Cydlynydd

Mae Prifysgol Cymru Y Drindod Dewi Sant yn brifysgol sy’n canolbwyntio ar gyflogaeth, ac sy’n ymroi i sicrhau bod myfyrwyr o gefndiroedd amrywiol yn datblygu’r wybodaeth academaidd a’r sgiliau ymarferol i ffynnu.

Cawsom ein gosod yn 13eg am ansawdd addysgu yn y Times and Sunday Times Good University Guide 2022 ac 8fed yn y DU am ‘Gynhwysiant Cymdeithasol’ yn y gynghrair hon eleni.

Rydym ni’n awr yn edrych am Swyddog Gweithredol Datblygu’r Cwricwlwm (Digidol) i ymuno â’n campysau Cymru ar sail amser llawn, cyfnod barhaol, yn gweithio am 37 awr yr wythnos.

- Y RÔL -

Mae’r swydd hon wedi’i lleoli o fewn y Gyfarwyddiaeth Dysgu ac Addysgu sy’n gyfrifol am:

·   Lunio llyfrau cwrs cenedlaethol, gan gynnwys adnoddau i diwtoriaid ac adnoddau digidol i ddysgwyr;

·   Llunio cyrsiau cyfunol, sy’n cyfuno hunan-astudio ar-lein gyda dosbarthiadau dan oruchwyliaeth tiwtor;

·   Llunio adnoddau ar gyfer pobl ifainc, gan gynnwys adnoddau digidol byrion

·   Sicrhau ansawdd darpariaethau Dysgu Cymraeg, sy’n cynnwys prosesau arsylwi tiwtoriaid, cywain barn, a monitro targedau;

·   Hyfforddiant i diwtoriaid, o dan faner ‘Academi’, gan gynnwys cynhadledd genedlaethol flynyddol a chyfrannu at brosiect newydd y Ganolfan, Tiwtoriaid Yfory;

·   cynlluniau Cefnogi Dysgwyr, sy’n cynnwys gweithredu cynllun Siarad, cynnal digwyddiadau cenedlaethol a gweithio gydag ystod o bartneriaid.

Gweler y Disgrifiad Swydd am fanylion pellach, lle bydd hefyd restr o’r meini prawf hanfodol a dymunol ym ‘Manyleb yr Unigolyn’.

- AMDANOCH CHI -

I gael eich ystyried fel Swyddog Gweithredol Datblygu’r Cwricwlwm (Digidol), bydd angen i chi feddu ar y canlynol:

-   Gradd mewn disgyblaeth berthnasol (neu’r profiad proffesiynol cyfwerth)

-   Profiad o greu adnoddau digidol

-   Profiad o weithio yn y maes Dysgu Cymraeg neu ym maes addysgu’r Gymraeg fel ail iaith.

-   Profiad o lunio adnoddau ar gyfer dysgwyr ar bob lefel.

-   Profiad o weithio’n effeithiol fel unigolyn, fel rhan o dîm ac mewn partneriaeth ag eraill.

-   Profiad o orfod cyflwyno gwaith gan gadw at derfynau amser tynn.

-   Meddu ar sgiliau rhyngbersonol a chyfathrebu da gyda’r gallu i gyfathrebu’n effeithiol ar bob lefel.

-   Bod yn barod i deithio a gweithio oriau hyblyg i gyflawni gofynion y swydd.

Byddai’n fuddiol pe bai gennych chi:

-   Sgiliau golygu a phrawf ddarllen o safon uchel

-   Profiad o greu cyflwyniadau o safon uchel a chyflwyno gerbron cynulleidfaoedd rhithiol a wyneb-yn-wyneb.

-   Profiad o hyfforddi tiwtoriaid.

-   Profiad fel tiwtor Dysgu Cymraeg effeithiol ar draws y prif lefelau yn y fframwaith – Mynediad, Sylfaen, Canolradd, Uwch neu brofiad o fod wedi dysgu’r Gymraeg yn effeithiol i ddisgyblion ysgol 16+.

-   Profiad o weithio ar brosiectau cymhleth a chynhwysfawr 

-   Y gallu i gyfarthrebu trwy gyfrwng y Gymraeg – llafar a ysgrifennu

- BUDDION –

- Yr hawl gwyliau blynyddol yw 35 diwrnod o wyliau (pro rata) ynghyd â 8 gŵyl banc a 4 diwrnod cau’r Brifysgol (pro rata)

Mae ein gweithwyr yn manteisio ar becyn cyflog a buddion gwych i gydnabod eu cyfraniad gwerthfawr gan gynnwys:

-    Cyflog ac amodau da; fel cyflogwr cyflog byw achrededig, rydym yn cynnig cyflog cystadleuol

-    Aelodaeth cynllun pensiwn gan USS i ddarparu buddion i chi a’ch teulu

-    Polisïau sy’n dda i deuluoedd sy’n darparu ar gyfer gweithio hyblyg, gan gynnwys absenoldeb mamolaeth a thadolaeth â thâl

-    Cyfleoedd gyrfa a datblygu, gan gynnwys cymorth i sicrhau cymwysterau pellach

-    Cefnogaeth iechyd meddwl a llesiant, yn cynnwys gwasanaethau cymorth iechyd galwedigaethol a chwnsela

-    Gostyngiadau i staff ar amrywiol gynhyrchion a gwasanaethau

-    Cynlluniau teithio, gan gynnwys y cynllun seiclo i’r gwaith

Felly os ydych chi’n awyddus i chwarae rhan bwysig yn cynnal ein prifysgol fel Swyddog Gweithredol Datblygu’r Cwricwlwm (Digidol), ymgeisiwch drwy’r botwm perthnasol.

Nodwch nad yw’r broses ymgeisio’n cynnwys opsiwn i gyflwyno CV. Felly, caiff eich cais ei asesu ar sail eich atebion i gwestiynau’r cais yn unig, ac yn benodol, eich Datganiad Ategol.

Dyddiad Cau: 7 Medi 2022, 11:59pm

Dyma wahoddiad agored am geisiadau gan unigolion brwdfrydig, cymwys sydd am gyfle i weithio fel Tiwtor Cysylltiol Cymraeg i Oedolion yn uned Dysgu Cymraeg – Ardal Bae Abertawe (DCABA), o fewn Academi Hywel Teifi, Prifysgol Abertawe. Mae cyfle i benodi hyd at bump unigolyn. Darperir cytundeb hyd at 31 Gorffennaf 2023 yn y lle cyntaf. 

Mae’r rhain yn swyddi cyflog fesul awr gydag oriau dysgu rheolaidd ar gyfer gwersi fin nos ac yn ystod y dydd. Bydd disgwyl i Diwtor Cysylltiol ddysgu ar ystod o gyrsiau (ffurfiol ac anffurfiol) o fewn rhaglen DCABA. Mae’n bosib hefyd y bydd cyflëon i gyflwyno dosbarthiadau y tu allan i’r ffiniau rhanbarthol yng nghyd-destun darpariaeth yn y gweithle. Bydd cyfrifoldeb ar Diwtoriaid Cysylltiol i gefnogi hefyd weithgaredd rhai o Ganolfannau Cymraeg yr ardal er mwyn darparu amgylchedd groesawgar a naturiol Gymraeg i ddysgwyr fydd yn cefnogi eu datblygiad i fod yn siaradwyr rhugl.

Disgrifiad:

Gweledigaeth yr Academi yw cefnogi myfyrwyr o bob oedran a chefndiroedd addysgiadol, diwylliannol a sosio-economaidd i ddysgu’r Gymraeg neu ddatblygu eu sgiliau yn yr iaith, a hefyd hybu astudio’r Gymraeg, ei llenyddiaeth a’i diwylliant cysylltiedig fel disgyblaeth academaidd benodol. Mae'r swydd hon yn gofyn am gyflwyno addysgu o ansawdd uchel ac ymrwymiad i sicrhau profiad dysgu rhagorol i ddysgwyr.

Mae DCABA yn darparu cyrsiau Cymraeg i Oedolion ar bob lefel ac yn cynnig ystod o wahanol fathau o gyrsiau gan gynnwys cyrsiau wythnosol, dwys, bloc a phreswyl. Mae cyrsiau Croeso i Bawb, cyrsiau Cymraeg yn y Cartref a chyrsiau a ddarperir mewn gweithleoedd hefyd yn rhan o’n darpariaeth. Cynhelir y rhan fwyaf o’r rhain yn ardaloedd Abertawe a Chastell-nedd Port Talbot, ac mae mwy o ddarpariaeth arlein yn digwydd yn gynyddol erbyn hyn drwy dechnoleg fideogynadledda.

Mae’r rhain yn swyddi cyflog fesul awr gydag oriau dysgu rheolaidd ar gyfer gwersi fin nos ac yn ystod y dydd hyd at 31 Gorffennaf 2023. Bydd disgwyl i Diwtor Cysylltiol ddysgu ar ystod o gyrsiau (ffurfiol ac anffurfiol) o fewn rhaglen DCABA. Mae’n bosib hefyd y bydd cyflëon i gyflwyno dosbarthiadau y tu allan i’r ffiniau rhanbarthol yng nghyd-destun darpariaeth yn y gweithle. Bydd cyfrifoldeb ar Diwtoriaid Cysylltiol i gefnogi hefyd weithgaredd rhai o Ganolfannau Cymraeg yr ardal er mwyn darparu amgylchedd groesawgar a naturiol Gymraeg i ddysgwyr fydd yn cefnogi eu datblygiad i fod yn siaradwyr rhugl.

