Swyddog Chwaraeon

Mae Prifysgol Cymru y Drindod Dewi Sant (PCYDDS) yn brifysgol sy'n canolbwyntio ar gyflogaeth ac sy'n ymroddedig i sicrhau bod myfyrwyr o gefndiroedd amrywiol yn datblygu'r wybodaeth academaidd a'r sgiliau ymarferol i ffynnu.

Cawsom ein gosod yn y 13eg safle ar gyfer ansawdd yr addysgu yng Nghanllaw Prifysgolion Da 2022 The Times a'r Sunday Times, ac yn yr wythfed safle yn y DU ar gyfer ‘Cynhwysiant Cymdeithasol’ yn nhabl y gynghrair hon eleni.

Rydym ’nawr yn chwilio am Rheolwr Adnoddau ac Ansawdd Dysgu ac Addysgu i ymuno â ni'n llawn-amser ac yn barhaol, yn gweithio 37 awr yr wythnos. 

- Y RÔL -

·    Gweithredu fel rheolwr prosiect Cynllun Digidol y Ganolfan. Bydd hyn yn cynnwys sicrhau bod y prosiectau a amlinellir yn y Cynllun yn cael eu darparu ar amser ac i gyllideb. 

·    Rhoi arweiniad ar flaenoriaethau creu a chomisiynu adnoddau a sicrhau rheolaeth o ansawdd yr adnoddau at ddefnydd 15,000 o ddysgwyr y Ganolfan. 

·   Sicrhau bod elfennau y Cynllun Digidol yn gweithio oddi fewn i Safle Rhyngweithiol y Ganolfan.

·   Rheoli Prosiect Duolingo gan gymryd cyfrifoldeb dros y tîm o dri sy’n gwneud y gwaith. Mae Duolingo yn denu hanner miliwn o ddefnyddwyr i’r cwrs Cymraeg.

·   Rheoli’r gwaith o lyfrgellu holl adnoddau’r Ganolfan, er mwyn hwyluso’r gwaith o resymoli ac ail ddefnyddio. 

·   Cydweithio ar draws tri cyfarwyddiaeth y Ganolfan er mwyn cydlynu elfennau amrywiol y cynllun.

·   Gweithredu fel Rheolwr y Polisi Hygyrchedd, gan ddiwallu gofynion y cynllun gweithredu ac adolygu’r Polisi ar gyfer y dyfodol.

·   Paratoi adroddiadau ar gyflawniad y gwaith fel bo angen.

·   Cydweithio gyda phartneriaid er mwyn sicrhau bod adnoddau digidol y Ganolfan yn cael eu rhannu yn briodol gyda sectorau / sefydliadau eraill. 

·   Rheoli’r gwaith o wella ansawdd darparwyr Dysgu Cymraeg, bydd hyn yn cynnwys gosod targedau, monitro cynnydd a sicrhau atebolrwydd.

·   Gweithio gyda darparwyr i baratoi ar gyfer arolygiadau Estyn ac arwain at y gwaith o wneud gwaith dilynol gyda darparwyr.

·   Darparu cefnogaeth rheolwr llinell i’r Swyddog Digidol.

·   Ymgymryd ag unrhyw ddyletswyddau eraill sy’n gydnaws ac yn gymesur â’r swydd yn unol â dymuniad y Cyfarwyddwr Dysgu ac Addysgu.   Darllenwch y Swydd-ddisgrifiad i gael rhagor o wybodaeth, lle cewch hefyd restr o feini prawf hanfodol a dymunol ‘Manyleb y Person’.

- AMDANOCH CHI -

I gael eich ystyried ar gyfer rôl Rheolwr Adnoddau ac Ansawdd Dysgu ac Addysgu, bydd arnoch angen y canlynol: 

-   Gradd mewn disgyblaeth berthnasol (neu’r profiad proffesiynol cyfwerth)

-   Profiad o weithio’n effeithiol fel unigolyn, fel rhan o dîm ac mewn partneriaeth ag eraill

-   Profiad o reoli prosiect, gan gynnwys rheoli cyllideb neu adnoddau

-   Profiad o ysgrifennu dogfennau lefel uchel

-    Profiad o weithio yn y sector dysgu Cymraeg

-   Profiad o ddarparu cyngor ar adnoddau addysgol 

-   Profiad o arwain ar faterion ansawdd

-   Y gallu i feddwl a gweithredu yn strategol

-   Y gallu i gyflawni gwaith yn annibynnol, yn erbyn terfynau amser tynn ac i safon uchel 

-   Meddu ar sgiliau rhyngbersonol a chyfathrebu addas ar gyfer ystod o gynulleidfa gyda’r gallu i argyhoeddi a dwyn perswâd

-   Sgiliau cyflwyno rhagorol

-   Barod i deithio i fodloni gofynion sy’n ymwneud â’r swydd ac i weithio o amrywiol leoliadau pan fo angen

-   Meddu ar drwydded yrru gyfredol a dilys

-    Y gallu i gyfathrebu drwy gyfrwng y Gymraeg – ar lafar ac yn ysgrifenedig

-     Byddai hefyd o fantais i'ch cais pe byddech yn meddu ar y canlynol: 

-    Cymhwyster neu hyfforddiant benodol mewn rheoli prosiectau

- BUDDION -

- Bydd gennych hawl i 35 diwrnod o wyliau blynyddol y flwyddyn, yn ogystal ag wyth gŵyl banc a phedwar diwrnod pan fydd y Brifysgol ynghau

Mae ein cyflogeion yn cael mynediad at becyn cyflog a buddion gwych yn gydnabyddiaeth am eu cyfraniad gwerthfawr, sy'n cynnwys:

- Cyflog ac amodau da; rydym yn gyflogwr cyflog byw achrededig ac yn cynnig cyflog cystadleuol

- Aelodaeth o gynllun pensiwn gan yr USS i ddarparu buddion i chi a'ch teulu

- Polisïau sy'n ystyriol o deuluoedd ac sy'n darparu ar gyfer gweithio'n hyblyg, gan gynnwys absenoldeb mamolaeth a thadolaeth ychwanegol â thâl

- Cyfleoedd o ran gyrfa a datblygiad, gan gynnwys cymorth i ennill rhagor o gymwysterau 

- Cymorth ar gyfer iechyd meddwl a llesiant, gan gynnwys gwasanaethau iechyd galwedigaethol a chymorth cwnsela

- Gostyngiadau i staff ar ystod o gynhyrchion a gwasanaethau

- Cynlluniau teithio, gan gynnwys y cynllun beicio i'r gwaith

Felly, os ydych yn awyddus i chwarae rhan allweddol yn y gwaith o gynnal ein Prifysgol yn rôl Rheolwr Adnoddau ac Ansawdd Dysgu ac Addysgu, gwnewch gais trwy'r botwm a ddangosir.

Nodwch nad yw'r broses ymgeisio hon yn cynnwys yr opsiwn i gyflwyno CV. Felly, asesir eich cais ar sail eich atebion i gwestiynau'r cais yn unig, ac yn arbennig ar sail eich Datganiad Personol.

Dyddiad cau: 8 Chwefror 2023, 11:59pm

Gellir ystyried y swydd hon fel un amser llawn neu ran-amser. Byddwch yn cyflwyno darpariaeth i ddysgwyr yng Ngogledd Cymru, ond efallai bydd gofyn i chi weithio mewn ardaloedd eraill ledled Cymru (wyneb yn wyneb ac ar-lein).

Cyflog: £31,498 - £36,642 y flwyddyn (37 awr yr wythnos)

Cyflog: £15,748 - £18,320 y flwyddyn (18.5 awr yr wythnos)

Dyma gyfle cyffrous i hyfforddwr Lloriau cymwysedig ymuno â’n tîm proffesiynol a llewyrchus. Bydd y swydd yn gofyn i’r ymgeisydd/ymgeiswyr llwyddiannus weithio yn gyda thîm Hyfforddiant CGA - cangen fasnachol y Coleg. 

Byddwch yn gweithio yn yr adran Fusnes, Sgiliau ac Arloesi, gan farchnata, recriwtio, addysgu, asesu a chefnogi dysgwyr o fewn y sector. Bydd gofyn i chi hyfforddi ac asesu dysgwyr ym mhob agwedd ar Loriau (carpedi pren, laminadu a finyl/linoliwm), gan gyflwyno cymwysterau academaidd a sgiliau hanfodol hyd at lefel 3.

Bydd rhaglenni’r ddarpariaeth yn cynnwys QCF, NVQ, cyrsiau academaidd a dysgu seiliedig ar waith. Mae safonau uchel, proffesiynoldeb a gwybodaeth gyfredol am y diwydiant yn hanfodol ar gyfer y swydd hon.

Bydd gennych ymagwedd broffesiynol a gwybodaeth gyfredol am fframweithiau perthnasol a byddwch yn cyflwyno pob cymhwyster sy’n berthnasol i’r fframwaith prentisiaethau. Yn ddelfrydol, byddwch yn gyfarwydd â gofynion gweinyddol rhaglenni prentisiaeth.

Byddwch yn gweithio â chyflogwyr allanol a rheolwyr o fewn y Coleg i nodi a gweithredu datrysiadau sy’n ymwneud â hyfforddiant er mwyn diwallu anghenion sefydliadau. Hefyd, bydd gofyn i chi gynorthwyo Dilyswyr Mewnol i sicrhau bod holl anghenion y Dilysydd Allanol a chyrff cyhoeddus yn cael eu diwallu.

Bydd gennych gymhwyster Lefel 3 (o leiaf) neu gywerth mewn maes perthnasol ac yn meddu ar Ddyfarniad Asesydd A1/Tystysgrif Dilyswyr Mewnol TAQA (neu barodrwydd i ennill un o’r cymwysterau hyn). Mae Lefel 2 (Gradd A-C) neu gymhwyster cyfwerth mewn Mathemateg a Saesneg yn hanfodol ar gyfer y rôl hon, ynghyd ag ymrwymiad i ymgymryd â chymhwyster Paratoi i Addysgu (PTTLS). Bydd gennych hefyd brofiad perthnasol o weithio yn y diwydiant.

Bydd gennych sgiliau cyfathrebu gwych ar lafar ac yn ysgrifenedig, sgiliau TGCh cadarn a chymhwysedd galwedigaethol i asesu hyd at Lefel 3. Byddwch yn medru ysgogi ac ysbrydoli eraill, gan drosglwyddo gwybodaeth i’r dysgwyr. Byddwch yn meddu ar lygad wych am fanylder, ysfa i gwblhau targedau a ffocws ar ansawdd. 

Ni cheir ceisiadau Cymraeg eu trin yn llai ffafriol na cheisiadau Saesneg. Mae Coleg Gwyr Abertawe’n cydnabod pwysigrwydd darparu gwasanaethau cyfrwng Cymraeg ac yn cydnabod hefyd yr angen i ddatblygu gweithlu dwyieithog. Rydym felly yn annog unigolion sy’n meddu ar Sgiliau Cymraeg da i wneud cais.

Mae Coleg Gwyr Abertawe yn ymrwymedig i ddiogelu a hyrwyddo lles pobl ifanc ac yn disgwyl i’r holl staff rhannu’r ymrwymiad hwn. Bydd penodiadau eu gwneud ar sail gwiriad DBS manylach a bydd gofyn i chi ymaelodi â Chyngor Gweithlu Addysg Cymru.

