Darlithydd yn Ysgol y Gymraeg

Rydym yn chwilio am arbenigwr arlwyo ar gyfer canolfan breswyl Bwthyn Ogwen ger Bethesda. Bydd y contractwr llwyddiannus yn darparu ar gyfer grwpiau o bobl ifanc sy'n aros yn y ganolfan i brofi'r dirwedd naturiol leol gyda'r Outward Bound Trust. Mae hwn fel arfer yn weithrediad o ddydd Llun i ddydd Gwener, gydag archebion trwy gydol y flwyddyn.

Datganiadau o ddiddordeb erbyn 30 Rhagfyr.

Cysylltwch

Datganiadau o Ddiddordeb ac ymholiadau drwy gysylltu a Trystan Edwards, Rheolwr Cyffredinol a Joanne Bewley, Cydlynudd Cyfleusterau;

·   [email protected] neu 07779 222180

·   [email protected] neu 07890 898113

Amserlen: Datganiadau Diddordeb inni cyn gynted a bo modd, ond ddim hwyrach na 30ain o Ragfyr.

Yn dilyn twf o fewn y cwmni ac o fewn prosiect Cywain, rydym yn chwilio am Ddylunydd Graffeg i ymuno â ni. Dyma gyfle gwych i ymuno a chwmni blaengar a gweithio ar brosiect yn niwydiant byrlymus bwyd a diod Cymru sy’n hollbwysig i dŵf yr economi Gymreig.    Bydd y swydd wedi ei rhannu ar gyfartaledd 90% ar brosiect Cywain, a 10% ar waith corfforaethol Menter a Busnes.

Disgrifiad:

Mae Cywain, a ddarperir gan Menter a Busnes, yn fodel sy’n darparu cefnogaeth wedi’i dargedu ar gyfer busnesau micro a BBaCh sy’n gweithredu yn y sector bwyd a diod yng Nghymru. Rydym yn dechrau cyfnod newydd ac rydym wedi derbyn cyllid trwy Gymunedau Gwledig Llywodraeth Cymru - Rhaglen Datblygu Gwledig 2014 - 2020 i ddarparu gwasanaeth diwygiedig. Mae cyllid y prosiect wedi cael ei gadarnhau tan Mehefin 2023.   Darperir gwasanaethau i ddatblygu capasiti a gallu busnesau, hwyluso trosglwyddo gwybodaeth a gwybodaeth y diwydiant ac atgyfnerthu integreiddiad y gadwyn gyflenwi. Mae’r ddarpariaeth ar gael ledled Cymru gyda phwyslais ar gydweithio drwy glystyru, ychwanegu gwerth a datblygu’r farchnad ar gyfer twf a chreu swyddi. Mae Cywain wedi datblygu rhwydwaith eang o randdeiliaid ac mae dull gweithredu cydlynol gyda phartneriaid datblygu eraill yn ganolog i ddatblygiad y cleientiaid.   Mae tair elfen i’r prosiect: 

●   Cefnogaeth i fusnesau newydd a micro 

●   Cefnogaeth diagnosteg ar gael i holl fusnesau bwyd a diod yng Nghymru 

●   Clystyru a chyd weithio rhwng busnesau er mwyn hyrwyddo twf ac effeithlonrwydd    **Nod y Rôl **

●   Arwain ar ddatblygu briffiau dylunio a chefnogi’r Arweinydd Marchnata a Digwyddiadau a staff eraill y prosiect gyda datrysiadau a chysyniadau creadigol yn ôl yr angen ar gyfer ystod gwahanol o ofynion prosiect a chwmni, gan gynnwys ond heb eu cyfyngu i gyhoeddiadau, adroddiadau, stondinau arddangos, cynnwys marchnata sy’n wynebu’r defnyddwyr a chynnwys cyfryngau cymdeithasol

●   Arwain a rheoli gwaith dylunio a phrosiectau ei hun, gan weithio’n agos gyda’r rheolwr llinell i sicrhau fod prosiectau ar y trywydd iawn ac o fewn y gyllideb a’n alinio gyda gweithgareddau eraill y tîm marchnata

●   Creu dogfennau ac ymateb i ofynion eraill Menter a Busnes yn ôl y galw   Prif Ddyletswyddau

●   Amrediad llawn o wasanaethau dylunio graffeg i Cywain, gan gynnwys creu cysyniadau, graffeg a chynlluniau ar gyfer yr arddangosfeydd a chyhoeddiadau trosglwyddo gwybodaeth

●   Aelod canolog yn y tîm marchnata a digwyddiadau gan gymryd rôl ragweithiol wrth reoli ystod o brosiectau dylunio ac arwain ar gynhyrchu gofynion digidol a chynnwys creadigol y cwmni

●   Creu a rheoli gwaith dylunio ar gyfer ei argraffu, y we a’r cyfryngau hyrwyddo electronig a sioeau byw, digwyddiadau ac arddangosfeydd

●   Gweithio’n agos gyda’r Swyddog Marchnata ac aelodau eraill y tîm i ddatblygu syniadau creadigol, i ffurfio briffiau dylunio a chwblhau prosiectau dylunio o’r dechrau hyd y diwedd

●   Helpu i hybu brand Cywain a Menter a Busnes drwy gyfathrebu’n fewnol ac yn allanol

●   Defnyddio technegau creadigol ac arloesol i gyrraedd cynulleidfa eang i hyrwyddo’r gwaith

●   Gwerthuso gofynion dylunio’r prosiect ac awgrymu’r fformat / opsiynau gorau sydd ar gael o fewn yr amser

●   Rheoli’r berthynas gydag amrywiaeth eang o gyflenwyr, yn arbennig cwmniau argraffu, datblygwyr ac ati i sicrhau gwerth am arian ac ansawdd uchel cyson

●   Gweithio i amserlen y prosiect, sydd yn aml yn ddyddiadau tynn, gan sicrhau ansawdd a safon uchel

●   Sicrhau bod yr holl gyhoeddiadau ac arddangosfeydd sy’n wynebu’r cwsmer yn cwrdd â safonau brandio corfforaethol Llywodraeth Cymru

●   Cyfrifoleb am ddatblygu a chynnal canllawiau brand Cywain, gan gynnwys cynorthwyo i sicrhau cysondeb brand ar draws oll brosiectau Cywain a gwaith dylunio allanol

●   Cynorthwyo’r tîm ehangach i ddatblygu cynnwys creadigol a datrysiadau i broblemau a syniadau dylunio ac i weithio’n agos gyda’r Swyddog Marchnata i ddatblygu cynlluniau marchnata, copi a chyfres o ddeunyddiau ar gyfer gweithgareddau ac ymgyrchoedd

●   Hwyluso’r broses greadigol ar gyfer y gwahanol ffrydiau gwaith o fewn prosiect Cywain, prosiectau corfforaethol Menter a Busnes a gwaith dylunio prosiect eraill, gan gymryd rôl ragweithiol wrth sicrhau effeithiolrwydd o fewn y cwmni ac i sicrhau cysondeb brand Menter a Busnes ar draws y prosiectau a gwahanol adrannau

●   Sicrhau fod y prosesau caffael cywir yn cael eu dilyn a bod anfonebau yn cael eu derbyn a’u prosesu yn amserol ar gyfer gwaith dylunio a gofynion creadigol fel ffotograffeg a fideograffeg brand   **Arall **

●   Sicrhau bod y safonau’n cael eu cyrraedd ar gyfer gwasanaethau’r cwsmer, ansawdd, cydraddoldeb ac amrywiaeth a iechyd a diogelwch

●   Derbyn dyletswyddau a chyfrifoldebau rhesymol eraill fel y bo’n ofynnol

●   Cynrychioli Menter a Busnes fel y bo’n ofynnol   Sgiliau a Phrofiad   Hanfodol

●   Gradd mewn dylunio graffeg neu gymhwyster wedi’i seilio yn y gwaith neu brofiad cyfatebol

●   Profiad o reoli a darparu atebion creadigol

●   Agwedd ffres a phortffolio dylunio arloesol a chreadigol

●   Dealltwriaeth dda neu brofiad o’r sector bwyd a diod

●   Sgiliau trefnu gwych, gan gynnwys rheoli amser, ar gyfer yr holl ohebiaeth copi caled ac electronig

●   Profiad o reoli ffeiliau gan gynnwys defnyddio meintiau a fformatau amrywiol

●   Sgiliau cyflwyno a chyfathrebu (llafar ac ysgrifenedig) gwych i unigolion a grwpiau o amrywiol feintiau

●   Profiad a gwybodaeth am holl Gyfres Greadigol Adobe - yn benodol Illustrator Photoshop ac InDesign

●   Sgiliau rhyngbersonol gwych

●   Gallu gweithio ar ei b/phen ei hun yn ogystal ag o fewn tîm

●   Gallu bod yn rhagweithiol ac i yrru pethau ymlaen yn effeithiol

●   Agwedd hyblyg a’r gallu i weithio i amserlenni tynn

●   Gallu cadw data’n gyfatebol â deddfau diogelu data perthnasol

●   Gallu gweithio i ddyddiadau tynn

●   Gallu ysgogi ei hun i weithio, gan dderbyn y cyfrifoldeb am osod ac adolygu blaenoriaethau i gyflawni ei amcanion a’i waith ei hun

●   Rhagweithiol a brwdfrydig am waith yr Adran Fwyd a’r cwmni

●   Sgiliau TG rhagorol gan gynnwys - Windows; Meddalwedd cynhyrchiant (e-bost, prosesu geiriau, taenlenni, ffeilio data); Defnydd diogel o gyfrifiaduron a'r rhyngrwyd (chwilio a phori'r we, defnyddio gwefannau a chymwysiadau ar-lein)

●   Os yn gweithio o adref am unrhyw adeg, bydd gofyn bod gennych gysylltiad rhyngrwyd addas yn barod.   Manteisiol 

●   Profiad o reoli perthynas â chwmnïau argraffu a chyflenwyr eraill

●   Sgiliau cyfathrebu dwyieithog (llafar ac ysgrifenedig)

●   Gwybodaeth am raglen Cywain

●   Car i’w ddefnyddio a pharodrwydd i deithio

●   Profiad o ddylunio graffeg symud   Gwneud Cais

Gallwch wneud cais am y swydd hon drwy lenwi ffurflen gais a ffurflen cyfle cyfartal (sydd ar gael ar ein gwefan www.menterabusnes.co.uk) a’u dychwelyd at [email protected].   Os hoffech gael sgwrs anffurfiol am y swydd hon, cysylltwch â Alex James ar 07539 173 732.   Cyfweliadau

Cynhelir y cyfweliadau ar gyfer y swydd hon ar ddydd Llun, 9 Ionawr 2023, yn rhithiol. Os yw’r dyddiad yma yn anghyfleus, nodwch hynny ar eich ffurflen gais os gwelwch yn dda.   Dyddiad Cau Y dyddiad cau ar gyfer ceisiadau yw: 10yb, dydd Mawrth, 3 Ionawr 2023.

