblhau gwaith gosod, cynnal a datrys

· Cynorthwyo’r tîm TG i ddiogelu data’r cwmni, gan weithio i leihau’r risg o golli data, dinistrio data’n ddamweiniol a dwyn data

· Cynorthwyo staff i ddehongli a gweithio yn ôl ein polisiau TG

· Cynorthwyo’r Rheolwr Gweithrediadau TG i sicrhau bod y cwmni’n llwyddo i gynnal safon Cyber Essentials Plus o fewn amserlenni penodol Arall

· Gweithio ar brosiectau eraill Grŵp Menter a Busnes yn ôl y galw, gan gynnwys rhai masnachol

· Sicrhau bod safonau ansawdd, gwasanaeth cwsmer, cydraddoldeb ac amrywiaeth, iechyd a diogelwch a bioddiogelwch y tîm TG yn cael eu bodloni

· Derbyn dyletswyddau a chyfrifoldebau rhesymol eraill a chynrychioli Menter a Busnes yn ôl yr angen

Sgiliau a Phrofiad Hanfodol

· Profiad dangosadwy o osod, cynnal a chadw caledwedd a meddalwedd TG, a datrys problemau TG eich hunain ac eraill. (Gall hyn fod hefo teulu neu ffrindiau, yn hytrach nag yn y gwaith)

· Cymhwyster addysg bellach (e.e. NVQ / Lefel AS) neu’n uwch, a/neu brofiad dangosadwy mewn maes perthnasol

· Gwybodaeth a sgiliau da efo rhai o’r canlynol:

- Systemau Gweithredu: Windows, macOS, iOS, Android - Caledwedd: Cyfrifiaduron, ffônau symudol, tabledi, ategolion cyffredin, fideo-gynadledda, argraffyddion

- Meddalwedd: Ebost a chynhyrchiant (Google Workspace, Microsoft Office)

· Diddordeb cryf mewn technolegau modern ynghyd â thechnolegau sy’n datblygu

· Ymwybyddiaeth o ddiogelwch ar-lein

· Gallu dysgu ac addasu i systemau a thechnoleg newydd

· Sgiliau rhyngbersonol a chyfathrebu clir, gyda’r gallu i ddefnyddio diplomyddiaeth wrth ddelio ag ymholiadau staff

· Gallu ymchwilio a datrys problemau drwy edrych arnynt o wahanol gyfeiriadau, mynegi manteision, anfanteision a risgiau dewisiadau

· Gallu ysgogi ei hun i weithio’n annibynnol ac fel aelod o dîm

· Gweithredu gyda gofal, uniondeb a chyfrinachedd, yn enwedig efo mynediad breintiedig

· Person trefnus, sy’n gallu addasu a chymell ei hun, ac yn gallu rheoli nifer o dasgau ar yr un pryd a gweithio dan bwysau i gwrdd â therfynau amser

· Sgiliau cyflwyno clir a diddorol, gyda’r hyder i gyflwyno o flaen cynulleidfaoedd amrywiol, a’r gallu i esbonio materion technegol neu gymhleth mewn ffordd annhechnegol

· Sgiliau cyfathrebu da ar lafar ac yn ysgrifenedig

· Sgiliau dwyieithog (Cymraeg/Saesneg). (Croesawir ceisiadau gan ddysgwyr). Dymunol

· Cymhwyster proffesiynol TG

· Profiad dangosadwy o weithio a llwyddo mewn rôl

· Profiad dangosadwy o ddarparu gwasanaeth cwsmer

· Trwydded yrru lawn a char i’w ddefnyddio at ddibenion busnes Gwneud Cais Gallwch wneud cais am y swydd hon drwy lenwi ffurflen gais a ffurflen cyfle cyfartal (sydd ar gael ar ein gwefan www.menterabusnes.co.uk) a’u dychwelyd at [email protected]. Os hoffech gael trafodaeth anffurfiol am y swydd hon, cysylltwch ag Aled James, Rheolwr Technoleg Gwybodaeth, ar [email protected] i drefnu sgwrs.

Dyddiad Cau Y dyddiad cau ar gyfer ceisiadau yw: 10:00 y bore, 28/11/2022 Cyfweliadau Byddwn yn cynnal y cyfweliadau ar gyfer y swydd hon yn rhithiol yn yr wythnos sy’n cychwyn 05/12/2022. Os yw’r wythnos hon yn anghyfleus, nodwch hynny ar eich ffurflen gais os gwelwch yn dda.