Rydym yn disgwyl nifer fawr o ymgeiswyr ar gyfer y swydd wag hon. Os derbynnir llawer o geisiadau, efallai y byddwn yn atal unigolion rhag cyflwyno cais cyn y dyddiad penodedig. Awgrymir felly ichi gyflwyno’ch cais yn gynnar. 

Fel rheol, bydd penodiadau yn cael eu gwneud ar waelod y raddfa gyflog gyda chynyddrannau blynyddol ar 1 Awst bob blwyddyn (yn amodol ar ddyddiad cychwyn cyn Chwefror 1). 

Buddion:

28 diwrnod o wyliau, ynghyd â phythefnos ar gau dros y Nadolig ac 8 gwyl banc, Aelodaeth o'r Cynllun Pensiwn Llywodraeth Leol, amrywiaeth o fanteision i weithwyr gan gynnwys cynlluniau aberthu cyflog, disgowntiau staff a pharcio am ddim.

Pwrpas y Swydd

Hyfforddi ac asesu dysgwyr ym mhob agwedd ar Loriau (carped, pren/laminedig a finyl/linoliwm), cymwysterau academaidd a sgiliau hanfodol Lefelau 1-3. 

Bydd y rhaglenni’n cynnwys adennill costau, QCF NVQ, cyrsiau academaidd a fframweithiau Dysgu Seiliedig ar Waith. Mae safonau uchel, proffesiynoldeb a gwybodaeth gyfredol am y diwydiant yn hanfodol ar gyfer y rôl hon.

PRIF GYFRIFOLDEBAU

·  Hyfforddi ac asesu dysgwyr mewn modd proffesiynol gan ddarparu safonau uchel

• Cynllunio a chyflwyno o leiaf 12 awr yr wythnos o hyfforddiant i ddysgwyr yn ôl yr angen (pro rata ar gyfer staff ffracsiynol)

·  Gweithio gyda chyflogwyr i nodi, hybu a chynnig datrysiadau hyfforddiant er mwyn diwallu eu hanghenion

·  Cynnig profiad dysgu di-dor i ddysgwyr, gan ddatblygu eu sgiliau sy’n benodol i’r sector cyflogaeth, gan gynnwys QCF NVQs, fframweithiau prentisiaeth a rhaglenni academaidd, arnodedig a phwrpasol

·  Gweithio gyda thîm o hyfforddwyr, aseswyr a gwirwyr mewnol i gefnogi a hybu gweithgarwch sicrhau ansawdd a rhagoriaeth, er mwyn diwallu anghenion cyrff dyfarnu ac ESTYN

·  Gweithio gyda’r tîm datblygu busnes i ddod o hyd i gwsmeriaid newydd a meithrin cysylltiadau cyffrous gyda chyflogwyr

Meddu ar ymwybyddiaeth o’r holl gwricwlwm a gynigir gan y Coleg a mentrau ariannu sydd ar gael i wneud y mwyaf o gyfleoedd gyda chwmnïau presennol a newydd.

·  Rhoi’r wybodaeth ddiweddaraf i gyflogwyr am gyrsiau a chyfleoedd ariannu e.e. llenyddiaeth marchnata ac ati

·  Sicrhau bod personél priodol (e.e. Cydlynwyr Masnachol) yn cael gwybod am werthiannau a darpar werthiannau

·  Cynnig lefel uchel o wasanaeth cwsmeriaid i bawb sy’n rhan o’r rhaglen ddysgu e.e. dysgwyr a chyflogwyr

·  Meithrin amgylchedd dysgu hyblyg a chynhyrchiol trwy ddefnyddio amrywiaeth o ddulliau addysgu a darparu gan gynnwys: dulliau dysgu o bell, cyfunol, yn yr ystafell ddosbarth ac ar safle’r cyflogwr (os yw’n briodol)

·  Hwyluso ac ymgorffori sgiliau hanfodol yn y rhaglen gyflwyno

·  Sicrhau cydymffurfiaeth â’r holl waith papur perthnasol, gan gynnwys adolygiadau o gynnydd dysgwyr a’u taflenni amser   ·  Cynnal cofnodion manwl mewn perthynas â gweithgarwch myfyrwyr ac adrodd gwybodaeth fanwl i’r Rheolwr Llinell lle bo angen

·  Gweithio mewn tîm i ddatblygu rhaglenni presennol a newydd

·  Sicrhau bod ansawdd yn wraidd i bob gweithgaredd a gynhelir a bod gweithdrefnau sicrhau ansawdd yn cael eu dilyn yn unol â gofynion y Coleg

·  Cydymffurfio â Rheoliadau a Gweithdrefnau ariannol y Coleg

· Ymgymryd ag unrhyw ddyletswyddau eraill o bryd i’w gilydd sy’n cael eu hystyried yn berthnasol i’r swydd

A ydych yn dymuno chwarae rhan allweddol yn arweinyddiaeth Plaid Cymru a helpu i symud ein gwlad tuag at Annibyniaeth? Allwch chi arwain ac ysbrydoli tîm bach ond ymroddedig o staff a gweithio gyda miloedd o aelodau’r Blaid?

Yna mae'r swydd hon ar eich cyfer chi.

Disgrifiad:

Mae rôl Prif Weithredwr Plaid Cymru yn cyfuno elfennau o lywodraethiant, arweinyddiaeth, rheolaeth, cydymffurfiaeth, cyfathrebu a datblygu strategol. Mae'r Prif Weithredwr yn bennaeth ar dîm staff y blaid, ond mae hefyd yn arwain y gwaith o gyfathrebu a chydgysylltu gyda sylfaen gwirfoddol a strwythurau llywodraethiant mewnol y Blaid, ac yn sicrhau cyswllt agos ag arweinyddiaeth wleidyddol y Blaid yn y Senedd a San Steffan. Y Prif Weithredwr sy'n gyfrifol am sicrhau cydymffurfiaeth â deddfwriaeth berthnasol ac am gysylltu'n agos â'r Comisiwn Etholiadol a'r Comisiynydd Gwybodaeth. Y Prif Weithredwr yw'r uwch gynghorydd staff i'r Pwyllgor Gwaith Cenedlaethol ac yn gyfrifol am yr ysgrifenyddiaeth ar ei gyfer.

Gweithredir llawer o'r uchod trwy ddirprwyo i staff priodol, a bydd y Prif Weithredwr yn ffurfio ac yn datblygu'r tîm staff hwnnw er mwyn cyflawni amcanion strategol y Blaid.

Lleoliad – Caerdydd ond gellir ystyried gweithio'n hybrid

Cynhelir cyfweliadau ar 10/3/23 yng Nghaerdydd

Ffoniwch Geraint Day ar 029 20 472272 am sgwrs anffurfiol am y swydd.

E-bostiwch ceisiadau wedi'u cwblhau i [email protected]

Cylch gwaith Caerdydd Ddwyieithog yw cymryd rôl flaenllaw wrth ddatblygu Caerdydd gwbl ddwyieithog lle gall dinasyddion a staff Cyngor Caerdydd gael gafael ar wasanaethau a chymorth o'r un safon yn y Gymraeg a'r Saesneg.

Mae'r tîm yn gyfrifol am hwyluso a hyrwyddo’r iaith Gymraeg yng Nghaerdydd ar y cyd â’n partneriaid, ac yn cynorthwyo’r Cyngor i gydymffurfio â’i ddyletswydd statudol i ddarparu gwasanaethau yn Gymraeg, sy'n cynnwys gwasanaeth cyfieithu llawn.

Am Y Swydd

Ydych chi am weld y Gymraeg yn tyfu a ffynnu yng Nghaerdydd a bod yn rhan o'n gweledigaeth ni i greu Caerdydd gwirioneddol ddwyieithog?

Os felly, mae’n bosib taw hon yw’r swydd i chi!

Mae uned Caerdydd Ddwyieithog yng Nghyngor Caerdydd yn chwilio am Uwch Gyfieithydd i ymuno â’r tîm. Disgwylir i’r ymgeisydd llwyddiannus fod â gradd dda yn y Gymraeg neu gymhwyster cyfatebol â phrofiad sylweddol o gyfieithu’n broffesiynol.

Disgwylir i’r ymgeisydd llwyddiannus fod yn aelod o Gymdeithas Cyfieithwyr Cymru neu fod yn barod i sefyll yr arholiad.

Dylai’r ymgeisydd llwyddiannus allu cyfathrebu’n effeithiol yn Gymraeg i Lefel 5 – Hyfedr

Mae’r swydd hon yn addas i’w rhannu.

Rydym yn croesawu ceisiadau yn Gymraeg a Saesneg. Ni chaiff ceisiadau Cymraeg eu trin yn llai ffafriol na rhai Saesneg

This is a position for which the ability to speak Welsh is an essential requirement.

Beth Rydym Ei Eisiau Gennych

Byddwch yn meddu ar sgiliau cyfieithu a phrawf ddarllen o’r safon uchaf ac yn cynorthwyo’r Prif Gyfieithydd – Ansawdd gydag unrhyw ddyletswyddau’n ymwneud â’r rôl e.e. dirprwyo mewn cyfarfodydd yn ôl yr angen, cyfrannu at adolygu canllawiau cyfieithu, cynghori aelodau’r tîm ar unrhyw newidiadau i’r derminoleg, cyfrannu at bennu enwau ymgyrchoedd, prosiectau, strategaethau a deunydd cyhoeddus.

Gwybodaeth Ychwanegol

Dylai’r ymgeiswyr llwyddiannus allu cyfathrebu’n effeithiol yn Gymraeg hyd at Lefel 5 – Hyfedr.

Mae’r swydd hon yn addas i’w rhannu.

Croesewir ceisiadau yn Gymraeg ac yn Saesneg. Nid yw ceisiadau yn Gymraeg yn cael eu trin yn llai ffafriol na rhai Saesneg.

Oherwydd y trefniadau gwaith dros dro presennol, ni allwn ddarparu pecynnau recriwtio na derbyn ffurflenni cais drwy'r post.

O ganlyniad i’r amgylchiadau COVID-19 presennol, bydd y broses gyfweld ar gyfer y rôl hon yn cael ei chynnal ar sail rithwir gan ddefnyddio platfform ar-lein priodol. Os oes gennych unrhyw bryderon ynghylch eich gallu i gymryd rhan mewn proses gyfweld rithwir, cysylltwch â Ffion Gruffudd, [email protected].

Nid yw'r Cyngor yn derbyn CVs. Wrth gwblhau adran gwybodaeth ategol eich cais, sicrhewch eich bod yn cyfeirio at yr isod sydd ar ein gwefan:

Gwybodaeth bwysig y mae angen i chi ei darllen er mwyn cwblhau eich cais:

• Canllaw ar Wneud Cais

• Gwneud cais am swyddi gyda ni

• Fframwaith Cymwyseddau Ymddygiadol

Gwybodaeth Ychwanegol:-

• Siarter Cyflogeion

• Recriwtio Cyn-Droseddwyr

• Hysbysiad Preifatrwydd

Rydym yn chwilio am Gydlynydd Nawdd hyderus, dynamig a brwdfrydig i ymuno â’n tîm i chwarae rôl ganolog wrth gael gafael ar a hwyluso ein Noddwyr ar gyfer digwyddiadau, yn cynnwys Sioe Frenhinol Cymru, y Ffair Aeaf a’r Ŵyl Tyddyn a Chefn Gwlad. 