Rydym yn chwilio am gydlynydd brwdfrydig sydd yn gallu gweithio’n annibynnol i fenter gymunedol ac amgylcheddol glên sy'n hybu twristiaeth gynaliadwy, yr economi leol ac yn hyrwyddo chyfleoedd i ddefnyddio'r Gymraeg. 

Disgrifiad:

Menter gymunedol yw Llety Arall sy’n cynnig llety o safon, a gofod sy’n hybu a chefnogi gweithgareddau cymunedol. Ein gweledigaeth yw bod ymwelwyr yn cael profiad byw o’r iaith Gymraeg, o diwylliant a threftadaeth Caernarfon. Ers dechrau’r fenter, rydym wedi ceisio gweithredu mewn ffordd sy’n cynnwys pawb, a hefyd mynd ati weithredu mor wyrdd â phosib (drwy ailddefnyddio deunydd, ynni cynaliadwy) a thrwy brynu’n lleol. 

Mae Llety Arall yn eiddo i’r gymuned, gyda dros 400 o bobl wedi buddsoddi yn y fenter. Caiff y fenter ei rheoli gan Fwrdd Cyfarwyddwyr sy’n cyfarfod 4 gwaith y flwyddyn, ac is-bwyllgorau sy’n trafod cyllid, marchnata, yr adeilad a Lle Arall (y gofod cymunedol). Gwirfoddolwyr yw’r bobl yma sydd eisiau gweld Caernarfon yn cael ei gryfhau wrth i’r fenter weithredu er lles y gymuned. Yn yr un ysbryd, rydym eisiau rhoi ein ffydd yn ein staff a rhoi’r grym a chefnogaeth iddynt wneud eu gorau er lles y fenter, eu cydweithwyr a’u hunain.

Y swydd a’r person: Rydym yn awyddus i gyflogi Cydlynydd brwdfrydig sydd yn gallu gweithio’n annibynnol i redeg y busnes o ddydd i ddydd. Rydym yn chwilio am berson gweithgar, trefnus a chydwybodol i ymgymryd â’r swydd hon. Disgwylir i’r person a benodir fod â’r gallu i gyfathrebu ar lafar ac yn ysgrifenedig yn y Gymraeg a’r Saesneg. Bydd angen i’r person hefyd fod â sgiliau rhyngbersonol da, y gallu i weithio’n hyblyg, yn annibynnol a chynnig rheolaeth llinell i staff glanhau. 

Lleoliad: Caernarfon (gyda’r opsiwn o weithio o adref o bryd i’w gilydd os oes mynediad i fand llydan a’r opsiwn o weithio o’r adeilad).

Oriau: 37.5 awr (Oriau hyblyg sy’n cyd-fynd a gofynion tymhorol y gwaith). Gall oriau gwaith amrywio yn ôl prysurdeb tymhorol y llety, yn arbennig dros fisoedd yr haf. Bydd disgwyl i’r Cydlynydd fod yn hyblyg yn ôl gofynion y swydd, gyda’r ddealltwriaeth fod modd cymryd oriau ychwanegol yn ôl. Disgwylir i ddeilydd y swydd fynychu cyfarfodydd Bwrdd gyda’r nos (fel arfer 5:45pm-7:30pm).

Rydym yn chwilio am aelodau brwdfrydig i ymuno â'r tîm Dwyieithrwydd sy'n teimlo’n angerddol dros yr iaith Gymraeg.

Byddwch yn darparu cefnogaeth unigol a grŵp bach i ddysgwyr sy'n siarad Cymraeg er mwyn eu galluogi i gwblhau rhai o'u hastudiaethau yn Gymraeg, ar gyrsiau, chwaraeon a gofal anifeliaid.

Bydd disgwyl i chi fynychu diwrnodau agored y Coleg, cyfarfodydd allanol a chynadleddau.

Byddwch hefyd yn datblygu adnoddau dwyieithog; gan gynnwys termau technegol dwyieithog ar gyfer ein dysgwyr astudiaethau galwedigaethol.

Gwahoddir ceisiadau gan siaradwyr Cymraeg rhugl.

Gellir cyflwyno ceisiadau yn Gymraeg ac ni fyddant yn cael eu trin yn llai ffafriol na cheisiadau a gyflwynir yn Saesneg.

Mae'r Coleg wedi ymrwymo i ddiogelu, gan sicrhau diogelwch a lles plant a phobl ifanc. Mae cyflogaeth yn amodol ar Ddatgeliad Manwl boddhaol gan y Gwasanaeth Datgelu a Gwahardd a chofrestriad gyda Chyngor y Gweithlu Addysg.

Noder y bydd disgwyl i ymgeiswyr llwyddiannus dalu am y Datgeliad Manylach a chofrestriad gyda Chyngor y Gweithlu Addysg (EWC).

Rydym yn croesawu'n arbennig geisiadau gan grwpiau sydd heb gynrychiolaeth ddigonol, gan gynnwys ethnigrwydd, rhyw, trawsryweddol, oedran, anabledd, cyfeiriadedd rhywiol neu grefydd, yn unol â'n polisi Cyfleoedd Cydraddoldeb. Mae pob campws yn hygyrch ac mae cyfleusterau megis ystafelloedd gweddi ar gael.

Rydym wedi ymrwymo i recriwtio a chadw pobl anabl, ac rydym yn Gyflogwr Hyderus o ran Anabledd.

Sicrhau bod pobl Gwynedd yn ganolog i bopeth yr ydan ni yn ei wneud. Cyfrifoldeb am sicrhau bod meithrinfa Plas Pawb yn darparu gwasanaeth gofal plant a’r addysg o’r safon uchaf gan ddatblygu’r gweithgareddau ar gyfleusterau i’w llawn botensial er lles y plant. Gweithredu fel Is Rheolwr Safle gan sicrhau cydymffurfiaeth i drefniadau Iechyd a Diogelwch.

Disgrifiad:

RHEOLWR MEITHRINFA PLAS PAWB

CYFLOG: £30,151 - £32,020

LLEOLIAD: CAERNARFON

CYF: 22-23534

Pwrpas y Swydd

- Sicrhau bod pobl Gwynedd yn ganolog i bopeth yr ydan ni yn ei wneud.

- Cyfrifoldeb am sicrhau bod meithrinfa Plas Pawb yn darparu gwasanaeth gofal plant a’r addysg o’r safon uchaf gan ddatblygu’r gweithgareddau ar gyfleusterau i’w llawn botensial er lles y plant.

- Gweithredu fel Is Rheolwr Safle gan sicrhau cydymffurfiaeth i drefniadau Iechyd a Diogelwch.   Mae Cyngor Gwynedd yn gweithredu’n fewnol trwy gyfrwng y Gymraeg ac yn cynnig ei holl wasanaethau yn ddwyieithog. Bydd angen i’r ymgeisydd gyrraedd y lefel ieithyddol sy’n cael ei nodi fel un o’r sgiliau hanfodol yn y Manylion Person.

Rydym yn annog pob ymgeisydd am swydd gyda’r Cyngor i gyflwyno ceisiadau yn Gymraeg neu yn ddwyieithog.

(Bydd ceisiadau sydd yn cael eu cyflwyno yn uniaith Gymraeg neu Saesneg yn cael eu trin yn gwbl gyfartal, ond gofynnir i’r ymgeisydd ystyried yn ofalus beth yw gofynion iaith y swydd a’r sefydliad ac a fyddai cyflwyno cais yn uniaith Gymraeg yn fwy addas.)

Swydd dros dro yw hon am gyfnod o 2 flynedd. Ystyrir secondiad ar gyfer y swydd yma.

Am sgwrs anffurfiol gellir cysylltu â Sioned Owen ar (01286) 678824 [email protected]

Dyddiad cynnal cyfweliadau 16/01/2023

Ffurflenni cais a manylion pellach gan , Gwasanaeth Cefnogol, Cyngor Gwynedd, Swyddfa'r Cyngor, Stryd y Jêl, Caernarfon, LL55 1SH Ffôn: 01286 679076 

eBost: [email protected]

DYDDIAD CAU: 10.00 O’R GLOCH, DYDD IAU, 5 IONAWR, 2023.

Bydd y Cyngor yn gofyn am ddadleniad gan y Swyddfa Cofnodion Troseddol ar gyfer yr ymgeisydd llwyddiannus

Os yn llwyddiannus i fod ar y rhestr fer am gyfweliad, byddwn yn cysylltu a chwi drwy’r cyfeiriad E-BOST a gofnodwyd gennych ar eich ffurflen gais. Mae angen i chwi sicrhau eich bod yn gwirio eich E-BOST yn rheolaidd.

Dyma gyfle arbennig i chi weithio ar lefel Cymorth Tîm yn Llywodraeth Cymru i ddarparu gwasanaeth dwyieithog (Cymraeg a Saesneg), proffesiynol a chyfeillgar i’n cwsmeriaid.

Disgrifiad:

Swyddog Cymorth Busnes (3 swydd), Y Gwasanaeth Cyfieithu

Graddfa gyflog: TS - £21,300 - £24,630

Lleoliad: Cymru gyfan. Mae staff y Gwasanaeth Cyfieithu yn gweithio gartref yn bennaf, ond mae desgiau gennym yn y swyddfeydd canlynol: Aberystwyth, Caerdydd, Caerfyrddin, Caernarfon a Chyffordd Llandudno.

2 x Parhaol, 1 x Cyfnod penodol 12 mis 

Dyma gyfle arbennig i chi weithio ar lefel Cymorth Tîm yn Llywodraeth Cymru i ddarparu gwasanaeth dwyieithog (Cymraeg a Saesneg), proffesiynol a chyfeillgar i’n cwsmeriaid.

Uned Fusnes y Gwasanaeth Cyfieithu yw’r pwynt cyswllt cyntaf i gwsmeriaid, sef gweision sifil o bob rhan o Lywodraeth Cymru, er mwyn cefnogi’r sefydliad i gydymffurfio â Safonau’r Gymraeg a Rheolau Sefydlog y Senedd. Byddwch yn defnyddio systemau TG arbenigol i ddadansoddi a pharatoi dogfennau ar gyfer y broses gyfieithu; yn darparu cymorth busnes a chyllid i’r tîm rheoli a’r cyfieithwyr yn gyffredinol; yn cysylltu â chyfieithwyr mewnol ac allanol, ac yn cydlynu’r gwaith cyfieithu allanol.

