Swyddog Ymgysylltu Digidol Amser i Newid Cymru

Mae S4C yn chwilio am Arweinydd Amrywiaeth, Cynaliadwyedd a Phwrpas Cymdeithasol i arwain strategaeth uchelgeisiol i drawsnewid y ffordd mae S4C a’r sector yn cynrychioli ac yn adlewyrchu Cymru. Byddwch yn gyswllt gweithgar gyda’r cymunedau sy’n cael eu tangynrychioli yn y sector ac ar y sgrin - yn benodol pobl ddu, Asiaidd a lleiafrifoedd ethnig, pobl anabl, pobl o gymunedau di-freintiedig a phobl LHDTC+. 

Byddwch hefyd yn gyfrifol am reoli rhaglen Amgylcheddol, Gymdeithasol a Llywodraethu (‘ACLl/ESG’) cyffredinol S4C. Byddwch yn mapio ac yn gweithredu strategaeth i reoli a gwella rheolaeth y sefydliad ar bynciau ACLl/ESG. O fewn cylch gorchwyl y gwaith yma byddwch yn arwain ar faterion amgylcheddol, wrth gydlynu gyda rhanddeiliaid a thimoedd eraill yn S4C i adnabod ffyrdd o wella ein harferion a’n gweithgareddau mewn perthynas â materion amgylcheddol a chynaladwyedd (sustainability).

Mae hon yn rôl newydd fydd yn llywio ymrwymiad S4C i adlewyrchu Cymru heddiw ac yn sicrhau fod S4C yn parhau i ddatblygu ei strategaeth a’i pholisïau i gyfrannu at ffyniant cymdeithasol Cymru ac yn ymateb i gyfleoedd a heriau arbennig. Bydd y rôl hon yn gofyn i chi weithio gyda thimoedd S4C yn gyffredinol a gyda'n rhanddeiliaid allweddol a'n partneriaid ledled Cymru. Bydd y swydd â chyfrifoldeb i weithredu fel bod y sector sgrin yn gynhwysol a chynrychioladol, yn sicrhau lles y sawl sy’n gweithio ynddo ac i sicrhau bod ein cynnwys yn cael ei greu gyda’r ôl-troed carbon isaf er mwyn gwarchod yr amgylchedd ar gyfer y dyfodol. Mae S4C ar gyfer pawb, a bydd y rôl hon yn gweithredu a gwireddu’r nôd hwn a chreu budd cymdeithasol gan adlewyrchu Cymru.

Mae’r gallu i gyfathrebu i safon dda yn Gymraeg ac yn Saesneg ar lafar ac yn ysgrifenedig yn hanfodol i’r rôl yma. Mae cefnogaeth ar gael i ddarparu cyrsiau gloywi iaith Gymraeg neu i fagu hyder os oes angen.

Manylion Eraill

Lleoliad: Lleoliad arferol eich gwaith fydd Canolfan S4C yr Egin, Caerfyrddin, SA31 3EQ. Mae gan S4C swyddfeydd yng Nghaerfyrddin, Caerdydd a Chaernarfon ac maent yn gweithredu polisi gweithio’n hybrid. Disgwylir i chi deithio i le bynnag y bydd S4C yn rhesymol yn ei orchymyn. 

Cyflog: Yn unol â phrofiad

Cytundeb: Parhaol

Oriau gwaith: 35¾ yr wythnos. Oherwydd natur y swydd, disgwylir hyblygrwydd, gan gynnwys gweithio tu allan i oriau swyddfa, ar rai penwythnosau a gwyliau banc.

Cyfnod prawf: 6 mis

Gwyliau: Yn ychwanegol i'r gwyliau banc statudol, bydd gennych hawl i 26 diwrnod o wyliau gyda thâl y flwyddyn.

Pensiwn: Mae hawl gan staff cyflogedig ymuno â Chynllun Pensiwn Personol Grŵp yn ddarostyngedig i delerau unrhyw gynllun sydd mewn bodolaeth ac a ddiwygiwyd o dro i dro. Os byddwch yn aelod o’r Cynllun Pensiwn Personol Grŵp, bydd S4C yn cyfrannu 10% o’ch cyflog sylfaenol i’r Cynllun. Disgwylir i chi gyfrannu 5%. 

Ceisiadau 

Dylid anfon ceisiadau erbyn 17.00 ar ddydd Mawrth 14 Chwefror 2023 at [email protected] neu Adnoddau Dynol, Canolfan S4C, Yr Egin, Caerfyrddin, SA31 3EQ. 

Nid ydym yn derbyn CV.

Ni fydd cais a gyflwynir yn Gymraeg yn cael ei drin yn llai ffafriol na chais a gyflwynir yn Saesneg.

**Cyfle Cyfartal ac Amrywiaeth **

Nid yw S4C yn caniatáu gwahaniaethu ar sail rhyw, hil, lliw, anabledd, cefndir ethnig neu economaidd-gymdeithasol, oedran, amgylchiadau teuluol, statws priodasol neu bartneriaeth sifil, gweithwyr amser llawn neu ran-amser, crefydd, safbwynt gwleidyddol, cyfeiriadedd rhywiol, ailbennu rhywedd, beichiogrwydd a mamolaeth, defnydd ar iaith (heblaw lle bo’r gallu i gyfathrebu yn Gymraeg yn hanfodol i’r swydd) neu wahaniaeth amherthnasol arall ac mae’n ymroi i weithio gydag amrywiaeth mewn ffordd gadarnhaol. 

Mae S4C yn croesawu ac yn annog ceisiadau gan grwpiau o bobl sydd wedi’u tangynrychioli, gan gynnwys grwpiau pobl ddu a lleiafrifoedd ethnig a phobl ag anableddau. Bydd egwyddorion cystadleuaeth deg ac agored yn berthnasol a phenodir ar sail teilyngdod. 

Ail Hysbyseb - Mae UCAC yn chwilio am berson brwdfrydig a medrus i ymuno â'n tîm gweithgar. Prif waith y Swyddog Cyllid fydd arwain a bod yn gyfrifol am faterion cyllid yr undeb o ddydd i ddydd.

Disgrifiad:

Trosolwg o’r rôl

Mae’r Swyddog Cyllid yn gyfrifol am gynllunio, monitro a gweinyddu materion cyllid yr Undeb

Rheolwr Llinell: Ysgrifennydd Cyffredinol

Cyllid • Paratoi adroddiadau a rhagamcanion ariannol er mwyn caniatáu monitro a chynllunio ariannol effeithiol 

• Mynychu cyfarfodydd mewnol perthnasol i gyflwyno gwybodaeth ac ateb cwestiynau ynghylch materion cyllid

• Paratoi adroddiadau a manylion ariannol ar gyfer yr Archwilwyr erbyn diwedd Ionawr yn flynyddol, a mynychu cyfarfodydd gyda’r Archwilwyr

• Codi anfonebau, derbynebau ac ymdrin â biliau perthnasol gan gynnwys costau teithio

• Gwirio, codio a chofnodi taliadau / symudiadau (transactions) ariannol yr undeb o ddydd i ddydd

• Prosesu a gwirio debyd uniongyrchol / Instruction Run

• Casglu taliadau aelodaeth trwy Debyd Uniongyrchol (BACS) yn fisol, prosesu negeseuon BACS (megis AUDDIS, ADDACS ac ARUDD)

• Talu cyflog a phensiwn staff ar ddiwedd bob mis trwy system BACS a’r meddalwedd perthnasol a chydweithio gyda chwmni allanol sy’n gweinyddu’r gyflogres i ddarparu gwybodaeth berthnasol

• Cynorthwyo’r Ysgrifennydd Cyffredinol i weinyddu trefniadau yswiriant UCAC trwy ddarparu manylion perthnasol

• Gwneud taliadau achlysurol yn seiliedig ar benderfyniadau’r Gymhorthfa / Cynllun Digolledi

• Talu honoraria yn flynyddol i’r Llywydd Cenedlaethol a’r Trysorydd Cenedlaethol

Mae S4C yn darparu gwasanaeth newyddion digidol sydd yn dod a’r newyddion diweddaraf i gynulleidfa Gymraeg o amrywiol ffynonellau. Y nod yw cyrraedd a gwasanaethu cynulleidfa iau na’r hyn sy’n gwylio Newyddion S4C ar deledu, er mwyn iddyn nhw fedru cael newyddion amrywiol yn y Gymraeg, ar ffurf fideo a thestun, pryd bynnag a lle bynnag maen nhw eisiau.

Dyma gyfle i fod yn rhan o wasanaeth arloesol fydd yn siapio hinsawdd newyddiadurol Cymru i’r dyfodol.

Gyda bys ar byls newyddion Cymreig a’r cyfryngau digidol bydd gennych syniadau creadigol a dyfeisgar am sut i ddatblygu gwasanaeth digidol o’r newydd a denu dilyniant.

Bydd gennych brofiad golygyddol a dealltwriaeth o’r gyfraith yn ymwneud â’r wasg a’r cyfryngau, yn ogystal â’r gallu i adeiladu perthnasau positif gyda phobl a sefydliadau er mwyn datblygu a chynnal partneriaethau.

Gyda sgiliau ieithyddol cryf bydd gennych y gallu i sicrhau safon a chywirdeb, a’r ddawn i gynnal tôn ac arddull priodol ar gyfer y gwasanaeth.

Bydd gennych drwyn am stori a’r gallu i fod yn greadigol gyda’r cynnwys gan gynhyrchu cynnwys o safon sy’n dal y llygad ac yn creu sŵn.

Byddwch yn arddel gwerthoedd cynhwysol a byddwch yn frwd dros sicrhau bod amrywiaeth o bob math yn cael ei adlewyrchu gan y gwasanaeth.

Mae’r gallu i gyfathrebu yn rhugl i lefel uchel yn y Gymraeg a Saesneg gyda staff ac eraill ar bob lefel, yn ysgrifenedig ac ar lafar, a’r sgiliau i sicrhau cywirdeb ieithyddol y gwasanaeth yn hanfodol i’r rôl yma.

Manylion eraill

Lleoliad: Canolfan S4C yr Egin, mae S4C yn gweithredu polisi gweithio’n hybrid. Mae gan S4C swyddfeydd yng Nghaerfyrddin, Caerdydd a Caernarfon.

Cyflog: Yn unol â phrofiad

Cytundeb: 12 mis (cyfnod mamolaeth)

Oriau gwaith: Bydd eich oriau gwaith arferol yn ôl patrwm sifft weithredol, sef cyfanswm o 18 awr yr wythnos. Mae eich y rôl yn rhan o dîm sydd yn cynnal gwasanaeth 7 diwrnod yr wythnos.                 Cyfnod prawf: 6 mis

Gwyliau: Yn ychwanegol i'r gwyliau banc statudol, bydd gennych hawl i 26 diwrnod o wyliau gyda thâl y flwyddyn.

Pensiwn: Mae hawl gan staff cyflogedig ymuno â Chynllun Pensiwn Personol Grŵp yn ddarostyngedig i delerau unrhyw gynllun sydd mewn bodolaeth ac a ddiwygiwyd o dro i dro. Os byddwch yn aelod o’r Cynllun Pensiwn Personol Grŵp, bydd S4C yn cyfrannu 10% o’ch cyflog sylfaenol i’r Cynllun. Disgwylir i chi gyfrannu 5%. 