Ynglŷn â Ni

Wedi’i sefydlu bron 120 o flynyddoedd yn ôl, ond gydag agwedd gadarn o gyfoes, mae Cymdeithas Amaethyddol Frenhinol Cymru yn llenwi lle unigryw yn nhirwedd wledig a diwylliannol Cymru. Fel elusen gofrestredig, ein nod craidd yw hyrwyddo amaethyddiaeth gynaliadwy, garddwriaeth, coedwigaeth, cadwraeth a’r amgylchedd yng Nghymru. Rydym yn cyflawni’r amcanion hyn trwy gynnal tri digwyddiad mawr bob blwyddyn, ochr yn ochr â nifer o wobrau, bwrsarïau ac ysgoloriaethau. 

Yn ychwanegol at ein digwyddiadau ein hun, rydym yn croesawu nifer o ddigwyddiadau trydydd parti ar ein maes sioe 150 erw, sy’n cynhyrchu incwm allweddol i fod yn sail i’n gwaith elusennol. 

Wrth edrych ymlaen bydd angen i’r Gymdeithas, fel pob sefydliad, ddatblygu i barhau’n berthnasol. Mae gennym nifer o brosiectau cyffrous yn yr arfaeth ac ymgyrch i gofleidio newid a thyfu llwyddiant ein digwyddiadau. 

Felly, mae’r Cydlynydd Nawdd yn aelod hollbwysig o Dîm Datblygu Busnes y Gymdeithas, sy’n adrodd i Bennaeth Datblygu Busnes, ac yn gweithio’n agos â Phwyllgor Nawdd y Gymdeithas a busnesau trydydd parti.

Cyfrifoldebau Allweddol

Mae’r swydd yn eang ac yn amrywiol; mae’n cwmpasu pob agwedd ar nawdd ar gyfer tri phrif ddigwyddiad y Gymdeithas a bydd yn cynnwys:

·   Cynorthwyo gyda chanfod noddwyr newydd ar gyfer amrywiol adrannau digwyddiadau’r elusen.

·   Paratoi cynigion nawdd a chynorthwyo mewn trafodaethau gyda noddwyr.

·   Cyfathrebu â busnesau a datblygu perthynas gref gyda noddwyr, trwy e-bost, teleffon ac yn bersonol.

·   Mewnbynnu pecynnau noddwyr ar gronfa ddata, a chefnogi wrth ddatblygu prosesau adrannau a chronfa ddata newydd y Gymdeithas.

·   Gweinyddu buddion a breintiau noddwyr, e.e. Baneri, hysbysebu, sylwebaethau, tocynnau a bathodynnau. Gweithio gyda’r Tîm Baneri a Stiwardiaid wrth drefnu digwyddiadau.

·   Diweddaru atodlenni a chatalogau gyda manylion noddwyr.

·   Cynorthwyo gydag Anfonebu a phrosesu taliadau.

·   Cefnogi cwblhau awgrymiadau nawdd newydd a chreu pecynnau nawdd newydd.

·   Gweithio gyda’r Swyddog Stondinau Masnach wrth sefydlu Stondinau Masnach Noddwyr.

·   Darparu cefnogaeth nawdd gyffredinol i Bennaeth Datblygu Busnes.

·   Gweithio gyda chroestoriad o staff yn cynnwys Cyllid, Marchnata a Chystadlaethau.

Tîm bychan ydym a bydd yna orchwylion sy’n disgyn y tu allan i’r cyfrifoldebau allweddol uchod. Felly, bydd angen ichi fod yn hyblyg ac yn fodlon addasu yn ôl y gofynion.

Mae hon yn swydd gyffrous, ac rydym yn chwilio am rywun i ymuno â’r tîm am y tymor hir a’r bwriad yw y bydd yr ymgeisydd llwyddiannus yn tyfu ac yn datblygu gyda ni ac y bydd yn rhan ganolog o’r Gymdeithas a’i dyfodol.

Mae angen ichi fod yn danbaid ac yn ymroddedig i lwyddiant hir dymor y Gymdeithas tra byddwch yn gallu gweithio dan bwysau, trin blaenoriaethau lluosog, bod yn gyfathrebwr hyderus a chwrdd â therfynau amser.

Ynglŷn â Chi

Mae’r swydd yn adrodd yn uniongyrchol i Bennaeth Datblygu Busnes ac mae’r priodoleddau canlynol yn rhinweddau personol pwysig ar gyfer y swydd.

Sylweddolir efallai na fydd un ymgeisydd yn meddu arnynt i gyd. Serch hynny, defnyddiwch eich cais i ddangos sut y gall eich profiad, eich sgiliau a’ch gwybodaeth gwrdd â gofynion cyflawni’r swydd hon. 

Profiad

·    Profiad o werthu y gellir ei ddangos.

·    Profiad mewn gofal a gwasanaeth cwsmeriaid. 

·    Gwybodaeth am brosesu ariannol.

·    Hanes o lwyddiant blaenorol mewn gwaith tîm rhagorol.

·    Profiad wrth reoli cysylltiadau trydydd parti yn llwyddiannus.

·    Gallu i weithio mewn dull trefnus a rhagweithiol. Sgiliau a gwybodaeth 

·    Llythrennedd TG rhagorol (yn cynnwys Excel) ac yn gyfarwydd â gweithredu cronfeydd data.

·    Sgiliau cyfathrebu rhagorol, ar lafar ac yn ysgrifenedig.

·    Y gallu i weithio ar eich menter eich hun yn ogystal ag o fewn tîm.

·    Gallu rhagorol i sgwrsio yn Saesneg ac yn Gymraeg (dymunol). 

·    Yn gallu sicrhau sylw astud i fanylion a bod yn drefnus.

·    Ymarweddiad cyfeillgar, agos-atoch, a hyderus. 

Gwybodaeth hanfodol

·   Prawf o hawl i weithio yn y Deyrnas Unedig.

I drafod y swydd yn anffurfiol, anogir ymgeiswyr i gysylltu â Phennaeth Datblygu Busnes, Clare James ([email protected]).

I wneud cais am y swydd hon, anfonwch CV a llythyr eglurhaol at Caron W Evans, Pennaeth Gweinyddiaeth ([email protected]).

Y dyddiad cau ar gyfer ceisiadau yw 12 hanner dydd ar 17 Chwefror 2023.

Byddir yn cynnal cyfweliadau ar ddydd Gwener 24 Chwefror 2023. 

AMODAU A THELERAU CYFLOGAETH CYFFREDINOL

Oriau amser llawn: 36.25 awr yr wythnos. (Oriau craidd y busnes: 08.45 y bore tan 17.00 y pnawn. Dydd Llun i Ddydd Gwener. Cinio 12.30 y pnawn tan 13.30 y pnawn). Mae dull hybrid a hyblyg o weithio yn bosibl fel y cytunir gyda’r Rheolwr Llinell.

Oriau ychwanegol: Bydd gofyn i ddeiliad y swydd weithio oriau ychwanegol yn barod ar gyfer 3 digwyddiad yr elusen. Bydd rhyw gymaint o amser o’r gwaith yn lle tâl (TOIL) yn gymwys.

Gwyliau: 24 diwrnod y flwyddyn ynghyd â gwyliau cyhoeddus arferol. 

Buddion: Bydd Deddf Pensiwn 2011 yn gymwys. Bydd Gofal Iechyd, Yswiriant Bywyd a chymorth ar salwch tymor hir yn cael ei ddarparu ar ôl cwblhau cyfnod prawf yn llwyddiannus.

Pwrpas cyffredinol y rôl:

Cynllunio, arwain a chyflawni gwaith ar gyfer cyhoeddi adnoddau dysgu digdol ar Hwb a llwyfannau eraill. Gweithredu fel prif bwynt cyswllt rhwng y Llyfrgell a Hwb ar faterion ymarferol. Cydweithio gyda swyddogion dysgu cyrff treftadaeth cenedlaethol eraill ar adnoddau dysgu digidol, yn benodol Amgueddfa Cymru, CADW a’r Comisiwn Brenhinol. Cyfrannu at waith arall y Gwasanaeth Addysg yn ddigidol, yn y Llyfrgell ac yn allanol.

ADRAN 2: YR ADRAN

Y Gyfarwyddiaeth Casgliadau ac Ymgysylltu sy’n bennaf gyfrifol am gasglu, diogelu a rhoi mynediad i’r casgliadau sydd yng ngofal y Llyfrgell yn unol â’i swyddogaethau craidd. Yn y cyd-destun hwn mae mynediad yn golygu amrywiaeth eang o weithgareddau gan gynnwys gwasanaethau a gweithgareddau ar y safle, ar-lein ac mewn cymunedau ledled Cymru. Mae gwaith y Gyfarwyddiaeth yn rhan greiddiol o wireddu gweledigaeth y Llyfrgell i fod yn sefydliad sy’n:

“...gwneud gwahaniaeth er gwell i bawb yng Nghymru yn awr ac yn y dyfodol ac i fod yn lyfrgell genedlaethol, agored, blaengar ac arloesol.” 

Trwy ei gwaith mae angen i’r Gyfarwyddiaeth alluogi’r Llyfrgell i gyflawni ei hamcanion strategol a llesiant sef:

1. Meithrin a gofalu am gof y genedl

2. Gosod sylfaen economi gwybodaeth

3. Bod yn ganolog i fywyd y genedl

4. Grymuso Ymchwil a Dysg

Mae casgliadau’r Llyfrgell yn cynnwys llyfrau, papurau newydd, mapiau, archifau a llawysgrifau, ynghyd â lluniau, ffotograffau, deunydd clywedol, gwefannau a chynnwys digidol o bob math. Ynghyd â’r casgliadau, mae sgiliau ac arbenigedd staff y Gyfarwyddiaeth hon yn gwbl angenrheidiol er mwyn sicrhau fod y Llyfrgell yn gallu datgloi potensial y casgliadau hyn i gyfoethogi a gwella bywydau pobl Cymru a thu hwnt.

Mae’r Coleg yn edrych am unigolyn deallus a brwdfrydig i arwain ar ein hymdrechion i sicrhau bod y Coleg, ac addysg ôl-orfodol Cymraeg a dwyieithog, yn agored i bawb, beth bynnag eu cefndir. 

Dymuna’r Coleg benodi Cydlynydd Amrywiaeth, Cydraddoldeb a Gwrth-hiliaeth i gydlynu gweithrediad strategaeth bum mlynedd er mwyn cynyddu ymwneud pobl o gefndir Du, Asiaidd a Lleiafrifoedd Ethnig, a phobl sydd â nodweddion gwarchodedig eraill sydd wedi eu tan gynrychioli ar hyn o bryd, gyda’r Coleg a darpariaeth ôl-orfodol Gymraeg a dwyieithog. Mae'r strategaeth yn un uchelgeisiol ac yn gosod amserlen a thargedau ar gyfer gweld cynnydd dros y blynyddoedd i ddod. Bydd cydweithio gyda rhan-ddeiliaid eraill yn y sector Gymraeg, yn y sector ôl-orfodol a gyda mudiadau sy’n cynrychioli pobl sydd a nodweddion gwarchodedig yn elfen holl bwysig o’r swydd.     Bydd gan yr unigolyn brofiad o ymwneud gyda chymunedau sy’n cael eu tangynrychioli yn y Coleg ar hyn o bryd - yn benodol er enghraifft pobl o gefndir Du, Asiaidd a Lleiafrifoedd Ethnig a phobl anabl - a bydd dealltwriaeth o faterion yn ymwneud â chroestoriadaeth (intersectionality) yn angenrheidiol. Mae'r gallu i siarad Cymraeg yn hanfodol ar gyfer y rôl hon ac mae cefnogaeth ar gael yn y Coleg i'r rhai sy'n dymuno gwella eu sgiliau iaith Gymraeg. 