**Polisi Cydraddoldeb ac Amrywiaeth ** Gwelwch ein gwefan i gael copi o’n Polisi Cydraddoldeb ac Amrywiaeth

Nod y Cwmni Menter a Busnes yw’r prif gwmni datblygu economaidd yng Nghymru. Rydym yn gwmni annibynnol, nid er elw, sy’n arwain y ffordd yn darparu rhaglenni a gwasanaethau cymorth busnes ar ran Llywodraeth Cymru a sefydliadau cenedlaethol a rhanbarthol eraill. Rydym hefyd yn gweithio gyda chleientiaid masnachol i gynllunio a darparu gwasanaethau mewn meysydd megis cymorth busnes, entrepreneuriaeth ac arloesedd i ddatblygu a thyfu busnesau. Yn unol â’n gwerthoedd, ym Menter a Busnes ein nod yw creu amgylchedd gwaith cyfeillgar sy’n onest, yn gyfrifol ac yn iach, ac sy’n dangos y parch mwyaf at staff a chwsmeriaid. Rydym yn cymryd camau i ddatblygu gweithlu mwy amrywiol ac yn benodol yn annog ymgeiswyr o grwpiau heb gynrychiolaeth ddigonol, gan gynnwys pobl dduon a lleiafrifoedd ethnig (BAME), pobl anabl a phobl o’r gymuned LGBTQ+ o dan y rheolau gweithredu cadarnhaol fel yr amlinellir yn Neddf Cydraddoldeb 2010. Rydym yn dilyn egwyddorion cystadleuaeth agored a phenodir staff yn seiliedig ar eu rhinweddau. Mae gennym dîm o 130 o staff ymroddgar sydd â dealltwriaeth eang o sawl sector a maes ym myd busnes a’n blaenoriaeth yw mynd y cam ychwanegol i ddarparu gwasanaethau o’r safon uchaf posibl. Er mwyn gwella bywyd gwaith ein staff, rydym yn annog arferion gweithio hyblyg sy’n cefnogi gwell cydbwysedd rhwng bywyd a gwaith. Rydym hefyd yn cefnogi iechyd a lles ein staff drwy gynnig amrywiaeth o ymyriadau a gwasanaethau.

Cyflog

💰 £20,919 - £22,367

Lleoliad

📍 Unrhyw un o’n swyddfeydd, Hybrid

Dyddiad cau

28 Tachwedd 2022

👋🏻 Os gallwch sôn am Jobyn yn eich cais, rydyn ni wir yn ddiolchgar!

Mae Webrecruit yn edrych am Weinyddwr - Recriwtio a Gwasanaethau Cleient

Ar gau. Mae’r dyddiad cau ar gyfer y swydd hon wedi mynd heibio.

Gweithio Hybrid (Yn y Cartref ac yn y Swyddfa, yn y Cartref yn unig ar gyfer gweithwyr y tu allan i bellter cymudo)

Amdanom ni

Yn Webrecruit, rydym yn gwmni hysbysebu a meddalwedd recriwtio, yn gyfuniad prin o bobl greadigol, datblygwyr, arweinwyr meddwl a gweithwyr proffesiynol gwerthu sy'n cydweithio i greu atebion ymarferol, defnyddiadwy i anghenion recriwtio cleientiaid.

Rydyn ni'n gwneud rhywbeth o'r enw Recriwtio Hybrid - dydyn ni ddim i gyd yn hysbysebu recriwtio ac nid ydym yn canolbwyntio ar wneud meddalwedd yn unig. Rydym yn hysbysebu, recriwtio a llogi arbenigwyr meddalwedd sy’n darparu datrysiadau cyflawn sy’n bodloni holl anghenion recriwtio cwmni, o gynhyrchu hysbyseb i ddenu’r bobl gywir a’u cynnwys trwy ein meddalwedd platfform llogi sy’n arwain y farchnad.

Ni yw stop cyntaf llawer o gleientiaid ar gyfer eu hanghenion hysbysebu a chyda hynny mewn golwg, rydym yn parhau i weld galwadau cynyddol am ein cefnogaeth gan gleientiaid newydd a phresennol.

Rydyn ni nawr yn recriwtio ar gyfer Gweinyddwr i ymuno â'n tîm Gwasanaethau Cleient sy'n ymwneud â phostio a gweinyddu'r hysbysebion swyddi rydyn ni'n eu creu ar y byrddau swyddi a'r cyfryngau cymdeithasol.

Eich dydd i ddydd:

O ddydd i ddydd, mae ein Gweinyddwyr yn yr adran Gwasanaethau Cleient yn chwarae rhan hanfodol wrth sicrhau bod ein hysbysebion swyddi yn cael eu postio i fyrddau swyddi gofynnol ac allfeydd cyfryngau cymdeithasol mewn modd amserol, effeithlon a chywir. Mae ein Gweinyddwyr yn sicrhau ein bod yn cyflawni'r hyn y mae ein cleientiaid yn dod i Webrecruit amdano!

Gan weithio gydag atebion awtomataidd profedig ac ymarferol ochr yn ochr â phrosesau cynnil, ystyriol, nid oes unrhyw ddau ddiwrnod yr un fath mewn gwirionedd; mae gennym ddigonedd o systemau a ffyrdd o weithio yn eu lle i wneud ein darpariaeth mor llyfn â phosibl, ond rydym hefyd yn gweithio mewn amgylchedd cyflym sy'n cyflwyno anghenion dyddiol, amrywiol sy'n creu amgylchedd gwaith cadarnhaol a deinamig.