**PRIF GYFRIFOLDEBAU **

Cefnogi prosiectau cyfieithu (cyfieithu cyffredinol a deddfwriaethol, a chyfieithu ar y pryd)

1.  Bod yn gyfrifol am fonitro a blaenoriaethu ceisiadau am wasanaethau cyfieithu.

2.  Ymateb yn brydlon i geisiadau, gan drafod â’r cwsmer yn ôl y galw er mwyn cael y wybodaeth angenrheidiol (ee dyddiadau dychwelyd a gofynion penodol) ar gyfer darparu gwasanaeth safonol ac amserol.

3.  Paratoi prosiectau cyfieithu yn seiliedig ar geisiadau gan gwsmeriaid - dadansoddi pob cais yn drylwyr, dehongli natur y cais yng nghyd-destun safonau’r Gymraeg a/neu’r Rheolau Sefydlog, a thrafod y gwaith ag arweinwyr y timau cyfieithu.

4.  Manteisio ar bob cyfle i baratoi'r gwaith mewn ffordd sy'n sicrhau proses gyfieithu effeithlon, ee drwy ddefnyddio meddalwedd cyfieithu i ddadansoddi a pharatoi prosiectau cyfieithu.

5.  Dilyn prosesau sy'n gyson ag arferion ar draws yr Uned Fusnes wrth brosesu ceisiadau cyfieithu a chyfieithu ar y pryd, ac awgrymu gwelliannau i’r prosesau os oes angen.

6.  Defnyddio’r fframwaith cyfieithu allanol i gomisiynu gwaith cyfieithu a chyfieithu ar y pryd, a bod yn bwynt cyswllt cyntaf i gyfieithwyr allanol. 

7.  Cymryd rhan yn rota gwaith yr Uned Fusnes i sicrhau gwasanaethau di-dor yn ystod oriau swyddfa (08:30 tan 16:30)

Cefnogi’r busnes

1.  Cyflawni tasgau amrywiol sy'n cael eu rhannu rhwng aelodau'r Uned Fusnes, ee trefnu cyfarfodydd a chyflwyniadau, cadw cofnodion, casglu data ac ystadegau, archebu offer a nwyddau swyddfa, a helpu i osod a chynnal offer cyfieithu ar y pryd.

2.  Datblygu a defnyddio sgiliau TG arbenigol sy'n allweddol i waith y Gwasanaeth Cyfieithu (ee defnyddio meddalwedd cof cyfieithu i greu prosiectau, cysoni a dadansoddi dogfennau, a mewnforio ac allforio cofau cyfieithu a ddarperir ar gyfer cyfieithwyr allanol) a systemau corfforaethol.

3.  Cynorthwyo gydag unrhyw agwedd arall ar weinyddiaeth a phrosiectau corfforaethol cyffredinol y gangen, yn unol â chyfarwyddiadau’r rheolwr llinell neu staff uwch.

Mae angen sgiliau Cymraeg ar gyfer y swyddi hyn – mae rhagor o wybodaeth yn yr hysbyseb ar wefan y Llywodraeth.

Dyddiad cau: 09/01/23 16:00

Mae Cyngor Llyfrau Cymru yn chwilio am unigolyn brwdfrydig a chyfeillgar, gyda sgiliau rhyngbersonol o’r radd flaenaf, i ymuno â’r Adran Blant. 

Disgrifiad:

Swyddog Hyrwyddo Darllen

Dwli ar lyfrau plant? 

Chwilio am swydd sy’n llawn amrywiaeth a chreadigrwydd? 

Mae Cyngor Llyfrau Cymru yn chwilio am unigolyn brwdfrydig a chyfeillgar, gyda sgiliau rhyngbersonol o’r radd flaenaf, i ymuno â’r Adran Blant. Bydd y Swyddog Hyrwyddo yn gyfrifol am ddatblygu cynlluniau amrywiol ar gyfer annog darllen er pleser o fewn ysgolion a chartrefi. Mae’r swydd hon yn galw am unigolyn trefnus a chreadigol sy’n mwynhau gweithio’n agos ar draws adrannau amrywiol.

Y swydd:

Cyflog: £24,496–£28,371 (Band 4 – pwyntiau 12–20)

30 awr yr wythnos (dros 4 neu 5 diwrnod) – i’w drafod gyda’r ymgeisydd llwyddiannus

Dyddiad cychwyn: Chwefror 2023 – neu cyn gynted â phosibl

Ar gyfer gwneud cais, anfonwch CV a llythyr yn egluro pam eich bod yn addas ar gyfer y swydd. Dylai eich CV nodi enwau a chyfeiriadau dau berson y gellir cysylltu â hwy am dystiolaeth bellach. Os yw’r ymgeisydd mewn swydd ar hyn o bryd, dylai’r cyflogwr presennol fod yn un o’r canolwyr. 

Ceisiadau i’w cyflwyno erbyn dydd Llun, 16 Ionawr 2023, a dylid eu hanfon at:

Y Prif Weithredwr, Cyngor Llyfrau Cymru, Castell Brychan, Aberystwyth, Ceredigion SY23 2JB. 

Ffôn: (01970) 629541, neu’n electronig at [email protected] 

Mae Cwmpas yn credu y dylai ein heconomi a’n cymdeithas weithio’n wahanol, gan roi pobl a’r blaned yn gyntaf. Rydym yn asiantaeth gydweithredol a datblygu, yn gweithio dros newid economaidd a chymdeithasol. Rydym yn chwilio am bobl sy’n rhannu ein gweledigaeth a’n gwerthoedd i ymuno â’n tîm. Os oes gennych chi ddiddordeb, darllenwch ymlaen!

Disgrifiad:

Hyfforddwr - Rhaglen Cymunedau Digidol Cymru Crynodeb o’r Prosiect: Mae Cymunedau Digidol Cymru: Hyder Digidol, Iechyd a Llesiant yn rhaglen gynhwysiant digidol a gomisiynwyd gan Lywodraeth Cymru. Mae’n cefnogi sefydliadau a grwpiau sy’n gweithio gyda’r cyhoedd yng Nghymru i ystyried sut i gynyddu cynhwysiant digidol i sicrhau bod pawb sy’n byw yng Nghymru yn gallu elwa o fod ar-lein. Fel rhaglen, rydym ni’n gweithio er mwyn sicrhau bod gan bawb y sgiliau, mynediad a’r cymhelliant i ddefnyddio’r rhyngrwyd a thechnoleg ddigidol yn hyderus. Byddwch yn rhan o dîm Cymru gyfan, gan weithio gyda chydweithwyr sy’n cyflawni ystod o gyfrifoldebau fel rhan o dîm darparu ehangach sy’n gweithio tuag at ddeilliannau penodol.

Crynodeb o’r swydd: Datblygu a darparu hyfforddiant a chymorth gyda’r nod o wella sgiliau, hyder a chymhelliant staff rheng flaen a gwirfoddolwyr ar draws y sector cyhoeddus, preifat a’r trydydd sector, er mwyn gwella lefelau sgiliau Digidol a Chynhwysiant yng Nghymru. 

Cyflog cychwynnol: £25,013 - £29,793 y flwyddyn.

Contract: Cyfnod penodol hyd at 31 Mawrth 2025

Oriau: 35 awr yr wythnos

Lleoliad: Bydd y swydd hon yn golygu teithio ledled Cymru a gweithio gartref. Bydd milltiroedd busnes yn cael eu had-dalu.

Dyddiad cau: 22:00, Dydd Sul, 8 Ionawr 2023

Y Cyngor Meddygol Cyffredinol yw'r rheoleiddiwr annibynnol ar gyfer meddygon yn y DU ac mae'n rheoleiddio yng nghyd-destun gweithlu gofal iechyd wedi'i globaleiddio, lle mae gweithlu meddygol y DU yn gynyddol ryngwladol ac amrywiol yn ethnig Mae'r GMC wedi ymrwymo i ddiogelu cleifion ar draws pedair gwlad y Deyrnas Unedig trwy sicrhau safonau uchel o addysg ac ymarfer meddygol. Mae'n gwneud hyn trwy weithio gyda meddygon, adrannau iechyd llywodraeth, cyflogwyr, addysgwyr meddygol a grwpiau cleifion.   Mae Pennaeth GMC Cymru yn rôl uwch hollbwysig ar gyfer y Cyngor Meddygol Cyffredinol Gan adrodd i'n Cyfarwyddwr Materion Cyhoeddus a Swyddfeydd Cenedlaethol Cynorthwyol, byddwch yn darparu arweinyddiaeth strategol yn fewnol yn ogystal ag yn allanol i sicrhau darparu swyddogaethau statudol ac amcanion strategol GMC o fewn Cymru. Yn fewnol, bydd hyn yn golygu arwain ein swyddfa Cymru a sicrhau bod y gweithrediadau eang a ddarperir gan y tîm yn effeithlon ac effeithiol ym mhob maes, ynghyd â gweithio ar draws y GMC i addysgu, cynorthwyo a chydlynu ymdrechion i uchafu ein heffaith. Yn allanol, byddwch yn chwarae rhan arweiniol yn cynrychioli'r GMC mewn perthnasoedd i'r lefelau uchaf o'r sector iechyd a'r llywodraeth. Byddwch yn cyfrannu'n eang ar amrediad o feysydd polisi a darparu gwahanol. Byddwch yn darparu cymorth i ddarparwyr gofal iechyd ar draws y genedl ac yn cael y cyfle i ffurfio meddwl polisi yn unol a strategaeth GMC ehangach a'ch syniadau eich hun o ble gallwn gael effaith.