Os hoffech drefnu sgwrs anffurfiol am y rôl yna danfonwch e-bost at Dafydd Trystan, Uwch Reolwr Academaidd a Chofrestrydd y Coleg – [email protected].

Mae’r Coleg Cymraeg Cenedlaethol yn gyflogwr Cyfle Cyfartal. 

Mae Gwasanaeth Cynnal Gofalwyr yn sefydliad trydydd sector sy’n darparu gwybodaeth a chefnogaeth i oedolion, gofalwyr di-dâl yng Ngwynedd, Conwy ac Ynys Môn.

Wedi'i sefydlu ym 1991, mae Gwasanaeth Cynnal Gofalwyr yn sefydliad deinamig a blaengar. Mae gofalwyr di-dâl yn wynebu llawer o heriau; mae hwn yn gyfle gwirioneddol i wneud gwahaniaeth i'w bywydau.

Croesewir trafodaethau anffurfiol. Os hoffech drafod y cyfle hwn gyda Cadeirydd neu Is-Gadeirydd neu ofyn am becyn cais, cysylltwch â Julie Oatey yn [email protected].

Mae’r Gwasanaeth yn agored i gytuno trefniadau gweithio hybrid.

CYFREITHIWR (Gwasanaethau Cymdeithasol ac Addysg ) - Mae’r Cyngor wedi gosod ychwanegiad y farchnad ar y swydd hon, sydd yn golygu mai’r uchafswm cyflog ydi £45,496.

Mae’r Cyngor edrych i gyflogi Cyfreithiwr neu Fargyfreithiwr i ymuno a’r tim mewn swydd sydd yn cynghori a gweithredu ar ran y Cyngor ar faterion gofal cymdeithasol oedolion ac addysg. Mae’r gwaith yn cynnwys:

Materion darparu a comisiynu gofal, iechyd meddwl, anabledd, achosion amddifadu o ryddid a chartrefi cofrestredig. 

Materion addysg ,cyfrifoldebau athrawon ac ysgolion, gwaharddiadau, anghenion addysg ychwanegol , dyletswyddau llywodraethwyr.

Mae’r Cyngor am gyflogi unigolyn sydd yn gallu dangos agwedd gadarnhaol a rhagweithiol tuag at y meysydd gwaith ynghyd a’r gallu i weithio fel aelod effeithiol o dîm cyfreithiol yn darparu ystod o wasanaethau i’r Cyngor a’i gleientiaid.

Mae gan Cyngor Gwynedd becyn cyflogaeth deniadol, am ragor o wybodaeth cliciwch ar y [Pecyn Gwybodaeth](https://www.gwynedd.llyw.cymru/cy/cyngor/swyddi/gweithio-i-ni.aspx)

Mae Cyngor Gwynedd yn gweithredu’n fewnol trwy gyfrwng y Gymraeg ac yn cynnig ei holl wasanaethau yn ddwyieithog. Bydd angen i’r ymgeisydd gyrraedd y lefel ieithyddol sy’n cael ei nodi fel un o’r sgiliau hanfodol yn y Manylion Person.

Rydym yn annog pob ymgeisydd am swydd gyda’r Cyngor i gyflwyno ceisiadau yn Gymraeg neu yn ddwyieithog.

(Bydd ceisiadau sydd yn cael eu cyflwyno yn uniaith Gymraeg neu Saesneg yn cael eu trin yn gwbl gyfartal, ond gofynnir i’r ymgeisydd ystyried yn ofalus beth yw gofynion iaith y swydd a’r sefydliad ac a fyddai cyflwyno cais yn uniaith Gymraeg yn fwy addas.)

Am sgwrs anffurfiol gellir cysylltu â Iwan G D Evans ar 01286 679015

Rhagwelir cynnal cyfweliadau dydd Iau, 23/02/2023.

Ffurflenni cais a manylion pellach gan Gwasanaeth Cefnogol, Cyngor Gwynedd, Swyddfa'r Cyngor, Stryd y Jêl, Caernarfon, LL55 1SH

Ffôn: 01286 679076

E-Bost: [email protected]

DYDDIAD CAU: 10.00 O’R GLOCH, DYDD IAU, 16/02/2023

Os yn llwyddiannus i fod ar y rhestr fer am gyfweliad, byddwn yn cysylltu a chwi drwy’r cyfeiriad E-BOST a gofnodwyd gennych ar eich ffurflen gais. Mae angen i chwi sicrhau eich bod yn gwirio eich E-BOST yn rheolaidd.

Urdd Gobaith Cymru yw mudiad ieuenctid cenedlaethol mwyaf Cymru sy’n darparu cyfleoedd i blant a phobl ifanc ac yn eu galluogi i wneud cyfraniad cadarnhaol i’w cymuned a’r byd yn ehangach. 

Ymysg bwrlwm ein canmlwyddiant, dyma ddatgan ein huchelgais heriol i ymestyn cyrhaeddiad ac effaith ein gwaith. Mae hyn yn allweddol os ydym am i’r Gymraeg fod yn ganolog ym mywydau plant a phobl ifanc Cymru, a sicrhau fod pawb yng Nghymru, boed yn siaradwyr Cymraeg ai pheidio, yn teimlo perchnogaeth ac ymdeimlad o berthyn tuag at yr iaith a’i thraddodiadau.

https://www.urdd.cymru/cy/prentisiaethau/

Y Swydd

Mae cyfle cyffrous wedi codi i berson eiddgar, trefnus a brwdfrydig i ymuno ag Adran Prentisiaethau'r Urdd fel Swyddog Gweinyddol Data.

Am fwy o fanylion cysylltwch â Catrin Davis (Pennaeth Prentisiaethau) neu Lisa Fflur (Rheolwr Hwb Sgiliau Hanfodol) [email protected] / [email protected] 

Anfonwch Ffurflen Gais yr Urdd ar e-bost at [email protected] 

Dyddiad Cau – 09 Chwefror 2023

Dyddiad Cyfweld – Wythnos cychwyn 13 Chwefror 2023

A ydych yn siaradwr Cymraeg?

A fyddech yn mwynhau'r cyfle i siarad Cymraeg yn eich gwaith bob dydd, i ddarparu gwasanaeth i'n cwsmeriaid sy'n siarad Cymraeg?

Mae'r Adran Gwaith a Phensiynau (DWP) yn gyfrifol am les, pensiynau a pholisi cynnal a chadw plant ac mae'n gyfrifol am helpu pobl i symud i gyflogaeth, cefnogi pensiynwyr a gwarchod rhai o'r rhai mwyaf bregus yn ein cymdeithas.

Yn DWP rydym wedi ymrwymo i sicrhau bod ein gweithlu yn adlewyrchu'r cymunedau yr ydym yn eu gwasanaethu ac felly rydym am ychwanegu at ein rhwydwaith presennol o gydweithwyr sy'n siarad Cymraeg, drwy recriwtio sawl Anogwr Gwaith dwyieithog (Cymraeg/Saesneg) ledled Cymru.

Fel Anogwr Gwaith dwyieithog (Cymraeg/Saesneg) byddwch yn chwarae rhan allweddol wrth wneud gwahaniaeth go iawn i fywydau pobl, yn enwedig ein cwsmeriaid sy'n siarad Cymraeg drwy eu cefnogi i gael mynediad at wasanaethau'r DWP

Swydd ddisgrifiad

Bydd eich rôl yn cynnwys

• Cael llwyth achosion o gwsmeriaid y byddwch yn gyfrifol amdanynt.
• Meithrin perthnasoedd cadarnhaol gyda'ch cwsmeriaid sy'n eu hannog a'u hysgogi i wneud y gorau o'u potensial gwaith ac enillion a dod yn annibynnol yn ariannol.
• Cynnig cyngor a chefnogaeth i helpu eich cwsmeriaid i chwilio am waith a lle bo angen eu cefnogi i ddatblygu sgiliau i fod yn llwyddiannus yn eu chwiliad swydd mewn amgylchedd digidol e.e. gwefannau chwilio am swydd, e-bost, uwchlwytho dogfennau ac ati
• Cynnal trafodaethau wyneb yn wyneb, digidol a ffôn gyda chwsmeriaid yn ddyddiol, yn Gymraeg neu Saesneg.
• Datblygu gwybodaeth fanwl am y farchnad lafur leol yn rhagweithiol, gan gydnabod y rolau sydd gan ein Partneriaid a Chyflogwyr wrth helpu ein cwsmeriaid i sicrhau cyflogaeth.

Gwneud penderfyniadau amserol, yn seiliedig ar anghenion y cwsmer, i'w cyfeirio at gymorth priodol.

Manyleb bersonol

Meini Prawf Allweddol

I fod yn llwyddiannus bydd angen i chi

• Fod â’r gallu i siarad a deall Cymraeg llafar (Meini Prawf Hanfodol). Cyfyngir Cymraeg ysgrifenedig i ysgrifennu nodiadau byr neu negeseuon. (gweler yr Adran Iaith)
• Cyfathrebu'n dda gyda grŵp amrywiol o gwsmeriaid, partneriaid a chyflogwyr gyda'r nod yn y pen draw o gefnogi pobl i mewn i waith. (Meini Prawf Arweiniol);

Ieithoedd

Y gallu i siarad a deall Cymraeg llafar

Safon Cymraeg Llafar –

Dylai ymgeiswyr allu sgwrsio’n glir a deall Cymraeg llafar i:

• Trafod amgylchiadau personol cwsmeriaid, hanes gwaith ac archwilio nodau swydd
• Egluro rheolau, gofynion a phenderfyniadau budd-daliadau
• Deall cwestiynau cwsmeriaid a gallu ymateb.

Safon Cymraeg Ysgrifenedig -

• Bydd Cymraeg ysgrifenedig yn gyfyngedig i ysgrifennu nodiadau byr neu negeseuon i'ch cwsmeriaid trwy e-bost, neges destun, ac ati.

Sylwer: Lle nad yw ymgeiswyr yn cyrraedd y safon ar gyfer Swyddog Gweithredol o ffin fach, efallai y cynigir swydd ar lefel Swyddog Gweinyddol (AO) iddynt fel ymgeisydd a fu bron â methu. Gall y rolau hyn fod yn benodiadau parhaol neu Gyfnod Penodol yn dibynnu ar ofynion busnes.