Ceisiadau 

Dylid anfon ceisiadau erbyn 17.00 ar ddydd Llun 6 Chwefror at [email protected] neu Adnoddau Dynol, Canolfan S4C, Yr Egin, Caerfyrddin, SA31 3EQ.  

Nid ydym yn derbyn CV.

Gellir cyflwyno ceisiadau yn y Gymraeg. Ni fydd unrhyw gais a gyflwynir yn y Gymraeg yn cael ei drin yn llai ffafriol na chais a gyflwynir yn y Saesneg.

Mae’r Urdd yn fudiad unigryw ac ers 1922 wedi cynnig profiadau gwerthfawr i fwy na 4 miliwn o blant a phobl ifanc yng Nghymru drwy feysydd Chwaraeon, Celfyddydol, Preswyl, Dyngarol, Rhyngwladol a Gwirfoddol.

Rydym wedi meithrin cenedlaethau o ferched a dynion ifanc i fod yn falch o’u gwlad, yn agored i’r byd ac yn ymgorfforiadau o’n hiaith a’n diwylliant, yn ogystal â meddu ar y gwerthoedd byd-eang y parchir yng Nghymru.

Ar ddiwedd blwyddyn ein canmlwyddiant, dyma ddatgan ein huchelgais i barhau i ymestyn cyrhaeddiad ac effaith ein gwaith a’r bobl ifanc Cymru. Mae hyn yn allweddol os ydym am i’r Gymraeg fod yn ganolog ym mywydau plant a phobl ifanc ein gwlad, a sicrhau fod pawb yng Nghymru, boed yn siaradwyr Cymraeg ai pheidio, yn teimlo perchnogaeth ac ymdeimlad o berthyn tuag at yr iaith a’i thraddodiadau.   Y Swydd

Nod y swydd fydd cynyddu cyfranogaeth plant a phobl ifanc mewn gweithgaredd chwaraeon cyson, drwy gyfrwng y Gymraeg.

Am fwy o fanylion cysylltwch â’r Rheolwyr Prentisiaethau: [email protected] / [email protected]

I ymgeisio, anfonwch Ffurflen Gais Prentisiaethau’r Urdd ar e-bost at: [email protected]    Dyddiad Cau: 28 Chwefror 2023

Mae Prifysgol Cymru y Drindod Dewi Sant (PCYDDS) yn brifysgol sy'n canolbwyntio ar gyflogaeth ac sy'n ymroddedig i sicrhau bod myfyrwyr o gefndiroedd amrywiol yn datblygu'r wybodaeth academaidd a'r sgiliau ymarferol i ffynnu.

Cawsom ein gosod yn y 13eg safle ar gyfer ansawdd yr addysgu yng Nghanllaw Prifysgolion Da 2022 The Times a'r Sunday Times, ac yn yr wythfed safle yn y DU ar gyfer ‘Cynhwysiant Cymdeithasol’ yn nhabl y gynghrair hon eleni.

Rydym yn chwilio ar hyn o bryd am Cynorthwy-ydd Profiad Cwsmer (Digwyddiadau) i ymuno â’n campws yng Nghaerfyrddin yn llawn-amser am gyfnod parhaol gan weithio 37 awr yr wythnos. 

- Y RÔL –

Disgwylir i ddeiliad y swydd weithio’n effeithiol heb oruchwyliaeth barhaus a chyfrannu tuag at amgylchedd gyfeillgar a chreadigol y Ganolfan. Bydd yn cydweithio’n agos ac yn effeithiol gyda’r Cydlynydd Digwyddiadau a Phrosiectau er mwyn cefnogi gweithgareddau amrywiol yn y ganolfan ac ar-lein gan sicrhau trefniadaeth llyfn ac effeithiol. Elfen bwysig arall o’r rôl yw cefnogi rhaglen greadigol Yr Egin gan gynorthwyo’r Swyddog Cyfathrebu i hyrwyddo digwyddiadau byw, cynadleddau, sinema a gweithdai, ynghyd â sicrhau defnydd effeithiol o feddalwedd swyddfa docynnau a phlatfformau digidol a chyfryngau cymdeithasol. 

Darllenwch y Swydd-ddisgrifiad i gael rhagor o wybodaeth, lle cewch hefyd restr o feini prawf hanfodol a dymunol ‘Manyleb y Person'. 

- AMDANOCH CHI -

I gael eich ystyried ar gyfer rôl y Cynorthwy-ydd Profiad Cwsmer (Digwyddiadau), bydd arnoch angen y canlynol:

-   Addysg gyffredinol dda

-   Tystiolaeth o ddarparu gwasanaeth cwsmeriaid o safon uchel

-   Profiad o weinyddu trefniadau cyfarfodydd, cynadleddau neu ddigwyddiadau 

-   Profiad blaenorol o ddarparu cefnogaeth weinyddol o safon

-   Hyddysg mewn TG ac yn meddu ar wybodaeth am becynnau Microsoft Office, a phlatfformau'r cyfryngau cymdeithasol ac ar-lein

-   Y gallu i gydlynu gweithgareddau’n effeithiol 

-   Medrusrwydd gyda phlatfformau arlein 

-   Yn barod i weithio’n hyblyg, gan gynnwys teithio rhwng campysau a lleoliadau pan fo angen

-   Cydnabod yr angen am gyfrinachedd priodol a gallu gweithredu ar hynny

-   Dangos parch tuag at ystod amrywiol o bobl

-   Siaradwr/aig Cymraeg gyda’r gallu i sgwrsio’n hyderus yn y rhan fwyaf o sefyllfaoedd gyda’r gallu i ysgrifennu am faterion annhechnegol*

Byddai’n fuddiol hefyd pe bai gennych y canlynol:

-   Profiad blaenorol o weithio mewn lleoliad digwyddiadau byw, theatr neu sinema

-   Diddordeb brwd yn y diwydiannau creadigol.

- BUDDION -

- Bydd gennych hawl i 28 diwrnod o wyliau blynyddol y flwyddyn, yn ogystal ag wyth gŵyl banc a phedwar diwrnod pan fydd y Brifysgol ynghau

Mae ein cyflogeion yn cael mynediad at becyn cyflog a buddion gwych yn gydnabyddiaeth am eu cyfraniad gwerthfawr, sy'n cynnwys:

- Cyflog ac amodau da; rydym yn gyflogwr cyflog byw achrededig ac yn cynnig cyflog cystadleuol

- Aelodaeth o gynllun pensiwn gan yr USS i ddarparu buddion i chi a'ch teulu

- Polisïau sy'n ystyriol o deuluoedd ac sy'n darparu ar gyfer gweithio'n hyblyg, gan gynnwys absenoldeb mamolaeth a thadolaeth ychwanegol â thâl

- Cyfleoedd o ran gyrfa a datblygiad, gan gynnwys cymorth i ennill rhagor o gymwysterau

- Cymorth ar gyfer iechyd meddwl a llesiant, gan gynnwys gwasanaethau iechyd galwedigaethol a chymorth cwnsela

- Gostyngiadau i staff ar ystod o gynhyrchion a gwasanaethau

- Cynlluniau teithio, gan gynnwys y cynllun beicio i'r gwaith

Felly, os ydych yn awyddus i chwarae rhan allweddol yn y gwaith o gynnal ein Prifysgol yn rôl y Cynorthwy-ydd Profiad Cwsmer (Digwyddiadau), gwnewch gais trwy'r botwm a ddangosir.

Nodwch nad yw'r broses ymgeisio hon yn cynnwys yr opsiwn i gyflwyno CV. Felly, asesir eich cais ar sail eich atebion i gwestiynau'r cais yn unig, ac yn arbennig ar sail eich Datganiad Personol. 

Dyddiad cau: 8 Chwefror 2023, 11:59pm

Mae Newyddion S4C yn wasanaeth newyddion digidol sydd yn dod a’r newyddion diweddaraf i gynulleidfa Gymraeg. Y nod yw cyrraedd a gwasanaethu cynulleidfa ehangach na’r rhai sy’n gwylio newyddion ar deledu, a hynny ar ffurf fideo a thestun, pryd bynnag a lle bynnag maen nhw eisiau.

Dyma gyfle unigryw i fod yn rhan o wasanaeth fydd yn siapio hinsawdd newyddiadurol Cymru i’r dyfodol. 

Gyda diddordeb brwd mewn newyddion Cymreig a’r cyfryngau digidol bydd gennych syniadau creadigol a dyfeisgar am sut i ddatblygu’ gwasanaeth digidol a denu dilyniant.

Bydd gennych drwyn am stori a’r gallu i fod yn greadigol gyda’r cynnwys gan gynhyrchu cynnwys o safon sy’n dal y llygad ac yn creu sŵn.

Gyda sgiliau ieithyddol da byddwch yn ysgrifennu yn gywir ac yn ystwyth a bydd gennych y ddawn i gynnal tôn ac arddull priodol ar gyfer y gwasanaeth.

Byddwch yn arddel gwerthoedd cynhwysol a byddwch yn frwd dros sicrhau bod amrywiaeth o bob math yn cael ei adlewyrchu gan y gwasanaeth.

Mae’r gallu i gyfathrebu yn rhugl yn y Gymraeg a Saesneg i safon dda gyda staff ac eraill ar bob lefel, yn ysgrifenedig ac ar lafar yn hanfodol ar gyfer y rôl yma.

Manylion eraill

Lleoliad: Canolfan S4C Yr Egin. Mae S4C yn gweithredu polisi gweithio’n hybrid. Mae gan S4C swyddfeydd yng Nghaerfyrddin, Caerdydd a Caernarfon.

Cyflog: Yn unol â phrofiad

Cytundeb: Parhaol

Oriau gwaith: Bydd eich oriau gwaith arferol yn ôl patrwm sifft weithredol, sef cyfanswm o 35¾ awr yr wythnos. Eich rôl yw cynnal gwasanaeth 7 diwrnod yr wythnos. O ganlyniad bydd eich patrwm sifft ar draws 7 diwrnod, ac yn unol â gofynion y gwasanaeth.

Cyfnod prawf:     6 mis

Gwyliau: Yn ychwanegol i'r gwyliau banc statudol, bydd gennych hawl i 26 diwrnod o wyliau gyda thâl y flwyddyn.

Pensiwn: Mae hawl gan staff cyflogedig ymuno â Chynllun Pensiwn Personol Grŵp yn ddarostyngedig i delerau unrhyw gynllun sydd mewn bodolaeth ac a ddiwygiwyd o dro i dro. Os byddwch yn aelod o’r Cynllun Pensiwn Personol Grŵp, bydd S4C yn cyfrannu 10% o’ch cyflog sylfaenol i’r Cynllun. Disgwylir i chi gyfrannu 5%. 

Ceisiadau 

Dylid anfon ceisiadau erbyn 17.00 ar ddydd Llun 6 Chwefror 2023 at [email protected] neu Adnoddau Dynol, Canolfan S4C, Yr Egin, Caerfyrddin, SA31 3EQ. 

Nid ydym yn derbyn CV.