Bydd ein Pennaeth GMC Cymru yn dod â dealltwriaeth drwyadl o'r dirwedd, prosesau a blaenoriaethau gwleidyddol, gofal iechyd a pholisi yng Nghymru. Bydd ganddo/ganddi brofiad arweinyddiaeth wedi'i brofi mewn amgylchedd cymhleth sy'n cael ei graffu arno'n fawr, a hanes cryf o arwain a datblygu timau cynhwysol. Bydd yn arddangos y gallu i ymgysylltu ar lefel uwch gredadwy ac i adeiladu perthynas, gan ymgysylltu, dylanwadu a gweithio'n briodol gyda sefydliadau eraill, gan adeiladu consensws a gwneud penderfyniadau cadarn yn wyneb problemau cymhleth. Byddwch yn dod â sgiliau rhyngbersonol rhagorol, byddwch yn wleidyddol graff, â gallu adeiladu perthnasoedd a chyfathrebu neilltuol. Byddwch yn dod â'r mewnwelediad, gallu dadansoddol, gweledigaeth strategol a phenderfyniad i gyflawni pethau yn y rôl ddiddorol ac ymestynnol unigryw hon. Mae diwylliant mor hanfodol â gallu, a bydd ein pennaeth GMC Cymru yn gweithredu'n gwbl unol â'n hymddygiadau arweinyddiaeth, modelu rôl ac yn datblygu hyn yn ein tîm.

Mae'n sefydliad wedi'i adeiladu ar degwch ac ymddiriedaeth - ymddiriedaeth y cleifion a'r proffesiwn meddygol. Rydym yn darparu amgylchedd gwaith cynhwysol lle mae pawb yn cael eu gwerthfawrogi ac rydym yn croesawu persbectifau a syniadau newydd y gallech eu cyflwyno. Rydym wedi gosod cydraddoldeb, amrywiaeth a chynhwysiad wrth galon ein strategaeth gorfforaethol, fel rheoleiddiwr proffesiwn cynyddol amrywiol yn ogystal â fel sefydliad. Mae cynyddu amrywiaeth ein harweinyddiaeth yn flaenoriaeth allweddol, ac anogir ymgeiswyr o bob cefndir i ymgeisio.

Am ragor o wybodaeth ac i wneud cais cliciwch ar y ddolen isod, ac am sgwrs gyfrinachol galwch ein hymgynghorwyr cynghorol yn GatenbySanderson, Olivia Robinson neu Matt Malone ar 07964 826291.

Urdd Gobaith Cymru yw mudiad ieuenctid cenedlaethol mwyaf Cymru sy’n darparu cyfleoedd i blant a phobl ifanc ac yn eu galluogi i wneud cyfraniad cadarnhaol i’w cymuned a’r byd yn ehangach. 

Ymysg bwrlwm ein canmlwyddiant, dyma ddatgan ein huchelgais heriol i ymestyn cyrhaeddiad ac effaith ein gwaith. Mae hyn yn allweddol os ydym am i’r Gymraeg fod yn ganolog ym mywydau plant a phobl ifanc Cymru, a sicrhau fod pawb yng Nghymru, boed yn siaradwyr Cymraeg ai pheidio, yn teimlo perchnogaeth ac ymdeimlad o berthyn tuag at yr iaith a’i thraddodiadau.

Y Swydd

Am fwy o fanylion cysylltwch â Tom Birkhead, Rheolwr Digwyddiadau Chwaraeon yr Urdd [email protected] 

Anfonwch Ffurflen Gais yr Urdd ar e-bost at [email protected]   Dyddiad Cau –      13 Ionawr 2023, 12:00yp

Dyddiad Cyfweld –   i’w gadarnhau   Mae’r Urdd yn cefnogi a hyrwyddo cydraddoldeb ac amrywiaeth yn ein holl waith a gweithgareddau. Rydym yn croesawu ymgeiswyr o bob cefndir a chymuned, ac yn benodol y rhai sydd heb gynrychiolaeth ddigonol yn ein gweithlu ar hyn o bryd. Mae’r rhain yn cynnwys ond nid ydynt yn gyfyngedig i ymgeiswyr anabl a phobl ddiwylliannol ac ethnig amrywiol. 

Bydd y swydd yn rhoi cefnogaeth weinyddol effeithiol ar gyfer ymchwil, gan gynnwys myfyrwyr ymchwil ôl-radd, a gweithgareddau effaith ymchwil a datblygiad proffesiynol parhaus yn y coleg a'r ysgolion sy’n rhan o’r coleg.

Disgrifiad:

PRIFYSGOL BANGOR

Coleg y Celfyddydau, Dyniaethau a Busnes

Swyddog Cefnogaeth Academaidd (Ymchwil, Effaith a Datblygiad Proffesiynol Parhaus)

CYF: BU02887

Cyflog: £24,285 - £27,131 y flwyddyn ar Raddfa 5

Gwahoddir ceisiadau am swydd Swyddog Cefnogaeth Academaidd (Ymchwil, Effaith a Datblygiad Proffesiynol Parhaus), sy’n swydd llawn amser parhaol yn gweithio yng Ngholeg y Celfyddydau, Dyniaethau a Busnes. Bydd y swydd yn rhoi cefnogaeth weinyddol effeithiol ar gyfer ymchwil, gan gynnwys myfyrwyr ymchwil ôl-radd, a gweithgareddau effaith ymchwil a datblygiad proffesiynol parhaus yn y coleg a'r ysgolion sy’n rhan o’r coleg.

Dylai ymgeiswyr fod wedi cael addysg i safon lefel A neu NVQ Lefel III mewn maes pwnc perthnasol (neu gymhwyster cyfwerth); bod â phrofiad o weithio mewn awyrgylch gweinyddol a gallu defnyddio rhaglenni Microsoft Office (Word, Excel ac ati). Mae angen sgiliau cyfathrebu a threfnu da, ynghyd â'r gallu i gofnodi data yn fanwl gywir. Byddai profiad blaenorol o weithio mewn addysg uwch, yn enwedig mewn swydd weinyddol, yn fantais.

Disgwylir i’r ymgeisydd llwyddiannus ddechrau mor fuan ag sy’n rhesymol bosib. 

Mae gallu cyfathrebu yn Gymraeg yn hanfodol i'r swydd hon.

Byddwch yn gweithio ar y campws ym Mangor. Trwy ein fframwaith Gweithio Deinamig, bydd dewis hefyd i dreulio peth amser yn gweithio o bell (er yn aros yn y Deyrnas Unedig) i gynnal cydbwysedd bywyd a gwaith. Trafodir hyn ymhellach gyda’r ymgeiswyr yn y cyfweliad.

Ystyrir ceisiadau hefyd i wneud y swydd yn rhan amser neu rannu swydd. Gellir gwneud ymholiadau anffurfiol am y swydd trwy gysylltu â Sian Peris Owen, Rheolwr y Coleg ar [email protected].

Derbynnir ceisiadau ar-lein yn unig, trwy ein gwefan recriwtio, jobs.bangor.ac.uk. Ond os cewch drafferth defnyddio’r wefan oherwydd anabledd, mae ffurflenni cais papur ar gael trwy ffonio 01248 383865.

Dyddiad cau derbyn ceisiadau: 6 Ionawr 2023.

Wedi Ymrwymo i Gyfle Cyfartal

Mae’r Urdd yn fudiad sy’n parhau i dyfu ac arloesi, ac yn un o’r cyflogwyr mwyaf sy’n gweithredu trwy'r Gymraeg. Fe sefydlwyd yn 1922, ac erbyn heddiw cyflogir dros 300 o staff, bron 55,000 o aelodau, 10,000 o wirfoddolwyr a throsiant o £10m. Byddwn yn dathlu ein pen-blwydd yn 100 yn 2022 gan weithio gydag ein haelodau a’n gwirfoddolwyr ynghyd ac amryw o bartneriaid sy’n cynnwys Llywodraeth Cymru, S4C, BBC, Undeb Rygbi Cymru, Cymdeithas Pêl-droed Cymru, Canolfan Mileniwm Cymru, Stonewall Cymru, Chwaraeon Cymru, Ysgolion a Cholegau Cymru.

Y Swydd

Mae Adran Prentisiaethau’r Urdd yn chwilio am unigolyn brwdfrydig, profiadol, a chymwys i ymuno â’r Adran Prentisiaethau fel Tiwtor / Asesydd Gofal Plant.

Am fwy o fanylion, cysylltwch â Lisa Waters (Rheolwr HWB Sgiliau Hanfodol) neu Gary Lewis (Cyfarwyddwr Chwaraeon a Phrentisiaethau). 

[email protected]

[email protected]    Anfonwch Ffurflen Gais yr Urdd ar e-bost at [email protected]   Dyddiad Cau – 05 Ionawr 2023

Dyddiad Cyfweld – i’w gadarnhau

Ni yw Cymwysterau Cymru, y sefydliad annibynnol sy’n gyfrifol am reoleiddio cymwysterau cyffredinol a galwedigaethol yng Nghymru. Rydym yn canolbwyntio ar gymwysterau a ariennir yn gyhoeddus, gan gynnwys TGAU, Safon Uwch a chymwysterau galwedigaethol.

Ar hyn o bryd rydym yn chwilio am Reolwr Cynnwys a Chyhoeddi i ymuno â ni ar sail barhaol, amser llawn, gan weithio 37 awr yr wythnos.

Y Manteision

- Cyflog o £41,700 - £49,370

- 30 diwrnod o wyliau blynyddol pro rata (ynghyd â gwyliau cyhoeddus a chau swyddfeydd dros y Nadolig)

- Trefniadau gweithio hyblyg

- Cynllun Pensiwn y Gwasanaeth Sifil

Dyma'r cyfle delfrydol i weithiwr marchnata proffesiynol dwyieithog wneud eu marc ar gyfathrebu'r sefydliad.

Y Rôl

Fel y Rheolwr Cynnwys a Chyhoeddi, byddwch yn goruchwylio arddull olygyddol, naws llais ac ansawdd ein sianeli cyfathrebu allanol a mewnol.

Fel rhan o'n tîm o storïwyr corfforaethol, byddwch yn dod â'n naratif yn fyw mewn ffyrdd sy'n atseinio gyda'n cynulleidfaoedd targed. Ac mae gennym lawer i’w drafod, gan gynnwys ailwampio’r cymwysterau TGAU yn sylweddol a fydd yn cael eu haddysgu o 2025.

Byddwch yn arwain datblygiad golygyddol a chyflwyno cynnwys dwyieithog o ansawdd uchel ar gyfer cyfryngau cymdeithasol, ein gwefan a chyhoeddiadau swyddogol eraill, gan sicrhau hygyrchedd i’n holl gynulleidfaoedd. Rhan allweddol o'r rôl yw ysgrifennu copi ac is-olygu cynnwys golygyddol yn y Gymraeg a'r Saesneg.

Gan gefnogi'r Pennaeth Cyfathrebu yn ogystal â'r Tîm Cyfathrebu ehangach ar gysylltiadau â'r cyfryngau, cyfathrebu strategol, ymgyrchoedd a chreu cynnwys, byddwch hefyd yn dirprwyo'r Pennaeth Cyfathrebu.