Ymddygiadau

Byddwn yn eich asesu yn erbyn yr ymddygiadau hyn yn ystod y broses ddethol:

• Cyfathrebu a Dylanwadu
• Gwneud Penderfyniadau Effeithiol
• Rheoli Gwasanaeth o Ansawdd

Buddion

• Gwyliau blynyddol hael 23 diwrnod ar gyfer staff newydd Llawn Amser (yn codi i 25 ar ôl 1 flwyddyn)
• Holl wyliau’r banc
• Patrymau gweithio hyblyg ar gael
• Absenoldeb mamolaeth, tadolaeth a rhiant cystadleuol
• Pensiwn y Gwasanaeth Sifil  gyda chyfraniad cyflogwr cyfartalog o 27%
• Rhaglen Gymorth i Weithwyr gyda phwyslais ar les 
• Datblygiad Gyrfa a Phersonol trwy Broffesiwn Cyflenwi Gweithredol - ee: cyfle i ymgymryd â Phrentisiaeth Lefel 2 neu 3 mewn Gwasanaeth Cwsmeriaid neu Gweinyddiaeth Busnes
• Cynlluniau disgownt i weithwyr

Yn Gofal Cymdeithasol Cymru, rydym yn darparu arweinyddiaeth ac arbenigedd ym maes gofal cymdeithasol a’r blynyddoedd cynnar yng Nghymru.

Ein gweledigaeth yw gwneud gwahaniaeth cadarnhaol i ofal a chymorth i blant, oedolion a’u teuluoedd a’u gofalwyr.

I wneud hyn, rydym yn arwain ar ddatblygu a rheoleiddio’r gweithlu gofal cymdeithasol, gwella gwasanaethau, data ac ymchwil i wella gofal.

Rydym nawr yn chwilio am Weinyddwr dwyieithog i ymuno â'n tîm. Mae gennym nifer o rolau ar gael, rhai ohonynt yn barhaol, rhai am gyfnod penodol a rhai rhan amser.

Y Manteision

- Cyflog o £26,894 - £29,080 y flwyddyn (pro rata ar gyfer rhan amser)

- 28 diwrnod o wyliau ynghyd â gwyliau banc (cynyddu gyda hyd gwasanaeth) (pro rata ar gyfer rhan-amser)

- Diwrnodau ychwanegol i ffwrdd rhwng y Nadolig a'r Flwyddyn Newydd

- Cynllun pensiwn llywodraeth leol

- Polisi gwaith hyblyg

- Gweithio hybrid

- Polisi absenoldeb teuluol

Y Rôl

Fel Gweinyddwr, byddwch yn darparu cymorth prosiect i'n prosiectau Gwella a Datblygu, grwpiau prosiect, rhwydweithiau a phartneriaethau.

Gan gydlynu cynllunio prosiect, byddwch yn darparu cymorth gweinyddol i gyfarfodydd ac yn sefydlu a chynnal systemau gweinyddol, gweithdrefnau a chronfeydd data.

Byddwch hefyd yn drafftio ac yn dosbarthu papurau, manylebau a chynlluniau ac yn sicrhau cysondeb tôn, brandio a chyfieithu.

Yn ogystal, byddwch yn:

- Coladu data a dadansoddi canlyniadau

- Trefnu digwyddiadau a chyfarfodydd

- Adolygu a diweddaru cynnwys y fewnrwyd a'r wefan

Amdanoch Chi

Er mwyn cael eich ystyried yn Weinyddwr, bydd angen:

- Rhuglder yn y Gymraeg a'r Saesneg

- Profiad o weinyddu busnes

- Profiad o ddarparu cymorth gweinyddol mewn cyfarfodydd, gan gynnwys cymryd cofnodion

- Gwybodaeth o'r sector cyhoeddus

- Rheoli amser a blaenoriaeth effeithiol

- Sgiliau trefnu a chyfathrebu ysgrifenedig rhagorol

- Hyfedredd TG, gan gynnwys Teams a Zoom

Mae’n hanfodol bod deiliad y swydd yn gallu cyflawni pob tasg a chyfrifoldeb gyda hyfedredd cyfartal yn y Gymraeg a’r Saesneg.

Y dyddiad cau ar gyfer y rôl hon yw 5 Mawrth 2023.

Bydd ceisiadau’n cael eu hadolygu wrth iddynt ddod i mewn felly gall y rôl hon gau yn gynt na’r dyddiad a hysbysebir.

Gallai sefydliadau eraill alw'r swydd hon yn Gydlynydd Prosiect, Cydlynydd Datblygu Rhaglen, Cydlynydd Gwella Rhaglen, Cynorthwyydd Gweinyddol, Gweinyddwr Prosiect, Cynorthwyydd Personol, Cynorthwyydd Personol, EA, Cynorthwyydd Gweithredol, Ysgrifennydd, Derbynnydd, neu Swyddog Gwella a Datblygu.

Felly, os ydych chi am ymuno â ni fel Gweinyddwr, gwnewch gais trwy'r botwm a ddangosir. Mae'r swydd wag hon yn cael ei hysbysebu gan Webrecruit. Mae'r gwasanaethau a hysbysebir gan Webrecruit yn rhai Asiantaeth Gyflogaeth.

Mae Gwersyll Glan-Llyn yn chwilio am staff yn yr Adran Cegin a Llety ar gyfer swyddi coginio, gweini a pharatoi bwyd yn ogystal a swyddi glanhau. 

Cyflog:  £11.30 yr awr (£20,566 y flwyddyn, pro rata).

Cytundeb: Parhaol, gyda’r oriau gwaith i’w trafod. Gellir trafod patrwm shifftiau hyblyg.    Am fwy o fanylion cysylltwch â Huw Symonds ar 01678 541000 neu [email protected].   Mae’r cyfle hwn yn agored i siaradwyr Cymraeg yn ogystal ag unigolion di-gymraeg gyda’r awydd i ddysgu.   Mae’r Urdd yn cefnogi a hyrwyddo cydraddoldeb ac amrywiaeth yn ein holl waith a gweithgareddau. Rydym yn croesawu ymgeiswyr o bob cefndir a chymuned, ac yn benodol y rhai sydd heb gynrychiolaeth ddigonol yn ein gweithlu ar hyn o bryd. Mae’r rhain yn cynnwys ond nid ydynt yn gyfyngedig i ymgeiswyr anabl a phobl ddiwylliannol ac ethnig amrywiol. 

Mae S4C yn chwilio am Arweinydd Amrywiaeth, Cynaliadwyedd a Phwrpas Cymdeithasol i arwain strategaeth uchelgeisiol i drawsnewid y ffordd mae S4C a’r sector yn cynrychioli ac yn adlewyrchu Cymru. Byddwch yn gyswllt gweithgar gyda’r cymunedau sy’n cael eu tangynrychioli yn y sector ac ar y sgrin - yn benodol pobl ddu, Asiaidd a lleiafrifoedd ethnig, pobl anabl, pobl o gymunedau di-freintiedig a phobl LHDTC+. 

Byddwch hefyd yn gyfrifol am reoli rhaglen Amgylcheddol, Gymdeithasol a Llywodraethu (‘ACLl/ESG’) cyffredinol S4C. Byddwch yn mapio ac yn gweithredu strategaeth i reoli a gwella rheolaeth y sefydliad ar bynciau ACLl/ESG. O fewn cylch gorchwyl y gwaith yma byddwch yn arwain ar faterion amgylcheddol, wrth gydlynu gyda rhanddeiliaid a thimoedd eraill yn S4C i adnabod ffyrdd o wella ein harferion a’n gweithgareddau mewn perthynas â materion amgylcheddol a chynaladwyedd (sustainability).

Mae hon yn rôl newydd fydd yn llywio ymrwymiad S4C i adlewyrchu Cymru heddiw ac yn sicrhau fod S4C yn parhau i ddatblygu ei strategaeth a’i pholisïau i gyfrannu at ffyniant cymdeithasol Cymru ac yn ymateb i gyfleoedd a heriau arbennig. Bydd y rôl hon yn gofyn i chi weithio gyda thimoedd S4C yn gyffredinol a gyda'n rhanddeiliaid allweddol a'n partneriaid ledled Cymru. Bydd y swydd â chyfrifoldeb i weithredu fel bod y sector sgrin yn gynhwysol a chynrychioladol, yn sicrhau lles y sawl sy’n gweithio ynddo ac i sicrhau bod ein cynnwys yn cael ei greu gyda’r ôl-troed carbon isaf er mwyn gwarchod yr amgylchedd ar gyfer y dyfodol. Mae S4C ar gyfer pawb, a bydd y rôl hon yn gweithredu a gwireddu’r nôd hwn a chreu budd cymdeithasol gan adlewyrchu Cymru.

Mae’r gallu i gyfathrebu i safon dda yn Gymraeg ac yn Saesneg ar lafar ac yn ysgrifenedig yn hanfodol i’r rôl yma. Mae cefnogaeth ar gael i ddarparu cyrsiau gloywi iaith Gymraeg neu i fagu hyder os oes angen.

Manylion Eraill

Lleoliad: Lleoliad arferol eich gwaith fydd Canolfan S4C yr Egin, Caerfyrddin, SA31 3EQ. Mae gan S4C swyddfeydd yng Nghaerfyrddin, Caerdydd a Chaernarfon ac maent yn gweithredu polisi gweithio’n hybrid. Disgwylir i chi deithio i le bynnag y bydd S4C yn rhesymol yn ei orchymyn. 

Cyflog: Yn unol â phrofiad

Cytundeb: Parhaol

Oriau gwaith: 35¾ yr wythnos. Oherwydd natur y swydd, disgwylir hyblygrwydd, gan gynnwys gweithio tu allan i oriau swyddfa, ar rai penwythnosau a gwyliau banc.

Cyfnod prawf: 6 mis

Gwyliau: Yn ychwanegol i'r gwyliau banc statudol, bydd gennych hawl i 26 diwrnod o wyliau gyda thâl y flwyddyn.

Pensiwn: Mae hawl gan staff cyflogedig ymuno â Chynllun Pensiwn Personol Grŵp yn ddarostyngedig i delerau unrhyw gynllun sydd mewn bodolaeth ac a ddiwygiwyd o dro i dro. Os byddwch yn aelod o’r Cynllun Pensiwn Personol Grŵp, bydd S4C yn cyfrannu 10% o’ch cyflog sylfaenol i’r Cynllun. Disgwylir i chi gyfrannu 5%. 

Ceisiadau 

Dylid anfon ceisiadau erbyn 17.00 ar ddydd Mawrth 14 Chwefror 2023 at [email protected] neu Adnoddau Dynol, Canolfan S4C, Yr Egin, Caerfyrddin, SA31 3EQ. 

Nid ydym yn derbyn CV.

Ni fydd cais a gyflwynir yn Gymraeg yn cael ei drin yn llai ffafriol na chais a gyflwynir yn Saesneg.

**Cyfle Cyfartal ac Amrywiaeth **

Nid yw S4C yn caniatáu gwahaniaethu ar sail rhyw, hil, lliw, anabledd, cefndir ethnig neu economaidd-gymdeithasol, oedran, amgylchiadau teuluol, statws priodasol neu bartneriaeth sifil, gweithwyr amser llawn neu ran-amser, crefydd, safbwynt gwleidyddol, cyfeiriadedd rhywiol, ailbennu rhywedd, beichiogrwydd a mamolaeth, defnydd ar iaith (heblaw lle bo’r gallu i gyfathrebu yn Gymraeg yn hanfodol i’r swydd) neu wahaniaeth amherthnasol arall ac mae’n ymroi i weithio gydag amrywiaeth mewn ffordd gadarnhaol. 