Gellir cyflwyno ceisiadau yn y Gymraeg. Ni fydd unrhyw gais a gyflwynir yn y Gymraeg yn cael ei drin yn llai ffafriol na chais a gyflwynir yn y Saesneg.

Mae’r Gwasanaethau Gwybodaeth eisiau penodi cydlynydd datblygu sgiliau academaidd ar sail cyfnod penodol, i gefnogi’r gwaith o ddatblygu sgiliau Gwasanaethau Gwybodaeth. Bydd y swydd hon yn cefnogi cydweithwyr yn y GG i ddatblygu a chyflwyno rhaglen o hyfforddiant sgiliau digidol, llythrennedd gwybodaeth ac academaidd, gan ddarparu gwybodaeth ddwyieithog am sgiliau, deunyddiau ac adnoddau, gan gynnwys cymorth un i un yn ogystal â chreu deunyddiau dysgu ar-lein yn Gymraeg a Saesneg i gefnogi'r agenda datblygu sgiliau gan gynnwys creu gwefan sgiliau academaidd newydd.

Gellir gwneud ymholiadau anffurfiol drwy gysylltu â Nia Ellis neu Elizabeth [email protected] / [email protected].

Fel arfer fe benodir i swyddi o fewn 4 - 8 wythnos wedi’r dyddiad cau.

Beth fyddwch chi’n ei wneud

Y mae’r disgrifiad swydd hwn yn amodol ar ei adolygu a’i ddiwygio yng ngoleuni anghenion cyfnewidiol y Brifysgol, i ddarparu cyfleoedd datblygu priodol ac/neu i ychwanegu dyletswyddau ychwanegol eraill. 

- Cysylltu â staff gwasanaethau academaidd a phroffesiynol i greu presenoldeb ar-lein hygyrch ar wefan PA i fyfyrwyr a staff gael gwybodaeth am wasanaethau digidol, gwybodaeth a sgiliau academaidd, hyfforddiant a chefnogaeth.

- Hyrwyddo gwasanaethau sgiliau digidol, gwybodaeth ac academaidd, hyfforddiant a chymorth i randdeiliaid amrywiol trwy ddulliau gwahanol gan gynnwys y cyfryngau cymdeithasol, gweithgareddau ymgysylltu, digwyddiadau a sgyrsiau yn Gymraeg a Saesneg.Gweithio gyda Chymorth Dysgu i Fyfyrwyr, y tiwtor Sgiliau Academaidd a'r Gwasanaethau Gwybodaeth i drefnu amserlen gwbl ddwyieithog o sesiynau hyfforddi ar gyfer israddedigion ac uwchraddedigion.

- Gweithio gyda myfyrwyr a staff academaidd i nodi gofynion hyfforddi sgiliau Cymraeg.

- Gweithio gyda chydweithwyr i gynhyrchu adnoddau Cymraeg ar gyfer sgiliau academaidd, sy'n cyfateb i adnoddau Saesneg ac fel adnoddau pwrpasol ar gyfer y rhai sy'n astudio drwy gyfrwng y Gymraeg.

- Canfod a churadu deunyddiau parod i ddarparu hyfforddiant ar-lein ar sgiliau digidol, gwybodaeth ac academaidd.

- Gweithio gyda Gyrfaoedd, Gwasanaethau Gwybodaeth a staff academaidd ar sgiliau academaidd ar gyfer categorïau penodol o fyfyrwyr e.e. Uwchraddedigion, myfyrwyr nyrsio ac ati.

- Gweithio gyda chydweithwyr yn y Gwasanaethau Gwybodaeth i ddod â chymorth sgiliau ynghyd i sicrhau bod myfyrwyr yn gallu deall a chael mynediad hawdd at y cyfleoedd sydd ar gael ac i osgoi dyblygu.

- Sicrhau dull cyson o ddarparu hyfforddiant.

- Datblygu, monitro a gwerthuso effeithiolrwydd y ddarpariaeth hyfforddiant, gan gynhyrchu adroddiadau i ddangos perfformiad ac effaith, yn ôl y gofyn, a defnyddio hyn i wella a datblygu gwasanaethau.

- Cyfrannu at y gwaith o gynllunio a datblygu darpariaeth sgiliau academaidd yn y Gwasanaethau Gwybodaeth yn y dyfodol drwy fod yn aelod o'r Grŵp Sgiliau.

- Cyflwyno hyfforddiant i fyfyrwyr ar sgiliau digidol, gwybodaeth ac academaidd.

- Gweithio gyda chydweithwyr yn y GG, yng Nghanolfan Gwasanaethau’r Gymraeg a chyda chydweithwyr academaidd er mwyn sicrhau gwasanaeth cyson i fyfyrwyr ar draws pob adran yn y brifysgol.

- Ymgymryd â dyletswyddau a chyfrifoldebau iechyd a diogelwch sy’n briodol i’r swydd.

- Bod yn ymroddedig i Bolisi Cyfle Cyfartal ac Amrywioldeb y Brifysgol, ynghyd â dealltwriaeth ynglŷn â sut y mae’n gweithredu o fewn cyfrifoldebau’r swydd.

- Bod yn ymroddedig i’ch datblygiad eich hunan a datblygiad eich staff, drwy ddefnyddio proses ‘Cynllun Cyfraniad Effeithiol y Brifysgol yn effeithiol.

- Unrhyw ddyletswydd resymol a gofynnir sy'n gymesur â gradd y rôl.

Rydyn ni'n chwilio am Gydlynydd Corfforaethol i ymuno â'r tîm.

Cyfle i gynorthwyo timoedd y Prif Weithredwr, Cyllid a Strategol, ynghyd â gweinyddu trefniadau cyfarfodydd y Bwrdd Rheoli a’r Cyngor, a rheoli swyddfa’r Eisteddfod yng Nghaerdydd, gan ateb y ffôn, ymateb i ymholiadau a chroesawu ymwelwyr i’r swyddfa, a llawer mwy. 

DISGRIFIAD SWYDD

Prif Ddyletswyddau

- Cynnig gwasanaeth cefnogol effeithiol i dimoedd y Prif Weithredwr, Cyllid a Strategol.

- Gweinyddu trefniadau ar gyfer cyfarfodydd y Cyngor a’r Bwrdd gan gynnwys anghenion teithio a llety fel bo angen.

- Ymateb fel bo’n briodol i e-byst cyffredinol [email protected], i ymwelwyr i’r swyddfa, a galwadau ffôn allanol.

- Rheoli’r swyddfa o ddydd i ddydd gan gynnwys ateb y ffôn, ymdrin â’r post ac e-byst, croesawu ymwelwyr a dyletswyddau clerigol eraill gan gynnwys goruchwylio’r cyflenwad offer swyddfa, llungopïo a sganio. 

- Cyfrifoldeb dros restr llety staff a gwirfoddolwyr blynyddol.

- Cyd-lynu’r trefniadau ar gyfer byrbryd noddwyr blynyddol yr Eisteddfod yn ystod yr ŵyl.

- Sicrhau bod cyfleusterau/lluniaeth yn eu lle, boed hynny yn y swyddfa neu mewn canolfannau eraill. 

- Trefnu a chynnal ffeiliau electroneg ar gyfer prosiectau penodol.

- Cadw cofnodion mewn cyfarfodydd amrywiol.

Math o gytundeb: Parhaol

Cyflog: £23,000 - £24,411. Penodir ar waelod y raddfa.

Dyddiad cau: 3 Chwefror 2023

Sut i ymgeisio: Cwblhewch y ffurflen gais a’i dychwelyd at [email protected]. Mae croeso i chi gysylltu â [email protected] i drefnu sgwrs anffurfiol cyn y dyddiad cau.

Rydyn ni'n chwilio am Gydlynydd Artistig i ymuno â'r tîm.

Cyfle i gynorthwyo Adran Artistig yr Eisteddfod, gan gynnig cefnogaeth weinyddol, paratoi contractau, gwybodaeth i’w gyhoeddi yn y Rhaglen a’r platfformau digidol, a rheoli gweinyddiaeth prosiectau arbennig fel Côr yr Eisteddfod, ynghyd â chynorthwyo gyda’r elfen gystadlu drwy gydol y flwyddyn, a llawer mwy. 

DISGRIFIAD SWYDD

Prif Ddyletswyddau

- Cynorthwyo’r Cyfarwyddwr Artistig, y Dirprwy Gyfarwyddwr Artistig a’r Rheolwr Cystadlu.

- Gweinyddu cytundebau artistiaid, beirniaid a chyfeilyddion.

- Trefnu bywgraffiadau a lluniau’r artistiaid a chystadleuwyr buddugol.

- Trefnu a gweinyddu cyfarfodydd pwyllgorau gwaith a phanelau lleol a chanolog.

- Gweinyddu amserlen Cymdeithasau gan gydlynu trefniadau a gwybodaeth gyda sefydliadau perthnasol a pharatoi’r cynnwys ar gyfer y Rhaglen a phlatfformau amrywiol yr Eisteddfod.

- Cynorthwyo i gysylltu gydag artistiaid a chystadleuwyr yn ystod yr ŵyl, gan gyd-gordio rhwng cystadleuwyr, beirniaid a stiwardiaid; gweinyddu beirniadaethau a rhagbrofion.

- Gweinyddu'r broses o ddewis Cyflwynwyr yr Orsedd a’r ddawns flodau a gweinyddu ceisiadau i’r Panel Urddau.

- Cynnal a diweddaru bas-data o gystadleuwyr, beirniaid a rhanddeiliaid.

- Gweinyddu prosiectau arbennig, e.e. côr yr Eisteddfod a’r côr plant.

- Trefnu a chofnodi cyfarfodydd y tîm artistig.

Math o gytundeb: Parhaol

Cyflog: £23,000 - £24,411. Penodir ar waelod y raddfa.

Dyddiad cau: 3 Chwefror 2023

Sut i ymgeisio: Cwblhewch y ffurflen gais a’i dychwelyd at [email protected]. Mae croeso i chi gysylltu â [email protected] i drefnu sgwrs anffurfiol cyn y dyddiad cau.

Rydyn ni'n chwilio am Reolwr Technegol i ymuno â'r tîm.

Cyfle i arwain ar drafodaethau cytundebol, paratoi’r cynlluniau a’r polisïau ar gyfer adeiladu a dymchwel y Maes, ynghyd â chynllunio’r Maes a’i adnoddau, iechyd a diogelwch, y cynllun trafnidiaeth, rheoli contractwyr ar y Maes, cynaliadwyedd a llawer mwy. 

DISGRIFIAD SWYDD

Prif Ddyletswyddau

- Arwain, cynghori a chynrychioli’r Eisteddfod yn weithredol mewn trafodaethau, gan gynnwys trafodaethau cytundebol, gyda rhanddeiliaid a phartneriaid perthnasol allanol gan sicrhau fod yr holl brosesau cyfreithiol a chydymffurfiaeth perthnasol yn cael eu dilyn. Hyn yn cynnwys asiantaethau allanol megis y BBC a chwmnïau darlledu eraill.

- Arwain trafodaethau a chynghori rhanddeiliaid perthnasol er mwyn paratoi dogfennau cynllunio a pholisïau e.e. cynlluniau trafnidiaeth, polisi llygredd, cynlluniau argyfwng ayyb.