Amdanat ti

I gael eich ystyried yn Rheolwr Cynnwys a Chyhoeddi, bydd angen y canlynol arnoch:

- Cwbl ddwyieithog yn y Gymraeg a'r Saesneg

- Profiad o weithio mewn amgylchedd cyhoeddi gan weithio yn y Gymraeg a'r Saesneg

- Profiad golygyddol ac ysgrifennu copi profedig

- Profiad cryf o arwain a chyfathrebu

- Y gallu i ddarparu copi i ystod eang o gynulleidfaoedd gan gyfieithu materion technegol i Gymraeg a Saesneg clir

- Gwybodaeth am arfer gorau mewn cyhoeddi a datblygiadau diweddar mewn technoleg

- Gwybodaeth am arfer gorau o ran hygyrchedd wrth gynhyrchu cyhoeddiadau

- Sgiliau cyfathrebu hynod effeithiol

- Gradd neu gyfwerth mewn pwnc perthnasol

Y dyddiad cau ar gyfer ceisiadau yw 16 Ionawr 2023.

Gallai sefydliadau eraill alw hwn yn Arweinydd Cynnwys a Chyhoeddi, Rheolwr Cynnwys Digidol, Rheolwr Golygyddol, Rheolwr Cyhoeddi neu Arweinydd Tîm Cynnwys a Chyhoeddi.

Felly, os ydych chi'n barod i gymryd y cam nesaf yn eich gyrfa fel Rheolwr Cynnwys a Chyhoeddi, gwnewch gais trwy'r botwm a ddangosir. Mae'r swydd wag hon yn cael ei hysbysebu gan Webrecruit. Mae'r gwasanaethau a hysbysebir gan Webrecruit yn rhai Asiantaeth Gyflogaeth.

Wedi’i sefydlu bron 120 o flynyddoedd yn ôl, ond gydag agwedd sy’n gadarn o gyfoes, mae Cymdeithas Amaethyddol Frenhinol Cymru yn llenwi lle unigryw yn nhirwedd wledig a diwylliannol Cymru. Fel elusen gofrestredig, ein nod craidd yw hyrwyddo amaethyddiaeth gynaliadwy, garddwriaeth, coedwigaeth, cadwraeth a’r amgylchedd yng Nghymru. Rydym yn cyflawni’r amcanion hyn trwy gynnal tri digwyddiad mawr bob blwyddyn, ochr yn ochr â nifer o wobrau, bwrsarïau ac ysgoloriaethau.

Yn ychwanegol at ein digwyddiadau ein hun, rydym yn croesawu nifer o ddigwyddiadau trydydd parti ar ein maes sioe 150 erw, sy’n cynhyrchu incwm allweddol i fod yn sail i’n gwaith elusennol. 

Gan edrych ymlaen bydd angen i’r Gymdeithas, fel pob sefydliad, ddatblygu i barhau’n berthnasol. Mae gennym nifer o brosiectau cyffrous yn yr arfaeth ac ymgyrch i gofleidio newid a thyfu llwyddiant ein digwyddiadau. 

Felly, mae Pennaeth Gweithrediadau yn aelod allweddol o Uwch Dîm Arwain y Gymdeithas, gan adrodd yn uniongyrchol i’r Prif Weithredwr, a gweithio’n agos â Chyfarwyddwyr Digwyddiadau Anrhydeddus y Gymdeithas, Bwrdd yr Ymddiriedolwyr, Cadeiryddion a Phwyllgorau. 

Cyfrifoldebau Allweddol

Bydd gan Bennaeth Gweithrediadau gyfrifoldeb am gynllunio, cydlynu, a chyflawni holl agweddau gweithredol ein digwyddiadau mewnol, yn cynnwys:

·   paratoi Cynlluniau Rheoli Digwyddiadau,

·   caffael a rheoli contractau gwasanaethau allweddol a hurio yn cynnwys diogeledd, rheoli traffig, parcio, giatiau a mynedfeydd, pebyll, glanhau, rheoli gwastraff, cyfathrebu a system sain ayb.

·   arolygu’r holl gystadlaethau da byw a goruchwylio’r Adran Dda Byw,

·   arolygu a goruchwylio’r Adran Stondinau Masnach, 

·   diogelwch digwyddiadau a chyswllt â’n Cynghorydd Iechyd a Diogelwch,

·   trwyddedu a chydymffurfiaeth,

·   cynllunio at argyfyngau, 

·   rheolaeth llinell staff a gweithio’n agos â gwirfoddolwyr, aelodau, pwyllgorau a grwpiau rhanddeiliaid allweddol. 

Tîm bychan ydym a bydd yna orchwylion sy’n disgyn y tu allan i’r cyfrifoldebau allweddol uchod. Felly, bydd angen ichi fod yn hyblyg ac yn barod i addasu yn ôl y gofynion.

Pennaeth Gweithrediadau yw’r swyddog arweiniol sy’n gyfrifol am ddarparu’r Ffair Aeaf hefyd. 

Mae hon yn swydd gyffrous ac rydym yn chwilio am rywun i ymuno â’r tîm am y tymor hir a’r bwriad yw y bydd yr ymgeisydd llwyddiannus yn tyfu ac yn datblygu gyda ni ac y bydd yn rhan ganolog o’r Gymdeithas a’i dyfodol.

Ynglŷn â Chi

Mae’r priodoleddau canlynol yn rhinweddau pwysig ar gyfer y swydd. Sylweddolir efallai na fydd un ymgeisydd yn meddu arnynt i gyd. Serch hynny, defnyddiwch eich cais i ddangos sut y gall eich profiad, eich sgiliau a’ch gwybodaeth gwrdd â gofynion cyflawni’r swydd hon. 

Profiad

·    Hanes o lwyddiant blaenorol yn rheoli digwyddiadau.

·    Profiad o weithrediadau y gellir ei ddangos.

·    Rheoli contractau a chyflenwyr.

·    Gwybodaeth am iechyd a diogelwch a rheoli risg.

·    Cynhyrchu, rheoli a gwerthuso cyllidebau.

·    Rheoli staff a gweithio fel tîm. 

Sgiliau a gwybodaeth 

·    Llythrennedd TG rhagorol

·    Yn dra threfnus. 

·    Sgiliau cyfathrebu rhagorol. 

·    Sgiliau rheoli amser rhagorol, gallu i flaenoriaethu, gweithio dan bwysau ac amldasgio.

·    Sgiliau cyflwyno rhagorol yn Saesneg (hanfodol) a Chymraeg (dymunol) – ar lafar ac yn ysgrifenedig.*

·    Menter a chreadigrwydd. 

·    Sylw astud i fanylion. 

·    Ymarweddiad cyfeillgar, agos-atoch a hyderus. 

I drafod y swydd yn anffurfiol, anogir ymgeiswyr i gysylltu â’r Prif Weithredwr, Aled Rhys Jones ([email protected]).

I wneud cais am y swydd hon, anfonwch CV a llythyr eglurhaol at Caron W Evans, Pennaeth Gweinyddiaeth ([email protected]).

Y dyddiad cau ar gyfer ceisiadau yw 12 canol dydd ar 3 Ionawr 2023.

Byddir yn cynnal cyfweliadau yn ystod yr wythnos yn dechrau 16 Ionawr 2023.  

Gweler manylion y pecyn buddion a’r telerau cyflogaeth cyffredinol yn y ddogfen ategol.

* Ystyrir sgiliau yn y Gymraeg yn gaffaeliad i’r sefydliad. Rydym yn annog ac yn cefnogi staff i ddysgu, datblygu a defnyddio eu sgiliau yn y Gymraeg yn y gweithle. 

Pwrpas S4C yw gwasanaethu‘r gynulleidfa gyda chynnwys sydd yn diddanu, yn cyffroi ac yn adlewyrchu Cymru yn ei holl amrywiaeth. Fel darlledwr gwasanaeth cyhoeddus mae gennym ddyletswydd i greu y platfform ac ecosystem i sbarduno’r diwydiannau creadigol yng Nghymru i greu cynnwys uchelgeisiol ac unigryw sy’n apelio bob oedran, cefndir a gallu ieithyddol. Nod S4C yw bod yn gyrchfan ar gyfer cynnwys Cymraeg creadigol, gafaelgar a deniadol sydd ar gael i’w fwynhau ar amryw o lwyfannau yng Nghymru a thu hwnt.  

Manylion Eraill

Lleoliad:  Lleoliad arferol eich gwaith fydd Sgwâr Canolog, Caerdydd, CF10 1FT ond disgwylir i chi deithio i le bynnag y bydd S4C yn rhesymol yn ei orchymyn. 

Rydym yn cynnig trefniadau gweithio’n ‘hybrid’ ynghyd ag ystod eang o batrymau hyblyg gwahanol. 

Cyflog:  Yn unol a phrofiad.

Cytundeb:  12 mis cyfnod mamolaeth.

Oriau gwaith: 35¾ yr wythnos. Oherwydd natur y swydd, disgwylir hyblygrwydd, gan gynnwys gweithio tu allan i oriau swyddfa, ar rai penwythnosau a gwyliau banc. 

Cyfnod prawf: 6 mis   Gwyliau:  Yn ychwanegol i'r gwyliau banc statudol, bydd gennych hawl i 26 diwrnod o wyliau gyda thâl y flwyddyn.

Pensiwn: Mae hawl gan staff cyflogedig ymuno â Chynllun Pensiwn Personol Grŵp yn ddarostyngedig i delerau unrhyw gynllun sydd mewn bodolaeth ac a ddiwygiwyd o dro i dro. Os byddwch yn aelod o’r Cynllun Pensiwn Personol Grŵp, bydd S4C yn cyfrannu 10% o’ch cyflog sylfaenol i’r Cynllun. Disgwylir i chi gyfrannu 5%. 

Ceisiadau 

Dylid anfon ceisiadau erbyn 17.00 ar ddydd Mawrth 3 Ionawr 2023 at [email protected] neu Adnoddau Dynol, Canolfan S4C, Yr Egin, Caerfyrddin, SA31 3EQ. 

Nid ydym yn derbyn CV

Ni fydd cais a gyflwynir yn Gymraeg yn cael ei drin yn llai ffafriol na chais a gyflwynir yn Saesneg.

Menter a ddechreuwyd gan Lywodraeth Cymru yn 2018 yw e-sgol, gyda’r nod o gynorthwyo ysgolion i gynnig ystod mor eang â phosibl o bynciau TGAU a Safon Uwch. Defnyddir dull hybrid i addysgu pynciau drwy e-sgol.