Mae S4C yn croesawu ac yn annog ceisiadau gan grwpiau o bobl sydd wedi’u tangynrychioli, gan gynnwys grwpiau pobl ddu a lleiafrifoedd ethnig a phobl ag anableddau. Bydd egwyddorion cystadleuaeth deg ac agored yn berthnasol a phenodir ar sail teilyngdod. 

Ail Hysbyseb - Mae UCAC yn chwilio am berson brwdfrydig a medrus i ymuno â'n tîm gweithgar. Prif waith y Swyddog Cyllid fydd arwain a bod yn gyfrifol am faterion cyllid yr undeb o ddydd i ddydd.

Disgrifiad:

Trosolwg o’r rôl

Mae’r Swyddog Cyllid yn gyfrifol am gynllunio, monitro a gweinyddu materion cyllid yr Undeb

Rheolwr Llinell: Ysgrifennydd Cyffredinol

Cyllid • Paratoi adroddiadau a rhagamcanion ariannol er mwyn caniatáu monitro a chynllunio ariannol effeithiol 

• Mynychu cyfarfodydd mewnol perthnasol i gyflwyno gwybodaeth ac ateb cwestiynau ynghylch materion cyllid

• Paratoi adroddiadau a manylion ariannol ar gyfer yr Archwilwyr erbyn diwedd Ionawr yn flynyddol, a mynychu cyfarfodydd gyda’r Archwilwyr

• Codi anfonebau, derbynebau ac ymdrin â biliau perthnasol gan gynnwys costau teithio

• Gwirio, codio a chofnodi taliadau / symudiadau (transactions) ariannol yr undeb o ddydd i ddydd

• Prosesu a gwirio debyd uniongyrchol / Instruction Run

• Casglu taliadau aelodaeth trwy Debyd Uniongyrchol (BACS) yn fisol, prosesu negeseuon BACS (megis AUDDIS, ADDACS ac ARUDD)

• Talu cyflog a phensiwn staff ar ddiwedd bob mis trwy system BACS a’r meddalwedd perthnasol a chydweithio gyda chwmni allanol sy’n gweinyddu’r gyflogres i ddarparu gwybodaeth berthnasol

• Cynorthwyo’r Ysgrifennydd Cyffredinol i weinyddu trefniadau yswiriant UCAC trwy ddarparu manylion perthnasol

• Gwneud taliadau achlysurol yn seiliedig ar benderfyniadau’r Gymhorthfa / Cynllun Digolledi

• Talu honoraria yn flynyddol i’r Llywydd Cenedlaethol a’r Trysorydd Cenedlaethol

Mae S4C yn darparu gwasanaeth newyddion digidol sydd yn dod a’r newyddion diweddaraf i gynulleidfa Gymraeg o amrywiol ffynonellau. Y nod yw cyrraedd a gwasanaethu cynulleidfa iau na’r hyn sy’n gwylio Newyddion S4C ar deledu, er mwyn iddyn nhw fedru cael newyddion amrywiol yn y Gymraeg, ar ffurf fideo a thestun, pryd bynnag a lle bynnag maen nhw eisiau.

Dyma gyfle i fod yn rhan o wasanaeth arloesol fydd yn siapio hinsawdd newyddiadurol Cymru i’r dyfodol.

Gyda bys ar byls newyddion Cymreig a’r cyfryngau digidol bydd gennych syniadau creadigol a dyfeisgar am sut i ddatblygu gwasanaeth digidol o’r newydd a denu dilyniant.

Bydd gennych brofiad golygyddol a dealltwriaeth o’r gyfraith yn ymwneud â’r wasg a’r cyfryngau, yn ogystal â’r gallu i adeiladu perthnasau positif gyda phobl a sefydliadau er mwyn datblygu a chynnal partneriaethau.

Gyda sgiliau ieithyddol cryf bydd gennych y gallu i sicrhau safon a chywirdeb, a’r ddawn i gynnal tôn ac arddull priodol ar gyfer y gwasanaeth.

Bydd gennych drwyn am stori a’r gallu i fod yn greadigol gyda’r cynnwys gan gynhyrchu cynnwys o safon sy’n dal y llygad ac yn creu sŵn.

Byddwch yn arddel gwerthoedd cynhwysol a byddwch yn frwd dros sicrhau bod amrywiaeth o bob math yn cael ei adlewyrchu gan y gwasanaeth.

Mae’r gallu i gyfathrebu yn rhugl i lefel uchel yn y Gymraeg a Saesneg gyda staff ac eraill ar bob lefel, yn ysgrifenedig ac ar lafar, a’r sgiliau i sicrhau cywirdeb ieithyddol y gwasanaeth yn hanfodol i’r rôl yma.

Manylion eraill

Lleoliad: Canolfan S4C yr Egin, mae S4C yn gweithredu polisi gweithio’n hybrid. Mae gan S4C swyddfeydd yng Nghaerfyrddin, Caerdydd a Caernarfon.

Cyflog: Yn unol â phrofiad

Cytundeb: 12 mis (cyfnod mamolaeth)

Oriau gwaith: Bydd eich oriau gwaith arferol yn ôl patrwm sifft weithredol, sef cyfanswm o 18 awr yr wythnos. Mae eich y rôl yn rhan o dîm sydd yn cynnal gwasanaeth 7 diwrnod yr wythnos.                 Cyfnod prawf: 6 mis

Gwyliau: Yn ychwanegol i'r gwyliau banc statudol, bydd gennych hawl i 26 diwrnod o wyliau gyda thâl y flwyddyn.

Pensiwn: Mae hawl gan staff cyflogedig ymuno â Chynllun Pensiwn Personol Grŵp yn ddarostyngedig i delerau unrhyw gynllun sydd mewn bodolaeth ac a ddiwygiwyd o dro i dro. Os byddwch yn aelod o’r Cynllun Pensiwn Personol Grŵp, bydd S4C yn cyfrannu 10% o’ch cyflog sylfaenol i’r Cynllun. Disgwylir i chi gyfrannu 5%. 

Ceisiadau 

Dylid anfon ceisiadau erbyn 17.00 ar ddydd Llun 6 Chwefror at [email protected] neu Adnoddau Dynol, Canolfan S4C, Yr Egin, Caerfyrddin, SA31 3EQ.  

Nid ydym yn derbyn CV.

Gellir cyflwyno ceisiadau yn y Gymraeg. Ni fydd unrhyw gais a gyflwynir yn y Gymraeg yn cael ei drin yn llai ffafriol na chais a gyflwynir yn y Saesneg.

Mae’r Urdd yn fudiad unigryw ac ers 1922 wedi cynnig profiadau gwerthfawr i fwy na 4 miliwn o blant a phobl ifanc yng Nghymru drwy feysydd Chwaraeon, Celfyddydol, Preswyl, Dyngarol, Rhyngwladol a Gwirfoddol.

Rydym wedi meithrin cenedlaethau o ferched a dynion ifanc i fod yn falch o’u gwlad, yn agored i’r byd ac yn ymgorfforiadau o’n hiaith a’n diwylliant, yn ogystal â meddu ar y gwerthoedd byd-eang y parchir yng Nghymru.

Ar ddiwedd blwyddyn ein canmlwyddiant, dyma ddatgan ein huchelgais i barhau i ymestyn cyrhaeddiad ac effaith ein gwaith a’r bobl ifanc Cymru. Mae hyn yn allweddol os ydym am i’r Gymraeg fod yn ganolog ym mywydau plant a phobl ifanc ein gwlad, a sicrhau fod pawb yng Nghymru, boed yn siaradwyr Cymraeg ai pheidio, yn teimlo perchnogaeth ac ymdeimlad o berthyn tuag at yr iaith a’i thraddodiadau.   Y Swydd

Nod y swydd fydd cynyddu cyfranogaeth plant a phobl ifanc mewn gweithgaredd chwaraeon cyson, drwy gyfrwng y Gymraeg.

Am fwy o fanylion cysylltwch â’r Rheolwyr Prentisiaethau: [email protected] / [email protected]

I ymgeisio, anfonwch Ffurflen Gais Prentisiaethau’r Urdd ar e-bost at: [email protected]    Dyddiad Cau: 28 Chwefror 2023

Mae Prifysgol Cymru y Drindod Dewi Sant (PCYDDS) yn brifysgol sy'n canolbwyntio ar gyflogaeth ac sy'n ymroddedig i sicrhau bod myfyrwyr o gefndiroedd amrywiol yn datblygu'r wybodaeth academaidd a'r sgiliau ymarferol i ffynnu.

Cawsom ein gosod yn y 13eg safle ar gyfer ansawdd yr addysgu yng Nghanllaw Prifysgolion Da 2022 The Times a'r Sunday Times, ac yn yr wythfed safle yn y DU ar gyfer ‘Cynhwysiant Cymdeithasol’ yn nhabl y gynghrair hon eleni.

Rydym yn chwilio ar hyn o bryd am Cynorthwy-ydd Profiad Cwsmer (Digwyddiadau) i ymuno â’n campws yng Nghaerfyrddin yn llawn-amser am gyfnod parhaol gan weithio 37 awr yr wythnos. 

- Y RÔL –

Disgwylir i ddeiliad y swydd weithio’n effeithiol heb oruchwyliaeth barhaus a chyfrannu tuag at amgylchedd gyfeillgar a chreadigol y Ganolfan. Bydd yn cydweithio’n agos ac yn effeithiol gyda’r Cydlynydd Digwyddiadau a Phrosiectau er mwyn cefnogi gweithgareddau amrywiol yn y ganolfan ac ar-lein gan sicrhau trefniadaeth llyfn ac effeithiol. Elfen bwysig arall o’r rôl yw cefnogi rhaglen greadigol Yr Egin gan gynorthwyo’r Swyddog Cyfathrebu i hyrwyddo digwyddiadau byw, cynadleddau, sinema a gweithdai, ynghyd â sicrhau defnydd effeithiol o feddalwedd swyddfa docynnau a phlatfformau digidol a chyfryngau cymdeithasol. 

Darllenwch y Swydd-ddisgrifiad i gael rhagor o wybodaeth, lle cewch hefyd restr o feini prawf hanfodol a dymunol ‘Manyleb y Person'. 

- AMDANOCH CHI -

I gael eich ystyried ar gyfer rôl y Cynorthwy-ydd Profiad Cwsmer (Digwyddiadau), bydd arnoch angen y canlynol:

-   Addysg gyffredinol dda

-   Tystiolaeth o ddarparu gwasanaeth cwsmeriaid o safon uchel

-   Profiad o weinyddu trefniadau cyfarfodydd, cynadleddau neu ddigwyddiadau 

-   Profiad blaenorol o ddarparu cefnogaeth weinyddol o safon

-   Hyddysg mewn TG ac yn meddu ar wybodaeth am becynnau Microsoft Office, a phlatfformau'r cyfryngau cymdeithasol ac ar-lein

-   Y gallu i gydlynu gweithgareddau’n effeithiol 

-   Medrusrwydd gyda phlatfformau arlein 

-   Yn barod i weithio’n hyblyg, gan gynnwys teithio rhwng campysau a lleoliadau pan fo angen

-   Cydnabod yr angen am gyfrinachedd priodol a gallu gweithredu ar hynny

-   Dangos parch tuag at ystod amrywiol o bobl

-   Siaradwr/aig Cymraeg gyda’r gallu i sgwrsio’n hyderus yn y rhan fwyaf o sefyllfaoedd gyda’r gallu i ysgrifennu am faterion annhechnegol*

Byddai’n fuddiol hefyd pe bai gennych y canlynol:

-   Profiad blaenorol o weithio mewn lleoliad digwyddiadau byw, theatr neu sinema

-   Diddordeb brwd yn y diwydiannau creadigol.