- Paratoi a chyflwyno ceisiadau am y trwyddedau angenrheidiol.

Cynhyrchu, rheoli, a diwygio’r Cynlluniau Rheoli Digwyddiadau (CRhA) fel bo’r angen.

- Paratoi dogfennau cydymffurfiaeth gan rannu gwybodaeth perthnasol gyda chyd-weithwyr.

- Paratoi, a rheoli’r broses o sicrhau cytundebau ffafriol gyda’r holl gwmnïau sy’n darparu adnoddau technegol i’r Eisteddfod.

- Paratoi ac arwain ar adolygu cynlluniau holl feysydd yr ŵyl gan sicrhau gwasanaethau addas priodol.

- Rheoli iechyd a diogelwch yr ŵyl gan gynnwys cydymffurfiaeth gyda rheolau CDM.

- Rheoli cynllun trafnidiaeth yr ŵyl.

- Paratoi, adolygu a rheoli amserlen paratoi a dymchwel y Maes.

- Sicrhau bod yr holl drefniadau technegol yn gweithredu’n llyfn ac yn effeithiol yn ystod yr ŵyl.

- Paratoi cynllun ac arolygu’r drefn stiwardio.

- Rheoli contractwyr ar y maes fel bo’n berthnasol e.e. timau diogelwch, glanhau, ayyb.

- Rheoli prosiectau cynllunio a gweithredu holl feysydd yr ŵyl gan gynnwys materion cytundebol, staffio, hyfforddi, rhanddeiliaid, cwsmeriaid a chyllidebau.

- Arwain ar Gynlluniau Cynaliadwyedd y corff.

- Goruchwylio Amserlenni Cynhyrchu Digwyddiadau.

- Rheoli a datblygu staff y storfa.

- Cydgordio a goruchwylio’r cyfundrefnau amrywiol ar Faes yr Eisteddfod e.e. hygyrchedd, rheoli cerbydau.

Math o gytundeb: Parhaol

Cyflog: £41,800 - £44,365. Penodir ar waelod y raddfa.

Dyddiad cau: 8 Chwefror 2023

Cyfweliadau: 16 / 17 Chwefror (lleoliad i’w gadarnhau).

Sut i ymgeisio: Cwblhewch y ffurflen gais a’i dychwelyd at [email protected]. Mae croeso i chi gysylltu â [email protected] i drefnu sgwrs anffurfiol cyn y dyddiad cau.

Rydyn ni'n chwilio am Reolwr Cystadlu i ymuno â'r tîm.

Cyfle i arwain ar holl elfennau marchnata a chyfathrebu’r Eisteddfod, gan gynnwys ein platfformau digidol a’n gwefan, gan gynnwys ein sianeli cyfryngau cymdeithasol, llunio a gweithredu ein strategaethau cyfathrebu lleol a chenedlaethol, y wasg a’r cyfryngau, hysbysebu, creu copi mewn print ac ar-lein, a llawer mwy.  

DISGRIFIAD SWYDD

Prif Ddyletswyddau

- Arwain ar gynllun hyrwyddo’r cystadlu gan gydweithio gydag ystod o rhanddeiliaid e.e. prifysgolion, grwpiau ieuenctid, i ddenu cystadleuwyr newydd mewn cydweithrediad gyda’r Rheolwr Marchnata a Chyfathrebu.

- Paratoi cynnwys, prawf ddarllen a threfnu’r Rhestr Testunau a’r elfen gystadlu ar gyfer y Rhaglen.

- Gweinyddu cytundebau’r beirniaid, y cyfeilyddion a’r cystadleuwyr.

- Creu, cynnal a diweddaru system gystadlu, beirniaid a rhanddeiliaid.

- Gweinyddu'r cystadlaethau cyfansoddi a chydweithio gyda’r Cyfarwyddwr Artistig i baratoi'r Cyfansoddiadau a Beirniadaethau.

- Gweinyddu'r cystadlaethau llwyfan a gohebu gyda chystadleuwyr, arweinyddion, beirniaid, cyfeilyddion, clercod rhagbrofion ayyb yn unigol ar faterion sy’n ymwneud ag amserlenni, testunau cystadlu, mynediad a thocynnau bwyd, beirniadaethau ayyb fel bo’n briodol.

- Gweinyddu a chynghori’r Panelau Canolog a’r Pwyllgor Diwylliannol.

- Gweinyddu amserlenni cystadlaethau a threfnu amser ymarferiadau.

- Rheoli’r llyfrgell gerdd ac arwain ar ddigideiddio’r cynnwys.

- Gweinyddu’r broses sy’n ymwneud â darnau prawf a hunan ddewisiad, gan gynnwys prynu a chofnodi, ffeilio, cyfieithiadau, cyd-gysylltu gyda golygyddion, trwyddedu, hawlfraint, gosod geiriau, paratoi gwybodaeth i gystadleuwyr a chynorthwyo gyda phecynnau i’r beirniaid.

- Paratoi cylchlythyrau ar gyfer cystadleuwyr yn rhannu dyddiadau pwysig a chyfleoedd posibl mewn cydweithrediad gyda’r -Rheolwr Marchnata a Chyfathrebu.

- Goruchwylio elfen gystadlu Y Lle Celf gan gydweithio gyda’r swyddogion celf.

Math o gytundeb: Parhaol

Cyflog: £34,250 - £36,352. Penodir ar waelod y raddfa.

Dyddiad cau: 8 Chwefror 2023

Cyfweliadau: 16 / 17 Chwefror (lleoliad i’w gadarnhau).

Sut i ymgeisio: Cwblhewch y ffurflen gais a’i dychwelyd at [email protected]. Mae croeso i chi gysylltu â [email protected] i drefnu sgwrs anffurfiol cyn y dyddiad cau.

Mae Grŵp Deddf am benodi Pencampwr Hyrwyddo Addysg Cyfrwng Cymraeg Rhanbarthol i godi ymwybyddiaeth o addysg cyfrwng Cymraeg ar draws rhanbarth De-Ddwyrain Cymru i amrywiaeth o gynulleidfaoedd (rhieni, disgyblion, cynghorwyr ac eraill), er mwyn rhannu newyddion a gwybodaeth dros y cyfryngau cymdeithasol a’r cyfryngau confensiynol am faterion cysylltiedig (megis ymgynghori ar ddarpariaeth cyfrwng Cymraeg, dosbarthiadau oedolion, digwyddiadau cymunedol ac ati) a darparu adroddiadau chwarterol ar weithgareddau, a fydd yn cael eu dosbarthu i'r sefydliadau partner.

Bydd yr adroddiadau hyn hefyd yn cael eu defnyddio i gefnogi a monitro cynnydd yr awdurdodau lleol partner yn erbyn targedau perthnasol y Cynlluniau Strategol Cymraeg mewn Addysg (CSCAu) a’r Strategaethau Cymraeg 5 mlynedd.

Bydd y swydd wedi'i lleoli o fewn Menter Caerffili at ddibenion llywodraethu, rheoli perfformiad uniongyrchol, gofod swyddfa, cyflogres ac ati. Yn weithredol, bydd y swydd yn cael ei chynnal drwy gyfuniad o waith swyddfa a gweithio gartref, gyda rhai cyfarfodydd ar draws y rhanbarth drwy Zoom/Teams neu wyneb yn wyneb.

Mae nifer o brosiectau ymchwil ac adnoddau eisoes ar y gweill, i ddarparu offer parod i'r ymgeisydd llwyddiannus er mwyn iddynt ymgymryd â'r rôl. Byddant hefyd yn cael cefnogaeth a phrofiad y swyddogion cyswllt o bob un o'r sefydliadau partner.

Mae'r swydd yn cael ei hariannu i ddechrau tan 31.03.24 gyda'r posibilrwydd o ymestyn y rôl, ac mae'r partneriaid yn agored i ystyried secondiad i'r rôl yn ogystal ag apwyntiad ffurfiol.

Mae manylion llawn y rôl i'w gweld yn y ddogfen Disgrifiad Swydd atodol.

Rhaid cyflwyno ceisiadau i Lowri Jones, Prif Swyddog Menter Caerffili, dros e-bost:

[email protected]

Neu drwy'r post: Lowri Jones (parthed: Rôl y Pencampwr Hyrwyddo), Menter Caerffili, Ystafell 1, Parc St Margaret, Pengam Road, Aberbargod, CF81 9FW.

Rhaid i geisiadau ddod i law erbyn 5:00pm ddydd Gwener 10fed Chwefror 2023.

Bydd y rhestr fer yn cael ei llunio’r wythnos ganlynol a hysbysir yr ymgeiswyr cyn gynted â phosibl wedi hynny. Cynhelir y cyfweliadau yn ystod yr wythnos yn dechrau 27ain Chwefror 2023. Cynhelir cyfweliadau ar-lein oherwydd yr amrywiaeth o bartneriaid dan sylw a rhoddir y manylion i ymgeiswyr pan gânt eu gwahodd i gyfweliad. Os oes gennych unrhyw anghenion ychwanegol neu benodol ar gyfer y cyfweliad, rhowch wybod i ni cyn gynted â phosibl.

Rydyn ni'n chwilio am Reolwr Marchnata a Chyfathrebu i ymuno â'r tîm.

Cyfle i arwain ar holl elfennau marchnata a chyfathrebu’r Eisteddfod, gan gynnwys ein platfformau digidol a’n gwefan, gan gynnwys ein sianeli cyfryngau cymdeithasol, llunio a gweithredu ein strategaethau cyfathrebu lleol a chenedlaethol, y wasg a’r cyfryngau, hysbysebu, creu copi mewn print ac ar-lein, a llawer mwy. 

Prif Ddyletswyddau - Llunio a gweithredu strategaethau cyfathrebu a marchnata’r Eisteddfod yn ganolog ac ar gyfer pob Eisteddfod unigol.

- Rheoli, hybu a pharatoi arweinyddiaeth greadigol gan ddatblygu adnoddau a systemau i hybu gweithgareddau, a monitro, datblygu a chodi proffil yr Eisteddfod yn y wasg a’r cyfryngau.

- Comisiynu a rheoli ymchwil yn ôl yr angen a chreu, coladu a llunio arolygon er mwyn paratoi gwybodaeth ystadegol i hysbysu penderfyniadau’r Tîm Rheoli a’r Bwrdd.

- Rheoli prosesau ymgyrchoedd hysbysebu’r Eisteddfod ynghyd â hybu ac amddiffyn y brand a’r ddelwedd gorfforaethol drwy reoli enw da'r Eisteddfod yn gyhoeddus.

- Monitro ffynonellau gwybodaeth a gynhyrchir gan sefydliadau allanol perthnasol a chynghori'r Tîm Rheoli a’r Bwrdd ar ymateb corfforaethol.

- Cyfathrebu gwybodaeth gorfforaethol berthnasol yn rheolaidd i gyd-weithwyr.

- Arwain ar greu a chyhoeddi llenyddiaeth swyddogol yr Eisteddfod mewn print ac ar-lein.

- Rheoli sianelau cyfryngau cymdeithasol yr Eisteddfod.

- Cynllunio a gweithredu anghenion cyhoeddusrwydd noddwyr.