Ym mis Ionawr 2021, comisiynwyd e-sgol gan Lywodraeth Cymru i hwyluso a chynnal cyfres o sesiynau adolygu byw ar gyfer myfyrwyr TGAU, Uwch Gyfrannol a Safon Uwch. Dyna gychwyn y prosiect Carlam Cymru.

Mae sesiynau adolygu Carlam Cymru yn cefnogi myfyrwyr ledled Cymru ar draws ystod o bynciau craidd a di-graidd. Cynhelir y sesiynau hyn fel Digwyddiadau Byw ar ddyddiadau penodol ar ôl oriau ysgol, gyda phob sesiwn yn cael ei recordio. Caiff y recordiadau eu rhoi ar wefan e-sgol yn dilyn y digwyddiadau byw er mwyn darparu adnoddau adolygu i fyfyrwyr ledled Cymru.

Hyd yma, mae 4 rownd o sesiynau adolygu Carlam Cymru wedi’u darparu, sef Gwanwyn 2021, Hydref 2021, Gwanwyn 2022 a Hydref 2022. Bydd Carlam Cymru yn parhau yn ystod 2023 a’r tu hwnt i hynny.

Y rôl

Rydym yn edrych am athrawon brwdfrydig sy’n dysgu cyrsiau TGAU a/neu Safon Uwch yn eu hysgolion ar hyn o bryd, neu sydd wedi dysgu yn ddiweddar, a fyddai’n gallu cyflwyno sesiynau adolygu ar-lein yn hyderus.

Rydym yn chwilio am unigolyn brwdfrydig i weithio o fewn ein Tîm Iaith Gymraeg ac i’n cynorthwyo i ddarparu gwasanaeth cyfieithu o safon uchel o’r Saesneg i’r Gymraeg ac o’r Gymraeg i’r Saesneg yn ogystal â gwasanaeth cyfieithu ar y pryd ar draws Cyngor Bwrdeistref Sirol Torfaen.

Disgrifiad:

Mae deiliaid y swydd yn gyfrifol am gyfrannu at wasanaethau cyfieithu ysgrifenedig a chyfieithu ar y pryd ar draws Cyngor Bwrdeistref Sirol Torfaen. Mae’n ofynnol i ddeiliaid y swydd:

1.   Ddarparu gwasanaethau cyfieithu ar gyfer dogfennau sydd yn cael eu llunio gan Feysydd Gwasanaeth y Cyngor, a hynny ar gais y Cydlynydd Cyfieithu, gyda ffocws penodol i gefnogi prosesau democrataidd y Cyngor. 

2.   Darparu gwasanaethau cyfieithu ar y pryd i gyfarwyddiaethau.

3.   Meithrn cysylltiadau da a sicrhau dulliau cyfathrebu da gyda chleientiaid. 

4.   Blaenoriaethu a rheoli beichiau gwaith mewn ffordd effeithiol er mwyn diwallu terfynau amser y cytunwyd arnynt.

5.   Lle bo angen, cynnig arweiniad i Swyddogion ynghylch defnyddio’r Gymraeg a’r Saesneg yn effeithiol wrth lunio dogfennau, a hynny‘n unol â canllawiau Comisiynydd Iaith Gymraeg.

6.   Gweithio gyda Swyddogion perthnasol i gynnal Gwefan Iaith Gymraeg y Cyngor er mwyn darparu gwybodaeth ddwyieithog yn unol â Safonau Iaith Gymraeg y Cyngor.

7.  Cynorthwyo’r Cydlynydd Cyfieithu gyda’r trefniadau gweinyddol sydd yn gysylltiedig â dogfennau pan fydd angen eu hanfon at gyfieithwyr allanol, pan fo hynny’n briodol.

8.   Mynychu cyfarfodydd rheolaidd i drafod beichiau gwaith, blaenoriaethau ac unrhyw faterion gweithredol eraill.

9.   Darparu gwasanaethau prawf ddarllen ar gyfer cydweithwyr pan fydd angen. 

10. Cynorthwyo’r Swyddog Iaith Gymraeg a’r Cydlynydd Cyfieithu i ddarparu gwasanaethau cyfieithu ar y pryd yn ystod cyfarfodydd y Cyngor, fel y bo angen

Rydym am benodi unigolyn blaengar ac uchel ei gymhelliant i ymuno a’r tim fel Cyfieithydd. Mae'r rôl yn amrywiol iawn ac yn gofyn am sgiliau trefnu rhagorol yn ogystal â sgiliau ysgrifenedig a chyfathrebu ardderchog yn y Gymraeg a'r Saesneg.

Disgrifiad:

Gwasanaeth: Addysg

Lleoliad: Ysgol Brynhyfryd, Rhuthun

Gradd Gyflog: Lefel 7 Sir Ddinbych £29,439 - £32,020

Oriau: 37 awr yr wythnos

Parhaol

I gychwyn: 9 Ionawr 2023 neu cyn gynted a phosib Swydd Allanol

Cyfrifoldeb Rheolwr Y Gegin fydd cadw'r amgylchedd yn lân a thaclus gyda o leiaf lefel 4 o Radd Hylendid Bwyd. Disgwylir i’r Rheolwr osod arferion a gweithdrefnau cadw tŷ o’r safon uchaf sy'n gynaliadwy yn amgylcheddol gan gadw cofnodion a sicrhau bod canllawiau yn cael eu dilyn mewn modd amserol.

Disgrifiad:

Rheolwr Y Gegin 

Campws Caerfyrddin (gyda theithio i gampysau eraill yn ôl yr angen)

£27,929 i £31,411 y flwyddyn

- AMDANOM NI -

Mae Prifysgol Cymru y Drindod Dewi Sant (PCYDDS) yn brifysgol sy'n canolbwyntio ar gyflogaeth ac sy'n ymroddedig i sicrhau bod myfyrwyr o gefndiroedd amrywiol yn datblygu'r wybodaeth academaidd a'r sgiliau ymarferol i ffynnu.

Cawsom ein gosod yn y 13eg safle ar gyfer ansawdd yr addysgu yng Nghanllaw Prifysgolion Da 2022 The Times a'r Sunday Times, ac yn yr wythfed safle yn y DU ar gyfer ‘Cynhwysiant Cymdeithasol’ yn nhabl y gynghrair hon eleni.

Rydym yn chwilio ar hyn o bryd am Rheolwr Y Gegin i ymuno â’n campws yng Nghaerfyrddin yn llawn-amser am gyfnod parhaol gan weithio 37 awr yr wythnos. 

- Y RÔL -

Cyfrifoldeb Rheolwr Y Gegin fydd cadw'r amgylchedd yn lân a thaclus gyda o leiaf lefel 4 o Radd Hylendid Bwyd. Disgwylir i’r Rheolwr osod arferion a gweithdrefnau cadw tŷ o’r safon uchaf sy'n gynaliadwy yn amgylcheddol gan gadw cofnodion a sicrhau bod canllawiau yn cael eu dilyn mewn modd amserol. Ar hyn o bryd gellir eistedd 46 yng ngofod y caffi ei hun, 20 ychwanegol ar ochr y dderbynfa a 18 tu fas a bydd gofyn i'r Rheolwr ystyried ffyrdd o ddatblygu’r wasanaeth ymhellach.

Darllenwch y Swydd-ddisgrifiad i gael rhagor o wybodaeth, lle cewch hefyd restr o feini prawf hanfodol a dymunol ‘Manyleb y Person'. 

- AMDANOCH CHI -

I gael eich ystyried ar gyfer rôl y Rheolwr Y Gegin, bydd arnoch angen y canlynol:

-    HND neu Radd mewn maes perthnasol NEU brofiad cyfatebol

-    Tystysgrif Hylendid Bwyd Lefel 3

-    Profiad blaenorol mewn rôl rheoli gwasanaeth cwsmeriaid 

-    Gwybodaeth ragorol am safonau bwyd a gwasanaeth y diwydiant

-    Dealltwriaeth drylwyr o ddeddfwriaeth bwyd gyfredol (HACCAP, alergenau, ac ati)

-    Profiad blaenorol o gynllunio a darparu bwydlenni a bwyd o safon (efallai y bydd angen cyflwyno tystiolaeth mewn cyfweliad)

-    Profiad blaenorol o reoli cyllidebau (efallai y bydd angen cyflwyno tystiolaeth mewn cyfweliad)

-    Profiad blaenorol o reoli adnoddau mewn modd cost effeithiol ac effeithlon

-    Sgiliau rhyngbersonol a chyfathrebu rhagorol gyda'r gallu i gyfathrebu'n effeithiol ar bob lefel

-    Sgiliau TG rhagorol a defnydd o Microsoft office, gyda gwybodaeth dda o gyfryngau cymdeithasol

-    Profiad blaenorol o oruchwylio tîm helaeth a'r gallu i gymryd perchnogaeth a rheolaeth

-    Profiad o ymdrin â chwsmeriaid heriol ac ymdrin â chwynion cwsmeriaid yn effeithiol

-    Profiad o gynllunio a chyflwyno digwyddiadau a chynadleddau, i'r safonau uchaf

-    Profiad o ddatblygu tîm i gwrdd ag anghenion dyrys y busnes sy'n aml-sgil ac yn llawn cymhelliant

-    Profiad blaenorol o ddatblygu perthynas waith dda gyda chwsmeriaid mewnol ac allanol

-    Gallu dangos creadigrwydd a sylw i fanylion, sgiliau trefnu a rheoli amser

-    Profiad blaenorol o gadw cofnodion, data a dogfennaeth yr adran

-    Yn dangos lefelau uchel o hunan-gymhelliant

-    Profiad o weithio gyda therfynau amser tynn ac yn gallu ymateb yn unol â hynny

-    Profiad blaenorol o gysoni arian parod a til. Deiliad trwydded DPS (neu wedi’i chwblhau o fewn y 3 mis cyntaf o gyflogaeth)

-    Y gallu a’r parodrwydd i weithio’n hyblyg o ran dyletswyddau a phatrymau shifftiau er mwyn ymateb i anghenion busnes

-    Siaradwr/aig Cymraeg gyda’r gallu i sgwrsio’n hyderus yn y rhan fwyaf o sefyllfaoedd gyda’r gallu i ysgrifennu am faterion annhechnegol *

Byddai’n fuddiol hefyd pe bai gennych y canlynol:

-    Profiad blaenorol o ddarparu gwasanaethau cynadledda a phreswyl o ansawdd uchel

- BUDDION -

- Bydd gennych hawl i 28 diwrnod o wyliau blynyddol y flwyddyn, yn ogystal ag wyth gŵyl banc a phedwar diwrnod pan fydd y Brifysgol ynghau

Mae ein cyflogeion yn cael mynediad at becyn cyflog a buddion gwych yn gydnabyddiaeth am eu cyfraniad gwerthfawr, sy'n cynnwys:

- Cyflog ac amodau da; rydym yn gyflogwr cyflog byw achrededig ac yn cynnig cyflog cystadleuol

- Aelodaeth o gynllun pensiwn gan yr USS i ddarparu buddion i chi a'ch teulu

- Polisïau sy'n ystyriol o deuluoedd ac sy'n darparu ar gyfer gweithio'n hyblyg, gan gynnwys absenoldeb mamolaeth a thadolaeth ychwanegol â thâl

- Cyfleoedd o ran gyrfa a datblygiad, gan gynnwys cymorth i ennill rhagor o gymwysterau

- Cymorth ar gyfer iechyd meddwl a llesiant, gan gynnwys gwasanaethau iechyd galwedigaethol a chymorth cwnsela

- Gostyngiadau i staff ar ystod o gynhyrchion a gwasanaethau

- Cynlluniau teithio, gan gynnwys y cynllun beicio i'r gwaith

Felly, os ydych yn awyddus i chwarae rhan allweddol yn y gwaith o gynnal ein Prifysgol yn rôl y Rheolwr Y Gegin, gwnewch gais trwy'r botwm a ddangosir.