- BUDDION -

- Bydd gennych hawl i 28 diwrnod o wyliau blynyddol y flwyddyn, yn ogystal ag wyth gŵyl banc a phedwar diwrnod pan fydd y Brifysgol ynghau

Mae ein cyflogeion yn cael mynediad at becyn cyflog a buddion gwych yn gydnabyddiaeth am eu cyfraniad gwerthfawr, sy'n cynnwys:

- Cyflog ac amodau da; rydym yn gyflogwr cyflog byw achrededig ac yn cynnig cyflog cystadleuol

- Aelodaeth o gynllun pensiwn gan yr USS i ddarparu buddion i chi a'ch teulu

- Polisïau sy'n ystyriol o deuluoedd ac sy'n darparu ar gyfer gweithio'n hyblyg, gan gynnwys absenoldeb mamolaeth a thadolaeth ychwanegol â thâl

- Cyfleoedd o ran gyrfa a datblygiad, gan gynnwys cymorth i ennill rhagor o gymwysterau

- Cymorth ar gyfer iechyd meddwl a llesiant, gan gynnwys gwasanaethau iechyd galwedigaethol a chymorth cwnsela

- Gostyngiadau i staff ar ystod o gynhyrchion a gwasanaethau

- Cynlluniau teithio, gan gynnwys y cynllun beicio i'r gwaith

Felly, os ydych yn awyddus i chwarae rhan allweddol yn y gwaith o gynnal ein Prifysgol yn rôl y Cynorthwy-ydd Profiad Cwsmer (Digwyddiadau), gwnewch gais trwy'r botwm a ddangosir.

Nodwch nad yw'r broses ymgeisio hon yn cynnwys yr opsiwn i gyflwyno CV. Felly, asesir eich cais ar sail eich atebion i gwestiynau'r cais yn unig, ac yn arbennig ar sail eich Datganiad Personol. 

Dyddiad cau: 8 Chwefror 2023, 11:59pm

Mae Newyddion S4C yn wasanaeth newyddion digidol sydd yn dod a’r newyddion diweddaraf i gynulleidfa Gymraeg. Y nod yw cyrraedd a gwasanaethu cynulleidfa ehangach na’r rhai sy’n gwylio newyddion ar deledu, a hynny ar ffurf fideo a thestun, pryd bynnag a lle bynnag maen nhw eisiau.

Dyma gyfle unigryw i fod yn rhan o wasanaeth fydd yn siapio hinsawdd newyddiadurol Cymru i’r dyfodol. 

Gyda diddordeb brwd mewn newyddion Cymreig a’r cyfryngau digidol bydd gennych syniadau creadigol a dyfeisgar am sut i ddatblygu’ gwasanaeth digidol a denu dilyniant.

Bydd gennych drwyn am stori a’r gallu i fod yn greadigol gyda’r cynnwys gan gynhyrchu cynnwys o safon sy’n dal y llygad ac yn creu sŵn.

Gyda sgiliau ieithyddol da byddwch yn ysgrifennu yn gywir ac yn ystwyth a bydd gennych y ddawn i gynnal tôn ac arddull priodol ar gyfer y gwasanaeth.

Byddwch yn arddel gwerthoedd cynhwysol a byddwch yn frwd dros sicrhau bod amrywiaeth o bob math yn cael ei adlewyrchu gan y gwasanaeth.

Mae’r gallu i gyfathrebu yn rhugl yn y Gymraeg a Saesneg i safon dda gyda staff ac eraill ar bob lefel, yn ysgrifenedig ac ar lafar yn hanfodol ar gyfer y rôl yma.

Manylion eraill

Lleoliad: Canolfan S4C Yr Egin. Mae S4C yn gweithredu polisi gweithio’n hybrid. Mae gan S4C swyddfeydd yng Nghaerfyrddin, Caerdydd a Caernarfon.

Cyflog: Yn unol â phrofiad

Cytundeb: Parhaol

Oriau gwaith: Bydd eich oriau gwaith arferol yn ôl patrwm sifft weithredol, sef cyfanswm o 35¾ awr yr wythnos. Eich rôl yw cynnal gwasanaeth 7 diwrnod yr wythnos. O ganlyniad bydd eich patrwm sifft ar draws 7 diwrnod, ac yn unol â gofynion y gwasanaeth.

Cyfnod prawf:     6 mis

Gwyliau: Yn ychwanegol i'r gwyliau banc statudol, bydd gennych hawl i 26 diwrnod o wyliau gyda thâl y flwyddyn.

Pensiwn: Mae hawl gan staff cyflogedig ymuno â Chynllun Pensiwn Personol Grŵp yn ddarostyngedig i delerau unrhyw gynllun sydd mewn bodolaeth ac a ddiwygiwyd o dro i dro. Os byddwch yn aelod o’r Cynllun Pensiwn Personol Grŵp, bydd S4C yn cyfrannu 10% o’ch cyflog sylfaenol i’r Cynllun. Disgwylir i chi gyfrannu 5%. 

Ceisiadau 

Dylid anfon ceisiadau erbyn 17.00 ar ddydd Llun 6 Chwefror 2023 at [email protected] neu Adnoddau Dynol, Canolfan S4C, Yr Egin, Caerfyrddin, SA31 3EQ. 

Nid ydym yn derbyn CV.

Gellir cyflwyno ceisiadau yn y Gymraeg. Ni fydd unrhyw gais a gyflwynir yn y Gymraeg yn cael ei drin yn llai ffafriol na chais a gyflwynir yn y Saesneg.

Mae’r Gwasanaethau Gwybodaeth eisiau penodi cydlynydd datblygu sgiliau academaidd ar sail cyfnod penodol, i gefnogi’r gwaith o ddatblygu sgiliau Gwasanaethau Gwybodaeth. Bydd y swydd hon yn cefnogi cydweithwyr yn y GG i ddatblygu a chyflwyno rhaglen o hyfforddiant sgiliau digidol, llythrennedd gwybodaeth ac academaidd, gan ddarparu gwybodaeth ddwyieithog am sgiliau, deunyddiau ac adnoddau, gan gynnwys cymorth un i un yn ogystal â chreu deunyddiau dysgu ar-lein yn Gymraeg a Saesneg i gefnogi'r agenda datblygu sgiliau gan gynnwys creu gwefan sgiliau academaidd newydd.

Gellir gwneud ymholiadau anffurfiol drwy gysylltu â Nia Ellis neu Elizabeth [email protected] / [email protected].

Fel arfer fe benodir i swyddi o fewn 4 - 8 wythnos wedi’r dyddiad cau.

Beth fyddwch chi’n ei wneud

Y mae’r disgrifiad swydd hwn yn amodol ar ei adolygu a’i ddiwygio yng ngoleuni anghenion cyfnewidiol y Brifysgol, i ddarparu cyfleoedd datblygu priodol ac/neu i ychwanegu dyletswyddau ychwanegol eraill. 

- Cysylltu â staff gwasanaethau academaidd a phroffesiynol i greu presenoldeb ar-lein hygyrch ar wefan PA i fyfyrwyr a staff gael gwybodaeth am wasanaethau digidol, gwybodaeth a sgiliau academaidd, hyfforddiant a chefnogaeth.

- Hyrwyddo gwasanaethau sgiliau digidol, gwybodaeth ac academaidd, hyfforddiant a chymorth i randdeiliaid amrywiol trwy ddulliau gwahanol gan gynnwys y cyfryngau cymdeithasol, gweithgareddau ymgysylltu, digwyddiadau a sgyrsiau yn Gymraeg a Saesneg.Gweithio gyda Chymorth Dysgu i Fyfyrwyr, y tiwtor Sgiliau Academaidd a'r Gwasanaethau Gwybodaeth i drefnu amserlen gwbl ddwyieithog o sesiynau hyfforddi ar gyfer israddedigion ac uwchraddedigion.

- Gweithio gyda myfyrwyr a staff academaidd i nodi gofynion hyfforddi sgiliau Cymraeg.

- Gweithio gyda chydweithwyr i gynhyrchu adnoddau Cymraeg ar gyfer sgiliau academaidd, sy'n cyfateb i adnoddau Saesneg ac fel adnoddau pwrpasol ar gyfer y rhai sy'n astudio drwy gyfrwng y Gymraeg.

- Canfod a churadu deunyddiau parod i ddarparu hyfforddiant ar-lein ar sgiliau digidol, gwybodaeth ac academaidd.

- Gweithio gyda Gyrfaoedd, Gwasanaethau Gwybodaeth a staff academaidd ar sgiliau academaidd ar gyfer categorïau penodol o fyfyrwyr e.e. Uwchraddedigion, myfyrwyr nyrsio ac ati.

- Gweithio gyda chydweithwyr yn y Gwasanaethau Gwybodaeth i ddod â chymorth sgiliau ynghyd i sicrhau bod myfyrwyr yn gallu deall a chael mynediad hawdd at y cyfleoedd sydd ar gael ac i osgoi dyblygu.

- Sicrhau dull cyson o ddarparu hyfforddiant.

- Datblygu, monitro a gwerthuso effeithiolrwydd y ddarpariaeth hyfforddiant, gan gynhyrchu adroddiadau i ddangos perfformiad ac effaith, yn ôl y gofyn, a defnyddio hyn i wella a datblygu gwasanaethau.

- Cyfrannu at y gwaith o gynllunio a datblygu darpariaeth sgiliau academaidd yn y Gwasanaethau Gwybodaeth yn y dyfodol drwy fod yn aelod o'r Grŵp Sgiliau.

- Cyflwyno hyfforddiant i fyfyrwyr ar sgiliau digidol, gwybodaeth ac academaidd.

- Gweithio gyda chydweithwyr yn y GG, yng Nghanolfan Gwasanaethau’r Gymraeg a chyda chydweithwyr academaidd er mwyn sicrhau gwasanaeth cyson i fyfyrwyr ar draws pob adran yn y brifysgol.

- Ymgymryd â dyletswyddau a chyfrifoldebau iechyd a diogelwch sy’n briodol i’r swydd.

- Bod yn ymroddedig i Bolisi Cyfle Cyfartal ac Amrywioldeb y Brifysgol, ynghyd â dealltwriaeth ynglŷn â sut y mae’n gweithredu o fewn cyfrifoldebau’r swydd.

- Bod yn ymroddedig i’ch datblygiad eich hunan a datblygiad eich staff, drwy ddefnyddio proses ‘Cynllun Cyfraniad Effeithiol y Brifysgol yn effeithiol.

- Unrhyw ddyletswydd resymol a gofynnir sy'n gymesur â gradd y rôl.

Rydyn ni'n chwilio am Gydlynydd Corfforaethol i ymuno â'r tîm.