- Rheoli, datblygu a diweddaru gwefan a phlatfformau digidol yr Eisteddfod, gan gynnwys paratoi a golygu clipiau fideo drwy gydol y flwyddyn.

- Paratoi cylchlythyrau electronig ar gyfer ymgysylltu gwleidyddol, a chadw mewn cysylltiad gydag ymwelwyr a chwsmeriaid.

Math o gytundeb: Parhaol

Cyflog: £34,250 - £36,352. Penodir ar waelod y raddfa.

Dyddiad cau: 8 Chwefror 2023

Cyfweliadau: 16 / 17 Chwefror (lleoliad i’w gadarnhau).

Sut i ymgeisio: Cwblhewch y ffurflen gais a’i dychwelyd at [email protected]. Mae croeso i chi gysylltu â [email protected] i drefnu sgwrs anffurfiol cyn y dyddiad cau.

Cyfle gwych i gyfreithiwr ymuno â thîm cyfraith cyflogaeth Darwin Gray; tîm a enillodd gwobr Tîm Cyfraith Cyflogaeth y Flwyddyn yng Ngwobrau Cyfreithiol Cymru 2022. Cyfle i gefnogi'r criw profiadol o gyfreithwyr cyflogaeth sydd eisioes yn rhan o'r tîm.

Lleoliad: Dewis o Swyddfa Caerdydd (9 Heol y Gadeirlan, Caerdydd, CF11 9HA) NEU Swyddfa Bangor (Unit F12, InTec, Ffordd y Parc, Parc Menai, Bangor, LL57 4FG) gyda pheth gweithio o adref os y dymunir.

Oriau: 37.5 awr yr wythnos. Dydd Llun – Gwener, 9.00yb – 5.30yh gyda 1 awr i ginio, ond yn gorffen am 4yh ar ddydd Gwener.

Cyflog: £i’w gadarnhau yn ddibynnol ar brofiad.

Buddion: 25 diwrnod o wyliau y flwyddyn, yn ogystal â’r gwyliau banc statudol / Yswiriant meddygol preifat / 3% cyfraniad pensiwn / Yswiriant marwolaeth mewn gwasanaeth.

Pwrpas y Rôl: I weithio gyda thîm cyfraith cyflogaeth Darwin Gray ac i ddarparu cefnogaeth effeithiol i’r tîm pan ddaw i gynghori cleientiaid ar faterion cyfraith cyflogaeth.

Tasgiau allweddol: I ddarparu cefnogaeth i’r tîm cyfraith cyflogaeth ar y materion canlynol:

· Achosion Tribiwnlys Cyflogaeth;

· Materion disgyblu a chwyno;

· Anffafriaeth;

· Diswyddiadau, diswyddo gorfodol ac ailstrwythuro;

· Cytundebau cyflogaeth a llawlyfrau staff;

· Cytundebau hunan-gyflogedig;

· Cytundebau setliad;

· Trosglwyddiadau TUPE;

· Helpu gyda hyfforddi cleientiaid;

· Materion cyflogaeth ynghlwm â phrynu a gwerthu busnesau;

· Chwythu’r chiban; a

· Archwiliadau yn y gweithle.

Gallu technegol:

Hanfodol_: _

· O gwmpas 2 flynedd o gyflogaeth ôl-gymhwyso mewn cyfraith cyflogaeth

· Gallu technegol ardderchog

· Gallu i ddefnyddio MS Word ac Outlook

Dymunol_: _

· Profiad o ddefnyddio basdata rheoli achosion Manyleb:

· Gallu cyfathrebu cryf. Cymraeg yn ddymunol

· Yn gweithio'n gyson i lefel uchel o gywirdeb a manylder

· Gallu gweithio'n annibynnol ond hefyd fel rhan o dîm ar brosiectau mwy

· Gallu defnyddio menter ei hun

· Yn drefnus ac yn medru gweithio o dan bwysau

· Yn cwblhau tasgau

· Yn hyblyg ac yn barod i helpu aelodau eraill o’r tîm fel sydd angen   Cysylltwch â Owen John ([email protected] / 02920 829 118) i gyflwyno cais neu am fwy o wybodaeth.

Bydd y Rheolwr Cyflogres a Buddion yn arwain y gwaith o ddatblygu a chyflawni swyddogaeth cyflogres y gwasanaethau Adnoddau Dynol i’w holl gwsmeriaid. Byddwch yn gyfrifol am berfformiad y gwasanaeth cyflogres a sut mae’n cael ei redeg, byddwch yn sicrhau bod yr holl weithgarwch yn cyd-fynd â gofynion statudol a deddfwriaethol, a byddwch yn rheoli'r tîm Cyflogres a Phensiynau, sydd ar hyn o bryd yn cynnwys tri aelod arall. Deiliad y swydd sy'n gyfrifol am dalu dros 2000 o weithwyr a phensiynwyr bob mis, ac am gydlynu â’r Adran Adnoddau Dynol ac adrannau eraill yn y Brifysgol. Byddwch yn gyfrifol am weinyddu Cynllun Pensiynau’r Prifysgolion (USS) Chynllun Pensiwn Prifysgol Aberystwyth (AUPP). 

I wneud ymholiad anffurfiol, cysylltwch â Sharon Lilley, Pennaeth y Gwasanaethau Adnoddau Dynol [email protected]. 

Fel arfer fe benodir i swyddi o fewn 4 - 8 wythnos ar ôl y dyddiad cau.  

Beth fyddwch chi’n ei wneud

Y mae’r disgrifiad swydd hwn yn amodol ar ei adolygu a’i ddiwygio yng ngoleuni anghenion cyfnewidiol y Brifysgol, i ddarparu cyfleoedd datblygu priodol ac/neu i ychwanegu dyletswyddau ychwanegol eraill. 

**Y Prif Ddyletswyddau a Chyfrifoldebau **

- Arwain a rheoli'r gyflogres i sicrhau ei bod yn cael ei rhedeg yn effeithiol, yn gywir ac yn amserol, lle gwneir cyn lleied o gamgymeriadau a gordaliadau â phosib.

- Sicrhau bod gwasanaeth cyflogres proffesiynol yn cael ei ddarparu sy'n diwallu anghenion cwsmeriaid ac sy’n gost effeithiol, a berchir gan gwsmeriaid ac un sy’n arddel yr arferion gorau.

- Arwain tîm y gyflogres gan roi cyfarwyddyd, rheoli perfformiad a darparu cymorth priodol.

- Mynd ati’n rhagweithiol i ddod o hyd i ffyrdd o wella prosesau a sicrhau effeithlonrwydd gan gefnogi’r gwaith o ddatblygu systemau, yn ôl y gofyn.

- Cynllunio a monitro llwyth gwaith y tîm a sut mae’r gwaith yn cael ei ddyrannu, gan sicrhau bod staff yn cael eu hyfforddi a'u datblygu er mwyn iddynt gyflawni eu dyletswyddau'n effeithiol ac yn effeithlon a darparu gwasanaeth sy'n rhoi cwsmeriaid yn y canol.

- Sicrhau bod sianeli cyfathrebu effeithiol ar waith yn y tîm a chyda'r Brifysgol yn gyffredinol wrth ymdrin â materion sy’n ymwneud â’r gyflogres a phensiynau.

- Datblygu a chynnal perthynas effeithiol â phartneriaid, sefydliadau allanol a chyrff.

- Datblygu a phrofi cynlluniau parhad busnes ac adfer yn sgil trychinebau, yn ogystal â gweithdrefnau cam wrth gam.

- Dehongli a throsglwyddo gwybodaeth gymhleth ac arbenigol i, ymhlith eraill, bobl nad ydynt yn arbenigwyr.

- Sicrhau y cydymffurfir â holl ofynion statudol y Cynllun Talu Wrth Ennill a chynlluniau pensiwn, a sicrhau bod adroddiadau gofynnol yn cael eu creu sy’n gywir ac yn amserol, megis Gwybodaeth Amser Real Cyllid a Thollau Ei Fawrhydi a ffurflenni cynlluniau pensiwn.

- Datblygu a gweithredu polisi a gweithdrefnau ledled y Brifysgol sy'n gysylltiedig â'r gyflogres a phensiynau, cydlynu ag uwch reolwyr, archwilwyr ac adrannau eraill lle bo hynny'n briodol.

- Cynghori'r Brifysgol ar faterion 'statws cyflogaeth' yn unol â gofynion Cyllid a Thollau Ei Fawrhydi.

- Paratoi ar gyfer archwiliadau a sicrhau bod camau'n cael eu cymryd mewn modd amserol.

- Cysylltu â darparwyr Budd-daliadau/Pensiwn y Brifysgol ar faterion pensiwn a buddion gweithwyr, a rhannu gwybodaeth â rheolwyr a staff yn y Brifysgol. Cynorthwyo Gweithrediaeth ac Adran Adnoddau Dynol y Brifysgol pan fo staff yn ymddeol yn gynnar, megis mewn achosion diswyddo ac afiechyd, a rhoi cyngor ar y goblygiadau o ran pensiynau.

- Datblygu fframweithiau fel y gellir rhannu gwybodaeth am bensiynau a budd-daliadau yn effeithiol i holl staff y Brifysgol trwy ddulliau amrywiol.

- Sicrhau bod gan y tîm ganllaw cam wrth gam sydd wedi’i brofi ac sy'n galluogi'r Brifysgol i weithredu’r gyflogres mewn sefyllfaoedd argyfyngus pan fo staff yn absennol.

- Bydd disgwyl i ddeiliad y swydd gymryd rhan mewn gweithgareddau adolygu perfformiad a gweithgareddau datblygu.

- Rhaid i ddeiliad y swydd gydymffurfio â pholisïau a gweithdrefnau cyfreithiol ac ariannol perthnasol, a dylai wybod beth yw ei gyfrifoldebau yng nghyswllt gofynion cyfreithiol ei swydd.

- Ymgymryd â dyletswyddau a chyfrifoldebau iechyd a diogelwch sy'n addas i'r swydd. 

- Ymrwymo i Bolisi Cyfle Cyfartal ac Amrywioldeb y Brifysgol, ynghyd â deall sut mae'n gweithredu o fewn cyfrifoldebau'r swydd. 

- Ymrwymo i'ch datblygiad eich hun a datblygiad eich staff drwy ddefnyddio trefn Cyfraniad Effeithiol y Brifysgol yn effeithiol. 

- Unrhyw ddyletswyddau rhesymol eraill o fewn i raddfa'r swydd. 

Mae Menter Iaith Casnewydd yn chwilio am Uwch-Weithiwr Chwarae i weithio yn ei Clybiau Sbort a Sbri.

Pwrpas y swydd:

      •     Datblygu a chynnal amgylchedd chwarae cyfoethog, effeithiol, hyblyg ac ysgogol

      •     Goruchwylio cynllunio ar gyfer chwarae plant a phobl ifanc

      •     Goruchwylio systemau rheoli budd risg sy’n effeithiol

      •     Sicrhau cydymffurfiad â’r rheoliadau ar ofal dydd, gan gyfeirio at y Safonau Gofynnol Cenedlaethol ar gyfer Gofal Plant a Reoleiddir.