Nodwch nad yw'r broses ymgeisio hon yn cynnwys yr opsiwn i gyflwyno CV. Felly, asesir eich cais ar sail eich atebion i gwestiynau'r cais yn unig, ac yn arbennig ar sail eich Datganiad Personol.

**Dyddiad cau: **14 Rhagfyr 2022, 11:59pm

Bydd deiliad y swydd yn cefnogi'r Tîm Cyfathrebu i ddarparu ystod eang o gyfathrebiadau digidol integredig fel y gall Barcud hysbysu, ysbrydoli, cynnwys a dylanwadu ar ei denantiaid a chynulleidfaoedd allweddol. Bydd y rôl yn cefnogi’r tîm i gynllunio a chynhyrchu cynnwys ar draws sianeli digidol sy’n eiddo i Barcud a pharhau i godi ei broffil trwy gyfryngau ysbrydoledig, dyfeisgar a chreadigol.

Disgrifiad:

• Datblygu, gweithredu a gwerthuso cyfathrebiadau digidol sy'n galluogi Barcud i ymgysylltu â'n cynulleidfaoedd allweddol am ein gwasanaethau.

• Darganfod a chreu cynnwys cyfoethog o safon ar gyfer sianeli digidol Barcud e.e. gwefan, cyfryngau cymdeithasol, e-farchnata, blog, mewnrwyd ac ati.

• Ymgysylltu â chynulleidfaoedd a datblygu perthnasoedd â nhw ar-lein, gan sbarduno trafodaeth am faterion yn ymwneud â'r sector Tai ac ymgysylltu â thenantiaid, rhanddeiliaid a chymorth a chydweithwyr.

• Monitro cyfathrebiadau digidol Barcud yn unol â pholisïau a gweithdrefnau y cytunwyd arnynt. Cynhyrchu dadansoddeg fisol i asesu effeithiolrwydd cynnwys a weithredwyd.

• Darparu cefnogaeth olygyddol a marchnata digidol i adrannau eraill Barcud.

• Nodi tueddiadau a mewnwelediadau, gwerthuso technolegau sy'n dod i'r amlwg, a gwneud y gorau o berfformiad presenoldeb digidol Barcud.

• Diweddaru a lanlwytho cynnwys i'n gwefan Wordpress.

Rydym yn chwilio am Gyfieithydd Cymraeg i ymuno â’n Tîm SQE yn llawn amser.

Byddwch yn ein helpu i gyflwyno asesiadau drwy sicrhau bod cynnwys arholiad yn cael ei gyfieithu’n gywir i’r Gymraeg.

Dyma gyfle gwych i Gyfieithydd Cymraeg sydd am ehangu eu sgiliau ac adeiladu eu gyrfa gydag arweinydd diwydiant.

Amdanat ti:

-Rhuglder a hyfedredd yn y Gymraeg (Gweler Atodiad I yn y disgrifiad swydd) gan gynnwys cymhwyster ffurfiol yn y Gymraeg

-Profiad proffesiynol o gyfieithu ysgrifenedig

-Profiad o waith cyfreithiol/cyfieithu

-Profiad o ddefnyddio offer cyfieithu gyda chymorth cyfrifiadur

-Sylw cryf i fanylion gyda'r gallu i weithio gyda lefel uchel o gywirdeb

-Sgiliau trefnu a rheoli amser ardderchog

- Profiad o reoli banciau cwestiynau arholiad (dymunol ond nid yn hanfodol)

-Y gallu i weithio'n annibynnol ac o dan bwysau, ac fel rhan o dîm

-Y gallu i reoli rhaglen waith a blaenoriaethu tasgau yn unol â hynny

-Y gallu i nodi a lliniaru risgiau yn effeithlon

-Ymagwedd ragweithiol at ddatrys problemau

-Y gallu i gyfathrebu'n glir â rhanddeiliaid mewnol ac allanol

-Ymrwymiad i welliant parhaus

- Parodrwydd i fod yn hyblyg a gweithio o fewn oriau gofynnol y busnes.

- Aelodaeth cyfieithu testun o Gymdeithas Cyfieithwyr Cymru (cymdeithas cyfieithwyr ar y pryd) (aelodaeth sylfaenol yn hanfodol, aelodaeth lawn yn ddymunol)

Beth rydym yn ei wneud:

Mae Kaplan yn ddarparwr asesiadau proffesiynol sy'n arwain y byd. Yn 2018, cawsom ein penodi fel y sefydliad asesu annibynnol ar gyfer yr Arholiad Cymhwyso Cyfreithwyr (SQE) newydd, a lansiwyd gennym wedyn yn 2021. Yr arholiad hwn bellach yw’r unig lwybr i gymhwyso fel Cyfreithiwr Cymru a Lloegr a bydd yn cael ei gymryd yn y pen draw gan mwy na 13,000 o ymgeiswyr y flwyddyn.

Rydym yn rhan o grŵp Kaplan, un o ddarparwyr addysg ac asesu mwyaf a mwyaf amrywiol y byd. Rydym yn gweithredu mewn dros 30 o wledydd ac yn cynnal perthnasoedd a phartneriaethau â mwy na 1,000 o ardaloedd ysgol, colegau a phrifysgolion, cyrff proffesiynol a dros 10,000 o fusnesau. Mae ein ehangder a'n cwmpas helaeth o ran galluoedd ac asedau yn ein gosod ar wahân.

Yr hyn yr ydym yn credu ynddo:

Mae Kaplan yn sefydliad byd-eang y mae ei genhadaeth wedi'i gwreiddio mewn darparu mynediad cyfartal i addysg a chyfleoedd ar gyfer dyrchafiad i bobl o bob cefndir. Credwn fod amrywiaeth, tegwch a chynhwysiant - diwylliant, profiadau, safbwyntiau - yn hollbwysig i greu llwyddiant a chyfle mewn byd sy'n newid yn barhaus. Fel addysgwr, partner a chyflogwr, mae Kaplan wedi ymrwymo i hyrwyddo byd teg lle gall talent amrywiol ddatblygu, datblygu a ffynnu.

Mae hyn yn cynnwys sicrhau bod pobl ag anableddau yn cael y cyfle i ddod â'u gorau. Felly, os oes angen unrhyw addasiadau arnoch, neu gymorth ychwanegol o fewn y broses recriwtio, cysylltwch â ni’n uniongyrchol ac fe wnawn ein gorau i helpu.

Ein gwerthoedd:

Rydyn ni'n byw, yn anadlu ac yn dathlu ein gwerthoedd - maen nhw'n gyrru'r hyn rydyn ni'n ei gredu ynddo, sut rydyn ni'n ymddwyn ac yn ein harwain wrth greu diwylliant o lwyddiant.

- Gweithredu gydag uniondeb

- Grymuso a chefnogaeth

-Creu cyfle

-Tyfu gwybodaeth

-Gyrru canlyniadau gyda'i gilydd

Yr hyn rydym yn ei gynnig:

Yn ogystal â chyflog cystadleuol, strwythurau cyflog tryloyw, gwaith hybrid/cartref lle bo modd, a llwybrau ar gyfer dilyniant gyrfa, rydym yn cynnig pecyn buddion cynhwysfawr sy’n cynnwys:

-28 diwrnod o wyliau blynyddol + opsiwn i brynu mwy

-Benthyciad tocyn tymor a chynllun beicio i'r gwaith

- Gostyngiadau mawr ar gyrsiau Kaplan i chi a'ch teulu

- Yswiriant meddygol, diogelu incwm ac yswiriant bywyd preifat

-Llinell gymorth gyfrinachol 24/7 yn darparu cwnsela a gwasanaethau cefnogi eraill

-Cyfraniadau pensiwn cwmni

-Tâl Mamolaeth, Mabwysiadu, Rhiant a Rennir a Thadolaeth/Partner sydd ymhell uwchlaw lefelau statudol

Sylwch, bydd y swydd yn cau pan fyddwn wedi derbyn nifer addas o geisiadau. Byddem yn eich annog i wneud cais cyn gynted â phosibl.

Mae'r Uned Iaith Gymraeg yn arwain datblygiad a thwf darpariaeth a gwasanaethau cyfrwng Cymraeg ar gyfer myfyrwyr, staff a'r cyhoedd ledled y Brifysgol. Rydym yn sicrhau hyn trwy weithio'n agos gyda Choleg Cymraeg Cenedlaethol, Llywodraeth Cymru, a chymunedau Cymraeg eu hiaith yng Nghymru ac mewn cydweithrediad â'n hysgolion academaidd a'n gwasanaethau proffesiynol ledled y Brifysgol.

Disgrifiad:

Rydym yn chwilio am unigolyn i ddarparu gwasanaeth cyfieithu o Saesneg i’r Gymraeg/Cymraeg i’r Saesneg i Met Caerdydd yn ogystal â chymorth gweinyddol achlysurol i’r Uned Gymraeg.

Fe fyddwch yn weithiwr proffesiynol brwdfrydig a chyfeillgar gyda sgiliau iaith Cymraeg a Saesneg rhagorol, yn ysgrifenedig, ac ar lafar.