Rydym yn chwilio am ymgeiswyr sy’n meddu ar addysg hyd at lefel gradd neu gyfatebol a rhuglder yn yr iaith Gymraeg. Bydd profiad o ddysgu’r Gymraeg i Oedolion ar draws yr ystod o lefelau i safon uchel, a’r gallu i adnabod anghenion addysgol dysgwyr a darpar-ddysgwyr y Gymraeg, yn fanteisiol. Rydym yn chwilio am diwtoriaid fydd yn ymdrechu i wneud y profiad o ddysgu Cymraeg yn un hwylus a hwyliog, ble gall dysgwyr fwynhau a gwerthfawrogi eu cynnydd a gwireddu eu potensial. Bydd angen i ymgeiswyr amlygu’r gallu i gyd-weithio’n adeiladol a rhagweithiol fel aelod o dîm ac yn annibynnol.

Gwahoddir ceisiadau am swydd Swyddog Prosiectau Academi Hywel Teifi, Prifysgol Abertawe. Sefydlwyd Academi Hywel Teifi gan Brifysgol Abertawe yn 2010 ac fe’i henwyd er cof am gyn-Athro Cymraeg y Brifysgol ac un o fawrion y genedl, Yr Athro Hywel Teifi Edwards. Mae’r Academi yn sefydliad unigryw ac yn gorff sydd yn fwy na swm ei rhannau ac sy’n cynnwys:

Dysgu Cymraeg – Ardal Bae Abertawe sy’n darparu cyrsiau Cymraeg i Oedolion yn y gweithle ac yn y gymuned; Cangen Abertawe o’r Coleg Cymraeg Cenedlaethol; Uned Gyfieithu a Chydymffurfiaeth Iaith y Brifysgol, a Thŷ’r Gwrhyd, sef Canolfan Gymraeg Cwm Tawe a Chwm Nedd.   Bydd y Swyddog Prosiectau yn rhan o dîm Academi Hywel Teifi a fydd yn rhoi ar waith nifer o ffrydiau gwaith fydd yn sicrhau bod y Brifysgol yn cyflawni amcanion ei Strategaeth Iaith a Diwylliant Cymraeg 2022-27 newydd. Bydd y rôl yn cwmpasu ystod amrywiol o weithgareddau gan gynnwys cydlynu cynlluniau prosiect, ymgysylltu a chyfathrebu â rhanddeiliaid, monitro ac adrodd, dadansoddi data a gweinyddu ar wahanol gamau o'r prosiect: gweithredu, cynllunio, cyflawni a chau'r prosiect. Mae'n bosib y bydd y Swyddog Prosiectau hefyd yn gyfrifol yn annibynnol am reoli a gweinyddu prosiectau llai cymhleth.

Disgrifiad:

Yn ogystal â grymuso statws a defnydd y Gymraeg o fewn y Brifysgol a’i chymuned leol, gweledigaeth yr Academi yw cefnogi myfyrwyr o bob oedran a chefndiroedd addysgiadol, diwylliannol a sosio-economaidd i ddysgu’r Gymraeg neu ddatblygu eu sgiliau yn yr iaith. Mae’n gweithio hefyd i hybu cyfleoedd a buddiannau astudio drwy gyfrwng y Gymraeg, ynghyd â chyflwyno a dathlu ei diwylliant. Mae darparu addysg yn yr iaith Gymraeg yn greiddiol i waith a strategaeth Prifysgol Abertawe oherwydd rôl arweiniol y sefydliad yn y Gymru gyfoes, ei chyfrifoldeb yn rhanbarthol a chenedlaethol, a’i chyfrifoldeb statudol.

Bydd y Swyddog Prosiectau yn rhan o dîm Academi Hywel Teifi a fydd yn rhoi ar waith nifer o ffrydiau gwaith fydd yn sicrhau bod y Brifysgol yn cyflawni amcanion ei Strategaeth Iaith a Diwylliant Cymraeg 2022-27 newydd. Bydd y rôl yn cwmpasu ystod amrywiol o weithgareddau gan gynnwys cydlynu cynlluniau prosiect, ymgysylltu a chyfathrebu â rhanddeiliaid, monitro ac adrodd, dadansoddi data a gweinyddu ar wahanol gamau o'r prosiect: gweithredu, cynllunio, cyflawni a chau'r prosiect. Mae'n bosib y bydd y Swyddog Prosiectau hefyd yn gyfrifol yn annibynnol am reoli a gweinyddu prosiectau llai cymhleth.

Rydym yn chwilio am ymgeisydd sy’n meddu ar addysg hyd at lefel gradd neu brofiad cyfwerth mewn rôl debyg. Bydd yr ymgeisydd llwyddiannus yn rhugl yn yr iaith Gymraeg yn meddu ar brofiad o ddarparu cymorth ar gyfer prosiect cymhleth sy'n cynnwys amrywiaeth o bartneriaid ac sy’n ateb gofynion targedau a therfynau amser penodol. Bydd angen profiad o gyfrannu at gyflawniadau prosiect gan gynnwys llunio cynlluniau, amserlenni, cyllidebau, casglu data, adrodd yn ôl a rheoli risg prosiect a phrofiad o weithio ar y cyd â rhanddeiliaid mewnol ac allanol i sicrhau canlyniadau llwyddiannus.

Gwahoddir ceisiadau am swydd Tiwtor gyda Dysgu Cymraeg Ardal Bae Abertawe (DCABA) yn Academi Hywel Teifi, Prifysgol Abertawe. Mae’r swydd yn gytundeb cyfnod penodedig hyd at 31 Gorffennaf 2023 dros gyfnod mamolaeth.

Mae DCABA yn darparu cyrsiau Cymraeg i Oedolion ar bob lefel ac yn cynnig ystod o wahanol fathau o gyrsiau gan gynnwys cyrsiau wythnosol, dwys, bloc a phreswyl. Mae cyrsiau Croeso i Bawb, cyrsiau Cymraeg yn y Cartref a chyrsiau a ddarperir mewn gweithleoedd hefyd yn rhan o’n darpariaeth. Cynhelir y rhan fwyaf o’r rhain yn ardaloedd Abertawe a Chastell-nedd Port Talbot, ac mae mwy o ddarpariaeth arlein yn digwydd yn gynyddol erbyn hyn drwy dechnoleg fideogynadledda.

Disgrifiad:

Bydd disgwyl i’r Tiwtor ddysgu ar ystod o gyrsiau (ffurfiol ac anffurfiol) yn ystod y dydd a chyda’r nos o fewn rhaglen DCABA. Mae’n debygol y bydd pen trymaf yr addysgu yn digwydd ar-lein (o bell), ond bydd disgwyl hefyd i allu addysgu yn un, neu ragor, o’r ardaloedd lleol sydd o fewn dalgylch siroedd Abertawe a Chastell-nedd Port Talbot. Bydd cyfrifoldeb ar y Tiwtor i gyfrannu at y gwaith o gefnogi dysgwyr mewn digwyddiadau dysgu anffurfiol ac i hyrwyddo’r cyfleoedd i ddysgu’r Gymraeg. Bydd cyfrifoldeb ar y Tiwtor i gefnogi hefyd weithgaredd rhai o Ganolfannau Cymraeg yr ardal er mwyn darparu amgylchedd groesawgar a naturiol Gymraeg i ddysgwyr fydd yn cefnogi eu datblygiad i fod yn siaradwyr rhugl. Bydd disgwyl i’r Tiwtor gydweithio'n agos ac yn effeithiol fel rhan o dîm eang o gydweithwyr, gan gynnwys cyfathrebu’n rheolaidd â thiwtoriaid eraill, gweinyddwyr a swyddogion arweiniol.

Rydym yn chwilio am ymgeisydd sy’n meddu ar addysg hyd at lefel gradd neu gyfatebol a rhuglder yn yr iaith Gymraeg. Bydd profiad o ddysgu’r Gymraeg i Oedolion ar draws yr ystod o lefelau i safon uchel, a’r gallu i adnabod anghenion addysgol dysgwyr a darpar-ddysgwyr y Gymraeg, yn fanteisiol. Rydym yn chwilio am diwtor fydd yn ymdrechu i wneud y profiad o ddysgu Cymraeg yn un hwylus a hwyliog, ble gall dysgwyr fwynhau a gwerthfawrogi eu cynnydd a gwireddu eu potensial.

Dyma rôl newydd fydd yn rhoi cyfle i chi ddatblygu a gweithredu ein prosesau mewnol ac allanol er mwyn sicrhau ein gweledigaeth o greu theatr Cymraeg eithriadol i bawb. Pwrpas y swydd hon yw rheoli materion gweithredol y cwmni, yn cynnwys adnoddau dynol; rheoli asedau; systemau a chytundebau gweinyddol; systemau TG; a chasglu a dadansoddi data. 

Mae’r cwmni’n anelu at fod mor gynhwysol â phosib, gan sicrhau ein bod yn cynnig cyfleoedd i bobl o bob cefndir ac o bob oedran, ac mae lles pobl yn holl bwysig i ni. Rydym felly yn edrych am berson sy’n rhannu’r gwerthoedd yma, yn enwedig gan y bydd yr ymgeisydd llwyddiannus yn arwain ar faterion adnoddau dynol, yn cynnwys recriwtio a gofalu am les staff. 

Ry’n ni’n edrych am unigolyn sydd yn drefnus a chwilfrydig, sy’n ymfalchïo mewn systemau a phrosesau effeithiol, ac sy’n gallu rheoli eu gwaith eu hunain yn effeithiol. Os nad oes gennych y sgiliau neu’r profiad perthnasol ar gyfer y swydd hon eisoes, byddem yn fodlon ystyried darparu hyfforddiant a chyfleoedd i weithio tuag at gymwysterau perthnasol. 

Mae pencadlys y cwmni yng Nghaerfyrddin, ond ry’n ni’n cynnig amrywiaeth o drefniadau gweithio hyblyg, yn cynnwys trefniant gweithio hybrid sy’n golygu cyfuniad o weithio yn y swyddfa a gweithio o gartref.

Bydd yr ymgeisydd yn cael ei benodi ar isafswm y raddfa gyflog hon fel arfer.

Mae’r gallu i siarad Cymraeg yn ddymunol ar gyfer y swydd hon.