**Prif ddyletswyddau  **  

•     Sicrhau’r ddarpariaeth o amgylchedd chwarae cyfoethog, effeithiol, hyblyg ac ysgogol, lle gall y plant chwarae’n rhydd yn ôl yr hyn a ddarperir.

•     Cydlynu a sicrhau y cesglir y plant o'r ysgol/ion.

•     Goruchwylio cynllunio a pharatoi’r gweithgareddau chwarae, paratoi’r ardal chwarae a’r adnoddau, a fydd yn ateb eu hanghenion chwarae unigol.

•     Meithrin perthnasoedd effeithiol ac onest gyda phlant a phobl ifanc, a’u rhieni/gofalwyr.

•     Sicrhau bod asesiadau risg yn cael eu cynnal, a lle bo’n briodol yn cynnwys ymgymryd ag asesiadau risg: budd ar chwarae plant a phobl ifanc a chefnogi staff yn y broses hon.

•     Creu cysylltiadau â’r gymuned ehangach er mwyn rhoi amryw o gyfleoedd i blant a phobl ifanc a chefnogi’r dealltwriaeth o hawl plant i chwarae.

•     Dilyn y canllawiau a’r gweithdrefnau ar Ddiogelu fel yr argymhellir gan yr awdurdod sy’n cofrestru.

•     Dilyn ac adolygu polisïau a gweithdrefnau’r Clwb, gan gynnwys diogelu, iechyd a diogelwch, ymddygiad, gweithdrefnau brys, a chyfrinachedd fel y cymeradwyir gan yr awdurdod sy’n cofrestru.

•     Sicrhau bod staff yn dilyn, ac yn ymgysylltu â’r polisïau a’r gweithdrefnau, a’u hadolygu.

•     Sicrhau y goruchwylir y plant a’r bobl ifanc yn briodol drwy gydol y sesiynau.

•     Gweinyddu Cymorth Cyntaf fel y bo’n gymwys.

•     Sicrhau y cesglir y plant a’r bobl ifanc gan rieni/gofalwyr yn gweithio o fewn y canllawiau polisi.

•     Sicrhau y darperir ystod o opsiynau bwyd a diod yn unol â’r polisïau a’r gweithdrefnau.

•     Unrhyw ddyletswydd arall perthynol i’r swydd ar gais y pwyllgor/perchennog/rheolwr.

Mae Menter Iaith Casnewydd yn gwmni cymunedol dielw sydd â’r nod o gynyddu defnydd y Gymraeg gan blant ac oedolion Casnewydd ac i alluogi pobl Casnewydd i fyw a gweithio yn y Gymraeg.

Mae Menter Iaith Casnewydd wedi ymrwymo i gefnogi egwyddorion cyfle cyfartal ac yn cydnabod manteision denu, cadw ac ysgogi gweithlu amrywiol a chynrychioliadol. Cysylltwch gyda [email protected] am fanylion pellach

Yn gweithio mewn awyrgylch prysur fel rhan o dîm brwdfrydig, mae’r swydd hon fel Cynorthwyydd Croeso a Gwasanaeth yn chwarae rhan ganolog wrth gynnig gwasanaeth cwsmer rhagorol. 

Mae'r swydd hon yn seiliedig ar oriau blynyddol, lle gall faint o oriau rydych chi'n eu gweithio bob mis amrywio, ond bydd eich cyflog yn cael ei dalu mewn 12 rhandaliad cyfartal dros y flwyddyn.

Sut brofiad yw gweithio yma?

Plasty a gerddi cain yw Plas Newydd, gyda golygfeydd syfrdanol ar draws y Fenai tuag at fynyddoedd Eryri. Daw ymwelwyr o bob rhan o’r byd i Blas Newydd ac mae’r tim yn croesawu pobl gyfeillgar, groesawgar sydd â sgiliau gwasanaeth cwsmeriaid eithriadol i ymuno â nhw. Mae’n debygol y bydd angen ichi fod â’ch trafnidiaeth eich hun i gyrraedd yma, fodd bynnag, mae hwn yn gyfle cyffrous i weithio o fewn eiddo bywiog mewn lleoliad gwirioneddol ryfeddol.

Beth fyddwch chi’n ei wneud?

Fel elusen gadwraeth fwyaf Ewrop, rydym yn gweithio’n galed i godi arian fel ein bod yn gallu parhau i ofalu am dreftadaeth ein hymddiriedolaeth. Mae ymwelwyr yn rhan allweddol o’r hyn rydym yn ei wneud, felly byddwch yn gyfrifol am sicrhau eich bod yn cynnig gwasanaeth rhagorol i’n holl ymwelwyr, bob dydd. Fel Cynorthwyydd Croeso a Gwasanaeth, eich gwaith chi yw sicrhau bod ein hymwelwyr yn cael croeso perffaith fydd yn eu paratoi am brofiad arbennig am weddill y diwrnod.

Byddwch yn gyfrifol am ateb ymholiadau, a sicrhau bod ymwelwyr yn gallu dod o hyd i bopeth sydd ei angen arnynt yn ystod eu hymweliad. Mae deall pam a sut rydym yn ymgysylltu â’n cefnogwyr yn allweddol. Wrth weithio gyda’n hymdeimlad o le, byddwch yn gweithio gyda’r tîm croesawu ymwelwyr i gysylltu popeth rydym yn ei wneud yn ôl i’n hachos a’r gwaith parhaus rydym yn ei wneud.  Byddwch yn cyflwyno i safon uchel yn yr eiddo, ac yn sicrhau eich bod yn cyfathrebu’n glir a chyson gyda’n hymwelwyr, o’r clic cyntaf ar y wefan, i’r posteri a’r arwyddion o amgylch yr eiddo.

Am bwy ydym yn chwilio?

Hoffem glywed gennych, os ydy hyn yn swnio fel chi:

A ydych chi'n gallu siarad Cymraeg? 

Gallu gweithio mewn tîm - yn hyblyg ac yn addasadwy 

Trefnus a’r gallu i weithio heb fawr o oruchwyliaeth 

Defnyddiol a Chyfeillgar 

Yn canolbwyntio ar y cwsmer gydag agwedd gadarnhaol 

Brwdfrydig ac yn barod i ddysgu 

Dealltwriaeth o bwysigrwydd gwasanaeth gwych

Y Pecyn

Yr arwyddair sydd wrth wraidd yr Ymddiriedolaeth Genedlaethol yw 'I bawb, am byth'. Rydym yn gweithio'n galed i greu diwylliant cynhwysol, lle mae pawb yn teimlo eu bod yn perthyn iddo. Mae'n bwysig bod ein pobl yn adlewyrchu ac yn cynrychioli amrywiaeth y cymunedau a'r cynulleidfaoedd yr ydym yn eu gwasanaethu. Rydym yn croesawu ac yn gwerthfawrogi gwahaniaeth, felly pan ddywedwn ein bod ar gyfer pawb, rydym eisiau i bawb deimlo'n gartrefol yn ein timau hefyd.  

Cynllun pensiwn sylweddol hyd at 10% o gyflog sylfaenol Mynediad am ddim i eiddo'r Ymddiriedolaeth Genedlaethol, i chi, gwestai a'ch plant (dan 18 oed)

Cynllun gofal plant di-dreth.

Cynllun benthyciad blaendal rhent.

Benthyciad tocyn tymor.

Gostyngiadau buddion y gweithle, h.y. aelodaeth gampfa, codau gostyngiad siopa, gostyngiadau ar gyfer y sinema.

Lwfans gwyliau hyd at 32 diwrnod mewn perthynas â hyd y gwasanaeth, yn ogystal â chynllun prynu gwyliau, yn amodol ar fodloni meini prawf gofynnol.

Oriau gweithio hyblyg lle bynnag y bo'n bosibl.

Rhaglen cynorthwyo cyflogai.

Parcio am ddim yn y rhan fwyaf o leoliadau.

Cyngor ariannol annibynnol.

Pwrpas y Swydd

• Sicrhau bod pobl Gwynedd yn ganolog i bopeth yr ydan ni yn ei wneud.

• Cyfrannu at waith y tïm sydd yn darparu cefnogaeth broffesiynol i holl Gynghorwyr y Cyngor trwy’r gyfundrefn bwyllgorau ac unrhyw gymorth arall fel bo’r Cynghorwyr yn gallu cyflawni yn eu dyletswyddu a’u gwahanol rolau.

Cyfrifoldeb am Adnoddau. . e.e. staff, cyllid, offer

Mae gan Cyngor Gwynedd becyn cyflogaeth deniadol, am ragor o wybodaeth cliciwch ar y [Pecyn Gwybodaeth] (https://www.gwynedd.llyw.cymru/cy/cyngor/swyddi/gweithio-i-ni.aspx)

Mae Cyngor Gwynedd yn gweithredu’n fewnol trwy gyfrwng y Gymraeg ac yn cynnig ei holl wasanaethau yn ddwyieithog. Bydd angen i’r ymgeisydd gyrraedd y lefel ieithyddol sy’n cael ei nodi fel un o’r sgiliau hanfodol yn y Manylion Person.

Rydym yn annog pob ymgeisydd am swydd gyda’r Cyngor i gyflwyno ceisiadau yn Gymraeg neu yn ddwyieithog.

(Bydd ceisiadau sydd yn cael eu cyflwyno yn uniaith Gymraeg neu Saesneg yn cael eu trin yn gwbl gyfartal, ond gofynnir i’r ymgeisydd ystyried yn ofalus beth yw gofynion iaith y swydd a’r sefydliad ac a fyddai cyflwyno cais yn uniaith Gymraeg yn fwy addas.)

Am sgwrs anffurfiol gellir cysylltu â Sioned Mai Jones ar 01286 679665

Swydd dros dro am gyfnod o flwyddyn.

Ystyried secondiad/rhannu swydd ar gyfer y swydd yma.

Cynnal cyfweliadau 9fed neu 10fed Chwefror, 2023.

Ffurflenni cais a manylion pellach gan , Gwasanaeth Cefnogol, Cyngor Gwynedd, Swyddfa'r Cyngor, Stryd y Jêl, Caernarfon, LL55 1SH

Ffôn: 01286 679076 eBost: [email protected]

DYDDIAD CAU: 10.00 O’R GLOCH, DYDD IAU, 02/02/2023

Os yn llwyddiannus i fod ar y rhestr fer am gyfweliad, byddwn yn cysylltu a chwi drwy’r cyfeiriad E-BOST a gofnodwyd gennych ar eich ffurflen gais. Mae angen i chwi sicrhau eich bod yn gwirio eich E-BOST yn rheolaidd.

Mae Awdurdod Parc Cenedlaethol Eryri yn gwarchod harddwch naturiol, bywyd gwyllt a threftadaeth ddiwylliannol Parc Cenedlaethol Eryri. Gan orchuddio 823 milltir o dirwedd amrywiol, mae’r Parc yn gartref i dros 26,000 o bobl, mynydd uchaf Cymru a llyn naturiol mwyaf Cymru.

Rydym nawr yn chwilio am Gynghorydd Adnoddau Dynol i ymuno â'n tîm yn barhaol, llawn amser, gan weithio 37 awr yr wythnos.