Beth fyddwch chi'n ei wneud - dyletswyddau allweddol

Cyfieithu a phrawfddarllen amrediad eang o ddogfennau i safon uchel iawn i ddiwallu gofynion y Safonau Cymraeg a'n harddull ysgrifennu mewnol.

Cysylltu â chyfieithwyr allanol i gaffael cyfieithiadau yn ôl y galw. Sicrhau ansawdd digonol y gwasanaeth allanol, gan fonitro ar gyfer cysondeb a glynu at arddull mewnol.

Blaenoriaethu gwaith yn effeithiol er mwyn rheoli llwyth gwaith, ceisiadau niferus a dyddiadau cau heriol.

Darparu canllawiau cyson i bob aelod o staff ynghylch y ddyletswydd sydd ar y Brifysgol o dan y ddeddfwriaeth bresennol drwy lunio a diweddaru Canllawiau Cyfieithu.   Beth fyddwch chi'n ei gyfrannu - profiad a chryfderau hanfodol

Sgiliau Cymraeg a Saesneg rhagorol, ar lafar ac yn ysgrifenedig

Gwybodaeth ddigonol o Microsoft Office

Sylw rhagorol i fanylion er mwyn cynnal safonau proffesiynol

Ymrwymiad i’r iaith Gymraeg   Beth fydd gennych chi - cymwysterau hanfodol

Gradd anrhydedd neu brofiad cyfatebol.   Pam ymuno â Phrifysgol Metropolitan Caerdydd?

Rydym yn falch iawn o fod wedi ennill dwy wobr fawreddog eleni – Prifysgol y Flwyddyn y DU ac Iwerddon 2021 gan y Times Higher Education UK a Phrifysgol y Flwyddyn yng Nghymru 2021 gan The Times a The Sunday Times Good University Guide.   Rydym yn Brifysgol sy'n seiliedig ar werthoedd. Rydym yn falch o'n diwylliant, ac rydym yn cefnogi ein staff. Ein hysbryd cymunedol yw'r llinyn euraidd sy'n sail i'n gwerthoedd a'n hymddygiad. Rydyn ni'n cefnogi ein gilydd, yn garedig wrth ein gilydd, yn un tîm; ni yw Un Met Caerdydd. Rydym yn annog cynhwysiant sy'n galluogi pawb i deimlo eu bod yn cael eu parchu ac yn gallu perfformio ar eu gorau.

Yn ogystal, mae'r Brifysgol yn cynnig telerau ac amodau hynod gystadleuol gan gynnwys:

Gwyliau blynyddol o 25 diwrnod, yn codi i 30 diwrnod ar ôl blwyddyn o wasanaeth, ynghyd â 12 diwrnod gŵyl banc / consesiwn (pro-rata os yn gweithio rhan amser).

Aelodaeth o'r Cynllun Pensiwn Llywodraeth Leol gyda chyfraniadau hael.

Cyfleoedd gweithio hyblyg ac o bell.

Polisïau ardderchog sy'n addas i'r teulu.

Cyfleusterau chwaraeon a ffitrwydd arobryn gydag aelodaeth â chymhorthdal, ynghyd â ffisiotherapi/therapi cyflenwol/tylino chwaraeon â chymhorthdal

Mynediad i holl gyfleusterau'r llyfrgell.

Cynlluniau aberthu cyflog gan gynnwys beicio i'r gwaith.

Mynediad teuluol am ddim i'n darparwr cymorth lles arbenigol ndependentHealth Assured.

Mae Prifysgol De Cymru yn recriwtio ar hyn o bryd ar gyfer Swyddog Iaith Gymraeg i ymuno ag Uned y Gymraeg yn Swyddfa Ysgrifennydd y Brifysgol ym mis Ionawr 2023. Fel un o'r darparwyr addysg uwch mwyaf yng Nghymru, mae'r Brifysgol yn lleoliad delfrydol i unigolion ddatblygu eu gyrfaoedd, meithrin eu talent a gwneud gwahaniaeth. Wedi'i lleoli ym Mhontypridd, ond gyda gweithio o bell yn bosibl hefyd, prif bwrpas y rôl yw monitro a sicrhau bod y Brifysgol yn cydymffurfio â'i Hysbysiad Cydymffurfio â Safonau'r Gymraeg. Bydd deiliad y swydd yn gweithio gyda chydweithwyr yn ein cyfadrannau a'n hadrannau i roi arweiniad ar sut i weithredu Safonau’r Gymraeg a gwneud argymhellion ar gyfer gwelliannau. Rydym yn chwilio am unigolyn trefnus, hunan-gymhellol, gyda sgiliau cyfathrebu rhagorol ac sy'n rhoi sylw i fanylion. Mae'r gallu i ddatblygu perthynas waith rhagorol gyda chydweithwyr ar draws y Brifysgol a chyda'n rhanddeiliaid allanol hefyd yn hollbwysig. Mae'r gallu i siarad ac ysgrifennu yn Gymraeg yn hanfodol ar gyfer y swydd hon. Byddai dealltwriaeth dda o Safonau’r Gymraeg yn fuddiol, ond nid yw'n angenrheidiol gan y bydd hyfforddiant yn cael ei ddarparu.

Am wybodaeth ynglŷn â Hysbysiad Cydymffurfio Safonau’r Gymraeg y Brifysgol a gwybodaeth ychwanegol ewch i: https://uso.southwales.ac.uk/swyddfa-ysgrifennydd-y-brifysgol/uned-gymraeg/

Mae hon yn rôl ran-amser (0.5CALI) ar sail cyfnod penodol tan 31/10/2023. Byddwn hefyd yn ystyried ceisiadau am secondiad. Mae'r Brifysgol yn gweithredu model gweithio hybrid ar hyn o bryd. Fodd bynnag, bydd disgwyl i'r ymgeisydd llwyddiannus weithio ar y campws am ran o'r wythnos.

Am sgwrs anffurfiol am y swydd hon, cysylltwch â Sara Maynard, Pennaeth y Gymraeg Dros Dro [email protected].

Os ydych chi'n ymgeisydd llwyddiannus a’r swydd hon fydd eich swydd gwasanaethau proffesiynol gyntaf yn y Brifysgol (neu fe’ch cyflogir gan PSS Ltd ar hyn o bryd), cewch eich cyflogi gan Professional and Support Services Limited, is-gwmni ym mherchnogaeth lwyr Prifysgol De Cymru, sy'n darparu gwasanaethau i'r Brifysgol a'r Colegau. Os ydych chi'n ymgeisydd gwasanaethau proffesiynol mewnol, byddwch chi'n parhau i gael eich cyflogi gan Brifysgol De Cymru.

Dyddiad cau'r cais 18/12/2022

Cynorthwy-ydd Caffael a Chontract Casnewydd, Cymru (gyda gwaith hybrid)

Amdanom ni

Ni yw Cymwysterau Cymru, y sefydliad annibynnol sy’n gyfrifol am reoleiddio cymwysterau cyffredinol a galwedigaethol yng Nghymru. Rydym yn canolbwyntio ar gymwysterau a ariennir yn gyhoeddus, gan gynnwys TGAU, Safon Uwch a chymwysterau galwedigaethol.

Ar hyn o bryd rydym yn chwilio am Gynorthwyydd Caffael a Chontractau i ymuno â ni ar sail barhaol, amser llawn, gan weithio 37 awr yr wythnos.

Y Manteision

- Cyflog o £26,900 - £30,610

- 30 diwrnod o wyliau blynyddol pro rata (a gwyliau cyhoeddus a chau swyddfeydd dros y Nadolig)

- Trefniadau gweithio hyblyg

- Cynllun Pensiwn y Gwasanaeth Sifil

Dyma’r cyfle delfrydol i unigolyn rhagweithiol ac ymroddedig roi hwb I yrfa ym maes caffael mewn amgylchedd sy’n cynnig hyfforddiant ffurfiol ac yn y gwaith, yn ogystal â chefnogaeth ragorol.

Y Rôl

Fel Cynorthwyydd Caffael a Chontractau, byddwch yn cefnogi’r gwaith o gyflawni gweithgareddau caffael a rheoli contractau.

Gan sicrhau ein bod yn cael gwerth am arian o'n prosesau prynu, byddwch yn gweithio gyda chyflenwyr, yn lleihau risg ac yn sicrhau ein bod yn cydymffurfio â deddfwriaeth caffael. Byddwch yn rheoli caffael gwerth isel a heb fod yn gymhleth ac yn cynorthwyo gyda gweithgareddau gwerth uwch i gefnogi'r Pennaeth Caffael a'r Rheolwr Contractau.

Yn ogystal, byddwch yn:

- Cynnal ymchwil marchnad

- Cynghori staff ar weithdrefnau caffael

- Gweinyddu amrywiaeth o weithgareddau contract

Amdanoch Chi

I gael eich ystyried yn Gynorthwyydd Caffael a Chontract, bydd angen y canlynol arnoch:

- Profiad o drefnu a ffeilio gwybodaeth

- Profiad o reoli gwahanol dasgau gwaith i gyrraedd terfynau amser

- Profiad o weithio mewn tîm i gyflawni amcanion a rennir

- Profiad o ymateb i ymholiadau cwsmeriaid

- Llythrennedd TG gan gynnwys Microsoft Office ac yn ddelfrydol Teams a SharePoint

- Safon dda o lythrennedd a rhifedd

Byddai gweithio tuag at, meddu ar neu barodrwydd i ennill cymhwyster CIPS hyd at Dystysgrif Uwch lefel 3 yn ddymunol, yn ogystal â gwybodaeth am reolau caffael cyhoeddus. Byddai ymwybyddiaeth o ddiwygiadau deddfwriaethol arfaethedig hefyd yn fantais, yn ogystal â’r gallu i siarad Cymraeg yn rhugl.

Y dyddiad cau ar gyfer ceisiadau yw 13 Rhagfyr 2022.

Gallai sefydliadau eraill alw hyn yn Gynorthwyydd Caffael, Cynorthwyydd Contractau, Cynorthwyydd Prynu, Prynwr Iau, Swyddog Caffael, neu Gynorthwyydd Rheoli Contractau.

Felly, os ydych chi'n barod i gymryd y cam nesaf yn eich gyrfa fel Cynorthwyydd Caffael a Chontractau, gwnewch gais trwy'r botwm a ddangosir. Mae'r swydd wag hon yn cael ei hysbysebu gan Webrecruit. Mae'r gwasanaethau a hysbysebir gan Webrecruit yn rhai Asiantaeth Gyflogaeth.