Mae croeso i chi gyflwyno'ch cais yn Gymraeg. Ni fydd unrhyw gais a gyflwynir yn Gymraeg yn cael ei drin yn llai ffafriol na chais a gyflwynir yn Saesneg.   Dyddiad Cau: 30 Medi erbyn 5:00yh

Am rhagor o wybodaeth ewch i’n gwefan.   Mae Amgueddfa Cymru yn gyflogwyr cyfle cyfartal. 

Croesewir ceisiadau o bob rhan o'r gymuned.

Cyfle i fod yn greadigol a chreu marc.

Mae cwmni Golwg eisiau Dylunydd i fod yn gyfrifol am ddylunio cynnyrch cwmni Golwg - print a digidol.

Y Gwaith 

- Dylunio cylchgronau Golwg, WCW a'i ffrindiau a lingo newydd

- Datblygu ochr ddylunio deunydd digidol y cwmni

- Dylunio deunyddiau marchnata

- Cyfle i weithio ar amrywiaeth o waith masnachol i gwsmeriaid allanol

- Ar adegau prysur cydweithio/ gosod gwaith i ddylunwyr ffri-lans allanol

Y person 

- Creadigol

- Brwd

- Trefnus

- Llygad da

**Y Sgiliau **

- Dealltwriaeth o hanfodion dylunio print

- Diddordeb byw yn y cyfryngau newydd

- Gallu i ddefnyddio rhaglenni fel InDesign, Photoshop, Illustrator, Adobe Acrobat

Dyddiad dechrau swydd: Medi/Hydref

Dyddiad Cau: Dydd Llun, 12 Medi

Manylion pellach/Ymgeisio: Owain Schiavone/Prif Weithredwr – [email protected] / 01570 423 529 Golwg Cyf, Blwch Post 4, Llanbedr Pont Steffan, Ceredigion SA48 7LX

Ydych chi'n arweinydd / rheolwr profiadol sy'n angerddol am ddatblygiad eraill? Oes gennych chi ddiddordeb mewn cynnig cymwysterau rheoli i unigolion gan reoli eich dyddiadur eich hun? Os felly, rydym am glywed wrthych!

Rydym yn recriwtio ar gyfer asesydd wedi ei l(l)eoli I gynnal grwp o ddysgwyr.

Mae rôl yr Asesydd yn cynnwys asesu a hyfforddi ymgeiswyr ar gyfer Brentisiaeth Uwch Lefel 4/5 mewn Arweinyddiaeth a Rheolaeth, sy'n cynnwys cyflwyno cymwysterau Sgiliau Hanfodol Cymru.

Bydd gan ymgeiswyr llwyddiannus brofiad blaenorol o weithio o fewn rôl arwain a / neu reoli, bydd ganddynt agwedd wych a bydd ganddynt y parodrwydd i addasu a datblygu eu hunain ymhellach. Nid yw cymhwyster mewn Arweinyddiaeth a Rheolaeth neu ymarfer asesu (cymhwyster Asesydd) yn hanfodol, fodd bynnag, mae'r gallu i siarad ac ysgrifennu trwy gyfrwng y Gymraeg yn hanfodol.

Mae'r swydd hon wedi ei seilio adref (yn y maes) ond gellir disgwyl rhywfaint o deithio ar brydiau, mae'r gallu i deithio yn hanfodol.

Cyflog Cychwyn Sylfaenol: Rhwng £27,000 i £32,000 y flwyddyn yn seiliedig ar brofiad a chymwysterau a chynigir £500 ychwanegol ar gyfer siaradwyr y Gymraeg.

Buddion Ychwanegol: Cliniadur, ffôn symudol, pecyn gwyliau hael a chynllun pensiwn cyfrannol.

Gweithle: Allan yn y maes / Cartref

Oriau: Llawn amser. Fe ystyrir oriau rhan amser

Dyddiad Cau: 9 Medi 2022

Y broses ymgeisio: Cwblhewch y ffurflen gais isod ac anfonwch gyda’ch CV i [email protected]

Mae Portal yn cadw'r hawl i gau swyddi gwag yn gynt os derbynnir llawer iawn o geisiadau addas. Rydym yn annog ceisiadau cynnar ar gyfer y swydd hon.

Bydd ymgeiswyr yn derbyn cyfathrebiad yn mynd ymlaen â'u cais i'r cam nesaf o fewn 2 wythnos yn dilyn y dyddiad cau. Os na dderbynnir hyn, gall ymgeiswyr gymryd yn ganiataol nad yw eu cais wedi bod yn llwyddiannus ar yr achlysur hwn.

Gwahoddir ceisiadau am y swydd lawn-amser barhaol uchod yn Undeb Myfyrwyr Prifysgol Bangor (Undeb Bangor).

Mae Undeb Myfyrwyr Prifysgol Bangor (Undeb Bangor) eisiau penodi unigolyn sydd â phrofiad o weithio mewn amgylchedd prysur i ymuno â'n Tîm Datblygu Aelodaeth fel Gweinyddwr Datblygu Aelodaeth. Bydd deiliad y swydd yn cynorthwyo ac yn darparu cefnogaeth weithredol a gweinyddol o ddydd i ddydd i'r Tîm Datblygu Aelodaeth gyda’u gwaith o ddatblygu gweithgarwch dan arweiniad myfyrwyr a gweithgarwch democrataidd a chynrychioliadol.

Byddwch yn meddu ar addysg i safon TGAU (graddau A i D), NVQ Lefel II (neu gyfwerth) mewn pwnc priodol, neu brofiad perthnasol cyfatebol sy'n briodol i'r swydd. Byddwch yn unigolyn trefnus, rhagweithiol a dymunol a fydd yn ymrwymedig i gyfrannu at ddiwylliant o welliant parhaus. Mae hon yn swydd mewn adran brysur a deinamig ac felly mae'n rhaid i ymgeiswyr feddu ar sgiliau cyfathrebu a threfnu rhagorol ynghyd â'r gallu i fod yn hyblyg ac addasu.

Disgwylir i’r ymgeisydd llwyddiannus ddechrau yn y swydd cyn gynted â phosib.

Mae gallu cyfathrebu yn Gymraeg yn ddymunol i'r swydd hon.

Byddwch yn gweithio ar y campws ym Mangor. Trwy ein fframwaith Gweithio Deinamig, bydd dewis hefyd i dreulio peth amser yn gweithio o bell (ond rhaid aros yn y Deyrnas Unedig) i gynnal cydbwysedd bywyd a gwaith. Trafodir hyn ymhellach gydag ymgeiswyr yn y cyfweliad. 

Derbynnir ceisiadau ar-lein yn unig, trwy ein gwefan recriwtio, jobs.bangor.ac.uk. Ond os cewch drafferth defnyddio’r wefan oherwydd anabledd, mae ffurflenni cais papur ar gael trwy ffonio 01248 383865.

Wedi Ymrwymo i Gyfle Cyfartal

Bydd deilydd y swydd yn aelod gwerthfawr o’r Tîm Cydlyniant Cymunedol Rhanbarthol ar draws Gogledd-Orllewin Cymru, sef gweithio ar draws Siroedd Ynys Môn, Gwynedd a Chonwy i sicrhau bod egwyddorion Rhaglen Waith Cydlyniant Cymunedol Llywodraeth Cymru’n cael eu cyflawni ac yn cael effaith gadarnhaol ar fywydau pobl, ar bolisi ac ar ddarpariaeth gwasanaeth o fewn y tri awdurdod lleol.

Yn benodol, bydd deilydd y swydd yn cefnogi awdurdodau lleol Ynys Môn, Gwynedd a Chonwy a phartïon sector cyhoeddus eraill a’r sector gwirfoddol i wella Cydlyniant Cymunedol drwy gynlluniau gwaith a mentrau lleol a chenedlaethol.

Cyffredinol: Cydymffurfio â Pholisi Diogelu Corfforaethol yr awdurdod lleol a’r dyletswyddau a chyfrifoldebau diogelu y mae’r polisi hwnnw’n ei roi ar bob gweithiwr, gan gydweddu â gwerthoedd craidd yr Awdurdod sy’n cynnwys cefnogi plant, oedolion a all fod mewn perygl a’u teuluoedd er mwyn eu cadw’n ddiogel ac iach.

Mae Cyngor Caerdydd yn darparu dros 700 o wahanol wasanaethau i'n dinasyddion, ymwelwyr a busnesau ledled y Ddinas. Fel sefydliad llywodraeth leol, mae ein cwsmeriaid yn dibynnu arnom i ddarparu ein gwasanaethau hanfodol bob dydd. P'un a ydynt yn cael eu cyflogi mewn rôl wyneb-yn-wyneb â chwsmeriaid, neu mewn rôl dechnegol, fasnach neu gymorth, mae ein gweithwyr yn ein helpu i wneud gwahaniaeth i'r cymunedau rydym yn eu gwasanaethu.

Mae ein Tîm Caerdydd Ddwyieithog yn awyddus i gyflogi Swyddog Polisi rhan-amser yn Neuadd y Sir, Glanfa'r Iwerydd CAERDYDD CF10 4UW.

Mae Caerdydd Ddwyieithog yn arwain y gwaith o ddatblygu Caerdydd wirioneddol ddwyieithog lle gall pawb yn y brifddinas fanteisio ar wasanaethau a chymorth yn Gymraeg neu’n Saesneg Mae nifer y siaradwyr Cymraeg yng Nghaerdydd wedi dyblu dros y 25 mlynedd diwethaf, ac mae Caerdydd yn ddinas gynyddol ddwyieithog. Fel awdurdod lleol, rydym yn gweithio gyda chwmnïau yn y sector preifat a’r trydydd sector fel rhan o’r strategaeth ‘Caerdydd Ddwyieithog’ ehangach i geisio hyrwyddo a chefnogi’r Gymraeg yng Nghaerdydd. Nod y dull newydd a blaengar hwn o weithio yw chwalu’r muriau rhwng y Gymraeg a’r Saesneg, hyrwyddo dwyieithrwydd fel rhywbeth hollol naturiol a sicrhau bod gweledigaeth y Cyngor o greu ‘Caerdydd ddwyieithog’ yn cael ei gwireddu.