Yr hyn rydym yn chwilio amdano:

Daw ein tîm o amrywiaeth eang o gefndiroedd gyda lefelau amrywiol o brofiad. Yr hyn sy'n gwneud ein timau a'n cymdeithion yn llwyddiannus yw parodrwydd cymunedol i gyflawni gwaith rhagorol i'n cleientiaid bob dydd.

Gyda’n llwyddiannau parhaus, mae gennym ddyddiau lle gall y swm o waith sy’n dod drwodd fod yn uchel ac mae angen aelodau tîm arnom sy’n gallu addasu i’r cyfnodau hyn o fusnes gyda dull tawel a chasgledig, tra’n cadw llygad am fanylion. Bydd angen hyder arnoch hefyd i allu cyfathrebu â chleientiaid, ymgeiswyr a chydweithwyr fel ei gilydd felly mae proffesiynoldeb a galluoedd meithrin cydberthnasau yn bwysig i'r rôl hon. Mae'r gallu i siarad Cymraeg, yn ogystal â Saesneg, hefyd yn hanfodol ar gyfer y swydd hon.

Yn benodol, byddwch yn:

- Postio swyddi gweigion cymeradwy cleientiaid i fyrddau swyddi - Golygu hysbysebion byw ar fyrddau swyddi - Cydgysylltu â chyflenwyr a'r tîm masnachol yn ôl yr angen i sicrhau bod rolau'n cael eu gosod ar fyrddau swyddi cyffredinol ac arbenigol - Rheoli ac ymateb i ymholiadau a cheisiadau yn y mewnflwch gwasanaethau a rennir - Cysylltu â chleientiaid, ymgeiswyr a chydweithwyr dros y ffôn

Nid yw hon yn rhestr hollgynhwysfawr o ddyletswyddau, ac mae digon i gymryd rhan ynddo gan gynnwys sefydlu cyfrifon brand ar gyfer cleientiaid ar y byrddau swyddi, gweinyddu ymgyrchoedd cyfryngau cymdeithasol, cefnogi cleientiaid ac ymgeiswyr ar eu teithiau a mwy!

Bydd gan ymgeiswyr delfrydol brofiad o weithio mewn swyddogaeth weinyddol naill ai mewn Hysbysebu neu Recriwtio, neu'r ddau; fodd bynnag, nid yw hyn yn orfodol a'r hyn yr ydym yn chwilio amdano mewn gwirionedd yw sgiliau gweinyddol cryf ac amlwg, llygad am fanylion ac ymrwymiad i wneud swydd yn iawn.

Beth fyddwch chi'n ei gael yn gyfnewid?

- Cyflog o £22,500 DOE - Cynllun bonws (ar ôl cyfnod prawf) - Cynllun pensiwn - 23 diwrnod o wyliau pro rata (cynyddu gyda gwasanaeth i 25) - Polisi gwisgo i lawr - Gweithio o gartref - Hyfforddiant cynhwysfawr

Fe welwch ein bod ni’n dîm amrywiol o unigolion gydag ehangder o brofiad, cefndiroedd a diddordebau ac mae hyn oll yn cyfrannu at ein gweithle fel rhywbeth yr ydym ni yn Webrecruit yn falch ohono. Rydyn ni'n gweithio o gartref, yn 'gyfarfodydd' Zoom ac yn sgwrsio DM y dyddiau hyn - rydyn ni'n gyson mewn cysylltiad â'n gilydd er ein bod ni'n bell. Rydym hefyd nawr yn ôl yn y swyddfa un diwrnod yr wythnos!

Cynhelir cyfweliadau trwy sgwrs fideo a bydd y broses recriwtio yn cynnwys profion ysgrifennu a sgiliau ochr yn ochr â'r broses ymgeisio a chyfweld.

Cynigir y rôl hon ar sail amser llawn.

Gall sefydliadau eraill alw'r rôl hon yn Gynorthwyydd Gweinyddol, Cynorthwy-ydd Gweinyddol, Cynorthwy-ydd Cymorth Gweinyddol, Swyddog Gweinyddol, Gweinyddwr Recriwtio, Gweinyddwr Adnoddau Dynol, Gweinyddwr Hysbysebu, neu Weithredwr Gweinyddol.

Mae Webrecruit yn gyflogwr cyfle cyfartal, yn gwerthfawrogi amrywiaeth ac wedi ymrwymo'n gryf i ddarparu cyfleoedd cyflogaeth cyfartal i bob gweithiwr a phob ymgeisydd am gyflogaeth. Cyfle cyfartal yw’r unig ffordd dderbyniol o gynnal busnes a chredwn po fwyaf cynhwysol yw ein hamgylcheddau, gorau oll fydd ein gwaith.

Os oes gennych ddiddordeb mewn bod yn Weinyddwr yn Webrecruit, dewiswch y botwm ymgeisio a chyflwynwch lythyr eglurhaol cyffrous ochr yn ochr â'ch CV a chwestiynau ategol.