Y Manteision

- Cyflog o £27,852 - £32,020 y flwyddyn

- Y cyfle i weithio mewn ardal o harddwch naturiol eithriadol

Mae hwn yn gyfle eithriadol i weithiwr AD proffesiynol dawnus gamu i rôl amrywiol gyda Pharc Cenedlaethol mwyaf Cymru.

Y Rôl

Fel Cynghorydd Adnoddau Dynol, byddwch yn gyfrifol am ddarparu amrywiaeth o ganllawiau, cyngor a chefnogaeth AD, yn ogystal ag ymdrin ag elfennau o'r gyflogres.

Gan oruchwylio pob agwedd ar weinyddu’r gyflogres, byddwch yn gweithio gyda’r Adran Gyllid i sicrhau bod taliadau’n cael eu gwneud yn gywir ac ar amser. Byddwch yn sicrhau bod gwybodaeth am y gyflogres yn cael ei diweddaru’n rheolaidd a bod y data’n gywir.

Wrth weinyddu ein prosesau recriwtio, byddwch yn cefnogi rheolwyr i baratoi disgrifiadau swydd a hysbysebion, trefnu cyfweliadau a pharatoi contractau. Byddwch yn cynghori mewn paneli cyfweld, yn goruchwylio prosesau sefydlu staff ac yn cefnogi gweithrediad y cynllun gwerthuso a datblygu staff.

Yn ogystal, byddwch yn:

- Cyfrannu at gefnogi egwyddorion cyfle cyfartal

- Gweithredu fel Swyddog Gweinyddol Iechyd a Diogelwch, gan ddarparu arferion gweithio diogel ac iach i staff

- Goruchwylio gweinyddiad ein polisïau

- Cynhyrchu adroddiadau a phrosesu anfonebau

- Sicrhau bod yr holl ddata a dogfennaeth yn gyfredol ac yn gywir

- Cynghori a gweinyddu'r broses rheoli amser ac absenoldeb

Amdanoch chi

I gael eich ystyried yn Gynghorydd Adnoddau Dynol, bydd angen:

- Sgiliau cyfathrebu llafar ac ysgrifenedig rhagorol, yn y Gymraeg a'r Saesneg

- Profiad o weithio ym maes AD

- Profiad gweinyddol

- Profiad o drin data cyfrinachol a sensitif

- Profiad o ddefnyddio systemau data

- Gwybodaeth dda o brosesau AD

- Dealltwriaeth o sut i ddatrys atgyfeiriadau ymholiadau uwch

- Hyfedredd TG

- Meddu ar, neu fod yn gweithio tuag at, CIPD Lefel 3

- O leiaf, TGAU mewn Cymraeg, Saesneg a Mathemateg (neu gyfwerth)

- Trwydded yrru lawn, ddilys

Y dyddiad cau ar gyfer y rôl hon yw 5 Chwefror 2023.

Gall sefydliadau eraill alw'r rôl hon yn Gynghorydd AD, Cynghorydd AD Cyffredinol, Cydgysylltydd AD, Cynghorydd Pobl, Cydgysylltydd Adnoddau Dynol, neu Gynghorydd Cysylltiadau Gweithwyr.

Felly, i ddatblygu'ch gyrfa gyda'n sefydliad gwych fel Cynghorydd AD, gwnewch gais trwy'r botwm a ddangosir. Mae'r swydd wag hon yn cael ei hysbysebu gan Webrecruit. Mae'r gwasanaethau a hysbysebir gan Webrecruit yn rhai Asiantaeth Gyflogaeth.

Mae Archwilio Cymru am recriwtio Swyddog Dadansoddi Data.

Ydych chi'n brofiadol ym myd gwyddor data a dadansoddi data? Oes gennych chi angerdd am raglenni ac arloesi? Rydym yn chwilio am rywun sy’n uwch eu cymhelliant i fod yn rhan o'n tîm Dadansoddi Data egnïol a gwydn sy'n defnyddio dulliau a arweinir gan ddata i drawsnewid y ffordd rydym yn ymgymryd â'n gwaith archwilio.

Bydd eich hyfedredd mewn rhaglennu R/Python yn disgleirio wrth i chi ymgolli yn natblygiad iteraidd ein prosiectau. Bydd gennych y cymhelliant a'r penderfyniad i weithio'n annibynnol, o fewn y tîm a gyda'n cwsmeriaid i gyflawni yn unol â therfynau amser.

Mae gwir ddeall anghenion ein cydweithwyr fel cwsmeriaid yn allweddol i lwyddiant ein prosiectau data, felly bydd angen i chi gael sgiliau holi a gwrando rhagorol er mwyn cysylltu â chydweithwyr a chleientiaid o lefelau amrywiol o uwch-dra, mewn cyfarfodydd personol, gweithdai a hwylusir, sesiynau hyfforddi a chyflwyniadau.

Mae delweddu data yn allweddol er mwyn deall y mewnwelediad o fewn ein data felly mae angen rhywun medrus wrth adrodd y stori o fewn y data, a rhywun a all ein helpu i ymestyn cyrhaeddiad gwaith trwy gynhyrchu offer data ar gyfer y cyhoedd.

Canfuwch fwy

I gael trafodaeth anffurfiol am y cyfle cyffrous hwn, cysylltwch â Steve Lisle ar 07791 007147 neu Helen Goddard ar 02920 320642. 

Mae'r dyddiad cau ar gyfer ceisiadau hanner nos ar 12 Chwefror 2023.

Rydym yn chwilio am gyfieithydd i ddarparu gwasanaeth cyfieithu a chyfieithu ar y pryd i staff ac i'r gwahanol adrannau ym Mwrdd Iechyd Prifysgol Cwm Taf Morgannwg.

Bydd hyn yn cynnwys cyfieithu dogfennau o'r Saesneg i'r Gymraeg a hefyd o'r Gymraeg i'r Saesneg o bryd i'w gilydd. Yn ogystal, bydd gofyn i ddeiliad y swydd gynorthwyo'r Tîm Cyfathrebu ac Ymgysylltu i gyhoeddi deunydd yn y Gymraeg ar y cyfryngau cymdeithasol.

Bydd y rôl hon yn cyfrannu at sicrhau bod y Bwrdd Iechyd yn cydymffurfio â rheoliadau Mesur y Gymraeg (2011), a thrwy wneud hynny bydd yn sicrhau bod gwasanaethau dwyieithog yn cael eu cynnig i gleifion yn ardaloedd Rhondda Cynon Taf, Merthyr Tudful a Phen-y-Bont ar Ogwr.

Bydd deiliad y swydd yn helpu i ddarparu gwasanaeth Cymraeg cynhwysfawr, yn unol â pholisïau a gweithdrefnau Cymraeg Bwrdd Iechyd Prifysgol Cwm Taf Morgannwg a Safonau'r Gymraeg.

Bydd deiliad y swydd yn gweithio'n agos gyda rheolwyr gwasanaethau i wella gwasanaethau a sicrhau bod y Gymraeg yn ystyriaeth ganolog yn holl fusnes y Bwrdd Iechyd.

Prif ddyletswyddau'r swydd

• Darparu gwasanaeth cyfieithu ysgrifenedig o'r Saesneg i'r Gymraeg ac o'r Gymraeg i'r Saesneg. Bydd hyn yn cynnwys cyfieithu'r canlynol:

  • Deunydd gofal iechyd fel taflenni gwybodaeth i gleifion, llythyrau i gleifion a chyfarwyddiadau meddygol o wahanol feysydd, o Ffisiotherapi i Faeth

  • Deunydd ar wefan y Bwrdd Iechyd

  • Llythyrau i'r cyhoedd ac oddi wrth y cyhoedd, ac unrhyw fathau eraill o ohebiaeth a dderbynnir

  • Deunydd cyfryngau cymdeithasol fel pyst Facebook a negeseuon Twitter

  • Posteri ac arwyddion.

  • Adroddiadau fel adroddiad blynyddol y Bwrdd Iechyd.

  • Unrhyw destunau eraill a ystyrir yn briodol gan Swyddog y Gymraeg neu'r Rheolwr Gwasanaethau Cymraeg

• Cyfieithu dogfennau/llythyron a gohebiaeth (e.e. llythyron cwyno, llythyron oddi wrth Aelodau'r Cynulliad, datganiadau i'r wasg ac ati) ar ran Swyddfa'r Prif Weithredwr lle bydd dyddiadau dychwelyd tyn a lle bydd y wybodaeth yn aml yn gymhleth/sensitif, megis y gofal a'r driniaeth a roddir i glaf/cleifion, asesiadau cymhleth, cofnodion meddygol ac ati

• Gweithio'n agos ac ar y cyd â thîm cyfathrebu'r Bwrdd Iechyd i ddarparu gwybodaeth ddwyieithog i'w chyhoeddi drwy'r rhyngrwyd/y fewnrwyd a chyfryngau cymdeithasol y sefydliad

Amdanom ni

Mae Bwrdd Iechyd Prifysgol Cwm Taf Morgannwg yn rhan o deulu GIG Cymru. Mae ein Bwrdd Iechyd yn darparu gofal iechyd sylfaenol, eilaidd a chymunedol ynghyd â gwasanaethau lles i tua 450,000 o bobl sy'n byw mewn tair sir: Pen-y-bont ar Ogwr, Merthur Tydful a Rhondda Cynon Taf.

Rydyn ni'n byw yn ôl ein gwerthoedd craidd:

• Rydyn ni'n gwrando, yn dysgu ac yn gwella

• Rydyn ni'n trin pawb â pharch

• Rydyn ni i gyd yn gweithio fel un tîm

Rydyn ni'n gyflogwr lleol balch; mae tua 80% o'n gweithlu o 15,000 yn byw o fewn ein rhanbarth. O ganlyniad, nid enaid y sefydliad yn unig y mae ein staff yn ei gynrychioli, ond y cymunedau amrywiol rydyn ni'n eu gwasanaethu.

Mae Prifysgol Cymru y Drindod Dewi Sant (PCYDDS) yn brifysgol sy'n canolbwyntio ar gyflogaeth ac sy'n ymroddedig i sicrhau bod myfyrwyr o gefndiroedd amrywiol yn datblygu'r wybodaeth academaidd a'r sgiliau ymarferol i ffynnu.

Cawsom ein gosod yn y 13eg safle ar gyfer ansawdd yr addysgu yng Nghanllaw Prifysgolion Da 2022 The Times a'r Sunday Times, ac yn yr wythfed safle yn y DU ar gyfer ‘Cynhwysiant Cymdeithasol’ yn nhabl y gynghrair hon eleni.

Rydym yn chwilio ar hyn o bryd am Cyfarwyddwr Cynllunio a Datblygu i ymuno â’r Ganolfan Dysgu Cymraeg Genedlaethol yn llawn-amser am gyfnod parhaol gan weithio 37 awr yr wythnos. 

- Y RÔL –

Mae’r swydd allweddol hon yn cynnig cyfle unigryw ar gyfer unigolyn deinamig y mae iddo/iddi hygrededd cydnabyddedig o reoli ar lefel strategol. Y Cyfarwyddwr Cynllunio a Datblygu fydd yn gyfrifol am ddatblygu a rheoli cynlluniau a phrosiectau strategol, yn arbennig y rheiny sy’n newydd i’r Ganolfan yn ail gam ei ddatblygiad. Bydd hefyd yn arwain ar ddatblygiadau digidol, ynghyd â datblygu a rheoli pob agwedd ar wasanaethau cefnogi corfforaethol Y Ganolfan Dysgu Cymraeg Genedlaethol gan gynnwys systemau rheoli perfformiad, data, cyllid a sicrhau ansawdd.