Am Y Swydd

Dyma rôl rhan-amser ac fe’i gynigir am hyd at 18.5 awr yr wythnos.

Yn y rôl Swyddog Polisi hon byddwch yn cefnogi ein gwasanaeth a byddwch yn dysgu sut i:

Gefnogi Rheolwr Busnes Caerdydd Ddwyieithog i gyflawni Cynllun Gweithredu Strategaeth Caerdydd Ddwyieithog amlasiantaethol ledled y ddinas 2022-27.

Cynnig cyngor ar faterion sy'n ymwneud â Safonau'r Gymraeg statudol (Mesur y Gymraeg [Cymru] 2011), Polisïau'r Gymraeg ac agenda Caerdydd Ddwyieithog.

Cefnogi Rheolwr Busnes Caerdydd Ddwyieithog i weithredu Safonau'r Gymraeg ar draws y Cyngor a chodi ymwybyddiaeth o'r Safonau hyn er mwyn sicrhau bod yr holl staff a chyfarwyddiaethau yn ymwybodol o'u rhwymedigaethau dan ddeddfwriaeth y Gymraeg.

Paratoi cyngor a chefnogaeth i'r holl staff, rheolwyr, aelodau etholedig a thrydydd partïon ar sut mae polisïau iaith y cyngor yn berthnasol i'w meysydd cyfrifoldeb. Rhoi cyngor a chymorth i unrhyw aelod arall o staff, y cyhoedd a sefydliadau allanol ar bob mater sy'n ymwneud â'r Gymraeg.

Cynorthwyo gyda’r gwaith o ddatblygu a chydlynu polisïau a strategaethau i hwyluso a hyrwyddo’r Gymraeg/ Safonau’r Gymraeg er mwyn codi ymwybyddiaeth gorfforaethol o rwymedigaethau statudol y Cyngor a sicrhau bod staff yn cydymffurfio â’r safonau a bod gwasanaethau dwyieithog yn cael eu gwella.

Delio ag unrhyw faterion eraill a allai godi yn ymwneud â'r Gymraeg, gan gynnwys ymchwiliadau Comisiynydd y Gymraeg, yn ôl y gofyn.

Cefnogi Rheolwr Busnes Caerdydd Ddwyieithog gyda gweinyddiaeth y Grŵp Caerdydd Ddwyieithog o Aelodau Trawsbleidiol ac unrhyw gyfarfodydd perthnasol eraill yn ôl yr angen.

Cynrychioli'r Cyngor mewn cyfarfodydd mewnol ac allanol perthnasol (e.e. Fforwm Partneriaid Caerdydd Ddwyieithog, Fforwm Cymraeg mewn Addysg ac ati).

Bydd yr ymgeisydd llwyddiannus yn cynorthwyo Pennaeth Caerdydd Ddwyieithog a Rheolwr Busnes Caerdydd Ddwyieithog ac yn rhoi cymorth ac arweiniad i Reolwyr a Staff Cyngor Caerdydd i sicrhau bod y Cyngor yn cyflawni ei ddyletswyddau statudol dan Fesur y Gymraeg (Cymru) 2011. Bydd y rôl hon yn cyfrannu at bob agwedd ar ddyletswyddau statudol y Cyngor gan gynnwys cefnogi'r gwaith o weithredu Strategaeth Caerdydd Ddwyieithog i sicrhau ein bod yn cyflawni ein gweledigaeth i greu Caerdydd wirioneddol ddwyieithog.

Mae'r gallu i weithio dan bwysau a chwblhau tasgau o fewn yr amserlenni y cytunir arnynt yn hanfodol ar gyfer y rôl hon, yn ogystal â'r gallu i weithio a chyfathrebu i lefel uchel yn y Gymraeg a'r Saesneg.

Rydym yn symud i fodel gweithio hybrid a fydd yn cynnwys gweithio mewn swyddfa a gartref ar-lein a byddwch yn cael eich annog i ddatblygu'r sgiliau i gefnogi hyn. Pan fydd angen gweithio gartref, byddwch yn cael yr offer angenrheidiol, ond bydd angen i chi drefnu eich cysylltiad eich hun â’r rhyngrwyd.

Beth Rydym Ei Eisiau Gennych

Mae ein cwsmeriaid yn dibynnu arnom i barhau i ddarparu gwasanaethau hyd yn oed yn ystod y cyfnodau mwyaf heriol. Rydym yn chwilio am unigolion sydd â diddordeb yn ein gwaith ac sy’n awyddus i ddysgu yn y rôl ac i’n helpu i wneud gwahaniaeth i'n cwsmeriaid trwy ddarparu gwasanaethau cyhoeddus rhagorol yng Nghaerdydd.

Os oes gennych unrhyw gwestiynau am y rôl ar ôl darllen y disgrifiad swydd, cysylltwch ag Ifan Brychan, Rheolwr Busnes Caerdydd Ddwyieithog yn:

[email protected]

Mae’r swydd yn rhan-amser i weithio hyd at 18.5 awr yr wythnos.

Mae’r cyflog a gyflwynir yn berthnasol i 37 awr yr wythnos serch hynny ac – gan ei fod yn swydd rhan-amser – bydd yn cael ei gynnig pro rata.

Disgwylir i’r ymgeisydd llwyddiannus fod â’r gallu i gyfathrebu yn effeithiol yn y Gymraeg hyd at Lefel 5 – Hyfedredd. 

Gwybodaeth Ychwanegol

Wrth gwblhau eich cais ar-lein, dylech deilwra eich cais i'r rôl yn yr adran Gwybodaeth Ategol, gan nodi sut rydych yn bodloni pob un o'r meini prawf hanfodol a restrir ar y Fanyleb Person. Dylech hefyd nodi sut rydych yn bodloni'r meini prawf dymunol gan y gallem ddefnyddio'r rhain i lunio'r rhestr fer os bydd nifer mawr o ymgeiswyr yn bodloni'r holl feini prawf hanfodol. Mae adran Gwybodaeth Ategol y ffurflen gais ar-lein wedi'i chyfyngu i 4,000 o arwyddnodau – gallwch lanlwytho Gwybodaeth Ategol ychwanegol ond peidiwch â chyflwyno CV gan nad yw’n debygol o gynnig y wybodaeth sydd ei hangen. Darllenwch y canllaw ar sut i wneud cais. 

I gefnogi eich cais neu gyfweliad posibl yn y dyfodol efallai y bydd yn ddefnyddiol i chi gael gwybod ychydig mwy am rôl ehangach y Cyngor drwy ein dilyn ar Twitter, Facebook, Instagram, tanysgrifio i'n sianel YouTube, neu drwy ymweld â'n gwefan www.caerdydd.gov.uk

Croesewir ceisiadau yn Gymraeg ac yn Saesneg. Ni chaiff ceisiadau Cymraeg eu trin yn llai ffafriol na cheisiadau Saesneg.

Os oes angen help arnoch gyda'ch cais, cysylltwch â'n Tîm Gwasanaethau i Mewn i Waith www.imewniwaithcaerdydd.co.uk neu ar 029 20871071

Rydym yn chwilio am bobol i ymuno gyda’n tîm brwdfrydig yng Nghaerfyrddin. Mae gennym amryw o gleientiaid dros Gymru gyfan ac ym mhellach ac rydym yn cynnig gwasanaeth llawn trwy gyfrwng y Gymraeg.

Rydym yn cynnig hyfforddiant llawn ar bob agwedd o gyfrifeg yn arwain at gymwysterau proffesiynol. Telir holl gostau’r hyfforddiant a ffioedd arholiadau. 

Dyletswyddau:

Cyfrifydd Cymwysedig neu Rannol- Gymwysedig

·    Paratoi cyfrifon ar gyfer amryw o fusnesau

·    Cwrdd gyda’n cleientiaid i drafod y cyfrifon a’u cynlluniau

·    Paratoi ffurflenni treth i unigolion, partneriaethau a chwmnïau

·    Bod yn rhan o dîm archwilio

·    Gweithio gyda’n cleientiaid i’w paratoi nhw ar gyfer Troi Treth Yn Ddigidol   Cyfrifydd Dan Hyfforddiant

·    Helpu i baratoi cyfrifon ar gyfer amryw o fusnesau

·    Delio gydag ymholiadau oddi wrth ein cleientiaid

·    Helpu paratoi ffurflenni treth i unigolion, partneriaethau a chwmnïau

·    Bod yn rhan o dîm archwilio

·    Paratoi Ffurflenni TAW

·    Gweithio gyda’n cleientiaid i’w paratoi nhw ar gyfer Troi Treth Yn Ddigidol   Gofynion

·    Yn hapus i siarad ac ysgrifennu yn Gymraeg a Saesneg

·    Profiad o ddefnyddio Word ac Excel

·    Profiad gyda QuickBooks, Xero neu Sage yn fantais ond ddim yn ofynnol

·    Yn hapus yn gweithio mewn tîm ac ar ben eich hunan

·    Sgiliau cyfathrebu da

·    Prydlondeb

·    Oriau’r swyddfa yw 9-5 o Ddydd Llun i dydd Gwener.   Mae’r cyflog yn ddibynnol ar brofiad a sgiliau.

Mae’r Bartneriaeth Awyr Agored yn elusen sy’n gweithio i gefnogi pobl Cymru ac ardaloedd eraill o fewn y DU i ymgymryd â gweithgareddau awyr agored fel gweithgaredd gydol oes. Ein gweledigaeth yw i “wella bywydau pobl drwy weithgareddau awyr agored.”

Mae’r weledigaeth hon yn golygu gwella:

·   iechyd a lles corfforol a meddyliol pobl,

·   yr enillion economaidd (gan gynnwys cyflogaeth)

·   y gwerth cymdeithasol drwy weithgarwch awyr agored

·   cymryd rhan ar lawr gwlad mewn gweithgareddau fel cerdded, beicio, dringo, canŵio, padlfyrddio, hwylio, beicio mynydd, a llawer mwy.