Cyfle i gynorthwyo timoedd y Prif Weithredwr, Cyllid a Strategol, ynghyd â gweinyddu trefniadau cyfarfodydd y Bwrdd Rheoli a’r Cyngor, a rheoli swyddfa’r Eisteddfod yng Nghaerdydd, gan ateb y ffôn, ymateb i ymholiadau a chroesawu ymwelwyr i’r swyddfa, a llawer mwy. 

DISGRIFIAD SWYDD

Prif Ddyletswyddau

- Cynnig gwasanaeth cefnogol effeithiol i dimoedd y Prif Weithredwr, Cyllid a Strategol.

- Gweinyddu trefniadau ar gyfer cyfarfodydd y Cyngor a’r Bwrdd gan gynnwys anghenion teithio a llety fel bo angen.

- Ymateb fel bo’n briodol i e-byst cyffredinol [email protected], i ymwelwyr i’r swyddfa, a galwadau ffôn allanol.

- Rheoli’r swyddfa o ddydd i ddydd gan gynnwys ateb y ffôn, ymdrin â’r post ac e-byst, croesawu ymwelwyr a dyletswyddau clerigol eraill gan gynnwys goruchwylio’r cyflenwad offer swyddfa, llungopïo a sganio. 

- Cyfrifoldeb dros restr llety staff a gwirfoddolwyr blynyddol.

- Cyd-lynu’r trefniadau ar gyfer byrbryd noddwyr blynyddol yr Eisteddfod yn ystod yr ŵyl.

- Sicrhau bod cyfleusterau/lluniaeth yn eu lle, boed hynny yn y swyddfa neu mewn canolfannau eraill. 

- Trefnu a chynnal ffeiliau electroneg ar gyfer prosiectau penodol.

- Cadw cofnodion mewn cyfarfodydd amrywiol.

Math o gytundeb: Parhaol

Cyflog: £23,000 - £24,411. Penodir ar waelod y raddfa.

Dyddiad cau: 3 Chwefror 2023

Sut i ymgeisio: Cwblhewch y ffurflen gais a’i dychwelyd at [email protected]. Mae croeso i chi gysylltu â [email protected] i drefnu sgwrs anffurfiol cyn y dyddiad cau.

Rydyn ni'n chwilio am Gydlynydd Artistig i ymuno â'r tîm.

Cyfle i gynorthwyo Adran Artistig yr Eisteddfod, gan gynnig cefnogaeth weinyddol, paratoi contractau, gwybodaeth i’w gyhoeddi yn y Rhaglen a’r platfformau digidol, a rheoli gweinyddiaeth prosiectau arbennig fel Côr yr Eisteddfod, ynghyd â chynorthwyo gyda’r elfen gystadlu drwy gydol y flwyddyn, a llawer mwy. 

DISGRIFIAD SWYDD

Prif Ddyletswyddau

- Cynorthwyo’r Cyfarwyddwr Artistig, y Dirprwy Gyfarwyddwr Artistig a’r Rheolwr Cystadlu.

- Gweinyddu cytundebau artistiaid, beirniaid a chyfeilyddion.

- Trefnu bywgraffiadau a lluniau’r artistiaid a chystadleuwyr buddugol.

- Trefnu a gweinyddu cyfarfodydd pwyllgorau gwaith a phanelau lleol a chanolog.

- Gweinyddu amserlen Cymdeithasau gan gydlynu trefniadau a gwybodaeth gyda sefydliadau perthnasol a pharatoi’r cynnwys ar gyfer y Rhaglen a phlatfformau amrywiol yr Eisteddfod.

- Cynorthwyo i gysylltu gydag artistiaid a chystadleuwyr yn ystod yr ŵyl, gan gyd-gordio rhwng cystadleuwyr, beirniaid a stiwardiaid; gweinyddu beirniadaethau a rhagbrofion.

- Gweinyddu'r broses o ddewis Cyflwynwyr yr Orsedd a’r ddawns flodau a gweinyddu ceisiadau i’r Panel Urddau.

- Cynnal a diweddaru bas-data o gystadleuwyr, beirniaid a rhanddeiliaid.

- Gweinyddu prosiectau arbennig, e.e. côr yr Eisteddfod a’r côr plant.

- Trefnu a chofnodi cyfarfodydd y tîm artistig.

Math o gytundeb: Parhaol

Cyflog: £23,000 - £24,411. Penodir ar waelod y raddfa.

Dyddiad cau: 3 Chwefror 2023

Sut i ymgeisio: Cwblhewch y ffurflen gais a’i dychwelyd at [email protected]. Mae croeso i chi gysylltu â [email protected] i drefnu sgwrs anffurfiol cyn y dyddiad cau.

Rydyn ni'n chwilio am Reolwr Technegol i ymuno â'r tîm.

Cyfle i arwain ar drafodaethau cytundebol, paratoi’r cynlluniau a’r polisïau ar gyfer adeiladu a dymchwel y Maes, ynghyd â chynllunio’r Maes a’i adnoddau, iechyd a diogelwch, y cynllun trafnidiaeth, rheoli contractwyr ar y Maes, cynaliadwyedd a llawer mwy. 

DISGRIFIAD SWYDD

Prif Ddyletswyddau

- Arwain, cynghori a chynrychioli’r Eisteddfod yn weithredol mewn trafodaethau, gan gynnwys trafodaethau cytundebol, gyda rhanddeiliaid a phartneriaid perthnasol allanol gan sicrhau fod yr holl brosesau cyfreithiol a chydymffurfiaeth perthnasol yn cael eu dilyn. Hyn yn cynnwys asiantaethau allanol megis y BBC a chwmnïau darlledu eraill.

- Arwain trafodaethau a chynghori rhanddeiliaid perthnasol er mwyn paratoi dogfennau cynllunio a pholisïau e.e. cynlluniau trafnidiaeth, polisi llygredd, cynlluniau argyfwng ayyb.

- Paratoi a chyflwyno ceisiadau am y trwyddedau angenrheidiol.

Cynhyrchu, rheoli, a diwygio’r Cynlluniau Rheoli Digwyddiadau (CRhA) fel bo’r angen.

- Paratoi dogfennau cydymffurfiaeth gan rannu gwybodaeth perthnasol gyda chyd-weithwyr.

- Paratoi, a rheoli’r broses o sicrhau cytundebau ffafriol gyda’r holl gwmnïau sy’n darparu adnoddau technegol i’r Eisteddfod.

- Paratoi ac arwain ar adolygu cynlluniau holl feysydd yr ŵyl gan sicrhau gwasanaethau addas priodol.

- Rheoli iechyd a diogelwch yr ŵyl gan gynnwys cydymffurfiaeth gyda rheolau CDM.

- Rheoli cynllun trafnidiaeth yr ŵyl.

- Paratoi, adolygu a rheoli amserlen paratoi a dymchwel y Maes.

- Sicrhau bod yr holl drefniadau technegol yn gweithredu’n llyfn ac yn effeithiol yn ystod yr ŵyl.

- Paratoi cynllun ac arolygu’r drefn stiwardio.

- Rheoli contractwyr ar y maes fel bo’n berthnasol e.e. timau diogelwch, glanhau, ayyb.

- Rheoli prosiectau cynllunio a gweithredu holl feysydd yr ŵyl gan gynnwys materion cytundebol, staffio, hyfforddi, rhanddeiliaid, cwsmeriaid a chyllidebau.

- Arwain ar Gynlluniau Cynaliadwyedd y corff.

- Goruchwylio Amserlenni Cynhyrchu Digwyddiadau.

- Rheoli a datblygu staff y storfa.

- Cydgordio a goruchwylio’r cyfundrefnau amrywiol ar Faes yr Eisteddfod e.e. hygyrchedd, rheoli cerbydau.

Math o gytundeb: Parhaol

Cyflog: £41,800 - £44,365. Penodir ar waelod y raddfa.

Dyddiad cau: 8 Chwefror 2023

Cyfweliadau: 16 / 17 Chwefror (lleoliad i’w gadarnhau).

Sut i ymgeisio: Cwblhewch y ffurflen gais a’i dychwelyd at [email protected]. Mae croeso i chi gysylltu â [email protected] i drefnu sgwrs anffurfiol cyn y dyddiad cau.

Rydyn ni'n chwilio am Reolwr Cystadlu i ymuno â'r tîm.

Cyfle i arwain ar holl elfennau marchnata a chyfathrebu’r Eisteddfod, gan gynnwys ein platfformau digidol a’n gwefan, gan gynnwys ein sianeli cyfryngau cymdeithasol, llunio a gweithredu ein strategaethau cyfathrebu lleol a chenedlaethol, y wasg a’r cyfryngau, hysbysebu, creu copi mewn print ac ar-lein, a llawer mwy.  

DISGRIFIAD SWYDD

Prif Ddyletswyddau

- Arwain ar gynllun hyrwyddo’r cystadlu gan gydweithio gydag ystod o rhanddeiliaid e.e. prifysgolion, grwpiau ieuenctid, i ddenu cystadleuwyr newydd mewn cydweithrediad gyda’r Rheolwr Marchnata a Chyfathrebu.

- Paratoi cynnwys, prawf ddarllen a threfnu’r Rhestr Testunau a’r elfen gystadlu ar gyfer y Rhaglen.

- Gweinyddu cytundebau’r beirniaid, y cyfeilyddion a’r cystadleuwyr.

- Creu, cynnal a diweddaru system gystadlu, beirniaid a rhanddeiliaid.

- Gweinyddu'r cystadlaethau cyfansoddi a chydweithio gyda’r Cyfarwyddwr Artistig i baratoi'r Cyfansoddiadau a Beirniadaethau.

- Gweinyddu'r cystadlaethau llwyfan a gohebu gyda chystadleuwyr, arweinyddion, beirniaid, cyfeilyddion, clercod rhagbrofion ayyb yn unigol ar faterion sy’n ymwneud ag amserlenni, testunau cystadlu, mynediad a thocynnau bwyd, beirniadaethau ayyb fel bo’n briodol.

- Gweinyddu a chynghori’r Panelau Canolog a’r Pwyllgor Diwylliannol.

- Gweinyddu amserlenni cystadlaethau a threfnu amser ymarferiadau.

- Rheoli’r llyfrgell gerdd ac arwain ar ddigideiddio’r cynnwys.

- Gweinyddu’r broses sy’n ymwneud â darnau prawf a hunan ddewisiad, gan gynnwys prynu a chofnodi, ffeilio, cyfieithiadau, cyd-gysylltu gyda golygyddion, trwyddedu, hawlfraint, gosod geiriau, paratoi gwybodaeth i gystadleuwyr a chynorthwyo gyda phecynnau i’r beirniaid.

- Paratoi cylchlythyrau ar gyfer cystadleuwyr yn rhannu dyddiadau pwysig a chyfleoedd posibl mewn cydweithrediad gyda’r -Rheolwr Marchnata a Chyfathrebu.

- Goruchwylio elfen gystadlu Y Lle Celf gan gydweithio gyda’r swyddogion celf.

Math o gytundeb: Parhaol

Cyflog: £34,250 - £36,352. Penodir ar waelod y raddfa.

Dyddiad cau: 8 Chwefror 2023

Cyfweliadau: 16 / 17 Chwefror (lleoliad i’w gadarnhau).

Sut i ymgeisio: Cwblhewch y ffurflen gais a’i dychwelyd at [email protected]. Mae croeso i chi gysylltu â [email protected] i drefnu sgwrs anffurfiol cyn y dyddiad cau.