Darllenwch y Swydd-ddisgrifiad i gael rhagor o wybodaeth, lle cewch hefyd restr o feini prawf hanfodol a dymunol ‘Manyleb y Person'. 

- AMDANOCH CHI -

I gael eich ystyried ar gyfer rôl y Dirprwy Brif Weithredwr / Cyfarwyddwr Cynllunio a Datblygu, bydd arnoch angen y canlynol:

-   Gradd mewn disgyblaeth berthnasol (neu’r profiad proffesiynol cyfwerth)

-   Profiad a hygrededd cydnabyddedig fel rheolwr lefel uwch 

-   Dealltwriaeth o ofynion rheoleiddiol a deddfwriaethol cyfredol yn ymwneud â’r Gymraeg

-   Profiad o ddelio â sefyllfaoedd anodd a rheoli newid

-   Profiad o gynllunio a datblygu chynlluniau strategol a gweithredol gan gynnwys cyllidebau o werth uchel

-   Meddu ar sgiliau rhyngbersonol a chyfathrebu cryf, gyda’r gallu i ysbrydoli cydweithwyr a rhanddeiliaid allweddol

-   Y gallu i sefydlu partneriaethau strategol amrywiol

-   Y gallu i arwain tîm o gydweithwyr 

-   Y gallu i flaenoriaethu gwaith, gwneud penderfyniadau cadarn ac amserol gan ddefnyddio’ch blaengaredd eich hun

-   Yn medru ac yn barod i deithio i fodloni gofynion sy’n ymwneud â’r swydd ac i weithio o amrywiol leoliadau pan fo angen

-   Meddu ar y gallu i gyfathrebu’n effeithiol ac yn gywir trwy gyfrwng y Gymraeg, ar lafar ac yn ysgrifenedig

Byddai’n fuddiol hefyd pe bai gennych y canlynol:

-   Cymhwyster neu hyfforddiant benodol mewn caffael iaith

-   Ymwybyddiaeth o faes Dysgu Cymraeg

-   Ymwybyddiaeth o’r sector Addysg Statudol neu Anstatudol

-   Profiad o arwain meysydd gwasanaethau corfforaethol e.e ansawdd, systemau 

- BUDDION -

- Bydd gennych hawl i 35 diwrnod o wyliau blynyddol y flwyddyn, yn ogystal ag wyth gŵyl banc a phedwar diwrnod pan fydd y Brifysgol ynghau

Mae ein cyflogeion yn cael mynediad at becyn cyflog a buddion gwych yn gydnabyddiaeth am eu cyfraniad gwerthfawr, sy'n cynnwys:

- Cyflog ac amodau da; rydym yn gyflogwr cyflog byw achrededig ac yn cynnig cyflog cystadleuol

- Aelodaeth o gynllun pensiwn gan yr USS i ddarparu buddion i chi a'ch teulu

- Polisïau sy'n ystyriol o deuluoedd ac sy'n darparu ar gyfer gweithio'n hyblyg, gan gynnwys absenoldeb mamolaeth a thadolaeth ychwanegol â thâl

- Cyfleoedd o ran gyrfa a datblygiad, gan gynnwys cymorth i ennill rhagor o gymwysterau

- Cymorth ar gyfer iechyd meddwl a llesiant, gan gynnwys gwasanaethau iechyd galwedigaethol a chymorth cwnsela

- Gostyngiadau i staff ar ystod o gynhyrchion a gwasanaethau

- Cynlluniau teithio, gan gynnwys y cynllun beicio i'r gwaith

Felly, os ydych yn awyddus i chwarae rhan allweddol yn y gwaith o gynnal ein Prifysgol yn rôl Cyfarwyddwr Cynllunio a Datblygu Y Ganolfan Dysgu Cymraeg Genedlaethol, gwnewch gais trwy'r botwm a ddangosir.

Nodwch nad yw'r broses ymgeisio hon yn cynnwys yr opsiwn i gyflwyno CV. Felly, asesir eich cais ar sail eich atebion i gwestiynau'r cais yn unig, ac yn arbennig ar sail eich Datganiad Personol. 

Rydym yn chwilio am Olygydd Cynnwys Digidol i ymuno a’r Adran Cyhoeddi. Gyda phlatfformau digidol yn rhan ganolog o fywyd nifer fawr iawn o bobl, byddwch yn chwarae rhan allweddol yn strategaeth ddigidol S4C. 

Mae’r ffordd yr ydym yn ymwneud â chynnwys yn newid ac mae S4C wrthi’n ymateb i’r newid hwnnw gyda ffocws ar ddatblygu cynnwys digidol, gwreiddiol yn ogystal â chynnwys sydd yn cyd-fynd â rhaglenni a chyfresi S4C. 

Byddwch yn gweithio’n agos gyda’r Cyfarwyddwr Strategaeth Cynnwys a Chyhoeddi wrth lunio a gweithredu strategaeth S4C ar blatfformau digidol. Byddwch yn gyfrifol am ddadansoddi, cwestiynu ac addasu strategaethau cynnwys digidol, a llif gwaith digidol (organig a phartneriaethau), yn fewnol yn S4C ac yn allanol ar draws yr holl gwmnïau cynhyrchu annibynnol yr ydym yn comisiynu cynnwys ganddynt. 

Byddwch yn arwain tîm digidol ac yn rhoi trefn ar amserlen waith ac allbwn creadigol y tîm. Byddwch hefyd yn cadw golwg ar draws holl gyfrifon digidol cyfresi S4C, yn cynghori ac yn rhoi arweiniad i’r sector er mwyn sicrhau safon ac arloesedd yn y maes.

Gan weithio’n agos gyda’r tîm digidol, yn ogystal ag aelodau allweddol eraill o fewn S4C (y Prif Swyddog Cynnwys, y timau comisiynu, y wasg, newyddion a marchnata) a’r cwmnïau cynhyrchu, byddwch yn arwain, datblygu a sefydlu llais S4C ar y platfformau digidol - yn perchnogi’r cyfrifon trwy fod yn chwareus, creu sŵn, a neidio ar “trends” ehangach (o fewn Cymru, Prydain ac yn fyd-eang).

Yn ogystal â gweithio ar leoliad, bydd elfen o olygu cynnwys, dewis clipiau o raglenni S4C, rhedeg calendr cyfryngau cymdeithasol S4C, goruchwylio a hwyluso ffrydio cynnwys byw i Facebook Live a YouTube yn ôl yr angen, a gofalu am ein cyfrifon o ddydd i ddydd ar draws bob platfform. 

Bydd eich cyfraniad yn holl bwysig wrth i S4C drawsnewid i fod yn gyhoeddwr cynnwys aml-blatfform. 

Mae’r gallu i gyfathrebu yn rhugl yn y Gymraeg a Saesneg i safon uchel gyda staff ag eraill ar bob lefel, yn ysgrifenedig ac ar lafar yn hanfodol i’r rôl yma.

Manylion eraill

Lleoliad: Canolfan S4C yr Egin, Caerfyrddin/S4C Caerdydd/S4C Caernarfon. Mae S4C yn gweithredu polisi gweithio’n hybrid.

Cyflog: Yn unol â phrofiad

Cytundeb: Parhaol

Cyfnod prawf:  6 mis

Gwyliau: Yn ychwanegol i'r gwyliau banc statudol, bydd gennych hawl i 26 diwrnod o wyliau gyda thâl y flwyddyn.

Pensiwn:  Mae hawl gan staff cyflogedig ymuno â Chynllun Pensiwn Personol Grŵp yn ddarostyngedig i delerau unrhyw gynllun sydd mewn bodolaeth ac a ddiwygiwyd o dro i dro. Os byddwch yn aelod o’r Cynllun Pensiwn Personol Grŵp, bydd S4C yn cyfrannu 10% o’ch cyflog sylfaenol i’r Cynllun. Disgwylir i chi gyfrannu 5%. 

Ceisiadau 

Dylid anfon ceisiadau erbyn 16.45 ar ddydd Gwener 27 Ionawr 2023 at [email protected] neu Adnoddau Dynol, Canolfan S4C, Yr Egin, Caerfyrddin, SA31 3EQ. 

Nid ydym yn derbyn CV.

Ni fydd cais a gyflwynir yn Gymraeg yn cael ei drin yn llai ffafriol na chais a gyflwynir yn Saesneg.

Mae cyfle cyffrous wedi codi i siaradwr Cymraeg rhugl ymuno â Thîm Addysg yr Ysgol Deintyddiaeth. Bydd yn cefnogi’r Ysgol i weithredu a gwerthuso rhaglen waith sydd â’r nod o gynyddu ceisiadau i’r rhaglenni israddedig gan ymgeiswyr Cymraeg eu hiaith, a chynyddu nifer ac amrywiaeth y cyfleoedd i fyfyrwyr gyflawni eu hyfforddiant meddygol israddedig mewn sefydliad cyfrwng Cymraeg.

Wedi ei hariannu gan y Coleg Cymraeg, bydd y swydd cyfnod penodol o dair blynedd hon ar gael ar sail ran-amser (21 awr yr wythnos). Mae’r Ysgol yn hyblyg o ran y patrwm gwaith.

Rydym yn chwilio am gyfathrebwr rhagorol sy’n gallu cyflwyno gwybodaeth fanwl a chymhleth yn ddwyieithog mewn modd effeithiol, proffesiynol a deniadol i ystod eang o gynulleidfaoedd ar lafar ac yn ysgrifenedig.

Bydd angen i chi fod yn llawn cymhelliant a brwdfrydig gyda chofnod diamheuol o gyflwyno portffolio o weithgareddau marchnata a chyfathrebu, a gallu gweithredol i nodi cyfleoedd ar gyfer gwelliant a datblygiad.

Dylid cyfeirio ymholiadau anffurfiol ynghylch y rôl at Reolwr yr Ysgol, Riah-Jayne Jones [email protected]

Dyddiad Cau: Dydd Sul, 29 Ionawr 2023.

Mae Prifysgol Caerdydd yn cadw’r hawl i roi’r gorau i hysbysebu’r swydd hon yn gynnar os daw digon o geisiadau i law.

Mae Prifysgol Caerdydd wedi ymroi i gefnogi a hybu cydraddoldeb ac amrywiaeth, gan greu awyrgylch cynhwysol i’w gweithwyr. Rydyn ni o’r farn bod modd gwneud hynny trwy ddenu, datblygu a chadw ystod amrywiol o staff o sawl cefndir gwahanol a hoffai greu prifysgol sy’n ceisio cyflawni ei dyletswydd gymdeithasol, diwylliannol ac economaidd dros Gaerdydd, Cymru a’r byd. Wrth gefnogi ein gweithwyr i sicrhau cydbwysedd rhwng eu gwaith a'u bywydau personol, byddwn hefyd yn ystyried cynigion i rannu swyddi neu weithio'n hyblyg.