Y Swydd

Bydd y swydd fel arfer yn cael ei wneud o adref. Er, fydd gofyn i’r ymgeisydd llwyddiannus weithio o swyddfa yng Ngogledd Orllewin Cymru fel bydd yr angen yn codi.

Yn y swydd hon byddwch yn:

·   Cefnogi’r Rheolwr Rhaglen i gyfathrebu a chynnal trafodaethau gyda phrif rhanddeiliaid y cwmni

·   Arwain ar brosiectau a roddir i chi gan yr Uwch Dîm rheoli

·   Cefnogi staff a’r tîm rheoli i adnabod, cwblhau a chyflwyno ceisiadau grant ac adroddiadau prosiectau blynyddol

·   Rheoli a gweinyddu cynnwys gwefan ddwyieithog newydd y Bartneriaeth Awyr Agored

·   Darparu cymorth gweinyddol a chlerigol i'r Prif Weithredwr a'r Rheolwr Rhaglen

Gellir gweld y swydd ddisgrifiad a’r manyleb person llawn ar wefan ein cwmni   Amdanoch chi

I wneud y swydd yma bydd angen:

• Addysg lefel Gradd neu brofiad perthnasol

• Y gallu i gyfathrebu a gweithio trwy gyfrwng y Gymraeg

• Sgiliau cyfathrebu llafar ac ysgrifenedig rhagorol

• Sgiliau trefnu rhagorol

• Sgiliau rhyngbersonol da

• Ymrwymiad clir i gydweithio fel rhan o dîm

• Ymrwymiad clir i gydraddoldeb ac amrywiaeth

• Parodrwydd i weithio'n hyblyg i gyflawni gofynion y rôl

• Y gallu i fod yn drylwyr

Yr hyn rydym yn ei gynnig:

• 35 diwrnod o wyliau blynyddol yn cynnwys gwyliau banc

• Gweithio hybrid

• Polisïau gweithio’n hyblyg

• Cyfleoedd dysgu a datblygu, gan gynnwys cefnogaeth i ennill cymwysterau pellach

• Cefnogaeth ar gyfer iechyd meddwl a lles, gan gynnwys iechyd galwedigaethol a gwasanaethau cymorth cwnsela

• Gliniadur a ffôn symudol

• Mynediad i'r cynllun beicio i'r gwaith

Rydym yn angerddol am fod yn gynhwysol yn y gweithle, ac yn credu ein bod fel sefydliad yn elwa o'r amrywiaeth o gredoau, ymagwedd a sgiliau a all ddod ag amrywiaeth. Rydym yn gwerthfawrogi gwahaniaethau o bob cefndir a chymuned. Felly, waeth beth fo'ch oedran, rhyw, ethnigrwydd, cyfeiriadedd rhywiol, anabledd, statws cymdeithasol neu grefydd, byddem wrth ein bodd yn clywed gennych.

Os ydych chi'n teimlo bod gennych chi'r sgiliau a'r profiad angenrheidiol i fod yn wych yn y rôl hon, anfonwch eich CV a llythyr eglurhaol at [email protected] 

Dyddiad cau: Medi 9, 2022

Dyddiad cyfweld: Medi 20, 2022

Gwahoddir ceisiadau am y swydd lawn-amser uchod am gyfnod penodol yn gweithio i Ganolfan Asesu Prifysgol Bangor. Mae un swydd ar gael ym Mangor, a swydd arall ar gyfer Aberystwyth. Mae angen i ymgeiswyr sicrhau eu bod yn glir o ran eu lleoliad arfaethedig wrth wneud cais.

Bydd yr ymgeisydd llwyddiannus yn meddu ar radd neu gymhwyster cyfwerth a chyda phrofiad o weithio â myfyrwyr anabl mewn addysg ôl-16, a’i brif swyddogaeth fydd darparu asesiadau anghenion astudio ar gyfer Lwfansau Myfyrwyr Anabl ar ffurf trafodaeth â’r myfyrwyr ynglŷn ag effeithiau eu hamhariad, gofynion eu cwrs, a’u ffordd o weithio. 

Mae’r swyddi hyn yn amodol ar gliriad uwch boddhaol gan y Gwasanaeth Datgelu a Gwahardd.

Mae gallu cyfathrebu yn Gymraeg yn hanfodol ar gyfer y swydd ym Mangor ac yn ddymunol ar gyfer y swydd yn Aberystwyth.

Disgwylir i’r ymgeiswyr llwyddiannus ddechrau gynted ag sy’n bosib, ac mae’r swyddi ar gael ar hyn o bryd tan 31 Gorffennaf 2023. Bydd ceisiadau hefyd yn cael eu hystyried i wneud y swyddi hyn ar sail rhan-amser neu rannu swydd hyd at yr oriau a hysbysebir.

Lleolir y swyddi hyn ar y campws ym Mangor ac Aberystwyth. Trwy ein fframwaith Gweithio Deinamig, bydd dewis hefyd i dreulio peth amser yn gweithio o bell (ond rhaid aros yn y Deyrnas Unedig) i gynnal cydbwysedd bywyd a gwaith. Trafodir hyn ymhellach gydag ymgeiswyr yn y cyfweliad. 

Derbynnir ceisiadau ar-lein yn unig, trwy ein gwefan recriwtio, jobs.bangor.ac.uk. Ond os cewch drafferth defnyddio’r wefan oherwydd anabledd, mae ffurflenni cais papur ar gael trwy ffonio 01248 383865.

Dyddiad cau ar gyfer ceisiadau: 9 Medi, 2022.

Wedi Ymrwymo i Gyfle Cyfartal 

Mae Rhentu Doeth Cymru yn wasanaeth o fewn Cyngor Caerdydd, er mwyn gweinyddu gofynion Rhan 1 Deddf Tai (Cymru) 2014, sy’n rheoleiddio tai sector rhent preifat yng Nghymru drwy ofyn i landlordiaid gofrestru ac un ai ddod yn drwyddedig eu hunain neu roi cyfarwyddyd i asiant trwyddedig i ymgymryd â thasgau gosod a rheoli eiddo. Sefydlwyd y gwasanaeth ym mis Tachwedd 2015.

Mae Rhentu Doeth Cymru yn elwa ar we-systemau a ddyluniwyd ar gyfer y cwsmer, technoleg ffôn canolfannau cyswllt, trefniadau partneriaeth gyda’r 22 o awdurdod lleol ar draws Cymru, a chymorth ymgyrch farchnata gynhwysfawr dan arweiniad Llywodraeth Cymru.

Am Y Swydd

Rydym am recriwtio nifer o unigolion brwdfrydig i ymuno â’n tîm fel Swyddogion Trwyddedu yng Nghanolfan Gyswllt Rhentu Doeth Cymru i gynorthwyo â’r gwaith o roi gwasanaeth o safon uchel i gwsmeriaid dros y ffôn ac e-bost.

Mae gofyn i Swyddogion Trwyddedu gefnogi a chynghori amrywiaeth eang o gwsmeriaid, yn fewnol ac yn allanol. Bydd deiliaid y swydd yn sicrhau bod ein cwsmeriaid yn derbyn gwasanaeth cwsmeriaid o’r lefel uchaf a bod eu hymholiadau’n cael eu datrys ar y pwynt cyswllt cyntaf lle y bo’n bosibl.

Beth Rydym Ei Eisiau Gennych

Bydd gan yr ymgeiswyr llwyddiannus brofiad o weithio mewn amgylchedd sy’n canolbwyntio ar gwsmeriaid, bydd ganddynt sgiliau cyfathrebu, cynllunio, blaenoriaethu a dadansoddi gwych a byddant yn frwd ac yn gyfrifol wrth eu gwaith.

Oherwydd y cyfyngiadau presennol, bydd yr ymgeiswyr llwyddiannus yn gallu gweithio gartref mewn man gweithio addas, gan sicrhau bod cyfrinachedd yn cael ei gynnal bob amser tra'n cydymffurfio â'r holl reoliadau iechyd a diogelwch perthnasol, gan gynnwys ymwybyddiaeth o ofynion rheoliadau Offer Sgrin Arddangos.

Mae Ysgol y Gymraeg yn chwilio am ddarlithydd brwdfrydig i ymuno â thîm sy'n anelu at ragoriaeth mewn addysgu ac yn ysbrydoli eraill i wneud yr un fath. Bydd deiliad y swydd yn ymgymryd â llwyth addysgu llawn, gan gynnwys: datblygu, cyflwyno a gwerthuso modiwlau/rhaglenni yn rhan o ddarpariaeth israddedig ac ôl-raddedig yr Ysgol; goruchwylio myfyrwyr; a chyflawni dyletswyddau gweinyddol yn y maes gwaith yn ôl yr angen.

Mae'r swydd hon yn rhan amser, am dridiau'r wythnos (21 awr), ac am gyfnod penodol hyd at 30 Mehefin 2024. Os ydych am drafod y swydd mewn rhagor o fanylder, mae croeso ichi gysylltu â Dr Siwan Rosser neu Dr Dylan Foster Evans.

Cyflog: £34,304 - £40,927 y flwyddyn (Gradd 6, pro rata)

Dyddiad cau: Dydd Mawrth, 13 Medi 2022

Mae gan Brifysgol Caerdydd yr hawl i gau‘r hysbyseb hon yn gynnar trwy roi rhybudd o 24 awr os oes digon o geisiadau wedi‘u derbyn.

Mae Prifysgol Caerdydd wedi ymrwymo i gefnogi a hyrwyddo cydraddoldeb ac amrywiaeth a chreu amgylchedd gwaith cynhwysol. Credwn y gallwn wneud hyn drwy ddenu, datblygu a chadw ystod amrywiol o staff o wahanol gefndiroedd sydd am greu Prifysgol sy'n ceisio cyflawni ein rhwymedigaeth gymdeithasol, ddiwylliannol ac economaidd i Gaerdydd, Cymru, a'r byd. Wrth gefnogi ein gweithwyr i gael cydbwysedd rhwng eu gwaith a'u bywydau personol, byddwn hefyd yn ystyried cynigion i rannu swyddi neu weithio'n hyblyg.

A ydych chi yn teimlo yn angerddol dros wasanaethau cyhoeddus yng Nghymru a dros sicrhau bod modd troi at system gwynion annibynnol pan fydd gwasanaethau yn methu?

Mae’r Ombwdsmon Gwasanaethau Cyhoeddus Cymru yn awyddus i recriwtio Swyddogion Ymchwilio sy’n gyfrifol am ymchwilio i gwynion gan aelodau’r cyhoedd am driniaeth annheg neu wasanaeth gwael oherwydd rhyw fethiant ar ran cyrff cyhoeddus datganoledig yng Nghymru. Mae’r Ombwdsmon hefyd yn ymchwilio i gwynion a wnaed am Gynghorion o fewn awdurdodau lleol yng Nghymru a allai fod wedi torri cod ymddygiad statudol eu cyngor.  

Fel Swyddog Ymchwilio, byddwch yn canolbwyntio ar yr achosion mwyaf difrifol ac yn rheoli llwyth achosion sy'n amrywio o ran cymhlethdod, ar draws llu o feysydd. Wrth ddarparu profiad cwsmer da trwy gydol y broses, byddwch yn: 

·   Dadansoddi gwybodaeth fanwl i gyrraedd a deall gwraidd y gŵyn

·   Nodi a chael tystiolaeth yn brydlon, gan gynnwys datganiadau tyst

·   Rhoi'r wybodaeth ddiweddaraf yn rheolaidd i'r achwynydd am gynnydd yr ymchwiliad

·   Datrys achosion drwy ymgysylltu’n adeiladol    **Beth ydym yn chwilio amdano **

·   Profiad sylweddol, ymarferol a chymaradwy o reoli achosion cymhleth neu ymgymryd ag ymchwiliadau cymhleth, gan arwain at ganlyniadau cymesur, gan gynnwys cael tystiolaeth cyn gynted ag y bo modd yn ystod y broses ymchwilio

·   Sgiliau cyfathrebu ysgrifenedig rhagorol gyda phrofiad sylweddol o ddrafftio dogfennau cymhleth i safon uchel a phroffesiynol 

·   Sgiliau cyfathrebu llafar rhagorol gyda'r gallu i gwrdd â rhanddeiliaid wyneb yn wyneb, o bell neu dros y ffôn

·   Sgiliau effeithiol o ran rheoli achosion gyda'r gallu i flaenoriaethu gofynion sy'n cystadlu â'i gilydd 

·   Gallu profedig i weithio'n dda yn annibynnol ac fel rhan o dîm

Croesewir ceisiadau gan ystod eang o brofiad ac arbenigedd gan gynnwys y rhai sy’n gweithio gyda gwaith achos neu rolau ymchwilio yn y gwasanaethau proffesiynol/sector cyhoeddus. Mae’r gallu i gyfathrebu trwy gyfrwng y Gymraeg yn ddymunol ond nid yn hanfodol. 

Sut mae hyn o fudd i chi?

·   Cyfle i wneud gwahaniaeth gwirioneddol, gan ddarparu cyfiawnder ac arwain at welliannau 

·   Amrywiaeth o waith achos – nid oes un achos yr un peth

·   Cyflog cystadleuol a lwfans gwyliau blynyddol hael o 32 diwrnod

·   Buddion eraill gan gynnwys: Cynllun Pensiwn y Gwasanaeth Sifil, Cynllun Amser Hyblyg, Aelodaeth gampfa, Cynllun Beicio i’r Gwaith, Health Cash Plan

·   Cynlluniau prynu am bris gostyngol

·   Cyfleusterau ar y safle ardderchog ac offer ar gyfer gweithio gartref  

·   Cwnsela allanol rhad ac am ddim a chefnogaeth iechyd galwedigaeth 

Sut i ymgeisio

Cyflwynwch eich Ffurflen Gais a Ffurflen Monitro Cyfleoedd Cyfartal drwy e-bost at: recriwtio@@ombwdsmon.cymru erbyn hanner dydd, dydd Llun 5 Medi 2022. 

Bydd eich ymatebion ffurflen gais yn cael eu defnyddio i lunio rhestr fer.  

Mae'r Ombwdsmon Gwasanaethau Cyhoeddus Cymru yn Gyflogwr Cyfle Cyfartal.

Mae amrywiaeth a chynhwysiant yn ganolog i bopeth a wnawn. Rydym wedi ymrwymo yn ddiwyd i hyrwyddo a chymryd rhan mewn arfer da yn y ffordd yr ydym yn denu, recriwtio a chadw staff.

Caiff pawb eu hannog i ddod â’u hunan yn gyfan i’r gwaith oherwydd rydym yn gwerthfawrogi’r gwerth y mae gweithlu sy’n wirioneddol amrywiol yn ei roi i sefydliad. Rydym yn dathlu gwahaniaeth, gan gydnabod y buddion a ddaw yn sgil hyn i’n diwylliant cynhwysol, gan gynnwys oedran, anabledd, hunaniaeth rhywedd, crefydd, hil, rhyw, cyfeiriadedd rhywiol a chefndir economaidd-gymdeithasol.

A ydych chi yn teimlo yn angerddol dros wasanaethau cyhoeddus yng Nghymru a chynnal safonau mewn bywyd cyhoeddus? A hoffech chi fod yn rhan o sefydliad sy'n darparu system gwynion annibynnol a phroses annibynnol ar gyfer atebolrwydd?

Mae’r Ombwdsmon Gwasanaethau Cyhoeddus Cymru yn awyddus i recriwtio Swyddog Arwain y Cod Ymddygiad i gymryd rôl arweiniol mewn cysylltiad ag ymchwiliadau OGCC i gwynion a wneir am Gynghorwyr o fewn awdurdodau lleol yng Nghymru a allai fod wedi torri cod ymddygiad statudol eu cyngor. Gall hyn hefyd gynnwys rolau eraill mewn awdurdodaeth.

Fel Swyddog Arwain y Cod, byddwch yn cynrychioli OGCC mewn gwrandawiadau, yn ymgysylltu ag achwynwyr a rhanddeiliaid allweddol i gynnal hyder y cyhoedd yn rôl a chylch gwaith OGCC o fewn y fframwaith moesegol yng Nghymru.

Gan ddarparu profiad cwsmer da trwy gydol y broses, byddwch yn: 

·   Asesu ac ymchwilio i gwynion cymhleth a phroffil uchel, gan wneud penderfyniadau yn unol â chynllun dirprwyo OGCC

·   Cynrychioli OGCC mewn Gwrandawiadau’r Cod Ymddygiad gerbron Pwyllgorau Safonau Awdurdodau Lleol a Phanel Dyfarnu Cymru

·   Arwain ar ymgysylltu â rhanddeiliad ynghylch materion fframwaith moesegol, mewn ffordd sy’n cynnal hyder y cyhoedd yn rôl OGCC o ymchwilio i gwynion yn ddiduedd ac yn annibynnol

·   Adolygu a diweddaru Canllawiau OGCC o ran y Cod Ymddygiad yng Nghymru 

Yr hyn rydym yn chwilio amdano

·   Profiad sylweddol, ymarferol a chymaradwy o reoli achosion cymhleth neu ymgymryd ag ymchwiliadau cymhleth, gan arwain at ganlyniadau cymesur, gan gynnwys cael tystiolaeth cyn gynted ag y bo modd yn ystod y broses ymchwilio. 

·   Sgiliau cyfathrebu ysgrifenedig rhagorol gyda phrofiad sylweddol o ddrafftio dogfennau cymhleth i safon broffesiynol uchel.

·   Sgiliau cyfathrebu llafar rhagorol gyda sgiliau cyflwyno profedig a’r gallu i gwrdd â rhanddeiliaid wyneb yn wyneb, o bell neu dros y ffôn. 

·   Sgiliau effeithiol o ran rheoli achosion gyda'r gallu i flaenoriaethu gofynion sy'n cystadlu â'i gilydd.

·   Gallu profedig i weithio'n dda yn annibynnol ac fel rhan o dîm.

Croesewir ceisiadau gan ystod eang o brofiad ac arbenigedd gan gynnwys y rhai sy’n gweithio gyda gwaith achos neu rolau ymchwilio yn y gwasanaethau proffesiynol neu gyfreithiol/sector cyhoeddus. Mae’r gallu i gyfathrebu trwy gyfrwng y Gymraeg yn ddymunol ond nid yn hanfodol. 

Sut mae hyn o fudd i chi?

·   Cyfle i wneud gwahaniaeth gwirioneddol, gan ddarparu cyfiawnder ac arwain at welliannau 

·   Amgylchedd gweithio cadarnhaol mewn tîm deinamig a phrysur

·   Amrywiaeth o waith achos – nid oes un achos yr un peth

·   Cyflog cystadleuol a lwfans gwyliau blynyddol hael o 32 diwrnod

·   Buddion eraill gan gynnwys: Cynllun Pensiwn y Gwasanaeth Sifil, Cynllun Amser hyblyg, Aelodaeth gampfa, Cynllun Beicio i’r Gwaith, Health Cash Plan a 

**Cynlluniau prynu am bris gostyngol **

·   Cyfleusterau ar y safle ardderchog ac offer ar gyfer gweithio o gartref  

·   Cwnsela allanol rhad ac am ddim a chefnogaeth iechyd galwedigaeth 

Sut i ymgeisio

Cyflwynwch eich Ffurflen Gais a Ffurflen Monitro Cyfleoedd Cyfartal drwy e-bost at: [email protected] erbyn hanner dydd, dydd Llun 5 Medi 2022. 

Bydd yr ymatebion a roddwch yn y ffurflen gais yn cael eu defnyddio i lunio rhestr fer.  

Mae'r Ombwdsmon Gwasanaethau Cyhoeddus Cymru yn Gyflogwr Cyfle Cyfartal.

Mae amrywiaeth a chynhwysiant yn ganolog i bopeth a wnawn. Rydym wedi ymrwymo yn ddiwyd i hyrwyddo a chymryd rhan mewn arfer da yn y ffordd yr ydym yn denu, recriwtio a chadw staff.

Caiff pawb eu hannog i ddod â’u hunan yn gyfan i’r gwaith oherwydd rydym yn gwerthfawrogi’r gwerth y mae gweithlu sy’n wirioneddol amrywiol yn ei roi i sefydliad. Rydym yn dathlu gwahaniaeth, gan gydnabod y buddion a ddaw yn sgil hyn i’n diwylliant cynhwysol, gan gynnwys oedran, anabledd, hunaniaeth rhywedd, crefydd, hil, rhyw, cyfeiriadedd rhywiol a chefndir economaidd-gymdeithasol.

Bydd y person sy'n dal y swydd yn arwain y gwaith o greu Bywgraffiadur i Blant. Bydd yn arwain ar y gwaith o addasu cynnwys sydd eisoes yn bodoli a'i wneud yn hygyrch i bobl ifanc, a chyfoethogi erthyglau gyda deunydd gweledol a deunydd sgrin a sain o gasgliadau'r Llyfrgell a mannau eraill. Bydd hefyd yn gweithio gyda phobl ifanc mewn ysgolion, ac o bosib y tu allan i ysgolion, i fynd ati i greu rhan o’r cynnwys fydd ar y wefan honno.

Mae’r Llyfrgell Genedlaethol yn gweithio ar raglen i ddigideiddio eu casgliadau. Bydd deilydd y swydd yn gweithio ar Brosiect Sgriptiau'r Archif Ddarlledu Genedlaethol. Bydd deilydd y swydd yn sganio deunydd gwreiddiol, paratoi deunydd ar gyfer sganio, prosesu a dal metadata, sicrhau ansawdd o’r prosesau digideiddio, ynghyd ac unrhyw dasgau arall sydd yn cyd fynd a’r swydd.

Mae' NS4C yn wasanaeth newyddion digidol Cymraeg gafodd ei lawnsio yn Ebrill 2021. Mae swyddfeydd yng Nghaerfyrddin, Caernarfon a Chaerdydd. Rydym yn chwilio am ddau brentis fyddai'n gallu ymuno a'r tîm wrth i'r gwasanaeth dyfu.

Bydd prentisiaeth newyddion digidol yn S4C yn rhoi cyfle i chi:

• Fod yn rhan o'r tîm newyddion digidol yn S4C.

• Gweithio gyda'r tîm i becynnu cynnwys newyddion.

• Ymchwilio a datblygu syniadau am straeon.

• Ysgrifennu erthyglau ar gyfer gwefan ac App newyddion a phenawdau bachog ar gyfer cyfrifon cyfryngau cymdeithasol.

• Ffilmio a golygu deunydd digidol ar gyfer platfformau fel Instagram, Facebook, Twitter yn ogystal a'r App Newyddion.

• Creu graffeg ar gyfer platfformau digidol.

• Gweithio gyda phartneriaid ac adrannau eraill o fewn S4C i rhoi llwyfan i'n cynnwys.

• Helpu S4C i gyrraedd cynulleidfaoedd newydd.

Manylion Eraill

Dyddiad Cychwyn: Canol/diwedd Medi 2022

Lleoliad: Caerfyrddin/Caerdydd/Caernarfon

Cyflog: £15,000 y flwyddyn

Pensiwn: Mi fydd S4C yn cyfrannu 3% a disgwylir i chi cyfrannu 4%. Mae hyn yn seiliedig ar eich cyfanswm cyflog.

Cytundeb: 18 mis

Oriau Gwaith: 35.75 yr wythnos. Mi fydd disgwyl i chi weithio patrwm sifft yn unol â'r gwasanaeth sydd ar draws 7 diwrnod yr wythnos.

Cyfnod Prawf: 6 mis

Gwyliau: Yn ychwanegol i'r gwyliau banc statudol, bydd gennych hawl i 26 diwrnod o wyliau gyda thâl y flwyddyn.

Nifer o brentisiaeth ar gael: 2

Ceisiadau

Dylid anfon ceisiadau erbyn 12.00 ar ddydd Sul 4 Medi 2022 at [email protected] neu Adnoddau Dynol, Canolfan S4C, Yr Egin, Caerfyrddin, SA31 3EQ.

Nid ydym yn derbyn CV.

Gellir cyflwyno ceisiadau yn y Gymraeg. Ni fydd unrhyw gais a gyflwynir yn y Gymraeg yn cael ei drin yn llai ffafriol na chais a gyflwynir yn y Saesneg.

Mi fydd angen i chi fod ar gael ar gyfer cyfweliad ar ddydd Mercher 7 Medi 2022.

Mae Gwasg y Bwthyn awyddus i benodi unigolyn i wneud gwaith marchnata am gyfnod o 6-7 mis i gyflawni prosiect penodol ar ran y wasg.

Rydym yn chwilio am rhywun â dealltwriaeth dda o egwyddorion cyfathrebu effeithiol ynghyd â phrofiad o waith marchnata, neu sydd wedi dilyn cwrs coleg mewn marchnata, ac yn deall y maes gwaith.

Bydd angen i’r sawl a benodir fod yn gwbl gyfforddus gyda’r cyfryngau cymdeithasol, a pharatoi deunydd ar gyfer Facebook, Trydar, Instagram ac unrhyw gyfryngau eraill perthnasol. 

Bydd yr ymgeisydd llwyddiannus yn mwynhau ysgrifennu, ac yn gallu llunio testun bywiog, atyniadol, cryno a glân. Bydd yn meddu ar synnwyr da o beth sy’n effeithiol yn weledol. Bydd yn mwynhau’r elfen greadigol o greu deunydd deinamig a difyr ar gyfer y wasg.

Rydym yn ceisio unigolyn sydd â phrofiad o ffilmio a golygu fideos er mwyn creu cynnwys o ansawdd uchel i safon broffesiynol.

Hoffem i’r ymgeisydd llwyddiannus weithio gyda staff y wasg ac Aelodau Bwrdd y Wasg i’w hyfforddi i ddefnyddio’r cyfryngau cymdeithasol yn effeithiol a hyderus.

Tasg bwysig i’r ymgeisydd llwyddiannus fydd llunio cynllun marchnata ymarferol ac effeithiol, hwylus i’w ddefnyddio, ar ôl i gyfnod y prosiect penodol ddirwyn i ben.

Bydd disgwyl i’r ymgeisydd llwyddiannus greu cronfa o adnoddau digidol, yn cynnwys templedau, i’r staff golygyddol eu defnyddio yn y dyfodol. Bydd hyn yn cynnwys portreadau o awduron a’u gwaith, hysbysrwydd am gyfresi a deunydd i hyrwyddo’r ôl-restr.    Bydd angen i’r holl ddeunydd a roddir ar y we fod yn gywir, glân a dengar. 

Gofynion yr unigolyn

Rydym yn chwilio am berson trefnus a chydwybodol.   Bydd angen i’r ymgeisydd llwyddiannus allu gweithio ar ei liwt ei hun, gan ddilyn rhaglen waith a gytunwyd, trefnu ei amser a chyflawni holl nodau’r prosiect o fewn y rhaglen amser a gytunwyd. 

Rydym yn chwilio am unigolyn gyda Chymraeg cywir a graenus.

Hoffem benodi unigolyn sy’n mwynhau darllen ac yn frwd dros hyrwyddo’r diwydiant cyhoeddi yng Nghymru.

Oriau Gwaith

14 awr yr wythnos neu oriau eraill fel y cytunir gyda’r Bwrdd. Swydd ran amser fydd hon, a bydd croeso i’r ymgeisydd llwyddiannus weithio yn y swyddfa yng Nghaernarfon neu gartref, neu gyfuniad o’r ddau. Ond bydd angen bod yn y swyddfa am gyfnod ar y dechrau er mwyn cael cyfnod o ddod i adnabod y staff, a dysgu am y wasg, a’r maes gwaith. 

Bydd angen bod ar gael yn ystod oriau gwaith yn ystod hanner cyntaf yr wythnos yn benodol. 

Cefndir

Cyhoeddwyr llyfrau yw Gwasg y Bwthyn, ac mae ein swyddfa yng Nghaernarfon, Gwynedd. Rydym yn arbenigo mewn cyhoeddi ffuglen boblogaidd, safonol i oedolion a llyfrau er lles. Rydym hefyd yn cyhoeddi ychydig o lyfrau plant ac ambell hunangofiant a chyfrol o farddoniaeth.

Mae dau olygydd rhan-amser yn gweithio i’r wasg, ynghyd â swyddog cyllid, ac mae’r tîm yn atebol i Fwrdd Gwasg y Bwthyn sy’n cyfarfod bob chwarter. Rydym yn defnyddio gwasanaethau arbenigwyr allanol ym maes dylunio, golygu copi a marchnata yn ôl yr angen. 

**Rhaglen waith **

Cyd-destun

Mae Gwasg y Bwthyn yn awyddus i gryfhau agwedd farchnata’r busnes. Ar hyn o bryd y golygyddion sy’n gwneud yr holl waith marchnata a chyhoeddusrwydd. Ar adegau prysur, mae’r agwedd hon ar waith y wasg yn tueddu i fynd ar ôl ac rydym yn gobeithio y bydd y sawl a benodir yn cyflawni darn pwysig o waith a fydd yn gosod seiliau cadarn i’r dyfodol ym maes marchnata er mwyn gwella'r agwedd hon ar waith y wasg. Un o’r prif nodau yw gwella sgiliau marchnata’r golygyddion a’u hyder yn y maes, yn cynnwys darparu templedi hwylus a hyblyg ar gyfer y dyfodol.  

Creu cynllun marchnata i'r Wasg ei weithredu yn y dyfodol

Creu asedau digidol a thempledau digidol y gallwch eu defnyddio yn y dyfodol

Creu cynllun a gweithdrefnau i hyrwyddo'r ôl-restr

Creu cynllun a gweithdrefnau i hyrwyddo cyfresi ac awduron penodol

Cynllun marchnata

Bydd y ddogfen hon yn nodi sut mae’r wasg yn mynd i fod yn hyrwyddo a marchnata ei llyfrau yn y dyfodol. Bydd yn cynnwys:

·   rhoi sylw i hyrwyddo a marchnata cyn cyhoeddi, a chreu diddordeb cyn i lyfrau gyrraedd y siopau.

·   datblygu briff ar gyfer lansio cyfrolau newydd, ac yn benodol y defnydd o gyfryngau cymdeithasol, a zoom. 

·   datblygu rhestr e-bost ar gyfer anfon gwybodaeth a chadw mewn cyswllt rhwydd a rheolaidd â chyfeillion a chefnogwyr y Bwthyn, y wasg yn cynnwys papurau bro, adolygwyr a siopau llyfrau. 

·   llunio patrymau cymeradwy o ran amserlen farchnata llyfrau newydd gan ganolbwyntio ar wahanol adegau o’r flwyddyn, fel y cyfnod ar ddechrau’r flwyddyn, y farchnad Nadolig a’r eisteddfodau cenedlaethol. 

·   darparu amrywiol dempledau marchnata parod hwylus, hawdd eu defnyddio a’u haddasu.

·   argymell system atgoffa i brocio’r staff i ddal ati i hyrwyddo teitlau sydd mewn print o bryd i’w gilydd (ee y rhaglen Llyfr y Dydd a gyflwynwyd gennym yn ystod y cyfnod covid) a stoc sy’n sefyll.

Creu asedau a thempledau digidol

Fel rhan o’r prosiect, bydd y sawl a benodir yn paratoi deunyddiau digidol at ddefnydd y staff. Bydd hyn yn cynnwys templedau y gellir eu defnyddio dro ar ôl tro, a fydd yn arbed amser ac yn golygu fod Gwasg y Bwthyn yn gallu rhoi llawer mwy o gynnyrch ar y cyfryngau cymdeithasol. Bydd brand y Bwthyn yn cael ei hyrwyddo ac yn dod yn hawdd ei adnabod ac yn gyfarwydd fel rhan o’r gwaith yma.

Creu cynllun a gweithdrefnau i hyrwyddo'r ôl-restr

Mae Gwasg y Bwthyn yn awyddus i wella cyfnod gwerthu eu llyfrau, ac i gynnal y diddordeb yn eu hôl-restr. Gyda hyn mewn golwg, bydd y swyddog prosiect yn creu system i hwyluso parhau i farchnata’r ôl-restr mewn dull systematig, hwylus ac effeithiol. Gwnaed hyn i raddau gyda’n cynllun Llyfr y Dydd yn ystod y ddau glo dros gyfnod covid, a fu’n arbrawf llwyddiannus. Mae angen adeiladu ar hyn a sefydlu fframwaith effeithiol er mwyn sicrhau fod llyfrau yn dal i werthu ar ôl y misoedd cyntaf, ac yn cael eu dwyn i sylw darpar brynwyr ar y cyfryngau cymdeithasol. 

Creu cynllun a gweithdrefnau i hyrwyddo cyfresi ac awduron penodol

Mae gan Wasg y Bwthyn sawl awdur sy’n ysgrifennu cyfresi o nofelau, yn eu plith Dyfed Edwards, Sonia Edwards a Gwen Parrott sydd wedi ymuno â ni yn ddiweddar. Bydd y swyddog yn creu deunydd addas i hyrwyddo cynnyrch yr awduron hyn, a theitlau unigol o fewn cyfresi, er mwyn sicrhau eu bod yn cyrraedd darllenwyr sydd wedi mwynhau teitlau cynharach mewn cyfres, a denu ffans newydd. Mae potensial gwerthiant sylweddol i gyfresi gan fod darllenwyr yn hoffi dilyn cyfres, ac yn teimlo’n hyderus o wybod pa arlwy a ddarperir gan awduron cyfarwydd. 

Mae’r un peth yn wir am waith awduron triw i’r Bwthyn sydd wedi cyhoeddi nifer dda o deitlau gyda ni, fel Harri Parri, lle gellid cynhyrchu ‘portreadau’ o’r awduron ar ffurf ffilm, y gellid eu defnyddio dro ar ôl tro. Felly bydd angen i’r swyddog prosiect fod â’r sgiliau i allu ffilmio a golygu fideos gan greu cynnwys o ansawdd uchel i’w roi ar ein gwefan, a’r cyfryngau cymdeithasol.

Cefndir

Cyhoeddwyr llyfrau yw Gwasg y Bwthyn, ac mae ein swyddfa yng Nghaernarfon, Gwynedd. Rydym yn arbenigo mewn cyhoeddi ffuglen boblogiadd, safonol i oedolion a llyfrau lles. Rydym hefyd yn cyhoeddi ychydig o lyfrau plant ac ambell hunangofiant a chyfrol o farddoniaeth. 

Mae dau olygydd rhan-amser yn gweithio i’r wasg, ynghyd â swyddog cyllid, ac mae’r tîm yn atebol i Fwrdd Gwasg y Bwthyn sy’n cyfarfod bob chwarter. Rydym yn defnyddio gwasanaethau arbenigwyr allanol ym maes dylunio, golygu copi a marchnata yn ôl yr angen. 

Mae gan Cyngor Gwynedd becyn cyflogaeth deniadol, am ragor o wybodaeth cliciwch ar y Pecyn Gwybodaeth.

Mae Cyngor Gwynedd yn gweithredu’n fewnol trwy gyfrwng y Gymraeg ac yn cynnig ei holl wasanaethau yn ddwyieithog. Bydd angen i’r ymgeisydd gyrraedd y lefel ieithyddol sy’n cael ei nodi fel un o’r sgiliau hanfodol yn y Manylion Person.

Rydym yn annog pob ymgeisydd am swydd gyda’r Cyngor i gyflwyno ceisiadau yn Gymraeg neu yn ddwyieithog.

(Bydd ceisiadau sydd yn cael eu cyflwyno yn uniaith Gymraeg neu Saesneg yn cael eu trin yn gwbl gyfartal, ond gofynnir i’r ymgeisydd ystyried yn ofalus beth yw gofynion iaith y swydd a’r sefydliad ac a fyddai cyflwyno cais yn uniaith Gymraeg yn fwy addas.)

Mae hon yn hysbyseb ar gyfer swydd Cyfieithydd llawn amser, ond rydym yn barod i ystyried ceisiadau i weithio’n rhan amser. 

Rydym yn dymuno penodi unigolyn sydd â phrofiad o gyfieithu a chyfieithu ar y pryd, fodd bynnag, byddem yn croesawu ceisiadau gan unigolion di-brofiad sy’n fodlon ymroi i ddysgu’r grefft. Bydd graddfa cyflog y swydd yn adlewyrchu lefel y profiad. 

Cysylltwch â Bethan Mair Evans [email protected] neu 01286 679050 am sgwrs.

Dyddiad cynnal cyfweliadau i’w gadarnhau

Ffurflenni cais a manylion pellach gan , Gwasanaeth Cefnogol, Cyngor Gwynedd, Swyddfa'r Cyngor, Stryd y Jêl, Caernarfon, LL55 1SH Ffôn: 01286 679076 

eBost: [email protected]

DYDDIAD CAU: 10.00 O’R GLOCH, DYDD IAU, 25/08/2022

Os yn llwyddiannus i fod ar y rhestr fer am gyfweliad, byddwn yn cysylltu a chwi drwy’r cyfeiriad E-BOST a gofnodwyd gennych ar eich ffurflen gais. Mae angen i chwi sicrhau eich bod yn gwirio eich E-BOST yn rheolaidd.

Mae cyfle cyffrous wedi codi i berson trefnus a brwdfrydig i ymuno â Gwasanaeth y Gymraeg Bwrdd Iechyd Prifysgol Betsi Cadwaladr. Bydd yr ymgeisydd llwyddiannus yn rhoi cefnogaeth weinyddol i Dîm y Gymraeg, gan sicrhau bod y gwasanaeth yn cael ei ddarparu'n drefnus ac yn effeithiol.

Rydym yn chwilio am unigolion sy'n gallu gweithio'n gydwybodol i ymateb i anghenion y gwasanaeth, a hynny o fewn tîm cefnogol a chyfeillgar.

Disgrifiad:

Gan weithio fel rhan o Dîm y Gymraeg, bydd deilydd y swydd yn rhoi cymorth gweinyddol llawn i'r Tîm. Bydd hyn yn ei gwneud yn ofynnol i ddeilydd y swydd reoli Porth Gwasanaethau'r Gymraeg, gan ddyrannu gwaith i aelodau'r Tîm Cyfieithu, gan sicrhau bod gwaith yn cael ei ddychwelyd at gleientiaid yn brydlon. Bydd gofyn hefyd i ddeilydd y swydd reoli dyddiaduron, trefnu cyfarfodydd, paratoi papurau cyfarfodydd a chymryd cofnodion. Bydd deilydd y swydd hefyd yn rhoi cymorth o ran rhaglen hyfforddiant y Gymraeg, gan gydlynu'r gronfa ddata a rheoli blwch negeseuon Tiwtor y Gymraeg trwy ddarparu gwybodaeth am gyrsiau i staff.

Gan weithio fel rhan o'r tîm, deilydd y swydd fydd y pwynt cyswllt cyntaf i'r tîm; gallai hyn hefyd gynnwys rhanddeiliaid mewnol ac allanol eraill.